སྤྱི་ཚོཊ་ཞབས་ཞུ་ཁང་གསར་འཛུཊ།

མི་རྣམས་ཀྱིས་དགག་སྒྲུབ་གཉིས་ཀྱི་སྒོ་ནས་བསམ་ཚུལ་བཤད་ཀྱི་འདུག་ལ་རྒྱ་རྙི་ཟེར་བ་ཞིག་དགག་ཕྱོགས་ནས་བསམ་ཚུལ་འདོན་མཁན་དེ་རྒྱ་མིས་གསོ་ཕྲུག་རེད་ཟེར།འདི་ནི་ང་ཚོས་ཁ་ནས་ཡོང་ཚད་བཤད་རྗེས་སོ་སོའི་སྐད་ཆར་སོ་སོས་འགན་མི་ཁྱེར་བའི་ཧ་ཅང་གི་གོམས་གཤིས་ངན་པ་ཞིག་རེད།བཙན་བྱོལ་དུ་ཡོད་པའི་བོད་མིའི་ཁྲོད་རྒྱ་མིས་གསོ་ཕྲུག་ཅིག་ཡོད་ཚེ་དེ་ནི་རྒྱ་མིའི་སོ་བ་ལས་འགྲོ་ས་མེད་པས་དེ་ཚོ་རྒྱ་མི་སོ་བ་རེད་ཟེར་བ་དང་གཅིག་པ་རེད།རྒྱ་རྙི་ཟེར་བ་དེས་བདེན་དཔུང་གང་ཡང་མེད་པར་འདིར་དགག་ཕྱོགས་ནས་བསམ་ཚུལ་སྤེལ་མཁན་ཚོ་རྒྱ་མིའི་གསོ་ཕྲུག་རེད་ཅེས་བཤད་སྟངས་ལ་ལྟོས་ན་རྒྱ་རྙི་ཟེར་བ་དེ་སྐབས་ཐོག་གི་ཚོར་བ་དང་འབྲེལ་ཁ་ནས་ཐོན་ཚུལ་བཤད་མཁན་ཞིག་ལས་བསམ་བློ་བཏང་སྟེ་བསམ་ཚུལ་འདོན་མཁན་ཁྱོན་ནས་རེད་མི་འདུག།ཁོ་ནི་ཕྱོགས་ཞེན་གྱི་དྲྭ་བར་ཚུད་པའི་ཆགས་སྡང་གི་གོང་བུ་ཞིག་ཡིན་པ་འདྲ།

མི་ངན་གྱི་དཔོན་ལས། མི་བཟང་གི་གཡོག་སྐྱིད། ཅེས་པ་དང་མི་མཚུངས་སམ། ལགས།

དཀྱིལ་དུ་ཡོད་པའི་བུད་མེད་དེ་ངོ་ཤེས་མ་སོང་། རིགས་སུ་གྱུར་བ་ཕྱོགས་སུ་མཐུན་ཟེར་བ་ལྟར། གཡས་གཡོན་ཀྱི་མི་དེ་གཉིས་ཀྱི་བྱ་བ་སྤྱོད་པ་ཧ་ཅང་འདྲ་བོ་ཡོད་ལ། ཀུན་སློང་ཡང་གཅིག་མཚུངས་ཡིན་ཟེར་ཆོག འདི་ངྷ་རམ་ས་ལར་རྒྱུས་མངའ་ཡོད་མཁན་ཚང་མས་ཤེས་ངེས་ཡིན། ལྷག་པར་དུ་འཆི་མེད་གཡུང་དྲུང་ཟེར་བ་འདིར་སྤྱི་ཚོགས་ནང་ལབ་རྒྱུ་གླེང་རྒྱུ་ཅི་ཙམ་ཡོད་པ་དང་། བོད་རྒྱལ་ཡོངས་དམངས་གཙོ་ཚོགས་པའི་ནང་དུ་ལྟ་ཚུལ་གང་འདྲ་ཡོད་མེད་ས་རིས་ཐང་གསལ་ཡིན། སྤྱིར་མི་ཞིག་ལ་སྤྱི་ཚོགས་ནང་ལབ་གླེང་མང་པོ་ཡོད་པ་ཙམ་གྱིས་མི་དེ་ངན་པ་ཞིག་ཡིན་པས་མ་ཁྱབ་ཀྱང་། མི་དེའི་འདས་དོན་ཁྲོད་ཀྱི་བྱ་བ་སྤྱོད་པ་དངོས་ལ་ཕྱིར་མིག་བལྟས་ཏེ་ད་ལྟའི་ལས་ཀ་བྱེད་ཕྱོགས་དང་། མ་འོངས་པའི་མཇུག་འབྲས་ལེགས་ཉེས་ལ་དཔྱོད་ཐུབ་པ་ཞིག་ཡིན།
གོང་དུ་ཚེ་རིང་ནོར་བུ་ཞུ་བ་ཞིག་གིས་གསུངས་པ་དེར་ཧ་ཅང་མོས་མཐུན་ཡོད། བོད་གཞུང་གིས་མ་སྙོབ་ས་དང་སྒྲུབ་མ་ཐུབ་པ་དག་སྒྲུབ་རྒྱུ་ཡིན་ཟེར་བ་དེ་ཧ་ཅང་ཚད་ལས་བརྒལ་བའི་ཧམ་བཤད་རེད།
དེ་ནས་མགོ་འཁྲིད་སྦྱོང་བརྡར་དང་ཤེས་ཡོན་སློབ་གསོ་ཟེར་བ་དེ་རེད། ཨང་དང་པོ་སོ་སོར་མགོ་འཁྲིད་ཀྱི་ཉམས་མྱོང་ཅི་ཙམ་ཡོད་པ་དང་སྤྱི་ཚོགས་ཤིག་གི་ཤེས་ཡོན་སློབ་གསོ་གོང་སྤེལ་གཏོང་ཐུབ་པའི་གནས་ཚད་དང་ཆ་རྐྱེན་གང་ཞིག་ཚང་ཡོད་དམ།
གསུམ་པ། བོད་པའི་སྤྱི་ཚོགས་ནང་དུ་བོད་དོན་རྒྱབ་སྐྱོར་ཟེར་བ་ཞིག་གི་ཐོག་ལ་ལས་ཀ་ཇི་ལྟར་བྱེད་དགོས་པ་རེད། རྒྱལ་ཁབ་གཞན་དང་མི་རིགས་གཞན་པའི་ནང་དུ་བོད་དོན་རྒྱབ་སྐྱོར་ཚོགས་པ་འཚོལ་རྒྱུ་ཡིན་ཟེར་གྱི་ཡོད་ན། དེ་ནི་རྡ་རམ་ས་ལའི་སྤྱི་ཚོགས་ཞབས་ཞུའི་ཚོགས་པ་ཞིག་གི་ལས་འགན་མ་རེད།

བཞུགས་སྒར་ངྷ་ས་མེག་གྷན་དུ། བོད་ཀྱི་སྤྱི་ཚོཊ་ཞབས་ཞུ་ཁང་། Tibetan Social Service ཞེས་པའི་ཚོགས་པ་ཞིག་གསར་དུ་དབུ་འབྱེད་གནང་བར་རྟེན་འབྲེལ་བཀྲ་ཤིས་བདེ་ལེགས་ཡོད།

ཚེ་རིང་ནོར་བུ་ཟེར་བ་ལགས་ཁྱོད་ཀྱིས་མནའ་བསྐྱལ་བར་གཞན་གྱིས་ཡིད་ཆེས་ཀྱང་བྱེད་ཐུབ་ཀྱི་མ་རེད། ལྷག་པར་སོ་སོའི་ངོ་མདོང་རྫུན་མ་དེར་སུས་ཆ་འཇོག་བྱེད་ཐུབ་བམ།
དེ་ལས་རང་གིས་གང་བྱེད་ཐུབ་མིན་ལ་བལྟས་ན་མི་བཟང་ངམ། བོད་པ་མགོ་ནག་ཚང་གི་ཕྲག་དོག་འདི་ད། ཨ་ཨ་་་་

རང་ཉིད་ཆེ་འདོད་འཐོབ་འདོད་ཁོ་ན་ལས་མི་འདི་ལ་ལྷག་བསམ་གྱི་དྲི་ཙམ་ཡང་མི་བྲོ་བ་ངས་མནའ་བསྐྱལ་ཐུབ། ལྷག་པར་དུ་ཚོགས་པ་འདིའི་དམིགས་ཡུལ་ཟེར་ན་འདྲ། ལས་གཞི་ཟེར་ནའང་འདྲ། འཆར་གཞི་ཁ་ཤས་གསལ་བཤད་བྱས་ཡོད་པ་དེ་དག་ཕྱི་རྒྱལ་གྱི་སྦྱིན་བདག་དང་རོགས་ཚོགས་འཚོལ་ཆེད་ཁོ་ན་རེད་མ་གཏོགས། བཙན་བྱོལ་བོད་མིའི་སྤྱི་ཚོགས་ནང་དུ་ཁ་ཚ་དགོས་གཏུག་གི་ལས་དོན་ཞིག་དང་། གནས་ཚུལ་འདི་དག་ཐོག་བོད་པའི་སྤྱི་ཚོགས་ནང་དཀའ་ངལ་འཕྲད་བསྡད་པ་ཞིག་མ་རེད་ལ། གལ་སྲིད་ཡིན་པའི་དབང་དུ་བཏང་ནའང་ཁྱེད་ཅག་གིས་ཅི་ཞིག་བསྒྲུབ་ཐུབ་པ་དང་ཇི་ལྟར་བསྒྲུབ་པའི་གྲ་སྒྲིག་དང་ཆ་རྐྱེན་ཚང་ཡོད་དམ། ངས་དཔེ་མཚན་ཙམ་ཞུ།
༡༽ དབུས་བོད་མིའི་སྒྲིག་འཛུགས་ཀྱིས་བསྒྲུབ་མ་ཐུབ་པ་དང་ལག་པ་མ་སྙོབ་ས་ཞིག་ལ་ཁྱེད་ཅག་གིས་ཅི་ཞིག་བསྒྲུབ་ཐུབ་པ་དང་། གཞུང་ལས་ལྷག་པའི་ཁྱེད་ཅག་ལ་ལག་པ་སྙོབ་ཐུབ་པའི་ནུས་པ་ཅི་ཞིག་ཡོད་དམ།
༢ ༽ མགོ་འཁྲིད་སྦྱོང་བསྡུར་ཟེར་བ་དེ་ཆབ་སྲིད་ཚན་རིག་གི་ཁྱབ་ཁུངས་ཤིག་རེད། གཞུང་དང་ཁྲིམས་བཟོ་ལྷན་ཁང་། ཆེད་མཁས་ལྷན་ཚོགས་དེ་འདྲས་བསྒྲུབས་ཏེ། སྦྱོང་བརྡར་དང་གོ་རྟོག་སྤེལ་དགོས་པ་ཞིག་རེད། འདི་ལ་ཁྱེད་ཅག་ལ་འོས་ཐོབ་མེད་པ་ཞིག་དང་ལྷག་པར་དུ་སྦྱོང་བརྡར་སྤྲོད་ཡུལ་གྱིས་ངོས་ལེན་ཡིད་ཆེས་ཡོང་ཐབས་མེད་པ་ཞིག་ཆགས་ཡོད།
༣ ༽ ཤེས་ཡོན་སློབ་གསོ་ཟེར་བ་འདི་སྦོམ་བཤད་གང་ཡང་གོ་རྒྱུ་མེད་པ་ཞིག་རེད། སློབ་གྲྭའི་སློབ་གསོ་ཡིན་ན་སློབ་གྲྭ་ནས་སྤེལ་གྱི་ཡོད། ཁྱིམ་ཚང་སློབ་གསོ་དང་ཕ་མའི་སློབ་གསོ་ཡིན་ན་འབྲེལ་མེད་དོན་གཞན་ཞིག་རེད། ཀུན་སྤྱོད་དང་ཆོས་སེམས་སྐོར་འདྲ་ཡིན་ན་དགོན་པ་དང་བླ་སྤྲུལ་ཚོ་ཡོད་ཡོད་པ་རེད། ཁྱོན་ནས་གོ་རྒྱུ་ཡོད་པ་ཞིག་མ་རེད།
༤ ༽ བོད་དོན་རྒྱབ་སྐྱོར་ཟེར་བ་འདི་རྒྱལ་ཁབ་དང་མི་རིགས་གཞན་ལ་གོ་དགོས་པ་ཞིག་རེད། བོད་པ་ཞིག་དང་ལྷག་པར་དུ་བཙན་བྱོལ་བོད་མི་ཞིག་ལ་བོད་དོན་རྒྱབ་སྐྱོར་ཟེར་བའི་སྐད་ཆ་འདི་ལྷག་གི་ཡོད་པ་མ་རེད།
སྤྱིར་ངས་འདི་ལྟར་མགོ་ནས་བཟུང་དགག་པ་བརྒྱབ་ཡོང་བ་ཡིན་ན་བཟང་སྤྱོད་ཀྱི་ཐོག་ནས་ཏག་ཏག་བསྡད་མེད་མོད། གནས་ཚུལ་འདིའི་ཐད་དུ་ལས་གཞི་འདིའི་མགོ་ཁྲིད་མཁན་དང་ལས་གཞིའི་དམིགས་ཡུལ་གང་ཐད་ནས་རྒྱབ་སྐྱོར་བྱ་དགོས་དོན་སྤུ་ཙམ་ཡང་མེད་པ་ཞིག་ཆགས་ཡོད།