ལྷ་ས་གྲོང་ཁྱེར་དུ་ཡོད་པའི་ཨ་མདོའི་མགྲོན་ཁང་དག་ལ། རྒྱ་གཞུང་གིས་སྟངས་འཛིན་ནན་མོ་བྱས་ཏེ་ཚོང་ལས་གཉེར་རྒྱུར་དཀའ་ངལ་ཆེན་པོ་འཕྲད་ཀྱིན་ཡོད་འདུག
སུད་སིར་གནས་སྡོད་ཕུན་ཚོགས་ལགས་སུ་ལྷ་སའི་ཨ་མདོའི་ཚོང་པ་ཞིག་གིས་གནས་ཚུལ་མཁོ་སྤྲོད་བྱས་དོན་ལྟར་ན། ཕྱི་ལོ་ ༢༠༠༨ ལོར་ལྷ་སར་ངོ་རྒོལ་ཤུགས་ཆེན་བྱུང་རྗེས། རྒྱ་གཞུང་གིས་ལྷ་སར་གནས་སྡོད་ཁམས་དང་ཨ་མདོའི་ཕྱོགས་ཀྱི་ཚོང་པ་མང་ཆེ་བ་ཕྱིར་འཕུད་བཏང་ཡོད་པ་དང་། དེའི་རྗེས་ནས་བཟུང་ཁམས་དང་ཨ་མདོའི་ཕྱོགས་ཀྱི་ཚོང་པ་དང་ནས་མཇལ་བ་སོགས་ལ་བཀག་སྡོམ་བྱས་སྟབས། ད་ཆར་ལྷ་སར་ལོ་མང་པོའི་གོང་གཞིས་སྤོ་བྱས་པའི་ཁམས་པའི་གཏན་སྡོད་ཚོང་པ་དང་། དབུས་གཙང་དང་མངའ་རིས་སོཊ་རང་སྐྱོང་ལྗོངས་ཀྱི་ས་ཁུལ་གཞན་ནས་ཡོང་བའི་གཏན་སྡོད་ཚོང་པ་དག་ལས། ཕྱིས་སུ་འབྱོར་བ་དག་ལ་དཀའ་ངལ་ཆེན་པོ་འཕྲད་ཀྱིན་ཡོད་འདུག
༢༠༡༡ ལོའི་ཕྱི་ཟླ་ ༥ ཙམ་ནས་རྒྱ་གཞུང་གིས་ལྷ་སའི་གཙུག་ལག་ཁང་གཡས་གཡོན་གྱི་བོད་རིཊ་མགྲོན་ཁང་ཁག་ཏུ། བོད་རིཊ་གནས་མཇལ་བ་གཙོས་བོད་རིཊ་ཡིན་ཚད་རྩ་བ་ནས་སྡོད་མ་བཅུག་པ་དང་། རྒྱ་ནག་ནས་ཡོང་བའི་ཡུལ་སྐོར་སྤྲོ་འཆམ་པ་རྣམས་བོད་པའི་མགྲོན་ཁང་ཁག་ཏུ་མ་བསྡད་པ་སོགས་ལ་བརྟེན་ཏེ་བོད་རིཊ་མགྲོན་ཁང་ཁག་གི་ཡོང་འབབ་ཉིན་རེ་ནས་ཉིན་རེར་ཇེ་སྡུག་ཏུ་སོང་སྟེ། དེང་སྐབས་མགྲོན་གཉེར་བར་ཁེ་བཟང་རག་རྒྱུ་ཕར་ཞོག ཐ་ན་ཁང་གླ་དང་ཉིན་རེའི་ལྟོ་གོས་ཀྱི་ཡོང་འབབ་ཙམ་ཡང་དཀའ་བ་དང་། ཁོང་རང་ཉིད་ལའང་མཚོན་ནའང་མ་རྩ་རྒྱ་སྒོར་ས་ཡ་གཅིག་གི་མགྲོན་ཞིག་གཉེར་བཞིན་ཡོད་ཀྱང་། མགྲོན་པོ་ཡོང་མཁན་མངོན་གསལ་གྱིས་ཇེ་ཉུང་དུ་ཕྱིན་སྟབས་སྒོ་རྒྱག་དགོས་པའི་གནས་སུ་ལྷུང་ཡོད་འདུག
ལྷ་ས་ན་ཡོད་པའི་སྐད་གྲགས་ཅན་གྱི་ཨ་མདོའི་༼གཡག་མགྲོན་ཁང་༽རྒྱ་གཞུང་གི་གཞུང་བཞེས་གཏང་བ་རེད། དེས་མ་ཚད་སྦྱིན་བདག་ཡང་བཙོན་དུ་བཅུག་ཡོད་པ་རེད།
གསར་འགྱུར་མཁོ་སྤྲོད་གནང་བ་ཐུགས་རྗེ་ཆེ།ད་ལྟ་ཁྱེད་རང་གིས་གསུངས་པ་ལྟར་རེད་དབུས་གཙང་རྒྱུད་ལ་རྒྱ་ཞུང་གིས་བཀོད་འདོམས་བྱས་པའི་དམིགས་གསལ་གྱི་མགྲོན་ཁང་རི་གཉིས་མ་གཏོགས་ཨ་མདོ་ཁམ་ནག་ཆུ་སོགས་ཀྱི་འགྲུལ་པ་གནས་བསྡོད་བྱེད་ཆོག་གི་མི་འདུག ། མགྲོན་ཁང་ཁག་ལ་རྒྱ་ཞུང་གིས་་ཨ་མདོ་ཁམ་ནག་ཆུ་སོགས་ཀྱི་འགྲུལ་པ་ལ་གནས་གཡར་བྱས་མི་ཆོག་གལ་སྲིད་གནས་གཡར་བྱས་ཚེ་ཉེས་ཆད་ནན་པོ་གཏང་རྒྱུའི་རྡ་ཐོ་ཡིག་ཆ་མང་པོ་སྤྲད་འདུག །མགྲོན་ཁང་ཁག་ལ་ཨ་མདོ་ ཁམ་ ནག་ཆུ་ བཅས་ཀྱི་ཐེམ་ཐོའི་ཨང་གྲངས་གློག་ཀླད་ནང་བླུག་ནས་སྐར་མ་ལྔ་དྲུག་མ་ཕྱིན་གོང་ཉེན་རྟོག་པ་སྦྱོར་ནས་མགྲོན་གཉེར་ལ་ཉེས་ཆད་ནན་པོ་གཏོང་གི་ཡོད་པ་རེད