ཁ་སང་༸གོང་ས་མཆོག་གིས་ཉི་ཧོང་གྲོང་ཁྱེར་ཡོ་ཀོ་ཧཱ་མའི་འགྲེམས་སྟོན་ཚོཊ་ཁང་དུ་མི་མང་ ༦༥༠༠ བརྒལ་བར་བཀའ་སློབ་བསྩལ་སྐབས། རྒྱ་གཞུང་གིས་བོད་མིར་ཅི་ཙམ་གྱིས་དྲག་གནོན་བྱས་པ་དེ་ཙམ་གྱིས་བོད་མིའི་རང་སྐྱོང་རྩོད་རྒྱུའི་སེམས་ཤུཊ་སྔར་ལས་ཆེ་རུ་འགྲོ་རྒྱུ་ཡིན་སྐོར་གསུངས་ཡོད་འདུག
ཟླ་འདིའི་ཕྱི་ཚེས་ ༣ ཉིན་ནས་མགོ་འཛུཊ་ཀྱིས་དུས་ཡུན་ཉིན་བཅུའི་རིང་། ༸གོང་ས་མཆོག་གིས་ཉི་ཧོང་གྲོང་ཁྱེར་ཡོ་ཀོ་ཧཱ་མ་དང་ཊོག་ཀྱོའི་གཙོས། གྲོང་ཁྱེར་དང་ས་གནས་ཁག་ཅིག་ཏུ་ཆོས་ཕྱོཊ་ཀྱི་མཛད་འཕྲིན་ཁག་སྐྱོང་བཞིན་ཡོད་པ་ལྟར། ཁ་སང་ཕྱི་ཚེས་ ༤ ཉིན་༸གོང་ས་མཆོག་གིས་ཉི་ཧོང་གྲོང་ཁྱེར་ཡོ་ཀོ་ཧཱ་མའི་ཕེ་སི་ཧྥེ་ཀོའི་འགྲེམས་སྟོན་ཚོཊ་ཁང་ (Yokohama Pacifico Exhibition Hall) དུ། ཉི་ཧོང་ས་གནས་མང་ཚོཊ་གཙོས་ཀོ་རི་ཡ་དང་ཨ་རི། ཡུ་རོབ་རྒྱལ་ཁབ་ཁག་ནས་བཅར་བའི་མི་མང་ ༦༥༠༠ བརྒལ་བར། བཀའ་གདམས་དགེ་བཤེས་གླང་རི་ཐང་པས་མཛད་པའི་༼བློ་སྦྱོང་ཚིག་བརྒྱད་མ་༽བཀའ་ཆོས་བསྩལ་ཡོད་འདུག
གསུང་ཆོས་མགོ་འཛུཊ་མ་གནང་གོང་། ༸གོང་ས་མཆོག་གིས་མང་ཚོཊ་ལ་འགྲོ་བ་མིའི་རིཊ་ཀྱི་བཟང་སྤྱོད་ཡར་རྒྱས་དང་བདེ་སྐྱིད་ལྡན་པའི་ཐོག་མི་ཚེ་སྐྱེལ་ཐབས་སྐོར་ལ་བཀའ་སློབ་བསྩལ་ཏེ། འཛམ་གླིང་སྟེང་མི་འབོར་དུང་ཕྱུར་ ༧༠ ཡོད་པ་རྣམས་ལུས་པོ་དང་སེམས་པ། ཚོར་བ་བཅས་གསུམ་གྱི་ཐོག་འགྲོ་བ་མིའི་རིཊ་ཡིན་པ་གཅིག་མཚུངས་ཡིན་པ་དང་། གཅིག་འགྱུར་གྱི་འདུ་ཤེས་དེའི་ཐོག་ཕན་ཚུན་བར་བྱམས་བརྩེ་དང་སེམས་བཟང་པོ་བྱ་རྒྱུའི་ཀུན་སློང་གང་ཐུབ་སྐྱེ་དགོས་པ། སོ་སོའི་བསམ་བློ་ཆཊ་སྡང་དང་ཉོན་མོངས་ཀྱིས་གཞན་དབང་དུ་སོང་ན་སྐྱིད་པོ་གང་ཡང་མེད་ཅིང་། འགྲོ་བ་མིའི་རྒྱུད་ལ་ཡོད་པའི་ཆོས་རབ་ཏུ་རྣམ་འབྱེད་ཀྱི་ཤེས་རབ་དེས་བཟང་ངན་གྱི་བླང་དོར་རྣམས་རྟོཊ་པར་བྱས་ཏེ། རང་གཞན་ཀུན་ལ་ཕན་པའི་སྤྱི་ཚོཊ་ཀྱི་ཁོར་ཡུག་བཟང་པོ་ཞིག་བསྐྲུན་ཐབས་བྱ་དགོས་སྐོར་དང་། ང་ཚོ་ཚང་མ་བདེ་བ་འདོད་པ་དང་སྡུག་སྔལ་མི་འདོད་པ་གཅིག་འགྱུར་ཡིན་པ་མ་ཟད། བདེ་བ་བསྒྲུབ་རྒྱུ་དང་སྡུག་སྔལ་འདོར་རྒྱུའི་ཐོབ་ཐང་ཡང་གཅིག་མཚུངས་ཡོད་སྟབས། ང་ཚོའི་བར་ཁྱོད་དང་ང་ཞེས་པའི་དབྱེ་འབྱེད་ཀྱི་ས་མཚམས་གང་ཡང་མེད་པ་དང་། དེང་སྐབས་ང་ཚོར་འཕྲད་བཞིན་པའི་དཀའ་ངལ་མང་ཆེ་བ་འགྲོ་བ་མི་རང་ཉིད་ཀྱིས་བཟོས་པ་ཤ་སྟག་ཡིན་པའི་སྐོར་བཀའ་སློབ་གནང་ཡོད་འདུག
༸གོང་ས་མཆོག་གིས་གསུངས་དོན། “ང་ཚོར་དངུལ་དང་དཔལ་འབྱོར། འཕྲུལ་ལས་ཡར་རྒྱས་སོཊ་དགོས་ཀྱི་ཡོད་ཀྱང་། ཕྱིའི་དངོས་པོ་ཡར་རྒྱས་དང་འཛུཊ་སྐྲུན་ཁོ་ནས་སེམས་ནང་བདེ་སྐྱིད་ངོ་མ་བསྐྲུན་ཐབས་མེད་ལ། དངུལ་དང་དཔལ་འབྱོར་ལ་འདོད་སྲེད་ཤུཊ་ཆེ་དྲཊ་པ་དང་། འགྲན་རྩོད་ཀྱི་བསམ་པ་ཤུཊ་ཆེ་དྲཊ་པའི་སྟབས་ཀྱིས། མི་ཕན་ཚུན་བར་ཡིད་ཆེས་བརླཊ་པ་དང་དོཊ་ཟོན་བྱ་དགོས་པ་ཆཊ་ཡོད། དེང་སྐབས་འབྱོར་ལྡན་པ་མང་པོ་ཞིག་གྲོཊ་མེད་ཁེར་རྐྱང་དུ་ལུས་ཏེ་སེམས་སྡུག་བསྔལ་གྱིས་ཁེངས་བསྡད་ཀྱི་ཡོད། དུས་རབས་ཉེར་གཅིག་ནང་རྡུལ་ཕྲན་རྣམ་གཞག་གིས་མཚོན་པའི་རིག་གསར་གྱི་སྒོ་མོ་ཕྱེ་ཡོད་ཀྱང་། གསར་བརྗེ་དེ་དག་ལ་བརྟེན་ནས་འཛམ་གླིང་ནང་རྒྱལ་ཁབ་ཕན་ཚུན་བར་འཇིཊ་སྣང་དང་དོཊ་ཟོན་སྔར་ལས་ཆེ་རུ་ཕྱིན་ཡོད། དཔེར་ན། ཉི་ཧོང་གྲོང་ཁྱེར་ཧི་རོ་ཤི་མ་དང་ནཱ་ག་སཱ་ཀེ་གཉིས་ལ་རྡུལ་ཕྲན་མཚོན་ཆས་གནོད་འཚེ་ཆེན་པོ་བཟོས་ཡོད། སྔ་ལོ་ངོས་རང་ཉི་ཧོང་དུ་ཡོང་སྐབས་ས་ཁུལ་དེ་གཉིས་ཀྱི་རྡུལ་ཕྲན་མཚོན་ཆས་གནོད་འཚེ་མྱོང་མཁན་ཁག་ཅིག་ལ་ཐུག་འཕྲད་བྱས་པ་ཡིན། ཁོང་ཚོར་དམག་ཆེན་གཉིས་པའི་སྐབས་རྡུལ་ཕྲན་མཚོན་ཆས་གོད་ཆག་ཚབས་ཆེན་ཕོག་པའི་རྐྱེན་གྱིས། དུས་ད་ལྟའང་སེམས་ནང་འཇིཊ་སྣང་དང་དངངས་སྐྲག་ཡོང་བསྡད་ཀྱི་ཡོད་པ་རེད། ”ཅེས་གསུངས་ཡོད་འདུག
དེ་བཞིན། ཉིན་དེར་༸གོང་ས་མཆོག་གིས་གྲོང་ཁྱེར་ཡོ་ཀོ་ཧཱ་མར་མང་ཚོཊ་ལ་བཀའ་སློབ་བསྩལ་སྐབས། རྒྱ་གཞུང་གིས་བོད་མིའི་དངོས་ཡོད་དཀའ་ངལ་ལ་བསམ་ཤེས་བྱས་ཏེ། དངོས་ཡོད་གནས་ཚུལ་དང་མཐུན་པའི་སྲིད་བྱུས་ཤིག་ལག་བསྟར་བྱ་དགོས་པ་མ་གཏོཊ། དེ་ལས་ལྡོག་སྟེ་བོད་མིའི་ཐོག་དངོས་ཡོད་གནས་ཚུལ་དང་མི་འཚམ་པའི་དྲག་གནོན་སྲིད་བྱུས་ལག་བསྟར་བྱས་པ་དེ་བོད་མིའི་དཀའ་ངལ་སེལ་རྒྱུར་ཕན་ཐོཊ་གང་ཡང་མེད་པ་དང་། ༡༩༥༩ ལོར་བོད་མི་ཚོས་རྒྱ་གཞུང་ལ་ཞི་རྒོལ་བྱས་པ་ནས་བཟུང་དཀའ་སྡུག་མང་པོ་ཞིག་མྱངས་ཡོད་ཅིང་། ལྷག་པར་ཉེ་ལམ་རྒྱ་གཞུང་གིས་བོད་ནང་དྲག་གནོན་ཤུཊ་ཆེ་རུ་བཏང་སྟེ་བོད་མི་ཚོས་དཀའ་སྡུག་མང་པོ་མྱོང་བཞིན་ཡོད་པ་དང་། རྒྱ་གཞུང་གིས་བོད་མིའི་ཐོག་ཅི་ཙམ་གྱིས་དྲག་གནོན་ཤུཊ་ཆེ་རུ་བཏང་བ་དེ་ཙམ་གྱིས། བོད་མི་ཚོས་རང་སྐྱོང་གནས་བབ་རྩོད་རྒྱུའི་སེམས་ཤུཊ་སྔར་ལས་ཆེ་རུ་འགྲོ་རྒྱུ་ཡིན་པ་རྒྱ་ནག་དཔོན་རིཊ་ཚོར་བརྡ་ལན་གསལ་པོ་སྤྲད་ཡོད་སྐོར་གསུངས་ཡོད་འདུག
ཐེངས་འདིའི་གསུང་ཆོས་སྐབས་༸གོང་ས་མཆོག་གིས་གྲོང་ཁྱེར་ཡོ་ཀོ་ཧཱ་མའི་རྒྱལ་སྤྱིའི་གསོལ་མགྲོན་ཁང་དུ་ཉིན་གུང་གསོལ་ཚིགས་སྐབས། ཡུལ་དེའི་གནད་དོན་མི་སྣ་ཁག་ཅིག་དང་མཇལ་འཕྲད་གནང་ཡོད་པར་མ་ཟད། སྐབས་དེར་ཐའེ་ཝན་བོད་བརྒྱུད་ནང་བསྟན་མཐུན་ཚོཊ་ཀྱི་ཆོས་ཞུ་བ་སྐོར་ཞིག་ལ་མཇལ་ཁ་དང་བཀའ་སློབ་ཀྱང་བསྩལ་ཡོད་འདུག
ཟླ་འདིའི་ཕྱི་ཚེས་ ༦ ནས་ ༧ བར་༸གོང་ས་མཆོག་གིས་མུ་མཐུད་རྒྱལ་ས་ཊོག་ཀྱོའི་ཚན་རིག་པ་དང་ནང་པའི་མཁས་དབང་། དགེ་འདུན་པ་བཅས་ཀྱི་༼ནང་ཆོས་དང་ཚན་རིག༽བར་གྱི་བགྲོ་གླེང་ཚོཊ་འདུར་ཆིབས་བསྒྱུར་གནང་རྒྱུ་དང་། ཕྱི་ཚེས་ ༡༡ ཉིན་ཉི་ཧོང་ཨོ་ཀི་ནཱ་ཝར་ཡོད་པའི་བྷི་ཌོ་ཀཱན་ཚོགས་ཁང་དུ་༼དཀའ་ངལ་ལས་འགྲོལ་བའི་ནུས་ཤུགས༽དང་། མ་འོངས་པའི་མི་རབས་གསར་བ་ཚོར་ལམ་སྟོན་བཀའ་སློབ་གནང་རྒྱུ། ཕྱི་ཚེས་ ༡༣ ཉིན་ཉི་ཧོང་རྒྱལ་ས་ཊོག་ཀྱོའི་ནང་སེམས་ཁམས་ཚན་རིག་གི་བྱེད་སྒོ་ཁག་ལ་ལྷན་ཞུགས་གནང་རྒྱུ་ཡིན་འདུག
གསར་འགོད་པ། དཔལ་ལྡན།
