མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རང་སྲེག་ཐོག་བཙན་འདེད།

བོད་ཀྱི་དུས་བབ།
༢༠༡༣/༠༡/༠༩
Share on FacebookShare on TwitterShare on EmailShare on Whatsapp

བོད་ཀྱི་དུས་བབ་གསར་ཤོག་སྤྱིའི་འདོན་ཐེངས་ ༥༧༧ སྟེང་གི་རྩོམ་སྒྲིག་པའི་གཏམ།

ཡི་ཤུའི་ལོ་གསར་བསླེབས་སོང་། ཉིས་སྟོང་བཅུ་གཉིས་རྫོགས་སོང་། ཉིན་འདི་གར་བརྒྱུད་ལམ་ཁག་ན་ཡེ་ཤུའི་རྗེས་འཇུག་པ་ཚོས་ཕན་ཚུན་ལ་ལེགས་སྐྱེས་གཏོང་རེས་བྱེད་ཀྱི་འདུག དུས་རབས་ཀྱི་ཤིང་རྟ་ཆེན་མོའི་འཁོར་འགྲོས་ཀྱིས་དེད་དེ་བོད་མི་མང་པོ་ཞིག་གིས་ཀྱང་། བོད་ནང་གི་རང་ལུས་མེར་བསྲེགས་དྲན་པ་བརྗེད་དེ་དྲ་གྲོགས་ཚོར་“བཀྲ་ཤིས་བདེ་ལེགས”ཀྱི་ཤིས་ཚིག་ཨུ་ཚུགས་ཀྱིས་བཙིར་གྱིན་འདུག ཉིས་སྟོང་བཅུ་གཉིས་ཀྱི་ལོ་ནག་དེ་ང་ཚོའི་མིག་མདུན་ནས་ཁ་གྱེས་པ་དང་མཉམ་དུ། མེ་ཕུང་ཁྲོད་ནས་བཞུད་སོང་བའི་དཔའ་བོ་དཔའ་མོ་དེ་དག་གི་འདས་རྐྱེན་ཡང་ང་ཚོའི་སེམས་ངོགས་ནས་ག་ལེར་ཡལ་བཞིན་འདུག

        ཉིས་སྟོང་བཅུ་གསུམ་ལོ་འདི་བཙན་བྱོལ་བོད་མིའི་ལས་འགུལ་གྱི་ལོ་ཡིན། བོད་པའི་ལུས་པོའི་མཆོད་མེ་བརྒྱ་ཐམ་པའི་བདེན་པའི་འོད་སྣང་གསལ་བའི་ལོ་ཡིན། བོད་ནང་ཐོག་མ་མི་གཅིག་དང་གཉིས་ཀྱིས་རང་ལུས་མེར་བསྲེགས་གཏོང་སྐབས། རྒྱ་གཞུང་གིས་དེ་དག་རིགས་འཚོ་མ་ཟིན་པ་དང་། ནང་མིར་མ་འཆམ་མཁན་ཡིན་ཚུལ་བསྒྲགས་ཡོད། ནང་པའི་འདུལ་ཁྲིམས་དང་འཇིག་རྟེན་མི་ཆོས་ལ་འགལ་ཡོད་ཚུལ་བཤད་དེ་ངོ་བོ་བསྒྱུར་ཐབས་དང་ནུས་པ་གཅོག་ཐབས་བྱས་ཡོད། རང་ལུས་མེར་བསྲེགས་གཏོང་མཁན་བཅུ་དང་ཉི་ཤུ། བརྒྱད་ཅུ་དགུ་བཅུར་སླེབ་ཡོང་སྐབས། སྔར་གྱི་གཡོ་ཇུས་དེ་དག་གིས་ཁུངས་འཁྱོལ་མེད།

        ཉེ་ཆར་ཞིག་ནས་རང་ལུས་མེར་བསྲེགས་གཏོང་མཁན་ཚོའི་ཕ་མ་གཉེན་ཉེ་དང་སྡེ་བ་ཚོ་བ། ཐ་ན་ས་གནས་ཀྱི་བླ་སྤྲུལ་དགེ་བཤེས་དང་བོད་རིགས་ལས་བྱེད་ཚུན་ལ་གནོན་ཤུགས་སྤྲོད་མགོ་བརྩམས། རྒྱ་ནག་དབུས་ཆེས་མཐོའི་མི་མང་ཁྲིམས་ཁང་དང་ཆེས་མཐོའི་ཞིབ་དཔྱོད་ཁང་། དབུས་སྤྱི་བདེ་ཉེན་རྟོག་ཁང་གསུམ་མཉམ་སྒྲིལ་ཐོག“བོད་ཁུལ་གྱི་རང་སྲེག་གྱོད་དོན་ཁྲིམས་ལྟར་ལག་ལེན་བསྟར་ཕྱོགས”ཞེས་པའི་ཡིག་ཆ་བཀྲམས་ཏེ་མེར་བསྲེགས་སྔོན་འགོག་གི་ཆུ་རགས་བཟོ་བཞིན་ཡོད་མོད། རྒྱ་གཞུང་གི་བཤད་སྤྱོད་འདི་དག་གིས་བོད་མིའི་རང་ལུས་མེར་བསྲེགས་ལ་སྐུལ་སློང་དང་། མི་མང་སྡེབ་ལངས་དང་དྲག་སྤྱོད་ལས་འགུལ་ཐོག་བཙན་གྱིས་འདེད་ཀྱི་འདུག

        སེ་རི་ཡའི་མི་མང་གི་མངོན་འདོད་ཐོག་ཨ་རི་དང་འཇར་མན། ཧྥ་རན་དང་དབྱིན་ཇི་སོགས་ཀྱིས་མི་རྒྱུ་གཉིས་ཀས་རྒྱབ་རོགས་བྱས་ཏེ་ད་ཆར་གཞུང་མགོ་རྟིང་སློག་ལ་ཉེ་ཡོད། འབར་མའི་དྲག་པོའི་གཞུང་ལ་གནོན་ཤུགས་སྤྲད་དེ་ལྕམ་ཨང་སེན་སུའུ་ཀེ་བཙོན་གྲོལ་ཐོབ་སྟེ་གྲོས་ཚོགས་སུ་བསླེབས་ཡོད། ཨེ་རན་གྱི་རྡུལ་མཚོན་ཐད་ལ་དཔལ་འབྱོར་གྱི་ཚོང་སྒོ་བརྒྱབ་ཅིང་རྡོ་སྣུམ་གྱི་སྐྱེལ་འདྲེན་བཅད་དེ་ཞི་གྲོས་ཐེངས་མང་བྱུང་ཡོད། བོད་ནང་མི་གསོན་པོ་མེ་ལ་བསྒྲོན་ནས་ཞུ་འབོད་བྱེད་མཁན་བརྒྱ་ཁ་ལོངས་ཡོད་ཀྱང་། ཇ་ཁ་ཆང་ཁའི་འུར་གཏམ་ཙམ་ལས་རྒྱལ་སྤྱིའི་ཐོག་ནས་ནུས་པ་ལྡན་པའི་རྒྱབ་དཔུང་གཅིག་ཀྱང་བྱུང་མེད། 

        ཡེ་ཤུའི་བླ་ཆེན་མཆོག་གིས་ལོ་གསར་ཤིས་ཚིག་དང་མཉམ་དུ་ཉིས་སྟོང་བཅུ་གཉིས་ལོར། འཛམ་གླིང་ཐོག་མི་བཞི་ཁྲི་བཞི་སྟོང་ལྷག་གི་ཚེ་སྲོག་རྩུབ་སྤྱོད་འོག་ཤོར་བར་ཐུགས་ཕམ་མཛད་དེ། སེ་རི་ཡའི་གཞུང་གིས་མི་མང་ཐོག་དྲག་གནོན་མཚམས་འཇོག་དགོས་པ་དང། རྒྱ་ནག་གཞུང་གི་མགོ་ཁྲིད་གསར་པས་ཆོས་ལུགས་ལ་བརྩི་བཀུར་བྱ་དགོས་པའི་འབོད་སྐུལ་ཞུས་འདུག ཉིས་སྟོང་བཅུ་གསུམ་ལོར་བོད་པའི་ལུས་པོའི་མཆོད་མེ་བརྒྱ་ཐམ་པ་འདི་ཡང་ཡེ་ཤུའི་ལྷ་མཆོག་གི་དྲུང་དུ་སྐྱེལ་དགོས། རྒྱལ་ཚོཊ་དྲུང་ཆེ་དང་ཨ་རིའི་སྲིད་འཛིན། ཡུ་རོབ་རྒྱལ་ཁབ་ཁག་གི་མགོ་ཁྲིད་ཚོའི་ཕྱག་ཏུ་འཕྲོད་དགོས། ཁ་སང་དེ་རིང་བོད་ནང་གི་རང་ལུས་མེར་བསྲེགས་ཅུང་ཞི་འཇཊ་སུ་སོང་བའི་རྣམ་པ་འདུག་མོད། ཕྱི་ཚུལ་ལྷིང་འཇགས་འདི་ཐལ་སྐྱའི་འོག་གི་མེ་མདག་ཇི་བཞིན་འགས་འཐོར་གྱི་ཉེན་ཁ་སྔར་ལས་ཇེ་ཆེར་སོང་ཡོད།

འབྲེལ་ཡོད་གསར་འགྱུར།

HEARING ON THE SITUATION OF HUMAN RIGHTS IN TIBET
Mobile App

རྒྱ་ནག་གིས་བོད་སྐད་བཤད་མཁན་གྱི་བྱིས་པར་འཕྱ་དམོད་བྱེད་དགོས་པའི་ཁོར་ཡུག་བསྐྲུན་འདུག

ཆུ་ཚོད་ ༧ སྔོན་ལ།
པར་བཅོས་མས་རིག་ནུས་ཀྱིས་བཟོས།
Mobile App

རྒྱ་ནག་གི་རྒྱལ་མཚམས་བརྒལ་བའི་དྲག་གནོན་གྱི་ལག་པ་ཇེ་རིང་དུ་འགྲོ་བཞིན་འདུག

ཆུ་ཚོད་ ༨ སྔོན་ལ།
ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག
Mobile App

ཨུ་རུ་སུའི་དམག་དོན་གནམ་གྲུ་ཐེངས་དང་པོར་ཐའེ་ཝན་གྱི་མཁའ་སྲུང་ངོས་འཛིན་ས་ཁུལ་དུ་འཕུར་སྐྱོད་བྱས་འདུག

ཆུ་ཚོད་ ༨ སྔོན་ལ།
ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག  པར་བཅོས་མའི་རིག་ནུས་ཀྱིས་བསྒྲིགས། ༢༠༢༦།༡༡།༡༦
གསར་འགྱུར།

ཨ་རྒྱ་ར་གསུམ་གྱི་མགོ་ཁྲིད་མི་འགྱངས་བར་རྒྱ་ནག་ཏུ་ཐུག་འཆར་འདུག 

༢༠༢༦/༡༡/༡༦
པར་མིས་བཟོས་རིག་ནུས་ཀྱིས་བསྒྲིགས།
Editorials

བོད་སྐད་གསར་ཁང་གཉིས་ལ་གསོན་རེ་ཡོད་དམ།

༢༠༢༦/༡༡/༡༦
བོད་ཀྱི་གློག་བརྙན་འཁྲབ་ཁྲིད་གྲགས་ཅན་པདྨ་ཚེ་བརྟན་ལགས།
Mobile App

པདྨ་ཚེ་བརྟན། བོད་བརྙན་གྱི་ཤིང་རྟའི་སྲོལ་འབྱེད།

༢༠༢༦/༡༡/༡༥

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese