རྩོམ་པ་པོ་གླིང་ཚེ་བརྟན་རྡོ་རྗེ་ལགས་ཀྱིས་ད་ལོའི་གསུམ་བཅུའི་དུས་དྲན་ཉིན་མོ་དང་བསྟུན་ཏེ། བོད་དང་རྒྱ་ནག་རྒྱ་གར་གསུམ་གྱི་རྒྱལ་དར་བསྣམས་ཏེ་ངྷ་ས་ནས་བོད་བར་གྱི་ཞི་བའི་གོམ་བགྲོད་ལས་འགུལ་ཐེངས་གཉིས་པ་མགོ་འཛུཊ་གནང་རྒྱུ་རེད།
དེ་རིང་ཕྱི་ཚེས་ ༡༧ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ངྷ་ས་མེག་གྷན་ཆོལ་གསུམ་ཆིག་སྒྲིལ་ཚོགས་པའི་ཚོགས་ཁང་དུ། ཉེ་ཆར་བལ་ཡུལ་བཙོན་ཁང་དུ་བཙོན་གྲོལ་ཐོབ་མ་ཐག་པའི་རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་ཀྱིས་ཕྱི་ནང་གི་གསར་འགོད་པ་ཉི་ཤུ་བརྒལ་བར་ད་ལོའི་གསུམ་བཅུའི་དུས་དྲན་ཉིན་མོ་དང་བསྟུན་ཏེ། སྒེར་ངོས་ནས་བཞུཊ་སྒར་ངྷ་ས་ནས་བོད་བར་གྱི་ཞི་བའི་གོམ་བགྲོད་ལས་འགུལ་བསྐྱར་དུ་མགོ་འཛུཊ་བྱ་རྒྱུ་ཡིན་སྐོར་གསལ་བསྒྲགས་བསྐྱངས་སོང་།
གསར་འགོད་ལྷན་ཚོགས་ཐོག་གླིང་ཚ་ཚེ་བརྟན་རྡོ་རྗེ་ལགས་ཀྱིས། ཁོང་གིས་འདས་པའི་ལོ་གཅིག་རིང་བོད་བསྟན་སྲིད་ཆེད་ཞི་བའི་འཐབ་རྩོད་གནང་སྐབས། དངོས་ཤུགས་བརྒྱུད་གསུམ་ནས་རོགས་རམ་དང་རྒྱབ་སྐྱོར་གང་ལེགས་གནང་མཁན་ངྷ་སའི་ཚོཊ་སྐྱིད་བཅུ་གཅིག་དང་། འཛམ་གླིང་གང་སར་གནས་སྡོད་བོད་མི་ལྷག་བསམ་ཅན་ཚང་མར་སེམས་གཏིང་ནས་ཡི་རངས་བསྔཊ་བརྗོད་དང་། བོད་ནང་རང་སྲེག་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་མྱ་ངན་གུས་མདུན་ཞུ་བཞིན་ཡོད་སྐོར་ངོ་སྤྲོད་དང་འབྲེལ། ཁོང་གིས་ཞི་བའི་འཐབ་རྩོད་ཀྱི་འབོད་ཚིག་དོན་ཚན་ ༥ མུ་མཐུད་རྒྱུན་འཁྱོངས་ལག་ལེན་ཡོང་ཆེད། ད་ལོའི་གསུམ་བཅུའི་དུས་དྲན་ཉིན་དང་སྟབས་བསྟུན། བཞུགས་སྒར་ངྷ་རམ་ས་ལར་སླར་ཡང་འཕགས་བོད་རྒྱ་གསུམ་གྱི་རྒྱལ་དར་འཕྱར་ཏེ་བོད་ཀྱི་ས་ཁོངས་བར་ཞི་བའི་གོམ་བགྲོད་མགོ་འཛུགས་བྱ་རྒྱུ་དང་། ཐེངས་འདིའི་གོམ་བགྲོད་དེ་སྔོན་མ་དང་མ་འདྲ་བར་བལ་ཡུལ་བརྒྱུད་མ་དགོས་པར་ཐད་ཀར་རྒྱ་བོད་ས་མཚམས་བརྒལ་ནས་བོད་དུ་བསྐྱོད་འཆར་ཡོད་འདུག
ཚེ་བརྟན་རྡོ་རྗེ་ལགས་ཀྱི་འབོད་ཚིག་ལྔ་ནི། གཅིག ཆ་རྐྱེན་གང་ཡང་མེད་པའི་སྒོ་ནས་༸རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། གཉིས། ཆ་རྐྱེན་གང་ཡང་མེད་པའི་སྒོ་ནས་པཎ་ཆེན་ཆུང་སྲིད་རིན་པོ་ཆེ་གཙོས་བོད་ཀྱི་ཆབ་སྲིད་བཙོན་པ་རྣམས་ཀློད་གྲོལ་གཏོང་དགོས། གསུམ། བོད་མིར་རང་གི་སྐད་དང་ཡི་གེ་སྦྱོང་རྒྱུའི་རང་དབང་སྤྲོད་དགོས། བཞི། བོད་མིར་རང་ཡུལ་ནས་ཆོས་གོས་དང་གོམས་གཤིས་སོགས་ཀྱི་དབང་ཆ་ཚང་མ་སྤྲོད་དགོས། ལྔ། ད་ལྟ་བོད་ནང་སྡུག་སྦྱོང་མནར་གཅོད་གཏོང་མཁན་དམག་མི་ཡོངས་རྫོགས་བོད་ས་ནས་ཕྱིར་འཐེན་བྱ་དགོས་པ་བཅས་ཡིན་འདུག
གླིང་ཚ་ཚེ་བརྟན་རྡོ་རྗེ་ལགས་ཀྱི་གསལ་བསྒྲགས་ནང་འཁོད་དོན་ལྟར་ན། ཞི་བའི་འཐབ་རྩོད་ཀྱི་གོམ་བགྲོད་ཐེངས་གཉིས་པ་ས་མཚམས་གང་ནས་འགྲོ་མིན་ཐད་ད་སྔ་ཡོངས་བསྒྲགས་བྱ་རྒྱུ་མིན་པ་དང་། གོམ་བགྲོད་ལས་འགུལ་དེར་མཉམ་ཞུགས་བྱེད་མཁན་བོད་མི་སུ་ཡིན་རུང་དགའ་བསུ་བྱེད་ཀྱི་ཡོད་ཀྱང་། ལས་འགུལ་དེར་ཞུཊ་འདོད་ཡོད་མཁན་དག་ངེས་པར་དུ་རང་ལོ་ ༡༨ ནས ༥༥ བར་ཡིན་དགོས་ཤིང་། གལ་སྲིད་ལོ་ཚད་ཀྱི་ཆ་རྐྱེན་ཚང་གི་མེད་ན་གོམ་བགྲོད་སྐབས་ཉིན་ཤས་ལྷག་མཉམ་ཞུགས་ཀྱི་གོ་སྐབས་སྤྲོད་ཀྱི་མེད་པ་དང་། གོམ་བགྲོད་ཐེངས་གཉིས་པའི་སྐབས་ལམ་བར་དུ་ཉེན་རྟོག་པས་བཀག་འགོག་སོཊ་བྱས་ཚེ། གོམ་བགྲོད་པས་ས་གནས་དེ་ག་རང་དུ་ཟས་བཅད་ངོ་རྒོལ་དང་ཞི་བའི་ངག་བཅད་ལས་འགུལ་བཅས་སྤེལ་རྒྱུ་དང་། ས་གནས་གང་དུ་ཀློད་ན་ས་གནས་དེ་ནས་ཞི་བའི་གོམ་བགྲོད་མགོ་བཙུགས་ཏེ་བོད་ཀྱི་ས་ཁོངས་སུ་བརྒལ་ཐབས་བྱ་རྒྱུ་སོཊ་མདོར་ན། གོམ་བགྲོད་གཉིས་པ་དེ་འཐབ་རྩོད་ཀྱི་སྟོབས་ཤུགས་ཆེ་ཤོས་སུ་ལག་ལེན་འཁེལ་ཐབས་བྱ་རྒྱུ་ཡིན་འདུག
གསལ་བསྒྲགས་དེའི་མཇུག་ཏུ་མུ་མཐུད་འཁོད་དོན། “ཞི་བའི་འཐབ་རྩོད་ཐེངས་དང་པོའི་སྐབས་གཏོང་ཕོད་དང་བོད་ཞེན་ཆེ་བའི་རྒྱལ་གཅེས་པ་ཚོས་དང་བླངས་ཐོག་ཕུལ་བའི་ཞལ་འདེབས་རྣམས། ཞི་བའི་འཐབ་རྩོད་ཐེངས་གཉིས་པའི་ཐོག་བེད་སྤྱོད་གཏོང་རྒྱུ་ཡིན། ཞི་བའི་འཐབ་རྩོད་ཐེངས་གཉིས་པའི་མཉམ་ཞུཊ་གནང་མཁན་ཚོར་ཞལ་འདེབས་ཀྱི་དངུལ་མ་རྫོཊ་པར་འགྲོ་སོང་གཏོང་ཐབས་བྱ་རྒྱུ་ཡིན། ངས་རྩོད་བཞིན་པ་འདི་བོད་མི་རིགས་ཀྱི་བདེན་པའི་འཐབ་རྩོད་ཡིན་ལ། ངས་བོད་མི་རིགས་ཀྱི་བདེན་མཐའ་བསལ་རྒྱུ་ཡོད་པར་ཡིད་ཆེས་བརྟན་པོ་བྱེད་ཀྱི་ཡོད” ཅེས་འཁོད་ཡོད།
གསར་འགོད་པས་ཚེ་བརྟན་རྡོ་རྗེ་ལཊ་སུ་བལ་ཡུལ་བཙོན་ཁང་གི་གནས་སྟངས་དང་ད་ལྟའི་གཟུཊ་གཞིའི་གནས་བབ། ༸གོང་ས་མཆོག་ལ་གཟིམ་ཆུང་མཇལ་ཁ་ཞུས་པའི་གནས་སྟངས་བཅས་ཀྱི་ཐད་བཀའ་འདྲི་ཞུས་པར། “ང་རང་དུས་ཚོད་ཐུང་ཐུང་ཞིག་གི་ནང་སྐུ་མདུན་ལ་མཇལ་ཁ་རག་ཡོད་པ་མ་གཏོཊ། སྐུ་མདུན་ཀྱིས་མ་འོངས་པར་ལས་འགུལ་འདི་འདྲ་སྤེལ་དགོས་པ་རེད་ཟེར་ནས་བཀའ་སློབ་གང་ཡང་བསྩལ་ཡོད་པ་མ་རེད། དེ་བཞིན། ངའི་ལས་འགུལ་འདི་བོད་མི་སྒེར་བ་ཞིག་གིས་བོད་མི་རིཊ་ལ་བཅངས་པའི་ལྷག་བསམ་དང་ལས་འགན་ཆཊ་ཡོད་པ་རེད་བསམ་གྱི་ཡོད་ལ། ཞི་བའི་འཐབ་རྩོད་ལས་འགུལ་འདི་ཐོག་མར་མགོ་འཛུཊ་སྐབས། ངའི་ལུས་ངག་ཡིད་གསུམ་བོད་མི་ས་ཡ་དྲུག་ལ་ཕུལ་ཡོད་ཅེས་བཤད་ཡོད། དེ་ཡིན་དུས་ང་རང་ད་བར་བཙོན་ཁང་དུ་བསྡད་ཀྱང་སེམས་ནང་དཀའ་ངལ་གང་ཡང་འཕྲད་མ་སོང་། སེམས་ལ་དཀའ་ངལ་མ་འཕྲད་ན་རང་བཞིན་གྱིས་ལུས་ལ་དཀའ་ངལ་འཕྲད་ཀྱི་མི་འདུག གོམ་བགྲོད་དང་པོའི་སྐབས་ངྷ་སའི་ཚོཊ་སྐྱིད་བཅུ་གཅིག་གི་སྐུ་ཚབ་ཀྱིས། རྒྱ་གར་ས་མཚམས་བར་མི་བརྗེ་བོ་བརྒྱབ་སྟེ་རོཊ་རམ་ཆེན་པོ་གནང་ཡོད་སྟབས། ངའི་ཞི་བའི་འཐབ་རྩོད་ཀྱི་ལས་འགུལ་སྐབས་དཀའ་ངལ་གཅིག་ཀྱང་འཕྲད་མ་སོང ” ཟེར།
ཡང་ཁོང་ལ་གཞོན་ནུ་ལྷན་ཚོཊ་ཀྱིས་ཁྱེད་ཀྱིས་རྒྱ་ནག་རྒྱལ་དར་འཕྱར་བར་ངོ་རྒོལ་བྱེད་བཞིན་པ་དེར་བསམ་ཚུལ་ཅི་ཡོད་དྲིས་པར། “ང་རང་ཟ་ཁང་མ་བྱན་གྱི་ལས་ཀ་བྱེད་པའི་བོད་མི་དཀྱུས་མ་ཞིག་ཡིན། རྒྱལ་དར་འཕྱར་བར་མ་དགའ་མཁན་དེ་ཚོར་ཁོང་ཚོར་རང་གི་ལྟ་གྲུབ་དང་རྒྱུ་མཚན་ཞིག་ཏན་ཏན་ཡོད་རྒྱུ་རེད། སྐད་ཆ་དེའི་འགན་ཁོང་ཚོས་འཁུར་དགོས་ཀྱི་རེད། ངས་དེར་ལན་རྒྱག་དགོས་པའི་རྒྱུ་མཚན་གང་ཡང་མཐོང་གི་མེད། ང་ལ་སྐད་ཆ་ངན་པ་བཤད་སོང་སྙམ་པའི་ཀུན་སློང་གང་ཡང་སྐྱེས་མ་སོང་ལ། མ་འོངས་པར་ཡང་བསམ་བློ་དེ་འདྲ་འཁོར་སྲིད་ཀྱི་མ་རེད། ངས་ལས་འགུལ་ཐོག་མར་སྤེལ་སྐབས་ནས་ང་ཚོ་རྒྱ་ནག་གི་མངའ་ཁོངས་རེད་ལབ་ནས་རྒྱལ་དར་འཁྱེར་ཡོད་པ་མ་རེད་ལ། ལོ་རྒྱུས་ཐོག་བོད་རྒྱ་ནག་གི་མངའ་ཁོངས་རེད་ཅེས་བཤད་ཡོད་པ་མ་རེད། ངས་རྒྱ་ནག་གི་རྒྱལ་དར་འཕྱར་དོན་དབུ་མའི་ལམ་དང་མ་འགལ་བའི་ཐོག་ནས། བོད་རྒྱ་ནག་ནང་ཆེས་མཐོའི་རང་སྐྱོང་བྱ་རྒྱུའི་འདོད་པ་ཡོད་ཟེར་བའི་མཚོན་བྱེད་ཡིན། དེའི་སྟབས་ཀྱིས་ངས་སྔོན་མ་རྒྱ་ནག་རྒྱལ་དར་འཕྱར་མྱོང་ལ་ད་དུང་ཡང་འཕྱར་རྒྱུ་ཡིན། གོམ་བགྲོད་ཐེངས་གཉིས་པ་རྒྱ་གར་དང་བོད་ཀྱི་ས་མཚམས་བརྒྱུད་བོད་ལ་འགྲོ་དགོས་དུས། ད་ཐེངས་བོད་དང་རྒྱ་གར། རྒྱ་ནག་རྒྱལ་དར་གསུམ་ཀ་མཉམ་དུ་འཕྱར་རྒྱུ་ཡིན་པ་ལས། བལ་ཡུལ་རྒྱལ་དར་འཕྱར་རྒྱུ་མིན། ང་རང་གིས་སྐར་ལྔའི་དར་དམར་ནི་རྒྱ་ནག་གི་དར་ཆ་ཡིན་པ་ལས་གུང་ཁྲན་དམར་ཤོག་གི་དར་ཆ་ཡིན་པར་ངོས་འཛིན་བྱེད་ཀྱི་མེད། ངས་རྒྱལ་དར་འཕྱར་བ་དེ་རྒྱ་ནག་ལ་མགོ་བཏཊ་པ་མ་རེད་ལ། ངས་བོད་མི་དམངས་ལའང་ཕོག་ཐུག་གང་ཡང་བཏང་མེད ” ཅེས་བརྗོད།
གླིང་ཚ་ཚེ་བརྟན་རྡོ་རྗེའི་ཨ་མ་ལྡོམ་པོ་སྐྱིད་ལགས་ཀྱིས་བརྗོད་ན། ཁོང་ཕ་མ་གཉིས་ཀ་ལོ་ཚད་ཀྱིས་རྐྱེན་པས་ཐེངས་འདིའི་གོམ་བགྲོད་ལས་འགུལ་ནང་ཞུཊ་རྒྱུའི་ཆ་རྐྱེན་ཚང་གི་མེད་ཀྱང་། ད་ལོའི་གསུམ་བཅུའི་དུས་དྲན་ཉིན་ནས་མགོ་འཛུཊ་ཀྱིས་དུས་ཡུན་བདུན་ཕྲག་གཅིག་རིང་ཁོང་ཕ་མ་གཉིས་བུ་ཚེ་རྡོར་ལཊ་ཀྱི་གོམ་བགྲོད་ནང་མཉམ་ཞུཊ་གནང་རྒྱུ་ཡིན་འདུག
ཕྱི་ལོ་ ༢༠༡༢ ལོའི་ཕྱི་ཟླ་ ༥ ཚེས་ ༢༣ ཉིན་བལ་ཡུལ་སྲིད་གཞུང་གིས། གླིང་ཚ་ཚེ་བརྟན་རྡོ་རྗེ་ལགས་སུ་ཁྲིམས་འགལ་གྱིས་བལ་ཡུལ་ས་ཁོངས་འཛུལ་བའི་ཉེས་འཛུཊ་ཀྱིས། ཁྱོན་ལོ་ ༥ དང་ཟླ་ ༥ རིང་གི་བཙོན་འཇུག་ཁྲིམས་ཐག་བཅད་དེ་ད་བར་ཟླ་ ༩ ལྷག་དང་། བཙོན་ཁང་དུ་ངག་བཅད་ལས་འགུལ་སྤེལ་ཏེ་ཟླ་ ༤ ཙམ་ཕྱིན་སྐབས་གཞི་ནས་བཙོན་གྲོལ་ཐོབ་ཡོད་འདུག་ལ། འདི་ནི་ཚེ་བརྟན་རྡོ་རྗེ་ལགས་ཀྱི་བོད་སྐྱོད་ཞི་བའི་གོམ་བགྲོད་ཐེངས་གཉིས་པ་དེ་ཆགས་ཡོད།
གསར་འགོད་པ། དཔལ་ལྡན།
སེམས་ཀྱི་འབབས་ས་བོད་མིའི་བདེ་སྐྱིད་དང་།།
ཕུགས་ཀྱི་རེ་འབྲས་རྒྱ་བོད་ཞི་འགྲིག་གཉིས།།
ང་ཡིས་འབད་པའི་ཞི་བའི་འཐབ་རྩོད་འདིའི།།
སྔ་གཞུག་ཀུན་ལ་ཡོད་པའི་རིགས་མཐུན་སྤུན།།
གང་ན་སུ་བཞུགས་ཡོངས་ལ་གོ་སྐབས་འདི།།
བཟུང་ནས་སྙིང་ནས་བཀའ་དྲིན་བདག་གིས་ཞུ།།
ཚུར་ལ་བྱམས་པའི་མིག་གིས་བལྟ་བ་དང་།།
ལྐོག་ནས་ཚིག་གི་མདའ་མོ་འཕེན་པ་སོགས།།
སྤྱི་དོན་ལས་ལ་འཕྲེང་བའི་ལྟ་ཚུལ་གཉིས།།
ཕལ་བའི་མི་ཆུང་ང་ལ་གནོད་མི་འགྱུར།།
ཁ་ཤག་སྒྱུར་རྩ་བ་མགོ་ལོ་ཟླ་བྷེ་ལགས་ཀྱིས་གསུངས་པ་ངོ་མ་བདེན་གི །གླིང་ཚ་ལགས་ཀྱིས་གཏོང་ཕོད་འདིའི་གཟུར་ཅན་ཚོར་ཡིད་སྨོན་ཤོར་དགོས་པ་བཟོས་ཡོད་ལ། སེམས་ཆུང་ཅན་ཚོ་མིག་ཆུ་ཤོར་དགོས་པ་ཡང་བཟོས་ཡོད། དེ་བཞིན་ཡོད་ཚད་ཁ་ལ་འཁྱེར་ཏེ་འུར་སྒྲོག་མཁན་ཚོ་མགོ་བོ་སྒུར་དགོས་པ་ཡང་བཟོས་ཡོད། ཡིན་ཡང་གདོང་ལ་ལྕགས་འབག་གྱོན་མཁན་གྱི་མི་བུ་ཁ་ཤས་ཀྱིས་ད་དུང་ཁོང་ལ་སློབ་གསོ་སྤྲོད་ཁུལ་་ཧ་ཧ་ཧ་ཧ་ཧཧ
བོད་ཀྱི་ཤེས་སྤོབས་གཉིས་ལྡན་གྱི་དཔའ་རྒོད་གླིང་ཚ་ཚེ་བརྟན་རྡོ་རྗེ་ལགས། སྔོན་མ་གུས་པས་ཉིད་ལ་གྲོགས་པོ་ཞེས་འབོད་ཀྱིན་ཡོན་ན་ཡང་། ཁྱེད་ནི། མི་རིགས་ཀྱི་ཆེད་དུ་གཏོང་ཕོད་ཅན། དྲང་བདེན་གྱི་ཆེད་དུ་སེམས་ཤུགས་ཅན། གནས་ལུགས་ཀྱི་ཆེད་དུ་འཐབ་རྩོད་ཅན། ཕུགས་འདུན་གྱི་ཆེད་དུ་བསམ་བློ་ཅན། གཞན་ཕན་གྱི་ཆེད་དུ་རང་དོར་ཅན་དངོས་མ་སྟེ། གཡུ་འབྲུག་གྱེན་འགྲོ་ཞིག་ལ། བདག་ལྟ་བུ་རང་གི་ལྟོ་གོས་ཙམ་གྱི་ཆེད་ཁོ་ནས་རྒྱལ་ཁམས་གཡོན་སྐོར་བྱེད་མཁན་སྦྲུལ་ནག་ཐུར་འགྲོ་ཞིག་གིས།གྲོགས་པོ་ཞེས་ཚད་གཞི་གཅིག་པའི་ཐ་སྙད་བེད་སྤྱོད་གཏོང་ག་ལ་རུང་། དེ་ཆ་འདྲ་བར།འདི་མཛོད་དང་དེ་མ་བྱེད་སོགས་ཞར་བོས་མིག་ལྡན་ལ་ལམ་ཁྲིད་ཀྱི་ངལ་བ་ཡང་བྱེད་མི་འོས་པ་ཞིག་དུ་ངེས་ཡོད། དེས་ན་འདིར་ཁོ་བོས་ནི། ཉིད་ཀྱི་རིགས་ཞེན་ལ་ཧ་ལུས། སྤོབས་པ་ལ་ཧོན་འཐོར། བསམ་བློ་ལ་སེམས་ཤོར། གཏོང་ཕོད་ལ་ཡ་མཚན་ཏེ། ཉིད་ཀྱི་བསམ་པའི་འདོད་དོན་ཐམས་ཅད་ལྷུན་གྱིས་འགྲུབ་པར་སྨོན་ནོ།།
གངས་ཅན་བོད་པ་ཆེད་ཪགྱལོ།
སྐར་ཁྲི་བཙན་ལགས་ཀྱི་སྐད་ཆ་དང་གོ་རྟོགས་དེས་ངོ་མ་སེམས་འགུལ་ཐེབས་སོང་། བཀའ་དྲིན་ཆེ།
ལས་འགུལ་གང་ལ་འཇུག་ན་ཡང་སྨན་བཅོས་དང་ངལ་གསོ་ཡག་པོ་བྱས་ནས་ཕེབས་རོགས་གནོངས། དྲ་གྲོགས་ཚེ་བརྟན་ལགས།
དྲ་གྲོགས་ཤ་ཁྲག་རུས་གསུམ་ལགས་ལ་འཚམས་འདྲི་ཞུ་བ་དང་ཆབས་ཅིག ཁྱེད་ཁ་བཤད་དོན་ལ་གནས་པའི་མི་བུ་སྒལ་ཚིག་ཅན་ཞིག་ཡིན་པས་སྙིང་ཐག་པ་ནས་ཁྱེད་ཀྱི་བྱ་བཞག་ལ་རྒྱབ་སྐྱོར་དང་ཡི་རངས་བྱེད་བཞིན་ཡོད། ཁྱེད་ཀྱིས་གསུང་བ་དངོས་ཡོད་གནས་ཚུལ་རེད་རྒྱ་དར་དམར་པོ་དེ་རྒྱ་ནག་མི་མང་ཡོངས་ལ་དབང་གི་རེད་མ་གཏོགས། གུང་ཁྲན་ཚོགས་པ་གཅིག་པོར་དབང་བ་མ་རེད།
དཔའ་རྒོད་ཁྱེད་ཀྱི་ཆོད་སེམས་དང་ལས་འགུལ་གཉིས་ཀ་དོ་མཉམ་རེད། སེམས་གཏིང་ནས་གུས་འདུད་ཡོད། མི་བུ་ཁྱེད་ནི་སྤྱིར་བཏང་གི་མི་བུ་ཞིག་དང་མི་མཚུངས་པ་ད་གཟོད་གཞི་ནས་ངོས་ཟིན་བྱུང་ཡོད། བོད་ལ་ཁྱེད་ལྟ་བུ་མང་ན་ང་ཚོ་བོད་ཀྱི་ལས་དབང་དེ་འདི་ལྟ་བུ་ཞིག་ཡིན་ག་ལ་དགོས།
ཨ་མའི་བུ། ཡིད་འགུལ་ཐེབས་བྱུང་། སྤྱིར་བཏིང་རྒྱ་ནག་གི་རྒྱལ་དར་འཕྱར་བ་དེར་མོས་མཐུན་ཡོད་མེད་སོ་སོའི་ངོས་ནས་བཤད་ཚོད་ཐུག་མ་སོང་མོད། གང་ལྟར་ལངས་ཕྱོགས་དང་ཆོད་སེམས་བརྟན་པོས་ཐོག་ནས་བསྡད་པ་དེར་བསྟོད་བསྔགས་ཞུ་རྒྱུ་ཡིན། མི་རིགས་ཀྱི་དཔའ་རྒོལ་རེད། ལྷག་པར་དུ་ཤ་ལས་མཆེད་པའི་བུ་ཕྲུག་དང་བཟའ་ཚང་། ཕ་མ་སྤུན་སྲིང་སོགས་ཡོངས་རྫོགས་བློས་བཏང་གནང་སྟེ་ལས་འགུལ་མུ་མཐུད་པ་འདིས་བོད་ནང་རང་ལུས་མེར་སྲེག་གཏོང་མཁན་རྒྱལ་གཅེས་དཔའ་བོ་དཔའ་མོ་དག་གི་རེ་འདུན་སྒྲུབ་ཀྱི་ཡོད་པ་མ་ཟད། བཙན་བྱོལ་ནང་གི་མི་མང་ཚོ་ལའང་སེམས་ཤུགས་དང་གསོན་ཤུགས་འཕར་ཡོང་གི་རེད། ཐུགས་རྗེ་ཆེ།
སྙིང་སྟོབས་ཀྱི་གོ་ཆ་གྱོན་པའི་བོད་ཀྱི་དཔའ་རྒོད་ལགས། ཁྱེད་ནི་གངས་ཅན་པའི་དོན་གྱི་དཔའ་བོ་ཡིན། ལ་རྒྱ་ཅན་གྱི་བུ་རྒོད་ཁྱེད་དང་མཉམ་དུ་ང་ཚོ་བོད་པ་ཡོངས་རྫོགས་ལངས་ཡོང་།
ས་ཡ་དྲུག་གི་བུ་་བོད་ཤ་ཁྲག་རུས་གསུམ་་་་་ངོ་མ་མིང་དོན་མཚུངས་པའི་ཕོ་རྒོད་ཁྱེད་ཀྱིས་ལས་འགུལ་ལ་སེམས་གཏིང་ནས་ཡིད་རངས་ཞུ་རྒྱུ་ཡིན་ལ་ཁྱེད་ཀྱིས་ལྟ་གྲུབ་ལ་རྒྱབ་སྐྱོར་གཙང་མ་ཡོད།
རྒྱལ་གཅེས་པ་དང་རྩོམ་པ་པོ་ཁྱེད་ཀྱི་བློས་གཏོང་དང་ཆོད་སེམས་ལ་ཡི་རངས་ཞུ།
རིགས་ཞེན་དཀར་བོའི་རྒྱ་མཚོའི་འཇིངས་སུ།།
ལག་ལེན་གསེར་ཉ་འཁྱུག་རྩལ་མྱུར་བས།།
ཁ་ཕྱོགས་རླབས་རྒྱུན་ཆད་མེད་འགུལ་དུས།།
ཚིག་སྐམ་ཅན་ལ་བརྡ་ཞིག་བསྟན་སོང་།།