དེ་རིང་སྔ་དྲོ་བཀའ་དྲིན་རྗེས་དྲན་གྲ་སྒྲིག་ཚོཊ་ཆུང་གིས་གསར་འགོད་གསལ་བསྒྲགས་སྤེལ་ཏེ་དྷ་རམ་ས་ལར་ནོ་བྷེལ་ཞི་བདེ་གཟེངས་རྟགས་བཞེས་མྱོང་བའི་རྒྱལ་སྤྱི་མི་སྣ་གདན་ཞུ་སོགས་ཀྱི་ལམ་ནས་༧གོང་ས་མཆོག་ལ་བཀའ་དྲིན་རྗེས་དྲན་ཞུ་འཆར་ཡོད་པ་ངོ་སྤྲོད་གནང་སོང་།
དེ་རིང་ཕྱི་ཚེས་ ༢༣ ཉིན་གྱི་སྔ་དྲོར་བོད་མིའི་སྒྲིག་འཛུཊ་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། ༧གོང་ས་མཆོག་ལ་བཀའ་དྲིན་རྗེས་དྲན་གྱི་ལོ་འཁོར་སྲུང་གཙི་གྲ་སྒྲིག་ཚོགས་ཆུང་གི་ཚོགས་མི་ཤེས་རིག་དྲུང་ཆེ་སྟོབས་རྒྱལ་ཚེ་རིང་ལགས་དང་། ཕྱི་དྲིལ་དྲུང་ཆེ་བཀྲ་ཤིས་ཕུན་ཚོགས་ལགས། ནང་སྲིད་དྲུང་འཕར་འཆི་མེད་རིག་འཛིན་ལགས། ཆོས་རིག་དྲུང་འཕར་བསྟན་འཛིན་ལུང་རྟོགས་ལགས་བཅས་ཀྱིས་གསལ་འགོད་གསལ་བསྒྲགས་ཤིག་སྤེལ་ཏེ། ཤེས་རིག་དྲུང་ཆེ་སྟོབས་རྒྱལ་ཚེ་རིང་ལགས་ཀྱིས་འདི་ལོའི་གསུམ་བཅུའི་དུས་དྲན་ཉིན་གྱི་སྲིད་སྐྱོང་མཆོག་གི་བཀའ་ཤག་གཏམ་བཤད་ནང་བོད་མིའི་སྒྲིག་འཛུཊ་འཛིན་སྐྱོང་བཀའ་ཤག་གིས་ ༢༠༡༤ ལོ་ནི་༧གོང་ས་མཆོག་ལ་བཀའ་དྲིན་རྗེས་དྲན་གྱི་ལོར་སྲུང་གཙི་ཞུ་རྒྱུའི་གསལ་བསྒྲགས་གནང་བ་དང་། དེ་བཞིན་སྤྱི་འཐུས་གྲོས་ཚོགས་ནང་བཀའ་ཤག་གིས་བོད་མིའི་སྒྲིག་འཛུཊ་ཀྱིས་ངོས་ནས་དེ་བཞིན་གསལ་བཤད་གནང་ཡོད་པ་ལྟར། ཉེ་ལམ་དུས་དྲན་གྱི་མཛད་རིམ་ལག་བསྟར་ཆེད་ཚོགས་མི་ ༥ ལས་གྲུབ་པའི་ཚོགས་ཆུང་ཆེད་འཛུཊ་གནང་ཡོད་པ་མ་ཟད། ཚོགས་ཆུང་གི་ངོས་ནས་དུས་དྲན་སྲུང་གཙི་དང་འབྲེལ་ཏེ་ཆོས་རིག་ལས་ཁུངས་ཁྱབ་ཁོངས་ལ་ལས་རིམ་ཁག་ ༥ དང་། ནང་སྲིད་ཁྱབ་ཁོངས་ལ་ལས་རིམ་ཁག་ ༢ ། ཤེས་རིག་ཁྱབ་ཁོངས་ལས་རིམ་ཁག་ ༤། ཕྱི་དྲིལ་ཁྱབ་ཁོངས་ལ་ལས་རིམ་ཁག་ ༥ ། འཕྲོད་བསྟེན་ཁྱབ་ཁོངས་ལ་ལམ་རིམ་ཁག་ ༡ ། གྲ་སྒྲིག་ཚོགས་ཆུང་ལ་ལས་རིམ་ཁག་ ༨ བཅས་ཁྱོན་བསྡོམས་ལས་རིམ་ཁག་ ༢༥ ཙམ་གཏན་ཁེལ་བྱུང་ཡོད་སྐོར་བརྗོད་སོང་།
དྲུང་ཆེ་སྟོབས་རྒྱལ་ལགས་ཀྱིས་འདི་ལོའི་སུམ་ཅུའི་དུས་དྲན་ཉིན་སྲིད་སྐྱོང་མཆོག་གིས་གསལ་བསྒྲགས་གནང་རྗེས། ༧གོང་ས་མཆོག་གིས་ངོས་འཛིན་གནང་བའི་པཎ་ཆེན་དགེ་འདུན་ཆོས་ཀྱི་ཉི་མ་དགུང་གྲངས་ཉེར་ལྔར་ཕེབས་པའི་འཁྲུངས་སྐར་གཞུང་འབྲེལ་ཐོག་སྲུང་གཙི་གནང་བ་དང་། ནོར་ཝེ་རྒྱལ་ས་ཨོ་སི་ལོར་ནོ་བྷེལ་ཞི་བདེའི་གཟེངས་རྟགས་ཚོགས་ཆུང་གིས་༧གོང་ས་མཆོག་དང་གཟེངས་རྟགས་འབུལ་བཞེས་གནང་མཁན་གྱི་ཚོགས་མི་གདན་ཞུ་གནང་པ་སོགས་བཀའ་དྲན་རྗེས་དྲན་གྱི་ཆ་ཤས་ཤིག་ཡིན་སྐོར། དེ་བཞིན་མ་འོངས་བྱེད་འཆར་ཐད་ཁོང་གིས། ༧གོང་ས་མཆོག་ཕྱི་ལུགས་ལྟར་དགུང་གྲངས་ ༧༩ ཕེབས་ཀྱིན་པའི་སྐུའི་འཁྲུངས་སྐར་དབུས་དང་ས་གནས་ཁག་ནང་གཟབ་རྒྱས་ངང་སྲུང་གཙི་གནང་རྒྱུ་ཡིན་པ་དང་། ༧གོང་ས་མཆོག་གིས་བོད་མི་ཚོར་འཛམ་གླིང་རྒྱལ་ཁབ་གཞན་དང་མཉམ་དུ་དཔུང་པ་མཉམ་གཤིབ་ཀྱིས་འགྲོ་ཐུབ་ཆེད་དམངས་གཙོ་གསོལ་རས་གནང་བ་ལྟར་བཀའ་དྲིན་རྗེས་དྲན་ཆེད་དམངས་གཙོའི་དུས་དྲན་སྲུང་གཙི་གཟབ་རྒྱས་གནང་རྒྱུ། འབྱུང་འགྱུར་ཕྱི་ཟླ་ ༡༠ བའི་ནང་དྷ་རམ་ས་ལར་གྷན་དྷིའི་འཁྲུངས་སྐར་ཉིན་ནོ་བྷེལ་ཞི་བདེའི་གཟེངས་རྟགས་བཞེས་མྱོང་བའི་རྒྱལ་སྤྱིའི་མི་སྣ་ཁག་ཅིག་གདན་ཞུ་གནང་རྒྱུ། ལྡི་ལིར་དོན་གཅོད་ཀྱི་འགན་བཞེས་ཏེ་ལས་རིམ་གོ་སྒྲིག ཕྱི་ཟླ་ ༡༢ ཚེས་ ༡༠ ཉིན་གྱི་ནོ་བྷེལ་ཞི་བདེའི་གཟེངས་རྟགས་བཞེས་ནས་ལོ་ ༢༥ འཁོར་བའི་དུས་དྲན་དབུས་ས་གཉིས་དང་བོད་མི་འདུས་སྡོད་ཁག་ཡོངས་སུ་གཟབ་རྒྱས་གནང་རྒྱུ་ཡིན་སྐོར་སོགས་ངོ་སྤྲོད་གནང་སོང་།
གསར་འགོད་པས་འདི་ལོར་དམིགས་བསལ་གྱིས་བཀའ་དྲིན་རྗེས་དྲན་ཞུ་དགོས་པའི་རྒྱུ་མཚན་གཙོ་བོ་གང་ཡིན་དྲིས་པར་ཁོང་གིས། “ འདི་ལོ་ཕྱི་ལུགས་ཐོག་༧གོང་ས་མཆོག་དགུང་གྲངས་ ༧༩ ལ་ཕེབས་ཀྱི་ཡོད་པ་རེད། བོད་ལུཊ་ཐོག་བརྩིས་པ་ཡིན་ན་དགུང་གྲངས་ ༨༠ ཕེབས་ཀྱི་ཡོད། བོད་པའི་སྲོལ་རྒྱུན་གྱི་ལུགས་སྲོལ་ལྟར་ན། དེ་སྔ་བོད་ནང་དགུང་གྲངས་བརྒྱད་ཅུ་ཕེབས་སྐབས་དམིགས་བསལ་གྱི་རྟེན་འབྲེལ་དང་། ནང་མི་སོ་སོའི་ནང་བགྲེས་པོ་དགུང་གྲངས་བརྒྱད་ཅུར་ཕེབས་སྐབས་རྟེན་འབྲེལ་གྱི་བརྩི་སྲོལ་དེ་འདྲ་ཡོད་པ་རེད། དེ་འདྲའི་ཐོག་ནས་གནད་དོན་གཅིག་ཆགས་ཡོད་པ་རེད། གཉིས་ནས་ཉིས་སྟོང་བཅུ་བཞི་དེ་རྒྱལ་དབང་སྐུ་ཕྲེང་བཅུ་བཞི་བ་ཆེན་པོའི་ལོའི་བརྩི་སྟངས་ཀྱི་ཆ་ནས་གནད་འགག་ཅིག་ཆགས་ཡོད་པ་རེད། ༧གོང་ས་མཆོག་གིས་ད་ལྟའི་བོད་མའི་ཆེད་དུ་ཕྱག་ལས་གང་གནང་བ་དག་ངོས་ཟིན་པ་དང་དྲན་པར་བྱ་རྒྱུ་དང་། མ་འོངས་པའི་མི་རབས་ཚོར་ངོ་སྤྲོད། རྒྱལ་སྤྱི་དང་བོད་པའི་སྤྱི་ཚོགས་ནང་གི་མཛད་འགན་རྒྱལ་སྤྱིའི་ཐོག་ཁྱབ་སྤེལ། ཁོང་གི་མཛད་འགན་རྩ་ཆེན་པོ་ཡིན་པ་ར་སྤྲོད་དང་ཁྱབ་སྤེལ་བྱ་རྒྱུ་བཅས་ཀྱི་ཆེད་དུ་རེད། ” ཅེས་བརྗོད་སོང་།
ཐེངས་འདིའི་བཀའ་དྲིན་རྗེས་དྲན་གྱི་ལས་རིམ་ཁག་གི་འགྲོ་གྲོན་ཐད་ཁོང་གིས། “ཚོགས་ཆུང་གི་ལས་རིམ་ཆ་ཚང་བཀའ་ཤག་གིས་མར་གནང་གི་ཡོད་པ་རེད། དེ་མིན་པའི་ལས་ཁུངས་ཁག་སོ་སོ་དང་དེ་དག་གི་ཁྱབ་ཁོངས་ཀྱི་ས་གནས་ཁག་དང་དགོན་སྡེ། སློབ་གྲྭ་སོགས་ཁུངས་སོ་སོ་ནས་གཏོང་རྒྱུའི་ཐུགས་གཏན་ཁེལ་ཡོད་པ་རེད། དེ་སྔོན་གྲུབ་ཟིན་པའི་༧པཎ་ཆེན་རིན་པོ་ཆེའི་འཁྲུངས་སྐར་དེ་བཀྲ་ཤིས་ལྷུན་པོར་གནང་ཡོད་པ་རེད། བཞུགས་སྒར་དུ་གོ་སྒྲིག་གནང་ཡོད། པཎ་ཆེན་རིན་པོ་ཆེའི་འཁྲུངས་སྐར་ཐད་བཀའ་ཤག་ལ་སྔོན་རྩིས་བཀའ་འཁྲོལ་ཐོབ་པ་འབུམ་ ༥ གནང་ཡོད། རྩིས་ཁྲ་ཆ་ཚང་བ་ས་གནས་ཚོགས་ཆུང་བརྒྱུད་འབྱོར་རྒྱུ་ལྷག་ཡོད། ཨོ་སི་ལོའི་འགྲོ་སོང་ཁུངས་སོ་སོ་ནས་བཏང་ཡོད། སྤྱི་ཡོངས་ཀྱི་འགྲོ་སོང་ས་ཡ་གཅིག་ལྷག་གི་འགྲོ་རྒྱུའི་འཆར་གཞི་བསྒྲིགས་ཡོད། ” ཅེས་བརྗོད་བྱུང་།
ཐེངས་འདིའི་གྲ་སྒྲིག་ཚོགས་ཆུང་གི་ཚོགས་མི་དག་ནི། ཤེས་རིག་དྲུང་ཆེ་སྟོབས་རྒྱལ་ཚེ་རིང་ལགས་དང་། ཕྱི་དྲིལ་དྲུང་ཆེ་བཀྲ་ཤིས་ཕུན་ཚོགས་ལགས། ནང་སྲིད་དྲུང་འཕར་འཆི་མེད་རིག་འཛིན་ལགས། ཆོས་རིག་དྲུང་འཕར་བསྟན་འཛིན་ལུང་རྟོགས་ལགས། འཕྲོད་བསྟེན་དྲུང་གཞོན་འཕྲིན་ལས་དཔལ་མོ་ལགས་བཅས་ཡིན་འདུག
གསར་འགོད་པ། དོན་གོ
ཕ་བླ་མའི་བཀའ་དྲིན་སྒྲུབ་པས་འཇལ། །ཞེས་གསུངས་པ་བཞིན་༧གོང་ས་མཆོག་གི་བཀའ་དྲིན་གསབ་ཐབས་ལ་བཀའ་བཞིན་སྒྲུབ་ནས་བཀའ་དྲིན་གསབ་ཐབས་མི་བྱེད་པར་བཀའ་དྲིན་རྗེས་དྲན་ཞེས་མི་དམངས་མདུན་དུ་༧གོང་ས་མཆོག་གི་བཀའ་དྲིན་དྲན་གསོ་བྱས་པ་ཙམ་གྱི་སུ་དང་གང་ལ་མི་ཕན། གཞན་དམངས་གཙོ་དུས་དྲན་སྲུང་བརྩི་ཟབ་རྒྱས་ཞུ་རྒྱུ་ཞེས་པས་ང་ལ་གནད་དོན་ཅིག་དྲན་གསོ་བཏང་སོང་། དེ་སྔོན་མཁས་པར་རློམ་པ་ཧོར་འཇིགས་ནས་གཞུང་འབྲེལ་ཚོགས་འདུ་ཞིག་གི་ཐོག་དམངས་གཙོ་དང་༧གོང་ས་མཆོག་གཉིས་ལས་གང་འདེམས་ཅེས་ན་དམངས་གཙོ་འདེམས་དགོས་པ་ཐེ་ཚོམ་མེད་ཅེས་བཤད་ཡོད།
་་་་་ འདི་ལོའི་གསུམ་བཅུའི་དུས་དྲན་ཉིན་གྱི་སྲིད་སྐྱོང་མཆོག་གི་བཀའ་ཤག་གཏམ་བཤད་ནང་བོད་མིའི་སྒྲིག་འཛུཊ་འཛིན་སྐྱོང་བཀའ་ཤག་གིས་ ༢༠༡༤ ལོ་ནི་༧གོང་ས་མཆོག་ལ་བཀའ་དྲིན་རྗེས་དྲན་གྱི་ལོར་སྲུང་གཙི་ཞུ་རྒྱུའི་གསལ་བསྒྲགས་གནང་བ་་་་་་་
༧གོང་ས་མཆོག་གི་སྐུ་སྲུང་སྐུ་བཅར་ཚོ་མི་མཚན་ཉིད་ཚང་པ་བཞག་རོགས ད་ལོ་ཨ་རི་ནང་ཆིབ་སྒྱུར་སྐབས་ཀྱི་སྐུ་བཅར་དེ་དག་ནི་སྐུ་སྲུང་ཕར་ཞོག་མིའི་མཚན་ཉིད་ཀྱང ཚང མེད་པ་ཐག་ཆོད་འདུག་དངོས་གནས་བྱས་ན་ང ་ཚོ་བོད་པ་མིའི་མཚན་ཉིད་ཚང་ཡོད་ཀྱང་ད་ལོ་ཨ་རིར་ཆིབ་སྒྱུར་སྐུ་བཅར་པ་དེ་ཚོ་རྒྱ་ཆ་བརྒྱ་མིའི་མཚན་ཉིད ཚང་མི་འདུག་