ཕྱི་ཚེས་ ༢༤ ཉིན་༸གོང་ས་མཆོག་གིས་བྷི་བྷི་སི་(BBC)གསར་འགོད་པའི་དྲི་བའི་ལན་དུ། “ བོད་ནང་གི་བོད་མི་རྒན་པ་རྣམས་ནས་ཁོང་ཚོ་མ་འཆི་གོང་ངོས་རང་བོད་དུ་ཡོང་ཐུབ་ན་བསམ་པའི་རེ་བ་བྱེད་ཀྱི་ཡོད། འོན་ཀྱང་ཆབ་སྲིད་ཀྱི་གོ་རྟོགས་ལྡན་པའི་བོད་མི་མང་པོ་ཞིག་གིས་ད་ལྟའི་བོད་ནང་གི་ཛ་དྲག་གནས་སྟངས་དེའི་འོག་ངོས་རང་མུ་མཐུད་རང་དབང་ལུང་པར་བསྡད་ན་བཟང་བའི་ཡིད་ཆེས་བྱེད་ཀྱི་ཡོད” ཅེས་གསུངས་འདུག
ཡང་ཁོང་གིས། “ རང་ལུས་མེར་བསྲེགས་ཀྱི་གནས་ཚུལ་དེ་ནི་ཧ་ཅང་སེམས་སྐྱོ་དགོས་པ་ཞིག་རེད། འོན་ཀྱང་གནས་ཚུལ་དེ་ཆབ་སྲིད་དང་འབྲེལ་བའི་རྣོ་ངར་ཅན་གྱི་དོན་རྐྱེན་ཞིག་ཡིན་སྟབས། ད་ཆ་ངོས་རང་ཆབ་སྲིད་ནས་རྒན་ཡོལ་བྱས་ཟིན་སྟབས། གནད་དོན་དེའི་སྐོར་ངོས་ཀྱིས་གང་ཡང་བརྗོད་འདོད་མེད། འོན་ཀྱང་རྒྱ་ནག་གཞུང་ཕྱོགས་ནས་གནད་དོན་དེ་དག་གི་འབྱུང་རྐྱེན་གང་ཡིན་ཞིབ་འཇུག་མཐིལ་ཕྱིན་པ་བྱ་རྒྱུ་ཧ་ཅང་གལ་ཆེན་པོ་ཆགས་ཡོད” ཅེས་སོགས་བསྩལ་འདུག
ཆབ་བྲག་མིང་ཅན་ལགས་གོང་ས་མཆོག་གང་དུ་ཕེབས་མིན་གནད་འགག་མིན་ཞེས་པ་དེར་གསལ་བཤད་ཞིག་གནང་རོག་ གཞིས་བཞུགས་དཔའ་བོ་བཅུ་ཁྲག་བཞི་ཙམ་གྱིས་གོང་ས་མཆོག་བོད་ལ་གདན་འདྲེན་ཞུ་དགོས་ཞེས་སྐུ་ལུས་མེ་ལ་སྒྲོན་ནའང་ད་དུང་དེ་གནད་འགག་མིན་ཞེས་པ་གང་ཟེར་རམ་ དཔའ་བོ་དེ་ཙམ་ཞིག་གིས་བོད་ལ་རང་དབང་དགོས་ཞེས་པ་ལས་རང་བཙན་དགོས་ཞེས་བརྗོད་མེད་མོད་ དེ་ནི་ཁོང་ཚོ་རང་བཙན་ལ་མ་དགའ་བ་མིན་ནའང་རེ་བ་དེ་ཙམ་མེད་པའི་རེད་ འདི་ནི་ད་དུང་གོང་ས་མཆོག་བོད་ཕེབས་ན་འཇུག་འབྲས་ཡག་པོ་མེད་ཚུལ་སོགས་འཁྱོག་བརྗོད་ཁོ་ན་བྱེད་པ་མ་ཟད་ལོ་ངོ་ལྔ་བཅུའི་རིང་འབྲས་བུ་གང་ཡང་མ་སྨེན་པས་རང་བཙན་ཚོགས་པ་གསར་འཛུགས་བྱེད་པ་འདི་གཞིས་ལུས་དཔའ་བོ་གང་མང་ཞིག་མེ་མདའི་ཁ་རུ་གཡུག་པ་དང་གཉིས་སུ་མ་མཆེས།།
གོང་ས་མཆོག་བོད་དང་རྒྱ་ནག་ཏུ་ཕེབས་ཐུབ་ན་འགྱུར་བ་ཆེན་པོ་ཞིག་འགྲོ་ངེས་པ་རེད། དེའི་ཕྱིར་གལ་ཏེ་ཕེབས་ཐུབ་པའི་དབང་དུ་བཏང་ན་ཡིན་གཅིག་ཕེབས་དགོས་བསམ།
ཡིད་བཞིན་ནོར་བུ་གང་དང་གང་ལ་ཕེབས་བཞུགས་དགོས་མིན་ཁོང་གིས་སྔ་ས་ནས་གསལ་བོར་མཁྱེན་ཡོད།
གང་དུ་བཞུགས་མིན་དང་ཕེབས་མིན་དེ་གནད་དོན་མིན། གནད་དོན་ངོ་མ་ནི་ཁོང་གི་མཛད་འཕྲིན་སྔར་ལས་རྒྱས་དགོས་པ་དེ་རེད། དེས་ན་བཞུགས་ས་ངེས་མེད་དང་ཕེབས་ས་ངེས་མེད་ཡིན་ན་ལྷག་པར་བཟང། གར་འཕུར་རང་གི་ལག་དང་གར་འབབ་རང་གི་ལག་ཡིན་དགོས།
བསམ་བྷོ་ལགས་ཀྱིས་གསུང་པ་དེ་ག་རང་རེད། གལ་སྲིད་བཙན་བྱོལ་གཞུང་ནས་གོང་ས་མཆོག་བོད་ལ་ཕེབས་རྒྱུ་ཆར་གཞི་ཡོད་ན་ལོ་མང་སྔོན་ཕེབས་ཚར་བ་རེད་ གཞིས་ལུས་དཔའ་བོས་དཀའ་སྡུག་དེ་ཙམ་མ་འཕྲད་གོང་ གྲ་བཙུན་མང་ཕོ་བཙོན་ལ་མ་གྱར་གོང་བོད་རྒྱ་ཞི་སྒྲིགས་བྱེད་འདོད་ཡོད་ཚེ་གོ་སྐབས་མི་ཉུང་བ་ཞིག་ཆུད་ཟོས་ཕྱིན་ཚར་ དོན་དངོས་ཐོག་གཞིས་ལུས་མི་དམངས་ལ་བསམ་བློ་གཏོང་མཁན་མེད་ལ་ བོད་སྤྱི་ཡི་རང་དབང་ཞེས་པ་ཞིག་ཁག་པོ་རེད་ ད་ནི་གཞིས་ལུས་དཔའ་བོས་ཚེ་སྲོག་གྲངས་ཀ་རྒྱབ་སྟེ་སྡད་རྒྱུ་ལས་གཞན་གང་ཡང་མ་མཐོང་།།
གསུང་ཚིག་འདི་ཚོ་ངག་གི་རླབས་ཚིག་ཅིག་ཡིན་འདུག་པས་ཀློག་གིན་ཀློག་གིན་འདྲི་རྟགས་མང་པོ་འཁོར་གྱིན་འདུག
སྐུ་ཚེ་བསྲིངས་ཤིང་མཛད་འཕྲིན་མཁའ་ཁྱབ་ཤོག
༸ གོང་ས་མཆོག་གང་དུ་བཞུགས་ས་བཟང་དང་ངན་གྱི་སྐད་ཆའི་ཐོག་བགྲོ་གླེང་དང་། སེམས་ཕྲལ། རྣམ་རྟོགས་སོགས་ཅི་ཡང་བྱེད་དགོས་མེད། ངས་འདིར་སྔོན་མའི་སྒྲུང་ཐུང་ཐུང་ཞིག་བཤད་འདོད་བྱུང་།
སྔོན་མ་བོད་རང་བཙན་ཡོད་པའི་སྐབས་བོད་ཀྱི་སྤྲང་པོ་ཟླ་བ་བཟང་པོ་ཟེར་བའི་ཁྱིམ་ཚང་ཞིག་ལྟོ་སློང་བར་ས་ཆ་གང་སར་འགྲོ་བཞིན་ཡོད། མཚན་གཅིག་ཟླ་བ་བཟང་པོར་སྟོང་བསམས་འདྲ་མི་འདྲ་ཡིད་ལ་འཁོར། དེ་ནས་གང་ཙམ་བསམ་བློ་བཏང་རྗེས་ཟླ་བ་བཟང་པོས་ང་ཚོས་སང་ཉིན་ལམ་བར་དུ་གསེར་རྡོག་རྡོག་ལག་པ་ཙམ་ཞིག་རྙེད་ན་ཡག་པོ་ག་ཚོད་མིན་འགྲོ་ཞེས་སྐད་ཆ་ཤོར།
དེ་ནས་ཁོས་ཨོ་རེད་རེད་ཏག་ཏག་རེད། གསེར་དེ་བཙོང་ནས་རྟ་མོ་ཡག་པོ་ཉོ་ཐུབ་ངེས་པར་བྱེད་དགོས་ཟེར། དེ་ནས་ཨ་མ་དེས་རེད་རེད། ངས་རྟ་ལ་གཡོགས་པོ་བྱས་ན་རྟ་མོ་དེར་རྟེའུ་ཡག་པོ་ཞིག་སྐྱེ་རྒྱུ་ཡིན་ཟེར།
དེ་ནས་ལོ་བརྒྱད་ལ་སླེབས་པའི་ཟླ་བ་ཟང་པོའི་ཕྲུ་གུས་རྟེའུ་དེ་ངའི་ཡིན། གང་ཡིན་ཟེར་ན་ལམ་བར་དུ་འགྲོ་དུས་ང་རྟེའུ་ཆུང་ཆུང་དེར་བཞོན་ནས་འགྲོ་ཡི་ཡིན་ཟེར་ལབ་མ་ཐག་ཟླ་བ་བཟང་པོ་ཁྲོང་ཁྲོ་དྲག་པོ་ལངས།
དེ་ནས་ཟླ་བ་བཟང་པོས་རྟེའུ་ཆུང་ཆུང་དེ་འདྲ་གཅིག་ལ་བཞོན་རྟེའིུ་རྐེད་པ་ཆག་འགྲོ་ཡི་རེད་ཅེས་ཕྲུ་གུ་དེར་འགྲམ་ལྕག་ཚ་ཐག་ཆོད་བཞུས་པ་རེད། དེ་མ་ཐག་ཨ་མ་དེ་རླུང་དྲག་པོ་ལངས་ན་ཕ་སྤྲང་པོ་ཟླ་བ་བཟང་པོའི་ངོ་དོང་ལ་ཕོར་པའི་ནང་པའི་ཇ་ཚ་པོ་དེ་ཤོད་པ་རེད།
དེར་བརྟེན་ཟླ་བ་བཟང་པོ་ཁོང་ཁྲོ་ཆེན་པོ་ལངས་ཏེ་ཡར་ལངས་ནས་ཨ་མ་དེར་རྡོག་རྫིས་བཏང་ནས་སྐྲ་ཡར་འཐེན་ནས་འཁྲུགས་འཛིང་བྱས་པ་རེད།
དེ་ནས་སང་ཉིན་དེ་ཉིན་ཤར་རྗེས་ཁོང་ཚོ་ལུང་པ་གཞན་དག་གཅིག་ཏུ་ཕྱིན་པ་རེད། དེ་ནས་ལམ་བར་དུ་ཟླ་བ་བཟང་པོས་ཨ་ཁ་མདང་དགོང་ང་ཚོས་རྒྱག་རེས་བརྒྱབ་པ་དེ་རྦད་དེ་ནོར་ཤག་དངོས་གནས་བྱས་ན་ཨ་ཙི་་་་་ཨ་ཙི་་་་་་
༧གོང་ས་མཆོག་ངེས་པར་དུ་བོད་ལ་ཕེབས་དགོས། བོད་ནང་རང་ལུས་མེར་བསྲེགས་གཏོང་མཁན་དག་གི་རེ་བའང་འདི་རེད། ཡག་ཤོས་བྱུང་ན་ཆ་རྐྱེན་གང་ཡང་མེད་པའི་ཐོག་ནས་༧གོང་ས་མཆོག་བོད་དུ་ཕེབས་དགོས་ལ། གལ་སྲིད་དེ་ལྟར་མ་བྱུང་ཡང་། གནས་སྟངས་གང་འདྲ་ཞིག་གི་འོག་ནས་ཀྱང་༧གོང་ས་མཆོག་བོད་དུ་ཕེབས་རྒྱུ་བྱུང་བ་ཡིན་ན། བོད་རྒྱའི་གནད་དོན་འདི་ཚ་ཚ་འུར་འུར་ཞིག་ཆགས་འགྲོ་བ་རེད། དབྱིན་སྐད་ཀྱིས་བཤད་ན་ refresh ཆགས་འགྲོ་བ་རེད།
གཞིས་བཞུགས་བོད་རྒྱ་ཆེའི་མི་དམངས་ཙམ་མ་ཟད། རྒྱ་རིགས་དུང་ཕྱུར་མང་པོས་འགུལ་དཀྱོག་རྒྱག་གི་རེད། རྒྱལ་སྤྱིའི་ཐོག་ནས་ཀྱང་བཤད་མ་དགོས་པ་རེད། དམངས་གཙོའི་འགྲོ་སྟངས་ལྟར་བཤད་ན་བོད་མི་མང་ཆེ་བ་བོད་ནང་དུ་ཡོད། བོད་ནང་གི་བོད་མི་བརྒྱ་ཆ་ % 99 ལྷག་གི་འདོད་པ་༧གོང་ས་མཆོག་བོད་དུ་ཕེབས་རྒྱུ་དེ་རེད།
༧གོང་ས་མཆོག་བཙན་བྱོལ་ནང་ནས་བཟུང་བསྡད་ན་འདོད་མཁན་ཚོ་གངས་ཅན་སྐྱིད་གཤོང་གི་སྐུ་དྲག་གསར་རྙིང་གཉིས་ཀ་དང་། ཨ་རི་དང་ཡུ་རོབ་གཙོས་པའི་ཕྱི་རྒྱལ་ལུང་པ་ཁག་ཏུ་ཕྱུག་པོ་ཆགས་ཡོད་པའི་བོད་མི་ཚོང་པ་རྒྱག་པ་ཚོ་རེད། ཁོང་ཚོས་༧གོང་ས་མཆོག་བོད་དུ་ཕེབས་འཇུག་རྒྱུར་འདོད་པ་མེད་པ་མ་ཟད། བོད་རྒྱའི་གནད་དོན་འགྲིག་འཇགས་ཡོང་རྒྱུར་ཡང་འདོད་པ་རྩ་བ་ཉིད་ནས་ཡོད་པ་མ་རེད། འདི་བོད་མི་དཀྱུས་མ་དཀའ་ལས་རྒྱག་མཁན་ཚོས་ཤེས་དགོས་པ་རེད།
བཀྲ་ཤིས་བདེ་ལེེགས།
གོང་ས་མཆོག་གང་དུ་བཞུགས་ན་ལེགས་སམ་ཞེས་དྲི་བ་ཞིག་བཏང་ཡོངས་དུས། དེ་ལ་དྲི་ལན་ཞིག་སྟེར་བར་ཡང་དཀའ་ངལ་མང་པོ་ཞིག་དང་འགན་མང་པོ་ཞིག་ཡོད་ནི་རེད། གང་ཡིན་ཟེར་ན་དང་པོ་ང་ཚོས་བསམ་བློ་གཏོང་དགོས་བ་ནི་གོང་ས་མཆོག་སྐུའི་བདེ་འཇགས་གི་སྐོར་རེད།
སྤྱིར་ཡིན་ན་གོང་ས་མཆཽག་བོད་ལ་ཕེབས་པ་དེ་ནི་བོད་མི་རྩམ་གཟན་ཞིག་ལ་མཚོན་ན་སེམས་ནང་གི་རེ་བ་ཉག་ཅིག་རེད། ཡིན་ཡང་ད་ལྟའི་བོད་ནང་གི་གནས་སྟངས་དང་རྒྱ་མའི་ཆབ་སྲིད་གི་གནས་སྟངས་ལ་བལྟས་ན། གལ་སྲིད་མ་འོངས་བར་རྒྱ་ནག་གི་ཆབ་སྲིད་ལ་འགྱུར་བ་མ་སོང་བར་ད་དུང་འདི་ལྟར་མཁྲེག་པོ་ཞེས་ནས་བསྡད་ན་གོང་ས་མཆོག་བོད་ལ་ཕེབས་པ་ལས་འདིར་བཞུགས་ན་བཟང་།
གལ་སྲིད་རང་དབང་ལོངས་པའི་ནང་དུ་བསྡད་པ་ཡིན་ན་གོང་ས་མཆོགས་སྐུ་བདེ་འཇགས་གཙོ་བྱས་གཞན་ཕྱག་ལས་ག་རེ་གནང་དགོས་ཀྱང་སྟབས་བདེ་བ་ཡོད་པར་འདོད།
གལ་སྲིད་མ་འོངས་རྒྱ་ནག་གི་སྲིད་ཅུས་ལ་འགྱུར་བ་བྱུང་ནས་ཆབ་སྲིད་གི་གནས་སྟངས་ལེགས་པོ་བྱུང་ནས་ད་གཟོད་གོང་ས་མཆོག་བོད་ལ་ཕེབས་ན་ཡང་འགྲིག་པར་འདོད།
དྲི་བ་དེ་བོད་མི་ཡོངས་ཀྱི་སེམས་ལ་དེ་སྔོན་ནས་ཡོད་དགོས་པ་ཞིེག་ཆགས་ཡོད།
རེད་དེ་ད་ལྟ་བར་དེའི་སྐོར་དྲི་བ་དྲི་ལན་དང་བགྲོ་གླེང་སོགས་གང་ཡང་བྱུང་མེད།
དེང་རིང་གོ་སྐབས་དེ་བརྒྱུད་ནས་རྒྱ་སྤྱིའི་ཐོག་བོད་ཀྱི་གནས་བབས་དང་རྒྱ་དམར་གཞུང་གིས་བོད་དོན་ལ་འཛིན་པའི་སྲིད་བྱུས་། བོད་ནང་གི་བོད་མིའི་ད་ལྟའི་གནས་སྟངས་སོགས་ལ་གཞི་བཅོལ་ནས་བོད་ཀྱི་སྨྱུག་ཐོགས་པ
རྣམས་དང་རྒྱུན་དུ་དྲ་ཐོག་ལ་ཕེབས་མཁན་ཚོས་བགྲོ་གླེང་ལྷུགས་པོ་ཞིག་གནང་ན་དགེ་མཚན་
ཡོད་པ་མཐོང༌༎
བོད་མི་རིགས་ནང་ཁུལ་ལ་སྐྱོན་བརྗོད་དང་ངན་སྨྲ། དམའ་འབེབ་དང་ཉེས་འཛུགས།
མཚང་སྒྲུབ་དང་བརྙས་བཅོས། དགྲ་དགའ་དང་གཉེན་སྡུག།ཆགས་སྡང་དང་ཕྱོགས་ལྷུང་གི་རྩོམ་འཆལ་སྤེལ་བའི་ཆེད་དུ་གཉིད་སད་གནམ་ལངས་ལྟ་བུའི་གོམས་གཤིས་ངན་པ་འདི་འོ་ཅག་གི་གཅོང་ནད་དང་པོ་དེ་རེད།
དེང་སང་གངས་ཕྲུག་ཁྲོད་ཀྱི་སྨྱུག་ཐོགས་པས༎
བདེན་གཏམ་སྨྲ་བའི་རྭ་བའི་ཕྱི་རོལ་ནས༎
ཚུལ་མིན་གཏམ་འཆལ་སྨྲ་བ་མང་མཐོང་སྟེ༎
རེ་བའི་དྲང་ཚིག་མདའ་མོ་འདི་ན་འཕེན༎
ཁ་བྱང་འདིས་ང་རང་ཁུ་སིམ་མེར་བཞག་སོང་། དངོས་གནས་ང་ཚོས་འདིའི་ཕྱོགས་ལ་བསམ་བློ་ཞིབ་ཚགས་གཏོང་དགོས་ཀྱི་འདུག
༧གོང་མཆོག་ཡིན་གཅིག་བོད་ལ་ཕེབ་དགོས། འདི་ནི་བོད་མི་རྒྱ་ཆ་གོ་དགུའི་རེ་བ་ཡིན་ལ། ད་བར་རང་བསྲེགས་གནང་མཁན་གྱི་དཔའ་བོ་དཔའ་མོ་ཚོའི་རེ་འབོད་ཀྱང་ཡིན།
གསར་འགྱུར་འདི་བརྒྱུད་ལམ་གཞན་ནས་ཀྱང་གོ་སོང་། ཡིན་ནའང་༼ ༧གོང་ས་མཆོག་གང་དུ་བཞུགས་ན་ལེགས་སམ ༽ཞེས་པའི་དྲི་བ་འདིར་བོད་མི་ཚང་མས་བསམ་བློ་ཞིབ་ཚགས་གཏོང་དགོས་པའི་ཧ་ཅང་གནད་འགག་ཅན་གྱི་དྲི་བ་ཞིག་དང་། དྲིས་ལན་འདེབས་དཀའ་བ་ཞིག་ཀྱང་རེད།