དཔལ་རྒྱལ་བ་ཀརྨ་པ་མཆོག་ཨ་རིའི་ནང་ཆིབས་བསྒྱུར་བསྐྱངས་ཏེ་འབྱུང་འགྱུར་ཟླ་གཉིས་ལྷག་རིང་ཨ་རིའི་ནེའུ་ཡོག་དང་གཙུག་ལག་སློབ་གྲྭ་ཁག་ཅིག་ནང་གསུང་བཤད་གནང་འཆར་ཡོད་འདུག
ཀརྨ་ཐེབས་རྩ་ཁང་གི་དྲ་ཚིགས་ཐོག་གནས་ཚུལ་སྤེལ་བ་ལྟར་ན། སྒྲུབ་བརྒྱུད་བསྟན་པའི་སྲོག་ཤིང་དཔལ་རྒྱལ་བ་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་འཕྲིན་ལས་རྡོ་རྗེ་མཆོག་གཟའ་སྤེན་པའི་ཉིན་ཨ་རིར་ཆིབས་བསྒྱུར་བསྐྱངས་ཏེ། འབྱུང་འགྱུར་ཟླ་བ་གཉིས་ལྷག་རིང་ཨ་རིའི་ནེའུ་ཡོག་དང་རྒྱལ་ས་ཝ་ཞིན་ཊོན། ནེའུ་ཇིར་སི་དང་སེ་ཊིལ་བཅས་སུ་ཁོང་གི་རྗེས་འཇུག་སློབ་རྒྱུན་རྣམས་ལ་བཀའ་ཆོས་གནང་རྒྱུ་ཡིན་འདུག
དེ་བཞིན། ཨ་རིའི་ཧ་ཝར་ཌི་གཙུག་ལག་སློབ་ཆེན་(Harvard University)དང་། སི་ཊིན་ཧྥོར་ཌི་གཙུག་ལག་སློབ་ཆེན་(Stanford University)། ཡལ་གཙུག་ལག་སློབ་ཆེན་(Yale University)། པརེན་སི་ཊོན་གཙུག་ལག་སློབ་ཆེན་(Princeton University)། རེ་ཌི་ལན་ཌསི་གཙུག་ལག་སློབ་ཆེན་(University of Redlands)། ཝེ་སི་ཁོན་སིན་གཙུག་ལག་སློབ་ཆེན་(University of Wisconsin-Madison)བཅས་གཙུག་ལག་སློབ་ཆེན་ ༦ ཙམ་ནང་། ཁོར་ཡུག་སྲུང་སྐྱོབ་དང་བཟང་སྤྱོད། དེང་གི་བཟོ་རིག་བེད་སྤྱོད་གཏོང་སྟངས་བཅས་ཀྱི་ཐོག་གསུང་བཤད་གནང་རྒྱུ་ཡིན་འདུག
སློབ་གྲྭ་དེ་དག་གི་དགེ་རྒན་དང་སློབ་ཕྲུག་ཚོ་དང་ལྷན་དུ་བསམ་བློ་བརྗེ་རེས་དང་དྲི་བ་དྲིས་ལེན་བཅས་ཀྱི་མཛད་འཆར་ཡོད་འདུག ཐེངས་འདི་ནི་ཀརྨ་པ་མཆོག་ཨ་རིར་ཆིབས་བསྒྱུར་བསྐྱངས་ཐེངས་ ༣ པ་དེ་ཆགས་ཡོད་འདུག
འཆི་མེད་རྩ་གསུམ་འདུས་ཞལ་ཨོ་རྒྱན་རྗེ། །
ཐུགས་རྗེ་འགྲོ་འདུལ་ཕྲིན་ལས་གར་བསྒྱུར་བ། །
རྡོ་རྗེ་འཆང་དབང་སྐྱབས་མགོན་ཀརྨ་པའི། །
ཞབས་པད་བརྟན་ཅིང་མཛད་ཕྲིན་རྒྱལ་གྱུར་ཅིག །
༸སྐྱབས་རྗེ་བྱ་བྲལ་སངས་རྒྱས་རྡོ་རྗེས།
གསར་འགྱུར་དུས་ཐོག་ཏུ་སྤེལ་བ་ཐུགས་རྗེ་ཆེ། དཔལ་རྒྱལ་དབང་ཀརྨ་པ་མཆོག་ཁྱེད་ཀྱི་སྐུ་ཚེ་སྐལ་བརྒྱར་བརྟན་ཞིང་། ཁྱེད་ཀྱི་མཛད་འཕྲིན་ཡང་ངོའི་ཟླ་བཞིན་རྒྱས་ཤིང་ཕྱོགས་བཅུའི་སེམས་ཅན་ཐམས་བཅད་སྡུག་བསྔལ་ལས་སྐྱོབ་ཐུབ་པའི་སྨོན་ལམ་འདེབས། མཁྱེན་ནོ་ཀརྨ་པ་མཁྱེན་ནོ།།
གསར་འགྱུར་དུས་ཐོག་ཏུ་སྤེལ་བ་ཐུགས་རྗེ་ཆེ་ཞུའོ།།