ཟླ་འདིའི་ཕྱི་ཚེས་ ༡༣ ཉིན་རྔ་པ་རྫོང་དུ་རང་ལུས་མེར་བསྲེགས་ཀྱི་དོན་རྐྱེན་སྐབས་ཉེན་རྟོག་པས་མི་མང་པོ་འཛིན་བཟུང་བྱས་ཡོད་པ་ལས་ཁག་ཅིག་ངོ་ཐག་ཆོད་འདུག
ཟླ་འདིའི་ཕྱི་ཚེས་ ༡༣ ཉིན་རྔ་པ་ཀིརྟི་དགོན་པའི་གྲྭ་ལུང་རྟོགས་དང་མི་སྐྱ་བཀྲ་ཤིས་གཉིས་ཀྱིས་རང་ལུས་མེར་བསྲེགས་གཏོང་སྐབས་དམིགས་བསལ་ཉེན་རྟོག་པ་སོགས་ཀྱིས་ལྕགས་མདུང་འཛེར་མ་ཅན་སོགས་ལག་ཆ་འདྲ་མིན་བེད་སྤྱོད་བཏང་ནས་མི་མང་ལ་གཅར་རྡུང་དྲག་པོ་བཏང་ཞིང་ཁག་ཅིག་འཛིན་བཟུང་བྱས་པ་ཁག་གི་གྲས་ནས་ཤེས་རྟོགས་བྱུང་བ་ལྷ་སྡེ་འགབ་མའི་རང་ལོ་ ༤༤ ཡིན་པའི་བོན་ཁོ་སྐྱིད་དང་། ཇོ་ལེབས་སྡེ་བའི་རང་ལོ་ ༤༨ ཡིན་པའི་གཡུང་ཁོ་ཚང་གི་ཆེ་མཆོག་གཉིས་ཡིན་ཞིང་། སྐབས་ཐོག་དེར་གཅར་རྡུང་གིས་རྨས་སྐྱོན་ཕོག་ཡོད་ཀྱང་། འཛིན་བཟུང་བྱས་པའི་རྗེས་སུ་གར་ཡོད་ཅི་བྱུང་གི་གནས་ཚུལ་གཅིག་ཀྱང་གོ་ཐོས་བྱུང་མེད་པར་མུ་མཐུད་ལྷག་ཡོད། བོན་ཁོ་སྐྱིད་ལོ་སྔོན་མར་འཛིན་བཟུང་བཀག་ཉར་ཟླ་བ་གཅིག་ལྷག་རིང་བྱས་པ་དང་། ཉི་མ་མང་པོའི་རིང་ཁྲིམས་ལུགས་སློབ་གསོའི་ལས་འགུལ་ཞེས་པར་འགྲོ་དགོས་བྱུང་ཡོད་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
ཅི་ཐུབ་གང་ཐུབ་ཀྱིས་གནས་ཚུལ་ཤེས་རྟོགས་བྱུང་བར་འབད་འབུངས་བྱེད་དགོས་པས། ཚང་མ་ལོས་ཕྱར་གྲུ་མཉམ་འདེགས་གནང་རོགས།