ཤེས་རིག་དྲུང་ཆེ་མ་སུ་རི་གཏན་སློབ་ཏུ་གཟིགས་སྐོར་གནང་སྟེ་དགེ་ལས་སློབ་ཕྲུག་ཚོར་གཏམ་བཤད་དང་བསམ་འཆར་བརྗེ་ལེན་གནང་ཡོད་པ་མ་ཟད། ད་རེབ་བདུན་ཕྲག་གཅིག་ནང་ཚུན་དུ་མ་སུ་རི་གཏན་སློབ་གྱི་བྱུང་སོང་རྩིས་ཁྲ་གཙང་མ་བཟོ་དགོས་པའི་ལམ་སྟོན་གནང་ཡོད་འདུག
ཚེ་རིང་ལྷ་མོ་ལགས་ཀྱིས་གནས་ཚུལ་བཏང་འབྱོར་ལྟར་ན། ཟླ་འདིའི་ཚེས་ ༦ ཉིན་ནས་བཟུང་བོད་མིའི་སྒྲིག་འཛུགས་ཤེས་རིག་དྲུང་ཆེ་དངོས་གྲུབ་ཚེ་རིང་ལགས་ཀྱིས་མ་སུ་རི་གཏན་སློབ་ཏུ་གཟིགས་སྐོར་གནང་ཡོད་པ་དང་། ཚེས་ ༧ ཉིན་གྱི་ཞོགས་པར་སློབ་གྲྭ་དེ་གའི་དགེ་ལས་སློབ་ཕྲུག་ཡོངས་འདུ་འཛོམས་ཐོག་གསུང་བཤད་གནང་བའི་ནང་དོན་གཙོ་བོ་ནི། མ་སུ་རི་སློབ་གྲྭ་ནི་གཏན་སློབ་གྲྭ་ཁག་ནས་སློབ་གྲྭ་ཨང་དང་པོ་དེ་ཆགས་ཡོད་པ་དང་། ༸གོང་ས་མཆོག་དང་སྐབས་དེའི་རྒྱ་གར་གྱི་སྲིད་བློན་ནའེ་རུ་མཆོག་གི་རླབས་ཆེའི་དགོངས་གཞིའི་འོག་སློབ་གྲྭ་དེ་དབུ་འཛུགས་གནང་བ། དེ་བཞིན། རྒྱ་གར་དགེ་རྒན་རྣམས་ཀྱིས་ད་བར་སྐུ་ལས་མང་པོ་བསྐྱོན་པར་བསྔགས་བརྗོད་དང་། ད་ལྟའི་སློབ་སྤྱི་ལྕམ་སྐུ་ཨ་ནི་ཏ་ན་རུ་ལ་ལགས་ཀྱི་མཛད་རྗེས་ལ་བསྟོད་བསྔགས་བཅས་གནང་ཡོད་འདུག དེའི་རྗེས་ཁོང་གིས་འཛིན་ཁང་སོ་སོར་གཟིགས་ཞིབ་གནང་ཡོད་འདུག
ཕྱི་དྲོར་འཛིན་རིམ་དྲུག་པ་ཡན་ནས་འཛིན་རིམ་བཅུ་གཉིས་བར་གྱི་སློབ་ཕྲུག་ཚོར་གསུང་བཤད་དང་། སློབ་ཕྲུག་ཚོའི་བསམ་འཆར་ལ་གསན་ཡོད་འདུག དེའི་རྗེས་ཆུ་ཚོད་ ༣།༣༠ ཙམ་ལ་རྒྱ་གར་དང་བོད་རིགས་དགེ་ལས་ཡོངས་ལ་གསུང་བཤད་གནང་ཡོད་པ་དང་། དེའི་རྗེས་བོད་རིགས་དགེ་ལས་ཁེ་གཙང་ལ་གསུང་བཤད་ལམ་སྟོན་དང་། དགོངས་འཆར་བརྗེ་རེས་གནང་ཡོད་འདུག ཚོགས་འདུའི་ཐག་གཅོད་གཙོ་བོ་ཞིག་ནི། ད་རེབ་བདུན་ཕྲག་གཅིག་ནང་མ་སུ་རི་སློབ་གྲྭའི་དངུལ་གྱི་འབྱུང་སོང་རྩིས་ཁྲ་ཁ་གསལ་བཟོ་དགོས་པ་དེ་ཡིན་འདུག
ཐེངས་འདི་ནི་དགུ་བཅུ་གོ་གྲངས་རྗེས་ཀྱི་ཤེས་རིག་ལས་ཁུངས་ཀྱི་གནད་ཡོད་མི་སྣས་མ་སུ་རི་གཏན་སློབ་ནང་གཟིགས་ཞིབ་དང་གསུང་བཤད་གནང་བ་ཐོག་མ་དེ་ཆགས་ཡོད་འདུག
ཚོགས་པ་ཁག་ལ་རྩིས་ཞིབ་ལ་དོ་སྣང་མ་གནང་ཚེ།
ང་ཚོའི་ཚོགས་པ་འདི་ཚོ་ཡང་རྒྱ་གར་གྱི་སྤྱི་ཚོགས་དང་འདྲ་པོ་ཆགས་ཡ་རེད་འདུག
ད་རེབ་མ་རེད། ད་རེས་རེད།
བཙན་བྱོལ་སྤྱི་ཚོགས་ནང་གི་ཚོགས་པ་དང་སློབ་གྲྭ་ཁག་གི་རྩིས་ཁྲ་ལོ་རེརེ་གཙང་མ་བཟོ་ཡ་ནི་གལ་ཆེན་ཞིག་རེད་འདུག
སློབ་གྲྭ་ཁག་དང། ཚོགས་པ་ཁག་ལ་རྩིས་ཞིབ་དང་དོ་སྣང་མ་གནང་ཚེ་དེང་སང་ང་ཚོའི་ཚོགས་པ་འདི་ཚོ་ཡང་རྒྱ་གར་གྱི་སྤྱི་ཚོགས་དང་འདྲ་པོ་ཆགས་འདུག
དངོས་གནས་བྱས་ན་དབུས་ནས་གནད་ཡོད་མི་སྣ་ས་གནས་ལ་ཕེབས་ཀྱི་ཡོད་དུས་ལས་བསྡོམས་ཤིག་དང་རྩིས་ཁྲ་སྙན་གསེང་ཞུ་དགོས་པ་འགྲོ་སྟངས་རེད། དེ་འདྲ་གནང་མེད་པར་གཞིགས་ན་དྲུང་ཆེ་མཆོག་གིས་རྩིས་ཁྲ་གཙང་མ་བཟོ་དགོས་པའི་བཀའ་རྒྱ་ཕེབས་པར་གནད་འགག་ཅིག་ཡོད་པའི་རྟགས་རེད། རྩ་བའི་སློབ་སྦྱོང་གི་ཐད་ནས་མ་སུ་རི་སློབ་གྲྭ་ཧ་ཅང་ཡག་པོ་ཡོད། དེ་ལ་བསྔགས་བརྗོད་ཞུ་རྒྱུ་ཡིན། བཀྲ་ཤིས་བདེ་ལེགས།