ཉེ་ལམ་ཡུ་རོབ་བདེ་སྲུང་མཉམ་ལས་མཐུན་ཚོགས་ཀྱིས་གསལ་བསྒྲགས་ཤིག་སྤེལ་ཏེ། སོག་པོ་མཐུན་ཚོཊ་དེའི་ནང་ཞུགས་གཏན་ཁེལ་ཡོད་ཚུལ་བསྒྲགས་འདུག
ཟླ་འདིའི་ཕྱི་ཚེས་ ༢༡ ཉིན་ཡུ་རོབ་བདེ་སྲུང་མཉམ་ལས་མཐུན་ཚོགས་ (OSCE) ཀྱིས་གསལ་བསྒྲཊ་ཤིག་སྤེལ་ཏེ། སོག་པོ་ (Mongolia) མཐུན་ཚོགས་དེའི་ཁོངས་སུ་ཞུགས་གཏན་ཁེལ་ཡོད་པར་བསྒྲགས་འདུག སོག་པོ་ནི་མཐུན་ཚོགས་དེའི་ཁོངས་གཏོགས་རྒྱལ་ཁབ་ ༥༧ པ་ཆགས་ཡོད་ཅིང་། མཐུན་ཚོགས་འདི་ནི་དམག་འཁྲུག་ཞི་འཇགས་དང་འགྲོ་བ་མིའི་ཐོབ་ཐང་མཐོར་འདེགས། གསར་འགོད་རང་དབང་། དམངས་གཙོའི་འོས་བསྡུ་དྲང་སྙོམས་སོགས་ཀྱི་ལངས་ཕྱོགས་འོག འཛམ་གླིང་དམག་ཆེན་གཉིས་པའི་རྗེས་སུ་བྱུང་པའི་གྲང་དམག་སྐབས་གསར་འཛུགས་བྱས་པའི་རྒྱལ་སྤྱིའི་སྟེང་གི་བདེ་སྲུང་ཆེད་བཙུགས་པའི་གཞུང་འབྲེལ་མཐུན་ཚོགས་ཆེ་ཤོས་ཤིག་ཡིན་འདུག་ལ། ཁོངས་གཏོགས་རྒྱལ་ཁབ་ཁག་ནི་ཡུ་རོབ་དང་། དེ་སྔའི་ཨུ་རུ་སུ། བྱང་ཨ་རི་བཅས་ཀྱི་ནང་གི་རྒྱལ་ཁབ་ཁག་ཡིན་པ་དང་། ད་ཆར་ཨེ་ཤ་ཡའི་ནང་གི་ཉི་ཧོང་དང་ཐའེ་ལན་ཌི། ཨབ་གྷན་བཅས་ཡིན་འདུག
ཐེངས་འདིར་སོག་པོ་མཐུན་ཚོགས་དེའི་ཁོངས་སུ་ཞུགས་རྒྱུར་ངོས་ལེན་བྱུང་པ་ནི། སོག་པའི་རྒྱལ་ཁོངས་སུ་དམངས་གཙོ་མཐོར་འདེགས་དང་། ཞི་བདེ་བརྟན་བརླིང་སོགས་ལ་ནུས་པ་འདོད་ཆེད་ཡིན་པར་བརྗོད་ཡོད་འདུག
གསར་འགོད་པ། བནྡེ་སྐྱབས།
