བོད་མིའི་སྐྱབས་མགོན་༧གོང་ས་མཆོག་འཛམ་གླིང་གི་མིའི་སེམས་ཁམས་གསོ་བའི་རླབས་ཆེན་མི་སྣ་བརྒྱའི་ཁྲོད་དུ་ཨང་དང་པོར་འདེམས་འདུག
གཟའ་སྤེན་པའི་རྒྱལ་སྤྱིའི་གསར་ལམ་ཁག་ཅིག་ཐོག་གནས་ཚུལ་ཐོན་པ་ལྟར་ན། ཕྱི་ཟླ་གཉིས་པའི་ནང་སླར་ཡང་དབྱིན་ཡུལ་གྱི་ Mind Body Spirit ཞེས་པའི་དུས་དེབ་ཀྱིས་ ༢༠༡༥ ལོའི་འདོན་ཐེངས་དང་པོའི་སྟེང་། འཛམ་གླིང་ཐོག་མིའི་སེམས་ཁམས་གསོ་བའི་མི་སྣ་ཤུགས་རྐྱེན་ཆེ་ཤོས་ ༡༠༠ བདམས་པ་ལས་རྩེ་ཕུད་ ༢༠ ཟུར་འདོན་འོས་འདེམས་བྱས་པའི་ཁྲོད། བོད་མིའི་སྐྱབས་མགོན་༧གོང་ས་མཆོག་ཨང་དང་པོ་ཐོབ་འདུག
ཐེངས་འདིའི་འོས་འདེམས་ཁྲོད་ཨང་གཉིས་པ་ཡེ་ཤུའི་བླ་ཆེན་ཕོབ་ཧྥ་རན་སི་སི་Pope Francis ། ཨང་གསུམ་པ། འཇར་མན་གྱི་དེང་རབས་གསར་པའི་དགེ་རྒན་དང་རྩོམ་པ་པོ་དང་ Eckhart Tolle ། ཨང་བཞི་པ། ཐའེ་ལན་ཌའི་ནང་པའི་ཆོས་དཔོན་ Thich Nhat ། ཨང་ལྔ་པ་ལྷོ་ཨ་ཧྥི་རི་ཀའི་ཡེ་ཤུའི་ཆོས་དཔོན་Desmond Tutu བཅས་ཆགས་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
སྐྱེས་བུ་དམ་པ་འདི་ལྟ་བུ་ཞིག་ང་ཚོར་ཡོད་ཀྱང་ད་དུང་གསོད་རེས་དང་གཏུབ་རེས་ཀྱིས་ཕན་ཚུན་གཉིས་ཀར་དཀའ་ངལ་བཟོ་བཞིན་པ་དཔེ་རེད།
རྒྱལ་བ་རིན་པོ་ཆེ་སྐུ་ཚེ་ཁྲི་ལོ་ནས་ཁྲི་ལོར་བསྟན་པར་ཤོག
གངས་རིའི་མགོན་པོ་མཆོག་ཞབས་པད་བརྟན་པར་གསོལ་བ་འདེབས། འོས་འདེམས་འདི་ཉིད། ཕྱི་ལོ་ ༡༠༡༥ ཟླ་ ༡ ཚེས་ ༡ བར་སྐུ་འཚོ་བཞུགས་ཡིན་པ་ཞིག་དང་། ༡༽འཛམ་གླིང་ནང་ངོས་འཛིན་ཡོད་པའི་གཞན་ཕན་ཁྱད་འཕགས་ཀྱི་བྱ་བ་སྒྲུབ་བཞིན་ཡོད་པ།༢༽འཛམ་གླིང་གི་མི་དམངས་ཁྲི་ཕྲག་མང་བོས་ཁོང་རྗེས་འདེད་དང་གསུང་ལུང་འདྲེན་བྱེད་པ་དང་དགའ་མོས་ཡིད་ཆེས་པ་ཡོད་པ། ༣༽དྲ་གནས་google བརྒྱུད་ཁོང་གི་སྐོར་ལ་མི་དམངས་ཀྱི་ཅི་ཙམ་གྱིས་དོ་སྣང་ཆེ་བ་སོགས་དབྱིན་ལེན་གྱི་དུས་དེབ་ཁང་འདིས། དངོས་འབྲེལ་རྒྱུ་མཚན་ཡང་དག་མང་པོ་ཞིག་ལ་བརྟེན་ནས་ཕྱི་ལོ་ ༢༠༡༥ ནང་འཛམ་གླིང་གི་མི་སེམས་ཡར་སྐུལ་གྱི་རླབས་ཆེན་དབུ་ཁྲིད་བརྒྱ་འདེམས་ཤིང་། དེ་ལས་གཙོ་གྲས་ཉི་ཤུ་འདེམས་པ་དང་། གཙོ་གྲས་ཉི་ཤུ་ལས་ཨང་དང་པོར་རང་ཅག་གི་བོད་མིའི་༸སྐྱབས་མགོན་མཆོག་ཆགས་པ་ནི་རང་ཅག་བོད་མི་ཀུན་གྱི་བསོད་ནམས་རེད། རང་ཅག་ལ་འདི་ལས་ལྷག་པའི་ཁོང་གི་སྐུ་དྲིན་ལས་གཞན་ཅི་ཞིག་དགོས། གངས་རིའི་མགོན་པོ་ཞབས་པད་བརྟན་པར་ཤོག