མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

གཟེངས་རྟཊ་འདི་ངས་མེར་སྲེག་མཁན་གྱི་དཔའ་བོ་དཔའ་མོ་ཚོར་ཕུལ་བ་ཡིན།

བོད་ཀྱི་དུས་བབ།
༢༠༡༣/༠༣/༡༩
Share on FacebookShare on TwitterShare on EmailShare on Whatsapp

འོད་ཟེར་གྱིས་བརྩམས། ལོ་མ་རྒྱལ་གྱིས་བསྒྱུར།

བོད་ལ་མཚོན་ན་ཕྱི་ཟླ་ ༣ པ་ནི་ལོ་གཅིག་གི་ནང་ནས་ཚོར་སྣང་ཆེ་ཤོས་ཀྱི་ཟླ་བ་ཞིག་ཡིན། རྒྱུ་མཚན་ནི་ཟླ་བ་འདིའི་ཉི་མ་མང་པོ་ཞིག་ནི་སྐྱོ་ལྷང་ལྷང་གི་དུས་དྲན་རྐྱང་རྐྱང་ཡིན། དཔེར་ན། ༡༩༨༩ ལོའི་ཟླ་ ༣ ཚེས་ ༥ ཉིན་ནི་ལྷ་སའི་ངོ་རྒོལ་ལ་དྲག་གནོན་བྱས་པའི་ཉིན་མོ་ཡིན། དེ་ནས་ ༡༩༥༩ ལོའི་ཟླ་ ༣ ཚེས་ ༡༠ ཉིན་ནི་ “བོད་མི་སྒེར་ལངས་ཀྱི་ཉིན་མོ་ཡིན།”  ༢༠༠༨ ལོའི་ ༣ པའི་ཚེས་ ༡༤ ཉིན་བོད་མི་གྱེན་ལངས་ཀྱི་དུས་དྲན་ཡིན། ༢༠༠༨ ལོའི་ཟླ་ ༣ པའི་ཚེས་ ༡༦ ཉིན་ནི་ཨ་མདོ་རྔ་པའི་མི་མང་ཡར་ལངས་ལ་དྲག་གནོན་དམར་གསོད་བྱས་པའི་ཉིན་མོ་ཡིན།

གཞན་ཡང་། ཕྱི་ཟླ་ ༣ པ་ནི་པེ་ཅིན་དུ་ཚོགས་བཞིན་པའི་ཀྲུང་གོའིི་ཆབ་སྲིད་ཀྱི་གནད་འགག་ཅན་ “ཕྱོགས་གཉིས་ཚོགས་འདུ”ཡི་བར་སྐབས་ཀྱང་ཡིན། དུས་ཚོད་འདི་ལ་ནམ་རྒྱུན་དང་མི་འདྲ་བར་དོན་དག་ཚང་མར་དོགས་ཟོན་ཆེན་པོ་བྱེད་པའི་སྐབས་ཤིག་ཡིན། དཔེར་ན། ནམ་རྒྱུན་དོགས་ཡོད་མི་སྣ་དག་གར་སོང་ཆ་མེད་ཆགས་བཞིན་ཡོད། འདིའི་ཁྲོད་ན་དོན་གྱིས་གསང་བ་གཞན་ཞིག་ཀྱང་ཡོད། དེ་བས། སྐབས་འདིར། ང་ལ་མཚོན་ན་ཨ་རིའི་ཕྱི་སྲིད་ལས་ཁུངས་ཀྱིས་གནང་བའི་རྒྱལ་སྤྱིའི་ཐོག་ཆེ་མཐོང་ལྡན་པའི་ “རྒྱལ་སྤྱིའི་བུད་མེད་སྙིང་སྟོབས་ཅན་གྱི་གཟེངས་རྟགས”ཞེས་པ་འདིས་ང་ལ་ཚོར་བ་འདྲ་མིན་ཞིག་སྤྲད་སོང་།

ང་ནི་ལྷ་ས་ནས་སྐྱེས་པའི་བོད་མི་ཞིག་ཡིན། ཛ་དྲག་དང་འགྱུར་ལྡོག་ཆེ་བའི་རྒྱ་དམར་སྲིད་ཇུས་འོག་ནས་འཚར་ལོངས་བྱུང་ཞིང་།  ཆུང་དུས་ནས་རྒྱ་ཡིག་དགེ་རྒན་དག་གི་སློབ་གསོ་ཐེབས། སློབ་ཆུང་དང་སློབ་འབྲིང་གང་ཡིན་ཡང་ང་ལ་བོད་ཡིག་གི་སློབ་ཚན་གཅིག་ཀྱང་ཁྲིད་མྱོང་མེད། ང་རང་བསྐྱོད་སའི་སློབ་ཆེན་དེར་གྲངས་ཉུང་མི་རིགས་སུམ་བཅུ་ལྷག་ཡོད་ན་ཡང་། ང་ཚོ་ཚང་མས་རྒྱ་ཡིག་སྡེ་ཚན་ནས་སློབ་སྦྱོང་བྱེད་དགོས་ཀྱི་ཡོད།

ང་ནི་རྩོམ་པ་པོ་ཞིག་ཏུ་གྱུར་སོང་། ཁད་ཀྱིས་རིམ་གྱིས་ངའི་རྩོམ་འབྲིའི་འཆར་སོ་ནི་ཇེ་གསལ་ཏུ་གྱུར་ཞིང་། ངས་ཀྱང་དེ་དག་རྒྱུན་སྐྱོང་བྱས་པ་ཡིན། འཆར་སོ་དེ་དག་ “རྩོམ་འབྲི་ནི་འགྲུལ་བཞུད། རྩོམ་འབྲི་ནི་སྨོན་ལམ། རྩོམ་འབྲི་ནི་བདེན་པ་བཅས་སོ།།” ངའི་བསམ་པར་འགྲུལ་བཞུད་དང་སྨོན་ལམ། བདེན་པ་ནི་ཕན་ཚུན་རྒྱུ་འབྲས་ཀྱི་འབྲེལ་བ་གྲུབ་འདུག་སྙམ། མ་ཟད་བདེན་པ་ནི་འབོད་སྒྲ་ཡང་རེད།

བོད་པའི་རབ་བྱུང་བ་ཚོས་ནང་ཆོས་ཀྱི་ཁྲོད་ནས་བདེན་པ་འཚོལ་སྐབས། རྩོད་པའི་ཁྲོད་ནས་ལག་ཟུང་ཤུགས་ཀྱིས་བརྡབ། དེ་ལས་བྱུང་བའི་སྒྲ་དབྱངས་ནི་རླབས་ཆེན་གྱི་ནང་ཆོས་འདི་གསེར་བཙོ་སྦྱང་བྱས་པའི་མེ་ལྕེ་ལ་མི་འཇིགས་པའི་དན་རྟགས་དང་འདྲ། ཡིན་ན་ཡང་ང་ལ་མཚོན་ན། ནང་སེམས་ལས་བྱུང་བའི་སྐད་སྒྲ་འདི་དག་ནི་ང་རང་འཚོ་སྐྱོང་གནང་མཁན་གྱི་ས་གཞིའི་མ་མའི་བརྩེ་སེམས་ལ་དགའ་འབོད་དང་། ངའི་མི་རིགས་ཀྱི་སྙིང་སྟོབས་ལ་བསྟོད་དབྱངས། ད་དུང་མིག་སྔའི་མི་རིགས་ཀྱི་དཀའ་ངལ་དང་གཉའ་གནོན་པ་ལ་ངོ་རྒོལ་གྱི་ཕྱིར་དང་། ལོ་རྒྱུས་ཀྱིས་བཞག་པའི་དྲན་པ་དེ་དབང་ཤུགས་ཀྱིས་གཏིང་བརྗེད་བཟོ་མི་ཐུབ་པའི་ཆེད་དུ་ཡང་ཡིན།

ངས་དང་པོ་སྙན་ངག་བྲིས་པ་ཡིན། སྙན་ངག་གིས་ངའི་ཁྲག་རྒྱུན་གྱི་རྩ་བ་ངོ་མ་དེ་འཚོལ་སྙེག་བྱས། དེ་ནི་དོན་གྱིས་བླ་སྲོག་གི་ལོག་ཕེབས་ཀྱི་འགྲུལ་བཞུད་ཅིག་སྟེ། དེ་ནི་དད་པ་དང་འབྲེལ་ནས་ཡོད།  བར་སྐབས་ཤིག་ནས་ངས་ལྷུག་རྩོམ་དང་བརྩམས་སྒྲུང་བྲིས་ཏེ། བོད་མིའི་འཚོ་བ་དང་དངོས་ཡོད་གནས་ཚུལ་སོགས་གཡོལ་དུ་མེད་པའི་གནད་དོན་མང་པོ་ཞིག་ལ་དོ་ཁུར་བྱས་པ་ན། རིམ་གྱིས་བོད་ཀྱི་གཟི་བརྗིད་དང་དཀའ་ཚེགས་རྣམས་མིག་ལམ་དུ་མངོན་བྱུང་། དེ་ནས་ངས་ལོ་རྒྱུས་དང་དངོས་ཡོད་ཀྱི་མིག་དབང་སྤྱད་དེ།  ང་རང་སྙིང་ནས་དགའ་བའི་བོད་ཀྱི་ལས་དོན་རྣམས་ཟིན་བྲིས་སུ་བཏབས་ཏེ། དངོས་ཡོད་དང་འབྲེལ་བའི་རྩོམ་འབྲིའི་མགོ་བརྩམས་པ་ཡིན།  དེའི་ཁྲོད་ན་རིག་གནས་གསར་བརྗེ་ཆེན་མོའི་སྐབས་སུ་བོད་ལ་ཐེབས་པའི་ཤན་ཤུགས་དང་དེའི་སྐོར་གྱི་ཞིབ་འཇུག ད་དུང་། འབྲེལ་ཡོད་མི་སྣའི་ཁ་གྲངས་བཅས་འདུ་བའི་དེབ་གྲངས་གཉིས་བརྩམས། དེ་ལ་རྗེས་ནས་ “བོད་ཕྱོགས་ཀྱི་རིག་གསར་ཞིབ་འཇུག་སྟོང་ཆ་མིན།”ཞེས་པའི་གདེང་འཇོག་ཐོབ།

༢༠༠༨ ལོའི་ཟླ་ ༣ པའི་ནང་ལ་འགྱུར་ལྡོག་འགེངས་ཆེན་ཞིག་ཐེབས་སོང་།  སྐབས་དེ་ནི་བོད་ཁུལ་ཡོངས་ཀྱི་ངོ་རྒོལ་ལ་ཁྲག་དྲི་བྲོ་བའི་དྲག་གནོན་བྱེད་བཞིན་པའི་སྒང་རེད།  རྒྱ་གཞུང་གིས་བརྒྱུད་ལམ་ཡོངས་རྫོགས་བཅད་དེ་འཛམ་གླིང་མི་མང་ལ་སྐྱུག་བྲོ་བའི་ཁོ་ཚོའི་སྐད་སྒྲ་ཁོ་ན་ཁྱབ་སྤེལ་བྱས། རྩོམ་འབྲི་བདེན་པར་འདོད་མཁན་ངས་དུས་དེ་ནས་བཟུང་། ངའི་དཔེ་སྒམ་དང་ཟིན་བྲིས། (电台专栏节目、Twitter) ངོ་དེབ། སོགས་ཕྱོགས་སྡོམ་བྱས་ཏེ། “ མི་གཅིག་གི་བརྒྱུད་ལམ་དུ་བསྒྱུར” ལོ་འདི་དག་གི་རིང་ལ་མི་གཅིག་གི་བརྒྱུད་ལམ་འདི་རྒྱུན་སྐྱོང་བྱས་པའི་ཉམས་མྱོང་ལ་གཞིགས་ན།  དེ་ནི་དབང་ཤུགས་མེད་མཁན་ཚོའི་ལག་ཆ་ཡིན་པའི་ངེས་ཤེས་སྔར་ལས་ཆེ་རུ་ཕྱིན། ལག་ཆ་དེ་ནི་ཡི་གེ་ཡིས་གྲུབ་པ་ཞིག་ཡིན། དེའི་རྒྱུ་ཆའི་ཡོངས་ཁུངས་ནི་བོད་ཀྱི་ཆོས་དང་སྲོལ་རྒྱུན། རིག་གནས། དེང་གི་གནོད་སྐྱོན་ཐེབས་པའི་གནས་སྟངས། བརྒྱ་ལས་བརྒལ་བའི་མེར་སྲེག་མཁན་གྱི་རེ་འདུན། མདོར་ན། འདི་དག་ནི་གཉའ་གནོན་ལ་ངོ་རྒོལ་བྱེད་པའི་སྟོབས་ཤུགས་དང་། ང་རང་ཕྱི་སྣུར་དང་དཔའ་མི་ཞུམ་པའི་གནས་ལུགས་དེ་ཡང་ཡིན།

མཚམས་འདིར། ངས་ “རྒྱལ་སྤྱིའི་བུད་མེད་སྙིང་སྟོབས་ཅན་གྱི་གཟེངས་རྟགས”འདི་ང་ལ་གནང་མཁན་གྱི་ཨ་རིའི་ཕྱི་སྲིད་ལས་ཁུང་ལ་འདི་ལྟར་ཞུ་འདོད་བྱུང་སྟེ། དེང་གི་བོད་ལྗོངས་ན་བདེན་པའི་དཔའ་སྐད་སྒྲོག་མཁན་མང་པོ་ཞིག་དབང་འཛིན་པའི་རས་ཡོལ་ནག་པོའི་འོག་ལ་སྟིམ་བཞིན་འདུག ངས་ཀྱང་རས་ཡོལ་ནག་པོ་དེ་རང་ཉིད་ཀྱི་སྒང་ལ་ཡོང་ངེས་པའི་གྲ་སྒྲིག་བྱེད་བཞིན་ཡོད། ཡིན་ཡང་། འདི་འདྲའི་གནས་སྐབས་ཤིག་ལ་བདེན་པའི་འབོད་སྒྲ་ལ་སྙིང་སྟོབས་དགོས།  ད་དུང་ངས་དེ་ལས་རེ་སྙེག་བྱེད་བཞིན་པ་ནི་བདེན་པའི་འབོད་སྒྲ་འདི་གཞན་དབང་དུ་གྱུར་བའི་ཨ་མཆོག་གིས་ཐོས་ན་བསམ། གཞན་དབང་དུ་གྱུར་བའིོ་མིག་དབང་གིས་མཐོང་ན་སྙམ། གཞན་དབང་དུ་གྱུར་བའི་དཔུང་རོགས་ཀྱིས་ཕན་ན་འདོད། ད་དུང་། འཛམ་གླིང་གི་རྒྱུ་འབྲས་བློ་མིག་ལྡན་པའི་མི་རྣམས་ཀྱིས་མཉམ་རུབ་ཀྱིས་ལག་གདང་སྦྲེལ་ཏེ། རྒྱུ་འབྲས་སྣོག་པའི་ལོག་སྤྱོད་རྣམས་ཐེར་འདོན་དང་། མི་ཀུན་གྱི་དཀའ་སྡུག་སེལ་བ། ཚེ་སྲོག་ཀུན་གྱི་རང་དབང་དང་འདྲ་མཉམ། བརྩི་བཀུར་དབང་ཆ་ལོངས་སུ་སྤྱོད་ཐུབ་པའི་རེ་འདུན་བྱེད།

གལ་ཆེན་པོ་གཞན་ཞིག་ནི། ང་ཚོས་མཐའ་ཡས་བའི་མུན་པའི་ཀློང་ནས་ཀྱང་ཁྱེད་ཅག་གིས་བསྲིང་བའི་ཕྱག་ཟུང་གི་དྲོད་ཁོལ་དེ་མྱོང་བཞིན་ཡོད། དེ་ན་ང་རང་གིས་སྙིང་ཐག་པ་ནས་ང་ལ་རྒྱལ་སྤྱིའི་བུད་མེད་སྙིང་སྟོབས་ཅན་གྱི་གཟེངས་རྟགས་འདི་གནང་བར་ཐུགས་རྗེ་ཆེ་ཞུ་བ་དང་སྦྲགས། གཟེངས་རྟགས་འདི་ནི་འབར་བཞིན་པའི་བོད་ལ་ཐུགས་ཁུར་ཟབ་བཞེས་གནང་བར་འདོད། དྲང་མོར་བཤད་ན། བར་སྐབས་འདིར་ངས་ཆེས་བཤད་ན་འདོད་པའི་སྐད་ཆ་དེ་ནི་ “གཟེངས་རྟགས་འདི་ནི་ངས་མེར་སྲེག་མཁན་གྱི་དཔའ་བོ་དཔའ་མོ་ཚོར་ཕུལ་བ་ཡིན། ”ཞེས་པ་འདི་ཡིན།

མ་རྩོམ་གྱི་འབྲེལ་ཐག  http://woeser.middle-way.net/2013/03/blog-post_12.html

འབྲེལ་ཡོད་གསར་འགྱུར།

Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

ཆུ་ཚོད་ ༡༧ སྔོན་ལ།
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

ཆུ་ཚོད་ ༡༨ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༡༩ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠

མཆན། 5

  1. མྱི་དཀར says:
    ལོ་ 12 སྔོན།

    ཡོད་ཚད་གཞན་དབང་དུ་གྱུར་ཡོད་ཀྱང་ཡོད་ཚད་མི་རིགས་ལ་འཕོས་བའི་དཔའ་མཛངས་ལྡན་བའི་འོད་ཟེར་ཁྱོད་ཀྱིས་ང་ཚོ་ལ་བཅང་བའི་ལྷག་བསམ་གྱི་གཤོག་ཟུང་གནམ་འཕང་ན་གཅོད་བཞིན། ཁྱོད་དང་ཁྱོད་ལྟ་བའི་མཛངས་མ་ཞིག་ང་ཚོ་ལ་ཅི་ཞིག་དུ་དཀོན་པ་ཡིན་ནམ། ་

    Reply
  2. འཇམ་གཅེས ། says:
    ལོ་ 12 སྔོན།

    མཛངས་ཁྱེད་ཀྱི་ལོ་རྒྱུས་ཡང་གསེར་ཡིག་ཏུ་འབྲི་འོས་ངེས་རེད་་་་་་་་་་་་དཔའ་མོ་ལགས་་རིགས་བཟང་མ་་་རིགས་རྒོད་པ་མ་་་་་་་་ངོ་མ་་་ཁྱེད་ནི་གངས་ཅན་པའི་གཟི་བརྗིད་མིན་ན་གང་ཡིན་་་་་་་་་་

    Reply
  3. སྲས་ལྡན་མ་རྩེ་མང་། says:
    ལོ་ 12 སྔོན།

    བྱ་དགའ་འདི་མེར་སྒྲོན་པའི་དཔའ་བོ་ཚོར་ཕུལ་བར་ཐུགས་རྗེ་ཆེ།
    འཛམ་གླིང་གིས་བོད་གླེང་བཞིན་པ་དང་། ཤར་ནུབ་ཀུན་ཏུ་མེ་དཔུང་ཁྲོད་བོད་འབར་བཞིན་པ། བོད་དེ་འཛམ་གླིང་གི་བརྒྱུད་ལམ་ན་གྲགས་བཞིན་པའི་འཐབ་རྩོད་ནང་། རླབས་ཆེན་གྱི་གསེར་ཡིག་ནང་བོད་འགོད་གནང་མཛད་པར་སྙིང་ནས་གུས་འདུད་ཞུ།
    དཔའ་མོ་ཁྱོད་ལོ་རྒྱུས་དང་ངས་ནམ་ཡང་བརྗེད་མི་སྲིད།

    Reply
  4. ཨ་འདུས་མིག་ཆུ། says:
    ལོ་ 12 སྔོན།

    མི་རིགས་ཀྱི་དཔའ་བོ་དང་མི་རིགས་ཀྱི་དཔའ་མོ་རྣམས་འདི་ལྟར་བརྟན་བརླིང་གིས་ཡོད་ལ། མི་རིགས་ཀྱི་ཤེས་ཡོན་པ་འདི་ལྟར་འགན་འཁྲིའི་འདུ་ཤེས་ཤིག་སྙིང་ལ་བཅངས་ནས། ཤེས་ཡོན་པ་ཞིག་ལ་ཚང་དགོས་པའི་དཔྱོད་ཤེས་བསམ་བློ་དང་། བྱ་བྱེད་འཇོན་ནུས། ཀུན་སྤྱོད་གཤིས་རྒྱུད་ཀྱི་ལམ་ནས་མི་རིགས་ཀྱི་བདེན་པ་རྩོད་ཅིང་། རང་དབང་གི་མཁའ་ལམ་སྙེག་འདོད་ཀྱི་རེ་བ་སྙིང་ལ་བསྐྱིལ་ནས་ཡོད་པ་རེད།

    དུས་ནམ་ཡང་མི་རིགས་ཀྱི་རྒྱལ་ཞེན་པ་དང་། རྒྱལ་ཁབ་ཀྱི་རྩ་དོན་ལ་མོས་པའི་མི་བུ་འདི་དག་འདི་ལྟར། ནང་ཁུལ་ལ་དགོས་མེད་ཀྱི་རྩོད་པ་རང་གནོད་ཀྱི་དུག་རྩྭ་བཞིན་དུ་བལྟས་ཤིང་། ཤེས་ཡོན་པས་བྱེད་དུས་ཀྱི་ཐབས་ལམ་སྤྱད་དེ། ནམ་ཡང་གཞན་གྱི་རྐང་འོག་ལ་རང་ཉིད་ཀྱི་མགོ་བོ་མི་འཇོག་པའི་དམ་བཅའ་ཞིག་བཟུང་ནས་ཡོད་ཡོད་པ་རེད།

    མི་རིགས་ཀྱི་ཤེས་ཡོན་ཅན་གྱིས་མི་རིགས་ཀྱི་བདེ་སྡུག་ལ་ལྟ་ཞིང་། མི་རིགས་ཀྱི་ཤེས་ཡོན་ཅན་གྱིས་མི་རིགས་ཀྱི་གནས་བབས་ལ་གཟིགས་པའི་དབང་གིས་ནམ་ཡང་མི་རིགས་ཀྱི་ཤེས་ཡོན་པ་ནི། འཛམ་གླིང་གི་མཐོ་ས་ན་ཉི་འོད་བཞིན་འཚེར་ནས་ཡོད་པ་རེད་ལ། མུན་ནག་གི་མཚན་ལྗོངས་སུ་ཟླ་བ་འཆར་འོང་བ་རེད།

    ཚེ་རིང་འོད་ཟེར་གྱི་སྙིང་སྟོབས་དང་། ཚེ་རིང་འོད་ཟེར་གྱི་ཀུན་སྤྱོད་གཤིས་རྒྱུད་ནམ་ཡང་འདི་ལྟར་འགྲོ་བཞིན་ཡོད་ལ། ཚེ་རིང་འོད་ཟེར་དང་ཚེ་རིང་འོད་ཟེར་འདྲ་བའི་རླབས་ཆེན་གྱི་སྐྱེས་བུ་མང་མང་ཞིག་ནམ་ཡང་མི་རིགས་དང་མི་རིགས་ཀྱི་བདེ་སྡུག་སླད་དུ་མིག་མ་བཙུམ་ཞིང་། ཤེས་རབ་ཀྱི་རྣོ་ཁ་སྒེར་གཅོད་པའི་ཕྱོགས་ལ་ནམ་ཡང་གཏད་ནས་ཡོད་ཡོད་པ་རེད། བཀའ་དྲིན་ཆེ།

    Reply
  5. རྨེའུ་དཀོན་རྒྱམ། says:
    ལོ་ 12 སྔོན།

    ཐུགས་རྗེ་ཆེ།
    བོད་ཀྱི་མཛངས་མ་ལགས
    བསྒྱུར་མཁན་ལོ་མ་རྒྱལ་ལའང་བཀའ་དྲིན་ཆེ་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese