ཁ་སང་ངྷ་སྟེང་བོད་ཁྱིམ་སློབ་གྲྭའི་སློབ་མ་བརྒྱ་ཙམ་ལ་ཟས་དུག་ཕོགས་ཏེ། བོད་མིའི་སྒྲིག་འཛུགས་བདེ་ལེགས་སྨན་ཁང་དང་བོད་ཁྱིམ་སློབ་གྲྭའི་སྨན་ཁང་གཉིས་སུ་སྨན་བཅོས་བྱེད་ཀྱི་འདུག
ཁ་སང་ཕྱི་ཚེས་ ༡༧ ཉིན་ངྷ་སྟེང་བོད་ཁྱིམ་སློབ་གྲྭའི་ནང་ལོ་ལྟར་རྒྱ་གར་མེ་ལཱ་དུས་སྟོན་ཚོགས་བཞིན་པ་ལྟར། སློབ་གྲྭའི་ཁམས་ཚན་བཞི་དང་སྡེ་ཚན་ཁག་གི་དགེ་སློབ་རྣམས་ཀྱི་ངོས་ནས་རྩེད་མོའི་རིགས་དང་ཟས་རིགས་འདྲ་མིན་གོ་སྒྲིག་བྱས་ཏེ། སློབ་གྲྭའི་ནང་ཁུལ་དུ་་དུས་སྟོན་སྲུང་གཙིའི་བྱ་འགུལ་ཞིག་སྤེལ་ཡོད་ཅིང་། ཕྱི་དྲོ་དུས་སྟོན་མཇུག་སྒྲིལ་མཚམས་སློབ་མ་ཁག་ཅིག་ལ་ཞེ་མེར་ལངས་པ་དང་ཚ་བ་འཕར་བ།མགོ་ན་བ་སོགས་ཀྱི་གནས་ཚུལ་བྱུང་སྟེ། སློབ་གྲྭའི་སྨན་ཁང་དུ་བསྐྱལ་ཡོད་པ་དང་། རྗེས་སུ་ནད་པའི་གྲངས་འབོར་ཇེ་མང་དུ་ཕྱིན་སྟེ་བདེ་ལེགས་སྨན་ཁང་དུ་སློབ་མ་ ༡༥ དང་། སློབ་གྲྭའི་སྨན་ཁང་དུ་སློབ་མ་ ༨༠ ཡས་མས་བསྐྱལ་དགོས་བྱུང་འདུག
གནས་ཚུལ་དེའི་ཐད་ངྷ་སྟེང་བོད་ཁྱིམ་གྱི་འགན་འཛིན་ཕུན་ཚོགས་རྣམ་རྒྱལ་ལགས་སུ་བཅར་འདྲི་ཞུས་པར་ཁོང་གིས། “ སློབ་མ་མང་ཆེ་བ་ཞོག་ཁོག་གི་རིགས་དང་ཆུ་གྲང་མོ་བཅས་ཟ་མ་འདྲ་མིན་ཟོས་པ་ལ་བརྟེན་ནས་བྱུང་འདུགཁ་སང་གནས་ཚུལ་བྱུང་རྗེས་ཞེ་མེར་ལངས་མཁན་དང་གྲོད་ཁོག་བཤལ་མཁན་གྱི་སློབ་མ་རེ་རེ་བཞིན་སྐད་ཆ་དྲིས་པར། ཁོང་ཚོ་མང་ཆེ་བས་ཞོག་ཁོག་ཟོས་འདུག ཡིན་ནའང་། ཞོག་ཁོག་ཟ་མཁན་ཚང་མ་ན་མི་འདུག ཕྱིས་སུ་ལས་བྱེད་དང་ཟ་མ་བཟོ་མཁན་ཡོངས་ལ་སྐད་ཆ་དྲིས་པར། ཟ་མ་ཁས་ཉིན་དགོང་དྲོའི་ཆུ་ཚོད་ ༩ པའི་སྟེང་བཟོས་འདུག ཁ་སང་ཕྱི་དྲོ་ཆུ་ཚོད་ ༤ པ་ནས་འདང་དགོང་ཆུ་ཚོད་ ༡༢ བར་དུ་ཛ་དྲག་གི་རིགས་བདེ་ལེགས་སྨན་ཁང་དང་གཞན་རྣམས་སློབ་གྲྭའི་སྨན་ཁང་དུ་བསྐྱལ་བ་ཡིན། དེའི་ནང་སེམས་ནང་དངངས་སྐྲག་སྐྱེས་ཏེ་སྨན་ཁང་ཕྱིན་མཁན་ཡང་ཁ་ཤས་འདུག མདང་དགོང་བདེ་ལེགས་སྨན་ཁང་གི་ཨམ་རྗེ་ཚེ་བརྟན་ལགས་དང་སྨན་པ་ཁག་ཅིག་བསླེབས་སོང་། དེ་རིང་ཞོགས་པའི་བར་སློབ་མ་༩༠ལྷག་སྨན་ཁང་དུ་བསྐྱལ་དགོས་བྱུང་ཡང། ཛ་དྲག་གི་གནས་ཚུལ་ཅི་ཡང་བྱུང་མེད་པར་ད་ལྟ་བདེ་ལེགས་སྨན་ཁང་དུ་ཡོད་པའི་སློབ་མ་ཚང་མ་སློབ་གྲྭའི་སྨན་ཁང་དུ་ཡོང་ཡོད་ལ།ཁག་ཅིག་ཕྱིར་སློབ་གྲྭར་བཏང་ཡོད། ” ཅེས་བརྗོད་བྱུང་།
སྨན་ཁང་དུ་ཡོད་པའི་སློབ་མ་ཨོ་རྒྱན་དོན་འགྲུབ་ལ་སྐད་ཆ་དྲིས་པར། “ ང་ཚོ་མང་ཆེ་བས་མེ་ལཱ་དུས་ཆེན་སྐབས་ཞོག་ཁོག་རིགས་མང་པོ་ཟོས་པ་རེད། ཞོག་ཁོག་མང་ཆེ་བ་གསར་བ་མིན་པ་དང་ཁམས་ཚན་ཁག་གི་ཟས་རིགས་འདྲ་མིན་ཟོས་པ་ལ་བརྟེན་ནས་སློབ་མ་མང་པོའི་གྲོད་ཁོག་ན་འདུག” ཅེས་བརྗོད་བྱུང་།སློབ་གྲྭའི་སྨན་པ་ཆུང་བདག་ལགས་སུ་དྲིས་པར། “ ཁ་སང་དང་ཐོག་ཚ་བ་འཕར་བ་དང་གྲོད་ཁོག་ན་མཁན་གྱི་སློབ་མ་ཁག་ཅིག་འདིར་བསྐྱལ་སོང་། སྐབས་དེར་ལམ་སེང་ཕྱིར་མ་བཏང་བར་འདི་ནས་ངལ་གསོ་རུ་བཅུག་པ་ཡིན། ཕྱིས་སུ་སློབ་མ་མང་དུ་ཕྱིན་སྟབས། ང་ཚོས་རེ་རེ་བཞིན་སྐད་ཆ་དྲིས་པ་དང་མཉམ་དུ་བརྟག་དཔྱད་བྱས་པ་ཡིན། སློབ་མ་ཚོའི་སྐད་ཆ་དང་ན་ཚ་ཡོང་སྟངས།ནད་རྟགས་བཅས་ལས་ཟས་དུག་ཡིན་པ་ར་འཕྲོད་བྱུང་། ཡིན་ནའང་། ཟས་དུག་འདི་གང་ནས་བྱུང་མིན་དང་འབྱུང་རྐྱེན་གཙོ་བོ་ཅི་ཞིག་ཡིན་མིན་ང་ཚོས་ཞིབ་འཇུག་མ་བྱས་ན་ཤེས་ཀྱི་མི་འདུག “ ཅེས་བརྗོད་བྱུང་།
༢༠༠༩ ལོའི་ཕྱི་ཟླ་ ༩ པའི་ཚེས་ ༢༢ ཉིན་ངྷ་ཤོད་བོད་ཁྱིམ་སློབ་གྲྭའི་ནང་ཟས་དུག་གིས་རྐྱེན་པས་སློབ་མ་ ༡ འདས་གྲོངས་སུ་ཕྱིན་ཡོད་ལ། སློབ་མ་མང་པོ་ཞིག་བདེ་ལེགས་སྨན་ཁང་དང་སློོབ་གྲྭའི་སྨན་ཁང་དུ་སྨན་བཅོས་བྱེད་དགོས་པའི་གནས་ཚུལ་ཡང་བྱུང་མྱོང་ཡོད།
གསར་འགོད་པ། དོན་གོ
ཟས་འདྲ་མིན་ཟ་རྒྱུ་ནི་ལྷན་སྐྱེས་ཀྱི་བཤིས་ཀ་ཞིག་རེད་ལ་སྲོག་འཚོ་ཕྱིར་མ་ཟོས་རང་ཟོས་རེད། ཡིན་ན་ཡང་ཟས་བཟང་ངན་གང་དང་གང་ཡིན་ན་ལྟོ་ལ་འཕྲོད་མིན་དེ་འང་སུས་ཀྱང་བཤད་དཀའ་གི་རེད་ལ་སུས་ཀྱང་འགན་ལེན་ཐུབ་རྒྱུ་མ་རེད། གལ་སྲིད་བཟང་ལ་བཟང་ལན་དང་ངན་ལ་ངན་ལེན་ཡོད་པའི་བོད་མི་སྒྲིག་འཛུག་ཞིག་དང་མ་མའི་བུ་ཡིན་ན། སྐུ་ཆེ་དང་ཤོས་བོད་མི་མང་ཁ་རུ་འཁྱེར་བའི་རྒྱལ་འཚོང་པ་དེ་ཚོ་མེད་པ་བཟོ་རོགས།
ཡིད་གཟབ་བྱོས། གྲོང་རྟགས་མ་བསྟན། དངུལ་མ་མ་བལྟ། འཕྲོད་བསྟེན་གལ་ཆེ་བར་ལྟོས།
སློབ་གྲྭ་རང་སྐྱོང་ཡིན་ནའང་། མི་དམངས་བོད་མིའི་སྒྲིག་འཛུགས་ཀྱི་འོག་རེད། འདི་ལ་བཀའ་ཤག་གིས་ཞིབ་འཇུག་ཚོགས་ཆུང་ཞིག་བཙུགས་ནས། སློབ་སྤྱི་དེ་རེ་ཞིག་རྒྱང་ཕུད་དམ། ཡང་ན་གནས་རིམ་དམའ་ས་ཞིག་ལ་གནས་སྤར་གཏོང་དགོས། གནད་དོན་འདི་ཐེངས་དང་པོ་མ་རེད།
ལོ་ལྟར་སློབ་གྲ་རུ་ཟས་དུག་ཆགས་པ་དེ་འཛིན་སྐྱོངས་ཀྱིས་སློབ་ཕྲུག་གི་འཕྲོད་བསྟན་ལ་དོ་སྣང་གཏན་ནས་མེད་པའི་དཔང་རྟགས་རེད།
ལོ་སྔོན་མ་སློབ་གྲྭ་ཟས་དུག་བྱུང་དུས་༧སྐྱབས་མགོན་རིན་པོ་ཆེ་དགོངས་པ་འཚོམ་པ་གོ་སོང་།
བོད་ཁྱིམ་སློབ་གྲྭའི་ནང་གི་རུལ་སུངས་ཀྱི་གནས་ཚུལ་དེ་ཚོ་གླེང་མི་ཕོད་པ་ཞིག་རརད།
ད་ལོ་སུས་ཇ་བོད་ཁྱིམ་ནས་དགེ་རྒན་རྒན་འཁོགས་ཤིག་གིས་འཛིན་གྲྭ་དྲུག་པའི་བུ་མོ་ཞིག་ལ་བཙན་གཡེམ་བྱས་ནས་ཕྲུག་ཆགས་འདུག་ཟེར།
དེ་ཚོ་སྤྱི་འཐུས་གྲོགས་ཚོགས་ལ་གླེང་ནས་ཐག་གཅོད་ནན་པོ་བྱ་དགོས་བ་རེད།
༼ཟས་ཚོད་ཚོད་ཟས་ན་ལྟོ་ལ་བདེ།། གཏམ་ཚོད་ཚོད་བཤད་ན་རྣ་ལ་སྙན།།༽ནམ་རྒྱུན་ཟས་རིགས་དེ་འདྲ་རེག་གི་མེད་པ་དང་། རེག་པའི་ཉིན་མོ་ཧམ་ཟས་བྱས་པས་རེད། སློབ་ཕྲུག་ཚོར་ཁག་མི་འདུག ངེས་པར་དགེ་སློབ་ཚོ་དང་སློབ་གྲྭའི་ཨེམ་ཆི་སོགས་ཀྱིས་འགན་འཁུར་གནང་དགོས་པ་རེད། གུང་གསེང་དེའི་ཉིན་མོ་སོ་སོར་སློབ་ཕྲུག་ཚོས་ཡག་པོ་བྱས་སོང་ན་ད་འགྲིགས་སོང་བ་མ་རེད། ན་ནིང་བར་ཡང་དེ་འདྲ་བྱུང་སོང་ང་། གཟིགས་རྟོགས་གནང་རྒྱུ་གལ་ཆེན་རེད། སློབ་ཕྲུག་གཅེས་ཕྲུག་ཚོ་༼ཟ་མ་གཞན་གྱི་རེད། གྲོད་ཁོག་རང་གི་རེད།༽གཟབ་གཟབ་གནང་རོགས། རང་ཉིད་ཡོད་ན་ཟ་མ་ཡོད་ཡོད་པ་རེད།