དེ་རིང་ཉིན་གུང་རེབ་གོང་བཙན་མོ་རུ་བུད་མེད་ཏིང་འཛིན་སྒྲོལ་མས་རང་ལུས་མེར་བསྲེགས་ཀྱིས་སྐུ་གྲོངས་འདུག
དེ་རིང་ཉིན་གུང་བོད་ནང་ཆུ་ཚོད་ ༡༢ ཡས་མས་ཙམ་ལ། བོད་མདོ་སྨད་རེབ་གོང་བཙན་མོ་ཞང་མགོ་དགེ་སྡེ་བའི་རང་ལོ་ ༢༣ ཡིན་པའི་ཏིང་འཛིན་སྒྲོལ་མ་ལགས་ཀྱིས། སྡེ་བའི་འདུ་ཁང་གི་ཆོས་རྭའི་ནང་རང་ལུས་མེར་བསྲེགས་བཏང་སྟེ། རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་ཡོད་འདུག
འདི་གར་གནས་ཚུལ་བཏང་འབྱོར་བྱུང་དོན། རྒྱལ་གཅེས་དཔའ་མོ་ཏིང་འཛིན་སྒྲོལ་མ་ལགས་ཀྱི་ཕའི་མིང་ལ་བུ་ལོ་ཟེར་ཞིང་ལོ་ ༥༠ ཡིན་པ་དང་། མའི་མིང་ལ་བཀྲ་ཤིས་སྒྲོལ་མ་ལོ་ ༤༡ ཡིན་འདུག རྒྱལ་གཅེས་དཔའ་མོ་ཁོང་གིས་རང་ལུས་མེར་བསྲེགས་བཏང་པ་དུས་ཐོག་ས་གནས་མི་མང་གིས་ཤེས་རྟོགས་བྱུང་ཐུབ་མེད་འདུག
གནས་ཚུལ་ཡོང་ཁུངས་གཞན་ཞིག་གིས་བརྗོད་པ་ལྟར་ན། རྒྱལ་གཅེས་དཔའ་མོ་ཏིང་འཛིན་སྒྲོལ་མ་ལགས་ཀྱིས། རང་བསྲེགས་མ་བཏང་སྔོན་ལ་ཁོང་མོའི་ལག་ཁྱེར་ཁ་པར་དང་། མཛུབ་དཀྲིས། སྲུང་འཁོར་སོགས་རང་ཁྱིམ་དུ་བཞག་སྟེ། སྡེ་བའི་འདུ་ཁང་ནང་དུ་སོང་ནས་དུང་བུད་པ་དང་བསང་མཆོད་སོགས་བྱས་རྗེས། རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག
དོ་དགོང་ཆུ་ཚོད་ ༡༠ ཐོག་ལ་གཅེས་དཔའ་མོ་ཁོང་གི་སྐུ་ཕུང་ཞུགས་འབུལ་བྱ་འཆར་གནང་བཞིན་ཡོད་ཀྱང་། རོང་བོ་དགོན་པའི་དགེ་འདུན་པ་རྣམས་བཙན་མོར་བསླེབ་མེད་སྟབས། ད་ལྟའི་ཆར་སྡེ་བའི་ཉེ་འཁྲིས་ཀྱི་སྒྲུབ་སྡེ་གསུམ་གྱི་གཙོས་ས་གནས་མང་ཚོགས་མང་པོ་འདུ་འཛོམས་ཐོག་སྒུག་སྡོད་བྱས་ཡོད་འདུག
གསར་འགོད་པ། ཚེ་རིང་རྒྱལ།
ཚང་མས་བསམ་ཚུལ་ཡག་པོ་ཞེ་དྲག་གསུངས་འདུག ཨ་བ་ཨ་མ།
དུག་མདུང་རྩེ་དགུ་ལགས། མདུང་རྩེ་བཏད་ས་མ་ནོར་བ་བྱོས། མི་ངན་ཁྱོད་དང་ཁྱོད་ལྟ་བུ་དག་གིས་འགན་ཁུར་མེད་པའི་དཀྲོགས་གཏམ་བཤད་ཏེ་ནང་ཁུལ་འདུག་བཟོད་མི་བདེ་བ་མ་བཟོ་ཤིག །བོད་རང་བཙན་རྩོད་པ་དེ་ཁྱོད་དང་ང་ཡིས་ཆེད་དུ་རེད་ལ་བོད་མི་ས་ཡ་དྲུག་གི་ཆེད་དུ་ཡང་རེད། དེ་ཙམ་ཡང་མི་ཤེས་ན་བླུན་པོའི་རང་རྟགས་མ་སྟོན་པར་ཁ་སྡུག་ཁ་ཚུམས་ནས་བསྡོད་ཤིག །ངའི་སྨ་བརྗོད་རང་དབང་ལ་མི་ངན་ཁྱོད་ལྟ་བུའི་སྡུག་སྐད་འདོན་མི་དགོས་ལ་སློབ་གསོལ་ཡང་དེ་ལས་མི་དགོས། ལེགས་ཉེས་གང་ཡིན་ཡང་འགན་ཆ་ཚང་སོ་སོའི་ཁུར་ནས་བཤད་ཡོད་པ་ལས་སོ་སོས་དངོས་མིང་ཙམ་ཡང་སྟོན་མ་ཕོད་པར་མིང་བྱང་རྫུན་མ་ཞིག་གིས་འོག་ནས་རྫུན་གཏམ་གང་ཡང་བཤད་མེད། ཐ་མ་དེར་ཁྱེད་ལ་བཤད་རྒྱུ་གཅིག་ཡོད་པ་ནི་ཁྱོད་རང་མ་ཤི་བར་དུ་དུག་མདུང་གིས་རྩེ་མོ་སོ་སོའི་སྙིང་ལ་བསྣུམ་ནས་འདུག་ཤིག་་་་་་་་་དེ་ཙམ་ལས་་སྐྱག་ཁ་མངོག་མི་འདོད།
འཇམ་གཅེས་ལགས། ཅི་ཡང་མི་ཤེས་ན་ཚུམས་ནས་སྡོད་དང་ཁྱེད་ལྐུགས་པ་རེད་ཞུ་མཁན་མི་འདུག། བོད་རང་བཙན་རྩོད་མཁན་དཔའ་བོ་དཔའ་མོ་དག་ཁྱེད་ལྟ་བུ་ཞིག་གི་ཁ་ལ་ཉན་མཁན་དག་མ་རེད། ཁྱེད་ལ་ཉན་མཁན་ས་ཡ་དྲུག་གི་ཁྲོད་ན་ཅི་ཙམ་ཡོད་པ་ཤེས་ཀི་ཡོད་དམ། གཏམ་ཨ་ཕས་བཤད་རྒྱུ་ཨ་མས་བཤད།། ཁྱི་བདག་པོས་འགོག་རྒྱུ་མགྲོན་པོས་བཀག་ཟེར་བའི་གཏམ་དཔེ་དེ་ཉིན་རེར་བརྒྱ་ཚར་རེ་འདོན་རོགས་ལོ། བོད་རང་བཙན་རྩོད་་པ་དེ་ཁྱེད་དང་་ངའི་དོན་དུ་རྩོད་པ་མ་རེད། གངས་ཅན་པའི་མི་རབས་ཚ་རྒྱུད་ཀྱི་ཆེད་དུ་རེད། མདོར་བསྡུས་ན་བོད་མི་རིགས་འཛམ་གླིང་ནས་མ་སྟོང་བའི་ཆེད་དུ་རེད། ཐ་མ་དེར་ཁྱེད་ལ་བཤད་རྒྱུ་གཅིག་ཡོད་པ་ནི་ཁྱི་ཁ་ཚུམས། ཤེས་སོང་ངམ།
སྐུ་ཞབས་ཀླུ་ལགས། བོད་མདོ་སྨད་ལབ་ན་བོད་དང་མདོ་སྨད་གཞི་གཅིག་ཏུ་སྦྲེལ་བ་མ་མིན་པ་མཁྱེན་རོགས་གནང་། ང་དུས་བབ་ཚང་དང་འབྲེལ་བ་ཅི་ཡང་མེད་མོད་གསར་འགོད་པ་ཚིག་ཚོགས་ལ་འཇིགས་པ་ཤེས་ཀི་ཡོད་པས་ཚིག་ཙམ་ལ་སྐྱོན་བསྐྱོད་མི་གནང་བར་ཞུ། དཔེར་ན་རེབ་གོང་རོང་བོ། མཚོ་སྔོན་མགོ་ལོག། རྒྱ་གར་བྱང་ཕྱོགས་སོགས་ལས་ཤེས་པར་བྱ།
དུས་བབ་ཚང་ལ་
གོང་གི་གནས་ཚུལ་ནང་”རེབ་གོང་བཙན་མོ་མགོ་དགེ་སྡེ་བའི་” ཞེས་བ་བཙན་མོ་ཞང་མགོ་དགེ་སྡེ་བ་བཅས་ཡིན་པ་རེབ་གོང་ས་གནས་མི་ཞིག་གིས་གསལ་བོ་བརྗོད་བྱུང་།
བཙན་མོ་སྡེ་བ་དང་མགོ་དགེ་སྡེ་བ་གཉིས་ཁ་ཁ་ཡིན་པ་རེད་འདུག
ངས་ངོ་མ་ཡིན། ད་ནི་བོད་དབང་དང་བཙན་གང་ཡང་མ་ཐོབ་ཀྱང་འདི་ལྟ་བུ་ཡིད་སྐྱོ་དགོས་པའི་གནས་ཚུལ་མ་ཡོང་བ་ཤོག་ཅིག་ངས་སྨོན་ལམ་འདེབས་ངེས་ཡིན། རིགས་མཐུན་དྲ་གྲོགས་ཡངས་ལ་དེ་རིང་ངས་འབོད་བསྐུལ་ཞིག་ཞུ་རྒྱུར། སྤྱི་ལོ་༢༠༠༩ལོ་ནས་ད་བར་དུ་གཞིས་བྱེས་གཉིང་ཀྱིས་ནང་ནང་དུ་རང་ལུས་མེར་བསྲེགས་བཏང་མཁན་གྲོང་འབོར་༨༠ཐམས་པར་ཟིན་ལ་ཉེར་ཡོད། ཡིན་ཡང་བློས་བཏང་ལ་དཔག་ན་རྒྱལ་སྤྱིའི་ནང་དུ་དྲི་བསྒྲགས་འདོད་བློ་ཁེངས་པར་ཞིག་མི་ཡོང་བས་རྒྱུ་མཚན་གང་ཡིན་ང་ཚོས་ངེས་པར་དུ་ཞིབ་འཇུག་མཐུལ་ཕྱིན་པར་ཞིག་གནང་དགོས་པ་ལས་སྐད་འབོད་དང་། གཏམ་བཤད། སྔོན་སྨོན་གཅིག་པུའི་ཆོག་པར་དུས་ནམ་ཡང་འཛིན་མི་རུང་བ་སེམས། ལྷག་པར་དུ་སྐད་ཡིག་འདྲ་མིན་མཁྱེན་མཁན་ཚོས་རང་འགན་རང་ཁུར་ཐོགས་ནས་སྤྱིར་སྤྱོད་དྲ་ལམ་ནམ་ཡང་ན་་facebook.དང་twitter.ཁེའུ་ཁུས་དྲ་བ་བེད་བསྐྱོད་གནང་མཁན་ཚོས་ཨ་རི་གཙོས་པས་སྟོབས་ཆེན་རྒྱལ་ཁབ་དག་གིས་དབུ་ཁྲིད་དང་གྲོས་ཚོགས་འཐུས་མི་སོགས་དང་། དེ་བཞིན་རོ་ཏྲལ་གསར་ཁང་དང་རྒྱལ་མཚམས་མེད་པའི་གསར་འགོད་མཐུན་ཚོགས། སྦིས་སིས་གསར་ཁང་ལ་སོགས་གྲགས་ཅན་གསར་འགྱུར་བརྒྱུད་ལམ་དེ་དག་གིས་དྲ་ལམ་དང་། ངོ་དེབ་ནང་མཆན་གང་མང་སྤེལ་དགོས། མདོ་ན་ཁོང་ཚོར་བློ་བདེ་བག་ཕེལ་ངང་དུ་འཇོག་མི་རུང་། ལྷག་པར་དུ་མཁྱེན་སྤྱན་དང་ལྷག་བསམ་ལྡན་པའི་གཞིས་བཞུགས་སྤུན་ཟླ་ཚོས་ངོས་ནས་ཡང་ཁྱོད་ཚོས་སྤྱན་སྔར་གནས་ཚུལ་ངན་པ་འདི་ལྟ་བུར་བྱུང་སྐབས་ལམ་སེང་པེ་ཅིང་དུ་ཡོད་པས་རྒྱལ་སྤྱིའི་གསར་འགོད་པ་དག་ལ་འགྲེལ་ལམ་བཟོ་ཐབས་གནང་དགོས། རྒྱ་ནག་གིས་རྒྱ་ས་པེ་ཅིང་དུ་མེད་པའི་འཛམ་བུ་གླིང་གིས་གསར་འགྱུར་བརྒྱུད་ལམ་གྲགས་ཆེ་བ་གང་ཡང་མེད་པས་ངེས་པར་དུ་ཐབས་ཤེས་གནང་དགོས། འདི་ནི་ཆེས་གལ་གནད་ཆེན་པོ་ཆགས་ཡོད། རྒྱུ་མཚན་གང་ལགས་ཞེ་ན། རང་ལུས་མེར་བསྲེགས་ལྟ་བུའི་གནས་ཚུལ་དེ་ཚོ་ཐད་ཀར་ཁོང་ཚོར་གནང་ཐུབ་པ་ཡིན་ན་བོད་ནས་རྒྱལ་གར་དང་དེ་ནས་ཕྱིར་ཕྱོགས་བརྒྱུད་ལམ་དག་ལ་འབྲེལ་བ་བཟོ་ནས་ཨ་བསྐོར་ཡང་བསྐོར་མང་པོ་མི་དགོས་མ་ཟད། གོང་གསར་རྒྱལ་སྤྱིའི་གསར་ཁང་དག་གིས་ཡིད་ཆེས་བཟོ་བར་ཁྱད་པར་ཆེན་པོ་ཡོད་འདུག །གཞན་ཡང་བཙན་བྱོལ་ནང་དུ་ཡོད་པའི་བླ་ཆེན་རྣམ་པར་ཡིན་ན་ཡང་ཆོས་པ་རྣམ་དག་གིས་མཛད་སྤྱོད་མི་གནང་བར་རིགས་ཀྱིས་ཁྲེལ་བས་ལས་འགན་ལ་ཐུགས་བསམ་བཞེས་ཏེ། གོང་གསར་བཞིན་དྲི་བསྒྲགས་ཀྱིས་ཕྱོགས་སུ་ཐུགས་བསྐུར་བཞེས་གནང་ཚེ་ཆོས་དང་མི་མཐུན་པ་ཅིའི་ཕྱིར་ཡིན་ནམ། གལ་སྲིད་ཆོས་དང་མི་མཐུན་པ་ཡིན་ཚེ་༧གོང་ས་ཡིད་བཞིན་ནོར་བུའི་དུས་རྟག་ཏུ་ཆོས་དང་འགལ་བས་ཕྱག་ལས་གནང་གྱི་ཡོད་པར་ཁྱོད་ཚོས་དོན་གྱི་ཁས་བླངས་པ་མ་ཡིན་པས་དེ་ནི་ནམ་རྒྱུན་རྒྱ་གཞུང་གིས་༧གོང་ས་མཆོག་ལ་ཆོས་འབག་གྱོན་པའི་ཆབས་སྲི་པ་ཞེས་ངས་སྨས་ཞུས་དང་གཅིག་མཚུངས་མིན་པར་དབང་ཆེན་རྒྱ་བྱིན་ཡིན་ཡང་སྒྲུབ་མི་ནུས་སོ། བླ་མ་ག་གེ་མོ་དང་། དེ་ཚོས་ཞབས་ཞུ་བ་ག་གེ་མོ་ནས་ངས་དང་ང་ཚོས་རིན་པོ་ཆེ་ནི་ཆོས་ཕྱོགས་ཁོ་ན་མ་གཏོགས་ཆབས་སྲིད་གནང་གི་ཡོད་པ་མ་རེད་བཅས་ངོ་སོ་དང་བཅས་ཏེ་བཤད་པ་ཐོས་ཚེ་སེམས་གཏིང་ནས་ཁྲེལ་དགོད་ཤོར་གྱི་འདུག །དེ་བཞིན་གཞུང་ཞབས་ཟུར་པ་དང་། སྐུ་ཚབས་ཟུར་པ་ཚོ་ཡིན་ནང་ང་ཚོས་ལས་དུས་རྫོགས་ཟིན་པ་ཡིན། ད་ནི་རྡ་སར་བསྒྲིག་འཛུགས་ནས་ག་རེ་བྱས་ན་བྱས་བསམ་པར་མ་གནང་རོགས། མདོར་བསྡུས་ནས་བཤད་ན་བོད་མིའི་མི་རེ་ངོ་རེ་ནས་སྤྱིར་སེམས་མ་བོར་རོགས། །