སོ་ལཎ་བོན་པོའི་འགན་འཛིན་ལྷན་ཚོཊ་ཀྱིས། རེག་དུག་ནད་པ་བློ་བཟང་དམ་ཆོས་ཀྱིས་སོ་ལཎ་གཞིས་ཆཊ་ནང་ཁོང་ལ་མཐོང་ཆུང་ཁྱད་གསོད་བྱེད་ཀྱི་འདུག་ཟེར་བ་བདེན་པ་མིན་ཚུལ་དང་། འཕྲོད་བསྟེན་ལས་ཁུངས་ཀྱིས་སོ་ལཎ་གཞིས་ཆཊ་ནང་གློག་བརྙན་བཟོ་འཆར་བྱས་པ་དེས་གཞིས་ཆཊ་ཀྱི་མཚན་མཐོང་ལ་གནོད་སྐྱེལ་ཡོད་སྐོར་བརྗོད་འདུག
དབུས་བོད་མིའི་སྒྲིག་འཛུཊ་འཕྲོད་བསྟེན་ལས་ཁུངས་ཀྱི་གོ་སྒྲིག་འོག ༢༠༡༡ ལོའི་ཕྱི་ ༡༢ ཚེས་ ༡ཉིན་དྷ་སར་འཛམ་གླིང་གཉན་ནད་རེག་དུག་ཉིན་མོ་སྲུང་གཙི་སྐབས། སོ་ལཎ་གཞིས་ཆཊ་སུ་གནས་སྡོད་རེག་དུག་ནད་པ་བློ་བཟང་དམ་ཆོས་ལགས་ཀྱིས། ཉིན་དེའི་མཛད་སྒོའི་ཐོག་ཁོང་ལ་གཞིས་ཆཊ་ནང་མང་ཚོགས་ཀྱིས་མཐོང་ཆུང་བྱེད་ཀྱི་ཡོད་ཚུལ་གནས་ཚུལ་ངོ་སྤྲོད་དང་། ད་ལོའི་ཕྱི་ཟླ་ ༥ ཚེས་ ༦ ཉིན་འཕྲོད་བསྟེན་ལས་ཁུངས་ཀྱི་ལས་བྱེད་ ༣ སོ་ལཎ་གཞིས་ཆགས་སུ་རེག་དུག་གློག་བརྙན་བཟོ་སྐྲུན་བྱེད་དུ་ཡོང་བ་བཅས་ཀྱི་ཐད། ད་ལོའི་ཕྱི་ཟླ་ ༥ ཚེས་ ༢༡ ཉིན་སོ་ལཎ་བོན་པོའི་ཚོཊ་པའི་འགན་འཛིན་ལྷན་ཚོགས་ཀྱིས། འདི་ག་གསར་ཁང་ལ་གནས་ཚུལ་དེའི་ཐོག་ངོས་ལེན་གནང་ཐབས་མེད་པའི་གསལ་བཤད་ཡི་གེ་ཞིག་བསྐུར་འདུག
བོན་པོའི་ཚོཊ་པའི་འགན་འཛིན་ལྷན་ཚོགས་ཀྱི་གསལ་བཤད་ཡི་གེ་དེར། ༢༠༡༡ ལོའི་ཕྱི་ཟླ་ ༡༢ ཚེས་ ༡ ཉིན་གྱི་༼བོད་ཀྱི་དུས་བབ་༽དང་༼བོད་ཀྱི་བང་ཆེན་༽དྲ་རྒྱའི་སྟེང་། རེག་དུག་ནད་པ་བློ་བཟང་དམ་ཆོས་བཟའ་ཟླ་གཉིས་ལ་གཞིས་ཆགས་ནང་མཐོང་ཆུང་བཏང་སྟེ། དཀའ་ངལ་འདྲ་མིན་འཕྲད་ཀྱི་ཡོད་སྐོར་སོགས་བདེན་པ་མིན་པའི་གནས་ཚུལ་མང་དག་ཅིག་བཀོད་ཡོད་སྐོར་དང་། ལྷག་པར་དུ་ད་ལོའི་ཕྱི་ཟླ་ ༥ ཚེས་ ༦ ཉིན་འཕྲོད་བསྟེན་ལས་ཁུངས་ཀྱི་ལས་བྱེད་གསུམ་སོ་ལཎ་གཞིས་ཆཊ་སུ་ཡོང་སྟེ། བློ་བཟང་དམ་ཆོས་བཟའ་ཟླ་གཉིས་ཀྱི་ཆེད་གློག་བརྙན་བཟོ་འཆར་བྱས་པ་སོགས་བདེན་པ་མིན་པའི་བྱེད་སྟངས་དེར། གཞིས་མི་ཚོས་བཟོད་སྒོམ་ཐུབ་ཐབས་བྲལ་ཏེ་གསལ་བཤད་བྱས་པ་ཡིན་ཚུལ་འཁོད་འདུག
དོན་ཚན་ལྔ་ཅན་གྱི་གསལ་བཤད་ཡི་གེའི་ནང་བློ་བཟང་དམ་ཆོས་ལགས་ཀྱི་སྐོར་ལ། ཁོ་རང་སོ་ལཎ་གཞིས་ཆཊ་ཀྱི་མི་མིན་པ་དང་། ༢༠༠༡ ལོར་བཟའ་ཟླའི་ཨ་མ་ཡོད་ས་སོ་ལཎ་གཞིས་ཆཊ་སུ་ཡོང་སྟེ་ཨ་མའི་ཟ་ཁང་ནང་ལས་ཀ་བྱས་ཡོད་ཀྱང་། རིང་པོ་མ་སོང་བར་ཟ་ཁང་དང་ཁྱིམ་ནས་ཕྱིར་ཕུད་བྱ་དགོས་བྱུང་བ་དང་། ཁོ་རང་མ་ཆེན་ལས་ཀ་ན་ཕུད་དུས་ ༢༠༠༣ ལོ་ཡིན་པ། དེའི་རྗེས་སོ་ལན་གཞིས་ཆཊ་ནང་ཁོང་བཟའ་མི་གཉིས་ལ་མི་གྲངས་ ༥ ཡི་ཐོབ་སྐལ་ས་ཞིང་དང་ཁང་པ་གནང་སྟེ།ལས་དོན་ཆེད་སྒོར་ ༢༥༠༠༠ གཡར་ཡོད་ནའང་ལས་དོན་གང་ཡང་མ་བྱས་པར་དངུལ་སྐྱིན་ཡང་མ་ཕུལ་བ་སོགས། བློ་བཟང་དམ་ཆོས་བཟའ་མི་གཉིས་ལ་རེག་དུག་ན་ཚ་མ་བྱུང་བའི་སྔོན་ལའང་། ས་གནས་གཞིས་གྲོང་གིས་ཁོ་ཚོར་ལྟ་རྟོག་རོགས་སྐྱོར་བྱས་སྐོར་བཀོད་འདུག
གཞན་ཡང་། གསལ་བཤད་དེའི་ནང་། བློ་བཟང་དམ་ཆོས་ཀྱི་བཟའ་ཟླ་ལ་རེག་དུག་ན་ཚ་བྱུང་ཡོད་པ་ ༢༠༠༧ ལོའི་ཟླ་ ༢ ནང་ཤེས་རྟོཊ་བྱུང་བ་དང་། ཁོ་རང་ལ་རེག་དུག་ན་ཚ་ཡོད་པ་དེ་ ༢༠༠༩ ལོའི་ཟླ་ ༨ ནང་ཤེས་རྟོཊ་བྱུང་བ་ཞིག་ཡིན་པ་དང་། ཁོ་རང་གིས་ ༢༠༠༥ ནས་ ༢༠༠༨ བར་གཞིས་ཆཊ་ལས་ཁུངས་མདུན་དུ་ཟ་ཁང་ཞིག་བཟུང་མྱོང་ཡང་། ཟ་ཁང་སྒོ་རྒྱག་དོན་དང་རེག་དུག་འགོས་དོན་སོགས་མ་འོངས་པར་དགོས་དབང་བྱུང་ན་མ་གཏོགས་གསལ་བཤད་བྱ་རྒྱུ་མིན་སྐོར་དང་། དེ་བཞིན། ཁོའི་བཟོས་པའི་ཁ་ལག་ཟ་རྒྱུ་མིན་ཞེས་བཤད་པ་དང་། མི་མང་པོ་གཡོལ་ནས་འགྲོ་བ་སོགས་བརྗོད་པ་རྣམས་བདེན་པ་རྩ་བ་ནས་མིན་པར། མི་མང་སོ་སོར་སྐྱིད་སྡུག་ཞུས་སྐབས་བློ་བཟང་དམ་ཆོས་ལས་རོགས་ལ་ཡོང་གི་ཡོད་པ། དེང་སྐབས་ཡང་ཁོ་རང་གིས་གླ་སྒོར་ ༦༠༠༠ བླངས་ཏེ་མི་མང་ལ་བརྡ་ལན་བྱས་མི་ཡིན་པ་མ་ཟད། མི་མང་ཚང་མའི་ནང་ལ་འགྲོ་སྐབས་ཇ་དང་ཆུ་འཐུང་བཅུག་སྟེ་དགའ་མོས་བྱེད་བཞིན་པ་ལས། སོ་ལན་གཞིས་ཆཊ་སེར་སྐྱ་སུ་གཅིག་གིས་ཀྱང་། ཁོང་ལ་མཐོང་ཆུང་དང་ཁྱད་གསོད་རྩ་བ་ནས་བྱས་མེད་ཚུལ་གསལ་བཤད་དང་། སོ་ལན་གཞིས་ཆགས་ལ་དངོས་བདེན་མིན་པའི་མིང་ཆད་མ་བཟོ་རོགས་ཞེས་བཀོད་འདུག
ཟླ་འདིའི་ཕྱི་ཚེས་ ༢༡ ཉིན་གསར་འགོད་པས་ཁ་པར་བརྒྱུད་བློ་བཟང་དམ་ཆོས་ལཊ་སུ་བཅར་འདྲི་ཞུས་པར་ཁོས་བརྗོད་དོན། ༢༠༠༨ ལོར་ང་རང་གིས་སོ་ལཎ་ས་གནས་གཞིས་མགོ་ལ་ཧིན་སྒོར་ ༢༥༠༠༠ ཙམ་གཡར་ཏེ། སོ་ལཎ་གཏན་སློབ་ཀྱི་ཉེ་འགྲམ་དུ་ཟ་ཁང་ཞིག་ཟླ་ ༨ ཙམ་རིང་ཉར་བ་ཡིན། ཚོང་གི་ཡོང་སྒོའང་གང་མཚམ་ཡག་པོ་འདུག ཡིན་ནའང་། སྐབས་དེར་སློབ་གྲྭའི་མགོ་ཁྲིད་སུས་བཀའ་བཏང་མིན་མ་ཤེས་ཀྱང་། སློབ་མ་ཚོར་བློ་བཟང་བཟའ་ཟླ་གཉིས་ལ་རེག་དུག་ན་ཚ་ཡོད་པ་རེད། ཟ་ཁང་དུ་འགྲོ་ཉན་གི་མ་རེད་ཅེས་བཤད་སྟབས་མཐར་ཟ་ཁང་སྒོ་རྒྱག་དགོས་བྱུང་། ཟ་ཁང་མེད་ན་འཚོ་བ་འཁྱོལ་ཐབས་མེད་སྟབས། ང་རང་ངྷ་སར་ཡོང་སྟེ་ཚོཊ་པ་སྐྱིད་སྡུག་ཁག་ལ་ཞུ་བ་འཐེན་པ་ཡིན། གདམ་ཀ་དང་ཕ་མའི་ཚོཊ་པ།ཀུན་ཕན་ཚོཊ་པ་བཅས་ཀྱིས་ཧིན་སྒོར་ ༡༣༠༠༠ གནང་སོང་། ཞལ་འདེབས་དེའི་ཁྲོད་ཧིན་སྒོར་ ༡༠༠༠༠ ཙམ་བུ་ལོན་དུ་སྤྲད་པ་ཡིན ” ཞེས་བརྗོད།
ཁོས་མུ་མཐུད་དུ། “སྐབས་དེར་ངའི་སྐྱེས་དམན་ལ་གཞིས་ཆཊ་དེའི་སློབ་མ་ཁག་ཅིག་གིས་ཨ་ཅག་དེར་རེག་དུག་ན་ཚ་ཡོད་པ་རེད། མོའི་མཉམ་དུ་འགྲོ་ཉན་གི་མ་རེད་ཅེས་བཤད་འདུག དེ་བཞིན། གཞིས་མི་ཚོས་ང་ལ་རེག་དུག་ན་ཚ་ཡོད་པ་ཤེས་རྗེས། གཞིས་ཆགས་མ་བྱན་ལས་ཀ་མི་སྤྲོད་པར་མ་ཟད། མི་ཁ་ཤས་ཀྱིས་བློ་བཟང་དམ་ཆོས་ལ་རེག་དུག་ན་ཚ་ཡོད་པ་རེད། ཁོས་ཁ་ལག་བཟོས་ན་ང་ཚོས་ཟ་རྒྱུ་མིན་ཞེས་བཤད་འདུག ངེད་གཉིས་ལ་དཀའ་ངལ་ཡོད་པ་ཤེས་ཏེ། སིམ་ལར་གནས་སྡོད་སྐུ་ཞབས་བསྟན་འཛིན་ལཊ་ཀྱིས་ཟླ་རེར་ཧིན་སྒོར་ ༥༠༠༠ རེ་དང་། སྨན་རྩིས་ཁང་གི་སྨན་པ་བསོད་ནམས་སྒྲོལ་མ་ལགས་ཀྱིས་ཟླ་རེར་ཧིན་སྒོར་ ༥༠༠ རེ་གནང་གི་ཡོད། དེའི་ཐོག་བོད་གཞུང་འཕྲོད་བསྟེན་ལས་ཁུངས་ཀྱིས་སྨན་བཅོས་རོཊ་རམ་གནང་བ་བཅས་ལ་བརྟེན་ད་ཆར་དཀའ་ངལ་ཆེན་པོ་མི་འདུག་ལ། གཞིས་ཆགས་ནང་དུའང་མཐོང་ཚུལ་དང་གནོན་ཤུགས་སྤྲོད་མཁན་མི་འདུག ” ཅེས་བརྗོད་སོང་།
བོད་མིའི་སྒྲིག་འཛུཊ་འཕྲོད་བསྟེན་དྲུང་ཆེ་ཤོ་ཟུར་བསོད་ནམས་ཆོས་འཕེལ་ལཊ་སུ་གནད་དོན་དེར་གཟིཊ་ཚུལ་ག་རེ་ཡོད་མེད་དྲིས་པར། འཕྲོད་བསྟེན་ལས་ཁུངས་ཀྱིས་བློ་བཟང་དམ་ཆོས་ལ་སྤྱི་ཚོགས་ནང་དཀའ་ངལ་འཕྲད་ཡོད་མེད་ཐོག་ཞིབ་འཇུག་བྱ་རྒྱུ་མ་བྱུང་ཡང་། རྩ་བའི་རེག་དུག་ནད་པ་ཚོར་རྒྱ་གར་ནང་མཐོང་ཚུལ་ཤུགས་ཆེན་པོ་ཡོད། བོད་པ་ཚོ་ཡང་རྒྱ་གར་དུ་བསྡད་ཡོད་དུས་རང་བཞིན་གྱིས་མཐོང་ཚུལ་ཡོད་པ་གསལ་པོ་རེད། ཁོང་གིས་བཤད་པ་བདེན་པ་རེད། ཕར་ཕྱོགས་དེ་རྫུན་མ་རེད་ཅེས་མཐའ་གཅིག་ཏུ་ལབ་མི་ཐུབ་ཀྱང་། དོ་བདག་རང་གིས་དཀའ་ངལ་འགྲེལ་བཤད་བརྒྱབ་ཡོང་དུས་གང་འཚམ་བདེན་པ་རེད་དྲན་གྱི་ཡོད། ཅེས་བརྗོད།
འཕྲོད་བསྟེན་ལས་ཁུངས་ཀྱི་རེག་དུག་གློག་བརྙན་དེའི་ལས་འཆར་སྐོར་དྲིས་སྐབས། ང་ཚོས་དོ་བདག་ལ་འབྲེལ་བ་བྱས་ཏེ་མོས་མཐུན་བྱུང་བ་ལྟར། འཕྲོད་བསྟེན་ལས་ཁུངས་ཀྱིས་མང་ཚོཊ་ལ་རེག་དུག་གོ་རྟོཊ་སྤེལ་ཆེད། དེའི་ཐད་ཀྱི་དངོས་བྱུང་གློག་བརྙན་ཞིག་བཟོ་རྒྱུ་བྱས་པ་རེད། སྐབས་དེར་འཕྲོད་བསྟེན་ལས་ཁུངས་ཀྱིས་ལྡི་ལི་ནས་མི་ ༢ དང་འཕྲོད་བསྟེན་ནས་བློ་བཟང་དར་རྒྱས་ལགས་སོ་ལཎ་དུ་ཆེད་གཏོང་བྱས་པ་རེད། ཁོང་ཚོས་ས་གནས་གཞིས་མགོ་ལ་འབྲེལ་བ་བྱས་ཏེ་དོ་བདག་གི་སར་འགྲོ་སྐབས། མང་ཚོཊ་དང་མཉམ་དུ་དཀའ་ངལ་ཞིག་འཕྲད་དེ་ཕྱིར་ལོག་དགོས་བྱུང་བ་རེད། མ་གཞི་གློག་བརྙན་དེ་མང་ཚོཊ་ལ་རེག་དུག་སློབ་གསོའི་ལས་འགུལ་ལྟ་བུ་ཞིག་རེད། གློག་བརྙན་ནང་དམ་ཆོས་བཟའ་ཟླ་གཉིས་ལས་གཞན་པའི་རེག་དུག་ནད་པ་ཁག་ཅིག་ཀྱང་ཡོད། གློག་བརྙན་དེ་རེག་དུག་སྔོན་འགོག་ཆེད་ཡིན་པ་ལས། བོན་གཞིས་ལ་མཚན་ཤས་བཟོ་རྒྱུའི་གནས་ཚུལ་གང་ཡང་མ་རེད། བོན་གཞིས་མང་ཚོཊ་ཀྱིས་གཞིས་ཆགས་དེར་དོ་ཕོག་དང་མཚན་ཤས་ཡོང་རྒྱུར་ཐུཊ་འཚབ་གནང་གི་ཡོད་དུས། ང་ཚོས་སོ་ལཎ་གཞིས་ཆཊ་ནང་བློ་བཟང་དམ་ཆོས་བཟའ་ཟླ་གཉིས་དང་འབྲེལ་བའི་གློག་བརྙན་བཟོ་རྒྱུའི་འཆར་གཞི་དེ་ཕྱིར་འཐེན་བྱས་པ་ཡིན། མ་འོངས་པར་ཐབས་ལམ་གཞན་པའི་ཐོག་རེག་དུག་སྔོན་འགོག་གློག་བརྙན་བཟོ་རྒྱུར་བསམ་བློ་གཏོང་གི་ཡོད་ཅེས་གསུངས་སོང་།
གསར་འགོད་པ། དཔལ་ལྡན།
བོད་རང་བཙན་དང་། རང་སྲིད་རང་སྐྱོང་ཟེར་བའི་གནད་དོན་འདི་ཚོ་བཙན་བྱོལ་བོད་མིའི་སྒྲིག་འཛུགས་ཀྱིས་ངོས་རྩོད་ལེན་ཐུབ་དང་མི་ཐུབ་ཇི་ལྟར་རུང་། བཙན་བྱོལ་ནང་དངོས་ཡོད་གནས་སྟངས་ཧ་ཅང་ཐབས་རྡུགས་པའི་རིགས་དེའདི་ཚོར་ཐད་ཀར་དཀའ་ངལ་སེལ་དངོས་ཤུགས་བརྒྱུད་གསུམ་ནས་སེལ་ཐུབ་པ་བྱེད་དགོས།
ཉམ་ཆུང་མི་དམངས་དང་། ངལ་རྩོལ་མི་དམངས། ཉམ་ཐག་ནད་པ་སོགས་འདི་ཚོར་བལྟ་སྐྱོང་དང་གཅེས་སྤྲད་ལེགས་པོ་ཞིག་བྱེད་མ་ཐུབ་ན་ང་ཚོས་བཤད་བཞིན་པའི་རང་སྲིད་རང་སྐྱོང་ཟེར་བ་དེ་ཨ་ཁུ་སྟོན་པའི་སྒྲུང་ལྟ་བུ་ཞིག་ཆགས་རྒྱུ་རེད།
བཙན་བྱོལ་བོད་མིའི་སྤྱི་ཚོགས་འདི་སྲ་ཐག་ཐག་བྱས་ཏེ་སྔོན་ལ་འདི་རང་སྲིད་རང་སྐྱོང་ཡག་པོ་ཞིག་བྱེད་ཐུབ་པ་དགོས། དེ་ནས་ག་ལ་ག་ལེར་བོད་ནང་རང་སྲིད་རང་སྐྱོང་ཞིག་ཨེ་རག་བལྟ་ཆོག
འདི་སྐྱོན་བརྗོད་ཙམ་མིན་པར་དོན་དངོས་གསལ་བཤད་དང་རེ་འདུན་ཞུ་འདོད་བྱུང་།