གཟའ་སྤེན་པ་ཉིན་ཝར་ཎ་མཐོ་སློབ་ཏུ་སློབ་ཐོན་མཛད་སྒོ་ཞིག་ཚོགས་ཏེ། སློབ་ཐོན་པ་༢༨༤ ལ་ཨཱ་ཅརྱ་དང་ཤཱསྟི་ལག་འཁྱེར་སྤྲད་ཡོད།
ཟླ་འདིའི་ཕྱི་ཚེས་ ༡༧ ཉིན་ཝར་ཎ་དབུས་བོད་ཀྱི་གཙུག་ལག་སློབ་གཉེར་ཁང་གི་ཤེས་ཡོན་ལྷན་ཚོགས་ཀྱི་གོ་སྒྲིག་འོག སྐབས་བཅུ་བཞི་པའི་བསླབ་པ་མཐར་སོན་གྱི་མཛད་སྒོ་མཐོ་སློབ་ཀྱིི་ཨ་ཏི་ཤཱའི་ཚོགས་ཁང་དུ་ཚོགས་ཡོད་ཅིང་། མཛད་སྒོའི་སྐུ་མགྲོན་གཙོ་བོར་རྒྱ་གར་གྲོས་ཚོགས་འོག་མའི་ཚོགས་གཙོ་ལྕམ་མུ་རཱ་ཀུ་མར་མཆོག་དང་། རྒྱ་གར་གྱི་མཁས་དབང་ལོ་ཀེ་ཤཱ་ཅན་ཊ། ཨ་རིའི་ཀོ་ལིམ་པི་ཡཱ་གཙུག་ལག་སློབ་ཆེན་གྱི་ངེས་སྟོན་སློབ་དཔོན་རཱོ་བྷར་ཐར་མཱན་བཅས་དང་། ཕྱི་ནས་ཕེབས་པའི་མཁས་དབང་དང་དགེ་སློབ་བཅས་ཁྱོན་མི་ ༦༠༠ ལྷག་འདུ་འཛོམས་བྱུང་ཡོད།
མཛད་སྒོའི་ཐོག་ཝར་ཎ་མཐོ་སློབ་ཀྱི་སློབ་སྤྱི་དགེ་བཤེས་ངག་དབང་བསམ་གཏན་མཆོག་གིས། རྒྱ་གར་གྲོས་ཚོགས་འོག་མའི་ཚོགས་གཙོ་ལྕམ་མུ་རཱ་ཀུ་མར་མཆོག་གིས་རྒྱ་གར་གྱི་དམངས་གཙོ་དང་ཤེས་ཡོན། འགྲོ་བ་མིའི་རིན་ཐང་སྲུང་སྐྱོབ་བཅས་ཀྱི་ཐོག་གནང་བའི་རླབས་ཆེན་གྱི་མཛད་རྗེས་དང་།རྒྱ་གར་གྱི་མཁས་དབང་ལོ་ཀེ་ཤཱ་ཅན་ཊ་མཆོག་དང་ཀོ་ལིམ་པི་ཡཱ་གཙུག་ལག་སློབ་ཆེན་གྱི་ངེས་སྟོན་པ་རཱོ་བྷར་ཐར་མཱན་མཆོག་རྣམ་གཉིས་ཀྱིས། བོད་ཀྱི་ལེགས་བྱང་དང་ནང་པའི་རིག་གཞུང་གོང་སྤེལ་ཐད་ཞབས་འདེགས་རླབས་ཆེན་བསྒྲུབ་པའི་མཛད་རྗེས་ལ་ཆེ་བསྟོད་ཀྱི་ཚུལ་དུ “ངག་གི་བདག་པོ། ” ཞེས་པའི་ཚད་འཛིན་ཕྱག་འཁྱེར་ཕུལ་ཡོད་པ་མ་ཟད། ཕྱི་ལོ་ ༢༠༠༨ ལོ་ནས་ ༢༠༡༡ ལོའི་བར་གྱི་སྡེ་ཚན་གཉིས་དང་ཁྱད་འཕགས་སློབ་དཔོན་དང་སློབ་དཔོན། གསོ་བ་རིག་པ། རྩིས་རིག་པ། བསྟན་བཅོས་གནས་རིམ་ཁག་གི་མཐར་ཕྱིན་སློབ་མ་ ༢༨༤ ལ་ཕྱག་འཁྱེར་ཕུལ་ཡོད།
མཇུག་ཏུ་ཀོ་ལི་པེ་ཡཱ་གཙུག་ལག་སློབ་ཆེན་གྱི་ངེས་སྟོན་སློབ་དཔོན་རཱོ་བྷར་ཐར་མཱན་མཆོག་གིས། ཝཱ་ཎ་དབུས་བོད་ཀྱི་
གཙུག་ལག་སློབ་གཉེར་ཁང་གིས་འཛམ་གླིང་གི་སློབ་ཆེན་གཞན་དང་མི་འདྲ་བར། སློབ་མ་རྣམས་ལ་ནང་བསམ་བློ་དང་ཀུན་སྤྱོད་ཡར་རྒྱས་ཀྱི་སློབ་གསོ་གཙིགས་ཆེན་དུ་བཟུང་བཞིན་པ་དེ། འཛམ་གླིང་དགོས་མཁོ་ཞིག་ཏུ་གྱུར་ཡོད་སྟབས། མ་འོངས་པར་མུ་མཐུད་རྒྱུན་འཛིན་ཡུན་གནས་ཐུབ་པར་འབད་པ་བྱ་དགོས་པའི་གཏམ་བཤད་གནང་འདུག་ལ། ལྕམ་མུ་རཱ་ཀུ་མར་མཆོག་གིས། དེར་ཡོད་སློབ་མ་རྣམས་ལ་བསླབ་པ་སློབ་གཉེར་ནི། མིའི་སྤྱི་ཚོགས་བློ་གྲོས་དང་སྤྱོད་ལམ་སོགས་ཕྱོགས་ཡོངས་ཀྱི་ནུས་པ་སྐྱེད་སྲིང་བྱེད་པའི་ལག་ཆ་གཙོ་བོ་ཞིག་ཡིན་པ་དང་། ལྷག་པར་དུ་དུས་རབས་ ༢༡ པའི་འཛམ་གླིང་གི་ཤེས་ཡོན་དང་དཔལ་འབྱོར་འཕེལ་མྱུར་སྐབས་འདིར་གསར་གཏོད་ཀྱི་ཤེས་ཡོན་གལ་ཆེན་ཆགས་ཡོད་སྐོར་དང་། འཛམ་གླིང་གི་ཡར་རྒྱས་འགྲོ་བཞིན་པའི་རྒྱལ་ཁབ་ཁག་ཏུ་དབུལ་བོ་ཉམ་ཐག་དང་འཁྲུག་འཛིང་འཁོན་འཛིན་སོགས་བྱུང་སྟེ། ཡར་རྒྱས་ཀྱི་རྣམ་པ་ཅི་ཡང་ཐོན་ཐུབ་ཀྱི་མེད་པའི་གནད་འགག་གཙོ་བོ་ཡང་། ཤེས་ཡོན་ལ་རག་ལས་ཡོད་སྟབས། མ་འོངས་པར་སློབ་མ་ཚོའི་ངོས་ནས་ཤེས་ཡོན་ཐོག་འབད་པ་བྱ་དགོས་པའི་གཏམ་བཤད་སོགས་གནང་སོང་།
སློབ་ཐོན་པ་རྣམས་ལ་འཚམས་འདྲི་དང་ད་བར་བོད་ཀྱི་ནང་དོན་རིག་པའི་སློབ་གཉེར་གྱི་ནང་དོན་གང་ཡིན་དང་དེ་ཇི་ལྟར་ཉིན་རེའི་འཚོ་བའི་ནང་ལག་ལེན་འགེལ་དགོས་མིན་ཐད་མྱོང་ཚོར་ཆེན་པོ་བྱུང་ཡོད་ངེས་ལ་རྗེས་སུ་ཡི་རང་ཞུ། དེ་དང་ལྷན་དུ་དགེ་སློབ་རིས་སུ་མ་མཆིས་པ་ཡོངས་ཐུགས་མཐུན་ཁྲིམས་གཙང་གི་སྒོ་ནས་ལམ་བསླབ་པ་གསུམ་ལ་ཉམས་ལེན་དང་ཆོས་སྡེ་སྣོད་གསུམ་ལ་འཆད་ཉན། ཐོས་བསམ་སྒོམ་གསུམ་ཟླ་བ་ཡར་གྱི་ངོ་བཞིན་གོང་ནས་གོང་དུ་འཕེལ་བའི་སྨོན་འདུན་ཞུའོ།།།།།།།།
བཙན་བྱོལ་ནང་གི་མཐོ་སློབ་ཚད་ལྡན་གཅིག་པུ་ཡོད་པ་དེའི་སློབ་ཐོན་པ་ཡོངས་ལ་མཚམས་འདྲི་གྲངས་མེད་ཞུ། ཁྱེད་ཀྱི་རྣམས་ཀྱི་མ་འོངས་པའི་སྤྱི་ཚོགས་ལ་ཕན་པའི་བྱ་གཞག་ཡོངས་རྫོགས་ལམ་ལྷོངས་ཡོང་བའི་སྨོན་འདུན་གྲངས་མེད་ཞུ། དམིགས་བསལ་དུ་ཨཅརྱ་ཐོན་པ་དེ་ལས་སླ་པོ་ཞིག་མིན། བྱས་ཙང་དམིགས་བསལ་དུ་ཁྱེད་རྣམས་ལ་དགའ་བསུ་ཞུ།
ཕྱག་ཁྱེར་བཞེས་པའི་སློབ་མ་ཡོངས་ལ་འཚམས་འདྲི་གྲངས་མེད་ཞུ་རྒྱུ། །ཁྱེད་རྣམས་ཀྱིས་ལོ་ངོ་དེ་དག་གི་རིང་ལ་གནས་ལྔ་་རིག་པའི་གཙུག་ལག་སློབ་གཉེར་ཁང་དེའི་ནང་དུ་སློབ་སྦྱོང་བྱེད་པ་བཞིན་། བོད་ཀྱི་ཆོས་རིག ལེགས་བྱང་། ལྷག་པར་ཉམས་ཉེས་སུ་འགྲོ་བཞིན་ཡོད་པའི་བོད་ཀྱི་སྐད་ཡིག་འདིའི་ཐོག་རླབས་ཆེན་གྱི་མཛད་རྗེས་འཇོག་ཐུབ་པའི་སྨོན་འདུན་ཞུ། །
ཝ་ར་སློབ་གཉེར་ཁང་གི་དགེ་སློབ་ཡོངས་ལ་བསླབ་པ་མཐར་སོན་གནང་བའི་མཛད་རྗེས་ལ་བཀྲ་ཤིས་བདེ་ལེགས་ཞུ།
ཧ་དགའ་བའི་ཐོག་ནས་རྟེན་འབྲེལ་ཞུ། ད་གང་དུ་ཕེབས་ཀྱང་དོན་ཕན་ལྡན་པའི་ཕྱག་ལས་གནང་རྒྱུ་དེ་རེད།