དཔལ་འབྱོར་ཡག་པོ་ཡོད་མཁན་ཚོས་སྐྱོ་བོ་ཚོར་ལྟ་རྟོག་བྱེད་དགོས།

དེ་རིང་བོད་མིའི་ཚོང་ལས་བདེ་ཚོཊ་ཀྱི་ཚོཊ་ཆེན་ཐོག་སྤྱི་འཐུས་ཚོཊ་གཙོ་མཆོག་གིས། ཚོང་ལས་ཟེར་བ་འདི་སོ་སོ་སྒེར་གྱི་དཔལ་འབྱོར་ཡར་རྒྱས་གཏོང་རྒྱུ་ཙམ་མིན་པར། སྤྱི་ཚོཊ་ཁྱོན་ཡོངས་ལ་འགན་འཁུར་ཐུབ་པར་བྱ་རྒྱུ་གལ་ཆེན་ཆཊ་ཡོད་སྐོར་གསུངས་སོང་།

དེ་རིང་ཕྱི་ཚེས་ ༢ ཉིན་གྱི་སྔ་དྲོའི་ཆུ་ཚོད་ ༡༠།༠༠ ངྷ་ས་བོད་ཀྱི་དཔེ་མཛོད་ཚོགས་ཁང་དུ་བོད་མིའི་ཚོང་ལས་བདེ་ཚོགས་ཀྱི་ཚོགས་ཆེན་ཐེངས་དགུ་པ་དབུ་འཛུཊ་ཀྱི་མཛད་སྒོ་ཞིག་ཚོགས་སོང་ལ། སྐུ་མགྲོན་གཙོ་བོར་སྲིད་སྐྱོང་བློ་བཟང་སེང་གེ་མཆོག་དང་། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག དཔལ་འབྱོར་བཀའ་བློན་ཚེ་རིང་དོན་གྲུབ་མཆོག སྤྱི་འཐུས་ལས་ཐོག་དང་སྤྱི་ཟུར། འཕགས་བོད་མཛའ་འབྲེལ་ཚོགས་པའི་ཚོགས་གཙོ། དེ་བཞིན། ཕྱི་རྒྱལ་གྱི་སྐུ་མགྲོན་དང་རང་དབང་ཅན་གྱི་སྡེ་ཚན་གྱི་འགན་འཛིན། བོད་མིའི་སྒྲིག་འཛུཊ་ཀྱི་འཕྲོད་བསྟེན་དང་ནང་སྲིད། ཤེས་རིག་བཅས་ཀྱི་དྲུང་ཆེ་རྣམ་པ། གཞུང་འབྲེལ་མིན་པའི་ཚོགས་པ་ཁག་གི་ཚོགས་གཙོ་དང་སྐུ་ཚབ། བོད་མའི་ཚོང་ལས་སྡེ་ཁག་དབུས་ས་གཉིས་ཀྱི་ཚོགས་གཙོ་དང་ཚོགས་མི་བཅས་མི་ ༡༠༠ ཙམ་འཛོམས་འདུག

མཛད་སྒོའི་ཐོག་སྲིད་སྐྱོང་མཆོག་གིས་བོད་མིའི་ཚོང་ལས་བདེ་ཚོཊ་ཀྱི་དུས་དེབ་ ( TCC Activity Magazine) དབུ་འབྱེད་དང་འབྲེལ་ཚོང་ལས་བདེ་ཚོགས་ཀྱི་ཕུལ་བྱུང་ཚོང་པ་ཁག་ཅིག་ལ་གཟེངས་བསྟོད་ཕྱག་འཁྱེར་བཅས་གནང་སོང་ལ། བོད་མིའི་ཚོང་ལས་བདེ་ཚོགས་ཀྱི་ཚོཊ་གཙོ་སྐལ་བཟང་ནོར་བུ་ལཊ་ཀྱིས་གཏམ་བཤད་གནང་སྐབས། ༧གོང་ས་མཆོག་གིས་བཙན་བྱོལ་བོད་གཞུང་གསར་འཛུཊ་དང་མང་གཙོའི་ལམ་བཟང་གསོལ་སྩལ་གནང་བ་མ་ཟད། ཆབ་སྲིད་ཀྱི་སྐུ་དབང་ཡོངས་རྫོགས་མང་ཚོགས་ཀྱིས་འོས་འདེམས་བྱས་པའི་སྲིད་སྐྱོང་མཆོག་ལ་ཕུལ་གནང་བ་དེས། བོད་མི་ཚོས་སོ་སོའི་རིག་གཞུང་དང་ཆབ་སྲིད། མི་མང་། དེ་བཞིན་འཛམ་གླིང་གི་ཆབ་འབངས་ཤིག་གི་འགན་འཁྲི་འཁུར་ཐུབ་ཀྱི་ཡོད་པ་གསལ་བཤད་བྱས་ཡོད་སྟབས། ༢༠༠༥ ལོར་དཔལ་འབྱོར་ལས་ཁུངས་དང་བཙན་བྱོལ་བོད་གཞུང་གི་རོགས་རམ་འོག་ཚོང་ལས་བདེ་ཚོགས་འདི་གསར་འཛུགས་གནང་བ་ཞིག་ཡིན་སྐོར་སོགས་ངོ་སྤྲོད་གནང་སོང་།

ཚོང་ལས་བདེ་ཚོཊ་ཀྱི་དྲུང་གཞོན་ཐུབ་བསྟན་བྱམས་པ་ལགས་ཀྱིས་ལོ་འཁོར་ལས་བསྡོམས་སྙན་སྒྲོན་གནང་སྐབས། ༢༠༡༣ ལོར་བལ་ཡུལ་གྱི་ཚོགས་མི་ ༡༤ དང་རྒྱ་གར་ནང་གི་ཚོགས་མི་ ༦ བཅས་ཨ་རིའི་རྒྱལ་ས་ཝ་ཤིན་ཀྲོན་དང་ནེའུ་ཡོག སེན་ཧྥི་རན་སི་སི་ཁཱོ་བཅས་ཀྱི་གནད་ཡོད་མི་སྣ་དང་ཚོང་པ་ཁག་ཐུག་འཕྲད་ཀྱིས་བོད་རིགས་ཀྱི་ཐོན་སྐྱེད་ཁག་འགྲེམ་སྤེལ་དང་གོ་བསྡུར་སོགས་ཚོགས་པའི་ཚོགས་མི་ཕྱི་རྒྱལ་ལ་གཟིགས་སྐོར་ཕྱིན་པ་ཐོག་མ་དེ་ཆགས་ཀྱི་མེད་པར། ༡༩༤༨ ཟླ་ ༧ ཚེས་ ༤ ཉིན་ཞྭ་སྒབ་པ་བདེ་ལྡན་དབང་ཕྱུག་མཆོག་དབུས་པའི་ཚོང་ལས་བདེ་ཚོགས་ཤིག་རྒྱ་ནག་དང་ཨ་རི། དབྱིན་ཡུལ་སོགས་ནང་ཕེབས་ཡོད་པ་དང་། ༢༠༡༣ ལོར་བོད་མིའི་སྒྲིག་འཛུགས་དང་ཚོགས་པ་ཁག་གིས་རྒྱབ་སྐྱོར་ལ་བརྟེན་ནས་བོད་མིའི་ཚོང་ལས་བདེ་ཚོགས་ཀྱི་ཚོགས་མི་ ༢༠ ཙམ་ཞིག་ཨ་རིར་འགྲོ་ཐུབ་པ་བྱུང་ཡོད་སྐོར་སོགས་བརྗོད་བྱུང་།

སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས། “ ང་ཚོའི་སྤྱི་ཚོགས་ནང་རང་ཁ་རང་གསོའི་ཐོག་སྐད་ཆ་མང་པོ་ཞིག་འགྲོ་བསྡད་ཀྱི་ཡོད། སྤྱི་ཡོངས་ནས་ཚོང་ལས་ཟེར་བ་འདི་སོ་སོ་སྒེར་གྱི་དཔལ་འབྱོར་ཡར་རྒྱས་གཏོང་རྒྱུ་ཙམ་མིན་པར་སྤྱི་ཚོཊ་ཀྱི་འགན་འཁུར་རྒྱུ་དེ་ཡང་གལ་ཆེན་པོ་ཞིག་ཆཊ་ཡོད། སོ་སོའི་མི་ཚེའི་ནང་ཚོང་ལས་ཡག་པོ་བྱུང་བ་མ་ཟད་འཆི་བའི་སྐབས་དང་ཉལ་སའི་ནང་ལྷུང་བའི་སྐབས་སུའང་། མི་ཚེ་དོན་དང་ལྡན་པ་ཞིག་བསྐྱལ་བ་ཡིན་བསམ་པ་བྱས་ཏེ་བློ་བདེ་པོའི་ཐོག་ཤི་ཐུབ་པ་བྱ་རྒྱུ་དེ་ཧ་ཅང་གལ་ཆེན་ཆགས་ཡོད། གནས་སྟངས་ཀྱི་ཐོག་ནས་ཁ་ཤས་ཤིག་དཔལ་འབྱོར་ཡག་པོ་ཆགས་ཀྱི་ཡོད་ལ། ཁ་ཤས་ཉམས་རྒུད་དུ་འགྲོ་བཞིན་ཡོད་སྟབས། དཔལ་འབྱོར་གནས་སྟངས་ཡག་པོ་ཡོད་མཁན་ཚོས་སྐྱོ་བོ་ཚོར་ལྟ་རྟོག་བྱ་རྒྱུ་སྤྱི་ཚོགས་ཀྱི་འགན་ཆགས་ཡོད། ” ཅེས་གསུང་སོང་།

མཇུག་ཏུ་སྲིད་སྐྱོང་བློ་བཟང་སེང་གེ་མཆོག་གིས། “ མི་སོ་སོའི་འཇོན་ཐང་དང་ནུས་པ་འདོན་པར་ཤེས་ཡོན་དགོས་ཀྱི་ཡོད། ཤེས་ཡོན་མེད་ཚེ་ནུས་འཇོན་གཉིས་འདོན་རྒྱུ་དཀའ་ལས་ཁག་པོ་ཆགས་ཡོད། ཤེས་ཡོན་ཡར་རྒྱས་ཤུགས་ཆེན་པོ་ཕྱིན་ཚེ་རྒྱལ་ཁབ་ཀྱི་དཔལ་འབྱོར་དང་ཆབ་སྲིད་གནས་སྟངས་སོཊ་འཕེལ་རྒྱས་འགྲོ་གི་རེད། སུད་སི་དང་མ་ལེ་ཤི་ཡ། སིང་གྷ་པུར། ཨི་སེ་རལ། ཉི་ཧོང་། ཀོ་རི་ཡ་སོགས་ཀྱིས་ཤེས་ཡོན་ལ་མ་རྩ་བླུགས་སྟབས། ཤེས་ཡོན་ལྡན་པའི་སྤྱི་ཚོགས་ཤིག་ཆགས་པ་ཙམ་མ་ཟད། འཛམ་གླིང་གི་ཡར་ཐོན་ཅན་གྱི་རྒྱལ་ཁབ་ཅིག་ཏུ་གྱུར་ཡོད། ནོ་སྦེལ་གཟེངས་རྟགས་ལྷན་ཚོགས་ཀྱིས་སྔར་ལོའི་བར་གཟེངས་རྟགས་ ༨༡༤ ཡས་མས་ཕུལ་ཡོད་པའི་ཁྲོད་ཇིའུ་མི་རིགས་ཀྱིས་ ༡༤༧ བླངས་ཡོད། ཉི་ཧོང་དཔལ་འབྱོར་ཡར་རྒྱས་སུ་ཕྱིན་པའི་རྒྱུ་མཚན་གཙོ་བོ། གཞུང་གིས་ཤེས་ཡོན་གལ་ཆེར་བརྩིས་ཏེ་མི་རབས་སྐྱེད་སྲིང་བྱས་པ་དང་། མི་སྒེར་པ་པཱ་ནཱ་སོ་ཎིག་ (Panasonic) སོགས་ཀྱིས་དཀའ་ལས་བརྒྱབ་པ་ལ་བརྟེན་ནས་འཕེལ་རྒྱས་ཕྱིན་པ་རེད། པཱ་ནྰ་སོ་ཎོག་གི་ཕ་གྲོངས་རྗེས་ཨ་མས་འཚེམ་བུ་བརྒྱབ་ཏེ་འཚོ་བ་སྐྱེལ་སྟབས། ཁོས་ཨ་མའི་སྡུག་བསྔལ་སེལ་ཆེད་འཁོར་འཚེམ་ཞིག་བཟོས་པ་རེད། རིམ་བཞིན་མིང་དེ་འཛམ་གླིང་ཐོག་ཡར་ཐོན་ཅན་གྱི་འཕྲུལ་ལས་ཚན་རྩལ་ཁེ་ལས་ཤིག་ཆགས་ཡོད། བོད་མིའི་ཚོང་ལས་བདེ་ཚོགས་ཁྲོད་པཱ་ནཱ་སོ་ཎིག་ (Panasonic) ནང་བཞིན་གྱི་ཚོང་པ་དེ་འདྲ་ཐོན་ཐུབ་པའི་རེ་བ་རྒྱག་གི་ཡོད།”ཅེས་གསུངས་སོང་།

བོད་མིའི་ཚོང་ལས་བདེ་ཚོགས་ཕིྱི་ལོ་ ༢༠༠༥ ལོར་གསར་འཛུགས་གནང་ཡོད་པ་དང་། ཚོགས་པ་འདིར་རྒྱ་བལ་གཉིས་སུ་ཚོགས་མི་ ༢༣༥ ཡོད་འདུག  ཚོགས་པ་འདིའི་དམིགས་ཡུལ་གཙོ་བོ། བོད་མིའི་ཚོང་པ་ཡོང་རྫོགས་ཚོང་ལས་བདེ་ཚོགས་ཀྱི་སྒྲིག་གཞིའི་ཁོངས་སུ་ཚོང་ལས་ཁེ་ཕན་བསྐྲུན་རྒྱུ་དང་། བོད་པའི་ཚོང་པ་ཡོངས་ཀྱི་ཚབ་མཚོན་པའི་ཐོག་གཞུང་སྒེར་གྱི་ཚོགས་པ་ཁག་དང་འབྲེལ་ལམ་ཁེ་ཕན་བསྐྲུན་ཐབས་བྱ་རྒྱུ། བོད་མིའི་ཚོང་པ་དང་རྒྱལ་སྤྱིའི་ཚོང་དོན་སྒྲིག་འཛུཊ་དབར་འབྲེལ་ལམ་འཛུཊ་རྒྱུ། བོད་མིའི་གནས་ཡུལ་ཁག་རྒྱུན་གནས་ཐུབ་པའི་ཚོང་དོན་ལས་གཞི་སྤེལ་རྒྱུ་དང་ལས་མེད་བོད་མིའི་དཀའ་ངལ་སེལ་རྒྱུ། སྒྲིག་འཛུཊ་མེད་པའི་བོད་མིའི་ཚོང་ལས་གཞི་རྒྱ་ཆུང་བའི་རིགས་སྒྲིག་འཛུཊ་ལྡན་པའི་ཚོང་ལས་ནང་འཛུལ་ཐབས་སུ་ལམ་སྟོན་རོགས་རམ་གནང་རྒྱུ། གཞིས་བྱེས་གཉིས་བར་ཚོང་དོན་སྒོ་མོ་ཕྱེ་ཐུབ་པར་འབད་བརྩོན་གནང་རྒྱུ་བཅས་ཡིན་འདུག 

གསར་འགོད་པ། དོན་གྲུབ།