རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་སྟབས་བསྟུན། བོད་རང་བཙན་སློབ་ཕྲུག་ཚོགས་པས་བརྙན་པར་གྱི་ལམ་ནས་བཟོས་པའི་རེ་སྐུལ་ཞུ་འབོད་གྲངས་ ༡༢༠ ལྷག་རྒྱལ་ཁབ་སོ་སོའི་འབྲེལ་ཡོད་སྡེ་ཁག་ལ་ཕུལ་འདུག
ད་ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་བོད་དོན་གདུང་སེམས་མཉམ་བསྐྱེད་ཀྱི་ལས་འགུལ་གྲུབ་མཚམས། འཛམ་གླིང་གང་སར་གནས་སྡོད་བོད་མི་དང་བོད་དོན་རྒྱབ་སྐྱོར་བ་ཚོས། སོ་སོའི་གནས་ཡུལ་རྒྱལ་ཁབ་ཁག་གི་ཆབ་སྲིད་མགོ་ཁྲིད་ཚོར་བརྙན་པར་ཐོག་བོད་དོན་ཞུ་སྐུལ་ལས་འགུལ་ཞིག་སྤེལ་མགོ་བཙུཊ་ཡོད་པ་ལྟར། ཕྱི་ཚེས་ ༡༩ ཉིན་བོད་རང་བཙན་སློབ་ཕྲུག་ཚོགས་པའི་འབྲེལ་ཡོད་མི་སྣས་འདི་གར་གནས་ཚུལ་བཏང་བའི་ནང་། ད་ལྟའི་ཆར་བརྙན་པར་གྱི་ལམ་ནས་བཟོས་པའི་རེ་སྐུལ་ཞུ་འབོད་གྲངས་ ༡༢༠ ལྷག་ཡར་ཕུལ་ཚར་ཡོད་འདུག
དེ་བཞིན། རྒྱ་གར་བོད་རང་བཙན་སློབ་ཕྲུག་ཚོཊ་པ་དང་བོད་དོན་རྒྱབ་སྐྱོར་བ་ཁག་ཅིག་གིས་ཀྱང་། རྒྱ་གར་སྲིད་བློན་མེན་མོ་ཧན་སིན་མཆོག་བཅས་ཀྱིས་རྒྱལ་སྤྱིའི་མཉམ་འབྲེལ་བོད་དོན་ལས་འགུལ་ནང་མཉམ་ཞུཊ་གནང་བའི་ཐོག རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་བྱུས་ལ་སྐྱོན་བརྗོད་དང་གནོན་ཤུཊ་སྤྲོད་དགོས་པའི་སྐུལ་མ་གནང་ཡོད་ལ། རྒྱ་གར་གྲོས་ཚོགས་འཐུས་མི་དང་ཆེད་ལས་མཁས་པ། གསར་འགོད་པ། སློབ་ཕྲུག་བོད་དོན་རྒྱབ་སྐྱོར་བ་སོཊ་ཁྱོན་ལས་རིཊ་དང་གནས་རིམ་མི་འདྲ་བའི་འབོད་སྐུལ་གློག་བརྙན་ཚན་པ་ ༥༠ ཙམ་རྒྱ་གར་སྲིད་བློན་ཡིག་ཚང་དུ་བསྐྱལ་ཏེ། སྲིད་བློན་སྐུ་ཞབས་མེན་མོ་ཧན་སིན་མཆོག་གིས་རྒྱལ་སྤྱིིའི་དབུ་ཁྲིད་ཁག་དང་ལྷན་དུ་བོད་དོན་རྒྱབ་སྐྱོར་གནང་དགོས་པ་ནན་སྐུལ་ཞུས་འདུག
ཨ་རིར་རྟེན་གཞི་བྱས་པའི་རྒྱལ་སྤྱིའི་བོད་རང་བཙན་སློབ་ཕྲུག་ཚོཊ་པ་དང་ཨ་རིར་གནས་སྡོད་བོད་རིཊ་ཚོཊ་པ་ཁག་མཉམ་འབྲེལ་ཐོག ཨ་རིའི་གྲོས་ཚོགས་འཐུས་མི་ ༤༢ ཙམ་གྱི་ལས་ཁུངས་སུ་ཆེད་བསྐྱོད་ཀྱིས། ཨ་རིའི་གྲོས་ཚོཊ་གོང་འོག་གཉིས་ཀྱི་འཐུས་མི་རྣམ་པས། ཉེ་ལམ་གྲོས་ཚོཊ་འཐུས་མི་ཧྥི་རན་ཁི་བོལ་ཧྥུ་དང་ཇེམ་སི་མེལ་ཁི་གྷ་བིན་གཉིས་ཀྱིས། སྲིད་འཛིན་ཨོ་བྷ་མར་བོད་དོན་ཞུ་ཡིག་ཕུལ་བ་དེར་རྒྱབ་སྐྱོར་མཚན་རྟཊ་རྒྱག་དགོས་པའི་རེ་སྐུལ་ཞུས་འདུག་ལ། ད་སྔ་ཞུ་ཡིག་དེར་ཨ་རིའི་གྲོས་ཚོཊ་འཐུས་མི་ ༤༢ ཀྱིས་རྒྱབ་སྐྱོར་མཚན་རྟཊ་བཀོད་ཡོད་འདུག
སྐབས་དེར་བོད་རང་བཙན་སློབ་ཕྲུག་ཚོཊ་པས་སྲིད་འཛིན་ཨོ་བྷ་མར་འབུལ་འཆར་ཡོད་པའི་བོད་དོན་ཞུ་སྐུལ་གློག་བརྙན་ཚན་པ་ ༥༠ ཙམ། ཨ་རིའི་ཕོ་བྲང་དཀར་པོའི་མདུན་ཐང་དུ་རས་ཡོལ་སྟེང་ས་གནས་མང་ཚོགས་ལ་གཟིཊ་འབུལ་ཞུས་ཡོད་འདུག་ལ། མ་འོངས་པར་བོད་པ་དང་བོད་དོན་རྒྱབ་སྐྱོར་བ་ཚོས་མུ་མཐུད་ཨ་རིའི་གྲོས་ཚོཊ་འཐུས་མི་ཚོར་བོད་དོན་རྒྱབ་སྐྱོར་གྱི་མཚན་རྟཊ་བསྡུ་རུབ་གནང་རྒྱུ་ཡིན་འདུག
སྐབས་དེ་དང་བསྟུན་བོད་རང་བཙན་སློབ་ཕྲུག་ཚོཊ་པ་དང་རྒྱལ་སྤྱིའི་བོད་དོན་འབྲེལ་མཐུད་གཉིས་ཀྱིས་ཐུན་མོང་ཐོག་ཡོ་རོབ་མཉམ་འབྲེལ་སྒྲིག་འཛུཊ་ལའང་འབོད་སྐུལ་ཞུ་ཡིག་ཅིག་ཕུལ་ཡོད་ཅིང་། ཞུ་ཡིག་དེར་འཁོད་དོན། “ ད་ལོར་ཡོ་རོབ་མཉམ་འབྲེལ་སྒྲིག་འཛུཊ་ནི་༸གོང་ས་མཆོག་ཚུད་པའི་འཛམ་གླིང་ནང་སྙན་གྲཊ་ཆེ་བའི་ནོ་བྷེལ་ཞི་བདེའི་གཟེངས་རྟཊ་བཞེས་མཁན་གྲས་སུ་ཚུད་ཡོད་ཅིང་། བོད་ནང་གི་ད་ལྟའི་ཆབ་སྲིད་གནས་བབ་ ༡༩༨༩ ལོ་དང་བསྡུར་ན་ཧ་ཅང་རྣོ་ངར་ཅན་དུ་གྱུར་ཡོད་ལ། ༸གོང་ས་མཆོག་ལ་ནོ་བྷེལ་ཞི་བདེའི་གཟེངས་རྟཊ་བཞེས་ཏེ་ལོ་ ༢༣ འཁོར་ཡོད་རུང་། ཁོང་གིས་ད་ལྟ་ཡང་རང་གི་ཕ་ཡུལ་དུ་ཞི་བདེ་དང་ལྷིང་འཇཊ་བསྐྲུན་རྒྱུའི་འཆར་སྣང་མངོན་འགྱུར་ཡོང་བར་ངང་སྒུག་བྱས་ཡོད། རྒྱལ་སྤྱིའི་སྥྱི་ཚོཊ་ཀྱིས་བོད་མི་རིཊ་ངེས་པར་དུ་གཉན་འཕྲང་གནས་བབ་འདི་ལས་སྐྱོབ་དགོས་པར་མ་ཟད། ང་ཚོས་ཡོ་རོབ་མཉམ་འབྲེལ་སྒྲིག་འཛུཊ་ཀྱིས་རྒྱལ་མང་མཉམ་སྡེབ་ནུས་ཤུཊ་ཁྲོད་དཀའ་རྙོག་ཅི་རིཊ་སྔོན་འགོག་དང་། སྟངས་འཛིན་བྱེད་པའི་སོ་སོའི་ལངས་ཕྱོཊ་དང་ཁས་ལེན་གཞིར་བཞག་སྟེ། ད་ལྟའི་བོད་ཀྱི་དཀའ་རྙོག་སེལ་རྒྱུར་རྒྱལ་མང་རང་བཞིན་གྱི་མཉམ་འབྲེལ་རུ་ཁག་རྩ་འཛུཊ་ཀྱི་སྣེ་ཁྲིད་བྱེད་པའི་རེ་བ་བྱེད་ཀྱི་ཡོད། “ཅེས་འཁོད་འདུག
གསར་འགོད་པ། དཔལ་ལྡན།
བོད་རང་དབང་སློབ་ཕྲུག་ཚོགས་པའི་སྤེལ་བའི་ལས་འགུལ་ལ་བསྔགས་བརྗོད་ཚད་མེད་ཡོད་་་་་སྔ་རྗེས་སུ་སློབ་ཕྲུག་ཚོགས་པས་བྱས་རྗེས་ཆེན་པོ་བཞག་ཡོད་༢༠༠༨ལོ་རྒྱ་ནག་ཨོ་རྩལ་འགྲན་ཚོགས་སྐབས་ལས་འགུལ་འདྲ་མིན་གྱིས་རྒྱ་ནག་ལ་ངོ་ཚ་ཁ་སྐྱང་བཟོས་ཡོད། གཞུང་འབྲེལ་དང་གཞུང་འབྲེལ་མིན་པའི་སྡེ་ཚན་ཁག་ནས་འདི་ལྟ་བུའི་ལས་ལས་འགུལ་འདྲ་མིན་སྤེལ་དགོས་པ་ནི་ང་ཚོའི་ཕྲག་ཏུ་བབ་པའི་ལས་འགན་ཡོད་ན་མེད་ན་དེར་མཐོང་། བོད་པ་ཚོ་ལོངས་ཤོག སྡེབས་ལང་གྱིས་དང་གྲུབ་འབྲས་ཡོད།