ཁ་སང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་དྲུག་པའི་ཉིན་དང་པོར་མང་མོས་ཐོག་ཚོགས་པའི་རང་བཙན་ལངས་ཕྱོགས་དབུ་མའི་ལམ་ལ་འགྱུར་བ་བཏང་ཡོད་འདུག
ཁ་སང་ངྷ་ས་སྟོད་པ་སྐྱིད་སྡུག་ཚོགས་ཁང་དུ་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཉིན་གསུམ་རིང་གི་ཚོགས་ཆེན་ཐེངས་དྲུག་པ་མགོ་འཛུགས་གནང་ཡོད་པ་དང་། ཉིན་དང་པོའི་སྒྲིག་གཞི་བསྐྱར་བཅོས་ཀྱི་ལས་རིམ་སྐབས། དེ་སྔའི་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་རང་བཙན་ལངས་ཕྱོགས་ལ་འགྱུར་བ་བཏང་སྟེ་དབུ་མའི་ལམ་དུ་བསྐྱོད་རྒྱུར་མང་མོས་གཏན་འབེབས་ཐག་གཅོད་བྱུང་ཡོད་འདུག
དེའི་ཐད་ཚོགས་གཞོན་ཀླུ་མཁར་བྱམས་ལགས་སུ་བཅར་འདྲི་ཞུས་པར་ཁོང་གིས། ད་རེབ་ཚོགས་ཆེན་སྟེང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ལངས་ཕྱོགས་དེ་མང་མོས་ཐོག་ནས་དབུ་མའི་ལམ་ལ་ཐག་གཅོད་བྱུང་བ་དངོས་ཡོད་རེད། ང་རང་གི་བསམ་ཚུལ་བྱས་ན། གཙོ་བོ་༧གོང་ས་མཆོག་གིས་དེ་སྔོན་ཐེངས་ཁ་ཤས་ལ་དབུ་མའི་ལམ་གྱི་ཐོག་ལ་བཀའ་སློབ་གནང་བ་དང་། ལྷག་པར་དུ་ཉེ་ཆར་༸གོང་ས་མཆོག་གིས་ཁོང་སྐུ་འཚོ་བཞུགས་རིང་དབུ་མའི་ལམ་གྱི་ཐོག་ནས་བོད་དོན་བདེན་མཐའ་སེལ་ཐུབ་པའི་བཀའ་ཕེབས་པ་དེ་ཚོ་ད་རེབ་ཚོགས་མི་ཚོས་བསམ་བློའི་གཞི་འཇོག་ས་གཙོ་བོ་ཞིག་ཆགས་ཡོད་པ་རེད་དྲན་གྱི་འདུག ཁོང་སྐུ་འཚོ་བཞུགས་ཀྱི་སྐབས་སུ་དབུ་མའི་ལམ་གྱིས་བོད་དོན་བདེན་མཐའ་སེལ་ཐུབ་ཀྱི་ཡོད་ན་ང་ཚོའི་ངོས་ནས་༸སྐྱབས་མགོན་ཪིན་པོ་ཆེར་བརྟན་བཞུགས་དང་རྒྱལ་བ་དགྱེས་པའི་མཆོད་པ་ལྟ་བུའི་ཚུལ་དུ་ཚོགས་པའི་ལངས་ཕྱོགས་ལ་འགྱུར་བ་བཏང་བ་ཞིག་ཆགས་ཡོད་པ་རེད་དྲན་ཡོད་ཅེས་བརྗོད་བྱུང་།
ཁོང་གིས་མུ་མཐུད་དུ་བརྗོད་རྒྱུར། འདི་ནས་གསལ་བོར་ཞུ་རྒྱུ་ཞིག་ལ། དགུ་བཅུ་གསུམ་གྱི་ཚོགས་མིའི་ཆ་རྐྱེན་ནང་ཆབ་སྲིད་བཙོན་ཟུར་དང་དེ་དང་འབྲེལ་ཆགས་ཡིན་དགོས་པ་གཙོ་བོ་རེད་མ་གཏོགས། ཆབ་སྲིད་ཀྱི་ལངས་ཕྱོགས་རང་བཙན་དང་དབུ་མ། རང་ཐག་རང་གཅོད་སོགས་གང་ཡིན་ཡང་ཡོང་ཆོག་གི་ཡོད་པ་རེད། དགུ་བཅུ་གསུམ་ཚོགས་པ་རང་གི་ངོས་ནས་བཤད་པ་ཡིན་ན། ཆབ་སྲིད་ཀྱི་ལྟ་བ་ལངས་ཕྱོགས་དེ་འདྲའི་གལ་ཆེན་པོ་ཞིག་མ་རེད། གལ་ཆེ་ཤོས་དེ་བོད་ནང་རང་བཙན་གྱི་ཆེད་དུ་བཙོན་ཁང་ལ་སོང་བ་དང་ལམ་དབུ་མའི་ལམ་གྱི་ཆེད་བཙོན་ཁང་ལ་སོང་བ་སོགས་མནར་གཅོད་མྱངས་བའི་ཆབ་སྲིད་བཙོན་པ་ཆ་ཚང་ལ་རྒྱབ་སྐྱོར་དང་རོགས་རམ་གནང་རྒྱུ་དེ་རེད། དེར་བརྟེན། ད་རེབ་ཀྱི་འགྱུར་བ་དེ་ཚོགས་པ་ལ་དོ་ཕོག་འགྲོ་བའི་གནས་སྟངས་གང་ཡང་མེད། ཅེས་བརྗོད་སོང་།
གསར་འགོད་པ། པདྨ་མཚོ།
ཆབ་བྲག་ལྷ་མོ་སྐྱབས་ཞེས་པ་དེ་དགེ་རྒན་ཞིག་ཡིན་པ་གོ་ཐོས་བྱུང་་་ཕལ་ཆེར་སྤྱི་འཐུས་ཞིག་ཀྱང་ཡིན་ས་ཡོད། བཀའ་མོལ་གསུངས་སྟངས་ལ་ལྟས་ན་བོད་སྤྱི་པའི་བདེན་དོན་འཐབ་བརྩོད་ཆེད་དུ་ཆབ་སྲིད་ཀྱི་གོ་རྟོགས་རྩ་བ་ནས་མེད་པ་ཞིག་རེད་འདུག་་་་ཡིན་ན་ཡང་རང་ཉིད་ཀྱི་ཆེད་དུ་ཆབ་སྲིད་ཤེས་པ་ལྟ་བུ་ཞིག་འདུག་་་་དེས་ཕན་གྱི་ཡོད་དང་གནོད་ཀྱི་ཡོད་ཧ་གོ་མ་སོང་།
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་དྲུག་པའི་ཉིན་དང་པོར་མང་མོས་ཐོག་ཚོགས་པའི་རང་བཙན་ལངས་ཕྱོགས་ནས། དབུ་མའི་ལམ་ལ་འགྱུར་བ་བཏང་ཡོད་པ་ཤིནད་ཏུ་ལེགས།
ཀླུ་མཁར་བྱམས་ལགས་ཀྱིས་ལན་ཡག་པོ་བཏབ་འདུག དགུ་བཅུ་གསུམ་གྱི་ཚོགས་མི་དེ་ཆབ་སྲིད་བཙོན་མ་སོགས་ཡིན་ལ་ལྟ་སྤྱོད་ཀྱང་མི་འདྲ་བ་ཡོད་པས་ཚོགས་པའི་ལྟ་བ་ཕྱོག་སགཅིག་མཁྲེགས་འཛིན་མ་གནང་བར་མང་མོས་གདམ་ག་གནང་བ་འདི་དོན་ངོ་མའི་དམངས་གཙོའི་ཚོགས་པ་ཞིག་གི་སྲོལ་བཟང་རེད། དེ་བཞིན་གཞོན་ནུ་ཚོགས་པ་དང་ལྟ་བ་གང་ཡིན་ངེས་པ་མེད་པའི་ཚོགས་པ་གཞན་དག་གིས་ཀྱང་འདི་ལ་མིག་དཔེ་བལྟ་འོས་སོ།
༢༠༡༣.༩.༢༨ཕྱི་དྲོའི་དུས་ཚོད་གཉིས་དང་བྱེད་ཀ་ཡས་མས་ཞིག་གི་སྟེང་།རྔ་ཡུལ་སྒོ་མང་དགོན་ལྷ་སྡེ་མཐའ་བ་ཧི་ར་མའི་སྐལ་ལྡན་སང་གི་བུ་མོ་བ་ལོའི་ཁྱོ་ག་མིང་ལ་ཞི་ཆུང་ལོ་ཞེ་གཅིག་ཅན་གྱིས་རྒྱ་ནག་ལ་ཞི་བའི་ངོ་རྒ྄ོལ་གྱིས་སྐད་འབོད་བྱས་ཏེ་རང་ལུས་མེར་བསྲེག་ཏེ་ཚེ་ལས་འདས་སོང་། སྐུ་ཕུང་རྒྱ་ནག་གིས་བཙན་གྱིས་ཁྱེར་འདུག ཁོང་བཟའ་ཟླ་གཉིས་ཀྱི་བུ་མོ་ཆེ་བའི་མིང་ལ་ཚེ་པོ་ལོ་བཅོ་བརྒྱད་རེད། བུ་ཆུང་བའི་ལོ་བཅུ་བཞི་མིང་ལ་ཕུན་ཚོགས་ཟེར། གདུང་སེམས་ཉམས་བསྐྱེད་ཀྱིས་མ་ཎི་བསྔོ་སྨོན་གསུངས་རོགས། དྲ་ལམ་ཕན་ཚུན་ལ་བརྒྱུད་སྒྲོག་གནང་རོགས།
ཧ་ཅང་དུས་ལ་བབ་པའི་བསྒྱུར་བཅོས་གལ་ཆེན་པོ་ཞིག་རེད།
བོད་ཀྱི་དགུ་བཅུ་གསུམ་ལས་འགུལ་ཚོགས་པས་རང་བཙན་ལངས་ཕྱོགས་ལ་འགྱུར་བ་བཏང་སྟེ་དབུ་མའི་ལམ་ལ་བསྐྱོད་རྒྱུའི་ཐག་གཅོད་བྱུང་བར་སྔགས་བརྗོད་ཡོད། མང་གཙོའི་ལུང་པར་ལྟ་གྲུབ་འདྲ་མིན་དགོས་ཟེར་གྱི་ཡོད་པ་དེ་རྒྱལ་ཁབ་རང་བཙན་ཡོད་མཁན་དག་གི་བཤད་སྟངས་ཤིག་རེད། ང་ཚོ་མིའི་ལུང་པར་སྐྱབས་བཅོལ་དུ་བསྡད་ཡོད་པའི་སྤྱི་ཚོགས་ཆུང་ཆུང་ཞིག་ལ་མཚོན་ན་མགོ་ཁྲིད་གཅིག་དང་ལངས་ཕྱོགས་གཅིག འབོད་སྒྲ་གཅིག་བཅས་ཀྱི་ཐོག་ཕྱིན་ན་དེ་ནི་སྟོབས་ཤུགས་ཡིན།