དེ་རིང་སྔ་དྲོར་འོས་བསྡུའི་འགན་འཛིན་ལས་འཕར་བཙུན་དགོན་སྒྲོལ་མ་གླིང་གི་སློབ་སྤྱི་དགེ་བཤེས་རིག་འཛིན་ཆོས་གྲགས་ལགས་དང་། ནོར་གླིང་བོད་ཀྱི་རིག་གཞུང་གཅེས་སྐྱོང་གི་ཉམས་ཞིབ་པ་གཡང་མཁོ་རྒྱལ་ལགས་གཉིས་ཀྱིས་དམ་འབུལ་གནང་འདུག
དེ་རིང་སྔ་དྲོའི་ཆུ་ཚོད་ ༩།༢༥ ཐོག བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཚོགས་ཁང་ནང་ཁྲིམས་ཞིབ་པ་ཆེ་བ་ངག་དབང་འཕེལ་རྒྱལ་མཆོག་གི་གཙོས། ཁྲིམས་ཞིབ་པ་ཚེ་རིང་དོན་གྲུབ་མཆོག་དང་ངག་དབང་ཆོས་གྲགས་མཆོག སྲིད་སྐྱོང་བློ་བཟང་སེང་གེ་མཆོག བོད་མི་མང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག བཀའ་བློན་རྣམ་པ། དེ་བཞིན་རང་དབང་ཅན་གྱི་སྡེ་ཚན་ཁག་གི་འགན་འཛིན་དང་འདེམས་ལྷན་ཚོགས་མི་བཅས་ལྷན་འཛོམས་ཐོག བཙུན་དགོན་སྒྲོལ་མ་གླིང་གི་སློབ་སྤྱི་དགེ་བཤེས་རིག་འཛིན་ཆོས་གྲགས་ལགས་དང་། ནོར་གླིང་བོད་ཀྱི་རིག་གཞུང་གཅེས་སྐྱོང་གི་ཉམས་ཞིབ་པ་གཡང་མཁོ་རྒྱལ་ལགས་གཉིས་ཀྱིས་ཁྲིམས་ཞིབ་པ་ཆེ་བ་མཆོག་གི་མདུན་དུ་འོས་བསྡུའི་འགན་འཛིན་ལས་འཕར་གྱི་དམ་འབུལ་ཞུས་ཡོད་འདུག
གསར་འགོད་པ། པདྨ་མཚོ།
ཁ་སང་དེ་རིང་བརྒྱུད་ལམ་ཁག་ཏུ་མདོ་སྨད་ཀྱི་སྤྱི་འཐུས་གཅིག་གི་ས་མིག་ཐོག་མི་མང་པོ་ཞིག་གིས་འཚང་ཁ་རྒྱག་གི་འདུག་ཀྱང་། དེ་དག་ནི་འདས་པའི་ལོ་ངོ་བཅུ་གྲངས་རང་སོ་སོ་ཁྱབ་བསྒྲགས་བྱས་ཏེ་སྤྱི་འཐུས་ནང་མིག་ཅེར་ནས་འགྲམ་ཆུ་ལྡིང་མཁན་རྐྱང་རྐྱང་དང་། ལྷག་པར་དུ་གཞུང་དང་ཚོགས་པ་སྒྲིག་འཛུགས། མི་སྒེར་སོགས་ལ་སྐྱོན་བརྗོད་བྱས་ཏེ་སྤྱི་ཚོགས་ནང་འགལ་བ་སློང་མཁན་རྐྱང་ལས་བོད་སྤྱི་དོན་དང་ལྷག་དོན་དུ་མདོ་སྨད་མི་མང་ལ་འཕྲལ་ཕུགས་ཀྱི་ཕན་ཐོགས་པའི་ལས་ཀ་བྱེད་མཁན་གཅིག་ཀྱང་མི་འདུག དངོས་གནས་དྲང་གནས་ཤེས་འཇོན་གཉིས་ལྡན་དང་ཆབ་སྲིད་དང་སྤྱི་ཚོགས་བོད་ཕྱི་ནང་སོགས་ལ་རྒྱུས་མངའ་ཆེན་པོ་ཡོད་པ། བསམ་བློའི་ཆུ་ཚད་དང་སྤྱི་ཚོགས་ཁྱོན་ཡོངས་ཀྱི་འགྲོ་སྟངས་ལ་རྒྱུས་མངའ་ཆེན་པོ་ཡོད་མཁན་ཁག་ཁུ་སིམ་སིམ་ལྐོག་ཏུ་ཡུབ་ནས་བསྡད་དེ་ཕྱི་ལོགས་སུ་འཐོན་གྱི་མི་འདུག་ལ་མི་མང་ཚོས་ངོས་ནས་ཀྱང་མཐོང་གི་ཡོད་པ་མ་རེད།
དྲང་བདེན་འོས་འདེམས་ཤིག་ཡོང་ཐབས་ལ་འབད་བརྩོན་གནང་བར་འབོད་བསྐུལ་ཡོད། ཁ་དྲོ།