དབུས་བོད་མིའི་སྲིད་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག་གིས། ཨ་རིའི་སྲིད་འཛིན་ཨོ་བྷ་མས་གྲོས་ཚོཊ་གོང་མའི་འཐུས་མི་སྐུ་ཞབས་ཇོན་ཁེར་རི་ཨ་རིའི་ཕྱི་སྲིད་དྲུང་ཆེར་བསྐོ་བཞག་གནང་བར་དགའ་བསུ་ཞུས་འདུག
ཉེ་ལམ་ཨ་རིའི་སྲིད་འཛིན་ཨོ་བྷ་མ་མཆོག་གིས་ཨ་རིའི་ཕྱི་སྲིད་དྲུང་ཆེ་ལྕམ་ཧེ་ལེ་རི་ལཊ་ཀྱི་ཚབ་ཏུ། གྲོས་ཚོགས་གོང་མའི་འཐུས་མི་སྐུ་ཞབས་ཇོན་ཁེར་རི་ (Senator John Kerry) ལཊ་གསར་དུ་བསྐོ་བཞག་བྱུང་ཡོད་འདུག་ལ། དེའི་ཐད་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས་སྐུ་ཞབས་ཇོན་ཁེར་རི་ལཊ་སུ་དགའ་བསུའི་འཚམས་འཕྲིན་ཞིག་ཕུལ་ཡོད་འདུག
འཚམས་འཕྲིན་དེའི་ནང་འཁོད་དོན། “བོད་མིའི་སྒྲིག་འཛུགས་ཀྱིས་ཨ་རིའི་སྲིད་འཛིན་སྐུ་ཞབས་བྷ་རག་ཨོ་བྷ་མ་མཆོག་གིས། ཨ་རིའི་གྲོས་ཚོགས་གོང་མའི་འཐུས་མི་སྐུ་ཞབས་ཇོན་ཁེར་རི་མཆོག་ཨ་རིིའི་ཕྱི་སྲིད་དྲུང་ཆེར་བསྐོ་བཞག་གནང་བར་དགའ་བསུའི་འཚམས་འདྲི་ཞུ་ཡི་ཡོད། སྐུ་ཞབས་ཇོན་ཁེར་རི་མཆོག་ནི་ཡུན་རིང་འདྲིས་པའི་བོད་ཀྱི་གྲོགས་པོ་རྙིང་པ་ཞིག་ཡིན་པ་དང།ཁོང་གིས་ཨ་རིའི་ཕྱི་སྲིད་ལས་དོན་ཐོག་བྱས་རྗེས་ཆེན་པོ་བཞག་ཡོད་པ་མ་ཟད།ཁོང་ནི་བོད་ཀྱི་གནད་དོན་ཐོག་རྒྱུས་མངའ་གཏིང་ཟབ་ཡོད་མཁན་ཞིག་ཀྱང་ཡིན།ངས་སྐུ་ཞབས་ཁེར་རི་མཆོག་མགྱོགས་མྱུར་ཨ་རིའི་ཕྱི་སྲིད་དྲུང་ཆེ་གསར་པའི་ལས་གནས་ཐོག་ཕེབས་ཏེ། མ་འོངས་པའི་ལས་དོན་རྣམས་ལམ་ལྷོངས་ཡོང་བའི་སྨོན་འདུན་ཞུ་རྒྱུ་ཡིན་དང་། ཨ་རིའི་ཕྱི་སྲིད་དྲུང་ཆེ་ཟུར་པ་ལྕམ་ཧེ་ལེ་རི་ཁི་ལིན་ཊོན་མཆོག་གི་ལས་འཕྲོ་མཇུག་སྐྱོང་གིས། བོད་དང་འགྲོ་བ་མིའི་ཐོབ་ཐང་གནད་དོན་ཐོག་ཨ་རིའི་གཞུང་གིས་ཨེ་ཤ་ཡའི་གླིང་ཆེན་ནང་ཆབ་སྲིད་ལངས་ཕྱོགས་གལ་ཆེན་ཞིག་ལ་ངོས་འཛིན་གྱིས་ཕྱག་ལས་གནང་རྒྱུ། ཨ་རིའི་གཞུང་གིས་བོད་མིའི་ཆབ་སྲིད་ལངས་ཕྱོགས་གཏན་འབེབས་གནང་བ་གཞི་རྩར་བཟུང་སྟེ། ལངས་ཕྱོགས་དེའི་ནང་འཁོད་པའི་ཆ་རྐྱེན་དག་ཆ་ཚང་དོན་འཁྱོལ་གནང་བའི་རེ་བ་ཡོད། ”ཅེས་འཁོད་འདུག
གསར་འགོད་པ། དཔལ་ལྡན།
