གྱད་ལྷ་དགའ།
རང་བཙན་དང་རང་སྐྱོང་བར་གྱི་འགལ་འདུ། ལོ་རྒྱུས་ཐོག་ལ་རང་བཙན་དང་རང་སྐྱོང་གཉིས་ཀ་བྱུང་མྱོང་ཡོད་ཅིང་། གནས་བབ་དང་ཆབ་སྲིད་བསམ་བློ་སོགས་ལ་གཉིས་ཀར་གྲ་སྒྲིག་ཆོག་པ། རེ་བ་ཡང་གཉིས་ཀར་བརྒྱག་ཆོག་ལ། ཡིད་ཆེས་དང་གདེང་ཚོད་ཀྱང་གཅིག་འདྲ་ཡིན་པའི་ཆབ་སྲིད་ཀྱི་ལངས་ཕྱོགས་མ་འདྲ་བ་གཉིས་ཀྱི་བསམ་བློའི་འཐབ་རྩོད་ནི། ད་སྐབས་ཆེས་ཛ་དྲག་ཅན་དུ་འགྱུར་ཡོད་ཚོད་འདུག རང་སྐྱོང་མངོན་འདོད་མཁན་དག་གིས་ལོ་རྒྱུས་ལ་གཞི་བཅོལ་བ་མ་ཡིན་པར། སྔ་མོ་ཞིག་ལ་རྒྱ་རྒན་ཏིང་གིས་རྒྱལ་དོན་ཅན་ལ་བཤད་པར་གྲགས་པའི་འཆལ་གཏམ་ཁུངས་མེད་ཅིག་ལ་གཞི་བྱས། བོད་མའི་རྒྱ་ཆ་གོ་དགུའི་གདམ་ཁ་ཡིན་ཚུལ་གྱི་དྲིལ་བསྒྲགས་ས་ཆེན་རལ་བ་ལྟ་བུ་ཞིག་གི་འོག་ནས་རྩ་བ་ཚུགས་ཤིང་རྩེ་མོ་རྒྱས་པ་ཡིན་ཏེ་འདུག
རྒྱ་རྒན་ཏིང་གི་སྐད་ཆ་ཡིན་པའི་ཁུངས་ལུང་ཡོད་ཀྱང་ཆོག་ལ་མེད་ཀྱང་རུང་། བོད་མའི་རྒྱ་ཆ་གོ་དགུའི་གདམ་ག་ཡིན་ཡང་རུང་ལ་མིན་ཡང་རུང་། གང་ལྟར་རྩ་དོན་དེར་ཐབས་ལམ་གཅིག་ཡོད་པ་ནི་དབུ་མའི་ལམ་ཟེར་བའི་སྲིད་བྱུས་ནོམ་ཆེན་དེ་ཡིན་པ་རེད། བོད་རྒྱའི་འགལ་བ་གྲོས་མོལ་གྱི་ལམ་ནས་སེལ་དགོས་པ་དང་དེ་ཡང་གཉིས་ཕན་དབུ་མའི་ལམ་ལ་གཞོལ་དགོས་པ་གཉིས་ཕན་དབུ་མའི་ལམ་གྱི་གྲུབ་འབྲས་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་ཡིན་པ་སོགས་ཁ་ཡག་ལུང་པ་གང་བཤད་པ་དང་སྐུ་ཚབ་ཕར་གཏོང་ཚུར་སླེབས་ཀྱི་སྐབས་རེ་རེར་སྐུ་ཚབ་གཉིས་དང་བཀའ་ཁྲི་ཟམ་གདོང་བཅས་ཚང་མས། ཁ་ཡག་ཡིན་པ་དང་ཞལ་རྫུན་ཡིན་པ་བོད་མི་རྣམས་མགོ་སྐོར་ཡིན་པ་བཅས་ཀྱི་གྲུབ་འབྲས་གང་འཚམས་ཡོད་ལུགས་དང་ཕར་ཕྱོགས་ནས་ངོས་ལེན་སྔར་དང་མི་འདྲ་ལུགས་རེ་བ་ཡོད་ཚུལ་སོགས་ཁ་ཁོག་མི་མཚུངས་པའི་མུ་ཅོར་གྱི་གཏམ་དག་བར་མེད་དུ་སྨྲས་རྐྱེན་ད་བར་དུ་བོད་མི་བྱིངས་མགོ་སྐོར་འོག་ཏུ་ཚུད་པ་རེད་འདུག
དེ་ལྟར་སྨྲས་རྐྱེན་རང་ངོས་ནས་རྟོག་དཔྱོད་ཀྱི་བློ་མིག་གཏན་ནས་མ་དོད་ཅིང་གཞན་ཟེར་ལ་མཛུབ་མོ་གར་བསྟན་ཤར་རང་དུ་ངོས་འཛིན་རྐྱང་གནང་བའི་སྤྱི་འཐུས་འགའ་ནས་དབུ་མའི་ལམ་གྱི་བོད་རྒྱའི་དཀའ་རྙོག་སེལ་ལ་ཉེ་ཚུལ་དབུ་མའི་ལམ་གྱི་བོད་མའི་མངོན་འདོད་འགྲུབ་ལ་ཉེ་ཚུལ་སོགས། རྒྱུ་མཚན་དང་གནས་ལུགས་སོར་གང་མེད་པར་མ་ཡིན་ཡིན་མདོག་ཆེན་པོས་བཤད་རྐྱང་གནང་བ་རེད། དབུ་མའི་ལམ་ལམ་རང་སྐྱོང་མངོན་འདོད་ནི་བོད་མའི་རྒྱ་ཆ་གོ་དགུའི་ཆབ་སྲིད་ཀྱི་ལངས་ཕྱོགས་ཡིན་མིན་ཤེས་དཀའ་ཞིང་ལྐོག་ཏུ་གྱུར་ནའང་། ༧གོང་ས་མཆོག་གི་ཐུགས་བཞེད་དང་བཞེངས་ཕྱོགས་ཡིན་པ་ནི་གསལ་པོར་ངེས་ཟིན་འཐོབ་རྒྱུ་ཞིག་ཡིན་སྣང་ཤར། རྒྱུ་མཚན་དེ་ལ་བརྟེན་ནས་དབུ་མའི་ལམ་ལ་རྒྱབ་སྐྱོར་ཞུས་པ་ལས་རང་ངོས་ནས་ཆབ་སྲིད་ཀྱི་གནད་འགག་ཤེས་ནས་རྒྱབ་སྐྱོར་གནང་མཁན་ཞིག་ཕལ་ཆེར་མེད་པའི་ཚོད་དུ་འདུག
དེ་ལས་ཐབས་སྐྱོ་བ་ཞིག་ལ་སྐབས་སྔ་མའི་དཀའ་ཤག་ལྟ་བུ་ཡིན་ན། ཁ་ནས་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་ཡོད་མདོག་གིས་བོད་མི་རྣམས་ལ་མགོ་སྐོར་བཏང་ཡང་། དོན་དུ་དབུ་མའི་ལམ་ལ་ཡིད་ཆེས་དང་རེ་བ་མེད་པར་མ་ཡིན་ཡིན་མདོག་གནང་བ་མིན་ནམ་སྙམ་པའི་རྣམ་རྟོག་སྐྱེ་གཞི་དེ་འདྲའང་མཐོང་ཐོས་ཡོང་གི་ཡོད་པ་རེད། དཔེར་ན། སྐབས་སྔ་མའི་དཀའ་བློན་ཞིག་ནས་བརྗོད་དོན། ང་ཚོ་བོད་ལ་རེ་བ་བརྒྱག་ས་གཅིག་རང་ཡོད་པ་དེ་རྒྱ་གཞུང་དམངས་གཙོའི་ལམ་དུ་ཕྱོགས་མིན་དེ་རེད། གལ་སྲིད་དམར་གཞུང་དམངས་གཙོའི་ལམ་དུ་ཁ་ཕྱོགས་པ་ཡིན་ན། དེའི་དུས་སུ་ང་ཚོས་རང་བཙན་དང་རང་སྐྱོང་གང་བརྩད་ཀྱང་རེ་བ་ཆེན་པོ་ཡོད་པ་དང་། དེ་མ་བྱུང་བར་དུ་ང་ཚོས་འདི་ནས་ཅི་ཞིག་བཤད་ཀྱང་ལག་པ་ཡ་གཅིག་གིས་ཟློག་པ་མི་ཡོང་བའི་དཔེ་ལྟར་གང་ལ་ཡང་རེ་བ་མེད་ཚུལ་འདྲ་འདྲ་འགྲིག་འགྲིག་གིས་བཤད་འདུག་པ་ལྟ་བུ་རེད། ཕལ་ཆེར་དེ་ནི་དོན་དངོས་ཡིན་རྒྱུ་རེད་ལ། དོན་དངོས་དེ་ལྟར་ཡིན་པ་ཤེས་བཞིན་དུ་རང་སྐྱོང་ལས་རང་བཙན་ལ་མདུན་ལམ་མེད་ཚུལ་རྦད་དང་བཅས་ཏེ་བཤད་དོན་ཅི་ཞིག་ཡིན་ནམ།
གལ་སྲིད་སྐུ་ཚབ་རྣམ་གཉིས་དང་བཀའ་ཁྲི་བཅས་པས་བརྗོད་གསལ་ལྟར། རྒྱ་ཕྱོགས་ལ་བཟང་ཕྱོགས་ཀྱི་འགྱུར་བ་འགྲོ་ཡི་ཡོད་པ་བདེན་ན། བོད་མའི་ཕལ་གྱི་སྙིང་ལ་གྲི་གཡུག་པ་ལྟ་བུའི་རང་སྐྱོང་མངོན་འདོད་ཀྱི་ཡིག་ཆ་རྒྱ་མིར་སྤྲད་རྗེས། ཅིའི་ཕྱིར་འབྲེལ་མོལ་མཚམས་ཆད་པ་རེད། ད་བར་དུ་བསྐྱར་གསོ་མ་ཐུབ་པར་ཅིའི་ཕྱིར་ལུས་པ་རེད། དེ་མ་ཚད་སྐུ་ཚབ་གཉིས་ནས་ད་སྐབས་ཁ་ཆུ་ཡི་འཁྱག་ཚད་བཤད། མུ་ཤི་ལུང་པ་གང་བགྲང་ནས་དགོངས་པ་ཞུ་དོན་ཅི་རེད། མིག་མཐོང་ལག་ཟིན་གྱི་གནས་ཚུལ་འདི་ཙམ་མདུན་དུ་ལྷག་ཀྱང་། མི་ལོ་བཅུ་ཡི་རིང་ལ་གྲུབ་འབྲས་དང་བྱས་རྗེས་སྣ་གཅིག་སྟོན་རྒྱུ་མེད་པར་དེ་རིང་སྒྲེན་མོ་ལག་སྟོང་མཆན་དུ་བཅུག་ནས་ཁྲི་ལས་གཡོལ་སྐབས། བཀའ་ཤག་གསར་པར་དབུ་མའི་ལམ་གྱི་སྲིད་བྱུས་ལ་འགྱུར་བ་མ་གཏང་ན་ཡག་ཚུལ་གལ་སྲིད་སྲིད་བྱུས་དེར་འགྱུར་བ་གཏང་བ་ཡིན་ན་བཀའ་ཤག་གསར་པར་མདུན་ལམ་དང་རེ་བ་མེད་ཚུལ་བརྗོད་དེ་རྟིང་བསྐུལ་དང་སྲིད་བྱུས་དེར་བཙན་བརྫང་བྱེད་དོན་ཅི་ཞིག་རེད།
དེས་ན་ད་ནི་ལོ་རྒྱུས་ཀྱི་རིན་ཐང་མི་གཅིག་ལ། མདུན་ལམ་ཡོད་མེད་ཀྱི་ཁྱད་པར་ཕྱེ་རྒྱུ་མེད་པ། དམིགས་ཡུལ་དང་རེ་བ་གཅིག་མཚུངས་ཡིན་ཡང་། བོད་མི་རྣམས་ཀྱི་སེམས་ལ་གཅེས་ལུད་གནམ་ས་ཙམ་ཤོར་བའི་རང་བཙན་གྱི་ལྟ་གྲུབ་བསྐྱར་དར་བཏང་སྟེ་གཞུང་སྒེར་ཚང་མས་སྲིད་བྱུས་གཅིག་ལ་ཤི་འཇུ་རོ་འཐམ་དགོས་པ་ལས། ཁ་གཅིག་ཁོག་གཉིས་ལྟ་བུའི་གཡས་འགྱུར་གཡོན་འགྱུར་གནང་རྒྱུ་མི་འདུག་བསམ། ལྷག་པར་དམར་གཞུང་ཡང་དག་པའི་དམངས་གཙོའི་ལམ་དུ་མ་ཕྱིན་བར་དུ་ང་ཚོ་ལ་བྱེད་ཐབས་མེད་པར་བདེན་ཤས་ཆེ་བས། དེའི་བར་དུ་ང་ཚོ་གཏམ་སྣེ་གཅིག་དང་རེ་བ་གཅིག་གྲ་སྒྲིག་གཅིག་དང་དམིགས་ཡུལ་གཅིག་ལ་སྣ་གཏད་དགོས་པ་ལས། འདི་ནས་ཁ་ཉེན་ཚིག་འཆལ་ཤོར་མི་ཉེན་པ་དང་། སྔར་ཤོར་བ་རྣམས་ཀྱང་ཡོངས་ཁྱབ་ཏུ་རྩིས་མེད་སོང་ཚུལ་གསར་འགོད་གསལ་བསྒྲགས་སྤེལ་དགོས་པ་གལ་ཆེན་རེད།
དེ་ལྟར་མ་བྱས་ཚེ། ཡི་གེ་ནག་ཆུང་ཤི་མེད་དང་ཐེལ་ཚེ་ཁྲ་མོ་བོར་མེད་ལྟ་བུའི་ཚིག་འཆལ་ཁག་ཡིག་ཚང་ཁག་ཏུ་ལུས་ཤོར་ཚེ། རྗེས་ཕྱོགས་ཚིག་རེ་རེའི་ན་ས་དང་། ཚིག་རེ་རེའི་འཆི་ས་བྱེད་ངེས་ཡིན་དུས་ཏན་ཏན་དཀའ་ངལ་ཡོང་རྒྱུ་རེད་སྙམ་བཞིན་འདུག ད་དུང་ཡང་དམར་གཞུང་གི་རྩ་ཁྲིམས་སྒྲོམ་གཞིའི་འོག་ལ་འདུག་བཅུག་མིན་ལ་མ་བལྟོས་པར་འདུག་འདོད་ཀྱི་བསམ་བློར་རྗེ་སྤོར་མེད་པར། གཞུང་གི་ལངས་ཕྱོགས་ཀྱང་དེར་ཕྱོགས་སུ་བཙན་གྱིས་དྲངས་ན། ནམ་ཉི་མ་ཞིག་ལ་ལོ་རྒྱུས་ཀྱིས་ཀྱང་དཔང་པོ་མི་ཐུབ་པར་ཀྲུང་ཧཱ་མི་དམངས་སྤྱི་མཐུན་རྒྱལ་ཁབ་ཀྱི་མངའ་འབངས་ནས་ཁ་བྲལ་ཐབས་མེད་པའི་ཉི་མ་ནག་པོ་ཞིག་ཐོད་ལ་ཤར་ཚེ། རྣམ་པ་ཚོ་ནག་ཉེས་ལ་དེ་ཡན་མེད་པའི་ལོ་རྒྱུས་ཐོག་གི་མི་སྣར་ཆགས་པ་རེད་ལ་ནམ་ཡང་བསྒྱུར་དུ་མེད་པའི་རྒྱལ་འཚོང་བའི་ཆོ་ལོ་དེ་ཡང་རྣམ་པ་ཚོའི་དབུ་དང་སྐེ་ལ་གཏན་དུ་འཁོར་བ་རེད། སྐབས་དེ་དུས་བཙན་པོའི་ཁྲག་རྒྱུན་རྩ་ལམ་དུ་བཞུར་ཞིང་། གངས་ལྗོངས་ཀྱི་ཡ་ང་བའི་སྐྱོ་གར་མིག་མདུན་དུ་ལྷག་པ་མ་བཟོད་ནས་རྣམ་པ་ཚོའི་དུར་བྱང་ཚུན་དུ་ངོ་རྒོལ་སྡིགས་དམོད་ཀྱི་འཕྲེད་དར་འཛུགས་མི་སྲིད་པ་མིན་པ་ད་ཙམ་ནས་ཤེས་པ་གནང་རོགས།
ལོག་འཇོམས་རལ་གྲིས་གསུང་བ་དོན་ལ་གནས་འདུག་ལ་དེ་དེ་བཞིན་ནོ། བརྒྱ་ཆ་བརྒྱ་རྒྱབ་སྐྱོར་ཡོད།
བཙན་པོའི་བུ།
དགྲ་ལྷ་རྩེ་རྒྱལ།
རྒྱ་རྙི།
འདི་ཚོ་ཡང་མིང་རྫུན་རྐྱང་རེད་ལ། བདག་ཀྱང་མིང་རྫུན་འོག་ན་ཡོད། མི་རྫུན་གྱི་འོག་ཏུ་མ་ཡིབ་ན་དྲ་ཁྱི་དག་གིས་སོ་རྒྱག་སེམས་ཐག་རེད་གོ ་་་་་་་་་་་་་་ ཧཧཧཧཧཧ
སྤྱི་ཙོགས་ཀྱི་དཔྱད་བརྗོད་དག་ནི་ངེས་པར་ཡོད་དགོས་པ་རེད་ལ། གླེང་མཁན་དག་གིས་ཀྱང་དྲང་ཕྱོགས་ནས་གླེང་དགོས་པ་དང། དེ་ལྟར་གླེང་ཐུབ་ན་ལྷག་པར་དགོས་དོན་ཆེ་བ་ཡིན། དེ་ལྟར་ན་གླེང་གཞིར་བཟུང་མི་ཆོག་པའི་ཤེས་བྱ་ཞིག་གཏན་ནས་ཡོད་པ་མ་རེད་ལ། གང་ཟག་ཞིག་ནི་དེ་བས་ཀྱང་ཡོད་པ་མ་རེད། སེམས་ཅན་གྱི་ཁ་སངས་རྒྱས་ཀྱིས་མི་ཁོག་ཟེར་བ་ལྟར་རེད། འདི་ནི་གནས་ལུགས་ཀྱི་མདུན་ན་སུ་ལའང་དམིགས་གསལ་མེད་པས་རེད། ཁ་ཟེར་བ་ལ་ཞེད་ན་རང་གི་གོམ་པ་སྤོ་སྟངས་ལ་འགྱུར་བ་གཏོང་དགོས་པ་ལས་མི་ཡི་ཁ་བཙན་གྱིས་འགོག་ན་སྨྲ་བརྗོད་རང་དབང་ལ་རྡོག་བརྫིས་བྱས་པ་རེད།
ཡིནའང་འདི་ན་ཁ་ཤས་ཀྱིས་རང་གི་བསམ་ཚུལ་དང་མི་མཐུན་པའི་དཔྱད་བརྗོད་རེ་མཐོང་བ་དང་ལམ་སང་མི་དམངས་ཀྱི་མདུན་ན་ནག་པོ་བཟོ་ཐབས་བྱེད་པ་མ་ཟད། མིང་འདོགས་ཀྱོ་འོག་ལ་ཡིབ་ནས་ཉོག་གཏམ་བཤད་མི་ཆོག་པ་དང་། བུ་ཡིན་ན་རང་གི་གདིང་རིས་ངོ་མ་བསྟན་དགོས་པར་སྒྲོག་གིན་འདུག སྨྲ་མཁན་ཁོ་རང་ཚོ་ལ་གཅིག་བལྟས་ཡོང་དུས་ཁོ་རང་ཚོ་ཡང་མིང་འདོགས་རེའི་འོག་ན་ཡིབ་ཅིང་ཉོག་གཏམ་རྫོགས་རྒྱུ་མེད་པ་རེ་བཤད་བཞིན་འདུག སོམས་དང་ཅི་འདྲ་རེད། མི་ས་ལ་རང་བཞག། རང་ས་མི་བཞག་ཏེ་གཅིག་སོམས་དང་ངུ་དྲི་མི་བྲོའམ། དེའི་ཕྱིར་ངས་འདི་དག་ལ་དེང་རབས་བོད་ཀྱི་དྲ་ཁྱི་རུ་འབོད་ན་འདོད་དེ། རང་གི་བསམ་ཚུལ་རྗོད་མི་ཆོག་ཟེར་ནས་ཟུག་བཞིན་འདུག་པས་སོ།
དེས་ན་བསམ་ཚུལ་གཅིག་ལས་ཡོང་མི་ཆོག་པའི་བསམ་བློག་དོག་པོ་དེ་ཅུང་ཟད་ཀློད་དེ་བསམ་ཚུལ་སྣ་ཚོགས་ལ་གུ་ཡངས་མོས་ཉན་ཏེ་དཔྱད་བསྡུར་བྱེད་དགོས་ལ། གལ་ཏེ་དཔྱད་བསྡུར་བྱེད་པའི་རིན་ཐང་མི་འདུག་སྙམ་ན་བདག་པོ་མ་རྒྱབ་ན་ཡང་ཆོག། གལ་ཏེ་བསམ་ཚུལ་རྗོད་མཁན་དག་གི་གདོང་རིས་ངོ་མ་དེ་མཐོང་ན་འདོད་ཚེ། རང་གི་བསམ་ཚུལ་ཁ་ནས་ཐོན་མ་ཐག་མི་མང་མདུན་དུ་ནག་པོ་བཟོ་བའི་འབུར་འཇོམས་ཀྱི་གོམས་གཤིས་ངན་པ་དེ་གཙང་བཟོ་བྱེད་དགོས་པར་འདོད་ལ། འདི་ནི་ངས་བསམ་ཚུལ་ཡིན། དེས་ན་རང་དབང་ལུང་པ་ལ་བསྡད་དེ་བསམ་ཚུལ་ཁོག་ཏུ་རུལ་ན་ཕངས་སྙམ་ཏེ་འདིར་བཀོད་པ་ཡིན། སྨྲ་བརྗོད་རང་དབང་གི་ས་མཚམས་དང་འགལ་འདུག་ན་གསལ་སྟོན་གནང་རོགས་ཞུ་བཞིན་ཡོད་དོ།།
གྱད་ལྷ་དགས་མི་ཤེས་ཤེས་མདོག་ཏོག་ཙམ་བྱས་འདུག རྩོམ་ཡིག་གི་དུམ་མཚམས་དང་པོའི་ནང་ལ་རྒྱ་རྒན་ཏིང་གི་སྐད་ཆར་བརྟེན་ནས་རང་སྐྱོང་ངམ་དབུ་མའི་ལམ་གྱི་རྩེ་མོ་ཚུགས་ཤིང་རྩ་བ་རྒྱས་རབས་བཤད་འདུག དེ་ནི་བདེན་པ་རྩ་བ་ནས་མ་རེད།
རང་སྐྱོང་ཡོང་བའི་བསམ་བློའམ། དབུ་མའི་ལམ་གྱི་བསམ་བློ་ནི་དེའི་སྔོན་ནས་འཆར་གཞི་དང་བསམ་བློ་བཏང་ཚར་བ་ཞིག་ཡིན་པ་༸གོང་ས་མཆོག་གིས་ཡང་ཡང་གསུངས་པ་དེ། གྱད་ལྷ་དགས་མ་ཤེས་པ་རེད་དམ་མ་ཤེས་མདོག་མདོག་རེད།
བཙན་པོའི་བུས་བཤད་པ་བདེན་པ་རེད། ལམ་དབུ་མ་ནི་༧གོང་ས་མཆོག་གི་དགོངས་གཞི་དང་བོད་མི་མང་ཚོགས་ཀྱི་མངོན་འདོད་ཡིན་པ་སྤྱི་འཐུས་ཚོགས་ཆེན་ཐོག་ཐག་བཅད་པ་ལས་ཟོམ་གདོང་རིན་པོ་ཆེས་མི་གནང་དགུ་གནང་གནང་ནས་རང་དོན་བསྒྲུབས་པ་མ་རེད། ཤ་ཚ་གྱད་ལྷ་དགའ་ཟེར་བ་འདི་དཔལ་འབྱོར་གྱི་འཁོས་ཀ་ཞན་ཅིང་མི་ཆེན་གྱི་རྒྱབ་སྐྱོར་མེད་ལ་རང་ཉིད་ལ་འཇོན་ཐང་མེད་པའི་མི་དེའི་གྲས་ཤིག་ཡིན་ས་རེད། སྐར་མ་གཉིས་ཀྱི་སྐད་གྲགས་ཐོབ་ཆེད་ཟོམ་གདོང་རིན་པོ་ཆེན་སོགས་བོད་ཀྱི་ཆབ་སྲིད་ཀྱི་ཀ་བ་དག་དངོས་སུ་དགག་པའི་ཟོལ་གྱིས་དོན་དུ་༧གོང་ས་མཆོག་གི་གསུང་ལ་ངོ་ལོག་བྱེད་བཞིན་ཡོད་པ་རེད། མ་བདེན་ན་ཚིག་དུམ་འདི་ལ་ལྟོས་དང་།
“རྒྱ་རྒན་ཏིང་གི་སྐད་ཆ་ཡིན་པའི་ཁུངས་ལུང་ཡོད་ཀྱང་ཆོག་ལ་མེད་ཀྱང་རུང་། བོད་མའི་རྒྱ་ཆ་གོ་དགུའི་གདམ་ག་ཡིན་ཡང་རུང་ལ་མིན་ཡང་རུང་། གང་ལྟར་རྩ་དོན་དེར་ཐབས་ལམ་གཅིག་ཡོད་པ་ནི་དབུ་མའི་ལམ་ཟེར་བའི་སྲིད་བྱུས་ནོམ་ཆེན་དེ་ཡིན་པ་རེད། “
གྱད་ལྷ་དགའ་ཟེར་བ་འདི་མིང་རྫུན་མའི་འོག་གབ་པའི་སྤྱི་འཐུས་ཀྱི་མིང་ཅན་ཞིག་རེད། སྔ་ཕྱིར་སྤྱི་ཚོགས་ནང་དངོས་གཟུགས་གབ་སྟེ་དཀྲུགས་ཤིང་སྣ་ཚོགས་ཤིག་བྱས་ཡོད་ཀྱང་ད་སྔར་སུས་ཀྱང་ཐེར་འདོན་བྱས་མེད། དངོས་མིང་གབ་ནས་འགན་འཁུར་མེད་པའི་འཆལ་གཏམ་འདི་རིགས་སྒྲོགས་པ་འདི་བོད་མི་མང་སྤྱི་འཐུས་ཀྱི་བཟང་སྤྱོད་དང་མཐུན་གྱིན་ཡོད་དམ།
གནས་ཚང་ལ་རྗེས་ནས་སླར་ཡང་འཕྲད་པའི་རེ་བ་ཡོད། སྐབས་སུ་མྱི་དགའ་དང་ལྷ་དགའ་ཚུལ་གྱིས་དགའ་ནས་ཡོད། ཐུགས་རྗེ་ཆེ།
ང་ཚོ་ལྷུང་ས་ཤི་ལ་ལྷུང་ཡོད་ལ། ང་ཚོ་འབབ་ས་ཤིང་ལ་བབ་ཀྱང་ཡོད། ང་ཚོ་རང་བཙན་གཙང་མ་ལས་དབུ་མའི་ལམ་ལ་བབ་ཡོད་ལ། དབུ་མའི་ལམ་ལས་རང་སྲིད་རང་སྐྱོང་གི་གནས་བབ་ལ་ཞོལ་ཡོད། གནས་འདི་ནས་ང་ཚོ་གང་ཞིག་གི་ཕྱོགས་ལ་ཨུ་ཚུགས་ཀྱིས་འབབ་རྒྱུ་ཡིན།
དྲན་ཨེ་མྱོང་། ད་ལྟ་ཡང་ངང་སྒུག་ཙམ་ལས་གང་ཡང་མེད། དེ་ནི་དཔེར་ན་བཀའ་ཁྲི་མཆོག་ནས་ད་དུང་ང་ཚོས་ཡུན་བརྟེན་བྱེད་དགོས། རྒྱ་ནག་གིས་དཔོན་པའི་ནང་ཁུལ་རྩོད་ལེན་བྱེད་བཞིན་པའི་སྒང་རེད། ང་ཚོའི་རེ་འདོན་ལ་ཁ་ཡ་བྱེད་རྒྱུ་མ་རེད། ཞེས་དང་ཐོག་ནས་གཉའ་ཞུམ་དང་བག་ཁུམ་གྱི་ལྟ་བ་ཞིག་སྐེ་ལ་ཁུར་ནས་ཡོད་ཚད་ཀུན་ལ་ཁྱབ་བསྒྲགས་བྱས་པ་རེད། རང་ཉིད་ལ་ལྟ་གྲུབ་མེད་སྟབས་གཞན་བརྟེན་གཤིས་སྤྱོད་ཁོ་ན་ཁུར་བ་རེད། བཤད་སྙིང་སྤྲོ་མ་སོང་། མཆན་འདེབས་མཁན་ཚང་མ་རང་རང་ས་ན་ངལ་རྒྱལ་གྱིས་འཚོ་བཞིན་ཡོད་སྟབས། ངས་འདི་ནས་གསལ་བཤད་ཞིག་བྱས་པས་ཉན་འཇོག་ཨེ་ཡོང་།
བཀའ་ཤག་གིས་བོད་མིར་མགོ་སྐོར་བཏང་པ་རེད་དམ་ཡང་ན་ཁྱོེད་རང་མགོ་འཁོར་བ་རེད།
ངས་ཆོ་མེད་ཀྱི་སྐད་ཆ་མང་པོ་མི་ཤོད་ལ། དོན་མེད་ཀྱི་འཆལ་གཏམ་དེ་བས་བརྗོད་འདོད་མེད། འོན་ཀྱང་དེང་སང་རང་རེའི་དྲ་བའི་ཁོར་ཡུག་ནང་མིང་རྫུན་འོག་དོན་དངོས་ལས་འགལ་བའི་འུར་གཏམ་མི་ཉུང་བ་ཞིག་དང་ལྷག་པར་དུ་རང་གཞུང་ལའང་སྙོན་འཛུགས་རང་བཞིན་གྱི་རྩོམ་རྫོབ་མི་ཉུང་ཞིག་མཐོན་བཞིན་ཡོད་པ་ནི་ངས་བརྗོད་མི་དགོས་པར་ཚང་མས་ཤེས་གསལ་རེད། སྐབས་སུ་བབ་པ། མང་གཅོའི་སྤྱི་ཚོགས་ཀྱི་གལ་ཆེའི་གྲུབ་ཆ་གཅིག་ནི་སྨྲ་བརྗོད་རང་དབང་ཡིན་སྟབས་གང་ཟག་སུ་ཞིག་གིས་ཀྱང་རང་ཉིད་ཀྱི་བསམ་འཆར་བཤད་ཆོག་ལ་འབྲི་ཡང་ཆོག། འོན་ཀྱང་། གཞི་མེད་སྙོན་འཛུགས་ཀྱིས་རྩོམ་འཆལ་འབྲི་བ་དང་གཏམ་འཆལ་སྨྲ་བ་ནི་སྨྲ་བརྗོད་རང་དབང་གི་གྲུབ་དོན་དང་འགལ་བ་རེད། དེ་ཡང་ངས་རྩོམ་ཡིག་འདིའི་མགོ་ནས་མཇུག་བར་ཐེངས་གཉིས་གསུམ་ཙམ་བཀླགས་པ་ཡིན། འོན་ཀྱང་། རྒྱུ་མཚན་དང་གནས་ལུགས་ཀྱི་ཕྱུགས་པའི་སྐད་ཆ་ཞིག་རྩ་བ་ནས་མཐོང་མ་སོང་། དེ་ཡང་དབུ་མའི་ལམ་གྱི་སྲིད་བྱུས་ཀྱི་དགོངས་གཞི་དེ་སྤྱི་ལོ་ ༡༩༧༣ ཡས་མས་ནས་༧གོང་ས་མཆོག་གི་ཐུགས་ལ་འཁྲུངས་ཡོད་པ་མ་ཟད་འབྲེལ་ཡོད་བཀའ་བློན་ཚོར་ཡང་བཀའ་བསྡུར་གནང་ཡོད་བཞིན་དུ་་་་་་རྒྱ་རྒ་ན་ཏིང་གིས་རྒྱལ་དོན་ཅན་ལ་བཤད་པར་གྲགས་པའི་འཆལ་གཏམ་ཁུངས་མེད་ཅིག་ལ་གཞི་བྱས།་་་ཅེས་བརྗོད་ནི་དོན་དངོས་རྡོག་རྫིས་བཏང་པ་མིན་ན་ཅི་རེད། ལར་ནས་ཏིང་གིས་རྒྱལ་དོན་ལ་བཤད་པའི་སྐད་ཆ་དེ་ཁྱོད་རང་གིས་ཁུངས་མེད་ཅི་ལྟར་སྒྲུབ་རྒྱུ་ཡིན། རྒྱལ་ལོ་དོན་གྲུབ་ལགས་གནད་དོན་དེ་འབྲེལ་གྱི་ཁུངས་མིན་ན་ཅི་རེད། ཁུངས་མེད་ཇི་ལྟར་གྱུར་བ་རེད། རྒྱ་དམར་པོའི་ཁུངས་དེ་ཤི་ཚར་ཀྱང་ང་ཚོའི་ཁུངས་ད་ལྟ་ཡང་ཡོད། མ་གཞི་ནས་ཁྱེད་རང་གིས་ཁུངས་མེད་སྒྲུབ་བྱེད་དེ་དེ་སྔོན་རྒྱ་དམར་གྱིས་དྲི་སྒྲགས་རྫུན་མ་པ་དེར་གཞི་བྱས་པ་ཡིན་སྲིད། དེས་ནས་ཁྱེད་རང་གིས་ཡིད་ཆེས་བྱེད་ས་དེ་ད་དུང་ཡང་དམར་ཤོག་གི་དྲིལ་སྒྲགས་དེ་ཡིན་པ་འདྲ། དེ་ནས་ཁྱེད་རང་གིས་དབུ་མའི་ལམ་དང་བོད་རྒྱ་ཞི་མོལ་གྱི་གྲབ་འབྲས་བྱུང་པ་རྣམས་ཡོད་ཚད་གད་སྙིགས་ནང་བླུགས་པ་ནི་ཅི་འདྲའི་ཐབས་སྐྱོ་ལ་དྲང་ཚུགས་ཡེ་ནས་མེད་པ་ཞིག་མིན་ན་ཅི་རེད། དབུ་མའི་ལམ་གྱི་སྲིད་བྱུས་ལ་བརྟེན་ནས་བོད་རྒྱ་ཞི་མོལ་གྱི་ལམ་བུ་དེ་ཕྱེས་པ་རེད། བོད་རྒྱ་ཞི་མོལ་གྱི་ལམ་བུ་དེའི་བཀྲིན་ལ་བརྟེན་ནས་བོད་རིགས་སྤུན་ཟླ་ཕན་ཚུན་ཐུག་འཕྲད་དང་བོད་ནས་རྒྱ་གར་དུ་སློབ་གཉེར་ལ་ཡོང་ཐུབ་པ། རྒྱ་གར་ནས་བོད་ཀྱི་དགོན་སྡེ་ཁག་གི་ནང་ནང་ཆོས་དགེ་རྒན་ཕེབས་ཐུབ་པ། དེ་བས་ཀྱང་གྲུབ་འབྲས་ཆེ་བ་གཅིག་ནི་བོད་ཆོལ་གསུམ་གྱི་གཅིག་སྒྲིལ་གྱི་འདུ་ཤེས་དེ་རེད། དེ་ལྟ་བུའི་འདུ་ཤེས་དེ་བོད་ཕྱི་ནང་གི་སྤུན་ཟླ་རྣམས་ཕན་ཚུན་ཐུག་འཕྲད་བྱུང་སྟེ་༧རྒྱལ་བའི་མཛད་འཕྲིན་དང་བོད་གཞུང་གི་སྲིད་བྱུས་རྣམས་བོད་ཕྱི་ནང་གི་ཤེས་རྟོགས་བྱུང་བའི་རྐྱེན་ལས་བྱུང་ཡོད། ངས་བོད་གཞུང་གི་སྲིད་བྱུས་ཟེར་བ་དེར་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ལ་ཟེར་གྱི་ཡོད། དེ་ཚོ་ཚང་མ་ཁུངས་གཏུགས་ན་དབུ་མའི་ལམ་དང་བོད་རྒྱ་འབྲེལ་མོལ་གྱི་ལམ་ལས་བྱུང་བ་མིན་ན་ཅི་རེད། དེ་ནས་ཁྱོད་ཀྱིས་བོད་མི་རྣམས་མགོ་སྐོར་འོག་ཚུད་ལུགས་བཤད། གྲོགས་པོ། སྐད་ཆ་དེ་ཤོད་རྒྱུ་ད་ལྟ་སྔ་དྲག་པ་རེད། མི་རིགས་གཅིག་གི་འཐབ་བརྩོད་དེ་ལོ་ཤས་དང་ཟླ་ཤས་ནང་ཐག་ཆོད་པའི་གནད་དོན་ཞིག་མ་རེད། དཔེ་མཚོན་གསལ་ཤོས་ཁྱོད་རང་གི་མིག་མདུན་གྱི་རྒྱལ་ཁབ་རྒྱ་གར་རེད། དེ་བས་ཀྱང་འུད་གཏམ་ཆེ་བ་ཞིག་ནི་དབུ་མའི་ལམ་ལ་རྒྱབ་སྐྱོར་བྱེད་མཁན་རྣམས་ཀྱིས་ཆབ་སྲིད་ཀྱི་གནད་འགག་ཤེས་ནས་རྒྱབ་སྐྱོར་བྱས་པ་མིན་ལུགས་བརྗོད་པ་ནི་མངོན་སུམ་ལ་སྙོན་འདིང་བ་མིན་ན་ཅི་རེད། མ་གཞི་ནས་ཁྱོེད་རང་གིས་བརྗོད་པའི་རང་བཙན་དེ་ཇི་ལྟར་ལེན་རྒྱུ་ཡིན་ནམ། ཁྱོད་རང་ཐབས་བྱུས་ཡོད་དམ། གལ་སྲིད་རྒྱ་དམར་པོས་བོད་རང་སྐྱོང་ལྗོངས་གཅིག་པུར་རང་བཙན་སྤྲད་ན་ཁྱོད་རང་ལ་འཐུས་ས་རེད་དམ། ང་ལ་ནི་འཐུས་ས་མ་རེད། གྲོགས་པོ་འུར་གཏམ་རྒྱབ་ནས་ཅི་གང་ཕན་གྱི་མ་རེད། དོན་དངོས་ལ་བསྟུན་དགོས་རེད། མདོར་ན་ངས་བརྗོད་འདོད་པ་ནི་ཁྱོད་རང་གི་འུད་སྒྲོག་རྒྱུ་མ་གཏོགས་ཅི་གང་ཤེས་ཀྱི་མེད་པ་དེ་རེད་ཏོ།
ཁ་སྣོན་གཅིག་བྱེད་ཆོག་པ་ཞུ། དད་པ་དང་མངོན་འདོད་བསྲེས་པ་ནི་མགོ་རྙོག་ཅིག་རེད་ཅེས་ཞུ་དོན་ནི། ཕྱོགས་གཅིག་ནས་སྟོན་པ་སངས་རྒྱས་ཀྱི་རྗེས་འཇུག་པ་ཞིག་ཡིན་ཚེ། དེ་ལ་བསྲེག་བཅད་བརྡར་གསུམ་གྱི་ཐོབ་ཐང་ཆ་ཚང་བ་ཞིག་ཡོད་པ་རེད། མངོན་འདོད་དང་དད་པའི་བར་ལ་འགལ་བ་བྱུང་མྱོང་བ་མ་རེད། ཕྱོགས་གཞན་ཞིག་ནས་བོད་དུ་ནང་ཆོས་དར་བ་དང་སྒོས་སུ་དགེ་ལུགས་པ་དར་རྒྱས་ཕྱིན་རྗེས། རྗེ་བླ་མའི་གསུང་པོད་༡༨བརྒལ་མི་ཆོག་པ་ལྟ་བུའི་བཀའ་རྒྱ་བཟོས་ཡོད་པས། དེང་སྐབས་ཀྱི་མགོ་རྙོག་འདི་བྱུང་གི་ཡོད་པ་རེད་ལ། སྲིད་དོན་པ་ཚོས་བེད་སྤྱོད་ཡག་ཐག་ཆོད་རེ་གཏོང་གི་ཡོད་པ་རེད། དེ་བས། བོད་མི་ཚོས་སངས་རྒྱས་ཀྱི་རྗེས་སུ་འཇུག་འོས་པའང་གསལ་བོ་མ་རེད་དམ།
ཟླ་བ་བསོད་ནམས་ལགས་སླར་ཡང་ཕེབས་འདུག དད་པ་དང་མངོན་འདོད་བསྲེས་ནས་སླེབས་འདུག འདི་ཧ་ཅང་གི་མགོ་རྙོག་ཅིག་རེད།
༡ དད་པ་ནི་ཆོས་ལུགས་ཀྱི་ཁྱབ་ཁོངས་ཡིན་པས། བླ་སློབ་ཀྱི་འབྲེལ་བ་ཡོད་མཁན་ཚོས་བླ་མའི་བྱེད་བབས་ལ་སྐྱོན་བརྗོད་ཆོག་གི་མ་རེད། སྲིད་དོན་ནི་གཡོ་སྒྱུ་ཁྲམ་གསུམ་གཞི་གཅིག་ཏུ་གྲིལ་བའི་སྒྱུ་རྩལ་ཡན་གར་བ་ཞིག་ཡིན་པར་མ་ཟད། བོད་མིའི་མངོན་འདོད་ཀྱང་ཐད་ཀར་སྲིད་དོན་ལ་འབྲེལ་བ་ཆགས་ཡོད་པས། བླ་མ་དགོས་ན་མངོན་འདོད་དོར་དགོས་པ་དང་། མངོན་འདོད་དགོས་ན་བླ་མ་དོར་དགོས་པ་འདྲ་བོའི་གནས་སྟངས་ཤིག་ཏུ་སྲོད་དོན་པ་ཚོས་སྒྲུབ་ཡོད་པ་རེད། ཡིན་ནའང་། དེ་ནི་ཧ་ཅང་གི་མི་འོས་པ་ཞིག་དང་མགོ་རྙོག་རེད།
༢ གཞོན་ནུའི་ཐད་ནས་མང་བོ་གླེང་དགོས་ཡ་མི་འདུག ཡིན་ནའི། རྒྱ་མིའི་དེང་སྐབས་ཀྱི་གནས་སྟངས་ཁེ་ཕན་ཁོ་ནར་འདུར་བཞིན་པ་ཞིག་ཡིན་པས། གནའ་ནས་ཡོད་པའི་རྒྱ་རིགས་ཆེན་པོའི་བསམ་བློའང་ཕྱོགས་གཅིག་ནས་བསྐུལ་སློང་བྱེད་དགོས་པ་ཞིག་ཆགས་ཡོད་པ་རེད། ཕྱོགས་གཞན་ཞིག་ནས་ཁོ་རང་ཚོས་ཀྱང་གོ་སྐབས་དེ་བཟུང་ནས་སེམས་ནང་གི་རང་དབང་མེད་པའི་ན་ཚ་ཕྱི་ལ་བརྟོལ་བཞིན་པ་ཞིག་རེད།
སྤྱིའི་ཆ་ནས་གནས་ཚང་ལགས་ཀྱིས་གནས་ལུགས་རྩལ་ཏུ་བཏོན་ནས་བརྡ་སྤྲད་པ་ནང་བཞིན། བདག་གི་མགུ་ཁེངས་ནས་ཡོད། འོན་ཀྱང་མཐར་ཐུག་གི་མདོ་དོན་གནད་གཅིག་ལ་སྤུངས་རྒྱུ་དེ་གལ་ཆེན་རེད་བསམ་ཐོག སླར་ཡང་སྐད་ཆ་ཚིག་ཁ་ཤས་སྣོན་འབབ་བྱེད་འདོད་བྱུང་།
༡༽ཟམ་གདོང་བླ་མ་ཐེ་པའི་སྐུ་ཚབ་རྒྱ་རི་ཡིན་ཀྱང་ཆོག དེ་མིན་སུ་ཡིན་རུང་གཞོན་ནུའི་ཚོགས་ཁག་བརྒྱུད་ཐོབ་གོ་ས་ལ་བསྙེགས་ནས་ལངས་ཕྱོགས་དོར་བའི་མ་ཟད། མི་གཤིས་བརླགས་སོང་རུང་། གཞོན་ནུ་ཚོགས་པས་སྔར་བཞིན་རང་བཙན་བསམ་ནས་ནུས་ཚོད་དང་ལྕོགས་ཚོད་ཀྱིས་ལངས་ཕྱོགས་བརྟན་པོ་གནས་ཀྱིན་པ་རེད། གོང་གི་མི་སྣ་འདི་འདྲ་རྗེས་སོར་ཡང་འབྱུང་སྲིད་པ་རེད་དེ། སེམས་ངལ་མི་དགོས་ས་ནི་གཞོན་ནུ་ཚོགས་པའི་དགོས་འདོད་ཕྱི་དགྲ་དང་ནང་གི་རྐྱེན་ཅུང་ཙག་ལ་བརྟེན་ནས་རྦད་དེ་དོར་མི་ཤེས་བའམ་འཇིག་མི་འགྲོ་ཚུལ། སྐབས་འཚོལ་བ་ལབ་ཀྱང་བཀའ་ཟུར་ཟམ་གདོང་ཚུད་པའི་སྐུ་ཚབ་རྒྱ་རི་སོགས་ཀྱིས་བློ་ལོག་པའི་མཇུག་འབྲས་སམ། བློ་གདེང་འཁེལ་ས་ནོར་སོང་བའི་བྱ་བྱེད་ཐད་ནས་རྟོགས་ཐུབ་ཀྱིན་འདུག ཁོ་བོ་དག་གར་སོང་ས་ནས་རྒྱ་ནག་གི་རྙི་ལ་ཐེབས་ཀྱིན་པའི་བཟོ་དེ་གསལ་བོ་རེད། འདི་ལྟར་བལྟས་ཡོང་ན་གཞོན་ནུའི་ལངས་ཕྱོགས་རང་བཞིན་གྱིས་བརྟན་པོ་ཆགས་པ་རེད་ལ། རྒྱ་ནག་གི་ལག་གཡོག་ནས་གང་ས་གང་ལ་འཐེན་ཆོག་ཆོག་གི་ལངས་ཕྱོགས་སྙི་མོ་ཞིག་མིན་ཚུལ་ར་འཕྲོད་པ་རེད། མ་རེད་དམ།
༢༽གཞོན་ནུ་ཚོགས་པ་རྒྱ་ནག་གི་མིག་ལམ་ནས་འབུར་འབུར་ཞིག་དང་རིལ་རིལ་དེ་ཅི་ལྟར་ཆགས་བ་རེད། ལངས་ཕྱོགས་ཤོག་ངོས་ན་ལྷག་ཡོད་སྟབས་སེམས་འཁྲེང་ས་དང་བློ་དོགས་སའི་གནས་སུ་གྱུར་བ་རེད་དམ། སྐུ་ཉིད་ཀྱི་འདོད་པ་ལྟར་ན་རྒྱ་གཞུང་གིས་གཞོན་ནུ་ལག་པ་ཕྱི་སའི་རས་ཡུག་ཅིག་ལ་སྒོམ་འདུག་སྟེ། དོན་དངོས་ཐོག་རྒྱ་ནག་གི་མི་རིགས་ཆེན་པོའི་རིང་ལུགས་ནི། ཁ་གཡར་ས་བཙལ་ནས་སྐུལ་སློང་བྱེད་དགོས་བ་ཞིག་ཡིན་ནི་མ་རེད། གདོད་མ་ནས་གྲུབ་ཡོད་པ་རེད་ལ་མུ་མཐུད་ནས་གནས་རྒྱུ་རེད། རྒྱུ་མཚན་ཁ་སང་དེ་རིང་བར་དུ་རྒྱ་ནག་ཆེན་པོའི་མི་རིགས་ཀྱི་མགོ་ཡར་འདེགས་ཐབས་བྱུང་མ་མྱོང་བར་བརྟེན། སོག་པོ། མན་ཇུ།འཇར་པན། ཐ་ན་འུ་ཅག་གི་བཙན་པོའི་རིང་ནས་རྒྱ་ནག་ཚང་གི་འུ་ཐུག་པའི་བསམ་ཕྱོགས་འདི་ཤ་གསེང་རུས་གསེང་ལ་ཐུམ་བསྡད་ཡོད་བ་རེད། དེར་བརྟེན་དེ་རིང་ཉིན་མོ་གཞོན་ནུ་ལ་ཁ་གཡར་ནས་རྒྱ་ནག་མི་རིགས་ཆེན་པོའི་རིང་ལུགས་དར་སྤེལ་གཏོང་ཀྱིན་པ་རེད་བསམ་པ་འདི། ཕྱོགས་གཅིག་ནས་དངོས་ཡོད་ལ་ཞིབ་འཇུག་བྱེད་རྒྱུ་ལས་ཚོད་དཔག་གི་མྱོང་བ་སྔོན་ལ་ཤོར་བའི་རྟགས་རེད།། ཕྱོགས་གཞན་ནས་རྒྱ་ནག་གིས་དབུ་མའི་ལམ་ཡར་འཐེན་མར་འཐེན་སྟོང་བྱས་ནས་རྩབ་ཧྲལ་དུ་བཏང་རུང་། གཞོན་ནུ་ཀ་ལངས་ལངས་བྱས་ནས་གཡོ་བ་མེད་སོང་ན་རྒྱ་ནག་གཞུང་གིས་དབུ་མའི་ལམ་ལ་ཡ་ཁོ་རང་མ་བྱས་རུང་། དོན་དམ་གྱིས་བོད་ཀྱི་བདེན་དོན་སྔར་བཞིན་གནས་བའི་མ་ཚད་བརྟན་པོ་ཆགས་རྒྱུའི་སེམས་ངལ་ཞིག་ཡོད་སྟབས། པེ་ཅིན་གཞུང་གི་མིག་ནང་ན་ཚེར་རྡོག་བཟོད་དཀའ་བ་ཞིག་ཅི་ལ་མིན།
༣༽རང་སེམས་ན་ཉེས་བ་མེད་ན་གཤིན་ཕྲེང་ནས་འཇིགས་སྐྲག་མྱོང་དགོས་དོན་ཡོད་བ་མ་རེད། ང་ཚོས་བདེན་དོན་ཞིག་རྩོད་ཀྱིན་པ་མིན་ནམ། ལོ་ངོ་སྟོང་ཕྲག་གི་ལོ་རྒྱུས་དཔངས་ལ་བཞག་བའི་རང་བཙན་རྩོད་རྒྱུ་ལ་། དེ་འདྲའི་ཞེ་སྣང་ཞིག་གང་ནས་ཐོན་སོང་། ང་ཚོས་སྣང་བ་ལ་འཛམ་གླིང་ཟླུམ་པོ་འདིས་ཞི་འཇམ་སྒོས་གྲོས་མོལ་གཙོ་བཟུང་ནས་གནད་དོན་སེལ་གྱིན་པའི་ཁུལ་རེད་མ་གཏོགས། དོན་དམ་གྱིས་འཛམ་གླིང་ཤར་ནུབ་གང་རུང་ན་རང་ཉིད་ཀྱི་ཁེ་དབང་དང་རང་ཡུལ་རང་སའི་ཆེད་དུ་མི་རྒྱུ་སྲོག་གསུམ་གྱི་འགྲོ་གྲོན་གཏོང་དང་བཏང་ཟིན་པ་རེད། འདི་ལྟར་བལྟས་ན་གཞོན་ནུས་རྒྱ་ནག་ལ་ཚིག་ལོག་ཁ་ཤས་བྱས་བ་ཙམ་གྱིས་འུ་ཅག་གི་རང་མདོག་བསྟན་ནས། རྒྱ་ནག་གི་ཁ་ནང་ནས་ཚིག་ཅི་འབུད་ལ་དོགས་ཟོན་བྱེད་ལུགས་འདི། དོན་ངོ་མས་འུ་ཅག་ལ་བདེན་དོན་རྩོད་རྒྱུའི་སྙིང་སྟོབས་མེད་སོང་བ་རེད། རེད་དམ། རྐྱེན་འདི་འདྲ་རྒྱུན་ཏུ་འཕྲད་ཀྱིན་ཡོད་ཙང་རྒྱ་ནག་གཞུང་གི་གང་བཤད་པ་ཆ་ཚང་ལ་ནུས་བ་རེ་ངམ་ངམ་ཤུགས་ཀྱིས་ཐོན་བཞིན་པ་མ་རེད་དམ།
༤༽ ད་ལྟའི་ཆར་མང་གཙོའི་མཚན་ཉིད་ཡོངས་སུ་འུ་ཅག་གི་གཉའ་ལྟག་ལ་བབ་ཡོང་དུས། དགུ་ཆུ་གསུམ་ལྟ་བུའི་ཚོགས་པ་སུ་ཞིག་གིས་རང་ཉིད་ཀྱི་ལྟ་གྲུབ་གཙོ་བཟུང་ནས་སྲིད་དོན་ཚོགས་པའི་མཉམ་བསྟན་པ་རེད། བར་འདི་ནས་ངའི་སྐད་ཆ་བཤད་ས་འགྲོ་ཀྱིན་མི་འདུག ང་རང་ལ་མཚོན་ན་ཚོགས་པའི་གྲལ་ཁུངས་ལ་འཇུག་གི་མེད་ཙང་། ཚོགས་པ་ཁག་གི་ས་ཁོད་བཟུང་ཡོད་མཁན་དག་གིས་ཧུར་བརྩོན་བྱེད་རྒྱུའི་དུས་ལ་ཕལ་ཆེར་བབ་ཡོད་པ་འདྲ། གཞན་་་་གཞོན་ནུ་བརྒྱུད་པའི་སྲིད་དོན་པ་ཆེན་པོ་སུ་ཡོད་རེད་ལབ་ཡོང་དུས། ཉེན་རྟོགས་པའི་འདྲི་གཞི་དང་འདྲ་བས་ལན་ནོར་བ་ཡིན་ན་ཉེས་བ་ཕོགས་འགྲོ་བར་དོགས་པས། རེ་ཞིག་ང་ཁུ་སུམ་མེར་མི་འདུག་ཐབས་མེད་རེད།
༥༽ མདོ་དོན་་་གནས་ཚང་དབུ་མའི་ལམ་གྱི་སྒང་ལ་རྟ་བྱོན་ནས་ཕེབས་འདུག་ན། རྒྱལ་སྤྱའི་སྲིད་དོན་པའི་ཁྲོད། བོད་ཀྱི་དྲང་བདེན་དང་སྟབས་བསྟུན་གྱི་ནུས་བ་ཤོར་ཟིན་པ་ཕལ་ཆེར་འདྲ་བོ་རེད། རྦད་དེ་ཤོར་མེད་ཚུལ་རྒྱ་ནག་གཞུང་གིས་༧གོང་ས་མཆོག་སྐུ་ཚེ་ཚོད་དཔག་བྱས་ནས་ཁྱོད་དང་ང་ལྟ་བུ་གད་སྙིགས་ནང་ལ་གཡུག་སོང་བ་ལྟར་རེད། འདིའི་བསྟན་དོན་རྒྱ་ནག་གཞུང་༧གོང་ས་མཆོག་ལ་གདོང་སྟོན་རྒྱུའི་བློ་སྟོབས་མི་འདུག ཁུར་བོ་ཆེན་པོ་དག་རང་དབང་ལུང་བ་ན་ཡོད་མཁན་ཚོས་འཁུར་ན་བསམ་གྱིན་ཡོད་ལ། དེ་འདྲ་ཞིག་ཡིན་ཀྱང་དགོས་རྒྱུ་རེད། དེར་བརྟེན་གཞིས་ལུས་ཡུལ་མི་དག་གི་ཅི་བྱེད་ང་ཚོས་མཆུ་ཏོ་ཐེབས་པ་བྱེད་དགོས་རྒྱུ་མ་རེད། ང་ཚོས་རང་ས་ནས་གོ་བབ་ལྟར་རྒྱལ་སྤྱིའི་གདོང་གི་སྐྱི་པགས་མཐུག་པོ་མར་ཕུད་ཐབས་ལ་འབད་དགོས་རྒྱུ་རེད། ཕལ་ཆེར་མ་རེད་ཟེར་རྒྱུ་ཡིན་པ་འདྲ།
ཟླ་བ་བསོད་ནམས་ལགས་ཡང་བསྐྱར་ཕེབས་པར་ཤིན་ཏུ་དགའ་ཡོད།
༡ གཞོན་ནུ་ཚོགས་པའི་ལངས་ཕྱོགས་ཀྱི་སྐོར་ནས་རེད། གཞོན་ནུ་ཚོགས་པ་དེང་ཐོག་ནས་ཐད་ཀར་སྐབས་འཚོལ་བ་འདི་དག་གི་ལག་ཆར་གྱུར་ཡོད་པའི་ཁར། ལངས་ཕྱོགས་ཁྱོན་ནས་རྒྱུན་འཛིན་བྱེད་མི་དགོས་པའི་ཚོགས་སྡེ་ཞིག་ཏུ་གྱུར་ཡོད་པ་རེད། གནད་དོན་གཙོ་བོ་དེ་བཞིན་མིའི་དགོས་དབང་ལ་བསྟུན་བཞིན་པ་ལས་ཚོགས་པའི་དགོས་དབང་གཡུགས་ཟིན་པ་ཞིག་རེད། དེ་བས། ལངས་ཕྱོགས་ཤོག་ངོས་སུ་ལྷག་ཟིན་པ་རེད།
༢ འོ་ན། རྒྱ་གཞུང་གིས་གཞོན་ནུ་ཚོགས་པར་དོ་སྣང་ཆེན་པོ་བྱེད་དོན་གང་ལ་ཐུག་ཡོད་རེད་དམ། རོབ་ཅིག་ཞུས་པ་ཡིན་ན། གཅིག་རྒྱ་མིའི་གཞུང་གིས་ག་དུས་ཀྱང་དགྲ་བོ་ཞིག་མི་མང་ལ་ཁྱབ་བསྒྲགས་ཤུགས་ཆེན་བྱེད་ཀྱིན་ཡོད་པ་རེད་ལ། དམིགས་ཡུལ་གཙོ་བོ་རྒྱ་མིའི་སེམས་ནང་གི་རྒྱ་རིགས་ཆེན་པོའི་འདུ་ཤེས་སློང་ཐུབ་ཀྱི་ཡོད། དེ་བས། གཞོན་ནུ་ཚོགས་པ་དེའི་སྟེང་ལ་བེད་སྤྱོད་གཏོང་གི་ཡོད་པ་རེད། གཉིས་གཞོན་ནུ་ཚོགས་པ་དེ་ལྟར་བེད་སྤྱོད་གཏོང་བཞིན་པའི་ཁར། དྲག་པོའི་ཚོགས་པ་ཞིག་ལ་སྒྲུབ་འདུན་འཆིང་ཡོད་པ་རེད། དེའང་གཞན་མ་ཡིན་པར་ཨ་རིའི་གཞུང་གིས་དྲག་སྤྱོད་པ་བཏུལ་བའི་ལས་གཞིའི་ཁྱབ་ཁོངས་སུ་བོད་ཀྱང་འཇུག་སྙམ་བཞིན་པ་དེ་རེད། གསུམ་གཞོན་ནུ་ཚོགས་པ་ནི་སྐྱ་བོའི་ཚོགས་པ་ཞིག་ཡིན་པས། མ་འོངས་པར་རྒྱ་གར་གྱིས་བེད་སྤྱོད་བཏང་མི་ཡོང་ངམ་སྙམ་ནས་ཞེད་སྣང་ལངས་ཀྱི་ཡོད་པ་རེད། གལ་སྲིད་དྲག་སྤྱོད་པར་བསྒྱུར་ཐུབ་པ་ཡིན་ན། ཞེད་སྣང་དེ་ངང་གིས་སེལ་ཐུབ་ཡོད་པ་རེད།
༢ གཞོན་ནུ་ཚོགས་པ་སྲིད་དོན་ཚོགས་པ་ཞིག་རེད་དམ། གལ་ཏེ་སྲིད་དོན་ཚོགས་པ་ཞིག་ཡིན་ན། གཞོན་ནུའི་ལངས་ཕྱོགས་སྒང་ཤར་བསྐྱོད་ཀྱི་སྲིད་དོན་པ་ཆེན་པོ་སུ་ཡོད་དམ། མདོར་བསྡུས་ནས་བཤད་ན། ལངས་ཕྱོགས་མེད་པའི་ཚོགས་མི་བསྐྱེད་བསྲིངས་གནང་སའི་བར་བརྒལ་ཚོགས་པ་ཞིག་རད། དྲིལ་བསྒྲགས་ཀྱི་ནུས་པ་གལ་ཆེན་ཐོན་ཡོད་པ་རེད་ལ། ནུས་པ་དེ་ཁྱབ་སྤེལ་གནང་རྒྱུ་ཧ་ཅང་གི་གལ་ཆེན་ཡང་རེད།
༣ དབུ་མའི་ལམ་སྲིད་བྱུས་སྲིད་དོན་གྱི་ཆ་ནས་ཕམ་ཁ་བྱུང་ཡོད་པ་རེད། དེའང་གཙོ་བོ་སྲིད་དོན་ནི་གཡོ་སྒྱུ་ཁྲམ་གསུམ་ལ་བསྟུན་དགོས་ཀྱི་ཡོད་པས། ལས་རྒྱུ་འབྲས་ཀྱི་ལམ་ཁ་འགག་ཚར་བས་རེད། ཡིན་ནའང་། གནང་དོགས་མི་འདུག ལས་འགུལ་བོད་ནང་དུ་ཐོན་བཞིན་པ་ལྟར་ལམ་ཕྱོགས་སམ་ལས་འཆར་ཡང་བོད་ནང་ནས་ཐོན་ངེས་རེད། དེ་དུས་ཚང་མ་ལོས་རྡོག་རྩ་གཅིག་སྒྲིལ་གནང་རྒྱུ་ཧ་ཅང་གལ་ཆེན་རེད།
གྱད་ལྷ་དགའ་ལགས་ཀྱིས་བསམ་གཞིགས་ལེགས་པར་བཏང་ནས་བྲིས་འདུག།
ཐུགས་རྗེ་ཆེ་ཞུ། མུ་མཐུད་ནས་འབྲི་རོགས་གནང་།
དྲང་མོར་ཞུས་ན། གཞོན་ནུ་ལྷན་ཚོགས་ལ་འུར་ཙམ་དང་མི་དམངས་ལ་ཞལ་འདེབས་སློང་སྐབས་འུར་སྒྲོགས་ཀྱི་གཅིག་བྱས་མི་ཡོང་ངམ་སྙམ་པའི་འདུ་ཤེས་དེ་ལས་གཞན་གང་ཡང་ཡོད་པ་མ་རེད། མི་དམངས་ལ་བསླངས་བའི་ཞལ་འདེབས་དེ་ལས་གཞུང་འཚབ་དག་གི་མདུན་ནས། སྐད་འབོད་རེར་བྱེད་རྒྱུ་དང་། ཡིག་ཚགས་ཁ་ཤས་ཁྱབ་བསྒྲགས་བྱེད་རྒྱུ་དེ་རེད། དེ་ནས་ད་དུང་མི་དམངས་ལ་མགོ་སྐོར་རེར་གཏོང་རྒྱུ་ནི་བོད་ཀྱི་རྒྱལ་དར་ཚོང་འགྲེམས་ལ་བརྒྱུས་ནས། རྒྱུ་སྤུས་ཧ་ཅང་ཞན་པའི་ཐོག་ནས་ཉི་གདུགས་གཅིག་ལ་ཉིན་སྒོར་བཞི་བྱས་ནས་བཙོང་རྒྱུ་དེ་རེད།
གལ་སྲིད་གཞོན་ལྷན་ནས་དངོས་ཡོད་ཐོག་ནས་མི་དམངས་ལ་ཤ་ཚ་དང་། བསམ་འདུ་ཞིག་གིས་ཐོག་ནས་དངུལ་བསྡུ་རབ་བྱེད་བཞིན་ཡོད་ན། དུས་རྒྱུན་ཁྱེད་ཀྱིས་དངུལ་ཡོང་ཁུངས་གཙོ་བོ་དེ་མི་དམངས་ཡིན་སྟབས། གོང་ཆེན་པོའི་ཐོག་ནས་བཙོང་ཡང་རྒྱུ་སྤུས་ལ་བསམ་ཞིབ་གནང་དགོས་ངེས་རེད། དེ་བས་འུར་སྒྲོགས་ལས་དོན་དངོས་ལ་འབད་པ་དང་དོན་དངོས་ལ་གཞོལ་ན་ལེགས་པར་མཐོང་། གསལ་བོར་ཞུ་རྒྱུ་ཞིག་ལ་འདི་ནི་ཕྲན་གྱིས་མཐོབ་དག་གསལ་གསལ་རྗེན་རྗེན་དུ་ཞུ་བཞིན་ཡོད་པ་ལས། མི་སྒེར་ལ་སྐྱོན་བརྗོད་དང་ཟུར་འདེད་བྱས་པ་ཞིག་དེ་བས་མིན། འདི་ནི་གཞོན་ལྷན་གྱིས་ཡིད་གཟབ་དང་དོ་སྣང་བྱེད་བརྒྱུ་ཞིག་རེད་སྙམ།
འཇུག་མེད་ལགས། ཁྱེད་ང་དང་མཉམ་དུ་བཀས་མོལ་ངོ་མ་གནང་འདོད་ན། གོང་དུ་ངས་བྲིས་པའི་གནད་དོན་དག་ལ། ལན་རེ་རེ་ཁྱེར་ཤོག ངས་བཀའ་ཤག་སྔོན་མ་ཤི་མི་འདུག་པའི་རྒྱུ་མཚན་དུ་བྱེད་དེ། བསམ་་འཆར་གང་དུ་བཤད་འདུག དང་པོ་དེ་ཤོད་ཤོག དེ་ནས་འཁྱོག་བཤད་དང་ཕྱོགས་རིས་ཅན་སུ་ཡིན་མིན་དེ། བཤད་མ་དགོས་པར་གསལ་ཡོང་། བཀའ་ཤག་སྔོན་མ་ཤི་རྒྱུ་ཞིག་ཕར་ཤོག མགོ་བཏགས་ཞུས་སྟེ་རང་ཉིད་ཀྱི་བདེན་པ་དང་རྩ་དོན་ཡོངས་རྫོགས་བློས་མ་གཏོང་ན་འགྲིག བྱས་རྗེས་མེད་ཀྱང་ཞབས་འདྲེན་མེད་ན་འགྲིག ད་ཧ་གོ་སོང་ངམ། བཀའ་ཤག་སྔོན་མ་ཚོ་ལ་ཡག་པོ་འདུག་བསམ་བཞིན་ཡོད་ཟེར། ཡག་པོ་ཡོད་ན་སྤྱི་འཇོག་དང་། བྱས་རྗེས་གང་ཞིག་འདུག་གམ། ལོ་ངོ་དྲུག་ཅུ་ལ་ཉེ་བའི་བར་དུ་འཐབ་རྩོད་བྱས་པའི་ལམ་ཁ་ལ་ལག་པ་འཆང་ས་མེད་པ་བཟོས་པ་དེ་ཡག་པོ་རེད་དམ། དཔའ་བོ་ཁྲི་ཕྲག་མང་པོའི་ཚེ་སྲོག་དེ་དག་ཆུས་ཟོས་སུ་བཏང་སྟེ། ཀྲུང་དབྱང་གྱི་དགོངས་དོན་སྒྲུབ་པ་དེ་ཡག་པོ་རེད་དམ།
དབུ་ལམ་དང་རང་བཙན་གཉིས་མེ་ཆུ་བཞིན་དགྲ་གཤེད་དུ་འཛིན་པའི་མཇུག་འབྲས། དེ་རིང་ཁ་སང་དབུ་མའི་ལམ་དང་རང་བཙན་གཉིས་འགལ་བ་ཆེས་ཆེར་འགྲོ་སྟེ་གླེང་སློང་སྣ་ཚོགས་ཡོང་བཞིན་ཡོད། སྔར་ཡིན་ན་དབུ་ལམ་དང་རང་བཙན་གཉིས་གཅིག་ཕན་གཅིག་གྲོགས་སུ་ཡོད། བཀའ་ཤག་སྔ་མའི་སྐབས་ནས། རང་བཙན་དང་དབུ་མ་ཟེར་དུས། ཕྱོགས་གཉིས་སུ་གྱེས་དགོས་ཆགས་ཡོད། ཆུ་མགོ་སྦུག་ནས་རྙོག་ན་གཞུག་ནས་མི་དྭངས་པར་མཁྱེན་བཞིན་དུ་ཟམ་གདོང་བླ་མས་མཛད་རྗེས་དེ་རིང་ཁ་སང་གི་རྙོག་གླེང་འདི་སྤྱི་འཇོག་བྱས་པ་དེ་ཙམ་རེད།
གནས་ཚང་ལགས་ཕེབས་ནས་དངོས་ཡོད་གནས་སྟངས་ལ་མཛུབ་མོ་བཙུགས་ནས་ཁ་གྲགས་འདུག་ན། ཁོ་བོ་ཤིན་ཏུ་དགའ་ནས་ཡོད། འོན་ཀྱང་མི་སྣ་འདི་དག་གི་སྒང་ནས་གཞོན་ནུ་ལ་ལངས་ཕྱོགས་ཡོད་མེད་ཁ་ཚོན་གཅོད་མི་ཐུབ་པ་འདྲ།
༡༽དེ་སྔོན་སྤྱི་ལོ་བརྒྱད་བཅུ་གྱ་གྲངས་ནང་ལོག་ནས་ཕྱི་རྒྱལ་གསར་འགོད་པས་༧གོང་ས་མཆོག་ལ་གཞོན་ནུ་དང་འབྲེལ་བའི་བཀའ་འདྲི་བྱས་བར་ལན་སྐྱོན་སྟངས་འདི་འདྲ་རེད། ང་ཚོ་མང་གཙོ་རེད་བསམ་ཚུལ་མི་མཐུན་པ་དང་ལམ་ཕྱོགས་མི་འདྲ་བ་ཡོང་ན་ཆོག་གི་རེད་ཅེས་བ་ལྟར་ན། གཞོན་ནུ་ལ་ལངས་ཕྱོགས་ཏན་ཏན་ཡོད་ཆོག་གི་རེད་ལ། གྲ་རྒྱས་རུ་བཏང་ནས་བསམ་རྒྱུ་རང་བཙན་དང་དྲན་རྒྱུ་རང་བཙན་ཁོ་ན་ལས་མེད་པའི་ལྟ་གྲུབ་ཆིག་ཆོད་ཅན་འཇམ་ནོར་ལྟ་བུའི་བསམ་བློའི་རྒྱུན་བསྐྱངས་ན་འགྲིག་གི་རེད། གཞོན་ནུའི་ལངས་ཕྱོགས་ཁྲོད་ཀྱི་མི་སྣ་སུ་ཡིན་རུང་རང་ཉིད་ཀྱི་ལངས་ཕྱོགས་ལ་འགྱུར་བ་འགྲོ་སྲིད་པ་རེད། སྤྱིར་མིའི་བསམ་ཕྱོགས་སྣ་གཅིག་ལ་གཏད་ནས་འདུག་ཐབས་དཀའ་བའི་ཆོས་ཉིད་ལ་འཁང་ར་བྱེད་དགོས་དོན་མི་འདུག་ལ། བློ་ཕམས་དེ་བས་ཀྱང་མེད། འོན་ཀྱང་ཁ་ཕྱིར་འཁོར་ནས་བློ་ལོག་པའི་གཏམ་རྒྱུད་འདི་རིགས་ཁོ་བོ་དག་གི་མི་གཤིས་སྟེང་གི་གནད་དོན་ཅིག་རེད་མ་གཏོགས། གཞོན་ནུའི་ལངས་ཕྱོགས་མི་སྣ་འདི་དག་གིས་དོར་ཀྱང་མ་དོར་རུང་གནད་འགག་གང་ཡང་མེད་པའི་མཚོན་དོན་གལ་ཆེ་བ་ནི། གཞོན་ནུའི་གཟུགས་གཞི་འདི་པེ་ཅིན་གཞུང་གི་མིག་ལམ་ན་ཚེར་མ་ར་མགོ་བཞིན་དུ་ལག་འཆང་ས་མི་འགྲོ་བ་འདི། སྐུ་ཉིད་ཀྱི་དཔེར་མཚོན་མི་སྣ་དག་པེ་ཅིན་གཞུང་གིས་རྩབ་ཧྲལ་ལ་བཏང་ཟིན་པའི་ཁ་སང་དེ་རིང་གི་གནས་བབ་སྟེང་ན་གསལ་བོ་རེད། མ་རེད་དམ།
༢༽ཕྱོགས་གཅིག་ནས་གཞོན་ནུའི་ལངས་ཕྱོགས་ཤོག་ངོས་ན་ལྷག་བསྡད་ཡོད་པ་རེད། གཞོན་ནུ་དྲིལ་བསྒྲགས་ཁོ་ན་འཇུག་པ་ལས་དོན་དམ་གྱིས་ངོ་བོ་སྟོན་རྒྱུ་ཞིག་ཡོད་བ་མ་རེད་བསམ་པའི་བརྡ་སྟོན་ལུགས་འདི། སྙིང་ཉེ་བོ་ཞིག་ཁྱོན་ནས་མ་རེད། ལམ་དབུ་མའི་དགོངས་དོན་པེ་ཅིན་གཞུང་གིས་བརྩིས་མེད་དུ་བཏང་ཟིན་པའི་དབང་དུ་བཏང་ན། གཞོན་ནུ་ཕུད་རྗེས་ང་ཚོའི་རང་ཉིད་ཀྱི་ངོ་བོ་གང་ནས་བཙལ་རྒྱུ་ཡིན་ནམ། སྲིད་དོན་ཚོགས་པ་མིན་ཚུལ་སྐུ་ཉིད་ཀྱིས་ཁ་གསལ་སྒོས་འབྲེལ་བརྗོད་རེ་གནང་རོགས་ཞུ།
ཟླ་བ་བསོད་ནམས་ལགས།
ངོས་ཀྱིས་ཀྱང་ཁྱེད་རང་གི་ལན་གཉིས་པར་དཔྱད་པ་ཞིག་གཏོང་ཁུལ་ལ་འཇུག་གི་ཡིན།
དྲང་པོར་ལབ་ན། གཞོན་ནུ་ཚོགས་པར་ལངས་ཕྱོགས་ཤིག་ཡོད་པ་མ་རེད། གསལ་བོར་ཞུས་ན་ལངས་ཕྱོགས་ཤོག་ངོས་སུ་ལྷག་བསྡད་ཡོད་པ་རེད། དཔེར་ན། བཀའ་ཁྲི་ཟུར་བ་ཟམ་གདོང་ནས་སྐུ་ཚབ་ཟུར་བ་རྒྱ་རི། སྲིད་སྐྱོང་གསར་བ་བློ་སེང་ནས་སྤྱི་འཐུས་ཚོགས་གཙོའི་བར་དུ་གཞོན་ནུ་ལྷན་ཚོགས་མ་བརྒྱུད་མཁན་གཅིག་ཀྱང་ཡོད་པ་མ་རེད་ལ། ལངས་ཕྱོགས་བཟུང་ཡོད་མཁན་རྐང་གཅིག་ལྷག་ཡོད་པ་མ་རེད། དེ་བས། གཞོན་ནུ་ཚོགས་པ་ནི་བར་བརྒལ་གྱི་ལས་ཁུངས་ཤིག་གམ། མཐོ་རིམ་ལས་བྱེད་གསར་བ་བསྐྱེད་བསྲིངས་གནང་སའི་སྦྱོང་བརྡར་བསྟི་གནས་ཤིག་རེད་མ་གཏོགས་སྲིད་དོན་ཚོགས་པ་ཞིག་མ་རེད་ལ། དྲིལ་བསྒྲགས་བསྟི་གནས་ཤིག་རེད། དེ་འདྲ་ཞིག་མ་རེད་དམ།
བཀའ་ཤག་གིས་བོད་མིར་མགོ་སྐོར་བཏང་བ་བ་མིན་པར། གྱད་ལྷ་དགས། རང་གི་ལྟ་གྲུབ་སྤེལ་ཕྱིར། བོད་མིར་མགོ་སྐོར་གཏོང་འདོད་མིན་ནམ། ཧ་ཧ།
བསོད་ནམས་རྒྱ་མཚོ་ལགས་དེ་འདྲ་སྐད་ཆ་བཤད་དུས་ཁྱེད་མི་འཁྱོག་བཤད་ལ་དགའ་བོ་ཡོད་པའམ་ཡང་ན་ཕྱོགས་རེ་ཞིག་གི་ཆེད་ཡིན་རྒྱུ་རེད་བསམ་བཞིན་ཡོད། རྒྱལ་ཁབ་ཞིག་གི་དོན་ཡིན་དུས་ཆུང་ཆུང་མི་ཚང་ཞིག་གམ་མི་སྒེར་ཞིག་གི་ལས་དོན་ནང་བཞིན་ཡོང་གི་མ་རེད། བཀའ་ཤག་སྔོན་མ་ཚོ་ཡག་པོ་འདུག་བསམ་བཞིན་ཡོད། རང་ཉིད་ཤི་དགོས་ན་ཁོང་ཚོས་ཡང་ཡོང་གི་མ་རེད་ལ་ཁྱོད་ཀྱིས་ཀྱང་ཡོང་གི་མ་རེད། དེ་ལས་གཞན་བཀའ་ཤག་སྔོན་ལས་ལྷག་ག་རེ་ལས་རྒྱུ་འདུག
བཀའ་ཤག་སྲིད་གཞུང་གི་བོད་མི་མགོ་སྐོར་གཏོང་གི་འདུག་ཟེར་ན་དེ་ཡང་མ་རེད་བསམ་གི་ཡོད། ཡིན་ན་ཡང་ལས་དཀའ་ལས་ཕྱོགས་ཀྱི་ཆ་ནས་གཟབ་གཟབ་བྱེད་དགོས། དཔེར་ན་བཀའ་བློན་སྔོན་མ་མཁས་དབང་ཟམ་གདོང་རིན་པོ་ཆེ་ཡིན་ན་གཞི་ཆགས་ཁག་ལ་ཕེབས་དུས་ཁང་པ་ག་འདྲ་ཡིན་མིན་གྱི་ཁྱད་པ་མེད་པ་གཞུང་ལས་ཁང་ལ་བཞུགས་ཡོད་རེད། བློ་གསར་གླིང་ཡིན་ན་ཁོ་རང་གི་གྲྭ་ཚང་རེད། ཕེབས་རོགས་ཕེབས་ཡོད་མ་རེད། རང་གི་འགྲིག་འཛུགས་བཤད་པ་བཞིན་ལག་ལེན་ཡང་བྱེད་ཐུབ་མཁན་ཞིག་རེད། འདི་སྔོན་ལ་བཀའ་བློན་ཁྲི་བ་དང་རྒྱ་རི་སྒྲོན་གཉིས་རིམས་བཞིན་གཞི་ཆགས་ཁག་ལ་ཕེབས་ཡོད་པ་རེད། ཡིན་ན་ཡང་གཞུང་གི་ལས་ཁང་མ་བཞུགས་པ་བྱས་ཁང་པ་གང་ཡག་དང་བསྡད་ས་གང་སྐྱིད་ལ་བཞུགས་ཡོད་པ་མཐོང་གསར་རེད། དེ་འདྲ་བྱས་ན་ཡག་པོ་ཡོད་མ་རེད་རྗེས་མ་ནས་གཟབ་དགོས་པ་རེད།
ཤ་རུས་ཁྲག་གསུམ་གཅིག་ལས་མཆེད་པའི་བརྩེ་བའི་སྤུན་ཟླ་ཕུ་ནུ་མིང་སྲིང་རྣམས་པ་ཚོ། སྤྱིར་བཏང་ང་ཚོའི་མཆན་གང་ཞིག་བཏབ་ཡང་ལོས་ཆོག འོན་ཀྱང་ང་ཚོ་ནང་མི་རྣམས་གཅིག་གིས་གཅིག་ལ་ཕན་ཚུན་ཚིག་རྩུབ་སྨྲ་བ་ཚིག་མཚོན་འདེབས་རེས་བྱས་ན། འདི་ནི་དགྲ་དགའ་གཉེན་སྡུག་གི་ལས་ཞིག་ཡིན་པ་ལས། འདིས་ང་ཚོའི་རྩ་དོན་ལ་ཅི་ཡང་མི་ཕན་པ་མ་ཚད། འདི་ནི་མཐུན་བསྒྲིལ་གཏོར་བཤིག་བཏང་བའི་གཞི་རྩ་ཡིན། སྤུན་ཟླ་ཚོའི་སེམས་ལ་བཟུང་རོགས། ང་ཚོ་ལ་ཆིག་བསྒྲིལ་དང་། མཉམ་ལས་ཀྱི་བསམ་བློ་མེད་ན། ནམ་ཡང་བོད་ལ་སྐྱིད་པ་ཉི་མ་ཞིག་འཆར་དཀར་བ་ཡིན། ངས་ལྟས་ན་དེ་ལས། ང་ཚོའི་ད་དུང་མི་མཐུད་ནས་དགྲ་བོ་རྒྱ་དམར་ལ་ཁ་བཏེག་གང་འདྲ་ཞིག་བཅག་དགོས་མིན་ཐད། བགྲོ་གླེང་བྱས་ན་བཟང་སྙམ། བོད་རྒྱལ་ལོ།།།།།།།།།།།།།།།།།།།།།།།།།།།
རྦད་དེ་གོ་རྒྱུ་མི་འདུག་ན་ཁ་མ་གྲགས་ན་ཡག་ཤེས་རེད། ཅུང་ཙམ་གོ་བ་ལོན་ཡོད་ན་ནུས་ཚོད་ཀྱིས་ཨ་ལན་བྱིན་ནས་མི་འདོད་ས་དང་མི་འགྲིག་སར་མཛུབ་མོ་བཙུགས་ནས་དགེ་སྐྱོན་གང་ཡོད་ཁ་གསལ་བོ་བྱེད་རྒྱུ་དེ་གལ་ཆེན་རེད། དོན་མེད་ལ་བརྒྱ་ཆའི་བརྒྱ་མོས་མཐུན་ཡོད་དང་མེད་ཀྱི་སྐད་ཆ་འདི་ལ་བཟོ་བལྟ་ཞིག་ཁྱོན་ནས་མི་འདུག
བདག་གི་བསམ་སྣང་ལ་གྱད་ལྷ་འབོད་པས་འདི་འདྲ་ཞིག་བསམ་ཀྱིན་འདུག
༡༽ དབུ་མའི་ལམ་གྱི་གཉིས་ཕན་ལམ་ལུགས་འདི་ལ་རྒྱ་ནག་གིས་ཁ་ཡ་བྱེད་ཀྱིན་མི་འདུག དེར་བརྟེན་བཀའ་ཟུར་ཟམ་གདོང་བླ་མའི་སྐུ་རིང་ལ་པེ་ཅིན་མཁར་གྱི་ཇུས་འགོད་དང་བསྟུན་གང་ཐུབ་བྱས་རུང་འབྲས་བུ་གཅིག་ཀྱང་སྟོན་རྒྱུ་ཡོད་བ་མ་རེད་དེ། མར་བོད་མི་མང་ལ་གསལ་འདེབས་བྱེད་རྒྱུ་ནི་གང་མགྱོགས་སྒོས་དབུ་མའི་ལམ་གྱི་མངོན་འདོད་འགྲུབ་ལ་ཉེ་ཚུལ་ཀྱིས་གྲོས་མོལ་ལན་བརྒྱ་ཆད་མཐུད་བྱས་བ་ནི། བོད་མི་མང་ལ་མགོ་སྐོར་བཏང་བ་རེད་ལབ་ཀྱིན་འདུག་སྙམ། འོན་ཀྱང་གནས་ལུགས་འདི་ཙམ་གྱིས་བདག་གི་བློ་ཡིད་ཚིམས་དཀའ་བ་དང་དྲང་གཏམ་འབའ་ཞིག་མ་རེད་བསམ་པའི་ཐོག རང་ཉིད་ཀྱིས་གང་བསམ་པ་དེ་གླེང་ན་འདོད་བྱུང་། དང་པོ། བོད་མི་མཐེ་བོང་ཙམ་ཞིག་ཡིན་རུང་བཙན་བྱོལ་གྱི་རིང་འདི་ལ་རང་ཡུལ་བསྐྱར་གསོ་བྱེད་རྒྱུ་ནི་ཐོག་མའི་དམ་བཅའ་དང་མཐའ་མའི་དམིགས་ཡུལ་ཡིན་པ་གང་ཞིག་ལ། ལག་ལེན་གྱི་སྟེང་ནས་བོད་འབངས་ཕལ་ཆེ་བས་ཁ་གནམ་གདང་གིས་གྱོག་གནམ་ལྷུང་ལ་རེ་བ་བཞིན་བོད་རྒྱ་ཞི་མོལ་ལ་ངང་སྒུག་བྱེད་མཁན་རྐྱང་རེད་མ་གཏོགས། དངོས་ཡོད་ཐོག་རང་རང་སོ་སོའི་ཕྲག་སྟེང་ལ་བབས་པའི་ཁུར་བོ་ཡོངས་སུ་༧གོང་ས་མཆོག་ཁོ་ནའི་སྒང་ལ་སྤུངས་ནས་བཞག་བ་ཡིན་པ། དེ་རིང་གི་ཉིན་མོ་འདིར་འུ་ཅག་གིས་ཁ་གདང་ཐུབ་ཚོད་ཅིག་གདང་ནས་གནས་ལུགས་རེ་མ་བཤད་གོང་ལ། རང་ཉིད་ལ་བསྐྱར་ཞིབ་བྱས་ནས་དབང་བོ་སྒོ་ལྔ་ལ་ཚང་རྩིས་རེ་བྱས་ན་འགྲིག་གི་འདོད། ཕྲན་གྱི་གྲོགས་པོ་ཞིག་དུས་རྒྱུན་ཕངས་སེམས་སྐྱེས་ས་ཞིག་ནི་དབུ་མའི་ལམ་ལ་འཐབ་རྩོད་མི་འདུག་ཅེས་ཡང་དང་བསྐྱར་དུ་ཤུགས་རིང་འཐེན་ཀྱིན་འདུག དོན་དངོས་ཐོག་རྒྱུ་མཚན་ཅི་ཞིག་ལ་ཐུག་པ་ཡིན་ནམ།
༢༽ བོད་རྒྱ་གྲོས་མོལ་གྱི་སྐུ་ཚབ་གཉིས་ནས་ཀྱང་མེད་མུག་ལུང་བ་གང་བཏོན་རྗེས། ངལ་བའི་རེ་བ་འབྲས་མེད་སྒོས་དགོངས་ཞུ་གནང་བ་འདི་ཐད་ནས་གྱད་ལྷ་འབོད་པའི་སེམས་ཕྱོགས་ལྟར་ན། བོད་རྒྱ་ཞི་མོལ་འདི་མཇུག་སྡུམ་མ་བྱས་གོང་མཚམས་ཆད་པར་བརྟེན་དབུ་མའི་ལམ་གྱི་སྒྲུང་རྫོགས་ཚར་བ་རེད་དེ། སྲིད་སྐྱོངས་བློ་སེང་ལ་ཁ་ཆེམས་བོད་རྒྱ་ཞི་མོལ་གློད་མི་རུང་ཚུལ་གྱིས་ནན་ཏན་སྒོས་ལག་འཇུ་བྱེད་པའམ། ལམ་དབུ་མའི་གཞི་རྩའི་ལངས་ཕྱོགས་འདི་འགྱུར་མེད་སྒོས་བློ་གཏོད་བྱེད་དགོས་ཚུལ་དམིགས་སུ་ནན་བཤད་བྱས་བའི་བཟོ་འདི། སྐུ་ཚབ་རྣམ་པ་ལྷན་རྒྱས་ཀྱི་སྤམ་ཤོར་དོགས་ཀྱི་རྣམ་འགྱུར་ཞིག་ལ་ངེས་བཟུང་བའི་མ་ཟད། ར་མདའ་ལ་བོད་རྒྱ་ཞི་མོལ་ཐད་དུ་རེ་ལྟོས་བྱེད་ས་མེད་ན། དེ་ལུགས་ལྟར་ཁ་གསལ་བོ་བཟོ་ནས་བོད་འབངས་སྤྱི་ལ་བསྒྲགས་གཏམ་སྤེལ་དགོས་བ་མ་གཏོགས།བལྟ་ས་ཉན་ས་མེད་བཞིན་དུ་ཨམ་ཚིགས་བསྡམས་པ་འདི།སླར་ཡང་བོད་འབངས་ལ་མགོ་སྐོར་ཐེབས་འགྲོ་འང་སྙམ་ནས་དགག་གཏོར་འཕེན་ཀྱིན་འདུག་མོད། དོན་དམ་གྱིས་སྐུ་ཚབ་རྣམ་གཉིས་འདི་འདྲིའི་རྫོབ་པོ་ཞིག་ཡིན་མིན་ཁ་ཚོན་གཅོད་དཀའ་ན་ཡང་། བོད་རྒྱ་ཞི་མོལ་གྱི་མཇུག་སྐྱེལ་རྒྱུར་སྲིད་སྐྱོངས་བློ་སེང་ཁོ་ནའི་སྒང་ལ་ལྷུང་བ་འདི། བསྐྱར་ཞིབ་བྱེད་རྒྱུ་ཞིག་ལྷག་བསྡད་ཡོད་བ་རེད་བསམ་གྱིན་ཡོད།
༣༽གྱད་ལྷའི་བསམ་སྣང་ལ་དབུ་མའི་ལམ་ལ་སེམས་ཐག་བཅད་ནས་སླར་རང་བཙན་བསྐྱར་གསོ་བྱེད་རྒྱུ་མ་གཏོགས།འདི་མུར་བོད་རྒྱ་ཞི་མོལ་ལ་ངང་སྒུག་བྱས་བ་ཡིན་ན། ནམ་ཞིག་གི་ཚེ་ལག་པ་འཆང་སའི་གཞི་རྩ་བོར་འགྲོ་བར་དོགས་པ་ཞིག་རེད། ཡིན་ནའང་བདག་གི་བསམ་སྣང་ལ་ད་ལྟའི་གཞོན་ནུའི་བློ་མ་ལོག་ན་སེམས་ངལ་འདི་འདྲ་བྱེད་དགོས་དོན་གང་ཡང་མི་འདུག གཞོན་ནུའི་ལྟ་གྲུབ་གྱི་གོ་རིམ་འདི་ཁ་སང་དེ་རིང་བྱུང་བ་ཞིག་མ་རེད། སྔོན་མ་ནས་གཞོན་ནུ་བརྒྱུད་དམིགས་གཏད་ས་འདི་བསམ་བཞིན་དུ་བསྒྲུབས་པ་མ་རེད་དེ། ལྷུན་གྱིས་གྲུབ་པ་རེད། འདི་ང་ལ་མཚོན་ན་ནམ་ཡང་བློ་བདེ་སའི་གནད་དོན་ཅིག་ཡིན། འོན་ཀྱང་འཛམ་གླིང་ཟླུམ་པོ་འདིའི་སྒང་ན་པེ་ཅིན་གཞུང་གི་ཁ་ནང་ནས་ཚིག་ཅི་འབུད་ལ་བལྟ་མཁན་མང་ནི་རེད། དེར་བརྟེན་བོད་རྒྱ་ཞི་མོལ་བྱེད་རྒྱུར་ང་ཚོ་བློ་སྤོབས་དང་བདེན་སྟོབས་ཀྱིས་ཁེངས་ཡོད་བཞིན་དུ། པེ་ཅིན་གཞུང་ལ་ཁ་གཡར་སའི་འཐབ་ར་དེ་ང་ཚོ་རང་སྟེང་བརྩིགས་བ་ཡིན་ན། ད་བར་དུ་འཛམ་གླིང་གི་མིག་མདུན་ནས་ཅི་བཤད་པ་དང་གང་བསྟན་པ་ཐ་དག བོད་རང་ངོས་ནས་རྩ་གཏོར་དུ་བཏང་བ་མ་རེད་དམ། དེར་བརྟེན་ལྕོགས་ཚོད་ཀྱིས་ལས་འགན་བླངས་ནས་པེ་ཅིན་མཁར་ལ་གདོང་གཏོད་རྒྱུ་ལས། རྒྱལ་འཚོང་བའི་ནག་ཉེས་ཆེན་པོ་སུས་བཟོ་ལ་ཚོད་དཔག་བྱས་ནས་སྒྲོ་འདོགས་པའི་བཟོ་འདྲ་བསྟན་བསྡད་ན། ཕལ་ཆེར་ཕལ་ཆེར་་་་་་་་་་་
རྩོད་དགོས་པ་བོད་དོན་མི་རྩོད་པར་མི་དགོས་པ་དབུ་མ་དང་རང་བཙན་རྩོད། ད་ཡང་ལྟས་ངན་འདི་ཚོས་མགོ་རྙོག་ལུང་པ་གང་སློང་རྩིས་འདུག རྩ་མེད་འདི་ཚོ།
བོད་རང་བཙན་འཐབ་རྩོད་པ་རྣམས་ལ་མདའ་ཁ་དང་མདུང་ཁ་གཏོད་ཀྱི་ཡོད་པ་འདི་ནི་བོད་མི་ཞིག་གིས་ངོས་ནས་སེམས་སུ་བཟོད་དཀའ་བའི་སྡུག་བསྔལ་ཞིག་རེད།
ཕ་མོས་བསད་ཕ་ས་ཕྲོགས་པའི་གུན་ཁྲན་ཏང་ལ་ངོ་དགལ་དང་སྤྲེལ་ལད་ཁྲམ་བསྡད་པ་ནི་དགྲ་དགའ་གཉེན་སྡུག་གི་ལས་ཀ་མིན་ན་གང་ཡིན།
རྒྱ་ནག་གི་རྩ་ཁྲིམས་ཀྱི་སྒྲོལ་གཞིའི་འོག་ཏུ་ཁེ་ཕན་ཞིག་བོད་མི་རྣམས་ལ་འཐོབ་ཀྱི་ཡོད་ན་བོད་མི་རྣམས་ཀྱིས་རང་ལུས་མི་ལ་སྲེག་དོན་ཅི་ཞིག་ཡོད།
རྒྱ་ནག་གི་རྩ་ཁྲིམས་དང་གྲོས་ཆོད་ལ་ཆ་བཞག་ཞིག་ཡོད་ན་གྲོས་མཐུན་དོན་ཚན་བཅུ་བདུན་བརྩི་མེད་བཏང་ནས་བཙན་བྱོལ་དུ་བྲོས་དགོས་དོན་གང་ཡོད།
རྒྱ་དཔོན་ཚོས་ནང་མི་བུ་ཕྲུག་དང་བཅས་པ་ནུབ་ཕྱོགས་ཡུལ་དུ་གནས་སྤོར་བྱེད་བཞིན་པའི་དུས་ཚོད་འདི་ལ་བཙན་བྱོལ་བོད་མི་ཕར་རྒྱ་ཁུངས་སུ་འགྲོ་གི་ཡིན་ཟེར་བ་ནི་ནོར་འཁྲུལ་ཞིག་མིན་ན་གང་ཡིན།
རྒྱ་ནག་གི་རྩ་ཁྲིམས་འོག་ཏུ་རང་དབང་གི་ཉི་མ་ཞིག་ཤར་གྱི་ཡོད་ན་རྒྱ་ནག་ནང་གི་ཕྱུག་བདག་ཚོ་ཨ་རི་ལ་བྲོས་གང་ཐུབ་བྱེད་དགོས་དོན་གང་ཡོད།
བཀའ་ཤག་སྔ་མས། མི་རིགས་ཤིག་དང་། རྒྱལ་ཁབ་ཅིག་གི་འཆི་གསོན་གཉན་འཕྲང་གི་སྐབས་དེར། མི་ལོ་བཅུའི་རིང་ལ་ཕྱག་ལས་ཅི་ཞིག་གནང་བ་རེད། གཞན་ལ་སྒྲོག རང་ཉིད་ཡང་སྤོབས་པ་སྐྱེ་ས་དང་། མཛད་རྗེས་ཆེ་ཤོས་དེ་ཡིན་མདོག་གི་གཤོམ་ར་དེ་ནི། རྒྱ་བོད་ཞི་མོལ་ཁོར་ཡུག་སྐྲུན་རྒྱུ་ཡིན་ཞེས་པ་དེ་རེད། ཞི་མོལ་ཁོར་ཡུག་དེ་སྐྲུན་ཕྱིར་བོད་ནང་མི་བསད་ཁྲག་སྦྱོར་བྱེད་དུས་མི་བསད་སོང་ཙམ་ཡང་ལབ་མི་ཆོག་པ་བཟོས་པས་མ་ཚད། ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཟེར་ནས་སྤྲེལ་ལད་གྱི་རྔ་མ་དགུང་ལ་གཡུགས་དུས་འཛམ་གླིང་མི་དམངས་ལོས་ཡིན་ཏེ། དྷ་སའི་སྲང་མཐའི་སྤྲེའུ་དག་གིས་ཀྱང་གད་མོ་འཚེར་འཚེར་གྱིས་འཕྱ་བ་རེད། དེ་ལྟར་རྩ་དོན་ཡོངས་རྫོགས་བློས་གཏོང་བྱས་པ་རེད། དམངས་གཙོའི་ལམ་ནང་དུ་བཀའ་གཏོང་ས་མེད་ནའང་། གནོན་ཤུགས་འདྲ་མིན་དང་བཅས་ཏེ། རྒྱལ་བའི་དགོངས་གཞི་སྒྲུབ་ན་དབུ་ལམ་དུ་མིག་བཙུམ་སྟེ། འཛུལ་དགོས་རབས་དང་མ་འཛུལ་ན་རྒྱལ་བའི་བཀའ་དང་འགལ་འགྲོ་ཚུལ་ཡང་དང་ཡང་དུ་ནན་བཤད་འཛམ་གླིང་དུ་སྒྲོག དབུ་མའི་སྐོར་ལ་དོགས་སློང་ཕར་ཞོག་དྲི་བ་ཙམ་བཀོད་ནའང་། སྨྱོན་པའམ་རིག་འཚོ་བརླག་པའི་སྐྱེ་བོ་ཡིན་རབས་གསུངས། དཔེར་ན། བསྟན་འཛིན་མགོན་པོ་དང་། ལྷ་བཟང་ཚེ་རིང་སོགས་སྨྱོན་པ་རེད་ཤག ཡ་མ་བྱེད་གསུངས་པ་རེད། དོན་གྲུབ་ལྷ་དར་ལ་རིག་འཚོ་མ་ཟིན་པའི་བུ་རེད་ཅེས་དང་། གྲྭ་ས་ཁག་གི་ཉོན་མོངས་དེ། མི་སྐྱ་ཕོ་མོ་ལས་ཀྱང་ཆེ་བ་འདུག་གསུངས་པ་རེད། གཞོན་ནུ་ཚོགས་པ་ལ་དངོས་ཤུགས་བརྒྱུད་གསུམ་ནས་གནོན་ཤུགས་ཡོད་ཚད་སྤྲད་དེ་ཟམ་གདོང་གི་འཇོན་ཐང་ཡོད་ཚད་རྩལ་དུ་བཏོན་པ་རེད། རྒྱ་བོད་ཕན་ཚུན་དོགས་པ་རྣམ་རྟོག་སེལ་ཐུབ་ན། རྒྱ་མིས་ནམ་ཡང་བོད་པར་མགོ་བསྐོར་གཏོང་གི་མ་རེད་ཡང་ཡང་གསུངས་པ་རེད། ད་རྒྱ་མིས་མགོ་སྐོར་བཏང་འདུག་མིན་དེ་རིང་ཁ་སང་། ཕྱི་གསལ་ནང་གསལ་ཡིན་ནའང་། མ་གོ་མ་ཤེས་མདོག་མདོག་གི་བྱེད་སྟངས་ལ་བལྟས་ན། སུ་ཞིག་དྲང་བདེན་ཡིན་མིན་དེ་དཔྱོད་ལྡན་ཀུན་གྱིས་ཤེས།
སི་ཊ་སི་སྦག་གི་དོན་མཚན་ལྔ་ཡང་རྩིས་མེད་བཏང་། དབུ་ལམ་དང་རང་བཙན་གྱི་ལྟ་བའི་འཐབ་རྩོད་གང་ཡང་མེད་པའི་མགོ་བཏགས་ཀྱི་ཆབ་སྲིད་འཛིན་ཏེ། ཟམ་གདོང་དང་དེའི་རྗེས་འབྲང་བྱ་ལག་ཅན་འགས་མཉམ་རུབ་ཀྱིས། ཆོ་འཕྲུལ་གཏོན་རྗེས་ཟམ་གདོང་བཀའ་ཤག་གི་ཁྲི་ལ་མེད་ནའང་བཀའ་ཤག་གསར་པས། དེའི་རྗེས་སུ་མ་འབྲང་ན་འགྲོ་ས་མེད་པ་བཟོས་ཡོད། མཐར་རྒྱ་དམར་གྱིས་རིང་དུ་བརྣག་པའི་བོད་གཞུང་དེ། བསྡུ་གསོག་རྒྱབ་ཏེ། ཀྲུང་དབྱང་གི་རྩ་དོན་མཐར་ཐུག་དེ་སྒྲུབ་པ་རེད་ལ། འགྲུབ་སོང་བ་རེད། ད་རྩ་དོན་མེད་པའི་བོད་མི་སྒྲིག་འཛུག་ཞིག་གི་ཅི་བྱེད། མཚན་སྙན་གྱི་ཆོ་ལོར་རྔམ་ཏེ་བཀའ་ཤག་སྔ་མས་ལོ་ངོ་བཅུ་དེ་ཆུད་ཟོས་སུ་བཏང་བ་རེད། བགྲང་བྱ་དྲུག་བཅུ་ལ་ཉེ་བའི་བར། བོད་མི་དཔའ་བོ་ཁྲི་ཕྲག་མང་པོ་རང་སྲོག་གཏོང་བས་དགོས་དོན་དག ཉིན་གཅིག་ལ་གཏན་བརླག་དུ་བཟོ་རྩིས་མིན་ནམ་ཅི། ཉིས་སྟོང་བརྒྱད་ལོ་ནས་བོད་ས་ཡོངས་རྫོགས་དམྱལ་བ་མི་ཡུལ་དུ་འཕོས་པ་ལྟ་བུ། རྒྱ་ནག་གི་དྲག་གནོན་སྐབས། བོད་མི་ཞིག་ཕར་ཞོག མི་གཞན་གྱི་བློས་མ་བཟོད་པ་གྱུར་ཀྱང་། ཟམ་གདོང་གིས་ལས་འགུལ་ཞིག་སྤེལ་མེད་པ་མ་ཟད། གནད་དུ་ཁེལ་བའི་གཏམ་བཤད་དང་། གཞིས་ལུས་མི་དམངས་ལ་སེམས་གསོ་ཞིག་ཀྱང་གནང་མེད། དེ་རིང་ཁ་སང་རྒྱ་དར་མེ་སྲེག་གཏོང་བ་ལ་སྡུག་བསྔལ་གྱི་འོ་དོད་ལས། བོད་མིའི་ཚེ་སྲོག་སྲེག་པར་། གདུང་སེམས་མཉམ་སྐྱེད་ཀྱི་བཀའ་ཞིག་གོ་རྒྱུ་མི་འདུག ད་བོད་ལ་ལྟས་ངན་སྔ་མདའ་ཚང་གི་འདུག རང་གིས་རང་བརླག་པ་འདིར་རྒྱ་དམར་གྱིས་མཚར་བལྟས་ཀྱིས་ཁོང་དགོད་ཤོར་གྱི་འདུག་གོ།
གྱལ་འདྲེ་དགའ་ཤིང་ལྡོང་གི་ཡལ་གའི་སྟེང་ནས་རྩ་བ་བཅད་ན་རང་འཆི་ལམ་དུ་འདེད་རྒྱུ་ལས་གཞན་ཅི་ཡོད། སྐབས་སྔ་མའི་བཀའ་ཤག་གིས་དུས་ཡུན་ཐུང་ཐུང་ཞིག་གི་རིང་ལ་གྲུབ་འབྲས་ཅི་ཡང་ལྟོན་རྒྱུ་མི་འདུག་ཟེར་བ་དེ་མནར་མ་སོན་པའི་བྱིས་པ་སྣུབ་ལུག་ཞིག་གི་བསམ་བློ་ལས་ཆ་འཇོག་མི་འདུག། ང་ཚོའི་འཐབ་རྩོད་ནི་ས་རྩོད་ཆུ་རྩོད་མ་རེད་མི་རིགས་དང་རིགས་གཞུང་གི་འཐབ་རྩོད་ཞིག་ཡིན་པས་དུས་ཡུན་ཐུང་ངུ་ཞིག་གི་རིང་ལ་འགྲུབ་མི་ཐུབ་པ་ནི་རྒྱ་གར་ལྟ་བུའི་དཔེ་མཚོན་གྱི་སྟངས་ནས་ལོས་ཤོས།
གནས་ལུགས་འདུག ཡིན་ནའི། ཚོར་བའི་ཆའང་དྲག་པོ་རེད། གནས་ལུགས་རྐྱང་བ་གསུང་བར་རེ་བ་ཡོད།
གྱད་ལྷ་དགའ་ཁྱོད་ལ།
སྔ་མོ་ཞིག་ལ་རྒྱ་རྒན་ཏིང་གིས་རྒྱལ་དོན་ཅན་ལ་བཤད་པར་གྲགས་པའི་འཆལ་གཏམ་ཁུངས་མེད་ཅིག་ལ་གཞི་བྱས། བོད་མའི་རྒྱ་ཆ་གོ་དགུའི་གདམ་ཁ་ཡིན་ཚུལ་གྱི་དྲིལ་བསྒྲགས་ས་ཆེན་རལ་བ་ལྟ་བུ་ཞིག་གི་འོག་ནས་རྩ་བ་ཚུགས་ཤིང་རྩེ་མོ་རྒྱས་པ་ཡིན་ཏེ་འདུག ཅེས་པའི་གཏམ་ལ་ཁུངས་ཡོད་དམ། ཁུངས་མེད་གཏམ་བཤད་ཀྱིས་རང་མཚང་ཕྱི་ལ་མ་སྟོན་ཡག་བགྱིད་རེད་དོ། །
གྱད་ལྷ་དགའ་ལགས་ཀྱི་རྩོམ་ཡིག་འདི་ལ་རིན་ཐང་ཡོད་མེད་བཤད་མི་དགོས། བོད་ཀྱི་དུས་བབ་ཚང་གིས་རིན་ཐང་སྤྲད་པ་འདིས་རྟོགས་ཐུབ། སྤྱིར་སྟངས་སྐབས་སྔོན་མའི་བཀའ་ཤག་གིས་དུས་ཡུན་ལོ་བཅུའི་ནང་གྲུབ་འབྲས་སྣ་གཅིག་ཐོན་མེད་པ་དངོས་ཡོད་ཡིན་པ་མ་ཟད། ཉི་མ་ཕུད་ཐབས་ཀྱིས་བོད་རྒྱ་ཞི་མོལ་དང་། ཞི་འགྲིག གཉིས་སྨན་དབུ་མའི་ལམ་སོགས་མིང་སྙན་པོ་རེ་ལ། འགྲེལ་བཤད་སྙན་པོ་རེ་རྒྱག་ནས་སྐྱིད་ཉལ་བྱས་ནས་བསྡད་པ་དངོས་ཡོད་རེད། འཁྱུར་ཟིན་མ་ཐག་པའི་བཀའ་ཁྲི་ཟུར་པ་ཟམ་གདོང་གིས་ཉེ་ཆར་གཏམ་བཤད་ཅིག་གི་ནང་༼ངོས་ཀྱིས་བཀའ་ཤག་གི་འགན་འཁུར་ཞུས་རིང་བོད་རྒྱ་ཞི་མོལ་གྱི་ལས་དོན་གང་བྱས་པ་དེ་བོད་དོན་བདེན་མཐའ་གསལ་ཐབས་སུ་མིན་པར། རྒྱལ་སྤྱིའི་ཐོག་དོ་སྣང་ཡོང་ཆེད་ཙམ་ཡིན།༽ཡིན་ཞེས་གཏམ་དམར་ལྗན་དུ་ཐོན་ཡོད།
བཀོད་ན་ ་་་་་ཞེས་ཀློག་རོགས།
ད་དངོས་གནས་དོན་དག་མི་འདུག རྩོམ་སྒྲིག་པས་ཡིག་ཉོག་འདི་རྣམས་བཀླགས་ནས་བཀོད་པ་འོས་མཚམས་སུ་མཐོང།
གྱད་ལྷ་དགས་གསུང་བ་ལ་མོས་མཐུན་བརྒྱ་ཆའི་བརྒྱ་ཡོད། ཐུགས་རྗེ་ཆེ།
ཡལ་ཀླུང་ལྷ་རྗེ་ཟེར་བའི་སེམ་ལ་གདོན་འཞུགས་ནི་ཡིན་རྒྱུ་རེད་མ་གཏོགས་དེ་མི་གོ་བ་ཞིག་ག་ལ་སྲིད།
དམིགས་ཡུལ་ཡོད་རུང་ཁ་སྟོང་གི་ཐབ་ལམ་གང་ཡང་ད་བར་སྟོན་རྒྱུ་མེད་པའི་ཚོར་གཏམ་འཆད་མཁན་ཞིག་བྱུང་སོང་གོ་རྒྱུ་གང་ཡང་མིན་འདུག