ཟླ་སྔོན་མའི་ཕྱི་ཚེས་ ༢༠ ཉིན་ཡུལ་ཤུལ་རྫ་སྟོད་གྲོང་བརྡལ་དུ་བོད་མི་ན་གཞོན་གཉིས་ཀྱིས་དུས་གཅིག་ལ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད་ཅིང་། མི་དེ་གཉིས་ལས་རང་ལོ་ ༢༢ ཡིན་པའི་ངག་དབང་ནོར་འཕེལ་ཞུ་བ་ཨ་མདོ་རྔ་པ་ནས་ཡིན་པའི་གནས་ཚུལ་འཐོན་ཡོད་ཀྱང་། ད་ལྟ་གསར་དུ་གནས་ཚུལ་ཐོན་པ་ལྟར་ན། ཁོང་ཨ་མདོ་རྔ་པ་ནས་མིན་པར་བོད་ལྗོངས་གཞིས་ཀ་རྩེ། གཉའ་ལམ་རྫོང་མིན་པོ་ཞང་ཁྲི་འདུ་སྡེ་བ་ནས་ཡིན་པ་གསལ་ཁ་བྱུང་ཡོད།
དེང་སྐབས་རྒྱ་གར་ངྷ་རམ་ས་ལར་གནས་སྡོད་ཉེ་སྔོན་རང་ལུས་མེར་བསྲེགས་གཏོང་མཁན་ངག་དབང་ནོར་འཕེལ་ལགས་ཀྱི་ཨ་ཕའི་སྤུན་ཆུང་བ་བསྟན་འཛིན་འཕེལ་རྒྱས་ཞུ་བ་ཞིག་གིས་ངོ་སྤྲོད་གནང་བ་ལྟར་ན། ༢༠༠༨ ཟླ་ ༡༡ པའི་ནང་ངག་དབང་ནོར་འཕེལ་ལགས་ཕ་ཡུལ་དང་ཁ་བྲལ་ཡོད་ཅིང་། སྐབས་དེ་ནས་བཟུང་ནང་མི་གཉེན་འབྲེལ་ཚོས་རྒྱུན་རིང་པོར་ཁོའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་ཀྱང་། ལོ་གཉིས་ཀྱི་རྗེས་སུ་ནང་ལ་ཁ་པར་ཐེངས་གཅིག་འབྱོར་ཏེ། ཁོང་ཁམས་ཕྱོགས་སུ་ཡོད་པ་དང་སྐུ་གཟུགས་བདེ་ཐང་ཡིན་པ་མ་ཟད། མི་འགྱང་བར་ཕྱིར་ཕ་ཡུལ་དུ་ཡོང་རྒྱུ་ཡིན་ཚུལ་སོགས་བརྗོད་ཡོད་འདུག
གནས་ཚུལ་ཁོ་སྤྲོད་པས་བརྗོད་དོན། “དེ་རིང་ཞོགས་པར་ངས་ཕ་ཡུལ་དུ་ཁ་པར་བཏང་སྟེ་ཕུ་བོ་ད་ལྟ་གར་ཡོད་དང་བདེ་འཚམས་བྲིས་སྐབས། ཕུ་བོ་ལྷག་པ་དོན་འགྲུབ་ད་ལྟ་མདོ་སྨད་མཚོ་སྔོན་ཞང་ཆེན་གྱི་སྨན་ཁང་ཞིག་ཏུ་ཡོད་པ་དང་། ཁོང་གིས་བུ་ངག་དབང་ནོར་འཕེལ་ཁམས་ཕྱོགས་ནས་བོད་དོན་ཆེད་རང་ལུས་མེར་བསྲེགས་བཏང་རྗེས་ད་ལྟ་ཟི་ལིང་གི་སྨན་ཁང་ཞིག་ཏུ་སྨན་བཅོས་བྱེད་ཀྱི་ཡོད་པར་ཐུག་འཕྲད་དུ་ཕྱིན་སོང་ཟེར” ཅེས་བརྗོད་འདུག
དེ་སྔོན་ངག་དབང་ནོར་འཕེལ་གྱིས་རང་གི་གྲོགས་པོ་ཞིག་ལ་གལ་དེ་ཁོང་བསྡད་མ་བསྡད་ཀྱི་གནས་ཚུལ་འདྲ་བྱུང་ཚེ་ཁོའི་ནང་མི་ལ་ལན་ཞིག་བསྐྱལ་རོགས་ཞེས་བརྗོད་ཡོད་སྟབས། གྲོགས་པོ་དེས་ངག་དབང་ནོར་འཕེལ་གྱི་ནང་དུ་ཁ་པར་བཏང་སྟེ་གནས་ཚུལ་བཤད་ཡོད་འདུག ཕ་ལྷག་པ་དོན་འགྲུབ་རང་གི་བུ་ལ་ཐུགས་འཕྲད་དུ་ཟི་ལིང་ལ་ཕྱིན་སྐབས། ཐོག་མར་དམག་མིས་ཐུག་བཅུག་མེད་ཀྱང་། ལྷག་པ་དོན་འགྲུབ་ཀྱིས་རང་གི་བུ་ངག་དབང་ནོར་འཕེལ་ཕ་ཡུལ་དང་ཁ་བྲལ་དེ་ལོ་མང་ཕྱིན་པ་དང་། ཁོས་རང་ལུས་མེར་བསྲེགས་བཏང་བ་ནང་མིར་འབྲེལ་བ་གང་ཡང་མེད་སྐོར་སོགས་བརྗོད་མཐར་ཕ་བུ་གཉིས་ཐུག་བཅུག་ཡོད་འདུག སྐབས་དེར་ངག་དབང་ནོར་འཕེལ་གྱིས་སྐད་ཆ་ཚིག་ཁ་ཤས་ཙམ་བཤད་ཐུབ་ཡོད་ཀྱང་། གཟུགས་པོའི་གནས་སྟངས་ཧ་ཅང་ཛ་དྲག་ཆགས་ཏེ་དབུགས་མ་ཆད་པ་ཙམ་ཆགས་ཡོད་འདུག
བསྟན་འཛིན་འཕེལ་རྒྱས་ལགས་ཀྱིས་བརྗོད་པ་ལྟར་ན། ཁོང་ཚོ་སྤུན་མཆེད་གསུམ་ཡོད་པའི་ནང་ནས་ཕུ་བོ་ལྷག་པ་དོན་འགྲུབ་སྤུན་ཆེ་ཤོས་ཡིན་ཞིང་། ཁོང་གི་བཟའ་ཟླའི་མིང་ལ་ཚེ་རིང་དབྱངས་ཅན་ཟེར་གྱི་ཡོད་ཚུལ་སོགས་བརྗོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
རྒྱལ་གཅེས་པ་ངག་དབང་ནོར་འཕེལ་ལགས་ཨ་མདོ་རྔ་བ་ནས་ཡིན་རབས་ཀྱི་གསར་འགྱུར་ཐོག་མར་སྤྲད་མཁན་ནི་སེར་བྱེས་ལྡན་མ་ཁང་ཚན་གྱི་གྲྭ་བློ་བཟང་སངས་རྒྱས་ཟེར་བ་དེ་རེད་འདུག རྒྱུ་མཚན་ནི། སྤྱི་ལོ་༢༠༡༢་ཟླ་༦་ཚེས་༢༠་ཉིན་གྱི་ ཁ་བརྡ་དྲ་ཚིགས་སུ་འདི་ལྟར་བཀོད་འདུག ༼བོད་ཀྱི་དུས་བབ་དྲ་ཚིགས་ནས་འདྲེན་བཀོད་ཞུས།༽དེ་རིང་ཕྱི་དྲོ་་ཁམས་ཡུལ་ཤུལ་ཁུལ་རྫ་སྟོད་གྲོང་རྡལ་དུ་བོད་མི་གཉིས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག རྒྱ་གར་ལྷོ་ཕྱོགས་སེར་བྱེས་ལྡན་མ་ཁང་ཚན་གྱི་གྲྭ་བློ་བཟང་སངས་རྒྱས་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་ཕྱི་དྲོའི་ཆུ་ཚོད་༣།༣༠ ཐོག་རང་ལོ་ ༢༢ ཡིན་པའི་ངག་དབང་ནོར་འཕེལ་དང་། རང་ལོ་ ༢༤ ཡིན་པའི་བསྟན་འཛིན་མཁས་གྲུབ་གཉིས་ཀྱིས་ཁམས་ཡུལ་ཤུལ་རྫ་སྟོད་གྲོང་རྡལ་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག
དེ་རིང་ཕྱི་དྲོ་ཁམས་ཡུལ་ཤུལ་ཁུལ་རྫ་སྟོད་གྲོང་རྡལ་དུ་བོད་མི་གཉིས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག རྒྱ་གར་ལྷོ་ཕྱོགས་སེར་བྱེས་ལྡན་མ་ཁང་ཚན་གྱི་གྲྭ་བློ་བཟང་སངས་རྒྱས་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། དེ་རིང་ཕྱི་ཚེས་ ༢༠ ཉིན་གྱི་བོད་ནང་གི་ཕྱི་དྲོའི་ཆུ་ཚོད་༣།༣༠ ཐོག་རང་ལོ་ ༢༢ ཡིན་པའི་ངག་དབང་ནོར་འཕེལ་དང་། རང་ལོ་ ༢༤ ཡིན་པའི་བསྟན་འཛིན་མཁས་གྲུབ་གཉིས་ཀྱིས་ཁམས་ཡུལ་ཤུལ་རྫ་སྟོད་གྲོང་རྡལ་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་འདུག གནས་ཚུལ་ཤེས་རྟོགས་བྱུང་བ་ལྟར་ན། ངག་དབང་ནོར་འཕེལ་ནི་ཨ་མདོ་རྔ་བ་རྫོང་གི་ཡིན་འདུག་ལ། ཕ་མིང་ལ་ལྷག་པ་དོན་འགྲུབ་དང་ཨ་མའི་མིང་ལ་ཚེ་རིང་དབྱངས་ཅན་འབོད་ཀྱི་ཡོད་འདུག ལོ་ཤས་གོང་རྫ་སྟོད་དུ་ཡོང་སྟེ་བསྡད་ཡོད་འདུག ཅེས་བཀོད་འདུག་གོ།
རྟོག་པ་ཞིག་ལ་ཐོག་མའི་གསར་འགྱུར་མཁོ་སྤྲོད་པ་ཁོས་རྒྱལ་གཅེས་པ་ཁོང་གི་དགུང་ལོ་དང་ཡབ་ཡུམ་གཉིས་ཀྱི་མཚན་སོགས་ནོར་འཁྱུགས་མ་བྱུང་བར་ས་གནས་འགོད་ནོར་ཐེབས་དགོས་པ་རྟོག་པའི་གནས་ཞིག་ཏུ་མ་སེམས་མཐུ་མེད་དུ་ཆགས་སོང་།
གསར་འགོད་པའི་གལ་ཆེའི་འགན་འཁྲི་གཙོ་བོ་དེ་གནས་ཚུལ་མ་འགོད་གོང་ལ་རྟག་དཔྱད་ཞིབ་འཇུག་བྱ་དགོས་པ་རེད། ད་རེས་ཀྱིས་གནས་ཚུལ་དེའི་ཐོག་ནས་ང་ཚོའི་གསར་འགོད་པའི་གནས་ཚད་གསལ་སྟོན་བྱས་སོང་བ་རེད། མ་འོངས་པར་རྟོགས་ཙམ་ཟབ་ཟབ་གནང་ན་ཡག་པོ་ཡོད་ངེས་རེད།
འདི་ནི་གསར་འགོད་ལས་རིགས་ཐོག་ལ་སློབ་སྦྱོང་དང་སྦྱོང་བརྡར་གྱིས་སྟོང་པའི་བོད་པའི་གསར་འགོད་པ་ཚོར་བརྡ་ལན་ཞིག་སྤྲོད་བཞིན་ཡོད། ཡང་སྙིང་གསར་འགྱུར་ཐོག་མ་མཁོ་སྤྲོད་བྱེད་མཁན་དེས་དེ་ལྟར་ཕོད་པ་ཞེ་དྲག་རེད། ཕྱིན་ཆད་གཟབ་རོགས།
ང་རང་གིས་དངོས་སུ་མཐོང་ན་མ་གཏོགས་ད་དངོས་གནས་གསར་འགོད་ཁང་ལ་ཡང་ཡིད་ཆེས་མེད་པ་ཆགས་སོང་།
བོད་རྒྱལ་ལོ། །
རྗེས་སོར་གསར་འགོད་པ་ཚོས་གཟབ་ཙམ་མཛད་རོགས་ཨ། འདི་དག་ནོར་ནས་རྒྱང་སྒྲོགས་བྱས་པ་ནི་ཕང་བ་ཞིག་རེད། འོན་ཀྱང་འདིའང་བདེན་པ་ཡིན་མིན་ད་དུང་དཔྱད་དགོས།