དེ་རིང་གི་ཉིན་མཐའ་མའི་ཨ་རིའི་རྒྱལ་ཡོངས་སྲིད་འཛིན་འོས་བསྡུའི་ཁྲོད། ཨོ་བྷ་མ་བསྐྱར་དུ་ཨ་རིའི་སྲིད་འཛིན་ལ་འོས་འདེབས་བྱུང་པར། ༸གོང་ས་མཆོག་གཙོས་འཛམ་གླིང་གི་དབུ་ཁྲིད་ཁག་གིས་འཚམས་འདྲི་གནང་འདུག
དེ་རིང་ཕྱི་ཚེས་ ༢༧ ཉིན་གྱི་འགྲན་རྩོད་ཆེ་བའི་ཨ་རིའི་སྲིད་འཛིན་འོས་མི་རའོ་མའེ་དང་ཨོ་བྷ་མ་གཉིས་ཀྱི་ཉིན་མཐའ་མའི་འོས་བསྡུའི་འགྲན་རྩོད་ཁྲོད། ཨོ་བྷ་མར་བསྐྱར་དུ་ཨ་རིའི་སྲིད་འཛིན་གྱི་རྒྱལ་ཁ་ཐོབ་ཡོད་པ་མ་ཟད། སྤྱི་མཐུན་ཚོགས་པའི་སྲིད་འཛིན་འོས་མི་རའོ་མའེ་ཡིས་ཐེངས་འདིའི་སྲིད་འཛིན་འོས་བསྡུའི་འགྲན་རྩོད་ཁྲོད་ཕམ་བྱུང་བ་ངོས་ལེན་དང་སྦྲགས། ཨ་བྷོ་མར་འོས་བསྡུའི་རྒྱལ་ཁ་ཐོབ་པར་བཀྲ་ཤིས་བདེ་ལེགས་དང་བྱ་བ་ལམ་འགྲོ་ཡོང་པའི་སྨོན་འདུན་ཞུས་ཡོད་པ་རེད།
ཨོ་བྷ་མ་ཨ་རིའི་སྲིད་ལ་བསྐྱར་དུ་འདེམས་ཐོན་བྱུང་བར། ༸གོང་ས་མཆོག་གིས་འཚམ་འཕྲིན་བསྩལ་ཏེ་ཁོང་སླར་ཡང་སྲིད་འཛིན་དུ་བདམས་ཐོན་བྱུང་བར་དགའ་སྤྲོའི་འཚམས་འདྲི་དང་བཀྲ་ཤིས་བདེ་ལེགས་ཞུས་ཡོད་པ་དང་། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་ཀྱང་འཚམས་འཕྲིན་ཕུལ་ཡོད་པ་རེད། དེ་བཞིན། དབྱིན་ཇིའི་སྲིད་བློན་དང་། རྒྱ་ནག་གི་སྲིད་འཛིན་དང་སྲིད་བློན། རཱ་ཤི་ཡ་སོགས་སྲིད་གཞུང་ཁག་གི་མགོ་ཁྲིད་ཚོས་གཅིག་རྗེས་གཉིས་མཐུད་ཀྱིས་ཨོ་བྷ་མར་འཚམས་འདྲི་ཞུས་ཡོད་འདུག
ཨ་བྷ་མར་བསྐྱར་དུ་ཨ་རིའི་སྲིད་འཛིན་གྱི་རྒྱལ་ཁ་ཐོབ་རྗེས། ཁོང་གིས་རྒྱལ་ཁ་ངོ་མ་ད་དུང་རྗེས་ན་ལྷག་ཡོད་སྐོར་དང་། ཁོང་དང་ཨ་རི་བ་ཚོ་སོ་སོའི་རྒྱལ་ཁབ་ཀྱི་ཆེད་དུ་དར་རྒུད་ཅི་བྱུང་ཡང་ལྷན་དུ་མདུན་སྐྱོད་བྱ་དགོས་སྐོར། ཁོང་བསྐྱར་དུ་འོས་འདེམས་བྱས་པ་དེས་རང་ཉིད་ལ་སྔར་བས་ཨ་རིའི་རྒྱལ་ཁབ་དང་མི་མང་གི་ཆེད་དུ་ལས་དོན་བསྒྲུབ་རྒྱུར་བློ་སྟོབས་སྤྲད་ཡོད་སྐོར་སོགས་བརྗོད་ཡོད།
ཨ་རིའི་སྲིད་འཛིན་གྱི་རྒྱལ་ཁ་འཐོབ་རྒྱུར་ཉུང་མཐར་འོས་བསྡུའི་འཐུས་ཚོགས་(electoral college) ༢༧༠ ནས་རྒྱལ་ཁབ་འཐོབ་དགོས་པ་དང་། ཐེངས་འདིའི་འོས་བསྡུའི་ཁྲོད་ཨ་རིའི་མངའ་སྡེ་ཕལ་ཆེ་བའི་ནང་གི་མི་མང་གི་འོས་ཤོག་གྲངས་ཚད་ཐད་ཨོ་བྷ་མ་དང་རའོ་མའེ་གཉིས་ལ་དེ་ཙམ་ཁྱད་པར་འགྲོ་ཐུབ་མེད་ཀྱང་། ཨོ་བྷ་མར་འོས་བསྡུའི་འཐུས་ཚོགས་ ༣༠༣ དང་རའོ་མའེ་ལ་ ༢༠༦ བཅས་བྱུང་སྟེ། མཐའ་མའི་རྒྱལ་ཁ་དེ་ཨོ་བྷ་མར་ཐོབ་ཡོད།
གསར་འགོད་པ། བནྡེ་སྐྱབས།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ནག་རིལ་འདི་ཡང་སྐྱར་སླེབས་བྱུང་ང་། མི་འདིས་འགྱུར་བ་དང་ཞི་བདེ་ཡིས་ཁ་གཡང་དེས་ཞི་བདེའི་གཟེངས་རྟགས་རགས་སོང་ཡང་འགྱུར་བ་དང་ཞི་བདེ་ལ་བྱས་རྗེས་གང་ཡང་འཇོག་ཐུབ་མ་སོང་། ད་དུང་བྷུ་ཤཱུ་ཡིས་རྙོག་རྫིང་སྣ་མང་རང་བཞིན་ཅན་གྱི་སྐྱོ་མ་གཡོས་སྦྱོར་དེ་ལྡག་གིན་ལྡག་གིན་རྒྱ་ནག་གི་རྐུབ་ལ་ལྕེ་ལྡག་རྒྱག་གིན་རྒྱག་གིན་ལོ་ངོ་ཇི་ཙམ་བསྐྱེལ་རྒྱུ་ཡིན་ནམ། དངོས་གནས་བྱས་ན་གནད་དོན་ཐག་གཅོད་ལ་ཡ་ཡུས་ཚ་བ་དང་སུ་ལ་ཡང་གུས་གུས་ཞུམ་ཞུམ་མི་བྱེད་མཁན་གྱི་ཅོག་བྷུ་ཤཱུ་ནང་བཞིན་ཞིག་སླེབས་དགོས་ཚོད་ཡིན།
ཨ་རིའི་སྲིད་འཛིན་འོད་དཔག་མེད་སླར་ཡང་སྲིད་འཛིན་གྱི་རྒྱལ་ཁ་ཐོབ་པར་འཚམས་འདྲིའི་བཀྲིས་བདེ་ལེགས་ཞུ།
འོད་དཔག་མེད་ཀྱི་འོད་ཀྱིས་གཟིགས། སྤྱན་རས་གཟིགས་ཀྱི་སྤྱན་གྱི་གཟིགས།
བོད་མིའི་ལས་དབང་ནི་དེ་འདྲའི་ཡ་ང་ལ་ཨང་།
ཨོ་བྷ་མ་ནག་ཐོ་གི་ཡང་རྒྱ་ནག་ལ་རྔ་མ་གཡུག་རྒྱུའི་གོ་སྐབས་རེག་པ་རེད་
ནག་རིལ་ཡིན་པ་དང་། གཞོན་པ་ཡང་ཡིན་པས་ཟུང་ལྡན་གཅིག་ལ་ཐོབ་པར་དགའ་བསུ་དང་། བཀྲ་ཤིས་བདེ་ལེགས་ཡོད་དོ། །
འཛམ་གླིང་མིའི་རྒྱལ་པོའི་གོ་ས་སླར་ཡང་བཟུང་པར་འཚམས་འདྲིའི་བཀྲིས་བདེ་ལེགས་སོ།།
བོད་དོན་ཐད་འཛིན་པའི་སྲིད་བྱུས་ལ་རྣོ་ངར་ཆེ་ཙམ་དགོས་པར་འདུག་གོ།
ཨོ་བྷ་མར་སླར་ཡང་ཨ་རི་བའི་སྲིད་འཛིན་དུ་འོས་ཐོབ་བྱུང་བ་ལ། བཀྲ་ཤིས་བདེ་ལེགས་དང་། འཛམ་གླིང་ཞི་བདེ་ལྷིང་འཇག བདེ་སྐྱིད་ཕུན་སུམ་ཚོགས་པར་ཡོང་བའི་སྨོན་འདུན་ཞུ།།