གཟའ་སྤེན་པའི་ཉིན་ཡུལ་ཤུལ་རྫ་སྟོད་དུ་བོད་མི་ཞིག་གིས་རང་ལུས་མེར་བསྲེཊ་ཀྱིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་འདུག
ཕྱི་ཟླ་ ༩ པའི་ཚེས་ ༢༩ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༧།༠༠ ཡས་མས་སུ་ཁམས་ཆབ་མདོ་རྫོང༌ཀརྨ་ཡུལ་ཚོའི་རང་ལོ་ ༢༧ ཡིན་པའི་གཡུང་དྲུང་ལགས་ཀྱིས། ཡུལ་ཤུལ་དགེ་འབྲོང་རྫ་སྟོད་རྫོང་གི་གཞུང་ལམ་སུམ་མདོ་རུ་རང་ལུས་མེར་བསྲེཊ་ཀྱིས། “ བོད་རང་བཙན་ཡིན། ༸སྐྱབས་མགོན་རྒྱལ་བ་རིན་པོ་ཆེ་དང་རྒྱལ་དབང་ཀརྨ་པ་བོད་ལ་གདན་ཞུ་བྱ་དགོས། བོད་ལ་རང་དབང་དགོས། ༸རྒྱལ་བ་ཡིད་བཞིན་ནོར་བུ་སྐུ་ཚེ་ཁྲི་ལོར་བརྟན་པ་ཤོག མཁས་དབང་བློ་བཟང་སེངྒེ་བོད་ཀྱི་རྒྱལ་པོ་ཡིན། བོད་ནང་གཏེར་ཁ་སྔོག་འདོན་མཚམས་འཇོག་བྱ་དགོས། ”ཞེས་འབོད་ཚིག་སྒྲོག་བཞིན་གཞུང་ལམ་སུམ་མདོ་ནས་ངོ་རྒོལ་བྱས་ཡོད་འདུག སྐབས་དེར་ཉེ་འཁོར་དུ་ཡོད་པའི་རྒྱ་མིའི་ཚོང་པ་ཚོས་ཁོང་གི་ལུས་ལ་ཆུ་གཏོར་ཡོད་ཀྱང་། ཁོང་གིས་རང་གི་རྒྱུ་མ་ལག་མགོར་ལྡོག་བཞིན་དུམ་བུར་བཅད་དེ་མུ་མཐུད་སྐད་འབོད་བྱས་ཡོད་པ་དང་། ཅང་མ་འགོར་བར་ཉེན་རྟོག་པ་དང་དམག་མི་འབོར་ཆེན་ཡོང་སྟེ་འཛིན་བཟུང་བཙན་འཁྲིད་བྱས་ཡོད་འདུག
འདིའི་ཐད་བོད་ནས་འབྲེལ་ཡོད་མི་སྣ་ཞིག་གིས་གསར་ལམ་དུ་གནས་ཚུལ་མཁོ་སྤྲོད་བྱས་དོན་ལྟར་ན། ཉིན་དེར་ཉེན་རྟོག་པས་གཡུང་དྲུང་ལགས་བཙན་གྱིས་སྨན་ཁང་དུ་འཁྱེར་རྗེས། སྨན་པས་ཁོང་གི་མིང་དང་གནས་ཚུལ་ཅི་ཡིན་སྐད་ཆ་དྲིས་ཡོད་འདུག་ལ། སྐབས་དེར་ཁོང་གིས་ཁ་ནས་་་་་བོད་་་བོད་་་ཟེར་བ་ཙམ་ལས་སྐད་ཆ་གཅིག་ཀྱང་བཤད་ཐུབ་མེད་ཀྱང་། ཕྱི་ཚེས་ ༣༠ ཉིན་གྱི་སྔ་དྲོ་ཉེན་རྟོག་པ་དང་དམག་མིས་ཁོང་ཡང་བསྐྱར་རྒྱ་ནང་དུ་འཁྱེར་ཡོད་པ་དང་། ལམ་བར་དུ་བསླེབས་སྐབས་ཉེན་རྟོག་པས་ཁོང་གྲོངས་འདུག་ཅེས་ས་གནས་འབྲེལ་ལས་ཁུངས་ལ་བརྡ་ལན་སྤྲད་ཡོད་འདུག ད་ལྟའི་ཆར་རྒྱ་གཞུང་གིས་རྫ་སྟོད་རྫོང་གི་ས་གནས་ཀྱི་གཞུང་ལམ་དང་ལམ་གྱི་བཞི་མདོ་ཚང་མར་དམག་མི་འགྲེམས་འཇོག་གིས། ས་གནས་བོད་མི་ཚོར་བཀག་སྡོམ་དང་དམ་དྲག་བྱེད་ཀྱི་ཡོད་འདུག
རྒྱལ་གཅེས་དཔའ་བོ་གཡུང་དྲུང་ལགས་ནི། བོད་རང་སྐྱོང་ལྗོངས་ཆབ་མདོ་ཁུལ་ཆབ་མདོ་རྫོང་ཀརྨ་ཡུལ་ཚོའི་མི་ཡིན་པ་དང་། ཉེ་བའི་དུས་ནས་ཡུལ་ཤུལ་ཁུལ་དགེ་འབྲོང་རྫ་སྟོད་རྫོང་དུ་སྡོད་མཁན་ཞིག་ཡིན་འདུག ཉིན་ཤས་སྔོན་རྒྱ་གཞུང་གིས་ཡུལ་དེར་བོད་ལ་བདེ་སྐྱིད་ཡོད་པའི་འཁྲབ་སྟོན་ཞིག་ཚོགས་ཏེ། བོད་མི་ཚོར་བརྙན་ལེན་དང་པར་རྒྱག་བྱེད་དགོས་པའི་བཙན་བཀའ་བཏང་བ་དང་སུན་གཙེར་རབ་དང་རིམ་པ་བཟོས་ཏེ། བོད་མི་ཚོ་འདུག་ཐབས་མེད་པའི་གནས་སུ་སྐྱབས་མཐར་ཁོང་གི་རང་ལུས་མེར་བསྲེཊ་གཏོང་དགོས་བྱུང་ཡོད་སྐོར་ས་གནས་བོད་མི་ཞིག་གིས་བརྗོད་འདུག
གསར་འགོད་པ། དོན་གོ
རང་ལུས་རིན་མེ་ལ་བསྒྲོན་ཏེ་གངས་འཁོྱགས་རི་བོ་དྲོད་ཀྱིས་བསྲོས།། གཤེན་རྗེ་ལས་མཁན་མདུན་དུ་བཀུག་ཏེ་མི་རིགས་འདི་ཡི་བདེན་པ་བསྒྲགས།། ཤ་རིས་པགས་གསུམ་དགྲ་ལ་ཕུལ་ཏེ་ཡབ་མེས་བཙན་པོའི་བང་སོ་བརྩེགས།། སྙིང་ིཁྲག་དམར་པོ་ཐང་མར་བརྡལ་ཏེ་ཡར་ཀླུང་གཙང་བོའི་བཞུར་རྒྱུན་བསྐྱངས།། ཨཾ་མ་ཎ་ིཔདྨེ་ཧུྃཿ བདེ་བ་ཅན་དུ་སྐྱེ་བར་ཤོག །
རང་ལུས་རིན་མེ་ལ་བསྒྲོན་ཏེ་གངས་འཁོྱགས་རི་བོ་དྲོད་ཀྱིས་བསྲོས།། གཤེན་རྗེ་ལས་མཁན་མདུན་དུ་བཀུག་ཏེ་མི་རིགས་འདི་ཡི་བདེན་པ་བསྒྲགས།། ཤ་རིས་པགས་གསུམ་དགྲ་ལ་ཕུལ་ཏེ་ཡབ་མེས་བཙན་པོའི་བང་སོ་བརྩེགས།། སྙིང་ིཁྲག་དམར་པོ་ཐང་མར་བརྡལ་ཏེ་ཡར་ཀླུང་གཙང་བོའི་བཞུར་རྒྱུན་བསྐྱངས།། ཨཾ་མ་ཎ་ིཔདྨེ་ཧུྃཿ བདེ་བ་ཅན་དུ་སྐྱེ་བར་ཤོག །
སྙིང་སྟོབས་བཞེད་དོན་མྱུར་དུ་འགྲུབ་པ ར་སྨོན།
གནས་ཚུལ་ཡིད་སྐྱོ་དགོས་པའི་གནས་ཚུལ་ཞིག་རེད་འདུག་
ཉིན་གཉིས་གསུམ་ཙམ་གྱི་སྔོན་ཁམས་བདེ་དགེའི་ཡུལ་གྲོང་ཞིག་ལ་མཐུན་མིན་གི་ས་དམར་ཞིག་ཡོད་པ་དེ་རྒྱ་མི་འགས་ཉོ་རྩིས་བྱས་པ་དེར། ཡུལ་མི་རྣམས་ནས་མ་ཙོང་བར་རྒྱ་གཞུང་ཉེན་རྟོག་པས་ཡུལ་གྲོང་དེའི་མགོ་ཁྲིད་ཁག་ཅིག་འཇུ་ཟུང་བྱས་འདུག་ཟེར། དེའི་ཐད་ཁ་གསལ་ཞིག་ཤེས་མཁན་འདྲ་ཡོད་ཚེ་དྲ་ཐོག་ལ་བཀོད་རོག་གནང།
རྒྱལ་གཅེས་དཔའ་བོའི་བསམ་དོན་རྒྱལ་བ་ཤོག