སེམས་ཀྱི་དབུགས་ཤིག་འཕུད་པ།

སེམས་ནས་རྙེད་པའི་རིགས་ལམ་ཕྲ་མོ།།
མི་ཡིས་བཞག་ཕའི་དྲན་ཤིང་ལྕི་མོ།།
རྩ་ལ་འཐིམ་པའི་སྲེད་པ་ཞིག་གིས།།
གར་འགྲོ་གར་གནས་རྗེས་འདེད་གཏོང་གི །

ཁ་ལ་སྐྱེ་བའི་སོ་ཚགས་དམ་པོ།།
མགོ་ལ་སྐྱེ་བའི་སྐྲ་ལོ་ནག་པོ།།
སྒྱུ་མའི་ཤུགས་ཀྱིས་བཙུར་ནས་འོང་དུས།།
རུས་ཚིགས་སྐམ་པོ་ཁྲོག་སྒྲ་གྲགས་ཀི།

སྐྱེ་ནས་ལྷན་དུ་འགྲོགས་པའི་ཚོར་བ།།
ཤི་དུས་འཁྱེར་དབང་བྲལ་བའི་ལུས་པོ།།
གཡོག་ལས་སྟོང་གི་ཁྲིམས་ཆད་ཁུར་དུས།།
མི་རྟག་གཤིས་ལ་སྐྱ་འདོག་ཤར་སོང་།།

དགའ་དུས་དགོད་པའི་འཛུམ་གྱི་ལྕི་མོ།།
སྡུག་དུས་སྐྱོ་བའི་གདོང་གི་ཚེར་མ།།
མྱི་འཔག་གཅིག་གིས་བཙན་དབང་བཏང་རྗེས།།
མྱི་གཤིས་རློམ་པ་ན་ཟུག་སྐྱེ་བྱེད།།

དད་ན་འདྲེ་ཡང་གྲོགས་སུ་འདུ་བ།།
དམོད་ན་ལྷ་ཡང་དགྲ་རུ་ཤར་བ།།
འཇིག་རྟེན་རྨོངས་པའི་གླེན་གཤིས་ཤིག་གིས།།
མུན་ནག་ཁྲོད་ནས་མུུན་སར་བསྒྱུར་ཡོད།།

རྩ་མཆོག་གྲོང་ནས་8/5/13 ལ།

ཡག་རྒྱུ་མེད་ལ་གཙོག་རྒྱུ་ཡང་མེད