རེབ་གོང་དུ་ངོ་རྒོལ་བྱེད་ཀྱི་འདུག༼པར༽

རེབ་གོང་གི་གནས་སྟངས་ལ་བློ་འཚབ་ཆེན་པོ་ཡོད། རྒྱ་མིས་མེ་མདའ་རྒྱག་མི་སྲིད་པ་མིན། ཚང་མ་ལོས་དོ་སྣང་གཟབ་ནན་གནང་དགོས་ཀྱི་ཡོད། ཐུགས་རྗེ་གཟིགས།

ཕོ་རྒོད་པོ་ཙམ་མ་ཡིན་པར་ཐབས་མཁས་པ་དང་། འཛམ་གླིང་གི་འགྱུར་འགྲུས་མཁྱེན་པའི་དཔའ་རྒོད་འདི་ཚོས་ལར་རྒྱ་དང་ཆོད་སེམས། དགྲ་བོ་ལ་ཁ་གཏད་གཅོག་སྟངས་སོགས་ནི་ངོ་མར་གཟི་བརྗིད་དང་སྤོབས་པ་རེད། ང་ཚོ་འདི་ནས་ངའི་ཁ་འདི་རེད་དང་ཁོའི་སྣ་འདི་རེད། ཁྱོད་ཀྱིས་སྟུག་དྲི་ཤོར་སོང་དང་། ངས་གཅིན་པ་ཤོར་གྲབ་ཡོད་སོགས་ངན་དགུའི་གྲོས་ཁ་བསྡུར་ནས་མི་འདུག་པར། སྤུན་མཆེད་ཚོའི་མདུན་རྒྱབ་ན་ཕན་ངེས་ཀྱི་ལས་འགུལ་ཞིག་སྤེལ་ཐབས་མེད་དམ།

ངས་ཁ་པར་བརྒྱུས་ནས་གོ་བ་ལྟར་ན་ཁ་སང་རེབ་གོང་སེང་གེ་གཤོང་གི་མི་སྐོར་ཞིག་གིས་རླངས་འཁོར་བཏང་སྟེ་རེབ་གོང་ཁུལ་ཐོག་ཏུ་སོང་སྟེ་ཕྱིར་ལོག་གི་ཡོད་པའི་ལམ་བར་དུ། རྒྱབ་ལོགས་ནས་ཐུན་རིན་རྫོང་གི་ཉེན་རྟོག་པའི་རླངས་འཁོར་གྱིས་ཉེ་བརྡ་སོགས་མ་བརྒྱབ་པར་ཡོང་ནས་ཁོང་ཅག་བཀག་ཡོད་པ་དང་། དེ་ནས་ཁོང་ཚོས་བར་སྐད་ཆ་ཡར་མར་བཤད་སྐབས་ཉེ་རྟོག་པ་རེ་ཟུང་ར་བཟི་ནས་ཁྱོད་ཚོ་འགྲོ་ཤེས་རུང་འདུག་ཤེས་དགོས་པ་རེད་ཟེར་ནས་མེ་མདའ་ལ་ལག་པ་འཆིང་སྟེ་ཁོང་ཚོའི་བར་འཁོན་འཛིང་ཤོར་འདུག་ལ། དེ་ནས་ཉེན་རྟོག་པ་མང་པོ་ཡོད་སྟབས་ཉེས་རྡུང་ཚབས་ཆེན་བཏང་སྟེ་འཛིན་བཟུང་བྱས་འདུག་ལ། དེ་རིང་ཞོགས་པ་ཁོང་ཚོ་ཤི་མིན་རོ་མིན་དུ་བཏང་སྟེ་ཕྱིར་གློད་ཡོད་སྟབས། སེང་གེ་གཤོང་སྡེ་མི་ཚོས་སྲིད་གཞུང་གི་ཉེན་རྟོག་པ་ཚོས་མི་ཉེས་མེད་ལ་འདི་ལྟར་གཅར་རྡུང་ཚོད་མེད་གཏོང་བའི་ཁྲིམས་ལུགས་དེ་དྲ་ཞིག་སུས་བཟོས་ཡོད་མེད་འགྲེལ་བརྗོད་དགོས་ཟེར་ནས་མང་ཚོགས་ཀྱིས་འོས་ལངས་བྱས་པ་ཞིག་ཡིན་འདུག
མང་ཚོགས་ཀྱིས་སྐད་འབོད་རྒྱག་བཞིན་རྫོང་ཉེན་རྟོག་ཁང་དུ་འབྱོར་སྐབས་ལམ་བར་ནས་བོད་མི་མང་པོ་མཉམ་ཞུགས་བྱས་པ་དང་རྫོང་ཐོག་གི་མི་མང་མཉམ་ཞུབས་བྱས་ཏེ་མི་ ༧༠༠ ལྷག་ཡོད་འདུག

གོང་གི་གནས་ཚུལ་འདིའི་སྐོར་ལ་ཞིབ་ཏུ་རྒྱུས་ལོན་བྱ་འདོད་ཡོད་རིགས་ཚོས་ཁ་པར་ཨང་གྲངས་ ༩༨༨༢༤༡༠༨༢༩ འདིའི་སྟེང་ལ་འབྲེལ་གནང་རོགས།

ངས་ད་ལྟ་རིང་ཕ་ཡུལ་དུ་ཁ་པར་བཏང་བ་ཡིན། གནས་ཚུལ་ཚབས་ཆེན་ཆགས་བཞིན་འདུག རེབ་གོང་ཁུལ་དང་ཐུན་རིན་རྫོང་གཉིས་འདྲེས་ནས་བསྡད་ཡོད་པ་རེད། ད་ལྟ་སེང་གེ་གཤོང་གི་མང་ཚོགས་ 500 ་ལྷག་དང་། དེ་ནས་རེབ་གོང་ཁུལ་ཐོག་གི་བོད་མི་བཅས་མི་མང་དྲུག་བརྒྱ་བདུན་བརྒྱ་ཞིག་རྫོང་ཉེན་རྟོག་ལས་ཁུངས་ཀྱི་སྒོ་རྭའི་ནང་འཛུལ་ཏེ་སྐད་འབོད་རྒྱག་གི་འདུག་ཟེར། ཁུལ་གྱི་དམག་མིའི་རླངས་འཁོར་མང་པོ་ཞིག་ཀྱང་འབྱོར་བཞིན་འདུག་ཟེར། གནས་ཚུལ་ག་རེ་ཆགས་མིན་ཉེན་ཁ་ཚ་བོ་ཆགས་བཞིན་འདུག