རང་བཙན་ཆེད་བོད་ཀྱི་རྒྱལ་ཡོངས་ལྷན་ཚོགས་གསར་འཛུཊ།

གསེར་མིང་ལགས།
དམར་པོ་ཚང་བཙན་བྱོལ་ནས་བཏོན་པའི་བསམ་འཆར་ཡིག་ཆའི་ཤོག་ལྷེ་ཁ་ཤས་ལ་འདྲོགས་ནས་ཐ་ཚིག་དེ་བསྒྲགས་པར་ནམ་ཡང་དངོས་འཛིན་བྱེད་ཀྱིན་མེད། ཁོང་ཚོའི་འཆར་ཅན་གྱི་བསྡོམས་ཤིག་ལ། ་་་ཁ་ནས་བཤད་པ་ལས་ལག་ལེན་ལ་བལྟ་དགོས་་་་ཞེས་པ་འདི་རེད། ང་ཚོའི་ལག་པ་གཅིག་གིས་ལག་འབྲེལ་བྱས་ནས་གཅིག་གིས་འགྲམ་ལྕག་གཞུས་གི་ཡོད་ཙང་གྲོས་མོལ་དགུ་པའི་གྲུབ་དོན་དེ་བྱུང་བ་རེད།
ཁྱོད་ཀྱི་དྲངས་པའི་ཀྲུང་ནན་ཧེའི་ཡི་སྐད་ཆ་དེའི་ཁོངས་གསལ་སྟོན་གནང་རོགས་དང་གཞི་ནས་ལན་ཞུ་ཆོག།
ཡང་གལ་ཏེ་བོད་པ་ཚང་ལ་ཐོབ་བྱ་ཞིག་ཡོད་ན་དབུ་ལམ་གྱི་ཐོག་ནས་རང་སྐྱོང་ཞིག་ཐོབ་དགོས་པ་མ་གཏོགས་རང་བཙན་ནི་ཐོབ་བྱ་མིན་ཙང་ཐོབ་བྱེད་ཀྱི་ལམ་དེ་བས་མེད། ལམ་ཁ་མེད་བཞིན་ད་དུང་མུ་མཐུད་ལྐུགས་པའི་ཨུ་ཚུགས་བྱས་ན། མི་དང་། རྒྱུ། དུས་ཚོད་སོགས་ཡོད་ཚད་འཕྲོ་བརླག་དང་མཐའ་མ་མི་རིགས་འདི་ལག་པ་སྟོང་པར་ཤི་གི་རེད། འོན་ཀྱང་རྩོད་ཆོག་ལ། བཤད་ཀྱང་ལོས་ཆོག །བཤད་ན་སྙན་པོ་ཞིག་ཀྱང་ཡོད་པ་རེད།
རེད། ཁྱོད་ཀྱིས་ཁ་སྔོན་ནས་ཡེ་རྡོར་དཀར་འདོན་གྱིས་ནག་ཉེས་ཀྲུང་ནན་གྱི་སྒང་ལ་གཡུག་སྟངས་ལ་གཞིག་ན་ཁྱོད་ཁོང་དང་སེམས་ཐག་ཉེ་ཙམ་ཡིན་སྒྲོ། ཁོང་ཤ་རུས་གཅིག་པ་ཞིག་ཡིན་ཙང་ཉེས་པ་མེད་ན་མེད་པར་སྨོན་ཅེས་ཟེར་རྒྱུ་ཡིན།
གུང་ཁྲན་ཏང་གིས་བོད་མི་རིགས་ལ་འཕྲོག་བཅོམ་དང་བཙན་གནོན་ཚད་ལས་བརྒལ་བ་བྱས་པ་བདེན་མོད་དེས་རྒྱ་མི་རིགས་ཞེས་དབྱིག་པ་ལེབ་བརྡུང་བྱས་ན་དཔྱོད་ལྡན་དང་གཟུར་གནས་རྣམས་ཀྱིོ་བལྟས་ན་བྱབ་ཆུང་དུ་མཐོང་བས་དེས་ནི་བོད་ཀྱི་གདུང་ཞེན་དང་། ལ་རྒྱ། སྙིང་སྟོབས་སོགས་འཕྲོ་བརླག་ཏུ་གཏོང་ཉེན་ཆེ་བས་ཅུང་གཟབ་ན་ལེགས།
ཡང་ཨ་རི་དང་ཁ་ན་དྲའི་ནང་ག་འདྲ་ཡིན་མིན་རྒྱུས་མེད། ཡིན་ཡང་ཁྱོད་ཀྱིས་་་་འོན་ཀྱང་ཁྱོད་ཀྱིས་རྒྱ་རོ་དུང་ཕྱུར་བཅུ་གསུམ་ལྷག་དང་གྲངས་ཉུང་བོད་རིགས་གཉིས་འོས་འཕེན་གྱི་ཁྱད་པར་བཤད་པ་ནི་ཅི་འདྲའི་ཡ་མཚན་མ་རེད་པས། ་་་་་ཞེས་ཟེར། འོ་ན་དེ་དང་གཤམ་དུ་ཁྱོད་ཀྱི་བཤད་པ་ལྟར་ཁོང་ཚོ་ཤོག་ཁག་གཉིས་སུ་བྱས་ནས་འོས་འཕེན་བཅུགས་ཡོད་པར་བཤད་པ་གཉིས་སྔ་ཕྱི་ནང་འགལ་དང་ཁྱོད་རང་ལ་ལྟག་ཆོད་འབའ་ཞིག་ཏུ་སོང་། ཡང་རྒྱ་རིགས་དང་བོད་རིགས་ཤོག་ཁག་གཉིས་སུ་བྱས་ནས་འོས་འཕེན་གྱི་ཐོབ་ཐང་སྤྲད་པའི་དབང་དུ་བཏང་ན་དེ་བས་རང་བཙན་ལ་རེ་བ་མེད་པར་ཤེས་པར་བྱོས།
གྲོགས་པོ་ལགས། སླད་མར་ལན་འདྲ་གཏོང་ན། ཚིག་ཉུང་ལ་དོན་བསྡུས་པ་བརྗོད་པ་གཙང་མ་ཞིག་འབྲི་རོགས། གཞན་ཉག་ཉོག་དང་རྫབ་རྫོབ་མང་དྲགས་ན་ཀློག་འདོད་མི་འདུག། བདེ་མོ།

གསེར་འབྲུག་ཅན་ལགས། བསྐྱར་མཇལ་བས་སྤྲོ།
ཏིང་ལ་མགོ་སྐོར་གཏོང་འདོད་དང་སྒྱུ་མའི་མིག་སྨན་གྱིས་བསླུ་འདོད་ཡོད་མེད་ཇི་ལྟར་ཡང་། སྐུ་མདུན་དང་བཙན་བྱོལ་གཞུང་ཏིང་གི་བསླུ་འོག་ཏུ་ཐེབས་མེད་དེ། ཏིང་གིས་ཚུར་སྒོ་མ་བརྡུང་གོང་ནས་གྲ་སྒྲིག་ཡོད་པས་སོ། །
རེད་ཏཱ་ལའི་ཁ་བྲལ་ཤོག་ཁག་དང་ནུབ་ཕྱོགས་དགྲར་འཛིན་སྟོབས་ཤུགས་ཀྱིས་ཀྲུང་གོར་རྒོལ་བརྡུང་བཏང་མི་ཡོང་ངམ་སྙམ་པའི་རྣམ་དོགས་དང་སེམས་ཁྲལ་ཅིག་ཡོད་ནས་རང་བཞིན་གྱིས་སྒོ་ཚུར་བརྡུང་དགོས་བྱུང་བ་རེད་་་ཟེར། འོ་ན་ཚུར་རྒོལ་བརྡུང་གཏོང་བ་ལ་རང་བཙན་དགོས་པའི་ངེས་པ་མེད་ལ་དབུ་ལམ་གྱིས་ཀྱང་ངོ་། །ཏིང་དང་ཀྲུང་ནན་ཧེ་ལ་སེམས་ཁྲལ་དང་རྣམ་རྟོགས་དེ་ཡོད་པ་བདེན་པ་ཡིན་རྒྱུ་རེད། འོན་ཀྱང་སེམས་ཁྲལ་དེ་སྔར་མའོ་དང་ཀྲུས་ཏེ་བཅས་ནས་བརྒྱུད་པ་ཞིག་ལས་གསར་པ་གང་ཡང་མ་རེད་ལ་དེས་ཚུར་སྒོ་བརྡུང་དགོས་བྱུང་བ་གསལ་པོ་བཤད་རྒྱུ་མེད། གཅིག་བྱས་ན་སྐབས་དེར་ཏིང་གིས་གུ་ཡང་གི་སྲིད་ཇུས་ཤིག་གསར་བཏོད་བྱས་པས་ཀྱང་ཡིན་ཤས་ཆེ། ལྔ་བཅུ་ང་གྲངས་ནང་བོད་བཅོས་སྒྱུར་སྐབས། མའོ་ཡིས་་་བོད་དང་ཐེ་བན་གཉིས་རྙོག་གྲ་ཚ་ཤོས་དང་དེ་གཉིས་ལས་བོད་དེ་ཆོས་ལུགས་ཀྱི་ཀླད་ཞེན་ཆེན་པོར་སོང་ལས་སླ་པོ་མ་རེད་་་ཅེས་བཤད་ཡོད་པ་རེད།
ཡང་སྐབས་དེར་ཀྲུང་གོ་གཉིད་སྐྱིད་པོ་ཁུག་མི་འཇུག་མཁན་དེ་ཕྱི་ཤོར་གྱི་བོད་གཞུང་མང་ལས་སྐུ་མདུན་བརྩིས་ཡོད་པ་རེད། སྐུ་མདུན་རྒྱ་གར་དུ་ཤོར་ཚར་དུས་་་མའོ། ཏིང་། ཀྲུས་ཏེ། སོགས་ཀྱིས་མགྲིན་གཅིག་ཏུ་་་་ད་རྙོག་དྲ་ཆགས་སོང་ཞེས་བཤད་པ་རེད། གཞན་བོད་མི་གང་ཙམ་ཕྱི་ལོགས་སུ་ཕྱིན་ཀྱང་སྐུ་མདུན་མ་ཤོར་ན་དེ་ཙམ་ནུས་པ་མི་ཐོན་པར་མའོ་སོགས་ཀྱི་ངོས་འཛིན་བྱེད་ཀྱི་ཡོད་པ་རེད། རེད་དེ་སྟབས་ལེགས་པ་ཞིག་ལ་ཏིང་གི་བོད་ཐོག་ནོར་འཁྲུལ་ཞིག་བྱུང་བ་སྐབས་དེར་ཁོ་རང་གིས་ཧ་གོ་ཡོད་རྒྱུ་མ་རེད། ནོར་འཁྲུལ་ནི། ས་མཚམས་ཀྱི་གུ་ཡངས་རེད། ས་མཚམས་གུ་ཡངས་བཏང་བར་བརྟེན་གྱ་གྲངས་ནས་གསར་འབྱོར་འབོར་ཆེན་སླེབས་ཙང་བཙན་བྱོལ་གཞུང་མང་གཉིས་ཀ་ནུས་པ་ཆེ་རུ་ཕྱིན་ཙང་ད་ཚོད་ཧུའུ་ལ་གང་འཚམ་འགྱོད་པ་ཡོད་པ་རེད།
གྲོགས་པོ། ངས་ཁ་ནང་བལྟས་ཀྱི་དབང་དུ་བྱས་ནས་ཞེས་བཤད་པའི་དོན་དག་ཁྱོད་ཀྱིས་མ་གོ་བ་ཡིན་ནམ་མ་གོ་ཁུལ་བྱས་པ་ཡིན། དབུ་ལམ་ལ་ས་ལམ་ཚད་ལྡན་མི་འཕོས་ཡ་དེ་སྤྱིར་ཕྱི་ནང་གཉིས་ཀར་རགས་ལོས་ལས། འོན་ཀྱང་དམིགས་སུ་བཀར་ནས་རང་ངོས་ནས་ལམ་དེའི་ཐོག་རྡོག་རྩ་གཅིག་སྒྲིལ་མ་བྱུང་ཙང་ཚད་ལྡན་གྱི་ས་ལམ་མ་འཕོས་པར་ངོས་འཛིན་བྱེད་ཀྱིན་ཡོད་ལ་ཕར་ཕྱོགས་ནས་ཏཱ་ལའི་བླ་མས་མངོན་པར་མི་གསལ་བའི་རང་བཙན་རྩོད་ཀྱི་འདུག་ཟེར་དགོས་དོན་ཡང་རང་བཙན་ཁ་རུ་འཁྱེར་བའི་སྐབས་འཚོལ་བ་ཁ་ཤས་ཀྱི་སྐུ་མདུན་ཁོང་ཚོའི་རྒྱབ་དུ་ཡོད་མདོག་མདོག་གྱིས་བརྡ་ལན་བཏང་པས་རེད་བསམ།
ཡང་གཅིག་བཤད་ན། ཡེ་རྡོར་དང་ཀྲུང་ནན་ཧའེ་སུའི་རྩོམ་བྲིས་ཡིན་ཡང་ཡིད་ཆེ་མེད་ལ་ཁུངས་ལུང་འདྲེན་འདོད་དེ་བས་ཀྱང་མེད།
གསེར་ལགས། ཅང་དང་ཧུའུའི་བར་གྱི་འགལ་ཟླ་དེང་སང་གི་རྒྱའི་ཉམས་ཞིབ་པ་ཚོས་བཤད་ཀྱི་ཡོད་པ་རེད་ལ་བོད་རྒྱའི་བར་གྱི་གཞི་རྩའི་རྩོད་གཞི་གཙོ་བོ་ངོས་མ་ཟིན་ན་ཁྱོད་ཀྱི་སྐད་ཆ་དེ་ག་རང་ཡོང་གི་རེད། ཡང་མི་རིགས་ཀྱི་གནད་དོན་སྒང་ཕྱིན་ན་ཁྱོད་ཀྱི་བཤད་པ་ལྟར་རྒྱ་རིགས་ཚང་མ་ཁ་ཕྱིར་བསྐོར་ན་རྡོག་རྩ་གཅིག་སྒྲིལ་ཡིན་སྲིད་ཀྱང་ཆབ་སྲིད་ཀྱི་གནད་དོན་ཕྱོགས་ནས་དཔེར་ན། མང་གཙོ་རྩོད་ལེན་པ་དང་ཧའ་ལོང་གོང་སོགས་རྒྱ་ནང་ནང་ཁུལ་དུ་ལྟ་བ་མི་མཐུན་པ་མང་ཐག་ཆོད་ཡོད་པ་ཁྱོད་ཀྱི་ཤེས་མདོག་ཁ་པོ་རེད།
ཡང་གལ་ཏེ་དམར་པོའི་སྲིད་གཞུང་མགོ་རྟིང་སློག་ནས་ཚད་ལྡན་གྱི་མང་གཙོའི་རང་བཞིན་ལྡན་པའི་གཞུང་ཞིག་ཆགས་ན་ཡང་ཆོལ་གསུམ་གཅིག་སྒྲིལ་གྱི་བོད་རང་བཙན་ཞིག་རགས་རྒྱུ་ནི་ཉིན་མོའི་སྐར་མ་ནང་བཞིན་རེད། རྒྱ་མི་རིགས་ལ་མཐོ་སྒང་བོད་པ་ཚང་མེད་དུ་མི་རུང་པར་སོང་ཙང་ས་ཡ་དང་དུང་ཕྱིར་གཉིས་ལས་དུང་ཕྱིར་ལ་མང་མོས་ཐོག་ནས་ཐོབ་ཀྱི་རེད། གཞན་ཡང་སྐབས་དེར་རྒྱལ་སྤྱིའི་ཁྲིམས་ཐོག་ནས་ཐག་གཅོད་མ་གནང་བར་འགྲོ་མེད་ལ། ཁྲིམས་ཐོག་ན་ཆོལ་གསུམ་ཆིག་སྒྲིལ་གྱི་རང་བཙན་ལ་དཔང་རྟགས་ཁབ་དང་སྐུད་པ་ཙམ་ག་པ་ཡོད། འབྲི་ཆུས་བཅད་པའི་རང་བཙན་ཕྱེད་ཁ་ཞིག་རགས་ཤས་ཆེ་ལ་དེས་ཚིམ་མིན་རང་བཙན་རྩོད་ལེན་པ་ཚོའི་ཐུགས་ལ་ཡོད་མདོག་ཁ་པོ་རེད། དེ་དུས་རང་བཞིན་གྱི་དབུ་ལམ་ལ་ས་ལམ་ཚད་ལྡན་ཞིག་མི་འཕོས་རང་འཕོས་ཆགས་ཀྱི་རེད།

བདེ་མོ།

གསར་འགོད་པ་ལྐུགས་པ་ཚོ། སྤྱི་འཐུས་ལྐུགས་པ་ཚོ། མཁས་དབང་ལྐུགས་པ་ཚོ། རྗེས་འཇུག་པ་ལྐུག་པ་ཚོ། གལ་སྲིད་ཁྱེད་རང་ཚོས་རྒྱལ་དབང་སྐུ་ཕྲེང་བཅུ་གསུམ་པ་ཆེན་མོས་མན་ཇུའི་འོག་ནས་རང་བཙན་བླངས་པའི་རྒྱལ་ཁབ་དེའི་མཇུག་མཐུད་བསམ་གྱི་ཡོད་ན། དེ་ནི་རྒྱལ་ཁབ་སླར་གསོ་ཞེས་འཔོད་འོས་པ་ལས་རང་ཙན་ཞེས་བོས་ན་གོ་ལོག་ཐེས་ཀྱིན་པར་མ་ཟད། བོད་ཀྱིས་ད་ལྟ་གཞི་ནས་ལོགས་སུ་རང་བཙན་བྱ་རྒྱུ་རེད་ཅེས་པ་ཞིག་ལ་གོ་བཞིན་པས། ལྐུགས་པ་རེད་དམ་མཁས་པ་རེད། ད་དུང་དེ་འདྲ་ཞིག་ཀྱང་མགོ་ཚོས་ཀྱི་མི་འདུག

གསེར་འབྲུག་ལགས་བཀྲ་ཤིས་བདེ་ལེགས།
གདེང་ཚོད་དང་བཅས་ཀྲུང་ནན་ཧའེ་ལ་དེ་འདྲའི་སེམས་ཁྲལ་ཡོད་པར་བཤད་འདུག། ག་འདྲ་ཧ་གོ་སོང་། ? ཀྲུང་ནན་ལ་སེམས་ཁྲལ་དེ་ཡོད་པའི་རྒྱུ་མཚན་གྱིས་ཏིང་ལའང་ཡོད་པ་སུས་ཤེས། སྐབས་དེར་ཏིང་ལ་དེ་འདྲའི་སེམས་ཁྲལ་དགོས་དོན་མེད། གང་ཡིན་ཞེ་ན། ཁོ་རང་མའོ་ཡི་བཙན་འོག་ནས་བཅིངས་གྲོལ་ཐོབ་པ་དང་གཅིག། མི་བཞིའི་ཤོག་ཁག་རྩ་མེད་བཟོས་པ་དང་གཉིས། རིག་གནས་བརྗེ་མཇུག་བསྒྲིལ་བ་དང་གསུམ་གྱིས་ཁོ་རང་འགྲོ་ཡངས་སྡོད་བདེ་ཆགས་པ་མ་ཟད། སྤྱི་ཁྱབ་དང་དམག་དོན་གཉིས་ཀའི་གཙོ་འཛིན་ཁོ་རང་ཆགས་ཚར་བ་རེད།
༡༩༥༠ ལོར་ཆབ་མདོ་ཤོར་ཚར་ནས་སྡེ་གཞུང་ཨུ་ཐུག་ཐབས་ཟད་དེ་ཆབ་སྲིད་ཀྱི་འགན་དབང་ཡོངས་རྫོགས་ལོ་བཅུ་དྲུག་ཅན་གྱི་སྐུ་མདུན་སྒང་ལ་གཡུག་པ་རེད་ལ་དེ་དུས་བོད་ཀྱི་ས་གནས་མང་ཆེ་བར་རྒྱ་དམག་གིས་བཙན་འཛུལ་བྱས་ཚར་བ་རེད། དེ་ནས་བཟུང་༡༩༥༩ བར་གྲོས་མོལ་ཐེངས་གཉིས་བཏང་བ་རེད། གྲོས་མོལ་ནི། ཕན་ཚུན་གཉིས་ཀར་བསམ་བློ་གཏོང་དགོས་པ་ལས། རང་རྒྱལ་གཞན་ཕམ་ཞིག་ལ་གྲོས་མོལ་ཟེར་འདོག་མེད།
བཙན་བྱོལ་དུ་འབྱོར་ནས་དོན་ཚན་བཅུ་བདུན་རྩིས་མེད་དུ་བསྒྲགས་པ་བདེན་པ་རེད། དེ་ནས་ལོ་རབས་བརྒྱད་བཅུ་པ་བར་དམངས་དང་མཐོ་རིམ་ཀླད་མཁྲེགས་ཁ་ཤས་ཀྱིས་རང་བཙན་ས་བསྒྲགས་གནམ་བསྒྲགས་བྱས་ཡོད་སྒྲོ། འོན་ཀྱང་ངའི་གོ་ཚོད་ལ། བོད་ས་ཡོངས་རྫོགས་ཤོར་ནས་བཟུང་༸གོང་ས་མཆོག་གིས་གྲོས་མོལ་ལས་ཐབས་གཞན་མེད་པར་གཟིགས་ནས་་་་དབུ་ལམ་གྱི་ཐ་སྙད་མ་བྱུང་གི་བར་དུ་་་་བོད་ལ་བདེ་སྐྱིད་དགོས་་་་ཞེས་བསྒྲགས་པ་ལས་་་་རང་བཙན་དང་ཐབས་གཞན་བསྟུན་མཁས་ཀྱིས་བསྒྲགས་མེད་པར་གོ། ཁྱོད་ལ་གསལ་པོ་བཤད་ཡ་ཡོད་ན་ཤོད། མེད་ན་སྒྲོ་འདོགས་མ་གནང་རོགས།
གློ་དམག་དཔེར་མཚོན་བཀོད་འདུག་པས་དེ་ལས་གཞན་ཁྱོད་ལ་བཤད་རྒྱུ་མེད་ཚོད་རེད། གློ་དམག་ནི་ཁ་འཐོར་དུ་མ་སོང་བར་ཨ་རིའི་སྟངས་འཛིན་དང་ཁེ་ཕན་འོག་ནས་གློ་ཡུལ་རི་སྒང་ནས་འགྲོ་ཤེས་འདུག་ཤེས་བྱེད་རྒྱུ་ལས་ང་རང་ཚོའི་འདོད་པ་ཁེངས་པ་ཞིག་བྱུང་མེད། ང་ཚོར་དགོས་ཡ་གཞིས་བྱེས་གཉིས་ཀྱི་མི་མང་དང་རང་དབང་གི་ཚོགས་སྡེ་དེ་བཞིན་སྒྲིག་འཛུགས་ཁག་གི་ངོ་རྒོལ་རེད། དེ་ནི། སྐབས་དེར་ཧ་ཅང་དཀོན་མོ་རེད། གང་ཡིན་ཟེར་ན། བོད་ནང་དུ་རིག་གནས་གསར་བརྗེ་སླེབས་ཚར་བ་དང་བཙན་བྱོལ་པ་ཚོར་གནས་མལ་དང་ལྟོ་གོས་ཀྱི་དཀའ་ངལ་འཕྲད་བཞིན་པ་མ་ཟད་མང་པོ་ལྟོག་ཤི་ཐེབས་པའི་སྐབས་རེད།
ཡང་ཁྱོད་ཀྱི་ཡེས་རྡོར་ཁུངས་སུ་དྲངས་ཡོང་དུས་ང་ལ་ཚོར་སྣང་ཁྱད་མཚར་ཞིག་བྱུང་། ཡེས་རྡོར་ལ་ཡིད་ཆེ་ནས་ཁུངས་སུ་བྱས་པ་ཡིན་ནམ་ཨུ་ཐུག་ནས་ཁུངས་སུ་བྱས་པ་ཡིན། ཅིག་བྱས་ན་ཁྱོད་གཉིས་བསམ་ཚུལ་གཅིག་མཚུངས་ཡིན་སྒྲོ། ཡང་སྤྱི་ཡོང་གི་ཆ་ནས་བཙན་བྱོལ་གཞུང་མང་རྡོག་རྩ་གཅིག་སྒྲིལ་དང་འཛུབ་མོ་ལྔ་བཅངས་ཁུ་ཚུར་ཡིན་རྒྱུ་རེད་དེ། དེང་སང་ལ་ལྟོས་ཏེ་མིན་པར་ཚོགས་པ་བཅུ་གསུམ་གྱིས་ཤེས་ནུས།
ངེད་ཀྱི་ཁ་སྔོན་བཤད་པ་ལྟར་ཡིན། ཁ་ནང་བལྟས་ཀྱི་དབང་དུ་བྱས་ན་་་་དབུ་ལམ་ལ་ས་ལམ་ཚད་ལྡན་ཞིག་མི་འཕོས་ཡ་དེ་་་དངོས་ཤུགས་བརྒྱད་གསུམ་ནས་འགོག་རྐྱེན་མང་དྲགས་པས་རེད། དེ་ཡང་གཏམ་དཔེར། ངོ་ཪིག་ན་ངོ་སོ་བསྟོད། ངོ་མ་རིག་སྐྱག་པ་ཟོ། ཟེར་བ་འདྲ་བོ་ཆགས་བསྡད་ཡོད་པ་རེད།
ཡང་ཁྱོད་ཀྱི་སྣང་གནས་མི་མཐུན་པའི་སྐོར། ཀྲུང་ནན་ཧའེ་ཕྱོགས་གཏོགས་དང་བཅས་ལ་གང་སྣང་ཐམས་ཅད་སེར་པོར་སྣང་གི་ཡོད་ཙང་ཁག་མེད། དེ་ལས་སྡིག་པ་གཅིག་ལ་རང་བཙན་རྩོད་ལེན་པ་ཁ་ཤས་ལ་ཁྱོད་ཀྱི་བཤད་པའི་སྣང་གནས་མི་མཐུན་ཚུལ་དེ་དག་དག་འགྲོ་གི་འདུག་བསམ། ཁོང་ཚོར་སྣང་ཚུལ་ལ་ཁྱོད་ཀྱི་བཤད་པ་དེ་ལྟར་སྣང་ཡང་གནས་ཚོད་ལ་གཞན་ཞིག་ལག་ལེན་བསྟར་གཞིན་ཡོད་པ་རེད། ཡང་རྫབ་ཆེ་བ་ཞིག་ནི། ཁོ་རང་ཚོའི་རྒྱབ་དུ་གོང་ས་མཆོག་ཡོད་མདོག་མདོག་དང་རང་ལུས་མེ་རུ་སྒྲོན་མཁན་ཚོའི་དགོས་འདུན་གཙོ་བོ་རང་བཙན་ཡིན་མདོག་མདོག་གི་སྒྲོ་འདོགས་བྱེད་ཀྱིན་ཡོད་ཙང་རྫུན་པ་ལ་ནམ་ཡང་རྒྱབ་སྐྱོར་བྱེད་ཐབས་མེད།
ཐབས་འདྲ་མིན་ཐོག་ནས་བོད་དོན་གླེང་བ་ལ་རྒྱབ་སྐྱོར་ལོས་ཡོད་དེ། ཐབས་འདྲ་མིན་ཞེས་ཐབས་ལམ་ཐོག་ཡང་རྙོག་དྲ་ཡོད་ཤས་ཆེ།

ལོ་འདིར་རྒྱ་གཞུང་གི་དབང་ཆེན་ཕྱོགས་ཁག་བར་གྱི་དབང་རྩོད་འགལ་ཟླ་ཛ་དྲག་ཏུ་གྱུར་ཏེ་སྔར་གྱི་ནང་ཁུལ་གསང་རྒྱ་ལས་བརྒལ་ནས་རྒྱལ་སྤྱིའི་སྟེང་དུ་མཆེད་པས། ཕྱི་ནང་ཀུན་ན་དེའི་སྐོར་གྱི་གསར་འགྱུར་དང་རྒྱ་ནག་དམར་ཕྱོགས་ཀྱི་དཔོན་གནས་འཕོ་འགྱུར་ལ་ཚོད་དཔག་གི་གླེང་སློང་ཡང་སྣ་ཚོགས་འོང་གིན་འདུག དབང་རྩོད་དུ་ཞུགས་པའི་མི་སྣ་ལ་རིམ་པ་དང་ཁྱབ་ཁོངས་འདྲ་མིན་ཡོད་པ་དང་། ཆེ་ས་ནས་བལྟས་ན། སྲིད་འཛིན་ཟུར་བ་ཅང་ཙེ་མིན་གྱི་ཕྱོགས་ཁག་དང་ལས་ཐོག་སྲིད་འཛིན་ཧུའུ་ཅིན་ཐོ་ཡི་ཕྱོགས་ཁག་གཉིས་ཡིན། ཁ་ཅིག་གིས་ད་ལོའི་དབང་རྩོད་ཀྱི་ཛ་དྲག་གནས་སྟངས་ནི་རིག་གནས་གསར་རྗེའི་སྐབས་ཀྱི་ཚད་དང་མཉམ་པར་བཤད། ཁ་ཤས་ཀྱིས་རྒྱ་ནག་དམར་ཕྱོགས་ཀྱི་སྲིད་དབང་མི་རིང་པར་འཐོར་ཞིག་ཏུ་འགྲོ་བར་བཤད་པ་དང་། ཡང་ཁ་ཤས་ཀྱིས། ནང་ཁུལ་གྱི་འགལ་ཟླ་ཆེ་ཡང་སྒེར་གཅོད་སྲིད་དབང་འཇིག་ན། འགོ་ཁྲིད་ཉེས་ཅན་པ་མང་པོ་མི་དམངས་ཀྱིས་ཁྲིམས་ལ་སྦྱར་བ་དང་དབང་འབྱོར་གཉིས་ཆ་ཤོར་སྲིད་པས། ཅི་ལ་ཐུག་ཀྱང་ཚང་མ་རྟེན་སའི་སྲིད་དབང་དེ་འཐོར་ཞིག་ཏུ་མི་འགྲོ་བ་བྱ་ངེས་ཟེར། གང་ལྟར་ང་རང་གིས་བསམ་གཞིགས་བྱ་འདོད་པ་ནི་ཀྲུང་ནན་ཧའེ་རུ་དབང་རྩོད་འགལ་ཟླ་ཆེ་བའི་སྐབས་དང་བསྟུན་ནས་བོད་དོན་ལས་འགུལ་གང་འདྲ་ཞིག་སྤེལ་དགོས་པ་དེ་ཡིན།

བཙན་བྱོལ་གྱི་བོད་དོན་ལས་འགུལ་བ་གྲགས་ཅན་ཕལ་ཆེ་བར་གཅིག་མཚུངས་ཀྱི་ཞན་ཆ་ཞིག་ཡོད་པ་ནི་གནས་བབ་ལ་ལྟོས་ཏེ་ཉེས་ཅན་གཏེ་བོ་བྱེ་བྲག་པ་ཞིག་ཐེར་འདོན་མི་བྱེད་པར། འཆར་ཅན་དུ་རྒྱ་ནག་གཞུང་ཟེར་ནས་རྒྱ་ནག་གི་དབང་འཛིན་པ་ཐུན་མོང་ལ་ཁ་གཏད་གཅོག་པ་འདི་ཡིན། ཐ་ན་རྒྱ་ནག་མི་མང་ཀུན་པོ་དགྲ་ཟླར་བཟུང་ནས་ངོ་རྒོལ་གྱི་རྣམ་པ་ཕྱིར་འདོན་མིའང་འདུག རྒྱ་ནག་དམར་ཕྱོགས་སྲིད་གཞུང་གི་གནས་བབ་ལ་དཔག་སྟེ་ཐབས་མཁས་ཀྱི་ལས་འགུལ་སྤེལ་མ་ཐུབ་པའི་རྒྱུ་མཚན་གྱིས། ང་ཚོས་རྒྱ་ནག་དམར་ཕྱོགས་སྲིད་གཞུང་བཟང་ཕྱོགས་སུ་འགྱུར་བའམ་གློ་བུར་འཐོར་ཞིག་ཏུ་འགྲོ་བར་སྒུག་པ་དང་། དཔལ་འབྱོར་ཁེ་ཕན་ཁོ་ན་བསམ་པའི་སྟོབས་ལྡན་སྲིད་གཞུང་ཁག་གི་སྙིང་རྗེ་ལ་སློང་མོ་བྱེད་པ་ལས་ཐབས་ལམ་གཞན་མ་རྙེད།

སྤྱིར་བོད་འདི་རྒྱ་ནག་དམར་ཕྱོགས་སྲིད་གཞུང་གིས་བཙན་བཟུང་བྱས་པ་དེ་རྩོད་མེད་ཡིན་ཡང་། གནས་དུས་ཀྱི་དབང་གིས་ང་ཚོའི་ཁ་གཏད་རྒྱ་ནག་དམར་ཕྱོགས་ཀྱི་འགོ་ཁྲིད་དང་། དེའི་སྲིད་དབང་གི་གནས་སྟངས། རྒྱལ་སྤྱིའི་སྲིད་འབྱོར་གྱི་ཁ་དབུགས་སོགས་ལ་འགྱུར་ལྡོག་འབྱུང་བ་ཡིན། འགྱུར་ལྡོག་དེ་འདྲའི་ཁྲོད་ན་ང་ཚོར་གོ་སྐབས་ཡོད་ལ་ཉེན་ཁའང་མཆིས། དེའི་ཕྱིར་ངེས་པར་དུ་འགྱུར་ལྡོག་དེ་རིགས་ལ་སྔོན་དཔག་དང་གྲ་སྒྲིག་གིས་ལས་འགུལ་སྤེལ་བ་གལ་ཆེ། ད་ལྟའི་གནས་སྐབས་འདིར་འགྱུར་ལྡོག་ཅིག་འབྱུང་གིན་ཡོད་པས་ང་ཚོས་ལས་འགུལ་གང་འདྲ་ཞིག་སྤེལ་དགོས་སམ་ཞེ་ན། ཅང་ཧུའུ་ཕྱོགས་ཁག་གཉིས་ནང་འཛིང་གི་སྐབས་དང་བསྟུན་ནས། ང་ཚོས་ཧུའུ་ཅིན་ཐའོ་གང་ཟག་སྒེར་བ་ཐེར་འདོན་བྱས་ནས་འཛམ་གླིང་གང་སར་ངོ་རྒོལ་གྱི་ལས་འགུལ་སྤེལ་དགོས། ཧུའུ་ཅིན་ཐའོ་ཡིས ༡༩༨༨ ལོར་བོད་རང་སྐྱོང་ལྗོངས་ཀྱི་དམར་ཕྱོགས་དྲུང་ཆེའི་འགན་འཁུར་བ་ནས་ད་བར་དུ་། བོད་མིར་གདུག་རྩུབ་ཀྱི་སྲིད་ཇུས་ལག་ལེན་བྱས་པ་དང་བོད་ཀྱི་རིག་གནས་དང་ཁོར་ཡུག་སོགས་ལ་གཏོར་བཤིག་བཏང་བའི་ནག་ཉེས་དང་། ༧གོང་ས་མཆོག་གི་མཛད་འཕྲིན་དང་དགོངས་བཞེད་ལ་འཁྱོག་བརྗོད་བྱས་ནས་རྒྱ་བོད་མི་དམངས་བར་ལ་འགལ་ཟླ་ཚད་མེད་བཟོས་པའི་ནག་ཉེས་ལ་སོགས་ཐེར་འདོན་བྱས་ཏེ། དེ་དག་ཐམས་ཅད་ཁོ་རང་སྒེར་གྱི་དཔོན་གནས་འཕར་བ་དང་ཁྱིམ་རྒྱུད་ཕྱུག་པོ་འོང་བར་དམིགས་པ་ལས། རྒྱ་ནག་གི་སྤྱི་ཚོགས་བརྟན་བརླིང་དང་། རྒྱལ་ཁབ་གཅིག་གྱུར། མི་རིགས་མཐུན་སྒྲིལ་གྱི་ཆེད་དུ་ཡིན་ཟེར་བ་རྒྱ་ནག་མི་མང་ལ་མགོ་སྐོར་བ་ཡིན་པ་སོགས་དྲིལ་བསྒྲག་བྱ་དགོས།

དེ་ལྟར་བྱས་ཚེ་འབྲས་བུ་འདི་འདྲ་འབྱུང་སྲིད་དེ། ཅང་ཙེ་མིན་ཕྱོགས་ཁག་གིས་བོད་དོན་ཐད་ནས་ཧུའུ་ཡི་ནག་ཉེས་རིགས་ཕྱིར་འདོན་དང་གླེང་སློང་བྱ་བ་དཔེར་ན། བོད་མིར་དྲག་གནོན་དང་མནར་གཅོད་གཏོང་བའི་པར་རིས་དང་བརྙན་པར་དྲ་ཐོག་ནས་ཕྱིར་འདོན་པ་ལྟ་བུ། ཡང་ཕྱོགས་གང་ལའང་མི་གཏོགས་པའི་དམར་ཕྱོགས་ཀྱི་འགོ་ཁྲིད་དང་རྒྱ་ནག་མི་མང་གི་ཁྲོད་དུའང་ཧུའུ་ཡི་བོད་ལ་འཛིན་པའི་རྣམ་འགྱུར་དང་སྲིད་ཇུས་ནོར་འཁྲུལ་དུ་རྩི་བ། མ་འོངས་པའི་རྒྱ་ནག་གི་འགོ་ཁྲིད་གསར་བས་བོད་ལ་དེ་འདྲའི་གདུག་རྩུབ་གཏོང་བར་འཛེམ་དོགས་བྱེད་པ། བོད་རྒྱ་འབྲེལ་མོལ་ལ་རྒྱ་ནག་དམར་ཕྱོགས་ནང་ཁུལ་དང་མི་མང་གི་ཁྲོད་དུ་ལྟ་ཚུལ་མི་འདྲ་བ་འབྱུང་སྲིད་པ་ལྟ་བུ།

མདོར་ན། གནས་སྐབས་འདིར་ཀྲུང་ནན་ཧེའི་དབང་རྩོད་ཀྱི་ཟིང་ཆའི་གོ་སྐབས་དང་བསྟུན་ཏེ། འདས་མ་ཐག་པའི་ལོ་རབས་ཉི་ཤུའི་རིང་དུ་བོད་ལ་གདུག་རྩུབ་སྣ་དགུ་གཏོང་བའི་མཐར་མཐུག་གི་ཉེས་ཅན་པ་ཧུའུ་ཐེར་འདོན་གྱིས་ངོ་རྒོལ་ལས་འགུལ་རྒྱ་ཆེར་སྤེལ་དགོས་སོ།།

ལྕགས་ཀྱི་ཐོ་བ་དེ་ལྕགས་རྡུང་སྤྱད་ཅིག་རེད། དེ་སྤྱོད་མཁན་དེ་ལ་མགར་བ་ཟེར། དཔེ་ནང་བཞིན་གུང་ཁྲན་ཏང་གི་མགར་བའི་དམག་དཔུང་གི་ལྕགས་ཀྱི་ཐོ་ཆེན་དེར་ཞི་དྲག་གི་ལས་འགུལ་ཆུང་ཚགས་རེའི་མཛུག་ཐུར་རེའམ་ཁུ་ཚུར་དེ་གཞུས་ན་ཡང་མཇུག་འབྲས་ནི་རང་གི་ལག་པ་རྨས་རྒྱུ་ཙམ་མ་རེད་དམ།
གཉིས་ནས་ཁུ་ཚུར་འཆང་བར་མཛུབ་མོ་ལྔ་བོ་ཁ་ནང་ལ་འཁོར་ནས་ཐང་ཐང་ཡིན་དགོས། མཛུབ་མོ་ཕྱི་ནང་འཆོལ་བས་ཁུ་ཚུར་འཆང་མི་ཐུབ། རྡོག་རྡོག་བཟོ་བ་ལ་ཐག་པ་ཞིག་གིས་འཆིང་དགོས། འདི་ལ་ཁུ་ཚུར་བཅིངས་པ་ཟེར། དེས་ན་འདི་ནི་དོན་ངོ་མ་ཁུ་ཚུར་ཞིག་ཀྱང་མ་ཡིན་ནོ། ལན་འདི་སུ་ལ་བཏབ་མིན་དོ་བདག་གིས་ཤེས་ངེས།

སྤྱིར་ཚོགས་པ་གསར་འཛིགས་གནངས་བར་ཡག་པོ་རེད། ཡིན་ནའང་རང་བཙན་གཙང་མ་ནི་བོད་ཀྱི་གཞོན་ནུ་ཚོགས་པ་དང་བོད་རང་བཙན་སློབ་ཕྲུག་ཚོགས་པ་ཟེར་བ་གཉིས་ཡོད་པས་དེ་ཡར་རྒྱུས་གཏང་བ་ལས་དོན་གཅིག་པའི་ཚོགས་པ་མང་པོ་བྱུང་ན་གཅིག་གྱུར་ལ་ཕན་ཐོག་དེ་ཙམ་ཨེ་ཡོད་དྲན། གང་ལ་ཟེར་ན་མ་འོངས་པར་ཁྱོད་ཀྱི་ཚོགས་པ་དང་ང་ཡི་ཚོགས་པ་ཟེར་ནས་ལས་ཀ་ཐུར་ཤོར་འགྲོ་སྲིད་པ་རེད།
ང་རང་གིས་བསམ་ན་གོང་དུ་ཞུས་པའི་ཚོགས་པ་གཉིས་དེ་ཡར་རྒྱས་གཏང་གང་ཐུབ་བྱེད་ན་བྱ་བ་ཐམས་ཅད་འགྲུབ་སྲིད། དེ་ཡི་ནང་ནས་གལ་ཆེ་ཤོས་དེ་ནང་ལ་ཡོད་པའི་སོ་མི་དེ་ཚོ་གཙང་མ་བཟོ་རྒྱུ་དེ་ཨང་དང་པོ་ལ་བཞག་དགོས། དེ་ལྟར་མ་བྱེད་ན་བོད་གཞུང་གཙོ་བྱེད་པའི་ཚོགས་པ་ག་ཚོད་ཡོད་པ་དང་ག་ཚོད་གསར་འཛིག་བྱས་ཀྱང་བྱ་བ་ལམ་འགྲོ་རྩ་ནས་ཡོང་མི་སྲིད་དེ་ངས་རྣམ་པ་ཚོ་ལ་དྲན་བསྐུལ་ཞིག་ཡིན།

བློ་འཕེལ་མིང་ཅན་ལགས།
བོད་ས་ཤོར་ནས་དོན་གྲངས་བར་རང་བཙན་རྩོད་འབྲས་ཏིང་གིས་སྒོ་ཚུར་བརྡུང་བྱེད་དགོས་བྱུང་བའི་དཔང་རྟགས་དང་པོ་དེ། བོད་འདི་རང་བཙན་རྩོད་ནས་ཁ་བྲལ་དུ་འགྲོ་རྒྱུར་ཀྲུང་ནན་ཧེའེ་སེམས་ཕྲལ་ཆེ་ཤོས་དེ་རེད་ལ། དངོས་ཤུགས་བརྒྱུད་གསུམ་ནས་དཔལ་འབྱོར་གྱིས་སླུ་བྲིད་བྱས་ན་ཨེ་དྲག། བཙོན་འཇུག་དང་དམར་གསོད་རྡུང་རྡེག་ཚ་ནན་བཏང་ན་ཨེ་དྲག་བལྟ་ཡི་ཡོད་པ་རེད། བྱས་ཙང་ང་དགུ་ལོར་བོད་ས་ཡོངས་རྫོགས་ཤོར་བ་དང་ཆབས་ཅིག་༧སྐུ་མདུན་དབུས་པའི་བོད་གཞུང་དང་བོད་མི་འབུམ་ཕྲག་རྒལ་བ་བཙན་བྱོལ་དུ་ཕེབས་དགོས་བྱུང་བ་རེད། བཙན་བྱོལ་དུ་ཕེབས་མ་ཐག་ཆིངས་ཡིག་དོན་ཚན་བཅུ་བདུན་རྩིས་མེད་བཏང་ནས། རང་བཙན་གཙང་མ་ཁྱབ་བསྒྲག་གནང་ཏེས་འཛམ་གླིང་གང་སར་ས་སྒྲགས་གནམ་སྒྲགས་བྱས་པ་རེད་ལ། གཞུང་དམངས་གཉིས་ཀའི་བཞེངས་ཕྱོགས་རང་བཙན་གཙང་མའི་སྒང་ལ་ཕྱིན་པ་རེད་ལ་ལས་འགུལ་ཚུན་ནས་རང་བཙན་གཙང་མའི་སྒང་ནས་སྤེལ་བ་རེད། དེ་ནས་ལོ་རབས་བརྒྱད་བཅུ་བར་མཐོ་རིམ་ནང་ལོག་མ་གཏོགས་མི་དམངས་ནང་ལམ་དབུ་མ་ཞེས་པའི་ཐ་སྙད་འདི་མིག་གི་མཐོང་བ་ཕར་ཟད་རྣ་བར་ཡང་གོ་མྱོང་མེད་པ་རེད། སྐབས་དེ་དུས་ཁ་ཡོད་ཚད་ནས་རང་བཙན་གཙང་མ་ཡིན་མ་གཏོགས་ལམ་དབུ་མ་ཡིན་ཟེར་མཁན་སུ་ཡང་མེད་ལ་གཞུང་དམངས་གཉིས་ཀས་རྡོག་རྩ་གཅིག་སྒྲིལ་དང་མཛུབ་མོ་ལྔ་བཅིངས་ཀྱིས་ཁུ་ཚུར་ཞིག་བཟོ་ཐུབ་པ་མ་ཟད། ༧སྐུ་འདུན་གྱི་མཚན་སྙན་ཡང་འཛམ་གླིང་ཡུལ་གྲུ་ཀུན་ཏུ་ཁྱབ་པ་དང་འབྲེལ། ཀྲུང་ནན་ཧེའེ་ཡང་ནུབ་ཕྱོགས་དགྲར་འཛིན་སྟོབས་ཤུགས་མ་ལག་གིས་རྒོལ་རྡུང་བཏང་མི་ཡོང་ངམ་སྙམ་ནས་ཞེད་སྣང་ཞིག་སྐྱེས་པ་རེད། དེ་དང་འབྲེལ་ཏེས་ཁྱེད་ཀྱིས་དྲི་བ་གཉིས་པའི་ནང་(ངོ་རྒོལ་ཀྱི་རིགས་)ཞེས་དྲི་བ་འདི་འཚེ་མེད་ཞི་བའི་ཁ་གཡང་བསྒྲོགས་བཞིན་པའི་སྤྱི་ཚོགས་འདིའི་ནང་ལན་རྒྱབ་འདོད་རྩ་བ་མི་འདུག་ཀྱང་། དྲི་བ་འདི་སླེབས་ཚར་ཙང་མ་རྒྱབས་ཐབས་མེད་ལ། སྤྱིར་ངོ་རྒོལ་རིགས་འདྲ་མིན་བྱུང་བ་རེད་དེ་གལ་ཆེ་ཤོས་གཅིག་སྟེ་གློ་དམག་སྒར་སྒྲིག་འཛུགས་དེ་རེད། དེ་ནི་ཨ་རིའི་གོ་ལག་གིས་ནུས་ཤུགས་ཡོད་པའི་ཀྲུང་རྒོལ་གྱི་སྒྲིག་འཛུགས་ཞིག་རེད་ལ་ལོ་མང་ཀྲུང་གོར་རྒོལ་རྡུང་བཏང་ནས་ད་དུང་ཡང་ཀྲུང་གོར་ནད་རྙིང་ཞིག་ཡོད་པ་ཡེ་རྡོར་གྱིས་རྩོམ་ཡིག་ནང་གསལ་པོ་བཀོད་འདུག། འོན་ཀྱང་བོད་མི་རིགས་འདི་གནའ་སྔ་མོ་ནས་ཁ་ནས་ལས་འབྲས་ཀྱི་རྣམ་གཞག་མ་ཎི་འདོན་འདོན་ཡིན་ཡང་དོན་ལག་ལེན་གོ་ལྡོག་རྐྱང་རྐྱང་ལ་རྟེན་འབྲས་བུ་ལམ་འགྲོ་མི་རྒྱུགས་པ་རྐྱང་རྐྱང་ཡོང་གི་ཡོད་པ་རེད། བྱས་ཙང་ཏིང་དེ་འདིའི་སྐབས་སུ་བྱུང་བ་རེད་ལ་ཁོ་པས་གསལ་གསལ་ཐིང་ཐིང་ཤེས་ཀྱི་ཡོད་ཙང་སླུ་བྲིད་ཀྱི་ཐབས་ཇུས་ཞིག་མ་བཏང་ན་ཉེན་ཁར་མཐོང་ནས་སྒོ་ཚུར་བརྡུང་བ་རེད།
དེ་ནས་ལོ་རབས་བརྒྱད་བཅུ་རྗེས་ནས་ལམ་དབུ་མ་དབུ་བརྙེས་ཏེས་ས་ལམ་གྱི་ཉམས་རྟོགས་འཁྲུངས་མིན་དང་ལ་མ་ལྟོས་པར་གཞུང་དམངས་གཉིས་ཀས་ཤར་བསྐྱོད་བྱས་པ་རེད། ད་ཆ་ལམ་དབུ་མའི་ས་ལམ་གྱི་ཉམས་རྟོགས་བརྒྱུད་ལ་མི་འཁྲུངས་བར། ལམ་དབུ་མ་ཚད་ལྡན་གྱིས་ས་ལམ་མ་འཕོས་པ་རེད་གསུངས་ཀྱི་འདུག། དེ་ནི་གཞན་གང་ཡང་མ་རེད། ལམ་དབུ་མར་སྣང་ཚུལ་དང་གནས་ཚུལ་མཐུན་གྱི་མི་འདུག། སྣང་ཚུལ་ལ་ལམ་དབུ་མ་འདི་རྒྱ་བོད་གཉིས་ཕན་དང་ཁ་ཚ་དགོས་གཏུགས་ཅིག་སྣང་གི་ཡོད་ཀྱང་། གནས་ཚུལ་ལ་དེ་ལྟར་མ་ཡིན་ཏེས་ཀྲུང་ནན་ཧེའེ་ལ་བོད་ཀྱི་གནད་དོན་སེལ་རྒྱུའི་འདུན་པ་ནམ་ཡང་མེད་ལ་ཏཱ་ལའི་བླ་མ་དང་ཁོང་དང་ཉེ་བའི་མི་ཁ་ཤས་ཀྱི་གནད་དོན་མ་གཏོགས་བོད་ཀྱི་གནད་དོན་ཟེར་བ་རྩ་བ་ཉིད་ནས་གླེང་གི་མེད་པ་དེ་རེད། བྱས་ཙང་ང་ཚོས་ཐབས་ལམ་འདྲ་མིན་ཐོག་ནས་བོད་ཀྱི་གནད་དོན་ཟེར་བ་ཞིག་མ་གླེང་རང་གླེང་བཟོ་དགོས་པ་དེ་རེད།

སྒྲུང་གཏུམ་ཐུང་ངུ་ཞིག

སྔར་གྲོང་གསེབ་ལུང་ཁུང་གཅིག་ནང་ཁྱིམ་ཚང་ཞིག་ཡོད་པ་རེད། ཁྱིམ་ཚང་དེར་ཨ་པ་གཅིག ཨ་ཁུ་གཅིག ཕྲུ་གུ་དྲུག་ཡོད་པ་དང་ཨ་མ་དེ་སྔ་ས་ནས་གྲོང་ཟིན།

ཁྱིམ་ཚང་ཧ་ཅང་སྐྱོ་བའི་གནས་སྟངས་དང་ཕྲུ་གུ་རྣམས་བྱིས་པ་ཡིན་སྟབས་ཤར་ཕྱོགས་སུ་ཡོད་པའི་ཇག་པའི་སྡེ་ཞིག་གིས་ཁྱིམ་ཚང་དེའི་ས་ཞིང་དང་། ས་ཆ། ཁང་པ་སོགས་བདག་དབང་ཡོངས་རྫོགས་འཕྲོག་བཅོམ་བྱས་པ་རེད།

ཨ་ཕས་རང་གི་བུ་ཕྲུག་འགའ་ཤས་ཤིག་འཁྲིད་དེ་ལྷ་ཕྱོགས་སུ་ཡུལ་བྱོལ་དུ་མི་འགྲོ་ཐབས་མེད་ཆགས། ཡིན་ནའང་ཨ་ཁུས་སྙིང་སྟོབས་ཞུམ་མེད་ཀྱིས་རང་གི་ས་ཆ་དང་། གཞིས་སུ་ལུས་པའི་ཁྱི་ཚང་དེའི་ཕྲུ་གུ་ལྷག་མ་རྣམས་དང་ལྷན་དུ་བསྡད་དེ་མུ་མཐུད་དགྲ་བོ་ཇག་པ་དག་དང་ལྷན་དུ་འཚོ་ཐབས་བྱས།

འོན་སྟབས་མ་ལེགས་པ་གཅིག་ལ་ཇག་པས་ཨ་ཁུ་དེ་ཁང་ཆུང་མུན་ནག་ཞིག་ནང་ལོ་ ༩ བཙོན་འཇུག་བྱས། མཐའ་མ་དེར་ཨ་ཁུ་དེའི་སྙིང་སྟོབས་དང་འཇོན་ཐང་ལ་ཇག་པ་རྣམས་ཧ་ལས་ཏེ་ཉིན་གཅིག་ཨ་ཁུ་དེར་ཟ་མ་མཉམ་དུ་དུག་སྤྲད་དེ་ཨ་ཁུ་དེ་ལྐོག་གསོད་བྱས་སྟབས། ཁྱིམ་ཚང་དེའི་བུ་ཕྲུག་རྣམས་ཅི་བྱ་གཏོལ་མེད་ཀྱི་གནས་སུ་གྱར་བ་རེད།

ཡིན་ནའང་ཨ་ཕ་དེས་ལྷོ་ཕྱོགས་ཀྱི་ལུང་པ་ཞི་བདེ་ཡོད་པ་གཅིག་ནང་གནས་བཅའ་བྱས་ཏེ་རང་གི་བརྩེ་བའི་བུ་ཕྲུག་དེ་རྣམས་ལ་བྱམས་ཤིང་བརྩེ་བས་ཡུན་རིང་བསྐྱངས་ཏེ་ཕྲུ་གུ་རྣམས་ད་དུང་སློབ་གྲྭར་བཏང་ཏེ་ཤེས་ཡོན་གང་ཙམ་ལྡན་པ་ཤ་སྟག་ཆགས་པ་ཐུབ་པ་བྱུང་བ་རེད།

ད་དུང་ཨ་ཕ་དེས་གཞན་ཡུལ་དུ་བསྡད་དེ་ནུབ་ཕྱོགས་ཀྱི་ལུལ་ལུང་མང་པོར་ཕྱིར་བསྐྱོད་བྱས་ཏེ་སྔར་རང་གི་རང་ས་དང་། ཕ་ས། བདག་དབང་སོགས་ཅིས་ཀྱང་རག་ཐོབ་ཀྱི་ཐབས་ཤེས་ཡོད་རྒུ་རྩད་དྲུག་བྱས་ཏེ་མི་ལོ་དུ་མ་ཞིག་འདས་སྟབས། ཨ་ཕ་དེ་གང་ཙམ་ནས་ལོ་ན་ཅུང་རྒས་ཤིང་ངལ་གསོ་དགོས་པའི་གནས་སུ་གྱར།

ཁྱི་ཚང་དེའི་ཨ་ཕ་དེ་མི་གཞན་ཁུན་དང་མི་འདྲ་བའི་བྱམས་བརྩེ་དང་། སྙིང་རྗེ། གཞན་ཕན། ཡ་རབས། བཟང་སྤྱོད། ཡོན་ཏན། མི་གཤིས་སོགས་གང་གང་སར་སུས་ཀྱང་འགྲན་ཐབས་གཏན་པ་མེད་པ་ཞིག་ཡོད་སྟབས། ཨ་ཕ་དེའི་མཚན་སྙན་ལྷོ་ཕྱོགས་ཙམ་མ་ཤད་ནུབ་ཕྱོགས་སོགས་གང་སར་སྐད་གྲགས་ཚད་ལས་འདས་པ་ཞིག་བྱུང་།

འོན་ཀྱང་སྟབས་མ་ལེགས་པ་གཅིག་ལ་ཉིན་གཅིག་ཕྲུ་གུ་ཞིག་རང་ཉིད་མི་ཡུལ་དུ་གནས་ཚང་གཡར་ཏེ་སྡོད་དགོས་པ་དེ་ཕ་ཨ་པས་མ་འཇོན་པ་དང་། མ་ཨ་མས་སྐྱོང་མ་ཐུབ་པ། ད་དུང་རང་གི་མེས་པོ་སྤོ་སྤོ་གཅིག་ཡོད་པ་དེས་བཞག་པའི་ཁང་པ་དང་། ས་ཆ། ཞིང་ཁ། བདག་དབང་སོགས་ཅཆ་ཚང་ཨ་ཕས་མ་འགྲིག་པ་དང་དང་། མ་འཇོན་པ། མ་ཐུབ་པ་བཅས་ཀྱི་བསམ་བློ་ལོག་པ་འཁོར་ཏེ་རང་ཉིད་ལ་དྲིན་ཆེ་བའི་བྱམས་ཤིང་བརྩེ་བའི་ཕ་ཨ་པ་དེར་སྐྱོན་བརྗོད་བྱས་པ་རེད།

ཉིན་གཅིག་དྲིན་ལན་ཆུ་འཇལ་བྱེད་མཁན་གྱི་བུ་གཅིག་གིས་རང་གི་བརྩེ་བའི་ཨ་ཕ་དེར་ང་ཚོའི་ས་ཆ་དང་། བདག་དབང་ཡོངས་རྫོགས་ང་ཚོའི་རེད། དེ་ནི་ང་ངོའི་སྤོ་སྤོ་ལགས་ཀྱི་བཇག་པའི་ཞལ་ཆེམས་རེད་ཅེས་རང་གི་དྲིན་ཅན་ཕ་ཨ་བཟང་དེའི་ཁ་ལ་མ་ཉན་པར་ལོ་ན་རྒས་པའི་ཨ་ཕའི་གདོང་པར་འགྲམ་ལྕག་ཞིག་བཞུས་པ་རེད།

སྐབས་དེར་གཡས་གཡོན་སུ་ཡོད་པའི་ཡུལ་མི་འགས་ཤས་དང་རང་གི་དགྲ་བོ་རྣམས་ཀྱི་ཨོ་ཁྱེད་ཚོ་ཕོ་ཁྱོ་ཀ་རེད་འདུག དཔའ་དློ་ཁོ་འདུག ཨ་ཕར་འགྲམ་ལྕག་ཡང་ཞུ་ནུས་ཀྱིན་འདུག་ཅེས་བསྟོད་བསྔགས་བྱས་པ་རེད།

ཡིན་ནའང་ལྷོ་དང་དང་། ནུབ་ཕྱོགས་སུ་གནས་པའི་རྒྱལ་ཕྲན་མང་པོ་དང་། ཡུལ་མི་མང་ཡོངས་ཀྱིས་གཅེས་ཕྲུག་ལངས་ཤོར་དུ་ཕྱིན་པའི་བུ་ཕྲུག་་ཕ་ཨ་ཕའི་དྲིན་ལན་ལོག་འཇལ་བྱེད་མཁན་བུ་ཕྲུག་དེ་ཚོའི་བྱེད་སྟངས་ཡ་ང་བ་དང་། ཞེ་མེར་བའི་གནས་སྟངས་ཞིག་ཆགས་པ་རེད།

དེ་ནི་རྡོ་ཡར་བཀྱག་ནས་རང་གི་རྐང་པའི་སྟེང་དུ་བཞུས་པ་དང་གཅིག་མཚུངས་རེད་ཟེར་བའི་གཏམ་དཔེ་ཞིག་འཇིག་རྟེན་སྟེང་གྲགས་པ་རེད། དེའི་མཇུག་ཏུ་ཨ་ཕ་་དང་ཕྲུ་གུའི་གནས་སྟངས་དེ་རིམ་བཞིན་དུ་་་་་་་་་་་་་་་་་་

རྒྱ་ཆེའི་ཀློག་པ་པོ་དང་བོད་རིགས་སྤུན་ཟླ་རྣམས་ལ་ཞུ་རྒྱུ་ཞིག་ལ། དུས་རྒྱུན་དུ་ཚོགས་འདུ་འདྲ་མིན་ལ་འཛོམས་མ

ཚོགས་པ་དེ་བྱ་མ་ལམ་ལྷོངས་ཡོང་བའི་རེ་བ་ཡོད། ད་ཞི་མོལ་གྱིས་ས་ཆོད་མ་སོང་ལ། བོད་ནང་ད་བར་བོད་རྒྱལ་ཁབ་དང་མི་རིགས་ཀྱི་ཆེད་དུ་སྐུ་གཟུགས་ཞུག་ལ་འབུལ་མཁན་དང་ཚེ་བཙོན། ལོ་བཅད་ཀྱི་ཁྲིམས་ཆད་ཁུར་མཁན་སུ་ཞིག་གིས་ཀྱང་བོད་རྒྱ་ཞི་མོལ་དགོས། དབུ་མའི་རྒྱལ་འགྱུར་ཅིག་ཟེར་བ་མ་ཐོས། ཁོ་ཚོའི་ཞལ་ཁྱིམ་རེ་ཡོད་པ་ནི་༸གོང་ས་མཆོག་བོད་དུ་གདན་འདྲེན་དགོས། བོད་ལ་རང་དབང་དགོས། རྒྱ་མི་བོད་ནས་ཕར་རྒྱུག་ཟེར་བ་རྐྱང་རྐྱང་རེད།
ལར་ཞི་མོལ་ནི་རྒྱ་ནག་ངོས་ནམ་ཡང་ངོས་ལེན་བྱ་མི་ཐུབ་པ་ཞིག་རེད། རྒྱུ་མཚན་ནི་ཞི་མོལ་ཚོགས་ཆུང་གི་སྐུ་ཚབ་རྣམས་རྒྱ་ནག་ངོས་ནས་ཏཱ་ལའི་བླ་མའི་སྒེར་གྱི་སྐུ་ཚབ་ཟེར་བ་ལས་བཙན་བྱོལ་བོད་མིའི་སྐུ་ཚབ་ནམ་ཡང་མི་ཟེར། དེ་ལྟར་སྐུ་ཚབ་རྣམས་༸གོང་ས་མཆོག་སྒེར་ངོས་ཀྱི་སྐུ་ཚབ་ཞིག་ཡིན་ཚེ། རྒྱ་ནག་གིས་༸གོང་ས་མཆོག་རྒྱ་བོད་ཁ་བྲལ་གཏོང་མཁན་གྱི་བྱེད་གཏེའམ་འཛམ་གླིང་ནང་གི་སྡིག་ཉེས་ཆེ་ཤོས་པ་ཧི་ཊི་ལར་དང་དཔེ་མཚོན་ག་ཚོད་བྱེད་ཀྱི་འདུག ལུག་སྤག་གོན་པའི་སྤྱང་ཀུ་སོགས་འཛམ་གླིང་ཞི་བདེའི་དད་དཔོན་ཆེན་པོ་ཞིག་ལ་སྡིག་པ་མིག་བཙུམ་གྱི་སྐྱོན་འཛུག་དེ་དག་ཁོ་ནས་ཞི་མོལ་ཞེས་པ་རྒྱ་ནག་གི་ངོས་ནས་གཏན་ནས་ཡོང་མི་སྲིད་པ་ཞིག་རེད། ཕར་ཕྱོགས་ནས་ཡ་ལན་གང་ཡང་མི་བྱེད་ནའང་ཚུར་ཕྱོགས་ནས་སྟོང་རེ་སྐྱོང་སྟེ་སྒུག་སྡོད་པས་ཕན་མི་ཐོག དེ་ལས་ཐབས་ལམ་གཞན་དག་རེ་འཚོལ་ཏེ་བོད་ནང་གི་བོད་མི་ཚོའི་དཀའ་སྡུག་སེལ་ཐབས་གནང་ན་དགེ་མཚན་ཆེ།
སྤྱིར་རྡ་སའི་རི་སུལ་ན་ཚོགས་པ་མང་ལ་མཇུག་མེད་པའང་དེ་བས་མང་། འོན་ཀྱང་ད་ལན་ལྷ་ཀླུ་མི་གསུམ། འདྲེ་སྲིན་བྱུར་གསུམ། ས་གཏོད་གཉན་གསུམ། མདོར་ན་འགྲོ་བ་རིགས་དྲུག་ཚང་མ་འཛོམས་སྡད་པ་འདྲ་བའི་ཚོགས་མི་འདི་དག་གིས་བོད་ཆེན་པོའི་བདེན་པ་འཚོལ། མེས་པོའི་ཕ་ཤུལ་འདོན། ལོ་རྒྱུས་ཀྱི་རྩོད་ལེན་གནང་ནས་བདེན་པའི་ཉི་མ་མྱུར་དུ་འཆར་བའི་སྨོན་འདུན་ཞུ།
འདིར་དམིགས་བསལ་ཞུ་རྒྱུ་ཞིག་ལ་སྐུ་ངོ་ཀརྨ་ཆོས་འཕེལ་དང་རང་བཙན་འཐབ་རྩོད་པ་ལྷ་བཟང་ཚེ་རིང་གཉིས་མཉམ་དུ་སྐུ་པར་སྒྲོན་རྒྱུ་བྱུང་བ་རྟེན་འབྲེལ་ཞུ།

བློ་འཕེལ་ལགས། ཡང་སྐྱར་ཅིག་ཕྲད་པར་འཚམས་འདྲི་ཞུ་བ་དང་ཆབས་ཅིག།
ལྔ་བཅུ་ལྔ་གྲངས་ནས་བདུན་བཅུ་དོན་གྲངས་བར་རང་བཙན་བརྩོད་ནས་ཏིང་ཞའོ་ཧྥིང་གིས་སྒོ་ཚུར་བརྡུང་དགོས་བྱུང་བ་རེད། དེ་ནས་ལམ་དབུ་མའི་ས་ལམ་འཕོས་ནས་ད་བར་སྒོ་ཕར་ག་ཚོད་བརྡུང་ཀྱང་ཡ་ལན་ཙམ་ཡང་མི་སྤྲོད་པ་ཅིས་ལན་པ་རེད། འོ་ན་ལམ་དབུ་མའི་ས་ལམ་སྟེང་བོད་ནང་གི་བོད་མི་ག་ཚོད་སྐྱོབ་ཐུབ་སོང་གཅིག་གསུངས་དང་། ད་དུང་ལམ་དབུ་མའི་རྒྱ་བོད་འབྲེལ་མཐུད་སྐུ་ཚབ་རྣམ་གཉིས་རྐུབ་བརྡབ་བརྡབ་བཏང་ནས་ཕྱིན་སོང་ང་། ག་རེ་བྱས་པ་རེད། བོད་ཀྱི་རྩ་དོན་ནི་མུག་ཤི་ཐེབས་གྲབས་རེད་ལ་བོད་ནང་ཛ་དྲག་གི་གནས་སྟངས་ནི་ཉིན་རེ་ནས་ཉིན་རེ་ཇེ་ཆེ་དང་ཇེ་ཞན་ཇེ་སྡུག་རེད། མ་ཟད་བོད་ནང་མེར་སྲེག་གི་གྲངས་འབོར་ཉིན་རེ་ནས་ཉིན་རེ་འཕར་འགྲོ་བཞིན་ཡོད་ཀྱང་ལམ་དབུ་མའི་སྲིད་གཞུང་གིས་མྱུར་སྐྱོབ་མི་ཐུབ་པ་ཅི་བྱས་སོང་བ་རེད། དངོས་ཡོད་གནས་ཚུལ་ལ་བལྟ་དགོས་པ་ལས་དག་སྣང་སྒོམ་པས་ཅང་ཕན་ནི་མ་རེད། དེས་ན་དབུ་མ་པ་ཚོ་རང་བཙན་ཞེས་ལབ་པ་དང་ཚ་ཤར་ཞིག་རྒྱག་གི་ཡོད་པ་ནི། ཐད་ཀར་ད་ལྟའི་རྒྱ་ནག་གི་དཔལ་འབྱོར་དང་དམག་ཤུགས་ལ་གཟིགས་ཏེས་ནང་གི་དཔའ་ཞུམ་ནས་ཡོད་ཚད་བློས་གཏོང་གིས་གཞིས་འགུགས་ལ་རེ་བཞིན་པ་དེ་རེད།

རེབ་མདོག་མདའ་འདིས་ད་ཐེངས་ཡག་པོ་ཞིག་བྲིས་འདུག ལྷ་བཟང་ཚེ་རིང་གི་རང་བཙན་༧གོང་ས་མཆོག་ལ་མ་དགའ་བས་རེད། བོད་མི་མང་གིས་པད་གདན་རྡབ་བཞིན་ཕྱིར་ཕུད་བྱས་པའི་སྙིང་ནད་རྩོད་ཀྱི་ཡོད་པ་རེད། ཁོས་ཆོས་ཟེར་བ་དེ་དུག་རེད་ཟེར་གྱི་ཡོད་སྟབས། གཟན་ཤམས་གྱོན་མཁན་ཞིག་གིས་ཅིག་བཤད་ན་ཁོང་གད་མོ་ཤོར་གྱི་ཡོད་པ་རེད། ཁོས་བོད་ཀྱི་རིག་གནས་དང་བོད་ཀྱི་ཆབ་སྲིད་རིག་པ་དང་བཅས་པ་ཞེ་དྲག་སྐྱོ་བོ་རེད་གསུངས་ཀི་ཡོད་པ་རེད། ཐ་ན་བོད་ཀྱི་སྐད་ཡིག་རིག་གནས་ནང་བསྟན་དང་བཅས་པ་ལས་ཀྱང་རང་བཙན་གལ་ཆེན་རེད་ཟེར་གྱི་ཡོད་པ་འདི་ཁོའི་ཕུགས་དམིགས་རེད། དེ་བས་འདི་ལ་ཡིན་རྟོན་ཞིག་གང་ན་ཡོད། བོད་ལ་ཤ་ཚ་ན་བོད་གཞུང་ཟློས་གར་འགན་འཛིན་དུ་བཞག་སྐབས་མི་མང་ལ་གསལ་བཤད་ཞུས། མཐའ་མར་ལ་མ་དག་པར་ཕྱི་རྒྱལ་བྲོས་བྱོལ་བྱས་པ་རེད། ལོ་རྒྱུས་གཙང་མ་མེད་དུས་མི་མང་གིས་ཡིད་ཆེས་ག་འདྲ་ཞིག་བྱ་དགོས་རེད། ཁོང་གི་སྤུན་མཆེད་བསྟན་འཛིན་དགེ་བྱེད་དག་བསྟན་འཛིན་རྣམ་རྒྱལ་སོགས་གཟེངས་སུ་ཐོན་པ་ཡིན་ཡང། ཁོས་ག་རེ་བྱས་ནས་གོང་ས་མཆོག་ལ་ག་དུས་ཡིན་ན་ཟུར་ཟ་རྐྱང་རྐྱང་བྱེད་དགོས་པ་རེད་དམ། ཡིད་མི་ཆེས་ན་ཨེ་ཤ་ཡ་རླུང་འཕྲིན་ཁང་གི་ཀརྨ་རྒྱ་མཚོ་དང་ཁོ་གཉིས་ཀྱིས་གཟའ་ཉི་མའི་གཏམ་གླེང་དུ་ག་རེ་ག་རེ་ལབ་ཀྱི་འདུག བོད་པའི་ལ་རྒྱ་ཡོད་མཁན་ཞིག རུས་པ་ཡོད་མཁན་ཞིག ལས་འབྲས་བརྩི་མཁན་ཞིག་ཡིན་ན་མི་འདི་ལ་ཡིད་ཆེས་ཞུ་ས་ཞིག་མེད་པ་མི་ཤེས་སམ། དངོས་གནས་ཐབས་སྐྱོ་བོ་རེད།
ནོར་གླིང་གི་ཁྲི་ཟུར་བསོད་ནམས་སྟོབས་རྒྱས་ལ་ལྟོས་དང། ༧གོང་ས་མཆོག་གི་བཀའ་དྲིན་ལ་ཁང་པ་ཐོག་བརྩེགས་རྡ་ས་ན་མེད་པ་ཞིག་རྒྱབ་རྗེས། ཁ་ལྟག་ལོག་ལ་འཁོར་ནས་ལམ་དབུ་མ་འགྲིག་མེད་ཚུལ་ལབ་ན་ལས་རྒྱུ་འབྲས་རེད་དམ། ཁོང་སྔོན་མ་བཀའ་ཁྲིར་བཞུགས་དུས་ལམ་དབུ་མ་ཡན་ན་ཅིག་མེད་ཅེས་ལག་པ་གནམ་ལ་འཕྱར་ནས་སྐད་རྒྱབ་པ་རེད། མི་འདི་ཚོ་ག་རེ་ཡིན་ན། ག་རེའི་ཁེ་ཕན་ཡོད་པ་ཡིན་ནམ། ཚང་མས་གཟབ་གཟབ་བྱ་དགོས་ཀྱི་རེད།
ལྷ་བཟང་ཚེ་རིང་སྙིང་རྗེ། ནམ་རྒྱུན་སྤྲང་གོག་འདྲ་བོ་འདུག་གི་རེད། པེད་ཤག་དེ་འདྲ་མང་པོ་ཞིག་གང་ནས་ཁྱེར་ཡོང་བ་རེད། ཕྱི་རྒྱལ་དེ་འདྲའི་མང་པོ་བོད་ཀྱི་རྩ་དོན་ཆེད་ཅིག་བྱེད་ཀྱི་ཡོད་མདོག་མདོག་འབུམ་སྟོང་ཕྲག་མང་པོ་བླངས། ཁང་པ་རྒྱབ། ནམ་རྒྱུན་ངུ་ཁུལ་བྱས། དངོས་གནས་ཁྲམ་པ་རེད། ད་བར་བོད་མི་སྐྱོ་བོ་གཅིག་ལ་རོགས་པ་ཕར་ཞོག སློབ་མ་གཅིག་ལ་སློབ་ཡོན་ཕྱིན་མྱོང་ཡོད་པ་མ་རེད། དེ་རིང་རང་བཙན་ཟེར་ཁུལ་འདི་ལ་གད་མོ་མི་ཤོར་རམ།
ཀརྨ་ཆོས་འཕེལ་དེང་སང་ཁས་ལེན་མཁན་གྱི་མི་གཅིག་ཡོད་པ་མ་རེད། བེད་སྤྱོད་གཏོང་མཁན་འཇུ་ཆེན་འཁོར་དང་བཅས་པ་ཡོད་པ་རེད། ཁོ་འདྲ་བོ་ཞིག་ཏུ་མི་རུ་སྐྱེ་བ་ལས་ཁྱི་བདག་མེད་ཅིག་གི་སྐྱེ་བ་ལངས་ཀྱང་འགྱོད་པ་ཁྱོན་ནས་ཡོད་ས་མ་རེད། བཀའ་བརྒྱུད་སྤྱི་འཐུས་ཡོངས་སྟངས་ཁོ་རང་ཕྱོགས་རིས་རང་ཡིན་དུས་བོད་མིའི་ཆིག་སྒྲིལ་ལ་དམ་ཚིག་མེད་པ་གསལ་བོ་རེད། དེ་བཞིན་མདོ་སྟོད་སྤྱི་འཐུས་འདི་ཚོ་དངོས་གནས་ཀླད་མེད་རེད། ཆོལ་ཁ་གསུམ་ཆིག་སྒྲིལ་ཟེར་བ་ཞིག་དགོས་ན་ཁྱེད་ཚོའི་ལས་ཀ་བྱེད་སྟངས་འདི་དག་བསྒྱུར་ན་ཡག་གི་རེད། ད་མང་མེད་ན་ཉུང་ཁྱོན་ནས་ཡོད་པ་མ་རེད། ཨ་ལེ། ཁྱེད་ཚོའི་དང་པོ་མདོ་སྟོད་ནང་ཁུལ་ཆུ་སྒང་འགྲིག་གི་བཅུགས། དེ་ནས་བོད་དོན་ཤོད་དང་ལན་པོ་ཞིག་འདུག དངོས་གནས་ཆིག་སྒྲིལ་ཟེར་བ་འདི་གལ་ཆེན་པོ་རེད། བོད་རང་བཙན་ལ་ཁ་གཡར་ནས་ཆིག་སྒྲིལ་གཏོར་བ་ཡིན་ན་འགྱོད་པ་རྗེས་ལ་ཡོང་གི་རེད།། སྐུ་མཁྱེན། ཁྱེད་རྣམས་པའི་འཁྲབ་མཚམས་འཇོག་རོགས།།།།།།།

རླབས་ཆེན་གྱི་ཚོགས་པ་ཞིག་བཙུགས་ཐུབ་པ་འདིར་རྟེན་འབྲེལ་ཞུ།

འདི་ཡང་མཐུན་སྒྲིལ་ཅིག་དང་ནུས་པ་ཞིག་གི་རྣམ་འགྱུར་རེད། འགོར་དྲགས་པའི་གོམ་པ་ཞིག་རེད། མཛུབ་མོ་རྣམས་ཕྱི་ནང་འཆོལ་བའི་ལག་པ་ཞིག་རེད། དེ་བས་འདིའི་ཤེད་ཤུགས་དང་ཕན་ནུས་རང་བཞིན་ཡང་ཕལ་ཆེར་ཚོད་དཔག་ཐུབ་པ་ཞིག་སྟེ། མཛུབ་མོ་ལྔ་བཅིངས་ཀྱི་ཁུ་ཚུར་ཞིག་ཆགས་དཀའ། གལ་ཏེ་ཆགས་པའི་དབང་དུ་བཏང་ན་ཡང་ལྕགས་ཀྱི་ཐོ་བ་ལ་རྡེག་ཐབས་བྲལ་བ་ཞིག་རེད།

ད་ལོ་གྲོས་ཚོགས་ནང་ལ་ཡོང་བའི་སྤྱི་འཐུས་གསར་པ་ ༤ ་ཙམ་འདིར་སླེབས་འདུག འདི་དག་གིས་མགོ་མ་འཚོས་ནས་ཚོགས་པ་འདིར་ཞུགས་པ་མིན་འགྲོ མགོ་འཚོས་ཤིང་ཡིད་ཆེས་སྐྱེས་ཏེ་ཡོང་བ་ཡིན་ན་བཟང་མོད་ཀྱང་། ང་ལ་དོགས་པ་ཡོད། ད་དུང་མི་གཞན་པ་འགའ་རེ་ལ་ཡང་ཤོད་རྒྱུ་འདུག་མོད། རྗེས་སུ་ཀ་ལེར་བཤད་ཆོག་

ད་ཏག་ཏག་རེད་ལམ་དབུ་མར་འབྲས་བུ་མངོན་འགྱུར་མེད་ན་ཨུ་ཚུགས་བརྒྱབ་ནས་ཐབས་ལམ་གཅིག་རང་གཅིག་ལ་འཇུས་བསྡད་ན་ཅང་ཕན་ནི་མ་རེད། དེལས་ཐབས་ལམ་གཞན་ཞིག་འཚོལ་དགོས་པ་རེད། བྱས་ཙང་འདི་ཡང་བོད་ཀྱི་རྩ་དོན་རྩོད་རྒྱུའི་ཐབས་ཇུས་ཞིག་རེད། དེས་ན་ཐབས་ལམ་འདི་ལ་ཞུགས་ནས་ལྟ་ཚོད་ཞིག་བལྟས་ན་ཡག་པོ་ཡོད་པ་རེད།

གྲོགས་པོ་རྣམས་ལ་དྲི་བ་གཅིག་རང་ཡིན༎
བོད་བཙན་བྱོལ་སྒྲིག་འཛུགས་དང་བཀའ་ཤག་གི་སྲིད་བྱུས་ལངས་ཕྱོགས་
ཞེས་ཁ་ཁ་སོ་སོ་ནས་གྲུབ་པ་ཞིག་མེད།
བོད་བཙན་བྱོལ་སྒྲིག་འཛུགས་ཀྱི་ལས་བྱེད་ཆེན་ཕྲ་ཆུང་གསུམ་ཡོད་དོ་ཅོག་བཀའ་ཁྲི་ནས་མ་བྱན་བར་ཚང་མས་ལངས་ཕྱོགས་ཀྱི་ལྟ་བ་གཅིག་པ་ཡིན་
དགོས་པ་རེད་དམ༎

རང་བཙན་ཆེད་བོད་ཀྱི་རྒྱལ་ཡོངས་ལྷན་ཚོགས་གསར་འཛུགས་གནང་བར་དགའ་སྤྲོ་ཚད་མེད་སྐྱེས། ད་ནི་ངོ་མ་རང་བཙན་རྩོད་རྒྱུ་ལས་ལམ་ཁ་གཞན་ཅི་ཡང་ཡོད་པ་མ་རེད། བདག་གིས་བསམས་ན་རང་བཙན་འཐབ་རྩོད་ཀྱི་ཐོག་མར་ཁ་གཏད་ས་དེ་བོད་པ་རང་དང་དགྲ་བོ་དགྱ་ནག་གཉིས་ཡིན་པ་དངོས་ཡོད་རེད། རང་ཉིད་ལ་བོད་མི་རིགས་ཀྱི་འདུ་ཤེས་རྣལ་མ་ཞིག་མེད་ན་རང་བཙན་རྩོད་རྒྱུའི་རྨང་གཞི་མེད་པས་དང་བོ་རང་རིགས་ལ་ཁ་གཏད་དགོས། རྒྱ་ནག་གི་སྲིད་ཇུས་ཅི་ཞིག་ལག་བསྟར་དང་སྐད་ཆ་གང་ཞིག་བཤད་ན་ཆོག་མོད། ང་ཚོས་ངེས་བར་དུ་དོན་དེའི་ལྡོག་ཕྱོགས་ཀྱི་གོ་བ་ལེན་དགོས། མདོར་ན་རྒྱ་ནག་དམར་པོ་གཞུང་མགོ་རྟིང་སློག་ཏུ་འཇུག་རྒྱུ་དེ་རེད། དེ་མ་གཏོགས་ལམ་ཁ་གང་ཡང་ཡོད་པ་མིན། ང་ཚོའི་མི་ལོ་ལྔ་བཅུའི་རིང་ལ་ཕྱིའི་སྟོབས་ཤུགས་ཀྱིས་ནང་གི་སྟོབས་ཤུགས་བཙལ་བ་རེད། ད་ནི་དེ་ལས་ལྡོག་སྟེ་ནང་གི་སྟོབས་ཤུགས་ཀྱིས་ཕྱིའི་སྟོབས་ཤུགས་སམ་རྒྱབ་སྐྱོར་བཙལ་དགོས་པ་བཤོལ་དུ་མེད་པའི་མདུན་བསྐྱོད་བླ་ན་མེད་པ་དེ་ཡིན་སྙམ། བོད་རྒྱ་ཞི་མོལ་སོགས་རྒྱ་ནག་གིས་ནར་འགྱངས་བྱས་པའི་ལས་རིགས་ཀུན་ལ་ད་ནི་གོ་བ་གསར་བ་ཞིག་ལེན་དགོས་པ་དེ་ཡིན། རྒྱ་ནག་གིས་དབང་འཛིན་པ་ཚོས་བོད་རྒྱ་འབྲེལ་མོལ་གྱི་ལམ་ནས་བོད་རྒྱའི་གནད་དོན་ཐག་གཅོད་ཐུབ་པའི་བསམ་བློ་ཞིག་རྨི་ལམ་ནང་ལའང་འཁོར་མྱོང་ཡོད་པ་མིན། དེ་ངེས་བར་དུ་ཤེས་དགོས། གནད་དོན་དེ་གཅིག་པོ་ལས་གནད་དོན་མང་བོ་ཞིག་ལ་སྡོམ་ཚིག་དགོད་ཆོག་པ་མིན་ནམ། ལས་འགུལ་སྤེལ་ཕྱོགས་ཐད་དུ་གང་སར་གནས་པའི་བོད་མི་ཤེས་ཡོན་པ་རྣམས་སྐོང་ཚོགས་བྱས་ཏེ་བགྲོ་གླེང་བྱ་རྒྱུའི་དུས་ལ་བབ་འདུག དཔེར་ན་བོད་པ་མང་བོ་ཞིག་ལ་མི་རིགས་ཀྱི་འདུ་ཤེས་རྣལ་མ་ཞིག་ཇི་ལྟར་བསྐྲུན་དགོས་མིན་དང་། དེ་ལས་གཞན་རྒྱ་ནག་གི་ཕྱོགས་ནས་བོད་པ་དམར་གསོད་བྱས་པའི་ཉིན་མ་དང་རྒྱ་ནག་རང་གི་སློབ་མ་ཚོ་དམར་པོ་ཁྲག་ལ་སྦྱར་བའི་སྐྱི་གཡའ་བའི་ལོ་རྒྱུས་དེའི་དུས་ཚིགས་དང་། དེ་མིན་ཡ་ང་བའི་དུས་ཚིགས་མང་བོ་ཞིག་སྲུང་བརྩི་བྱས་ཏེ་རྒྱ་ནག་དམར་པོ་གཞུང་གི་གདོང་རིས་ངོ་མ་ཕྱི་རུ་སྟོན་དགོས་པ་སོགས་ཀྱི་ཕྱོགས་ལ་བསམ་གཞིག་ཡང་དང་བསྐྱར་དུ་བཏང་ནས་མདུན་བསྐྱོད་བྱ་དགོས་པ་ཡོལ་ཐབས་མེད་པ་ཞིག་ཡིན་ཙ་ན། ང་ཚོའི་རྡོག་རྩ་ཆིག་སྒྲིལ་ངང་རང་བཙན་འཐབ་རྩོད་བྱ་དགོས་སྙམ། བསམ་ཚུལ་ཙམ་ཡིན། སྤྱིར་བཏང་འདིའི་སྐོར་ལ་མང་བོ་ཞིག་བཤད་རྒྱུ་ཡོད་མོད་དུས་ཚོད་ཀྱི་དབང་གིས་དེ་ག་ཙམ་བྱོས།

ཕྱི་དྲིལ་གྱི་ལས་བྱེད་བུ་ཆུང་ཟེར་བ་བཀའ་ཤག་གི་ལས་བྱེད་བསྟན་འཛིན་ཉིན་བྱེད་གཉིས་ནི་བཀའ་ཤག་གིས་ཆེད་མངགས་ལྟ་ཞིབ་པ་ཡིན་སྲིད་པས། ཧང་སངས་དགོས་ཡ་་ག་རེ་ཡོད་པ་རེད་དམ། དེ་ལས་ལྡོག་ནས་ཁྱོད་ཀྱི་མ་བརྟག་ཧ་ཧ་ཧ་ལ་ཚང་མ་ཧང་སངས་འདུག