སྐར་ཁུང་རྩོམ་སྒྲིག་ཚོཊ་ཆུང་གིས་བོད་ཀྱི་རིག་གཞུང་ཇེ་ཕྱུག་དང་དར་སྤེལ་ཆེད་ཡིག་སྒྱུར་དྲ་རྒྱ་ཞིག་གསར་དུ་དབུ་འབྱེད་གནང་འདུག
ཉེ་ལམ་སྐར་ཁུང་རྩོམ་སྒྲིག་ཚོགས་ཆུང་གི་ངོས་ནས་བོད་ཀྱི་སྐད་དང་རིག་གཞུང་ཇེ་ཕྱུག་དང་ཕྱིའི་རིག་གནས་ནང་འདྲེན་བྱ་རྒྱུར་དམིཊ་ཏེ། རྩོམ་སྒྱུར་སྐོར་གྱི་སྐར་ཁུང་ (www.karkhung.com) དྲ་རྒྱ་ཞེས་པ་ཞིག་གསར་དུ་དབུ་འབྱེད་གནང་ཡོད་འདུག་ལ། དྲ་རྒྱ་དེའི་ནང་དུ་གཙོ་བོ་ཆབ་སྲིད་དང་རྩོམ་རིག ལོ་རྒྱུས་སོཊ་བོད་དོན་སྐོར་གྱི་རྩོམ་ཡིག་ཁག་དབྱིན་ཡིག་དང་རྒྱ་ཡིག་གཉིས་ལས་བོད་བསྒྱུར་གནང་རྒྱུ་ཡིན་འདུག
སྐར་ཁུང་རྩོམ་ཡིག་ལེཊ་འདེམས་ཚོཊ་ཆུང་གི་ཚོགས་མི་རྣམས་ནི། རྩོམ་པ་པོ་ཚེ་རིང་ཤཱཀྱ་ལཊ་དང་རབ་འབྱོར། བསྟན་འཛིན་རིག་གྲོལ། ལོ་རཱན་ཧར་ཁྲི་ལིས། སྡོམ་པ་ཚེ་རིང་དབང་མོ། བསྟན་འཛིན་བདེ་སྐྱིད། དཀའ་ཐུབ་ཚེ་རིང་བཅས་ཡིན་ལ། སྐར་ཁུང་རྩོམ་སྒྱུར་ཚོགས་མི་རྣམས་ནི། རིག་འབྱུང་དོན་གྲུབ་བཀྲ་ཤིས་ལཊ་དང་བློ་བཟང་གྲགས་པ། བུདྷ་སྐྱབས། ལྗང་གཞོན། སྐལ་བཟང་ཉི་མ། སྦྲ་རིཊ་ཐོགས་མེད། འབྲོང་བུ་ཟླ་བ་ཚེ་རིང་། དབང་ཕྱུག་བཀྲ་ཤིས། ཁ་སྒང་གཡང་འབུམ་ཚེ་རིང་། གཟུངས་མོ་སྐྱིད། ཞི་བདེ་ཟླ་བ་བཅས་ཡིན་འདུག
སྐར་ཁུང་དྲ་རྒྱའི་དམིགས་ཡུལ་གཙོ་བོ་ནི། བོད་ཡིག་གི་བརྗོད་བྱའི་ཁྱབ་ཁོངས་ཆེ་རུ་གཏོང་རྒྱུ་དང་བོད་ཡིག་བཀོལ་སྤྱོད་མ་ལག་འཐུས་ཚང་དུ་གཏོང་རྒྱུ། ཕྱིའི་རིག་གནས་ནང་འདྲེན་དང་བོད་ཡིག་ནང་རྩོམ་འབྲི་མཁན་ཚོར་ཆེ་མཐོང་བསྐྲུན་རྒྱུ་བཅས་ཡིན་འདུག་ལ། སྐར་ཁུང་དྲ་རྒྱར་མཆན་བུ་འདེབས་མཁན་ཚོས་ངེས་པར་དུ་དངོས་མིང་འགོད་དགོས་ཀྱི་ཡོད་འདུག
གསར་འགོད་པ། དཔལ་ལྡན།
ཁ་ཚ་དགོས་གཏུགས་ཀྱི་ལས་ཀ་མང་པོ་ཞིག་རྩོམ་གི་འདུག རང་ངོས་ནས་ཆེན་པོ་ཞིག་མི་འཇོན་རུང་རྒྱབ་སྐྱོར་ནི་གང་ཡོང་ཞིག་བྱེད་འཆར་ཡོད།
ཡིག་སྒྱུར་དྲ་རྒྱ་དབུ་འབྱེད་ལ་བཀྲ་ཤིས་བདེ་ལེགས་ཞུ།སྒྲ་སྒྱུར་ལོ་པཎ་གླིང་ལྟ་བུ་ཞིག་ཡོང་བའི་སྨོན་འདུན་དང་རེ་བ་ཡོད།
མགོ་ཆེ་ལ་རྐུབ་ཆུང་བའི་འདམ་སེང་ཞིག་ཏུ་མི་འགྱུར་བའི་རེ་བ་དང་སྨོན་འདུན་ཞུ།།
རྗེས་སུ་ཡི་རང་མངོན་པར་བསྟོད། མཇུག་མ་གཙང་ཆབ་སྔོན་མོ་བཞིན། མཇུག་འབྲས་སྔོ་བསང་མཚོ་མོ་བཞིན། ཡོང་བར་སྨོན། སྨོན།
ཡིག་སྒྱུར་དྲ་གསར་ལ་རྟེན་འབྲེལ་ཞུ་རྒྱུ་བ་ཆབ་ཅིག་བྱ་བ་ལམ་འགྲོ་ཡོང་བའི་སྨོན་འདུན་དང་མ་ཟད་ང་རང་ཡང་འདིའི་ནང་ཞུགས་ཐུབ་པའི་རེ་འདུན་ཞུ།