ཟླ་སྔོན་མའི་ནང་དཀར་མཛེས་བོད་རིགས་རང་སྐྱོང་ཁུལ་ཉག་རོང་རྗོང་སྲིད་གཞུང་གི་གྱང་ངོས་སུ། བོད་རང་བཙན་གྱི་སྦྱར་ཡིག་ཅིག་འགྲེམས་སྤེལ་བྱས་པའི་གནས་ཚུལ་བྱུང་ཡོད་པ་དང་། གནས་ཚུལ་དེར་རྐྱེན་བྱས་ཏེ་རྒྱ་གཞུང་གིས་ཕྱི་ཟླ་ ༥ བའི་ཚེས་ ༢༥ ཡས་མས་སུ། ཉག་རོང་ར་ལོ་ཞང་གི་དགེ་འདུན་པ་དཀར་དབང་འབོད་པ་སྤྱར་ཡིག་འགྲེམས་སྤེལ་བྱེད་མཁན་ཡིན་པའི་ཉེས་འཛུགས་བྱས་ཏེ་འཛིན་བཟུང་བཙོན་འཇུག་བྱས་ཡོད་པ་མ་ཟད། ཉིན་ ༤ ལྷག་གི་རིང་རྫོང་བཙོན་ཁང་དུ་འདྲི་གཅོད་དང་རྡུང་རྡེག་ཚབས་ཆེན་བཏང་བ་དང་། སྨན་བཅོས་ཀྱི་མཐུན་རྐྱེན་སོགས་མ་སྤྲད་པའི་དབང་གིས་རྐྱེན་ལམ་དུ་ཕྱིན་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། གྲྭ་དཀར་དབང་ལགས་འཛིན་བཟུང་བྱས་རྗེས་ཉེན་རྟོག་པ་ཁོང་གི་ཁྱིམ་དུ་ཡོང་སྟེ་ཡིག་ཆ་འགྲེམས་དགོས་དོན་གང་ཡིན་དང་། ཡིག་ཆ་འགྲེམས་མཁན་རོགས་པ་སུ་ཡོད་མེད། ཡིག་ཆ་འགྲེམས་པར་བརྒྱུད་སྐུལ་སུས་བྱས་ཡོད་མེད་སོགས་འདྲི་བརྩད་བྱས་ཡོད་འདུག་པ་མ་ཟད། ཉེ་ཆར་ཉེན་རྟོག་པས་གྲྭ་དཀར་དབང་ལགས་ལ་འདྲི་བརྩད་གཅར་རྡུང་བྱས་སྐབས། ཡིག་ཆ་འགྲེམ་སྤེལ་གྱི་གནས་ཚུལ་ཁས་ལེན་མ་བྱས་པར་རྐྱེན་ལམ་དུ་ཕྱིན་རྗེས། དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་ནས་ཁོང་གི་ནང་མིར་ཁ་པར་འབྱོར་ཏེ་ཕུང་པོ་རྩིས་ལེན་བྱེད་དུ་ཡོང་དགོས་པའི་བརྡ་འབྱོར་ཡོད་པ་དང་། སྐབས་དེར་ཁོང་གི་ཕུང་པོ་རྕིས་སྤྲོད་དང་མཉམ་དུ་སྟོང་འཇལ་བའི་ཚུལ་དུ་རྒྱ་སྒོར་ཁྲི་ ༢༨ སྤྲད་ཡོད་འདུག
རང་ལོ་ ༣༦ ཡིན་པའི་དགེ་འདུན་པ་དཀར་དབང་ལགས་ནི། དཀར་མཛེས་བོད་རིགས་རང་སྐྱོང་ཁུལ་ཉག་རོང་རྫོང་རྭ་ལོ་ཤང་གི་ཡིན་པ་དང་། ཕ་མིང་ལ་རྗེ་དགའ་འབོད་ཀྱི་ཡོད་འདུག ཉེ་ཆར་གྲྭ་དཀར་དབང་ལ་ཉེས་འཛུགས་བྱས་པའི་ཡིག་ཆ་དེའི་ནང་། “ བོད་ལ་ཆོས་ དད་རང་དབང་དགོས། བོད་ལ་རང་བཙན་དགོས། ༸རྒྱལ་བ་རིན་པོ་ཆེ་བོད་དུ་གདན་འདྲེན་དགོས།” ཞེས་བཀོད་ཡོད་འདུག
ངོ་མ་བདེན་པ་རེད། དེང་སང་གི་དུས་རབས་འདིའི་ནང་ལ་གྲྭ་བ་ཚོར་རིན་ཐང་ཧ་ཅང་ཆུང་གི་ཡ།
ཡིད་སྐྱོ་དགོས་པ་ཞིག་རེད། ཡིན་ནའང་གནད་འགག་ཅིག་ཤེས་དགོས་གལ་ཆེ།
གང་ཡིན་ཟེར་ན།་ ང་ཚོས་ང་ཚོར་རིན་ཐང་སྤྲད་དགོས་པ་ལས་གཞན་གྱིས་ང་ཚོར་རིན་ཐང་ཇི་ལྟར་སྤྲོད།
ད་སྐབས་ད་ངོ་མ་གྲྭ་བ་ཚོ་རིན་ཐང་ཆུང་གི་ཡ། རྒྱ་མིས་བསད་ནི་རེད་བོད་མིས་བླ་ཅོལ་བྱས་ནི་རེད། ངོ་མ་གྲྭ་བ་ཆ་བོ་སྙིང་མ་རྗེ། སྒོར་ཁྲི་ཉེར་བརྒྱད་པོ་ཡང་ཡིན་ཡིན་ཀྱོག་ཀྱོག་བྱས་བླངས་དང་ནི་རེད།