ཁ་སང་དབྱིན་ཡུལ་རྒྱལ་ས་ལོན་ཌོན་དུ། ༸གོང་ས་མཆོག་དང་འབར་མའི་དམངས་གཙོ་དོན་གཉེར་བ་ལྕམ་ཨང་སན་སུ་ཀེ་རྣམ་གཉིས་མཇལ་འཕྲད་གནང་འདུག
ཁ་སང་ཕྱི་ཚེས་ ༡༩ ཉིན་དབྱིན་ཡུལ་རྒྱལ་ས་ལོན་ཌོན་དུ། ༸གོང་ས་མཆོག་དང་འབར་མའི་དམངས་གཙོ་དོན་གཉེར་བ་ལྕམ་ཨང་སང་སུ་ཀེ་རྣམ་གཉིས་མཇལ་འཕྲད་གནང་ཡོད་འདུག དབུས་བོད་མིའི་སྒྲིག་འཛུགས་ཀྱི་དྲ་རྒྱའི་སྟེང་གནས་ཚུལ་སྤེལ་བ་ལྟར་ན། མཇལ་འཕྲད་སྐབས་༸གོང་ས་མཆོག་གིས་ལྕམ་སྐུ་ཨང་སན་སུ་ཀེ་ལགས་ལ་འཚམས་འདྲིའི་མཇལ་དར་དང་སྟོན་པའི་སྐུ་བརྙན་ཞིག་ཕྱག་རྟགས་སུ་གསོལ་རས་སྩལ་ཡོད་འདུག
ཁ་སང་ཕྱི་ཟླ་ ༦ ཚེས་ ༡༩ ཉིན་ནི་ལྕམ་ཨང་སན་སུ་ཀེ་ལགས་ཀྱི་སྐྱེས་སྐར་ཉིན་མོར་ཁེལ་ཡོད་པ་རེད།
གསར་འགོད་པ། ཚེ་རིང་རྒྱལ།
སྐྱེས་མཆོག་ཁོང་གཉིས་མཇལ་འཕྲད་བྱུང་བ་ལ་བཀྲ་ཤིས་བདེ་ལེགས་དང་།འཛམ་གླིང་ཞི་བདེ་མྱུར་ཏུ་འོང་བའི་སྨོན་ལམ་འདེབས
སྙིང་ནས་དགའ་བསུ་ཞུ།
ལོ་རྒྱུས་ཀྱི་རང་བཞིན་ལྡན་པའི་བོད་དང་འབར་མའི་ཞི་བདེའི་དབུ་འཁྲིད་གཉིས་མཇལ་འཕྲད་མཛད་པ་དེ་ནི་ཆེས་རླབས་ཆེན་གྱི་བྱ་བ་དང་བཀྲིས་པའི་གཏམ་བཟང་ཞིག་རེད།
སྐྱེས་མཆོག་པ་ཁོང་གཉིས་ཀྱི་གཙོས་པའི་ཞི་བདེའི་དེད་དཔོན་ཆེན་མོ་རྣམས་སྐུ་ཁམས་བཟང་བ་དང་སྐུ་ཚེ་རིང་ཞིང་བཞེད་དོན་ཐ་དག་ལྷུན་གྱིས་འགྲུབ་པའི་སྨོན་འདུན་ཞུ།
རླབས་ཆེན་གྱི་མི་སྣ་གཉིས་མཇལ་འཕྲད་གནང་བ་ནི། ཆེས་རིན་ཐང་ཆེ་བའི་བྱུང་རབས་ལ་བགྲང་ཆོག