གནས་ཚུལ་བཏང་འབྱོར་ལྟར་ན། བོད་མི་མང་སྤྱི་འཐུས་ཀརྨ་ཡེ་ཤེས་ལགས་ཀྱིས་སྣེ་ཁྲིད་པའི་བདེན་པའི་མེ་ལྕེ་སྐོར་སྐྱོད་ལས་འགུལ་དེ། ༸གོང་ས་མཆོག་གི་སྐུའི་འཁྲུངས་སྐར་ཉིན་རྒྱ་གར་ལྷོ་ཕྱོཊ་གྲོང་ཁྱེར་ཀོ་ཅི་རུ་མགོ་འཛུགས་ཀྱིས། ད་བར་གྲོང་ཁྱེར་ཀོམ་སྦ་ཊོར་(Coimbatore) དང་། སྤོན་ཌི་ཅི་རི་(Pondicherry)། ཨོ་རོ་ཝི་ལི་(Auroville) ། གྲོང་ཁྱེར་ཅེ་ཎེ་(Chennai) བཅས་སུ་སྐོར་སྐྱོད་གནང་འདུག
ཕྱི་ཚེས་ ༡༡ ཉིན་ (Lady Andal School) སློབ་གྲྭར་སྐོར་སྐྱོད་དང་། མཱ་ངྷི་རཱ་སཱི་གཙུག་ལག་སློབ་གཉེར་ཁང་གི་(Madras University) སློབ་དཔོན་མཱ་ཎེ་ལཊ་དང་མཇལ་འཕྲད་གནང་སྟེ། བོད་ནང་གི་ཛ་དྲག་གནས་སྟངས་དང་མེ་ལྕེ་སྐོར་སྐྱོད་དམིགས་ཡུལ་ངོ་སྤྲོད་གནང་ཡོད་འདུག་ལ། སྐབས་དེར་ཁུལ་དེར་ཡོད་པའི་དབྱིན་ཡིག་ཆེད་སྦྱོང་སྡེ་ཚན་ཞིག་གིས་མེ་ལྕེ་སྐོར་སྐྱོད་ཚོགས་ཆུང་གི་ལས་འགུལ་ལ་རྒྱབ་སྐྱོར་མཚོན་ཆེད་སྐོར་སྐྱོད་དེའི་ཆེད་གློག་བརྙན་ཞིག་བཟོ་མགོ་བཙུགས་ཡོད་འདུག
ཕྱི་ཚེས་ ༡༢ ཉིན་མེ་ཅེ་ཎེ་གྲོང་ཁྱེར་དུ་གསར་འགོད་གསལ་བསྒྲཊ་ཤིག་སྤེལ་ཏེ། བོད་ནང་གི་གནས་སྟངས་སྤྱི་དང་བྱེ་བྲག་བོད་ནང་མེར་བསྲེཊ་གཏོང་བཞིན་པའི་ཛ་དྲག་གནས་སྟངས་སྐོར་ངོ་སྤྲོད་གནང་སྟེ། ས་གནས་མང་ཚོགས་ཀྱིས་བོད་དོན་རྒྱབ་སྐྱོར་གྱི་ཞུ་སྙན་སྟེང་མཚན་རྟཊ་འགོད་དགོས་པའི་འབོད་སྐུལ་ཞུས་ཡོད་འདུག
ཐེངས་འདིའི་ལྷོ་ཕྱོཊ་ཁུལ་གྱི་སྐོར་སྐྱོད་སྐབས་རྒྱ་གར་མེས་པོ་དམ་པ་གྷན་རྡིའི་མཆོག་གི་ཚ་བོ་སྐུ་ཞབས་ (Gopalakrishna Gandhi) མཆོག་གཙོས། རྒྱ་གར་དབུས་སྤྱི་ཁྱབ་འོས་བསྡུའི་འགན་འཛིན་ཟུར་པ་ཊི་ཨན་སེ་ཤན་(T. N. Seshan) ལཊ་དང་། རྒྱ་གར་ཧོག་ཀི་རྩེད་འགྲན་པ་(Padmasri)ལཊ། རྒྱ་གར་སྲི་ཞུ་བ་རྒན་གྲས་དང་དབུས་ཁྲིམས་དཔོན་ཟུར་པ། སྐོར་སྲུང་སྤྱི་ཁྱབ་ཟུར་པ། རྒྱུ་རྩལ་པ། ལུས་རྩེད་པ། གློག་བརྙན་བཟོ་བསྐྲུན་པ། མཐོ་སློབ་གྱི་སློབ་དཔོན། ཆོས་ལུཊ་མི་སྣ། གསར་འགོད་པ། སློབ་ཕྲུག བཅས་ཀྱིས་བོད་མིའི་གནས་སྟངས་ལ་གདུང་སེམས་མཉམ་སྐྱེད་ཀྱི་གཏམ་བཤད་དང་། མཚན་རྟགས་བཀོད་པ་བཅས་གནང་ཡོད་འདུག གྲོང་ཁྱེར་ཅེ་ཎེ་རུ་སྐོར་སྐྱོད་གནང་རྗེས་མུ་མཐུད་ལྷོ་ཕྱོཊ་མངའ་སྡེ་ཀཱ་ན་ཊ་ཀའི་བོད་མིའི་གཞིས་སྒར་ཁག་ཏུ་སྐོར་སྐོད་གནང་རྒྱུ་ཡིན་འདུག
ཟླ་བཞི་ལྷག་རིང་གི་བདེན་པའི་མེ་ལྕེ་སྐོར་སྐྱོད་ལས་འགུལ་སྐབས། རྒྱ་གར་གཙོས་འཛམ་གླིང་ས་གནས་འདྲ་མིན་ནས་བོད་དོན་རྒྱབ་སྐྱོར་གྱི་ས་རྟཊ་སུམ་འབུམ་ ༣༠༠༠༠༠ ཙམ་བསྡུ་རུབ་ཀྱིས་མཉམ་འབྲེལ་རྒྱལ་ཚོགས་ལ་འབུལ་འཆར་ཡོད་འདུག
གསར་འགོད་པ། དཔལ་ལྡན།
ལས་དོན་སྤེལ་བ་ཙམ་གྱི་ངོས་རང་ཧ་ཅང་དགའ་པོ་བྱུང་ཐུགས་རྗེ་ཆེ། དེང་སྐབས་ཚ་དྲོད་ཀྱིས་གནམ་གཤིས་འདི་འདྲ་བ་ལས་དོན་སྤེལ་འགོ་ཚུགས་པ་ལས་སླ་པོ་ཞིག་མ་རེད། ལྐུབ་སྟེག་ལ་བསྡད་ནས་ཁ་བདེ་ལྕེ་ཁྱུག་བྱས་པ་ལས་མཉམ་རུབ་ཀྱིས་ཆིག་སྒྲིལ་ཞུས་ན་ལེགས། ཡིན་ཡང་མེ་ལྕེ་ཞེས་པའི་ཚིག་འདི་ཁྱད་ཆོས་དོན་ལྡན་ཞིག་མི་འདུག་པས་རྨོངས་ཆགས་དང་། བཀྲིན་ཆེ་ཞུ།།།
ལྷ་རྗེ་ལགས་ཀྱིས་ག་རེ་གསུང་གི་ཡོད་ན་ བོད་རེ་བའི་བདག་པོ་རང་རེད་ ས་རྟགས་སུམ་འབུམ་བྱུང་ན་ གྲུབ་འབྲས་གསོན་པར་གྱུར་ཅིག་ དེ་ལས་འཛམ་གླིང་རྒྱལ་ཁབ་ཚང་མས་རོག་རམ་བྱས་ན་ བོད་རང་བཙན་ཐོབ་པར་གྱུར་ཅིག་ལབ་ན་མི་ལེགས་སམ་
ས་རྟགས་གསུམ་བུམ་བྱུང་ན་བོད་དོན་བདེན་པ་གསལ་འདེབས་ཀྱིས་ལས་འགུལ་ལ་གྲུབ་འབྲས་གསོན་པར་གྱུར་ཅིག