ཨ་དཀོན་རིན་པོ་ཆེ་སྐུ་བཀྲོངས་པ།

བཙན་བྱོལ་སྤྱི་ཚོགས་ནང་གི་སྨྱུག་འཛིན་པ་དེ་དག་ལ་བཞད་གད་ཤོར་རྒྱུ་ལས་མ་འདས། རྒྱུ་མཚན་ནི་དེ་སྔོན་ཨ་དཀོན་རིན་པོ་ཆེར་སྐྱོད་བརྗོད་དུ་མ་ཞིག་གསར་ཤོག་དང་ངོ་དེབ་སོགས་སུ་སྤེལ་གནང་སོང་། དཔེ་མཚོན་ཙམ་ཞུས་པ་ཡིན་ན། ཨ་དཀོན་སྤྲུལ་སྐུས་རྒྱ་ནག་གཞུང་དང་ངན་འབྲེལ་བྱས་ཀྱི་ཡོད་རབ་དང་པཎ་ཆེན་རྒྱལ་མཚན་ནོར་བུར་མཇལ་བཅར་དང་མཇལ་དར་ཕུལ་སྐབས་ཀྱི་འདྲ་པར་སོགས་མང་དག་ཞིག་སྤེལ་གནང་སོང་། སྐབས་དེར་ཚང་མས་སྐྱོན་བརྗོད་ལས་མ་འདས། ཡང་ད་ལྟའི་སྐབས་སུ་ཚང་མས་ཁོང་རླབས་ཆེན་གྱི་མི་སྣ་ཞིག་ལ་ངོས་འཛིན་བྱེད་ཚར་འདུག ཡིན་ནའང་ད་ལྟའི་སྐབས་སུ་ཁྱེད་རྣམ་པའི་ཁོང་ལ་བསྔགས་བརྗོད་གནང་འདུག་པར་ཐུགས་རྗེ་ཆེ་ཞུ།

གང་ལྟར་ལྷག་བསམ་ལྡན་པའི་བོད་ཀྱི་སེར་སྐྱ་མི་དམངས་ཡོངས་ནས། ཤིན་ཏུ་ནས་ཡོད་སྐྱོ་དགོས་པའི་ཨ་དཀོན་རིན་པོ་ཆེ་སྐུ་བཀྲོངས་པའི་གནས་ཚུས་དེར་རྒྱ་བཤད་སྟོང་བཤད་ག་ཚོད་བྱས་ཀྱང་ཚར་ཟིན་པའི་གནས་ཚུལ་ཞིག་རེད། ཁ་སང་འཇུས་པའི་ཉེས་ཅན་ལག་དམར་བ་ཚོས་ཁས་ལེན་ནའང་འདྲ། དེ་མ་ཡིན་པའི་ཉེས་ཅན་པ་གཞན་ཞིག་ནའང་ཆོག མདོར་ན་ཡིད་སྐྱོ་དགོས་པའི་གནས་ཚུལ་འདི་ལ་སྐྱར་ལོག་བྱེད་རྒྱུར་མེད་ལ་། ཕྱིན་ཆད་ཀྱང་འདི་ལྟ་བུའི་བོད་སྤྱི་པའི་དོན་དང་། ཉམ་ཐག་མང་པོར་ཕན་ཐོགས་པའི་རླབས་ཆེན་གནད་ཡོད་མི་སྣ་དང་། དེ་བཞིན་ཚད་ལྡན་གྱི་མཁས་པ་དང་། གནས་སྟངས་མགོ་ཚུད་པའི་མི་སྣ་དེ་ཚོ་བོད་པའི་སྤྱི་ཚོགས་ནང་ལ། དེ་ཙམ་དུ་བདེ་པོར་སྡོད་མི་ཐུབ་པའི་གནས་ཚུལ་འདི་ཡ་མཚན་རེད་། དཔེར་ན་ཚ་བ་འདམ་སྨྱུག་ཀྱང་ག་སོང་ཆགས་གྱུར་པ་དེ་ཡང་ཁྱད་མཚར་རེད། དེ་བས་ཡིད་ལ་ངེས་པར་དུ་འཇགས་དགོས་པ་ཞིག་ལ། ཕྱིན་ཆད་གནད་ཡོད་མི་སྣ་ཚོས་ཡིད་གཟབ་མ་བྱས་ན། དགྲ་ཕྱི་ལ་ཡོད་དམ་ནང་ལ་ཡོད་བཤད་ཚོད་མ་ཐེབས་ཤིང་། དེའི་ཕྱིར་ངས་དྲ་ཐོགས་འདིའི་བརྒྱུད་ནས་རླབས་ཆེན་གྱི་མི་སྣ་ཚོར་རེ་སྐུལ་ཞུ་རྒྱུ་ཞིག་ལ། ཡིད་གཟབ་གྱིས་ཞུ་རྒྱུ་དེ་རང་ཡིན། ཅི་ཕྱིར་ཞེ་ན་མི་སུ་ཞིག་ཡིན་ནའང་བསད་ཚུར་དུས། གནས་ཚུལ་ཡོངས་སུ་རྫོགས་པའི་ལོ་རྒྱུས་ཙམ་རེད། གསོད་པོ་ཆེ་ཆུང་དང་བཟང་ངན་། དེ་བཞིན་ལག་དམར་ཡིན་ཞེས་སྨད་ནའང་མི་གནད་ལ་། མདོར་ན་ཅི་ཡང་མི་ཕན་པའི་གནས་ཚུལ་ཞིག་གྱུར་ཚུར་རེད། མ་ཟད་ཨ་ཀོང་་རིན་པོ་ཆེའི་ཆོས་ཚོགས་དང་། དད་ལྡན་སློབ་མ་རྣམས་ཀྱིས་རིན་པོ་ཆེའི་མཛད་པ་དེ་མུ་མཐུད་ནས་རྒྱུན་བསྲིང་བྱེད་རྒྱུ་གལ་ཆེན་པོ་རེད།

བོད་ནང་དུ་འའདི་ལྟ་བུ་མཛད་རྗེས་འཇོག་མཁན་ཁོང་ལྟ་བུ་ང་ཚོ་བོད་པས་ནམ་ཡང་གསོད་ཀྱི་མ་རེད་སྙམ། ངའི་བསམ་བློར་དེ་ནི་རྒྱ་དམར་གྱི་གཡོ་སྒྱུ་རང་རེད་འདུག

ཨ་དཀོན་མ་རེད། ཨ་ཀོང་རེད།

ཡིད་སྐྱོའི་གནས་ཚུལ། འཛམ་གླིང་རོགས་པ་ཚོགས་པའི་ཚོགས་གཙོ་ཨ་ཀོང་རིན་པོ་ཆེ་ཉེ་ཆར་བོད་ནང་ནས་བོད་མི་གསུམ་ནས་སྐུ་དཀྲོངས་པ་འཛམ་གླིང་ནང་དེ་ལས་ཁྱབ་ཆེ་བ་མེད་པའི་བྷིས་བྷིས་སིས་ BBC གསར་ཁང་ནས་བོད་ཀྱི་ནང་པ་དང་བླ་མ་ཅེས་པ་མིང་གསལ་པོ་བཀོད་པའི་གནས་ཚུལ་ཐད་གཏོང་བྱས་འདུག དེ་ནི་ང་ཚོའི་བོད་ཀྱི་སྐྱོ་གདུང་དང་། དྲིན་ལན་ལོག་འཇལ་དང་། བོད་ཀྱི་ནང་པའི་གདོང་པ་རྒྱལ་སྤྱིའི་སྟེང་ཆུ་ལ་གཡུགས་པ་སོགས་ཧ་ཅང་ངོ་ཚ་དང་སེམས་ཕམ་དང་གྱོང་གུད་ཀྱི་གསར་འགྱུར་དང་གནས་ཚུལ་ཐོན་འདུག།http://www.bbc.co.uk/news/uk-scotland-south-scotland-24449692 Eskdalemuir monastery founder Akong Rinpoche reported killed
48 minutes ago
Akong Rinpoche founded the Samye Ling Tibetan centre and monastery in 1967
It is being claimed the founder of a south of Scotland monastery has been killed in south west China.

Akong Rinpoche set up the Samye Ling Tibetan centre at Eskdalemuir in Dumfries and Galloway in 1967.

A statement from his brother, Lama Yeshe Rinpoche, said he had been killed along with another family member and a monk.

He said his body had been taken to hospital where a post mortem examination will be carried out.

A statement on the official website of Tibetan Buddhist leader the Karmapa Lama said he was “shocked” by the news and offered his condolences to his family members and everyone at the monastery.
“I hope that all of his visions and aspirations may continue to be fulfilled,” he added.

ལུང་རྟོགས་ལགས་ཨ་མ་དང་མནའ་མ་ནོར་ཡོང་ངོ་། །བཙན་བྱོལ་ནང་ནས་རྒྱ་བོད་མཉམ་གནས་དགོས་བོད་རང་བཙན་ལབ་མི་ཉན་ངོ་རྒོལ་བྱེད་མི་ཉན་སོགས་མི་ཉན་སྣ་དགུ་བགྲངས་ནས་རྒྱ་ནག་ལ་མགོ་བོ་སྒུར་མཁན་དག་ནི་ཁ་བདེ་ལྕེ་བདེ་མི་མང་མགོ་སྐོར་གཏོང་མཁན་དག་ཡིན་ལ། ཨ་དཀོན་འདྲ་བོ་ཁོང་ནི་ཁ་ཡི་བཤད་པ་གང་ཡང་མེད་པའི་ཐོག་ནས་བོད་མི་རིགས་ལ་སྨིན་པའི་ཕྱག་ལས་ག་ཚོད་གནང་འདུག དེ་གཉིས་ལྕི་ཡངས་གཟིགས་དང་། དེ་གཉིས་གྲུབ་འབྲས་དཔྱོད་དང་། དེ་གཉིས་བོད་མི་རིགས་ལ་ཁ་ཡོད་ལག་ཡོད་སུས་ཕན་འདུག ཁ་ཡི་གང་བྱུང་མཛེས་མཛེས་སྙན་སྙན་བཤད་པས་ད་བར་གྲུབ་འབྲས་གང་བྱུང་འདུག དྲང་པོས་དཔྱད་པ་གནང་དང་མཁྱེན་ངེས་རེད།

བཙན་བྱོལ་ནང་ནས་རྒྱ་གཞུང་ལ་བཏུན་མཁས་བྱེད་མཁན་དེ་དག་དགྲ་རུ་བཟུང་ནས་སྐྱོན་བརྗོད་བྱེད། རྒྱ་ནག་ལ་སོང་ནས་རྒྱ་གཞུང་དང་བཏུན་མཁས་བྱེད་མཁན་དེ་དག་བྱེད་རྗེས་ཅན་ལ་རྩིས་བས་སྔག་བརྗོད་བྱེད། ཧཧཧ དྲ་འབུའི་གཤིས་ཀ་འདི་ནི་ངོ་མ་དགོད་བྲོ་བ་ཞིག་རེད།

ཨ་དཀོན་རིན་པོ་ཆེ་མཆོག

ཨ་མའི་ནུས་རིན་ཕུལ་མཁན་བླ་སྤྲུལ་དཔེ་མེད་ཁྱེད། །
དཀོན་མཆོག་དཔང་བཙུགས་ལས་དོན་ཕ་མཐར་སྐྱོང་མཁས་པ། །
རིན་ཆེན་གླིང་དུ་རིན་མེད་སློབ་ཡོན་གང་མང་གནང་། །
པོ་ཏ་ལ་ཡི་གྲུ་འཛིན་གཉིས་པ་བོད་ལྗོངས་ནས། །
ཆེ་མཆོག་ཁྱེད་དང་བློ་བུར་གྱེས་པ་སེམས་ཕངས་ཆེ། །

༼ ཨ་དཀོན་རིན་པོ་ཆེས་༢༠༠༩ལོར་ཀླུ་ཆུ་རྫོང་བོད་རིགས་སློབ་འབྲིང་དུ་རོགས་སྐྱོར་འཛིན་གྲྭ་རབས་གསུམ་གྱི་སློབ་མ་ཡོངས་ལ་གནང་བའི་གསུང་བཤད། ༽
(གཅིག རང་གི་སྐད་ཡིག་དང་ཆ་ལུགས་སྲུང་འཛིན་བྱ་རྒྱུ་དེ་སོ་སོའི་ལས་འགན་རེད)
དེ་རིང་འདིར་ཡོད་པའི་སློབ་མ་བརྒྱ་དང་ཉི་ཤུ་བོ་འདི་རོགས་པ་ཚོགས་པས་རྒྱབ་ སྐྱོར་བྱེད་པའི་སློབ་མ་རེད། ཁྱོད་ཚོ་སློབ་ཆུང་ནང་དུ་ལོ་དྲུག་དང་། སློབ་འབྲིང་དམའ་རིམ་ནང་དུ་ལོ་གསུམ། སློབ་འབྲིང་མཐོ་རིམ་ནང་ལ་མ་འོངས་པར་ལོ་གསུམ་བཅས་ཁྱོན་བསྡོམས་ལོ་བཅུ་གཉིས་ལ་ རོགས་པ་བྱེད་ཀྱི་ཡོད་པ་རེད། དེའང་ཡོན་ཏན་ཡག་པོ་ཡོད་ཀྱང་ཁྱིམ་གྱི་འབྱོར་བ་ཞན་པ་དེ་འདྲ་ཡོད་ཚེ། སློབ་ཆེན་ནང་ནས་ཀྱང་ལོ་གསུམ་ནས་ལྔ་བར་རོགས་པ་བྱ་རྒྱུའི་འཆར་གཞི་ཡོད་པ་རེད། ལྷག་པར་དུ་བསམ་པ་བཟང་བོ་དང་། ཀུན་སྤྱོད་བཟང་བོ། འབྱོར་བ་དམན་པ། ཤེས་ཡོན་ལ་མོས་པ་ཡོད་པ། རང་གི་ཀླུ་ཆུ་རྫོང་དང་ཀན་ལྷོ་ཁུལ་གཙོས་པའི་རྒྱལ་ཁབ་ལ་ཞབས་འདེགས་ཞུ་འདོད་ ཡོད་པ་ལ་རོགས་པ་བྱ་ངེས་རེད། འོ་ན་ཞབས་འདེགས་དེ་ག་རེ་བཟོ་དགོས་རེད་ཅེ་ན། ང་ཚོ་བོད་རིགས་རེད། འོ་ན་རིགས་ཞེས་པ་དེ་གང་ལ་བལྟ་དགོས་པ་དང་། བོད་ཅེས་པ་དེ་ཅི་ཞིག་ལ་ཟེར་གྱི་ཡོད་པ་རེད། ཁྱོད་བོད་རིགས་ཡིན་ཚེ་ཁྱོད་ལ་ཁྱད་ཆོས་གཞན་ལ་མེད་པ་ཅི་དགོས་པ་རེད་ཅེ་ན། གཙོ་བོ་དེ་སྐད་ལ་ཟེར་གྱི་ཡོད་པ་རེད། དཔེར་ན་རྒྱ་རིགས་ལ་རྒྱ་སྐད་ཡོད་པ་དང་། ཕྱི་རྒྱལ་ལ་དབྱིན་ཇིའི་སྐད་ཡོད་པ་རེད། དེ་ནས་གཉིས་པ་དེ་ག་རེ་རེད་ཅེ་ན། ཡི་གེ་དང་གོན་པ་རེད། རིགས་དེ་ལ་ཁྱད་ཆོས་ཁ་ཁ་སོ་སོ་ཡོད་པ་རེད། དེ་འདྲ་ཡིན་དུས་ཁྱེད་རང་ཚོས་བོད་ཀྱི་གོན་པ་གྱོན་རྒྱུ་དེ་གནད་ཆེན་པོ་རེད། བོད་ཀྱི་གོན་པ་ལ་ཆ་མཚོན་ནའང་། ཨ་མདོ་ལ་ཨ་མདོའི་གོན་པ་དང་། ལྷ་ས་བ་ལ་ལྷ་སའི་གོན་པ། ཁམས་པ་ལ་ཁམས་པའི་གོན་པ་ཡོད་པ་རེད། ཁམས་པ་ལའང་སྡེ་དགེ་དང་ནང་ཆེན་སོགས་ས་ཆ་སོ་སོ་ལ་ཁྱད་ཆོས་ཐུན་མོང་མ་ཡིན་པའི་ གོན་པ་རེ་ཡོད་པ་རེད།
དེ་ནས། མི་དེའི་གཟུགས་མ་མཐོང་ནའང་ཕྱི་ལོགས་ནས་ཁ་གྲགས་འོངས་ན། སྐད་ཀྱི་སྒྲ་གདངས་ཀྱི་ཐོག་ནས་ས་ཆ་གང་ནས་ཡོང་བ་ཧ་གོ་ཐུབ་པའི་སྒྲ་ཁ་ཁ་སོ་སོ་ ཡོད་པ་རེད། དཔེར་ན། ཁྱེད་རང་འདིའི་ནང་ནས་བསྡད་པ་དང་། ཕྱི་རོལ་ནས་མི་ཞིག་གིས་སྐད་ཆ་ཞིག་བཤད་ན། འདི་ལྷ་ས་བ་ཞིག་ཡིན་པ་འདྲ། འདི་སྡེ་དགེ་བ་ཞིག་ཡིན་པ་འདྲ། འདི་ཨ་མདོའི་རྔ་བའི་ཡིན་པ་འདྲ། འདི་ཨ་མདོའི་ཀླུ་ཆུ་ནས་ཡོང་བ་ཞིག་ཡིན་པ་འདྲ་ཞེས་སྐད་ཀྱི་སྒྲ་གདངས་ཁ་ཁ་སོ་ སོ་ཡོད་པ་རེད། དེར་བརྟེན། མིའི་གཟུགས་མཐོང་མི་དགོས་པར་སྒྲ་ལ་བརྟེན་ནས་ཁ་ཁ་སོ་སོ་དབྱེ་ཐུབ་ཀྱི་འདུག ཡང་། སྐད་ཆ་མི་གོ་ཡང་། མི་དེའི་གཟུགས་མཐོང་ཚེ། མི་དེའི་གོན་པ་ལ་བལྟས་ནས་འདི་ས་ཆ་གང་ནས་ཡིན་པ་ཧ་གོ་ཐུབ་རྒྱུ་རེད། དཔེར་ན། ཀན་སུའུ་ལའང་དཔའ་རིས་ཀྱི་གོན་པ་གོན་སྟངས་དང་། ཀན་ལྷོ་ཁུལ་གྱི་གོན་པ་གོན་སྟངས་སོགས་རྫོང་ཁག་སོ་སོ་ལའང་ཁྱད་ཆོས་མི་གཅིག་པ་ ཕྲན་བུ་ཡོད་པ་རེད། དེ་མ་ཟད། བོད་ཀྱི་ས་གནས་མང་བོ་ཞིག་ལ་གོས་གོན་ལུགས་འདྲ་མི་འདྲ་དང་། རྒྱན་ཆ་འདོགས་ལུགས་འདྲ་མི་འདྲ་ཡོད་པ་རེད། དེ་འདྲ་ཡིན་དུས། ཁྱེད་རང་ཚོ་ས་གནས་གང་ནས་ཡོང་བ་ཡིན་ན། ས་ཆ་དེ་གའི་སྐད་དང་། ས་གནས་དེ་གའི་རྒྱན་ཆ་སོགས་སྲུང་སྐྱོབ་བྱ་རྒྱུ་དེ་གནད་ཆེན་པོ་རེད། དཔེར་ན། ས་གནས་དེ་ལ་མེ་ཏོག་མཛེས་པོ་གཞན་ན་མེད་པ་ཞིག་ཡོད་ཚེ། མེ་ཏོག་དེ་སྲུང་སྐྱོབ་བྱ་རྒྱུའི་ལས་འགན་སུ་ལ་ཡོད་པ་རེད་ཅེ་ན། ས་གནས་དེ་གའི་མི་ལ་ཡོད་པ་རེད།
(གཉིས། བོད་ལ་སྤྱི་སྐད་ཆགས་རྒྱུ་དེ་གནད་ཆེན་པོ་ཞིག་མ་རེད།)
དེ་རིང་ཁ་སང་ང་ཚོ་མི་ཚང་མའི་བསམ་པ་དེ་སྐད་གཅིག་གྱུར་ཡོང་རྒྱུ་དེ་རེད། ཁོ་བོས་བསམ་ན་སྐད་གཅིག་གྱུར་ཡོང་རྒྱུ་དེ་ཕན་ཐོགས་ཆེན་པོ་ཡོད་པ་ཞིག་མ་རེད། ཕན་ཐོགས་ཆེན་པོ་མེད་པའི་རྩ་བ་དེ་གང་ཡིན་ཟེར་ན། ས་གནས་ཁ་ཁ་སོ་སོ་ལ་ཁྱད་ཆོས་རེ་ཡོད་པ་དང་། དཔེར་ན་སྐད་ལ་ཆ་བཞག་ན། རང་སོ་སོར་ཁྱད་ཆོས་རེ་ཡོད་པ་དེ་སྲུང་སྐྱོབ་བྱ་རྒྱུ་དེའང་ཤེས་རིག་ཅིག་རེད། གལ་ཏེ་ཤེས་རིག་དེ་བརླག་སོང་ན་ཡག་པོ་མ་རེད། དཔེར་ན། ཁྱེད་རང་ལྷ་ས་ལ་སོང་ན། ཕྱི་རོལ་ནས་ཁྱེད་རང་གི་ཕ་ཡུལ་གྱི་མི་ཞིག་གིས་སྐད་ཆ་བཤད་ཀྱིན་པ་གོ་ཚེ། ཨོ། ངའི་ཕ་ཡུལ་གྱི་མི་ཞིག་འདི་གར་སླེབས་འདུག ང་སོང་ནས་དེ་ལ་སྐད་ཆ་ཞིག་བཤད་དགོས་སྙམ་པའི་སེམས་ལ་དགའ་བ་ཆེན་པོ་ཞིག་སྐྱེས་ ཡོང་གི་རེད། གལ་ཏེ་སྐད་གཅིག་གྱུར་ཆགས་སོང་ན། སེམས་ཀྱི་དགའ་བ་དེའང་མེད་པར་ཆགས་འགྲོ། ཀྲུང་གོ་གུང་ཁྲན་ཏང་གི་གྲངས་ཉུང་མི་རིགས་ཀྱི་རྩ་ཁྲིམས་ནང་ན། གྲངས་ཉུང་མི་རིགས་ཀྱི་ཤེས་ཡོན་གང་འདྲ་ཡོད་པ་ཆ་ཚང་སྲུང་སྐྱོབ་བྱེད་དགོས་ཞེས་ བརྗོད་ཡོད་པ་མ་གཏོགས། གྲངས་ཉུང་མི་རིགས་རེ་རེ་ལ་སྐད་གཅིག་མ་གཏོགས་མི་དགོས། གོན་པ་གཅིག་མ་གཏོགས་མི་དགོས་ཞེས་བཤད་ཡོད་པ་མ་རེད། དེར་བརྟེན། ག་རེ་ཡོད་པ་ཆ་ཚང་སྲུང་སྐྱོབ་བྱ་རྒྱུ་དེ་གནད་ཆེན་པོ་ཞེ་དྲག་རེད།
གསུམ། སྐད་ཆ་གོ་དང་མི་གོ་དེ་རང་ཉིད་ཀྱིས་རྩོལ་བ་བྱེད་མིན་ལ་རག་ལས་པ་དང་། རྩོལ་བ་བྱེད་མིན་དེའང་ཁེ་ཕན་ལ་རག་ལས་པ་ཞིག་རེད།
མི་ཁ་ཤས་ཀྱི་བསམ་ཚུལ་ལ། ང་ཚོའི་བོད་ཀྱི་སྐད་དེ་དཀའ་ལས་ཁག་པོ་འདུག ཨ་མདོ་ལ་ཨ་མདོའི་སྐད་ཅིག་འདུག སྡེ་དགེ་ལ་སྡེ་དགེའི་སྐད་ཅིག་འདུག ལྷ་ས་ལ་ལྷ་སའི་སྐད་ཅིག་འདུག དེ་བས་ང་ཚོས་ཕན་ཚུན་ལ་སྐད་ཆ་བཤད་ཐུབ་ཀྱི་མི་འདུག སྐད་གཅིག་གྱུར་བཟོ་དགོས་འདུག་ཅེས་པ་དེ་ནོར་འཁྲུལ་ཆེན་པོ་རེད། སྐད་ཆ་ཕན་ཚུན་གོ་བརྡ་མི་འཕྲོད་པའི་རྩ་བ་དེ་གང་ཡིན་ཞེ་ན། རང་གིས་ཤེས་ཅི་ཐུབ་ཀྱི་རྩོལ་བ་དེ་བཟོ་གི་ཡོད་པ་མ་རེད། ང་ཚོའི་བོད་མི་ཚོས་ལོ་ངོ་སྟོང་ཕྲག་གཅིག་གི་རིང་ལ་སྐད་ཁ་ཁ་སོ་སོ་དང་སྒྲ་ གདངས་ཁ་ཁ་སོ་སོ་བྱས་ནས་བསྡད་པ་ཞིག་ཡིན་པས། ལོ་སྟོང་ཕྲག་གཅིག་གི་རིང་ཕན་ཚུན་ལ་གོ་བརྡ་འཕྲོད་བསྡད་པ་ཡིན་ན། ད་ལྟ་གོ་བརྡ་མི་འཕྲོད་པའི་རྩ་བ་ཡོད་པ་མ་རེད། ཡིན་ནའང་། སྐད་དེ་གོ་དང་མི་གོ་དང་། སྐད་དེ་ལ་རྩོལ་བ་བཟོ་དང་མི་བཟོ་དེ་དཔལ་འབྱོར་ལ་རག་ལས་ཡོད་པ་ཞིག་རེད། དཔེར་ན་རྒྱ་གར་གྱི་ཚོང་བ་སྟེ། གོས་ཆེན་འཚོང་མཁན་དང་འབུར་རས་འཚོང་མཁན། ཐེར་མ་འཚོང་མཁན་ཚང་མ་ཡང་མ་རྒྱ་གར་བ་རེད། ཁོ་ཚོས་གོས་ཆེན་དང་ཐེར་མ་དེ་ཚོ་བོད་པ་ལ་བཙོང་གི་ཡོད་པས་ཁོ་རང་ཚོས་བོད་སྐད་ མ་ཤེས་ན་བཙོང་ཐུབ་ཀྱི་མེད། དེར་བརྟེན་ཁོ་ཚོས་དཔལ་འབྱོར་ལ་བརྟེན་དགོས་པས་བོད་སྐད་བསླབ་ཀྱི་ཡོད་པ་རེད་ལ། དེ་བཤད་མ་ཤེས་ན་ཁོ་ཚོའི་དཔལ་འབྱོར་ལ་གྱོང་འབྱུང་གི་ཡོད་པ་རེད། ཡང་། མགོ་དཀར་གྱི་ཚོང་བ་དེ་ཚོའི་ཉོ་བྱ་ཚང་མ་འབྲོག་པའི་ས་ན་ཡོད་དེ། ཀོ་བ་དང་ཕྱུར་བ། ལུག ར་སོགས་ཚང་མ་འབྲོག་པའི་ས་ནས་ཉོ་དགོས་ཀྱི་ཡོད་པ་རེད། དེ་བས་མགོ་དཀར་ཚང་མས་འབྲོག་པའི་སྐད་དེ་གོ་ཐུབ་ཀྱི་ཡོད་པ་དང་། འབྲོག་པའི་སྐད་དེ་མ་ཤེས་ན་ཁོ་ཚོས་ཉོ་ཐུབ་ཀྱི་མ་རེད་ལ། རིན་གོང་གཏམ་དགོས་ན་ཡང་གཏམ་ཐུབ་ཀྱི་མ་རེད། དེ་འདྲ་ཡིན་དུས་ཁོ་ལ་གྱོང་ཁ་མ་གཏོགས་ཁེ་ཡོང་གི་མ་རེད། དེར་བརྟེན། མགོ་དཀར་སྟེ་ཁ་ཆེ་ཟེར་བ་དེ་ཚོས་ཨ་མདོའི་སྐད་དང་ཁམས་པའི་སྐད་ཚང་མ་ཤེས་ཀྱི་ ཡོད་པ་རེད། ཁྱོད་ཚོས་ཁམས་པའི་སྐད་དེ་ཤེས་ཀྱི་མ་རེད། དེའི་རྒྱུ་མཚན་ནི་ཁྱོད་ཚོར་ཁེ་ཕན་ཡོད་པ་མ་རེད། མགོ་དཀར་གྱིས་ཁམས་པའི་སྐད་མ་གོ་ན་ཁེ་ཡག་པོ་ཡོང་གི་ཡོད་པ་མ་རེད། ཁེ་ཕན་ལ་བལྟས་ནས་སྐད་དེ་མགྱོགས་པོར་ཤེས་འགྲོ་བ་ཞིག་རེད། དེར་བརྟེན། སྐད་དེ་གོ་མི་གོ་དེ་བསམ་བློ་ཡག་པོ་ཞིག་བཏང་ན་ཁེ་ཕན་ཡོད་མེད་ལ་ཐུག་འདུག
དེ་ནས། བོད་སྐད་དེ་ཁེ་ཕན་ཡོད་པ་ཞིག་ཡིན་ན། ཚང་མས་བོད་སྐད་སྦྱོང་གི་རེད་མ་གཏོགས། གཞན་གྱི་སྐད་སྦྱོང་གི་མ་རེད། ད་ལྟར་མཚོན་ན། ཚང་མས་དབྱིན་ཇིའི་སྐད་ལ་སློབ་སྦྱོང་བྱེད་ཀྱི་འདུག་ག དེ་དབྱིན་ཇིའི་སྐད་དེ་འཛམ་བུ་གླིང་གི་རྒྱལ་ཁབ་གང་དུ་སོང་ན་ཕན་ཐོགས་ཡོད་པ་ ཅན་ཞིག་དང་ཁེ་ཕན་ཡོད་པ་ཞིག་ཡིན་ཙང་དབྱིན་ཇིའི་སྐད་དེ་ཚང་མས་སྦྱང་གི་ཡོད་པ་ རེད། ཁེ་ཕན་དེ་མེད་ན་དབྱིན་ཇིའི་སྐད་སྦྱང་གི་མ་རེད། ཡིན་ན་ཡང་། དང་བོ་རང་གི་མི་རིགས་ཀྱི་ཁྱད་ཆོས་ག་རེ་ཡོད་པ་སློབ་སྦྱོང་བྱ་རྒྱུ་དེ་རང་རང་ སོ་སོའི་མི་ཡི་ལས་འགན་དེ་རེད། དེ་གོ་མི་གོ་ཡི་ལས་ཀ་མ་རེད། སོ་སོའི་ལས་འགན་རེད། མིའི་ལུས་པོ་འདི་གྲུབ་ཚར་དུས་ལས་འགན་ཅིག་ཡོད་པ་རེད། བོད་ཀྱི་མི་ཞིག་ཡིན་ཕྱིན་བོད་ཀྱི་སྐད་དང་ཤེས་ཡོན་ལ་དང་བོ་སློབ་སྦྱོང་བཟོ་ རྒྱུ་དེ་རང་གི་ལས་འགན་རེད། དེ་ནས་གཉིས་པ་དེ། ང་ཚོ་ཀྲུང་གོ་གུང་ཁྲན་ཏང་གི་མངའ་འོག་ཏུ་བསྡད་ཡོད་པས་རྒྱ་ཡིག་སློབ་སྦྱོང་བྱ་ རྒྱུ་དེ་དོན་ཚན་གཉིས་པ་རེད། གསུམ་པ་དེ་འཛམ་བུ་གླིང་ལ་ཕན་ཐོགས་ཡོད་པའི་དབྱིན་ཇིའི་སྐད་རེད། དེ་བས་དབྱིན་ཇིའི་སྐད་ལ་སློབ་སྦྱོང་བྱ་རྒྱུ་དེའང་གནད་ཆེན་པོ་རེད། དབྱིན་ཡིག་སྦྱོང་རྒྱུ་དེ་ང་ཚོའི་ལས་འགན་ཨེ་རེད་ཅེ་ན་ལས་འགན་མ་རེད། ཡིན་ནའང་གནད་ཆེ་ཆུང་ལ་གཞིགས་ན་གནད་ཆེན་པོ་དང་ཕན་ཐོགས་ཆེན་པོ་ཞིག་རེད། ཀྲུང་གོའི་ཕྱི་ལོགས་ལ་འགྲོ་དགོས་ན་རྒྱ་སྐད་ཀྱིས་གོ་ཆོད་གི་མ་རེད། བོད་སྐད་ཀྱིས་གོ་ཆོད་གི་མ་རེད། གོ་ཆོད་པའི་སྐད་དེ་ག་རེ་རེད་ཅེ་ན། དབྱིན་ཇིའི་སྐད་རེད། གནམ་གྲུའི་ཐོག་ནས་འགྲོ་དགོས་ན། མེ་འཁོར་ནང་ནས་འགྲོ་དགོས་ན། མགྲོན་ཁང་ནང་ལ་འགྲོ་དགོས་ན། འཛམ་གླིང་ལ་གོ་ཆོད་པའི་སྐད་གཅིག་ཡོད་པ་དེ་དབྱིན་ཇིའི་སྐད་མ་གཏོགས་མེད། དེ་གནད་ཆེན་པོ་རེད།

བོད་ཞི་བས་བཅིངས་གྲོལ་ལམ་ཞིང་བྲན་ཁྲི་བརྒྱ་ཡར་ལངས་ཐོབ་པར་འུར་བའི་མཛད་སྒོར་ཞུགས་མཁན་གྲོས་སུ་ཡོད་དམ་མེད།

༼སྒོ་ཤེས་རབ་ཀྱིས་འདི་ལྟར་བཤད་འདུག༽

གཏམ་ངན་དེ་གོ་རྗེས།
གཅིག
ཁ་རྩང་ཁྲི་འདུ་རུ། ཨ་དཀོན་རིན་པོ་ཆེ་ཞབས་འབྲིང་མི་གཉིས་དང་བཅས་བཀྲོངས་པའི་གནས་ཚུལ་གོ་འཕྲལ་སེམས་པ་བློང་བློང་བོར་གྱུར། སྙིང་རྩ་ན་ལོག་ལོག་ཏུ་སོང་། མ་གཞི་ཁོ་བོས་ནི་ཨ་དཀོན་ཚང་ཟེར་བ་དེས་སློབ་གྲྭ་དང་དགོན་སྡེ་མང་པོར་རོགས་སྐྱོར་གནང་གི་ཡོད་ཚུལ་གྱི་སྒྲོས་རེ་མཚམས་མཚམས་སུ་གོ་བ་ལས་ཞིབ་ཕྲའི་རྒྱུས་མེད་མོད། གསར་འགྱུར་དེས་ནི་དབང་མེད་དུ་སེམས་ངོ་འཁྱག་སིབ་བེར་སོང་།
སྤྱིར་འཇིག་རྟེན་འདི་ནི་ཁྱོད་ཤི་ང་གསོན་གྱི་རྙོག་དྲ་མཐའ་མེད་པས་གང་ཡོད་ལ། འུ་ཚོ་བོད་ལ་མཚོན་ན་ཡང་། ཁ་ནས”མཐུན་སྒྲིལ”ཞེས་མ་ཎི་ལྟར་འདོན་གྱིན་པ་ལས། ལུང་ཁུག་སོ་སོའི་ནང་དུ་རྩོད་གཞི་ཁབ་རྩེ་ཙམ་རེའི་དོན་དུ། དམར་འཛིང་གི་འཁོར་ལོ་བསྐོར་དང་སྐོར་གྱིན་ཡོད་ཕྱིར་མི་བསད་ཁྲག་སྦྱོར་གྱི་གནས་ཚུལ་ནི་རྣ་བར་གོམས་ཏེ་རྒྱུན་ལྡན་དུ་གྱུར་ཟིན་པས། མི་རེ་བསད་པ་གོ་མ་ཐག”སྙིང་རྗེ”ཞེས་མ་ཎི་འགའ་རེ་བཏོན་མོད། ཅང་མི་འགོར་བར་བརྗེད་འགྲོ་ཡི་འདུག
འོན་ཏེ་ད་ཐེངས་ཀྱི་གནས་ཚུལ་འདི་དང་། སྔར་རྡ་སའི་རྒན་བློ་བཟང་རྒྱ་མཚོ་བཀྲོངས་པ་གཉིས་ནི། བོད་པའི་མི་གསོད་དོན་རྐྱེན་ཡོད་ཚད་ཀྱི་ནང་ནས་ངའི་སེམས་ལ་བག་ཆགས་ཟབ་ཤོས་སུ་གྱུར་ཅིང་། སྙིང་ལ་ན་ཟུག་བཙན་ཤོས་སུ་གྱུར་སོང་བ་ཡང་སྨོས་མེད་ཡིན། ཁ་རྩང་གནས་ཚུལ་དེ་རྣ་བར་ལྷུང་མ་ཐག་ཏུ། མི་ལོ་ཉི་ཤུའི་སྔོན་གྱི་འདས་དོན་དེ་དབང་མེད་དུ་དྲན་འོང་གི་འདུག
དེ་ནི་དོན་རྐྱེན་འདི་གཉིས་ལ་འདྲ་མཚུངས་ཀྱི་ཆ་མང་པོ་ཞིག་ཡོད་པས་ཡིན་ཀྱང་སྲིད་དེ། གཅིག རང་རང་གི་བཞུགས་ཤག་ཏུ་བཀྲོངས་པ་དང་། གཉིས། ནང་དུ་ཡོད་པའི་ཞབས་འབྲིང་དག་ཀྱང་ཐར་བར་མ་བཏང་བ། གསུམ། ཕ་རོལ་པོར་མཚོན་ཆ་གང་ཡང་མེད་པའི་གནས་ཚུལ་འོག་མཚོན་གྱིས་དྲག་ཏུ་བསྣུན་པ་བཅས་རེད།
རྒྱ་ཡིག་གི་གསར་ལམ་དུ་ཐོན་པ་ལྟར་ན། “དཔལ་འབྱོར་གྱི་རྩོད་རྙོག་ཅིག་བྱུང་བས། གྲོས་བསྡུར་གྱི་སྐབས་སྐད་ཆ་མ་འགྲིག་པར་རྒྱག་རེས་ཤོར་བ་རེད”ཅེས་བྲིས་འདུག་ལ། བོད་མི་ཚོས་སྐད་འཕྲིན་གྱི་སྟེང་དུ་སྤེལ་བ་ལྟར་ན། སྐུ་འདྲ་འགའི་བླུ་ཡོན་གྱི་གནད་དོན་ཞིག་རེད་ཅེས་ཤོད་ཀྱི་འདུག དེ་ཙམ་ཞིག་ཡིན་ནམ། སྐབས་འདིར་རྒྱུ་མཚན་མེད་པའི་དྲི་བ་མང་པོ་ཞིག་གིས་ངའི་སེམས་ལྷོད་ལ་འབབ་ཐུབ་ཀྱི་མི་འདུག
མི་དེ་དག་གིས་དང་པོ་ནས་མཚོན་ཆ་ལུས་ལ་བསྐོར་ཏེ། བླ་མའི་སར་འགྲོ་དོན་ཅི་ཡིན་ནམ། རྒྱ་ནང་ནས་བོད་མི་ཚོས་ཀྱང་མཚོན་བཏགས་པ་ཉུང་བས་བླ་མ་ཞིག་གི་དྲུང་དུ་དེ་ལྟར་ཕྱིན་པ་ནི་རྒྱུན་ལྡན་མིན་པའི་གནས་ཚུལ་ཞིག་མིན་ནམ། རྒྱུ་ནོར་གྱིས་མི་འཕོང་བའི་ཨ་དཀོན་སྤྲུལ་སྐུས་སྐུ་འདྲ་ཁ་ཤས་ཀྱི་བླུ་ཡོན་མི་སྟེར་སྲིད་དམ། རྒྱལ་སྤྱིའི་ཐོག་ལ་མིང་དུ་གྲགས་པའི་མི་སྣ་ཞིག་གིས་མི་དཀྱུས་མ་དེ་འདྲ་དག་ལ་རྒྱག་རེས་བྱེད་སྲིད་དམ། དགུང་ལོ་བདུན་ཅུ་ལྷག་ལ་བུད་པའི་བླ་ཆེན་ཞིག་གིས་ལག་འཛིང་བྱེད་སྲིད་དམ། གལ་ཏེ་ཁོ་ཚོའི་བར་ལ་ཅུང་ཟད་མ་འགྲིག་པ་རེ་ཡོང་ཡོད་སྲིད་ཀྱང་། བླ་མ་སྐུ་འཁོར་གསུམ་པོ་གསོད་དགོས་དོན་གྱི་ཞེ་མཁོན་དེ་འདྲ་ཞིག་གང་ནས་བྱུང་བ་ཡིན་ནམ། བོད་མི་རྣམས་རྒྱག་རེས་བྱེད་ལ་དགའ་བ་བདེན་དུ་ཆུག་ཀྱང་ཆོས་དད་ཆེ་བའི་བོད་མི་ཚོས་བླ་ཆེན་ཞིག་ལ་མཚོན་གྱིས་བསྣུན་རྒྱུར་མི་འཛེམས་སམ།
བསམ་ཞིང་བསམས་ན། ངོ་མ། སྐུ་འདྲ་འགའི་བླུ་ཡོན་གྱི་གནད་དོན་ཡིན་མིན་གྱི་དོགས་པ་ཇེ་ཆེ་རེད། ཡང་སྙིང་ཁོ་ཚོས་ཅི་ཞིག་བརྩད་པ་ཡིན་ནམ། སྐད་ཆ་ཅི་ཞིག་མ་འགྲིག་པ་ཡིན་ནམ། ཅིག་བརྩད་ཡོད་དམ། དོགས་པ་ནི་དོགས་པ་རང་སྟེ། ད་ནི་གནད་དོན་དེ་ཡང་གནད་དོན་གཞན་ཞིག་ཏུ་འགྱུར་འགྲོ་ཡི་འདུག སྐུ་འདྲའི་བླུ་ཡོན་ཙམ་ཞིག་ལས་འདའ་འགྲོ་ཡི་འདུག
དངོས་གནས་བཤད་ན། ཁོ་ཚོས་ཨ་དཀོན་སྤྲུལ་སྐུ་རྩ་མེད་དུ་བཟོ་འདོད་ཀྱི་ཀུན་སློང་དེ་གློ་བུར་དུ་བྱུང་བ་ཞིག་ཡིན་ནམ་སྔར་ནས་གྲ་སྒྲིག་ཡོད་པ་ཞིག་ཡིན། གལ་ཏེ་གྲ་སྒྲིག་ཡོད་པ་ཞིག་ཡིན་ན་ནི་དེ་ལ་ཡང་རྒྱབ་ལྗོངས་གཞན་ཞིག་ཡོད་སྲིད་དམ། ཡོད་ན་མི་སྒེར་དང་ཚོགས་པ་སུ་ཞིག་ཡོད་སྲིད་དམ། བོད་མི་ཚོ་ཁ་འཐོར་དགུ་འཐོར་དུ་འགྲོ་བྱེད་ཀྱི་ནད་རོ་རྙིང་པ་དག་སྟེ། གྲུབ་མཐའི་རྩོད་རྙོག བླ་སྤྲུལ་གྱི་འགལ་བ། ཡུལ་ལུང་གི་ཞེན་ཆགས། ཕྲག་དོག་དང་གནོད་སེམས་སོགས་དང་འབྲེལ་བ་ཡོད་དམ། ཡང་ན་ཁོང་གིས་མི་རིགས་འདི་ལ་གཞན་ཕན་རོགས་སྐྱོར་གྱི་མཛད་པ་ཁུར་དུ་བཞེས་པར་མི་དགའ་མཁན་གཞན་ཞིག་དང་འབྲེལ་བ་ཡོད་སྲིད་དམ།
ད་དྲི་བ་མཚམས་འཇོག འདི་དག་ཀུན་ཀྱང་རེ་ཞིག་དོགས་པ་ཙམ་ལས་ཅི་ཡང་མ་རེད། གང་ལྟར་ཁོང་ཉིད་ཕྱིར་འོང་མེད་པར་འདས་སོང་བས། དོན་དག་འགའ་ཞིག་ནི་གཅིག་བྱས་ན་ཁོང་དང་མཉམ་དུ་ནམ་ཡང་གསང་བའི་དྲི་བ་ཞིག་ཏུའང་འགྱུར་སྲིད་དོ། །

གཉིས།
ལར་ཁོ་བོར་མཚོན་ན། སྤྲུལ་སྐུ་ཨ་དཀོན་ཚང་གི་སྐུ་ཚེའི་བྱུང་བ་དང་མཛད་འཕྲིན་ལ་གསལ་ཆ་དེ་ཙམ་མེད་དེ། དེ་རིང་ག་ས་གང་ནས་གསར་འཕྲིན་ཆར་བཞིན་འབབ་ཀྱིན་པ་དག་ལ་བལྟས་ན། ཁོང་ནི་མི་རིགས་འདིའི་བདེ་སྡུག་གི་ཆེད་དུ་སྐུ་ཚེགས་སྐྱོན་མཁན་ཞིག་དང་། ཉམ་ཐག་པའི་སྐྱེ་བོ་ཚོར་གཞན་ཕན་རོགས་སྐྱོར་གྱི་བཀའ་དྲིན་འཕངས་མེད་དུ་སྩོལ་མཁན་ཞིག་ཡིན་ཚུལ་བཀོད་འདུག
དེ་ལྟ་ན། འུ་ཅག་གིས་ནི་ཁོང་སྐུ་གཤེགས་པར་སྡུག་སྨྲེ་བཏོན་པ་དང་མིག་ཆུ་བཏང་བ་ཙམ་གྱིས་ཅི་ཡང་མི་ཕན་གྱི། ཁོང་གིས་རང་རིགས་ལ་བཅངས་པའི་དུངས་པ་དང་བརྩེ་བ་ཟབ་མོ་དེ་འུ་ཅག་མི་རེ་རེའི་སེམས་སུ་ཉར་ཏེ། དེ་ཉིད་སྙིང་སྟོབས་བརྟན་པོས་ལག་ལེན་དུ་སྦྱར་ནས། གངས་ཅན་ས་མཐོའི་གྲོང་གི་སྤུན་ཟླ་དག་ལ་ཕན་པའི་བྱ་བ་ཕྲ་མོ་ཚུན་ཆད་ཀྱང་འབད་པས་བསྒྲུབས་ཏེ་ཁོང་གི་ཐུགས་བཞེད་རྣམ་དག་དང་རྨི་ལམ་གཙང་མ་དེའི་རྒྱུན་བསྐྱངས་ན། དེ་ལས་ལྷག་པའི་དྲན་གསོ་ཞིག་དང་དགོངས་རྫོགས་ཤིག་མེད་པ་ཡིན་ནོ། །

༢༠༡༣/༡༠/༩/སྒོ་ཤེར་གྱིས།

ལོ་རྒྱུས་རྣམས་སུ་བལྟས་ན་བོད་པ་ཚོས་ལས་ཀ་འདི་ལྟ་བུ་ལས་ནས། གནའ་སྔ་ནས་ད་ལྟ་བར་དུ་སོང་བ་རེད། ད་དུང་ཡང་ལས་མ་ཚར་བའི་གནད་དོན་མང་པོ་ཞིག་ཡོད་རྒྱུ་རེད། དེའི་ཕྱིར་ངོ་ཚོ་གནད་དོན་ཏེ་ལུང་པ་གཞན་སུ་དང་མ་འདྲ་བའི་རྩ་བ་འདི་ལ་ཐུག་ཡོད། ད་དུང་ཏོག་ཙམ་ལྷག་ཡོད་མདོག་ཁག་པོ་རེད།