འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཁ་སང་ཞོགས་པའི་བོད་ནང་གི་ཆུ་ཚོད་ ༦ ཙམ་ལ་བོད་ཨ་མདོའི་ཕྱོགས་སུ་སྐད་གྲགས་ཡོད་པའི་ཐུན་ཏེ་འབའ་རྫོང་གི་བོད་རིགས་ན་གཞོན་རྡུང་ལེན་པ་རྡོ་རྗེ་ཚེ་བྷེ་ལགས་འབའ་རྫོང་དྲག་ཆས་ཉེན་རྟོག་པ་ཚོས་སྤྱི་ཚེས་ ༡༨ ཉིན་ས་གནས་བོད་རིགས་སེར་སྐྱ་མི་མང་གིས་རྒྱ་གཞུང་ལ་ཞི་བའི་ངོ་རྒོལ་སྐབས་མགོ་ཁྲིད་མཁན་ཡིན་པའི་དོགས་གཞིའི་འོག་འཛིན་བཟུང་བྱས་ཡོད་འདུག
ཁོང་གི་བཟའ་ཟླ་དང་བུ་ཕྲུག་ལའང་ཕྱི་ཚེས་ ༡༨ ཉིན་འབའ་རྫོང་སྲིད་གཞུང་མདུན་དུ་རྒྱ་དམག་གིས་འབར་རྫས་གཡུགས་ཏེ་མང་ཚོགས་ལ་དྲག་གནོན་བྱས་པའི་ཁྲོད་རྨས་སྐྱོན་ཕོག་ཡོད་འདུག ཚེས་ ༡༨ ཉིན་ནས་རྒྱ་གཞུང་གིས་ས་གནས་དེའི་བོད་མི་ཚོ་གང་བྱུང་དུ་འཛིན་བཟུང་བྱེད་ཀྱིན་ཡོད་འདུག
གདོང་སྨུག་གོ་དུང་གི་སོ་སྒོ་ཅན།།
སྐད་སྙན་མོ་མིག་ལས་གཟི་འོད་འཕྲོ།།
ལུས་དར་བབ་ཕོ་ཡི་བརྗིད་ཉམས་མཆིས།།
གཞིས་བྱེས་ཀྱི་བདེ་སྡུག་གླུ་རུ་གྱེར།།
བོད་ཆོས་ལྡན་སྟག་ཤར་ལ་རྒྱ་ཅན།།
གླུ་བ་རྡོ་རྗེ་ཚེ་བྷེ་ལགས་ཀྱི་སྙན་མོ་ངག་གིས་བདག་ལ་བག་ཆགས་ཟབ་མོ་ཞིག་བཞག་ཡོད། ལྷག་པར་ ་་་་་་་་་་་་་
གངས་སེང་དཀར་མོ་ཁྱེད་རང་གང་དུ་ཕེབས། །
ཁྱེད་མེད་པའི་གངས་དཀར་ལྷུན་པོའི་མགུལ། །
ཁྱི་རྡ་ལིའི་ཟུག་སྐད་ཇེ་མཐོ་རེད། །
ཡིད་བཞིན་ནོར་བུ་ཁྱེད་རང་གང་དུ་ཕེབས། །
ཁྱེད་མེད་པའི་གངས་ཅན་བོད་ཡུལ་འདིར། །
སྡུག་མུན་པའི་སྨག་རིམ་ཇེ་འཐིབས་རེད། ། ཟེར་ནས་བླངས་པའི་རྡུང་ལེན་དེའི་དབྱངས་རྟ་དང་། ཚིག་གི་ཉམས་འགྱུར་ཚང་མ་ཉམས་སུ་མྱོང་ན་བོད་ནང་གི་གནས་སྟངས་ཀུན་པོ་སེམས་ནང་དུ་འཆར་ཐུབ།
ཕོ་སར་གཟུགས་ལ་གདོང་དམར་བུ་ཞིག་ཡོད།།
སྙན་མོའི་ངག་ན་ཞི་བདེའི་ཕ་ས་ཡོད།།
ལ་རྒྱའི་སེམས་ན་རེ་བའི་དུངས་ཀ་ཡོད།།
ཉི་མ་དེ་རིང་ཁྱེད་རང་དྲན་ནས་ཡོད།།
ཁོང་ནི་རྡུང་ལེན་འགྲན་ཚོགས་སྐབས་གཉིས་པའི་ནང་དུ་བྱ་དགའ་ཨང་གསུམ་པ་ལེན་མཁན་ཞིག་དང་། ལྷག་པར་ཨ་མདོ་ཕྱོགས་ནས་སྔོན་མ་ལ་གཞས་ལེན་མཁན་གྲགས་ཅན་ཞིག་རེད་ལ། འོད་སྡེར་ཁག་ཅིག་ཀྱང་ཡོད། ཕོ་གསར་དེ་མཐོང་ན་དངོས་གནས་སྨུག་པོ་གདོང་དམར་བོད་ཟེར་ན་འདི་ལོས་ཡིན་བསམ་སྤྱད་ཅིག་དང་། སྐྱེ་གཟུགས་དྲང་ཞིང་སྐད་ངག་བདེ། ད་དུང་མི་རིགས་ཀྱི་ལ་ཞེན་དེའི་དབང་གིས་སྔོན་མ་ཡང་ཐེངས་ཤིག་ལ་འཛིན་བཟུང་བཀག་ཉར་བྱས་པ་རེད། རྡུང་ལེན་པ་ཚེ་བྷེ་ལབ་ན་ཤེས་མཁན་ཧ་ཅང་མང་།
ད་ངས་ངོ་མ་བཤད་མི་ཤེས་ཀི། ཅི་ཡང་བཤད་མི་ཤེས་ཀི།
ཨ་ཧོ་ ད་ནི་དགྱ་ནག་ཚང་གིས་མིང་གྲགས་ཡོད་པ་དང་མེད་པ་ཚང་མ་འཛིན་འགྲོ་གིན
ལས་སྐལ་ཟེར་བ་དེ་མིན་ནམ