ཁ་སང་བཞུགས་སྒར་དུ་སྲིད་སྐྱོང་མཆོག་གིས་བོད་པའི་མཐོ་རིམ་སློབ་མ་ཚོར་གསུང་བཤད་གནང་སྐབས། སློབ་སྦྱོང་ཡག་པོ་མེད་ན་སྤྱི་དོན་ཕར་ཞོག་རང་དོན་ཡང་ཡག་པོ་ཞིག་བསྒྲུབ་དཀའ་ཚུལ་དང་། སློབ་ཕྲུག་ཚོས་ད་ལྟའི་གོ་སྐབས་བཟང་བོ་འདི་དམ་འཛིན་བྱེད་མ་ཐུབ་ཚེ་གོ་སྐབས་གཉིས་པ་ཞིག་རག་ཁག་པོ་ཡིན་སྐོར་སོགས་གསུངས་འདུག
ཟབ་སྦྱོང་ཐོག་སྲིད་སྐྱོང་མཆོག་གིས་སློབ་མ་ཚོས་ཉིན་རེའི་ཆུ་ཚོད་དམ་འཛིན་གྱིས་སློབ་སྦྱོང་ལ་འབད་བརྩོན་བྱེད་དགོས་སྐོར་གསུངས་དོན། “ད་ལྟ་ཁྱེད་རང་ཚོས་སློབ་སྦྱོང་གནང་བཞིན་པའི་སྐབས་སུ་སློབ་སྦྱོང་རང་གི་ཐོག་འབད་བརྩོན་བྱེད་རྒྱུ་ཤིན་ཏུ་གལ་ཆེན་པོ་རེད། སོ་སོར་ཡོད་པའི་ནུས་པ་ཆ་ཚང་འདོན་པར་ཤེས་ཡོན་དགོས་པ་རེད། ཤེས་ཡོན་སློབ་སྦྱོང་གནང་བའི་སྐབས་སུ་སོ་སོའི་ནུས་པ་ཆ་ཚང་ཞིག་སློབ་སྦྱོང་ཐོག་མ་བཏང་བ་ཡིན་ན། མ་འོངས་པར་འགྱོད་པ་སྐྱེ་གཞི་ཡིན་ལ། བོད་སྤྱི་པའི་རྩ་དོན་ལའང་ཐུགས་ཕན་གསོས་བའི་ཞབས་ཞུ་ཞིག་ཡོང་ཁག་པོ་ཡོད་པ་རེད། ནང་མི་སྤུན་མཆེད་ལའང་ཐུགས་ཕན་གསོས་པའི་ལྟ་རྟོག་གནང་ཐུབ་ཀྱི་མ་རེད། རང་ཉིད་ཀྱི་མི་ཚེའང་དོན་དང་ལྡན་པ་ཞིག་ཡོང་རྒྱུ་དཀའ་ལས་ཁག་པོ་ཡོད། ཤེས་ཡོན་ག་ཚོད་ཡག་པོ་ཡོད་ན་དེ་ཙམ་གྱིས་ལག་ཁྱེར་ཡག་པོ་རག་པ་དང་། ལག་ཁྱེར་ག་ཚོད་ཡག་པོ་ཡོད་ན་དེ་ལ་དཔག་པའི་ཕྱག་ལས་ཡག་པོ་རག་གི་རེད། ཕྱག་ལས་ག་ཚོད་ཡག་པོ་རག་ན་དེ་ལ་འབབ་པའི་འཚོ་བ་ཡག་པོ་ཡོང་གི་རེད། གང་ལྟར་ཤེས་ཡོན་གྱི་ཐོག་ནས་མི་སྒེར་དང་ནང་མི། སྤྱི་དོན་བཅས་ལ་ཐུགས་ཕན་གསོས་པའི་ཞབས་ཞུ་བསྒྲུབ་ཐུབ་སྟབས། ད་ལྟ་རྣམ་པ་ཚོས་མཐོ་སློབ་ནང་སློབ་སྦྱོང་གནང་གི་ཡོད་སྟབས། ཉིན་རེར་ཆུ་ཚོད་ ༡༠ རེར་སློབ་སྦྱོང་བྱས་པ་ཡིན་ན་དངོས་གནས་སློབ་སྦྱོང་ལ་འབད་བརྩོན་བྱེད་ཀྱི་འདུག་ཟེར་ཆོག་པ་རེད། ཉིན་རེར་ཆུ་ཚོད་ ༡༠ རེར་སློབ་སྦྱོང་མ་བྱས་ན་སྡུག་པོ་རེད་ཟེར་རྒྱུ་མེད་ཀྱང་སློབ་སྦྱོང་ལ་མཐའ་གཅིག་ཏུ་འབད་བརྩོན་བྱེད་ཀྱི་མེད་པའི་རྣམ་པ་གསལ་བོ་ཞེ་དྲག་རེད། ”ཅེས་གསུངས་འདུག
ཡང་གཞོན་སྐྱེས་ཚོས་གོ་སྐབས་དམ་འཛིན་དགོས་པའི་སྐོར་ལ་ཁོང་གིས། “ང་ཚོའི་མི་ཚེའི་ནང་གདམ་ག་དང་གོ་སྐབས་མཚམས་མཚམས་ལ་མ་གཏོགས་མེད་སྟབས། ཡོད་པའི་སྐབས་ལ་གོ་སྐབས་འཇུ་དགོས་པ་རེད། མ་འོངས་པར་གོ་སྐབས་ཡག་པོ་རག་གི་རེད་བསམ་ནས་བསྡད་ན་གོ་སྐབས་ནམ་ཡང་ཡོད་པ་མ་རེད། གོ་སྐབས་ལབ་པ་དེ་སྐབས་དང་དུས་ལ་རེ་གཉིས་ཤིག་སླེབ་པ་དང་། སླེབ་པའི་སྐབས་སུ་འཇུ་མ་ཐུབ་ན་ཚར་བ་རེད། ད་ལྟའི་དུས་ཚོད་དེ་དངོས་གནས་ཁྱེད་རང་ཚོའི་གོ་སྐབས་རེད། གོ་སྐབས་འདི་བརླག་ཚར་ན་ཚར་བ་རེད། རྗེས་མ་གོ་སྐབས་བསླེབ་པ་ཡིན་ན་ངས་འཇུ་རྒྱུ་ཡིན་ཟེར་བ་དང་། རྗེས་མ་ང་རྒྱལ་སྤྱིའི་ཚོགས་འདུ་ཆེན་པོ་ཞིག་ལ་སྐད་གཏོང་སྐབས་ངས་དངོས་གནས་ཅིག་བྱེད་རྒྱུ་ཡིན་ཟེར་བ་ཞིག་ཡོད་པ་རེད། ཡིན་ནའང་སྡིངས་ཆ་དེ་འདྲ་ཞིག་ལ་བསླེབ་སྐབས་རྐང་པ་འདར་ཞིང་རྔུལ་ནག་ཐོན་ནས་ཞབས་འདྲེན་ཞུ་ཡ་རེད་མ་གཏོགས་བྱས་རྗེས་འཇོག་ཐུབ་ཀྱི་མ་རེད། སོ་སོའི་གོ་སྐབས་འཇུས་ནས་རིམ་གྱིས་ཡར་འགྲོ་དགོས་རེད་མ་གཏོགས་སྡིངས་ཆ་ཆེན་པོ་ཞིག་སྒུག་བསྡད་པ་ཡིན་ན། སྡིངས་ཆའི་སྒང་ལངས་སྐབས་རྐང་པ་འདར་ཞིང་ཞབས་འདྲེན་ཞུ་བ་མ་ཟད། སེམས་ཤུགས་དང་སྙིང་སྟོབས་རྦད་དེ་བརླག་འགྲོ་རེད། དེ་ལྟར་ཆགས་ཚེ་ཚང་མ་ཚར་བ་རེད། དེར་བརྟེན་དུས་རྟག་ཏུ་སོ་སོར་ཡོད་པའི་ནུས་པ་བཏོན་ནས་རིམ་གྱིས་སྦྱང་ནས་འགྲོ་རྒྱུ་ཤིན་ཏུ་གལ་ཆེན་པོ་རེད། ”ཅེས་གསུངས་འདུག
སྲིད་སྐྱོང་མཆོག་གིས་ཁོང་ཕྱི་རྒྱལ་ཁག་ཏུ་སྐོར་སྐྱོད་སྐབས་ལས་དོན་གཙོ་བོ་གང་དག་སྒྲུབ་བཞིན་ཡོད་མེད་ཐད་ཁོང་གིས་འདི་ལྟར་གསུངས་སོང་། “ང་གང་དུ་སོང་བ་ཡིན་ནའང་མཛུབ་མོ་ལྔ་ཡི་འཆར་གཞི་བཏང་ནས་འགྲོ་གི་ཡོད། གཞུང་གི་གནད་ཡོད་མི་སྣ་དང་ཕྱི་སྲིད་ལས་ཁུངས། སྲིད་འཛིན་སྲིད་བློན་ལས་ཁུངས་ཀྱི་གནད་ཡོད་མི་སྣ། གྲོས་ཚོགས་ཀྱི་འཐུས་མི། གཞུང་འབྲེལ་མིན་པའི་ཚོགས་པ་ཁག་གི་གནད་ཡོད་མི་སྣ། དེ་བཞིན་གསར་འགྱུར་བརྒྱུད་ལམ་ལ་ཐུག་འཕྲད། དཔལ་འབྱོར་འཚོལ་སྒྲུབ་(fund raise)བཅས་བྱེད་ཀྱི་ཡོད། ད་ལྟའི་བར་ང་ལུང་པ་གང་དུ་ཕྱིན་ཡང་གོང་བརྗོད་ཀྱི་འཆར་གཞི་ལྔ་དེ་ཕལ་ཆེར་འགྲུབ་ཡོད་བསམ་གྱི་འདུག ངས་དེ་འདྲ་བཟོ་དགོས་དོན་གང་ཡིན་ཟེར་ན། སྲིད་སྐྱོང་ལབ་པ་དེ་ཆབ་སྲིད་ཀྱི་སྐུ་དབང་ཆ་ཚང་གནང་བའི་གནས་རིམ་གསར་པ་ཞིག་ཡིན་སྟབས། ལམ་ལུགས་བཟོ་རྒྱུ་དེ་གལ་ཆེན་པོ་རེད། མ་འོངས་པར་སྲིད་སྐྱོང་སུ་ཕེབས་ཀྱང་ལུང་པ་གང་དུ་ཕྱིན་པ་ཡིན་ནའང་། སྔོན་མའི་སྲིད་སྐྱོང་གིས་ལུང་པ་དེའི་ཕྱི་སྲིད་ལས་ཁུངས་ཀྱི་གནད་ཡོད་མི་སྣ་དང་སྲིད་བློན་ལས་ཁུངས། དེ་བཞིན་གྲོས་ཚོགས་འཐུས་མིར་མཇལ་ཡོད་པ་སོགས་ངས་ལམ་ལུགས་ག་ཚོད་བཟོ་ཐུབ་པ་ཡིན་ན། མ་འོངས་པར་ལོ་ལྔ་དང་ལྔ་བཅུའི་ནང་ཕན་གྱི་ཡོད་པ་རེད། མ་འོངས་པར་རྒྱ་གར་གྱི་སྲིད་བློན་དམ་འབུལ་མཛད་སྒོ་བསྡུ་སྐབས་བཙན་བྱོལ་བོད་མིའི་སྲིད་སྐྱོང་གདན་འདྲེན་ཞུ་དགོས་ཟེར་གྱི་རེད། གང་ཡིན་ཟེར་ན། སྲིད་སྐྱོང་མགྲོན་འབོད་གནང་བའི་ལམ་ལུགས་བྱུང་ཚར་བ་རེད། ལམ་ལུགས་བཟོ་རྒྱུ་དེ་ཁག་པོ་ཞེ་དྲག་ཡོད་པ་རེད། འདས་པའི་ལོ་ངོ་ ༥༠ ནང་རྒྱ་གར་གྱི་སྲིད་བློན་དམ་འབུལ་གྱི་མཛད་སྒོར་འགྲོ་ཐུབ་མེད་ཀྱང་ད་ཐེངས་འགྲོ་ཐུབ་ཡོད་པ་རེད། གང་ལྟར་ངས་ལམ་ལུགས་བཟོ་བཞིན་ཡོད་ཀྱང་། དེའི་སྒང་ལ་ཞེ་དྲག་བཤད་བསྡད་པ་ཡིན་ན་ཡང་ལམ་ཀ་དེ་འགག་པར་གནོད་ངེས་རེད། ”ཅེས་གསུངས་འདུག
གསར་འགོད་པ། པདྨ་མཚོ།
མི་དེས་་སྟོང་གཏམ་རྐྱང་རྐྱང་་བཤད་དེ་ལོ་ངོ་གསུམ་ལ་འགྲོ་རུ་ཉེ་སོང་། ལུང་གང་དུ་ཕྱིན་ཡང་་ལས་དོན་ལྔ་འགྲུབ་ནས་ཡོང་ཡོད་ཞེས་པའི་དོན། བཀའ་ཤག་གོང་མས་ལས་དོན་མ་འགྲུབ་པའི་་་་་་་་ ངོ་མ་མི་དེ་ལ་ངོ་ཚ་ཡས་མི་འདུག
མི་འདིས་བཤད་པའི་སྐད་ཆའི་ཁྲོད་ནས་ངས་ད་བར་དུ་སྟོང་བཤད་དང་བསླད་སྐྱོན་མེད་པའི་sསྐད་ཆ་གཅང་མ་ཞིག་གོ་མ་མྱོང་།
ང་ལ་ད་བར་དུ་ཡ་མཚན་པའི་དོན་རྐྱེན་ནམ། འདང་མི་ཕོག་པའི་གནས་ཤིག་ཡོད་པ་ནི། སྲིད་སྐྱོང་འདི་ངོ་མ་མི་ངོ་ཚ་མེད་པའི་མི་ཞིག་རེད་དམ། ཡང་ན་སེམས་ཁམས་ལ་སྐྱོན་ཞིག་ཡོད་པའི་མི་ཞིག་རེད་ཅེས་པ་འདི་ཡིན།
གང་ཡིན་ཞེ་ན་མི་འདིས་སྐད་ཆ་གང་བཤད་ཀྱང་དེའི་ནང་དངོས་ཡོད་དང་མི་མཐུན་པའི་ཐལ་ཆ་ཞིག་དང་། བློ་རྣལ་དུ་མ་གནས་པའི་ཆ་གང་མང་ཞིག་དུས་རྟག་ཏུ་ཐོན་གྱི་འདུག
མི་འདིས་བཤད་པའི་སྐད་ཆའི་ཁྲོད་ནས་ངས་ད་བར་དུ་སྟོང་བཤད་དང་བསླད་སྐྱོན་མེད་པའི་གོ་མ་མྱོང་།
ཡང་མྱི་ལྡང་ཤི་ཡེ་བུད་ཐལ།
(འདས་པའི་ལོ་ངོ་ ༥༠ ནང་རྒྱ་གར་གྱི་སྲིད་བློན་དམ་འབུལ་གྱི་མཛད་སྒོར་འགྲོ་ཐུབ་མེད་ཀྱང་ད་ཐེངས་འགྲོ་ཐུབ་ཡོད་པ་རེད། གང་ལྟར་ངས་ལམ་ལུགས་བཟོ་བཞིན་ཡོད་ཀྱང་། དེའི་སྒང་ལ་ཞེ་དྲག་བཤད་བསྡད་པ་ཡིན་ན་ཡང་ལམ་ཀ་དེ་འགག་པར་གནོད་ངེས་རེད།)
སྲིད་སྐྱོང་མཆོག་གིས་བཀའ་སློབ་གནང་སྟངས་ཡར་རྒྱས་ཆེན་པོ་འགྲོ་འདུག ཁོང་གིས་(ཤེས་ཡོན་སློབ་སྦྱོང་གནང་བའི་སྐབས་སུ་སོ་སོའི་ནུས་པ་ཆ་ཚང་ཞིག་སློབ་སྦྱོང་ཐོག་མ་བཏང་བ་ཡིན་ན། མ་འོངས་པར་འགྱོད་པ་སྐྱེ་གཞི་ཡིན་ལ། བོད་སྤྱི་པའི་རྩ་དོན་ལའང་ཐུགས་ཕན་གསོས་བའི་ཞབས་ཞུ་ཞིག་ཡོང་ཁག་པོ་ཡོད་པ་རེད། ནང་མི་སྤུན་མཆེད་ལའང་ཐུགས་ཕན་གསོས་པའི་ལྟ་རྟོག་གནང་ཐུབ་ཀྱི་མ་རེད། རང་ཉིད་ཀྱི་མི་ཚེའང་དོན་དང་ལྡན་པ་ཞིག་ཡོང་རྒྱུ་དཀའ་ལས་ཁག་པོ་ཡོད། ཤེས་ཡོན་ག་ཚོད་ཡག་པོ་ཡོད་ན་དེ་ཙམ་གྱིས་ལག་ཁྱེར་ཡག་པོ་རག་པ་དང་། ལག་ཁྱེར་ག་ཚོད་ཡག་པོ་ཡོད་ན་དེ་ལ་དཔག་པའི་ཕྱག་ལས་ཡག་པོ་རག་གི་རེད། ཕྱག་ལས་ག་ཚོད་ཡག་པོ་རག་ན་དེ་ལ་འབབ་པའི་འཚོ་བ་ཡག་པོ་ཡོང་གི་རེད། གང་ལྟར་ཤེས་ཡོན་གྱི་ཐོག་ནས་མི་སྒེར་དང་ནང་མི། སྤྱི་དོན་བཅས་ལ་ཐུགས་ཕན་གསོས་པའི་ཞབས་ཞུ་བསྒྲུབ་ཐུབ)ཅེས་གསུངས་གནང་བ་འདི་ཧ་ཅང་རྩ་ཆེན་པོ་རེད།
༄༅།།དེ་སྲིད་སྐྱོང་མཆོག་གི་ཇོན་བཞག་པ་ཀྱང་ཀྱང་ཡིན་ན་དགའ་པ་ལ་