ཉེ་ཆར་ཨ་རིར་ཡོད་པའི་རྒྱ་རིགས་སློབ་མ་ཁག་ཅིག་གིས། ཧུའུ་ཅིན་ཐའོ་དང་ཞི་ཅིན་ཕེན་གཉིས་ལ་དམར་ཤོག་གཅིག་སྡུད་ལམ་ལུགས་མཚམས་འཇོག་དགོས་པའི་འབོད་སྐུལ་ཞུས་འདུག
ཕྱི་ལོ་ ༡༩༨༩ ཟླ་ ༦ ཚེས་ ༤ ལ་རྒྱ་ནག་དམར་གཞུང་གིས་པེ་ཅིན་ཐེན་ཨན་མེན་ཐང་ཆེན་དུ་ཞི་བའི་ལས་འགུལ་སྤེལ་མཁན་སློབ་ཕྲུག་སྟོང་ཕྲག་འགའ་སྡེབས་གསོད་བྱས་ཏེ་ལོ་ ༢༣ འཁོར་ལ་ཉེ་བའི་སྐབས་དང་བསྟུན་ནས། ཨ་རིའི་མཐོ་སློབ་ཁག་ནང་སློབ་སྦྱོང་བྱེད་བཞིན་པའི་རྒྱ་རིགས་སློབ་མ་ ༨ ཀྱིས། ད་ལྟའི་རྒྱ་གཞུང་སྲིད་འཛིན་ཧུའུ་ཅིན་ཐོའོ་དང་། མ་འོངས་སྲིད་འཛིན་ཞི་ཅིན་ཕེན་གཉིས་ཀྱི་མིང་ཐོག་ལ་ཡོངས་བསྒྲགས་སྙན་ཞུ་ཞིག་ཕུལ་ཏེ། དམར་ཤོག་གཅིག་སྡུད་ལམ་ལུགས་མཚམས་འཇོག་དགོས་པའི་འབོད་སྐུལ་གནང་འདུག
ཡོངས་བསྒྲགས་སྙན་ཞུ་དེའི་ནང་ཧུའུ་དང་ཞིས་གཉིས་ཀྱིས་རྒྱ་ནག་རྒྱལ་ཡོངས་སྐབས་ ༡༨ པའི་ཚོགས་ཆེན་སྟེང་། དམར་ཤོག་གཅིག་སྡུད་ལམ་ལུགས་མཚམས་འཇོག་གིས་མི་མང་འོས་འདེམས་ལམ་ལུགས་ལག་བསྟར་བྱས་ཏེ། ཁྲིམས་སྲིད་རང་རྐྱ་འཕེར་བ་བཟོ་དགོས་པར་མ་ཟད། དྲུག་བཞི་སློབ་མའི་དོན་རྐྱེན་དཀར་འདོན་བྱས་ཏེ། གནོད་འཚེ་ཕོག་མཁན་མི་མང་ལ་གུན་གསབ་སྤྲོད་པ་དང་། དྲག་གནོན་ལག་དམར་བ་རྣམས་ཁྲིམས་ལ་སྦྱོར་ཏེ་ཆབ་སྲིད་བསྒྱུར་བཅོས་ཀྱི་གོམས་སྟབས་མདུན་དུ་བསྐྱོད་དགོས་པའི་འབོད་སྐུལ་ཞུས་ཡོད་འདུག
སློབ་ཕྲུག་སྟོང་ཕྲག་འགའ་སྡེབ་གསོད་བྱས། སྟོང་ཕྲག་འགའ་སྡེབ་གསོད་བྱས་པའི་ཡ་ངའི་གནས་ཚུལ་ཞིག་དྲུག་བཞི་དོན་རྐྱེན་ཁོ་ནའི་ཁྲོད་དུ་བྱུང་ཡོད་དམ། ཕྱི་རོལ་སློབ་མ་དག་གིས་ཐལ་དྲགས་པའི་གསུང་སྟངས་ཤིག་ཡིན་པར་འདོད། གལ་སྲིད་དངོས་ཡོད་ལ་བསྙོན་ཚེ་དོན་དངོས་ཀྱི་བདེན་པ་ཐོབ་པར་རྒྱང་ཁད་རྦད་དེ་གྱེས་པར་ངེས། འདི་ལྟར་མ་བརྗོད་ན་སྙམ་པའི་ཀུན་སློང་ཞིག་གིས་ཡང་ཡང་རྡུང་གིན་འདུག
ད་དངོས་གནས་་་ཕྱིར་རྒྱའི་མང་གརྩོ་རྒྱ་ཁབ་ཁག་ཏུ་གནས་བསྡོད་བྱེད་བཞིན་པའི་རྒྱ་རིག་ཤེས་ཡོན་པ་རྣམས་རྙིད་ལ་སེལ་ཚོད་ཡིན།
ཀློག་ཚར་ཡིན། སྤྱང་ཀིའི་རྣ་ལ་ཆོས་བཤད་ཡིན་ཀྱང་། ང་བོད་པའི་རྣ་ལ་གཏམ་འདི་ཧ་ཅང་སྙན་གི