ད་ནངས་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོཊ་ཁང་དུ་ཤེས་རིག་ལས་ཁུངས་ཀྱིས་གསལ་བསྒྲཊ་ཤིག་སྤེལ་ཏེ། ཤེས་རིག་རྩོམ་སྒྲིག་སྡེ་ཚན་གྱིས་རྩོམ་སྒྲིག་ཞུས་པའི་༼ཨིན་བོད་ཤན་སྦྱར་གཏན་འབེབས་བརྡ་ཆད༽དེབ་ཕྲེང་བཞི་པ་དབུ་འབྱེད་གནང་སོང་།
དེ་རིང་ཕྱི་ཚེས་ ༡༠ ཉིན་གྱི་སྔ་དྲོའི་ཆུ་ཚོད་ ༡༠ པའི་སྟེང་གངས་སྐྱིད་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། དབུས་བོད་མིའི་སྒྲིག་འཛུགས་ཤེས་རིོག་ལས་ཁུངས་ཀྱི་དྲུང་ཆེ་དངོས་གྲུབ་ཚེ་རིང་ལཊ་དང་། ཤེས་རིག་རྩོམ་སྒྲིག་ཚོགས་ཆུང་གི་སྤྱི་ཁྱབ་རྩོམ་སྒྲིག་པ་ཨཙཱརྱ་ཀརྨ་སྨོན་ལམ་ལཊ་དང་། ཤེས་རིག་དྲུང་འཕར་དང་ཟུང་དྲུང་བཅས་ཐུན་མོང་གིས། ཤེས་རིག་ལས་ཁུངས་ཀྱིས་གསར་དུ་པར་སྐྲུན་ཞུས་པའི་གསོ་རིག་དང་འཛིན་སྐྱོང་སྐོར་གྱི་༼ཨིན་བོད་ཤན་སྦྱར་གཏན་འབེབས་བརྡ་ཆད་༽ཅེས་པའི་དེབ་ཕྲེང་ ༤ པ་དབུ་འབྱེད་གནང་སོང་།
མཛད་སྒོའི་ཐོག་ཤེས་རིག་རྩོམ་སྒྲིག་ཚོཊ་ཆུང་གི་སྤྱི་ཁྱབ་འགན་འཛིན་ཨཙཱརྱ་ཀརྨ་སྨོན་ལམ་ལཊ་ཀྱིས་ལས་སྡོམ་ངོ་སྤྲོད་གནང་དོན་ལྟར་ན། དབྱིན་བོད་ཤར་སྦྱར་གྱི་བརྡ་ཆད་གཏན་འབེབས་ལས་གཞི་འདི་ནི། ༢༠༠༤ ལོའི་སྐབས་དེའི་བཙན་བྱོལ་བོད་གཞུང་བཀའ་ཤག་གི་གཙོ་འགན་འཁུར་ཏེ། བོད་ཀྱི་དཔེ་མཛོད་ཁང་དང་བོད་གཞུང་སྨན་རྩིས་ཁང་། ངྷ་ས་བོད་ཁྱིམ།ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་། རིཊ་ལམ་སློབ་གཉེར་ཁང་། ཤེས་བྱ་ཀུན་འདུས་རྩོམ་སྒྲིག་ཁང་། ཝར་ཎ་གཙུག་ལག་སློབ་གཉེར་ཁང་། སྲོང་བཙན་དཔེ་མཛོད་ཁང་། ཨ་མྱེས་རྨ་ཆེན་རིག་གཞུང་ཞིབ་འཇུག་ཁང་། ཤེས་བྱ་དང་བོད་མིའི་རང་དབང་རྩོམ་སྒྲིག་ཁང་། བོད་ཀྱི་རྩོམ་པ་པོའི་མཐུན་ཚོཊ། བོད་ཀྱི་དུས་བབ། བོད་ཀྱི་བང་ཆེན་གསར་ཁང་བཅས་ཀྱི་སྐུ་ཚབ་ལྷན་འཛོམས་ཐོག་གྲོས་བསྡུར་ཐག་གཅོད་བྱུང་བ་ཞིག་ཡིན་འདུག
ཕྱི་ལོ་ ༢༠༠༥ ལོར་ཤེས་རིག་ལས་ཁུངས་ཀྱིས་གཙོས་འགན་འཁུར་བའི་བརྡ་ཆད་གཏན་འབེབས་ཀྱི་ལས་གཞི་དེའི་ཆེད་ཁྱོན་ལས་བྱེད་ ༡༥ ཙམ་ལ་ཟབ་སྦྱོིང་དང་། རྒྱུ་ཆ་དང་མཐུན་རྐྱེན་མཁོ་སྤྲོད། ཤེས་རིག་འབྲེལ་ཡོད་ཚན་པར་ལས་བྱེད་ཐབས་འཚོལ། མཁས་པའི་སློབ་སྟོན་ཚོཊ་ཆུང་བཀོད་སྒྲིགམཉམ་ཞུཊ་སྡེ་ཚན་ཁག་ལ་རིག་ཚན་མགོ་འགྲེམས།ལག་བསྟར་ལམ་སྟོན། འགྲོ་གྲོན་མཐུན་སྦྱོར་གང་ལེགས་གནང་བ་བཅས་ཀྱིས། ད་ལྟའི་བར་འཛིན་སྐྱོང་དང་དངོས་ཁམས། རྫས་སྦྱོར། གསོ་བ་རིག་པ། སྐར་རྩིས། སྐྱེ་དངོས། རྩི་ཤིང་། ས་དཔྱད་རིག་པ། སེམས་ཀྱི་ཚན་རིག ཨང་རྩིས། ཟློས་གར། རོལ་མོ། ཆ་འཕྲིན། ལས་རྩལ་དང་འབྲེལ་བའི་དཔེ་དེབ་ ༤ ཙམ་པར་སྐྲུན་འགྲེམས་སྤེལ་ཞུས་ཡོད་ཅིང་། དེབ་ཕྲེང་དེ་དག་ལ་ཁྱོན་བསྡོམས་ཤོག་གྲངས་ ༧༠༠ དང་གཏན་འབེབས་ཟིན་པའི་བརྡ་ཆད་ ༤༠༠༠ ཙམ་དང་། དེབ་ཕྲེང་བཞི་པར་བརྡ་ཆད་ ༡༠༠༠ ལྷག་དང་ཤོག་གྲངས་ ༡༣༨ གྱིས་གྲུབ་འདུག
ཤེས་རིག་ལས་ཁུངས་ཀྱི་སྤྱི་ཁྱབ་རྩོམ་སྒྲིག་པ་ཨ་ཙཱརྱ་ཀརྨ་སྨོན་ལམ་ལགས་ཀྱིས། ཤེས་རིག་ལས་ཁུངས་ཀྱིས་བརྡ་ཆད་གཏན་འབེབས་ལས་གཞིར་མུ་མཐུད་རྒྱ་སྐྱེད་དང་ཞིབ་འཇུག་རྣམ་གྲངས་འཐུས་ཚང་དུ་གཏོང་རྒྱུ་དང་། བོད་ནང་གི་བརྡ་ཆད་གཏན་འབེབས་དང་གཅིག་གྱུར་ཡོང་ཐབས། བོད་ཕྱི་ནང་གི་ཀློག་པ་པོ་ཚོར་དམིཊ་ཏེ་བརྡ་ཆད་གཏན་འབེབས་སྐོར་གྱི་དྲ་རྒྱ་གསར་བཟོ། ཚོཊ་པ་སྒྲིག་འཛུཊ་དང་མི་སྒེར་སུ་ཡིན་རུང་བོད་ཡིག་ཡར་རྒྱས་གཏོང་ཆེད། ད་སྔ་གཏན་འབེབས་བྱུང་བའི་བརྡ་ཆད་རྣམས་བེད་སྤྱོད་ཡག་པོ་གཏོང་དགོས་པའི་གལ་གནད་སྐོར་བརྗོད་སོང་།
ཤེས་རིག་དྲུང་ཆེ་དངོས་གྲུབ་ཚེ་རིང་ལགས་ཀྱིས་བརྗོད་ན། བརྡ་ཆད་གསར་པ་གཏན་འབེབས་བྱ་རྒྱུ་ནི་བོད་ཀྱི་སྐད་ཡིག་སྲུང་སྐྱོབ་དང་ཐད་ཀར་འབྲེལ་བ་ཡོད་པ་ཞིག་དང་། བོད་ཡིག་ནི་བོད་མི་རིཊ་ཀྱི་བླ་སྲོག་དང་ཆོས་དང་རིག་གཞུང་གི་རྟེན་གཞི་ཆཊ་ཡོད་སྟབས། བོད་མི་ཚོས་ཉིན་རེའི་འཚོ་བའི་ནང་བོད་ཡིག་བེད་སྤྱོད་གཏོང་རྒྱུ་གལ་ཆེན་ཡིན་སྐོར་དང་། ད་ལྟ་བོད་ཕྱི་ནང་གཉིས་སུ་འགལ་རྐྱེན་སྣ་ཚོགས་ཀྱིས་བོད་ཡིག་ཚད་ལྡན་བེད་སྤྱོད་གཏོང་ཐུབ་ཀྱི་མེད་ཅིང་། བོད་ནང་ལ་མཚོན་ན། རྒྱ་གཞུང་གིས་བོད་ཡིག་བེད་སྤྱོད་ཐོག་དམ་དྲག་ནན་མོ་བྱས་པར་མདོ་སྨད་ཁུལ་གྱི་སློབ་ཕྲུག་ཚོས་ཁྲོམ་གཞུང་དུ་བོད་ཡིག་སྦྱང་གི་ཡིན་ཟེར་ནས་ངོ་རྒོལ་སྐད་འབོད་རིམ་པར་བྱས་ཡོད་ཚུལ། བཙན་བྱོལ་ནང་བོད་པའི་སློབ་ཕྲུག་ཚོ་བོད་ཡིག་ལ་དོ་སྣང་ཅི་ཙམ་ཡོད་མེད་དང་།བོད་ཡིག་ཅི་ཙམ་བེད་སྤྱོད་གཏོང་གི་ཡོད་མེད་ཚང་མས་སེམས་ནང་གསལ་པོ་ཡིན་སྐོར་གསལ་བཤད་གནང་སོང་།
ཤེས་རིག་དྲུང་ཆེ་དངོས་གྲུབ་ཚེ་རིང་ལགས་ཀྱིས་བརྗོད་དོན། “ང་ཚོས་བོད་ཀྱི་སྐད་ཡིག་མི་ཉམས་གོང་འཕེལ་གཏོང་དགོས་ན། སྔོན་ལ་ཐ་སྙད་རྙིང་པ་རྣམས་དྲན་པ་མ་བརྗེད་པར་བེད་སྤྱོད་གཏོང་དགོས། དེའི་ཐོག་སྤྱི་ཚོཊ་གསར་པའི་ནང་ཐོན་དངོས་གསར་པ་མང་པོ་ཡོང་གི་ཡོད་སྟབས། དེའི་རྨང་གཞིའི་ཐོག་ཐ་སྙད་གསར་པ་བེད་སྤྱོད་གཏོང་རྒྱུར་འབད་བརྩོན་གནང་དགོས་ཀྱི་འདུག ང་ཚོས་སྔོན་མ་ཡོད་བསྡད་པའི་ཐ་སྙད་ཁག་ལ་གཅིག་གྱུར་གྱི་གཏན་འབེབས་དང་། དགོས་གལ་ཆེ་བའི་ཐོན་དངོས་གསར་པ་དག་ལ་དུས་བསྟུན་གྱི་ཐ་སྙད་གསར་པ་རེ་འདོཊ་རྒྱུར་གལ་ཆེན་རེད། ༸གོང་ས་མཆོག་གིས་བོད་ཀྱི་ཆོས་དང་རིག་གཞུང་། མི་རིཊ་ཀྱི་ངོ་བོ་སྲུང་སྐྱོབ་བྱ་ཆེད། གཞིས་ཆཊ་དང་དགོན་པ་གསར་རྒྱག་གནང་ཡོད་ཀྱང་། གཞུང་དང་ཚོཊ་པ་སྒྲིག་འཛུཊ། མང་ཚོགས་བཅས་ཀྱིས་སྐད་ཡིག་བེད་སྤྱོད་ཡག་པོ་མ་བཏང་ན། བོད་ཀྱི་ཆོས་དང་རིག་གཞུང་དེ་གཞི་རྟེན་མེད་པ་ཆཊ་འགྲོ་རྒྱུ་རེད ” ཅེས་བརྗོད་སོང་།
སྐབས་བཞི་པའི་ཆེས་མཐོའི་གཏན་འབེབས་ལྷན་ཚོཊ་ཀྱི་ཚོཊ་མི་རྣམས་ནི། དབུས་སྨན་རྩིས་ཁང་སྨན་རམས་པ་པདྨ་རྡོ་རྗེ་ལཊ་དང་། ཝར་ཎ་གཙུག་ལག་སློབ་གཉེར་ཁང་གི་བློ་བཟང་ནོར་བུ་ཤཱསྟི་ལཊ། བོད་ཀྱི་དཔེ་མཛོད་འགན་འཛིན་དགེ་བཤེས་ལྷག་རྡོར་ལཊ། ངྷ་ས་བོད་ཕྲུག་ཁྱིམ་སྡེའི་བློ་བཟང་བསྟན་དར་ལཊ། ཤེས་རིག་རྩོམ་སྒྲིག་ཚན་པའི་སྤྱི་ཁྱབ་རྩོམ་སྒྲིག་པ་ཨཙཱརྱ་ཀརྨ་སྨོན་ལམ་ལཊ་བཅས་ཡིན་འདུག
གསར་འགོད་པ། དཔལ་ལྡན།
དངོས་གནས་ཡིད་སྤྲོད་མ་བྱུང་། བསྒྱུར་བསྟངས་མ་ཤེས་པ་དང་། བྲི་སྟངས་མ་ཤེས་པ། དོན་དག་མེད་པ། དོན་མེད་ཀྱང་ཚིག་མི་མཛེས་པ། ཚིག་དང་དོད་གཉིས་ཀ་མ་ཡག་པ། འདྲ་མ་ཆགས་པ། ལྟ་མི་བདེ་པ། ལབ་མི་བདེ་པ། གོ་རིམ་ནོར་བ། མདོར་ན་འགལ་འཛོར་ཅན་ཤ་སྟག་ཡིན་པར་གདོན་མི་ཟ། དགོངས་དག་ཡར་རྒྱས་ཡིན་པར་སེམས།
གཡས་འཐེན་གཡོན་འཐེན་ཅི་ཡང་མེད་པར་གཟུ་བོར་གནས་པའི་སྐད་ཆ་ཤོད་དང་། ཁ་བྱང་འབྲི་སྟངས་ལ་བལྟས་ན་སྤུས་དག་པོ་ཞིག་ཡོད་ས་ཨེ་རེད༼ཨིན་བོད་ཤན་སྦྱར་གཏན་འབེབས་བརྡ་ཆད༽ ཨིན་བོད་ཤན་སྦྱར་བརྡ་ཆད་གཏན་འབེབས་ཟེར་ནས་འབྲི་དགོས་པ་མ་བྲིས་པར། གཏན་འབེབས་བརྡ་ཆད་ཅེས་པའི་ཚིག་འདིས་བརྡ་ཆད་གཏན་ལ་ཕབ་པར་མི་གོ་བར་གཏན་འབེབས་ཁོ་རང་བརྡ་ཆད་དུ་གོ་རྒྱུ་ཡིན་པ་བསྙོན་མེད་རེད།
ཤར་མདའ་ལགས། ཐོག་མར་ཁྱེད་ཀྱིས་ཀློག་བདེ་ལ་ཡིག་ནོར་མེད་པ་ཞིག་བྲིས་རྗེས་མཆན་རྒྱོབས།
འདི་ནི་ཁྱེད་ཀྱི་ཤེས་ཚད་རེད་<<བོད་རང་གི་ད་ལྟའི་ཐ་སྙད་རྣམས་བཀོལ་སྐྱོད་ཡག་པོ་ཞིག་བྱེད་ཐུབ་སོང་ན་མིང་གསར་བ་སོགས་འདོག་མ་ཐུབ་ན་འགྲིག་གི་རང་གི་གཏམ་བཤད་ནང་དུ་བཀོལ་སྤྱོད་བྱེད་སྐབས་བོད་སྐད་གཙང་མ་ཞིག་བརྗོད་ཐུབ་ན་བཟང་ངོ་། >>
ཤེས་རིག་ལྷན་ཁང་གིས་ཐོག་མཐར་བར་གསུམ་དུ་༸གོང་ས་མཆོག་གཙོས་པའི་གཞི་རིམ་མང་ཚོགས་ཚོར་འདོད་བློ་ཁེངས་པའི་ཕྱག་ལས་གནང་མྱོང་མེད་ལ་ཞབས་ཕྱི་ཡིད་ཚིམས་པ་ཞུ་ཐུབ་མེད་པར་སེམས། ང་ཚོའི་མཐོང་ཆོས་སུ་ཡོད་པར་བཞིན་ཤེས་རིག་གི་ཁྱབ་ཁོངས་ནས་འཚར་ལོངས་བྱུང་བའི་སློབ་མ་ཚོས་འཛིན་རིམ་བཅུ་གཉིས་ཐོན་པའམ་ཐ་ན་མཐོ་སློབ་ཁག་ཏུ་སླེབས་ནའང་། ད་དུང་མི་སྐམ་པོ་ལ་མི་ཌབ་ཌབ་དང་མི་ཚོགས་ཤིག་ལ་མི་ཆག་པ་གཅིག་སོགས་མཚོན་པའི་ར་མ་ལུག་གི་སྐད་ལ་གཏན་འཇགས་སློབ་གྲྭའི་སློབ་གསོ་བཟང་པོ་གོམས་ལོབས་སུ་སོང་ཡོད་ལ། འདི་འདྲའི་བཞད་གད་ཤོར་བའི་སྐད་ཆ་ཤོད་མཁན་ནི་གཞུང་ཞབས་མི་སྣའི་གྲས་སུའང་མི་ཉུང་བ་མཐོང་རྒྱུ་ཡོད།
ཤེས་རིག་ལྷན་ཁང་གིས་པར་སྐྲུན་བྱས་པའི་དཔེ་དེབ་ཁག་ལ་ལྟ་ནའང་ད་ལྟ་བར་དུ་ཁོང་ཚོ་འགོ་བླ་མ་ནས་གཞུང་སྒེར་ཐམས་ཅད་ལ་ཁྲལ་ཙམ་དང་ཉི་རེའི་ཉི་མ་འཁྱོལ་ཙམ་ལས་ལྷག་བསམ་རྣམ་དག་གིས་ཕྱག་ལས་གནང་མེད་པ་ནི་ཕྱི་གསལ་ནང་གསལ་རེད། དཔེ་ན་བོད་ནས་བཏོན་པའི་ཀློང་ཆེན་སྙིང་ཏིག་གི་སྔོན་འགྲོའི་ཁྲིད་ཡིག་ཀུན་བཟང་བླ་མའི་ཞལ་ལུང་གི་གཙོས་པའི་དཔེ་དེབ་གང་དང་གང་ཡིན་ཡང་། སྡེབ་གཅིག་ཏུ་པར་དུ་བཏབ་སྟེ་ཀློག་པ་པོ་ཚོས་ལྟ་ཀློག་མ་བདེ་བ་དང་ཇུས་འགོད་བྱེད་སྟངས། ཤོག་བུའི་རྒྱུ་ཆ་སོགས་ཧ་ཅང་སྟབས་བདེ་དང་ཐལ་ཆ་ཡིན་པར་མ་ཟད། དཔེར་ན་རྦ་བཞད་དང་དེབ་ཐེར་དཀར་པོ་སོགས་མཚོན་པའི་རིན་ཐང་གཞལ་ཐབས་བྲལ་བའི་དེབ་ཐེར་རྣམས་ལའང་ཇུས་འགོད་དང་རྒྱུ་ཆ་སོགས་ཆེས་ཧ་ཅང་ཞན་པས། ཀློག་པ་པོ་ཚོས་ཀློག་རྒྱུའི་དབྱིངས་མེད་པ་དང་། བོད་ཡིག་ལ་ཅུང་དོན་གཉེར་གྱི་བློ་ཡོད་རིགས་རྣམས་ལའང་རང་བཞིན་གྱིས་སེམས་ངོར་ཚོར་སྣང་མི་བདེ་བ་བྱུང་གི་ཡོད་པ་ནི་གདོན་མི་ཟ། ཤེས་རིག་ལྷན་ཁང་གི་ལས་ཀྱི་སྣེ་མོ་བ་ཚོ་གཙོས་པའི་འབྲེལ་ཡོད་ཚང་མས་དཀོར་ཟ་རྒྱུ་དེ་ཉུང་ཙམ་གྱིས། རིག་པ་སྒྲིམ་རྒྱུ་དེ་ཤུགས་ཆེ་ཙམ་བགྱིད་དགོས་པ་ནི་ཁ་ཚ་དགོས་གཏུགས་ཀྱི་གནས་སོ།
དྲ་གྲོགས་ལྷན་རྒྱས་ལགས། ཤེས་རིག་ལས་ཁུངས་ནས་ཐ་སྙད་ཚིགས་མཛོད་དེབ་འཕྲེང་བཞི་པ་པར་བསྐྲུན་བྱས་ཟིན་པར་ཐོས་ཡང་དེ་ལ་མོས་མཐུན་རྩ་བ་ཉིད་ནས་མེད། གང་ཡིན་ཞུ་ན་བོད་ནང་ནས་མདོ་དབུས་ཁམས་གསུམ་གྱིས་མཁས་དབང་རྣམས་ལྷན་འཛོམས་ཀྱིས་ལོ་མང་རིང་དཀའ་ལས་བརྒྱབ་པའི་ཚིགས་མཛོད་དེར་བོད་གཞུང་ཤེས་རིག་ལས་ཁུངས་ནས་དེ་ཡང་བསྐྱར་གྱིས་པར་བསྐྲུན་འགྲེམ་སྤེལ་བྱས་དགོས་པ་ལྟར་གྱུར་ཡང་དེ་ལྟར་ཕར་ཞོག དེ་ལ་ཁ་གཏད་ཀྱིས་མིང་མཛོད་བསྒྲིག་པ་འདི་ནི་གཞུང་གི་ལས་དོན་ཕར་ཞོག་ཁ་གཏད་རྒྱ་མི་ལས་གནོད་པའི་ལས་དོན་ཞིག་ལ་ངོས་འཛིན་བྱེད་ཀྱི་ཡོད། དེ་ཡང་གནས་ལུགས་དང་མི་མཐུན་པར་རང་དགར་བསྒྲིག་པ་དག་དག་ཡིན་པའི་ངེས་ཤེས་ཡོད། འགའ་ཞིག་གི་ཟེར་ནས་ཁོ་ཚོས་རྩིས་འཕྲུལ་ཀམ་པུ་ཊེར་དུ་བསྒྱུར་བ་དང་ད་དུང་ཀེ་ལོ་མེས་ཊེར་སོགས་སུ་སྒྲ་སོར་བཞག་བྱས་ཡོད་པ་ཐོས་བྱུང་ཡང་ཕལ་ཆེར་དེ་ལྟར་ཡིན་ངེས་སྙམ། ཤེས་རིག་ལས་ཁུངས་ཀྱིས་རྩོམ་སྒྲིག་པའི་ཤེས་ཚད་ལ་གཞིགས་ན་དེ་ལས་ལྷག་ཞིག་མེད་པའང་དོན་ངེས་ཅན་རེད།
དོན་ངོ་མར་ང་ཚོ་ལ་ཐ་སྙད་གསར་བཟོ་དང་། ཐ་སྙད་གཏན་འབེབས་གཉིས་ཀ་དགོས་ཀྱི་ཡོད་པ་བདེན་པ་རེད་ལ། དེ་སང་མི་མང་པོ་ཞིག་གིས་གནས་ལུགས་དེ་ཤེས་ཀྱི་ཡོད་རེད། ཡིན་ན་ཡང་ཁ་སང་ཤེས་རིག་ལས་ཁུངས་ཀྱིས་རྩོམ་སྒྲིག་བྱས་པའི་དེབ་དེའི་བཟོ་འདྲ་བོ་ཞིག་ཡིན་ན། ཤེས་རིག་རྩོམ་སྒྲིག་སྡེ་ཚན་ཞེས་དམིགས་བསལ་གྱིས་ལས་སྣེ་དེའི་ཐོག་ལས་ཀ་སྤྲད་ཡོད་པའི་ཚོད་དང་བསྡུར་ནས་བཤད་ན་ཕན་ཐོག་ཆེན་པོ་དང་ཚད་ལྡན་ཞིག་ཁྱོན་ནས་བྱུང་མི་འདུག དེབ་དེར་ཐ་སྙད་ཡིན་ཤག་གིས་གཏན་འབེབས་བྱས་པའི་དཔེར་བརྗོད་མང་པོ་ཞིག ཐ་སྙད་མ་ཡིན་པར་ཐ་སྙད་དང་འགལ་བའི་ཚིག་རེད་འདུག དེ་ཡང་དཔེར་ན། དབྱིན་སྐད་དུ་underline ཞེས་པ་བོད་སྐད་ཐོག <<འོག་ཐིག་འཐེན་པ་>>ཞེས་གཏན་འབེབས་བྱས་ཡོད་པ་དེའི་རིགས་ཧ་ཅང་མང་པོ་རེད། དངོས་གནས་བྱས་ན་དབྱིན་སྐད་དུ་underline ཞེས་པ་བོད་སྐད་དུ<<འོག་ཐིག>>ཅེས་བཞག་ན་ཏག་ཏག་འགྲིག་ཡོད་རེད། ཡིན་ན་ཡང་འོག་ཐིག་འཐེན་པ་ཞེས་ཚིག་གི་ངོ་བོར་བཟོས་ཡོད་རེད། ཁྱེད་རང་ཚོས་གཟིགས་དང་<<འོག་ཐིག་འཐེན་པ་>>ཐ་སྙད་རེད་དམ་མིང་ཚིག་གཉིས་སུ་ཕྱེ་བའི་ཚིག་རེད། ངས་སྐྱོན་བརྗོད་མིན་ཡིན་ན་ཡང་དེབ་དེར་མིང་རེའི་འོག་ཏུ་བྱ་ཚིག་རེ་ཨུ་ཚུགས་ཀྱིས་སྦྱར་ཏེ་སྐབས་འདིའི་མིང་ངམ་ཐ་སྙད་ཡིན་ཤག་བྱས་ཡོད་པ་ཧ་ཅང་མང་པོ་རེད།
བཀྲ་ཤིས་བདེ་ལེགས་ཞུ
ངས་ཤེས་རིག་ལས་ཁུངས་ལ་བཀྲིན་ཆེ་ཞེས་ཞུ་རྒྱུ་དང་། ལས་དོན་རྣམས་གང་གི་སྐབས་སུའང་ཐལ་ཆ་མེད་པ་དགོས་གལ་ཆེ་ཤིང་དེབ་ཧ་ཅང་ཐུག་པ་ལས་ཏབ་བདེ་བ་གལ་ཆེ་ལ། འདིའི་ཐད་ནུབ་ཕྱོགས་སུ་མྱོང་བ་གནང་ཚེ་རང་གི་ཁྱད་ཆོས་སྟེང་ལེགས་ཆ་ཡོང་རྒྱུ་གདོན་མི་ཟ།
བོད་ཀྱི་ཤེས་རིག་རྒྱལ་གྱུར་ཅུག།
སྙིང་རྗེ་ཟམ་གདོང་བླ་རྒན་མགོ་སེ་་་སྡོད་མ་ཐུབ་ནི་རེད་་་་བཙན་བྱོན་ཚང་གི་དཔལ་འབྱོར་འཕྲོ་བརླག་མ་གཏོགས་ཅི་ཡང་མི་འདུག ཤ་ཚ། སྙིང་རྗེ། ད་གཞིས་ཆགས་འདི་ཚོས་བོད་སྐད་རྒྱག་མི་ཐུབ་ན་ཐ་སྙད་གསར་བ་་བེད་སྤྱོད་གཏོང་ཐུབ་ཀི་རེད་པས་???་ཐུབ་ཀི་མ་རེད་་་ད་བསྡད་ན་དགའ་ནི་རེད། བཙན་བྱོན་ནང་གི་ཐ་སྙད་བྲིས་པ་སུས་བེད་སྤྱོད་གཏོང་གིརེད་?? བཙན་བྱོལ་མི་ལོ་ལྔ་བཅུ་རིང་ལ་གཉིད་ཁུག་བསྡད་པ་རེད་དམ??་༢༠༠༤ བར་དུ་སུ་ཡིས་མ་དྲན་པའི་རྒྱུ་མཚན་གང་རེད་??? གཞིས་ཆགས་ཁག་གི་ཀ་རྡོར་སྒང་གསུམ་ལྟ་བུ་བོད་སྐད་གཏན་ནས་མི་ཤེས་མཁན་དང་སིམ་ལ་སོགས་བོད་སྐད་བྱེད་ཙམ་ལྷག་ཡོད་ས། གཞན་གཞིས་ཆགས་ཁག་གི་གཞོན་སྐྱེས ་ཚོས་བོད་སྐད་རྙིང་པ་བརླག་ཚར་བ་རེད་་་ད་དོན་མེད་དངུལ་འཕྲོ་བརླག་གཏོང་གི་མ་འདུག་ཟེར་གི་ཡོད།
ཁོང་ཚོས་གསུངས་པར་རྒྱབ་སྐྱོར་ཡོད། དབྱིན་ཇི་ཞེས་པའི་མིང་དེ་སྔོན་ཆད་བོད་རྒྱལ་རང་བཙན་ཡིན་པའི་སྐབས་ནས་ཡོད་པའི་ཐ་སྙད་ཅིག་རེད། དེ་ལ་གསར་དུ་ཨིན་ཇི་ཞེས་ཟེར་བ་འདིས་བསམ་བཞིན་བོད་ཕྱི་ནང་གཉིས་ཀྱི་གཅིག་སྒྲིལ་ལ་གཏོར་བཤིག་གཏོང་གི་ཡོད་པ་འདྲ་བོད་འདུག
སྔོན་ཆད་ཞིག་ལ་ཡང་ཤེས་རིག་གི་ཚིག་མཛོད་ཅིག་གི་འགྲེལ་བཤད་ནང་། མལ་ཁྲི་ནི་འཁྲིག་པ་སྤྱོད་ས་ཞིག་རེད་ཅེས་བྲིས་འདུག གཟིགས་མཁན་ཚོས་ག་རེ་དགོངས་ཀྱིན་འདུག
སྤྱིར་བཏང་ཡིན་ན་དེང་སྐབས་བོད་ནང་ནས་ཚིག་མཛོད་དང་ཐ་སྙད་གསར་བའི་སྐོར་མང་པོ་ཐོན་བཞིན་འདུག་པས། ང་ཚོས་ཚང་མས་དེ་དག་གཞི་རྩར་བཟུང་ན་ཡག་པོ་འདུག དཔེར་ན་མཁན་ཆེན་ཚུལ་ཁྲིམས་བློ་གྲོས་སོགས་ཀྱིས་བསྒྲིགས་གནང་བའི་ཐ་སྙད་གསར་བའི་མིང་མཛོད་ལྟ་བུ་རེད།
དེ་མིན་ཤེས་ལས་ཀྱིས་སྦྲགས་སྐད་སྦྱར་བའི་ཚིག་མཛོད་དང་བརྡ་ཆད་དེ་དག་ལ་རིན་ཐང་གང་ཡང་མི་འདུག གལ་ཏེ་ཡོད་པའི་དབང་དུ་བཏང་ན་སོ་སོའི་གཞུང་གིས་ཅིག་བྱས་པར་དེ་ལ་རྒྱབ་སྐྱོར་མི་བྱེད་ན་གང་ལ་བྱེད།
དེ་ཙམ་ཡིན།
ངས་ཐོག་མའི་དྲི་བ་ནི་་དབྱིན་ཇི་ཐ་སྙད་གྲགས་ཟིན་པ་ལ་ཨིན་ཇི་་འབྲི་དགོས་དོན་གང་ཡིན་ཟེར་བ་དེ་ཡིན། གཞན་ཅང་མི་ཤེས་་་ཤེས་རིག་ཁང་པདེ་མཛོད་ཁང་ཁྲེབ་ཐོ་ཚོས་དངུལ་ཟ་སྤྱད་ཙམ་ལས་ཕན་ཅང་མེད་པར་སེམས་་་བཙན་བྱོན་ནང་གི་ཐ་སྙད་བོད་ནང་གི་མི་མང་གིས་བེད་སྤྱོད་གཏོང་མི་ཐུབ་པ་གསལ་བོ་རེད་་་་བཙན་བྱོ་ནང་ན་ཐ་སྙད་གསར་བ་ཕར་ཞོག་རྙིང་པ་བརླག་ཚར་འདུག ད་གཞིས་ཆགས་ཁག་གིས་ཕྲུ་གུ་ནང་བོད་སྐད་ཤེས་མཁན་ཧ་ལམ་མེད་པ་རེད། ད་གསར་འབྱོར་ཚོས་ཚགས་པར་འདྲ་བོ་དུས་དེབ་འདྲ་བོ་དེ་འདྲ་འབྲི་ན་མ་གཏོགས་སུ་ཡང་རྒྱ་བོད་ཡིག་ཤེས་མཁན་མེད་པ་གསལ་བོ་རེད།
བོད་གཞི་བྱེས་གཉིས་ཀྱི་བརྡ་ཆད་འདི་ལྟར་གྱུར་འདུག http://www.tibettimes.net/news.php?cat=10&&id=4269
གཞུང་གིས་གང་གནང་བར་ཡི་རངས་བསྔགས་བརྗོད་ཞུ་རྒྱུ་དང་། ཐ་སྙད་དམ་བརྡ་ཆད་དེ་དག་རིམ་པར་རྒྱུན་སྤྱོད་དང་ཡོངས་ཁྱབ་ཆགས་མིན་ནི། བོད་མི་སྤྱིའི་ལས་འགན་དང་ནུས་པས་རོགས་འདེགས་བྱ་དགོས་པ་ཞིག་མཐོང་། དེ་ལྟར་མ་བྱུང་ན། ཚིག་མཛོད་མཐུག་པོ་ཞིག་རིམ་པར་གྲུབ་རྗེས་དོན་ལག་ལེན་དང་ཁ་ཐག་རིང་དུ་གནས་ཚེ་འགྲོ་གྲོན་ཆུད་ཟོས་ཙམ་མ་ཟད། མ་འོངས་པར་ཤེས་རིག་གི་བང་མཛོད་ཆེན་པོའི་ནང་ནས་མི་མངོན་པའི་དབྱིངས་སུ་ཁུ་སིམ་མེར་ལྷག་པའི་ཚིག་མཛོད་བེད་མེད་གཅིག་ཏུ་འགྱུར་རྒྱུའི་ཉེན་ཁ་ཡོད་དོ།།
ང་རང་ལ་མཚོན་ན་ཀམ་པིའུ་ཊར་ཟེར་བ་དེ་རང་འཇགས་འཇོག་པ་ལ་མོས་མཐུན་ཡོད། གང་ཡིན་ཟེར་ན། སྒྲ་གཞུང་དང་བསྟུན་ན། བརྡ་ཆད་འགའ་ཤས་སྒྲ་བསྒྱུར་བྱ་མི་དགོས་པར་རང་འཇགས་དགོས་པའི་སྲོལ་ཞིག་ཡོད། སྲོལ་དེ་ལྟ་བུ་མི་ཤེས་ཚེ་འདྲ་མིན་བཤད་སྲིད།
བོད་རང་གི་ད་ལྟའི་ཐ་སྙད་རྣམས་བཀོལ་སྐྱོད་ཡག་པོ་ཞིག་བྱེད་ཐུབ་སོང་ན་མིང་གསར་བ་སོགས་འདོག་མ་ཐུབ་ན་འགྲིག་གི་རང་གི་གཏམ་བཤད་ནང་དུ་བཀོལ་སྤྱོད་བྱེད་སྐབས་བོད་སྐད་གཙང་མ་ཞིག་བརྗོད་ཐུབ་ན་བཟང་ངོ་།
ངས་འདིར་བརྗོད་ཀྱིན་ཡོད་པ་དངོས་ཡོད་ཡིན། ཤེས་རིག་གིས་པར་སྐྲུན་བྱས་པའི་ཨང་རྩིས་ཀྱི་དེབ་ནང་༼ཀམ་པི་ཊར་། དང་ ཀེ་ལོ་མི་ཊར་༽ ལྟ་བུ་ཐད་ཀར་སྒྲ་སྒྱུར་བྱས་ཡོད་པས་ན། ཐེངས་འདིར་ཡང་དེ་ལྟ་བུ་སྒྲ་སྒྱུར་བྱས་ཡོད་པ་ཐེ་ཚོམ་ཟ་མི་དགོས་སོ། གོང་གི་ཐ་སྙད་འདི་གཉིས་བོད་སྐད་ནང་སྔ་ས་ནས་ཡིག་སྒྱུར་ལེགས་པོ་བྱས་ཡོད་པ་ཕར་བཞག་ནས་དབྱིན་སྐད་ཐད་ཀར་སྒྲ་སྒྱུར་བྱས་པ་ནི་། ཡོད་པ་དེ་མེད་པ་བཟོས་པ་མ་རེད་དམ།
ཡང་ཤེས་རིག་གིས། ཀེ་ལོ་མི་ཊར་ འདྲ་པོ་བསྒྱུར་ཡོད་རྒྱུ་རེད།