ཕྱི་ཚེས་ ༦ ཉིན་ཐའེ་ཝན་སྲིད་འཛིན་མཱ་ཡན་ཅིག་གིས་རྒྱ་ནག་སྐམ་ས་དང་དམག་འཐབ་བྱ་རྒྱུར་ཞེད་སྣང་པ་བརྗོད་འདུག
ཕྱི་ཟླ་འདིའི་ཕྱི་ཚེས་ ༦ ཉིན་ཐའེ་ཝན་སྲིད་འཛིན་མཱ་ཡན་ཅིག་རྒྱལ་ཁབ་ཀྱི་ལྷོ་ཁུལ་མཚོ་གླིང་དུ་ཡོད་པའི་དམག་སྒར་ཞིག་ལ་ལྟ་སྐོར་དུ་ཕྱིན་ཏེ། དམག་མི་ཚོར་དམག་འཐབ་གནམ་གྲུ་དང་མེ་སྒྱོག་གཏོང་འཕེལ་གྱི་དམག་སྦྱོང་སྤྲོད་བཞིན་པའི་སྐབས་དང་བསྟུན། ཐའེ་ཝན་གྱི་ངོས་ནས་དུས་ནམ་ཡང་དམག་འཁྲུག་རྒྱག་རྒྱུར་འདོད་མོས་མེད་ཀྱང་། རྒྱ་ནག་སྐམ་ས་ཆེན་མོས་ཐའེ་ཝན་གྱི་བདག་དབང་དང་རྒྱལ་སྲུང་བདེ་འཇགས་ལ་གཏོར་རྒོལ་བྱས་ཚེ། ཐའེ་ཝན་ཕྱོགས་ནས་རྒྱ་ནག་སྐམ་ས་ཆེན་མོ་དང་དམག་འཐབ་བྱ་རྒྱུར་ཞེད་སྣང་གང་ཡང་མེད་ཚུལ་བརྗོད་འདུག
ད་ལྟའི་ཐའེ་ཝན་སྲིད་འཛིན་མཱ་ཡན་ཅིག་ནི་སྲིད་འཛིན་ཟུར་པ་ཁྲིན་ཧྲེ་པེན་དང་བསྡུར་ན། རྒྱ་ནག་སྐམ་ས་ཆེན་མོའི་ཕྱོགས་སུ་གུ་ཡངས་སྲིད་ཇུས་འཛིན་མཁན་ཞིག་ཡིན་ཡང་། རྒྱ་ནག་གིས་ཐའེ་ཝན་དམིགས་འབེན་དུ་བཟུང་སྟེ་ཐའེ་ཝན་ཕྱོགས་ཀྱི་མཚོ་གླིང་དང་། མཐའ་མཚམས་ཁག་ཏུ་དྲག་དམག་ཤུགས་ཆེར་འགྲེམས་འཇོག་བྱེད་བཞིན་ཡོད་ལ། ཨ་རི་སོགས་ཀྱིས་ཐའེ་ཝན་དང་ཕྱི་འབྲེལ་བྱེད་པར་རྒྱ་ནག་གཞུང་གིས་ནང་སྲིད་ལ་ཐེ་གཏོགས་བྱེད་པའི་སྐྱོན་བརྗོད་བྱེད་ཀྱི་ཡོད་པ་མ་ཟད། ཐའེ་ཝན་ལ་དམག་ཤུགས་ཀྱིས་འཇིགས་སྐུལ་རིམ་པར་བྱས་སྟབས།སྲིད་འཛིན་མཱ་ཡན་ཅིག་གིས་ཐེངས་འདིའི་གཏམ་བཤད་དེ་སྤེལ་བ་ཞིག་ཡིན་འདུག
གསར་འགོད་པ། བནྡེ་སྐྱབས།
བཟོ་ལྟ་ཅུང་ཙམ་འདུག་མོད། དོན་ལ་ཐའེ་ཝན་མི་དམངས་ལ་མགོ་སྐོར་ཡིན་པ།
མ་སྐུ་ཞབས་ཀྱིས་སྐམ་ས་ཆེན་མོར་དམག་བརྒྱབས་མི་ཡོང་ང་།
གོཐོས་ལ་ྱ་སྐུ་ཞབས་འདི་མི་ཤ་གདུང་རུས་དགོང་ཅན་ཞིག་རེད་ཟེར་གི་ཡ།
ཁ་སྤོབས་མ་བསྒྲགས་མ་གཏོགས་རྒྱ་མིས་ཁམ་གང་བྱས་ནས་ཟ་གི་རེད་་་་