སྤྱི་འཐུས་ཀྱིས་རྒྱ་ནག་དམར་ཤོག་ཚོཊ་ཆེན་ཐོག་དོན་ཚན་ ༤ ཅན་གྱི་འབོད་སྐུལ་ཞིག་ཕུལ་འདུག

དེ་རིང་བོད་མི་མང་སྤྱི་འཐུས་ལྷན་ཚོགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ།  རྒྱ་གཞུང་གིས་བོད་ཐོག་འཛིན་པའི་དྲག་གནོན་མཚམས་འཇོག་གིས་བོད་རྒྱ་འབྲེལ་མོལ་བསྐྱར་གསོ་བྱ་དགོས་པ་ནན་སྐུལ་བྱས་སོང་།

སྐབས་བཅོ་བརྒྱད་པའི་རྒྱ་ནག་དམར་ཤོག་ཚོཊ་ཆེན་འཚོག་ལ་ཉེ་བའི་སྐབས་དང་བསྟུན་ཏེ། དེ་རིང་ཕྱི་ཚེས་ ༧ ཉིན་གྱི་སྔ་དྲོའི་ཆུ་ཚོད་ ༡༡ སྟེང་བཞུཊ་སྒར་ངྷ་རམ་ས་ལའི་གངས་སྐྱིད་བཀའ་ཤག་ཡང་སྟེང་ཚོཊ་ཁང་དུ། བོད་མི་མང་སྤྱི་འཐུས་ལྷན་ཚོཊ་ཀྱི་ཚོཊ་གཙོ་སྤེན་པ་ཚེ་རིང་མཆོག་དང་ཚོཊ་གཞོན་མཁན་པོ་བསོད་ནམས་བསྟན་འཕེལ་རྣམ་གཉིས་ཀྱིས། གསལ་བཤད་དོན་ཚན་ ༣ ་དང་འབོད་སྐུལ་དོན་ཚན་ ༤ ཅན་གྱི་གསར་འགོད་གསལ་བསྒྲཊ་ཤིག་སྤེལ་ཏེ། རྒྱ་གཞུང་གིས་བོད་ནང་གི་བོད་མི་ཚོར་གང་མགྱོགས་དྲག་གནོན་མཚམས་འཇོག་གིས་དོན་དམ་ཐོག་བོད་རྒྱ་འབྲེལ་མོལ་བསྐྱར་གསོ་བྱ་དགོས་པ་ནན་སྐུལ་ཞུས་ཡོད།

བོད་མི་མང་སྤྱི་འཐུས་ལྷན་ཚོཊ་ཀྱི་གསལ་བསྒྲཊ་དེའི་ནང་། ད་ལོའི་ཕྱི་ཟླ་ ༡༠ པའི་ནང་བོད་ནང་བོད་མི་ ༡༠ ཙམ་གྱིས་རྒྱ་གཞུང་ལ་ངོ་རྒོལ་མཚོན་ཆེད་རང་ལུས་མེར་བསྲེཊ་བཏང་ཡོད་ཅིང་། ལས་འགུལ་དེ་ནི་བོད་ནང་རང་ལུས་མེར་བསྲེཊ་བཏང་བའི་ལས་འགུལ་གཞི་རྒྱ་ཆེ་ཤོས་ཀྱི་ཟླ་བ་ཞིག་ཆཊ་ཡོད་ལ། ༢༠༠༩ ལོ་ནས་ད་བར་བོད་ནང་བོད་མི་ ༦༣ ཙམ་གྱིས་རང་ལུས་མེར་བསྲེཊ་བཏང་ཡོད་པའི་ཁྲོད་མི་ ༥༢ འདས་གྲོངས་སུ་ཕྱིན་ཡོད་པ་དང་། དེའི་ནང་ཕོ་ ༥༥ དང་མོ་ ༨། གྲྭ་པ་ ༢༡། བཙུན་མ་ ༣། མི་སྐྱ་ ༣༤། བུད་མེད་ ༥ བཅས་དང་། ཁོང་ཚོའི་ཁྲོད་ཀྱི་ལོ་ན་མཐོ་ཤོིས་ལོ་ ༦༤ དང་ཆུང་ཤོས་ལོ་ ༡༧  ཡིན་ལ། རང་བསྲེཊ་གཏོང་མཁན་ཁག་ཅིག་རྒྱ་གཞུང་གི་ལག་འོག་ཏུ་ཚུད་དེ་ད་ཆར་གར་ཡོད་ཅི་བྱུང་གི་གནས་སྟངས་མ་ཤེས་པར་ལྷག་ཡོད་པ་དང་། བོད་མིའི་རང་ལུས་མེར་བསྲེཊ་གཏོང་བ་དེ་འགྲོ་བ་མིའི་ལོ་རྒྱུས་འཕེལ་རིམ་ཁྲོད་སྔར་བྱུང་མ་མྱོང་བའི་ཆེས་ཛ་དྲག་གི་གནས་སྟངས་ཤིག་ཆགས་ཡོད་པར་གཞིགས་ཏེ། བོད་མིའི་སྒྲིག་འཛུགས་ཀྱི་ངོས་ནས་འཛམ་གླིང་ཁྱོན་ཡོངས་སུ་གཞི་རྒྱ་ཆེ་བའི་ལས་འགུལ་སྣ་མང་དུས་གཅིག་ཏུ་སྤེལ་དགོས་པ་ཞིག་ཆགས་ཡོད་ཀྱང་། ད་ལམ་རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་འཚོག་ལ་ཉེ་བ་དང་འཁེལ་སྟབས། རྒྱ་ནག་དམར་ཤོག་ནང་གཡོན་ཐལ་མཁྲེགས་འཛིན་པའམ་སྐབས་འཚོལ་རིང་ལུགས་པ་ཚོས། ལས་འགུལ་དེར་གཡས་ཁག་གཡོན་དཀྲི་དང་འགྲེལ་བརྗོད་ལོག་པ་བྱ་སྲིད་པས། ད་ཐེངས་ཆེད་དུ་ཞུ་སྐུལ་འདི་ཕུལ་ཞིག་ཡིན་པ་བརྗོད་འདུག

བོད་མི་མང་སྤྱི་འཐུས་ལྷན་ཚོགས་ཀྱིས་རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་ལ་འབོད་སྐུལ་དོན་ཚན་ ༤ ཕུལ་ཡོད་པ་ནི།  གཅིག སྐབས་བཅོ་བརྒྱད་པའི་ཚོཊ་ཆེན་དེའི་ཐོག་བོད་མིས་རང་ལུས་མེར་བསྲེཊ་གཏོང་བཞིན་པའི་གནད་དོན་ཐོག་གླེང་སློང་དགོས་རྒྱུ་དང་། དོན་རྐྱེན་དེ་ཡོང་དགོས་པའི་རྒྱུ་རྐྱེན་གང་ལ་ཐུག་པར་ཞིབ་འཇུག་མཐིན་ཕྱིན་བྱས་ཏེ། བོད་ཐོག་བོད་མིའི་མངོན་འདོད་དང་མཐུན་པའི་སྲིད་བྱུས་ཡང་དག་པ་ཞིག་གཏན་འབེབས་གནང་དགོས་རྒྱུ། གཉིས། རྒྱ་གཞུང་གིས་༸གོང་ས་མཆོག་དགྲ་རུ་འཛིན་པའི་ནོར་འཁྲུལ་སྲིད་བྱུས་སྲིད་བྱུས་འོག ཁོང་ལ་སྒྲོ་སྐུར་འཁྱོག་བཤད་ཀྱི་མཚན་སྨད་དང་ཁོང་གི་སྐུ་པར་ཡན་སྒྲིག་ཤོམ་མི་ཆོག་པའི་བྱེད་སྟངས་དེས། བོད་མི་ཚོའི་སྙིང་ལ་གྲི་བཙུཊ་པ་ལྟར་ན་ཟུག་གཏོང་བཞིན་ཡོད་སྟབས། སྲིད་བྱུས་དེ་འཕྲལ་དུ་མཚམས་འཇོག་གིས་བོད་མི་ཚོས་རང་དབང་གི་སྒོ་ནས་སོ་སོའི་ཆོས་དང་རིག་གཞུང་། སྐད་ཡིག་སོཊ་རྒྱུན་འཛིན་དང་བཀོལ་སྤྱོད་ཆོག་པའི་ཁོར་ཡུག་ཅིག་བསྐྲུན་དགོས་རྒྱུ། གསུམ། རྒྱ་ནག་གུང་ཁྲན་ཏང་གི་ལོ་རྒྱུས་སུ་ཉེས་ཡང་གྲོད་གྲོལ་ཆེན་པོ་བདུན་ཙམ་བཏང་མྱོང་བའི་ལམ་སྲོལ་ཡོད་པ་ལྟར། ཚོཊ་ཆེན་བཅོ་བརྒྱད་པ་དེས་བོད་ཀྱི་ཆབ་སྲིད་བཙོན་པ་རྣམས་ཉེས་ཡང་གློད་གྲོལ་བཏང་སྟེ། བོད་ནང་བཟང་ཕྱོཊ་ཀྱི་འགྱུར་བ་ཞིག་འགྲོ་ཐུབ་པའི་སྲིད་བྱུས་ལག་བསྟར་དགོས་རྒྱུ། བསླེབ་ལ་ཉེ་བའི་རྒྱ་ནག་མགོ་ཁྲིད་གསར་པ་ཚོས་བོད་ཀྱི་གནད་དོན་ལ་ད་ལྟའི་གཞུང་ནང་བཞིན་གཡོལ་ཐབས་སམ། “བོད་ཀྱི་གནད་དོན་ཟེར་བ་མེད ” ཅེས་ཧམ་བཤད་ལྟ་བུའི་དུས་ཚོད་འགྱངས་ཐབས་ཁོ་ན་མ་བྱས་པར། བོད་ཀྱི་གནད་དོན་སེལ་ཆེད་བོིད་མིའི་སྒྲིག་འཛུཊ་དང་ལྷན་དུ་དོན་དམ་གྱི་འབྲེལ་མོལ་བསྐྱར་གསོ་ཡོང་བའི་རེ་སྐུལ་ཞུ་རྒྱུ་ཡིན། བཅས་ཡིན་པ་རེད།

དེ་བཞིན། རྒྱ་གཞུང་ལ་ཕུལ་བའི་གསལ་བཤད་དོན་ཚན་ ༣ ནི།  དང་པོ། སྤྱི་འཐུས་ལྷན་ཚོཊ་ཀྱིས་བོད་ནང་བོད་མི་ཚོས་རང་ལུས་མེར་བསྲེཊ་གཏོང་བཞིན་པའི་ཛ་དྲག་གནས་སྟངས་ལ་བློ་འཚབ་ཆེན་པོ་ཡོད་ཅིང་། བོད་ས་ཁྱོན་ཡོངས་སུ་རྒྱ་གཞུང་གི་གདུག་རྩུབ་ཆེ་བའི་སྲིད་བྱུས་ལ་རང་བསྲེཊ་ངོ་རྒོལ་བྱས་དང་བྱེད་བཞིན་པ་འདི། འཚེ་མེད་ཞི་བའི་ལས་འགུལ་ཚད་མཐོ་ཤོས་སུ་ངོས་འཛིན་བྱེད་ཀྱི་ཡོད། གཉིས། བོད་མིའི་སྒྲིག་འཛུཊ་ཀྱིས་བོད་ནང་གི་བོད་མི་ཚོར་སོ་སོའི་ཚེ་སྲོག་ལ་གཅེས་འཛིན་དགོས་པའི་འབོད་སྐུལ་ལན་མང་ཞུས་ཀྱང་། རྒྱ་གཞུང་གིས་དེ་ལས་ལྡོག་སྟེ་བོད་ནང་རང་ལུས་མེར་བསྲེཊ་བཏང་བ་དེ། ཏཱ་ལའི་ཁ་བྲལ་རིང་ལུཊ་པས་རྒྱ་ནག་ཁ་བྲལ་གཏོང་ཆེད་བརྒྱུད་སྐུལ་བྱས་པར་བསྙད་བཏཊ་ཏེ། འདས་པའི་ལོ་ ༦༠ རིང་བོད་ནང་གི་བོད་མི་ཚོར་ཡ་ང་སྙིང་རྗེ་མེད་པའི་རྡུང་རྡེག་དང་བཙོན་འཇུག་མནར་གཅོད། དགོན་སྡེ་ཁག་ཏུ་ལས་དོན་རུ་ཁག་དང་ས་གནས་གང་སར་ཉེན་རྟོག་ས་ཚིཊ་གསར་འཛུཊ། རྒྱ་མི་འབོར་ཆེན་བོད་དུ་གནས་སྤོ་བྱས་ཏེ་བོད་མིའི་ཆོས་དང་རིག་གཞུང་། སྐད་ཡིག་གི་ངོ་བོ་རྩ་བརླག་གཏོང་བ། འགྲོ་འདུག་རང་དབང་ལ་བཀག་སྡོམ། མི་རིཊ་དབྱེ་འབྱེད་དང་མཐོང་ཆུང་སོཊ་གཏོང་བཞིན་པར། བོད་ནང་གི་བོད་མི་ཚོས་སྡོད་བཟོད་མ་ཐུབ་པར་ཞི་རྒོལ་འདྲ་མིན་སྣ་ཚོཊ་སྤེལ་དགོས་བྱུང་བར་ངོས་འཛིན་གསལ་པོ་ཞུ་བཞིན་ཡོད། གསུམ། འདས་པའི་མི་ལོ་ ༡༠ རིང་རྒྱ་ནག་རྒྱལ་ཁབ་དེ་དཔལ་འབྱོར་ཡར་རྒྱས་ཆེན་པོ་ཕྱིན་ཡོད་ཀྱང་། བློ་ཕམ་པ་ཞིག་ལ་དེ་དང་འཚམ་པའི་ཆབ་སྲིད་རང་དབང་རང་དབང་ཐོག་ཡར་རྒྱས་གང་ཡང་ཕྱིན་མེད་པར་མ་ཟད། སྤྱི་ཚོཊ་ཁྱོན་ཡོངས་སུ་ཞེ་འཁོན་ཁོང་ཁྲོ་མེ་རི་གས་ལ་ཉེ་བ་ལྟར་ཆཊ་པ་དང་། དམིཊ་བསལ་བོད་དོན་ཐོག་རིག་གནས་གསར་བརྗེ་ལས་ཀྱང་གདུག་རྩུབ་ཆེ་བའི་གཡོན་ཐལ་ཅན་གྱི་སྲིད་བྱུས་ལག་བསྟར་བྱས་པ་དེས། བོད་མི་རྣམས་ད་ལྟའི་རྒྱ་ནག་གཞུང་གི་མགོ་ཁྲིད་འོག་སྡོད་འདོད་མེད་པར། “༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། བོད་ལ་རང་དབང་དགོས ”ཞེས་སོཊ་ཀྱི་འབོད་སྒྲའི་འོག གཅིག་རྗེས་གཉིས་མཐུད་ཀྱིས་རང་ལུས་མེར་བསྲེཊ་གཏོང་བཞིན་ཡོད་པ་བཅས་རེད།

བོད་མི་མང་སྤྱི་འཐུས་ཀྱི་གསལ་བསྒྲགས་ཡི་གེ་དེའི་མཇུག་ཏུ། “གོང་གསལ་དོན་ཚན་བཞིའི་ཐོག་རྒྱ་ནག་གཞུང་གིས་བསམ་ཞིབ་དགོངས་བཞེས་གནང་ཐུབ་ན། བོད་ནང་གི་ཛ་དྲག་གི་གནས་སྟངས་ལྷིང་འཇགས་སུ་འགྲོ་ཐུབ་པ་དང་། རྒྱ་ནག་གི་བརྟན་བརླིང་སྲུང་སྐྱོབ་ལ་ཕན་པ། བོད་རྒྱ་གཉིས་འཆམ་མཐུན་མཉམ་གནས་ཡོང་ཐུབ་པར་མ་ཟད། རྒྱལ་སྤྱིའི་ཐོག་རྒྱ་ནག་གུང་ཁྲན་ཏང་གི་གཟུགས་བརྙན་དང་མཐོང་ཆེ་རུ་འགྲོ་ངེས་ལའང་ང་ཚོས་ཡིད་ཆེས་དང་ངོས་འཛིན་གསལ་པོ་ཞུ་བཞིན་ཡོད།” ཅེས་བཀོད་འདུག 

གསར་འགོད་པ། དཔལ་ལྡན།