རྒྱ་གར་ཧི་མ་ཅྰལ་མངའ་སྡེའི་སིམ་ལ་ཁྲིམས་ཁང་གིས། བཞུགས་སྒར་ངྷ་རམ་ས་ལར་ཡོད་པའི་བོད་མིའི་སྡོད་ཁང་ ༢༡༠ གཏོར་རྒྱུའི་ཉན་ཞིབ་ཀྱི་དུས་ཡུན་ཕྱི་ཟླ་ ༣ ཚེས་ ༢༧ བར་འཕར་འགྱངས་བྱས་ཡོད་འདུག
སིམ་ལ་ས་གནས་མགོ་འཛིན་ལས་ཁུངས་ཀྱིས་གནས་ཚུལ་བཏང་འབྱོར་ལྟར་ན། སྔར་ལོ་རྒྱ་གར་ཧི་མྰ་ཅལ་མངའ་སྡེའི་ཤིང་ནགས་ལས་ཁུངས་ཀྱིས་རྡ་རམ་ས་ལའི་མེག་གྷན་ཁུལ་གྱི་བོད་མིའི་ཁྱིམ་ཚང་ ༢༡༠ ལ། ཤིང་ནགས་ས་ཆ་ཧམ་བཟོས་བྱས་ཡོད་ཚུལ་དང་། གང་མགྱོགས་ཕྱིར་ཕུད་དགོས་པའི་བཀའ་རྒྱ་འབྱོར་ཡོད་པ་མ་ཟད། ཧི་མ་ཅྰལ་མངའ་སྡེའི་སིམ་ལ་ཁྲིམས་ཁང་ (National Green Tribunal) གིས། ༢༠༡༣ ལོའི་ཟླ་ ༧ ཚེས་ ༢༩ ཉིན་ཚོགས་ཆུང་ཆེད་འཛུགས་ཀྱིས་ཞིབ་འཇུག་བྱེད་དགོས་པའི་བཀའ་ཕེབས་པ་ལྟར། ཞིབ་འཇུག་ཚོགས་ཆུང་ཞིག་ངྷ་རམ་ས་ལར་ཡོང་སྟེ་ཞིབ་འཇུག་ཞིབ་ཕྲ་གནང་བའི་སྙན་ཐོའི་ནང་དུའང་། བོད་མི་རྣམས་ཀྱིས་ཤིང་ནགས་ཀྱི་ས་ཆ་བཟུང་བ་དང་ཤིང་ནགས་གཅོད་འདྲེག་བྱས་ཡོད་ཚུལ་དང་། ཁང་པ་ཐོག་རྩེགས་མང་པོ་བརྒྱབ་ཡོད་པ་དང་བྲག་རྡོའི་ཐོག་རི་མོ་འདྲ་མིན་བརྐོས་པ། ཤིང་ནགས་ས་ཆའི་ཐོག་དར་ལྕོག་སོགས་བཙུགས་ཏེ་ཁོར་ཡུག་ལ་གནོད་འཚེ་ཆེན་པོ་བྱུང་ཡོད་ཚུལ་སོགས་བཀོད་འདུག
དེའི་རྗེས་སིམ་ལ་ཁྲིམས་ཁང་གིས་བོད་མིའི་བྱེད་སྒོ་མཐའ་དག་མཚམས་འཇོག་དགོས་པ་མ་ཟད། ཤིང་ནགས་སྲུང་སྐྱོབ་ལས་ཁུངས་ནས་ཁང་པ་ག་ཚོད་གཏོར་ཚར་མིན་དང་། ལག་བསྟར་ཇི་བྱུང་གི་སྙན་ཐོ་ཁྲིམས་ཁང་ལ་འབུལ་དགོས་པའི་བཀའ་ཕེབས་སྟབས། ཤིང་ནགས་སྲུང་སྐྱོབ་ལས་ཁུངས་ཀྱིས་སྙན་ཐོའི་ནང་ཁང་པ་དེའི་རིགས་གཏོར་རྒྱུ་ཡིན་པ་དང་། གཏོར་ཚར་རྗེས་ཞིག་རོ་གཡུག་ས་སོགས་འཆར་གཞི་སྒྲིག་བྱེད་བཞིན་པའི་སྐོར་ལན་འདེབས་སོགས་བྱས་ཏེ། བོད་མི་ཚོ་གནས་ཐུབ་དང་མི་ཐུབ་ཀྱི་ཛ་དྲག་གི་གནས་སུ་བསླེབ་ཡོད་འདུག
གནས་སྟངས་དེའི་ཐད་སྔར་ལོ་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གི་དབུ་འཁྲིད་འོག ནང་སྲིད་ལས་ཁུངས་དང་ངྷ་ས་ས་གནས་མགོ་འཛིན། སིམ་ལ་ས་གནས་མགོ་འཛིན་ལས་ཁུངས་བཅས་ཀྱིས་མངའ་སྡེའི་སྤྱི་ཁྱབ་བློན་ཆེན་གཙོས་པའི་དཔོན་རིགས་ཆེ་ཕྲ་ཁག་ལ་ཞུ་གཏུགས་ལན་མང་གནང་ཡོད་ཀྱང་། གནས་ཚུལ་ཛ་དྲག་ཆེ་རུ་གྱུར་ཏེ་ནང་སྲིད་བཀའ་བློན་མཆོག་གིས་ལྡི་ལིར་རྒྱ་གར་དབུས་གཞུང་ལ་ཞུ་གཏུགས་དང་། སིམ་ལར་ཡོད་པའི་ཁྲིམས་རྩོད་པ་དང་མཇལ་འཕྲད་བཅས་གནང་རྗེས། ཉེ་ལམ་སིམ་ལ་ཁྲིམས་ཁང་གིས་རྗེས་མའི་ཉན་ཞིབ་ཀྱི་དུས་ཚོད་ ༢༠༡༤ ལོའི་ཟླ་ ༣ ཚེས་ ༢༧ བར་འཕར་འགྱངས་གནང་ཡོད་འདུག
གསར་འགོད་པ། དོན་གོ
སྦེལ་རྗམ་དུ་སྐྱབས་བཅོལ་མ་རག་པའི་དཀའ་ངལ་ཡོད་འདུག
གློག་འཕྲིན། པར་འདེབས། ཕི་ཌི་ཨེཧཕ།
དེང་སྐབས་ཡུ་རུབ་སྦེལ་རྗམ་དུ་བསྐྱོད་པའི་བོད་མི་ཚོར་གཞུང་གིས་ཡིག་ཆ་མ་སྤྲད་པའི་དཀའ་ངལ་འཕྲད་ཀྱི་ཡོད་པ་དང་། ཉེ་ཆར་ནས་བོད་མི་མང་པོ་ཞིག་གི་ཡིག་ཆ་ནག་པོ་ཆགས་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། ༢༠༡༤ ལོའི་ཕྱི་ཟླ་༡ ཚེས་ ༡༠ ཉིན་སྦེལ་རྗམ་བྷུ་རུ་ཧུ་ས་གནས་ནས་སྦེལ་རྗམ་གྱི་ཁྲིམས་རྩོད་པ་ཞིག་གིས་ཁྲིམས་རྩོད་པ་བྱེད་སའི་སྐྱབས་བཅོལ་མ་རག་མཁན་བོད་མི་༡༥ ཙམ་ཞིག་བསྡུ་བསྐོང་གིས། དེང་སྐབས་སྦེལ་རྗམ་དུ་བོད་མིར་སྐྱབས་བཅོལ་མི་རག་པའི་དཀའ་ངལ་སྐོར་འགྲེལ་བཤད་སྐབས། འདས་ལོའི་ནང་སྦེལ་རྗམ་དང་སུད་སའི་གཞུང་འབྲེལ་མི་སྣ་ཁག་ཅིག་རྒྱ་གར་སོགས་བོད་མིའི་སྤྱི་ཚོགས་སུ་གཟིགས་སྐོར་ལ་ཕྱིན་པ་དང་། རྡ་ས་ནས་སྤྱི་འཐུས་ཚོགས་གཙོ་སྤེན་པ་ཚེ་རིང་དང་། བཀའ་བློན་རྒྱ་རི་སྒྲོལ་མ་བཅས་ལ་མཇལ་འཕྲད་གནང་འདུག སྐབས་དེར་བོད་མིའི་སྒྲིག་འཛུགས་ཀྱི་ངོས་ནས་དེང་སྐབས་རྒྱ་གར་དུ་བོད་མི་ཚོར་དཀའ་ངལ་གང་ཡང་མེད་སྐོར་བརྗོད་འདུག་ཅེས་གསུངས་འདུག
གཞན་ཡང་ཁྲིམས་རྩོད་པ་ཞིག་གིས་བོད་མི་ཚོར་རྒྱ་གར་ནང་གནས་སྡོད་ཆོག་པའི་ལག་ཁྱེར་(RC) སྤྲོད་བཞིན་ཡོད་པ་དེའི་སྐྱབས་བཅོལ་དང་པོ་རྒྱ་གར་ལ་ཞུས་པ་མཚོན་གྱི་ཡོད་པ་དང་། སྦེལ་རྗམ་རྒྱལ་ཁབ་ཀྱིས་སྐྱབས་བཅོལ་གཉིས་པ་ཞུ་མཁན་ཚོར་སྐྱབས་བཅོལ་སྤྲད་ཀྱི་མེད་སྐོར་བརྗོད་ཡོད་འདུག
གང་ལྟར་དེང་སྐབས་སྦེལ་རྗམ་ནང་སྐྱབས་བཅོལ་ཞུས་ནས་སྣེ་ལེན་ཁང་དུ་ཡོད་པའི་བོད་མིའི་གྲངས་འབོར་ ༤༠༠ ཙམ་ཡོད་པར་ཚོད་དཔག་བྱེད་ཀྱི་ཡོད་པ་ལས། འདས་པའི་ཟླ་གཉིས་ཕྱེད་ཙམ་གྱི་ནང་ཁོ་ནར་ཡིག་ཆ་ནག་པོ་ཆགས་ཟིན་པ་སྟེ། སྐྱབས་བཅོལ་ཡིག་ཆ་མ་རག་པའི་མི་གྲངས་ ༤༠ བརྒལ་ཟིན་ཡོད་པའི་གནས་ཚུལ་འདུག
དེང་སྐབས་སྦེལ་རྗམ་དུ་སྐྱབས་བཅོལ་མ་རག་པའི་བོད་མི་རྣམས་ཀྱིས་འཕྲིན་ཕྲན་ཐོག་ཚོགས་པ་ཞིག་བཙུགས་ཏེ་ཕན་ཚུན་གང་དགོས་ཅི་དྲག་གྲོས་བསྡུར་བྱེད་བཞིན་འདུག་ལ། འཕྲིན་ཕྲན་ཚོགས་པ་དེའི་ནང་མི་གྲངས་ ༢༥ ཡོད་པ་དང་། ད་དུང་འཕྲིན་ཕྲན་མེད་མཁན་དང་ཡོད་ཀྱང་འབྲེལ་བ་བྱེད་མ་ཐུབ་ས་གང་མང་ཡོད་འདུག སྐྱབས་བཅོལ་མ་རག་པའི་བོད་མི་ཁག་ཅིག་བྷུ་རུ་ཟུལ་བོད་མིའི་དོན་གཅོད་དུ་བཅར་ནས་བདེ་སྡུག་སྙན་སེང་དང་ལམ་སྟོན་ཞུས་པར། དོན་གཅོད་ཀྱིས་ཁོང་རྣམ་པ་ཕྱི་ལ་མ་ཐོན་པར་ནང་ནས་གང་བྱེད་རྒྱུ་འདུག་ལྟ་ཆོག་གི་རེད་ཅེས་གསུངས་ཡོད་འདུག
དེང་སྐབས་སྦེལ་རྗམ་དུ་སྐྱབས་བཅོལ་མི་རག་པའི་རྒྱུ་མཚན་ནི་འདས་ལོའི་ནང་བོད་མིའི་སྒྲིགས་འཛུགས་ཀྱི་འབྲེལ་དཔོན་རིགས་དང་། ལྷག་པར་སྤྱི་འཐུས་ཚོགས་གཙོ་སྤེན་པ་ཚེ་རང་སོགས་གཞུང་འབྲེལ་གཟིགས་སྐོར་བ་ཚོ་ཕར་ཕེབས་ཚུར་ཕེབས་སྐབས་སུ་རྒྱ་གར་ནང་བོད་མི་ཚོར་དཀའ་ངལ་མེད་སྐོར་དང་། རྒྱ་གར་ཀྱི་rcསྤྲོད་བཞིན་པ་དེས་བོད་མིར་ཐོབ་ཐང་དང་རང་དབང་། འཚོ་བ་བཅས་ཀྱི་ཐད་འགན་ཁུར་ཡོད་པ། ད་དུང་དཀའ་ངལ་ཡོད་མཁན་ཚོ་ཁེ་ན་ཌ་དང་ཨ་རི་སོགས་སུ་གཞུང་འབྲེལ་ཀྱི་སྐྱབས་བཅོལ་གཏོང་བཞིན་ཡོད་སྐོར་བརྗོད་པ་ལ་བརྟེན་ནས་བྱུང་བ་ཞིག་ཡིན་པར་གླེང་སློང་བྱེད་བཞིན་འདུག
སྦེལ་རྗམ་དུ་སྐྱབས་བཅོལ་མ་རག་པ་ཡིན་ན་ཁྲིམས་མཐུན་སྡོད་གནས་དང་ལས་ཀ་སོགས་གང་ཡང་རག་གི་མེད་པས་མ་ཚད། འཚོ་བའི་མདུན་ལམ་བཅས་སུ་དཀའ་ངལ་འཕྲད་ཀྱི་ཡིན་པ་རེད།
ཡང་གནས་ཚུལ་གོ་ཐོས་ལྟར་ན། སྦེལ་རྗམ་དུ་བོད་མི་སྐྱབས་བཅོལ་བ་གཅིག་པུ་མ་ཡིན་པར། མི་རིགས་གཞན་གྱི་སྐྱབས་བཅོལ་བ་ཚོ་ལ་ཡང་དཀའ་ངལ་འཕྲད་ཀྱི་ཡོད་པའི་གནས་ཚུལ་ཡང་འདུག
སྦེལ་རྗམ་གཞུང་གིས་ཕྱིའི་རྒྱལ་ཁབ་ཁག་ནས་འབྱོར་བའི་སྐྱབས་བཅོལ་བ་ཚོར་ཕྱི་ལོ་ ༡༩༥༩ ལོའི་ཟླ་ ༦ པའི་ཚེས་ ༢༨ ཉིན་ཇི་ནི་ཝར་ལྷན་ཚོགས་སྐབས་ཀྱི་སྐྱབས་བཅོལ་ཐོབ་ཐང་དང་འབྲེལ་བའི་འབྲེལ་ཡོད་གྲོས་ཆོད་དང་། ཕྱི་ལོ་ ༡༩༨༠ ཟླ་ ༡༢ པའི་ ༡༥ པའི་ཁྲིམས་ཡིག་དོན་ཚན་ ༤༨ པ་ཡིག་ཆ་ཨང་ ༤ པ་ནང་གསལ་བཅས་ཀྱི་ཁྲིམས་ལུགས་ལྟར། མི་རིགས་དང་ཆོས་ལུགས། རྒྱལ་ཁབ། དམིགས་བསལ་སྤྱི་ཚོགས་ཀྱི་ཚོགས་པའི་ཐོབ་ཐང་། ཡང་ན་ཆབ་སྲིད་ཀྱི་སྣང་ཚུལ་རྒྱུ་མཚན་དུ་བྱས་ནས་སྡུག་སྦྱོང་དང་བཙན་གནོན་གྱི་ཞེད་སྣང་ཡོད་པ་དང་། དེར་སོ་སོའི་རྒྱལ་ཁབ་ཀྱིས་སྲུང་སྐྱོབ་མེད་པའམ། ཡང་ན་དེ་འདྲའི་འཇིགས་སྣང་ཡོད་པར་སོ་སོའི་རྒྱལ་ཁབ་ཀྱིས་སྲུང་སྐྱོབ་མི་བྱེད་པའི་མི་དག་དང་། གཞན་ཡང་རྒྱལ་ཁབ་མེད་པ་དང་སོ་སོའི་སྡོད་ཡུལ་རྙིང་པ་ནས་ཀྱང་མཐུན་རྐྱེན་རོགས་སྐྱོར་བྱེད་མི་ཐུབ་པའམ། དེར་ཡང་འཇིགས་སྣང་ཡོད་མཁན་སོགས་ལ་སྐྱབས་བཅོལ་སྤྲོད་ཀྱི་ཡོད་པ་རེད་འདུག
གཞན་ཡང་སྦེལ་རྗམ་གྱི་ཁྲིམས་ལུགས་ལྟར་ ༡༩༨༠ ལོའི་ཟླ་ ༡༢ ཚེས་ ༡༥ ཉིན་ནས་རྒྱལ་ཁོངས་སུ་འཛུལ་བ་དང་། དེ་བཞིན་རྒྱལ་ཁབ་གཞན་ནས་ཕྱིར་ཕུད་བཏང་བའི་མི་རྣམས་ལ་གཞིར་བཞག་སྟེ། ཁྲིམས་ལུགས་ལྟར་ ༢༠༠༤/༨༣/EC/ཕྱི་ལོ་ ༢༠༠༤ ཟླ་ ༤ ཚེས་ ༢༩ ཉིན་གཞི་རྩའི་སྤུས་ཚད་དམ་འདང་ངེས་ཀྱི་ཆ་རྐྱེན་ནམ། རྒྱལ་ཁབ་གསུམ་པ་དེའི་ཐོབ་ཐང་ངམ་རྒྱལ་ཁབ་མེད་པའི་མི། དཔེར་ན་སྐྱབས་བཅོལ་བའམ་རྒྱལ་སྤྱིའི་སྲུང་སྐྱོབ་དགོས་པ་རྣམས་ལ་སྲུང་སྐྱོབ་ཀྱི་ཆོག་མཆན་དང་། ཁ་གསབ་སྲུང་སྐྱོབ་ཀྱི་རོགས་སྐྱོར་བཅས་གནང་གི་ཡོད་པ་རེད་འདུག
མཐའ་མའི་བསྐྱར་བཅོས། ( ‘2014, 01, 17’ )
གསར་འགྱུར་འདིར་བང་ཆེན་དུ་འཁོད་འདུག་པས་རྫུན་མ་ཡིན་རྒྱུ་མ་རེད་སྙམ
ཡུལ་མི་དང་སྐྱབས་བཅོལ་བའི་ཐོབ་ཐང་མི་འདྲ་བས། བོད་མི་ཚོས་ཁྲིམས་འགལ་གྱིས་ནགས་སར་ཁང་པ་བསྐྲུན་པ་དང་། རྒྱ་གར་བས་མངོན་སུམ་འཛེམ་མེད་ཀྱིས་ཤིང་སྡོང་སྡེབ་གཅོད་བྱས་ཏེ་ཤུལ་དུ་ཁང་བ་བརྒྱབ་པ་ལ་ཁྲིམས་ལུགས་ལག་བསྟར་སྟངས་མི་འདྲ་བ་ཡིན། ཁྲིམས་འགལ་ཡིན་པ་འདྲ་འདྲ་ལ་ཁྲིམས་ལུགས་ཀྱིས་ཕྱོགས་རིས་བྱེད་པ་འདི་ལས་བོད་མི་ཚོས་རང་ཉིད་སྐྱབས་བཅོལ་ཡིན་པ་དྲན་སྐུལ་བྱས་པ་མིན་ནམ། གང་ལྟར་རྡ་རམ་ས་ལའི་བོད་མི་ཇེ་ཉུང་ནས་ཇེ་ཉུང་་་་་་་་་་་་་
སྒེར་པ་དང་། ས་གནས་རྒྱ་གར་གཞུང་ལ་གཉིས་སྨན་ཅིག་དགོངས་པ་བཞེས་ནས་ཐག་གཅོད་ཅིག བྱས་མ་ཐུབ་ན། སྡོད་ཁང་༢༡༠ཡི་བདག་པོར་གྱོང་གུན་ཤིན་ཏུ་ཆེ་བ་ཙམ་མ་ཟད། ས་གནས་གཞུང་ལ་ཡང་གཏོར་བཅོམ་འགྲོ་སོང་དང་། གད་སྙིད་སྔར་མེད་གསོག་འཇོག་གིས། འབྱུང་འགྱུར་ཡུལ་འཁོར་སྤྲོ་འཁྱམས་ཡོངས་བབ་ལ་ཡང་། སྤྱི་སྒེར་གཉིས་ཀར་གྱོང་གུན་ཚདལས་འདས་པ་ཅིག་འོངས་མི་སྲིད་ཅིག་མིན་པས་་་་་་་་་་་་
ཁྲིམས་མེད་ཁང་བརྩེགས་ཟིན་པ་རྣམས་ལ་དངུལ་གྱིས་ཆད་པ་སྤྱད་ནས། བོད་མི་སྒེར་བ་ཚོ་དང་། རྒྱ་གར་ས་གནས་གཞུང་གཉིས་ཀ་ལ། གཉིས་སྨན་ཡོང་སྲིད་པ་དང་།
ཕྱིས་སུ་དེ་ལྟར་མི་འོངས་པའི་བཙན་ཁྲིམས་ཁ་གསལ་ཅིག བོད་མིའི་སྒྲིག་འཇུགས་དང་སྦྲག བཟོ་ཐུབ་པ་བྱ་རྒྱུ་ཅིག ད་ལྟའི་འགན་འཁྲིས་བཞིན་པའི་སྲིད་སྐྱོང་སོགས་ལ་འགན་ཆེན་པོ་ཅིག་བབས་པ་མིན་ནམ། ལགས།
ཉེས་པ་ལ་ཉེས་ཆད་ཕོག་པ་ཆོས་ཉིད་ཡིན་ན་ཡང་། ང་ཚོ་བོད་རིགས་འུ་ཐུག་བཙན་བྱོལ་བ་ཡིན་པས། ཁྲིམས་ཟུར་ལས་ཐར་ཐབའ་ཅིག་ཡོད་ངེས་པས། དེ་གང་མགྱོགས་བཙལ་བའི་དུས་ལ་བབས་པ་རེད་དོ།།
ད་ཐབས་ལམ་གཅིག་འདུག ནང་ཚང༢༡༠མཉམ་རུབ་ཀྱིས་ལྡི་ལིར་ཡོད་པའི་ཨ་རིའི་གཞུང་ཚབ་ཁང་བརྒྱུད་ནས་སྐྱབས་བཅོལ་ཞུ་དགོས་པ་རེད། དེ་ལྟར་ཁང་བ་སྲུང་ཐུབ་སྲིད་ལ། མ་ཐུབ་ཀྱང་ཨ་རིར་གནས་སྤོར་ཐུབ་པས། སྡོད་ཁང་དགོས་ཡ་མི་འདུག
༧གོང་ས་སྐྱབས་མགོན་ཆེན་པོའི་བླ་ན་མེད་པའི་ཐུགས་རྗེ་དང་བཀའ་དྲིན་ཉག་གཅིག་ལ་བརྟེན་ནས། འཛམ་བུ་གླིང་གི་བཙན་བྱོལ་བ་དང་། སྐྱབས་བཅོལ་བ། ཡུལ་གྱར་བ་འདྲ་འདྲའི་ནང་གི་སུ་དང་གང་ལའང་མི་འདྲ་བར། ང་ཚོ་བོད་གཞིས་བྱེས་གཉིས་ལ་སེམས་ཀྱིས་གཏད་ས་དང་། མིག་གིས་ལྟ་ས། ཆིག་སྒྲིལ་གྱི་ལྟེ་གནས། གཞིས་བཞུགས་ཀྱི་ངོ་ཚབ། བྱེས་གྱར་གྱི་དབུ་ཁྲིད་གཞུང་ངམ་སྒྲིག་འཛུགས་ཤིག་ཡོད་པ་ཙམ་གྱིས་ཧ་ལས་པའི་དོན་བཟང་དང་། ཡ་མཚན་པའི་མཛད་རྗེས་ཡིན་པ་སྨྲོས་མ་དགོས་པ་རེད། དེ་ལས་ཀྱང་ད་ལྟའི་སྲ་ཐག་ཐག་གི་མང་གཙོ་ཡང་དག་གི་སྒྲིག་འཛུགས་གཞུང་འདི་ལྟ་བུ་ནི་ང་ཚོའི་བསོད་ནམས་ཀྱིས་ཐེག་ན་སྲོག་བསྡོས་ཀྱི་སྲུང་བྱ་ཁོ་ན་ཡིན་པར་ངོས་འཛིན་བྱས་ཡོད། ཉེ་བའི་ལོ་ཤས་ནས་གུས་དམན་པ་རང་ཡུ་རོབ་སྦེལ་ལྗམ་དུ་ཡོད་སྐབས་ལ་དཔལ་ལྡན་རང་གཞུང་གི་སྲིད་སྐྱོང་བློ་བཟང་སེང་གེ་མཆོག་དབུས་བཀའ་བློན་རྣམ་པ་དང་བཀའ་ཟུར་སྐྱབས་རྗེ་ཀིརྟི་རིན་པོ་ཆེ། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གཙོས་སྤྱི་འཐུས་མང་ཙམ་ཞིག་བཅས་ཐེངས་མང་ཙམ་ལ་བོད་དོན་ཕྱོགས་སྐྱོད་གནང་ནས་ནུབ་ཡུ་རོབ་གླིང་ལ་ཕེབས་བྱུང་། ཁོང་རྣམ་པའི་བོད་མིར་མཇལ་འཕྲད་དང་ཚོགས་འདུ་སོགས་རབས་དང་རིམ་པ་གནང་བའི་ཆ་ཤས་དམན་པ་ཁོ་བོས་ཀྱང་བླངས་པ་ཡིན། བཀུར་འོས་གོང་གསལ་བ་རྣམ་པ་དང་།སྤེལ་ལྗམ་དོན་གཅོད་དང་ས་གནས་བོད་རིགས་ཚོགས་པ་བཅས་ཀྱི་གཅིག་ལས་གཅིག་ལྷག་གི་གསུང་བཤད་དག་གིས་རེ་བ་དང་སེམས་ཤུགས་ལ་དབུག་འབྱུང་དང་སྐུལ་མ་ཐེབས་ཀྱིན་འདུག སྨོན་པ་དང་ཡིད་ཆེས་གནང་གིན་འདུག སྤོབས་པ་དང་ལ་རྒྱ་སློང་གིན་འདུག ནང་སྲིད་བཀའ་བློན་རྒྱ་རི་སྒྲོལ་མ་མཆོག་དང་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་རྣམ་པ་གཉིས་ལ་ནི་སྔོན་མ་ནས་བློ་ཐུབ་ཡིད་ཆེས་ཆེན་པོ་ཡོད་ལ་འདི་ནས་ཕར་ཉན་ན། རྒྱ་གར་ནང་དུ་ཡིག་ཆ་དང་ཁྲོམ་ས།རླངས་རྫས་ད་རེས་ཀྱི་སྡོད་ཁང་སོགས་ཀྱི་གནད་དོན་ཕྲ་རག་ཐམས་ཅད་ལ། ཐག་གཅོད་ཀྱི་འཇོན་ཐང་།གདོང་ལེན་གྱི་གདེང་ཚོད། དཀའ་སེལ་གྱི་ཐབས་རྩལ་སོགས་ཡོད་ངེས་ཀྱི་ཡིད་ཆེས་བརྟན་པོ་ཡོད། ཁོང་རྣམ་པ་ཡུ་རོབ་ཁག་ལ་ཕེབས་སྐབས་ཀྱི།སྙིང་གཏམ་སྙན་པར་གདལ་བའི་གསུང་བཤད་དང་། ལྷག་བསམ་ལྷོག་ལྷོག་འཕྱུར་བའི་འབོད་སྒྲ་དག་ལ་ནི།ཨ་མའི་གམ་ན་དགྲ་མེད་པ་དང་། འོ་མའི་ནང་ན་དུག་མེད་པ་གསལ་བོ་ཡིན་ན་ཡང་། ཉེ་ཆར་སྟབས་མ་ལེགས་པར་སྦེལ་རྗམ་ཕྱི་འབྲེལ་འགོ་ཁྲིད་དང་སྐྱབས་ལེན་གནད་ཡོད་མི་སྣར་འཕོ་འགྱུར་བརྒྱུད་ཡུལ་ཁྲིམས་ལ་འགྱུར་བ་ཐེབས་ནས། སྲོག་གི་ཉེན་ཁ་མེད་རིགས་སྐྱབས་བཅོལ་ལེན་རྒྱུར་ཚད་བཀག་བྱུང་སྟེ།བོད་མི་སྐྱབས་བཅོལ་བ་མི་ཉུང་བ་ཞིག་ལ་ཡིག་ཆ་ནག་པོ་ཆགས་པ་དེར། ཆབ་གནག་སྐབས་འཚོལ་རིང་ལུགས་པ་དག་གིས། བསམ་མེད་གཡམ་རྒྱུག་རིང་ལུགས་པ་དག་ལ་འུར་ཞོགས་བསླངས་ནས། གཞུང་དང་མི་དམངས་བར་གྱི་ཡིད་ཆེས་དང་། དབུ་ཁྲིད་དང་མི་སེར་བར་གྱི་བརྩེ་བ། དུས་སྐབས་གཉན་འཕྲང་ཅན་གྱི་འགག་མཚམས་འདིར་མཐུན་སྒྲིལ་རྡོག་རྩ་གཅིག་སྒྲིལ་སོགས་ལ་གཏོར་བཤིག་དང་། བོད་མིའི་སྤྱི་ཚོགས་འཆམ་མཐུན་ལ་འགལ་བ་སོགས་འབྱུང་བའི་དཀྲོག་གཏམ་མང་ཙམ་བརྒྱུལ་ལམ་འདྲ་མིན་དུ་འགྲོ་བཞིན་པ་ནི་དགྲ་དགའ་གཉེན་སྡུག་གི་གནས་སོ།།
འདི་འདྲ་ཡོང་གི་རེད་་་་་ད་དུང་གཟབ་གཟབ་མ་བྱས་ན་འདི་ལས་ཀྱང་སྡུག་ཅིག་ཡོང་རྒྱུའི་ཉེན་ཁ་འདུག་་་་དྲང་མོ་བཤད་ན་ང་ཚོ་བོད་པ་ཚོས་ཚོད་ཐུག་གི་མི་འདུག དེ་འདྲ་མ་བྱེད་ཅེས་ལོ་མང་པོའི་གོང་ནས་རྒྱ་གར་གཞུང་གིས་ཐེངས་མང་ཉེན་བརྡ་བཏང་བ་རེད་་་ཡིན་ནའང་བོད་པ་ཚོས་སྣང་མེད་བཞགས་ནས་སོ་སོ་གཅིག་པོའི་ཁེ་བཟང་ལས་བོད་སྤྱི་བའི་དོན་ལ་བསམ་བློ་མ་བཏང་བ་རེད་་་མཚན་མོ་ཤིང་ནགས་བཅད་ནས་མེད་པར་བཟོས་་་ཉིན་ཤས་རྗེས་ནས་དེའི་ཤུལ་ཏུ་ཁང་པ་རྒྱ་བསྐྱེད་གང་ཐུབ་བྱས་པ་རེད་་་་ཞིབ་འཇུག་ཡག་པོ་བྱས་དུས་འུ་ཚང་ལ་ས་ཞིག་རྦད་དེ་ཡོད་པ་མ་རེད་་་་ད་དུང་ཅིག་འཇོན་ཡོད་མདོག་མདོག་བྱེད་ཀྱི་འདུག་པས་ད་འདི་ལས་ཡོང་རྒྱུ་ཡོད་པ་མ་རེད་་་་
འོ་ཡ་ད་ཡིན་ན། གཞིས་ལུས་བོད་མི་རྣམས་ནི་རྒྱ་ནག་གིས་དྲག་གནོན་དང་སྡུག་རྩུབ་འོག་ལ་གནས་ཡོད། བྱེས་པ་རྣམས་ནི་རྒྱ་གར་གི་སྡོད་ཁང་གཏོར་ཤོར། སྙིང་རྗེ།
ད་ང་ཚོ་གང་ན་འགྲོ་དགོས་སམ???????????????