སྤྱི་འཐུས་ཚོགས་གཙོ་མཆོག་གིས་གསལ་བཤད་དང་འབྲེལ་དགོངས་ཞུ་ཕྱིར་འཐེན་གནང་སྟེ། དེ་རིང་སྔ་དྲོའི་ཆུ་ཚོད་ ༩།༣༠ སྟེང་གྲོས་ཚོགས་ཀྱི་ལས་རིམ་མུ་མཐུད་མཇུག་སྐྱོང་གནང་ཡོད།
ཁ་སང་སྔ་དྲོར་བོད་མི་མང་སྤྱི་འཐུས་གྲོས་ཚོགས་ནང་ཆེས་མཐོའི་ཁྲིམས་ཞིབ་ཁང་གི་རྩིས་མགོ་ཞིག་དང་འབྲེལ་སྤྱི་འཐུས་བསྟན་པ་ཡར་འཕེལ་གྱི་བཀའ་མོལ་གནང་སྟངས་ཤིག་གི་ཐོག སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ་མི་གསོད་ཉེས་འཛུགས་བྱས་པར་ངོས་འཛིན་བྱུང་སྟེ། ཚོགས་གཙོ་མཆོག་གིས་གསལ་བཤད་ཅིག་དང་འབྲེལ་ཚོགས་གཙོའི་ལས་གནས་ནས་དགོངས་པ་ཞུས་པ་ཡིན་ཞེས་གསུངས་རྗེས། གྲོས་ཚོགས་ནས་ཕྱིར་ཐོན་པ་དང་བསྟུན་ཏེ་ཚོགས་འདུ་དུས་མིན་ཏུ་གྲོལ་དགོས་བྱུང་ཡོད་པ་དང་། ཉིན་རྒྱབ་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་སྣེ་ཁྲིད་དེ་གྲོས་ཚོགས་མུ་མཐུད་ཚོགས་ཡོད།
ཕྱི་དྲོའི་ཆུ་ཚོད་ ༣ པའི་སྟེང་གྲོས་ཚོགས་བར་མཚམས་བཞག་སྟེ། སྤྱི་འཐུས་ནང་ཁུལ་བཞུགས་མོལ་ཚོགས་འདུ་ཚོགས་ཏེ་ཚོགས་གཙོ་མཆོག་ལ་དགོངས་པ་མི་ཞུ་རྒྱུའི་འབོད་སྐུལ་གནང་བ་དང་། ལྷག་པར་དུ་སྤྱི་ཚོགས་ནང་དང་བོད་ནང་བཅས་ནས་ཚོགས་གཙོ་མཆོག་ལ་དགོངས་པ་མི་ཞུ་རྒྱུའི་རེ་སྐུལ་བྱུང་བ་ལྟར། ཚོགས་གཙོ་མཆོག་གིས་བསྐྱར་དུ་དགོངས་བཞེས་ཐོག་དགོངས་ཞུ་ཕྱིར་འཐེན་གནང་སྟེ། དེ་རིང་སྔ་དྲོའི་ཆུ་ཚོད་ ༩།༣༠ སྟེང་གྲོས་ཚོགས་སུ་དབུ་བཞུགས་གནང་སྟེ། ཁ་སང་གི་གནས་ཚུལ་དེར་གསལ་བཤད་དང་འབྲེལ་ཚོགས་འདུའི་ལས་རིམ་མུ་མཐུན་མཇུག་སྐྱོང་གནང་སོང་།
སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསལ་བཤད་གནང་དོན། ཁ་སང་གི་ལས་རིམ་དང་འབྲེལ་བའི་ཐོག་ནས་གནས་ཚུལ་ཞིག་ཆགས་ཡོད་སྟབས། དེ་རིང་གི་ལས་རིམ་མགོ་མ་བཙུགས་གོང་ལ་ཚོགས་གཙོས་གསལ་བཤད་སྙིང་བསྡུས་ཤིག་ཞུ་ཆོག་པ་ཞུ་རྒྱུ་ཡིན། ཁ་སང་བོད་མི་མང་སྤྱི་འཐུས་ལྷན་ཚོགས་ཀྱི་ལས་དོན་གྱི་བྱུང་རིམ་དང་འབྲེལ་བའི་ཐོག་ནས་ཚོགས་གཙོས་ལས་གནས་ནས་དགོངས་པ་ཞུ་རྒྱུ་ཡིན་ཞེས་ཟེར་ནས་ཕྱིར་ཐོན་བྱས་པ་རེད། དེའི་རྗེས་སྤྱི་འཐུས་མང་པོ་ཞིག་ཕེབས་སོང་ལ། དཔལ་ལྡན་སྲིད་སྐྱོང་མཆོག་གི་དབུས་པའི་བཀའ་བློན་རྣམ་པའང་ཕེབས་ནས་དགོངས་པ་རྒྱ་ཆེན་པོ་བཞེས་རོགས་གནང་ཞེས་རེ་འདུན་བཏོན་གནང་སོང་།
དེའི་རྗེས་ཉིན་རྒྱབ་ནམ་རྒྱུན་ལྟར་གྲོས་ཚོགས་ཚོགས་གཙོ་གཞོན་པས་སྟངས་འཛིན་གནང་སྟེ་ཆུ་ཚོད་ ༣ པར་གྲོས་ཚོགས་ཚོགས་པ་རེད། ཆུ་ཚོད་ ༣།༣༠ ནས་ ༥།༠༠ བར་སྤྱི་འཐུས་རྣམ་པའི་བཞུགས་མོལ་ཚོགས་འདུ་ཚོགས་གནང་ཡོད་པ་རེད། བཞུགས་མོལ་ཚོགས་འདུའི་ནང་ལ་སྤྱི་འཐུས་རྣམ་པ་ཚོས་བཀའ་མོལ་ལྷུག་པོ་གནང་ནས་དགོངས་ཚུལ་ག་རེ་ཡོད་མེད་ཚོགས་གཙོ་གཞོན་པས་ང་ལ་གསུངས་བྱུང་། དེ་ཡིན་དུས་ངས་ནམ་རྒྱུན་གཞན་པར་ཤོད་སྐབས་མཁྲེགས་བཟུང་བྱེད་རྒྱུ་ཡོད་པ་མ་རེད། ཁོག་པ་ཆེ་ཙམ་བྱེད་དགོས་རེད། སྤྱི་ཚོགས་ནང་ལོགས་ལ་གནས་ཚུལ་ཆེ་ཕྲ་ཆུང་གསུམ་འདྲ་མི་འདྲ་མང་པོ་ཡོང་གི་རེད། དེ་འདྲ་ཡོང་སྐབས་གནས་ཚུལ་ཆེན་པོ་དེ་ཆུང་དུ་བཟོ་རྒྱུ་དང་། ཆུང་ཆུང་དེ་ཚོ་མེད་པ་བཟོ་དགོས་ཞེས་ནམ་རྒྱུན་ཤོད་མཁན་ཞིག་ཡིན་སྟབས། དེ་རིང་འདིར་ཚོགས་གཙོས་མཁྲེགས་བཟུང་བྱས་ནས་བསྡད་པ་ཡིན་ན། གྲོས་ཚོགས་དང་མང་ཚོགས་ནང་ལ་བརྡབ་གསིག་གང་ལ་གང་འཚམ་ཞིག་འཕྲད་ས་རེད་བསམ་པའི་བསམ་ཚུལ་ཞིག་བྱུང་།
གལ་སྲིད་གྲོས་ཚོགས་ཚོགས་མ་ཐུབ་པའི་གནས་སྟངས་དེ་འདྲ་ཆགས་པ་ཡིན་ན། སྔོན་རྩིས་ཀྱི་གྲོས་ཚོགས་རེད། ད་ཐེངས་གྲོས་ཚོགས་འདིའི་ནང་སྔོན་རྩིས་གཏན་འབེབས་བྱེད་མ་ཐུབ་པ་ཡིན་ན། འཛིན་སྐྱོང་བཀའ་ཤག་གིས་ཟླ་ ༤ ཚེས་ ༡ ནས་ལས་ཀ་བྱེད་ཐུབ་ཀྱི་ཡོད་མ་རེད། ང་ཚོའི་བཅའ་ཁྲིམས་བསྐྱར་བཅོས་ཕྱིན་པ་ནས་བཀའ་རྩ་ཁྱབ་བསྒྲགས་ཀྱི་ལམ་ཁ་བཏོན་རྒྱུ་མེད་སྟབས། དེའི་ལས་དོན་ལམ་ལྷོངས་ཡོང་ཆེད་གཅིག་དང་། ལྷག་པར་དུ་ད་ལྟ་བོད་ནང་ལ་གཉན་འཕྲང་གི་དུས་ཚོད་ཅིག་དང་གནས་སྟངས་སྡུག་པོ་ཡིན་པ་དེ། ཁ་སང་ང་ཚོས་ཉིན་གཉིས་གསུམ་ཞིག་བགྲོ་གླེང་བྱས་ཟིན་པ་རེད། གཉན་འཕྲང་གི་དུས་ཚོད་དེ་འདྲ་ཞིག་ལ་བོད་གཞིས་ལུས་ཚོ་བློ་ཕམ་བྱུང་བ་ཡིན་ན། ཏག་ཏག་ཅིག་བསྡད་ཀྱི་མི་འདུག་ཟེར་བཀའ་ཤག་གིས་གསུང་སྐབས་དེ་ལབ་པ་རེད། བོད་ནང་གི་མི་མང་ཚོས་ང་ཚོ་བོད་མིའི་སྒྲིག་འཛུགས་ལ་རེ་བ་ཞིག་བརྒྱབ་བསྡད་ཡོད་སྟབས། དགོངས་པ་རྒྱ་ཆེ་ཙམ་ཞིག་བཞེས་རོགས་གནང་གསུངས་པ་རེད། དེ་ཚོ་སེམས་ལ་གཞི་བཞག་པ་ཡིན།
དེ་བཞིན། གནས་ཚུལ་དེ་བྱུང་རྗེས་ས་ཆ་མང་པོ་ཞིག་ནས་ཚོགས་གཙོར་མང་ཚོགས་མང་པོ་ཞིག་གིས་ཐད་ཀར་ཁ་པར་གཏོང་མཁན་བྱུང་། མང་ཚོགས་སེམས་འཚབ་ཞེ་དྲགས་གནང་གི་འདུག བོད་ནས་དགོངས་པ་མ་ཞུ་རོགས་གནང་ཞེས་ཐད་ཀར་ཚོགས་གཙོར་ཞུ་མཁན་མ་བྱུང་ཡང་བརྒྱུད་ནས་དེ་འདྲ་ཞུ་མཁན་བྱུང་སོང་། དེ་ཚོ་ཚང་མར་གཞིར་བཞག་པའི་ཐོག་ནས་ཚོགས་གཙོས་དགོངས་པ་མི་ཞུ་རྒྱུའི་ཐག་གཅོད་བྱས་ནས་དེ་རིང་གྲོས་ཚོགས་ལ་བཅར་དགོས་པའི་རྒྱུ་མཚན་དེ་ཡིན།
གཙོ་བོ་ང་ཚོ་ཚང་མ་མི་མང་གིས་བདམས་ནས་སྤྱི་པའི་ལས་དོན་བསྒྲུབ་ཆེད་འདིར་སླེབ་ཡོད་སྟབས། ང་ཚོ་ཚང་མས་དེའི་ཐོག་ལ་ནུས་ཤུགས་སྤུངས་དགོས་པ་དེ་གལ་ཆེན་པོ་ཆགས་ཡོད། གལ་སྲིད་གནས་སྟངས་མི་འདྲ་བ་ཞིག་ཆགས་པ་ཡིན་ན་དགྲ་དགའ་གཉེན་སྡུག་གི་གནས་ཚུལ་རེད། དེ་རིང་ཚོགས་གཙོས་བློ་སྤོབས་ཆེན་པོའི་ཐོག་ནས་ཞུ་རྒྱུ་ཞིག་ལ་ཚང་མ་ཐུགས་འཚབ་མ་གནང་རོགས་གནང་། ང་ཚོ་མུ་མཐུད་འཕྱར་བ་གྲུ་འདེགས་ཐོག་ནས་ཚང་མས་ཧུར་ཐག་བྱས་ཏེ་སྤྱི་པའི་ལས་དོན་བསྒྲུབ་རྒྱུར་འབད་བརྩོན་བྱེད་རྒྱུ་ཡིན་ཞེས་ཞུ་རྒྱུའི་འདོད་པ་བྱུང་།
གནས་ཚུལ་དེ་དང་འབྲེལ་བའི་ཐོག་ནས་བརྒྱུད་ལམ་ཁག་ཏུ་གང་ལ་གང་འཚམ་ཞིག་སླེབ་བསྡད་ཀྱི་ཡོད་ས་རེད། བརྒྱུད་ལམ་ནང་སླེབ་སྐབས་ཕྱོགས་གཉིས་ཀའི་གནས་ཚུལ་སླེབ་བསྡད་ཡོད་སྟབས། མང་ཚོགས་ངོས་ནས་དགོངས་པ་བཞེས་ཏེ་བརྒྱུད་ལམ་ཁག་ནང་ལོགས་ལ་གནས་ཚུལ་རྩ་བ་ཉིད་ནས་གཏོང་ཆོག་གི་མ་རེད་ཅེས་ཚོགས་གཙོས་བཀའ་གཏང་རྒྱུ་གང་ཡང་ཡོད་མ་རེད། ཡིན་ཡང་ཚོགས་གཙོས་རེ་བ་ཞུ་རྒྱུ་ཞིག་ལ་གནས་ཚུལ་དེ་ཆེན་པོ་མ་བཟོས་པའི་ཐོག་ནས་ད་ལྟ་ང་ཚོ་འདི་ལ་ཞི་འཇམ་ཡོང་བ་ནང་བཞིན་སྤྱི་ཚོགས་ནང་ལའང་ཞི་འཇམ་ཡོང་རྒྱུའི་རེ་བ་ཞུ་བཞིན་ཡོད་ཅེས་ཞུ་རྒྱུའི་འདོད་པ་བྱུང་། ཅེས་གསལ་བཤད་གནང་རྗེས། སྔར་ཉིན་གྱི་སྔོན་རྩིས་གཏན་འབེབས་ཀྱི་ལས་རིམ་མཇུག་སྐྱོང་གནང་སོང་།
གསར་འགོད་པ། དོན་གྲུབ།
མཆོག་ཏུ་བཀུར་འོས་པའི་དཔལ་ལྡན་ཚོགས་གཙོ་མཆོག་གིས་བོད་རྒྱ་ཆེའི་མི་མང་ལ་ཐུགས་བསམ་བཞེས་ནས་བསྐྱར་དུ་སྲིད་སྟེགས་སྟེང་ལ་ཕེབས་པ་ཧ་ཅང་དགའ་ཡོད། དོན་དངོས་ཐོག་ཚོགས་ཁང་འདིའི་ནང་དུ་ཁ་ཞེ་གཉིས་མེད་ཀྱི་དབུ་མའི་ལམ་གྱི་སྲིད་བྱུས་ཐོག་ལ་མཁྱེན་རྒྱ་ཡངས་མཁན་ཁྱེད་ལས་ལྷག་ངོ་མ་མེད། ཕྱོགས་ཡོངས་ལ་བལྟས་ན་ཧ་གོ་ངེས་ཡིན། མྱི་ཚེགས་ཁ་ཤས་ཀྱིས་སྤྱི་ཚོགས་ནང་དུ་མཐོང་ཆེ་རུ་འགྲོ་སྐབས་མིག་གི་མ་བཟོད་པར་གནས་ཚུལ་ཆུང་ཆུང་ཞིག་ཆེ་རུ་བཟོ་འདོད་ཡོད་པ་དང་ཁྱབ་བསྒྲགས་ཆུང་ཆུང་ཆེ་རུ་གཏོང་འདོད་ཡོད་པ་དེ་ང་ཚོའི་སྤྱི་ཚོགས་ནང་ལུགས་ཤེས་མེད་ཚོས་འཁྲབ་སྟེང་ཞིག་རེད། བོད་ཀྱི་ལོ་རྒྱུས་ཀྱི་བརྒྱུད་རིམ་ལ་བལྟས་ན་འང་ཉོག་འཛིང་གི་ཁོར་ཡུག་ཞིག་ལས་ཚད་ལྡན་གྱི་སྤྱི་ཚོགས་ཤིག་ཧ་ལམ་སུ་གཅིག་གི་བསྐྲུན་ཐུབ་མེད། སུ་ལ་ཡང་ཐུགས་ཕམ་བྱེད་མི་དགོས།
འོ་ད་ཁ་བྲོ་བཀྲ་ཤིས། ཉི་ནག་དེར་འཛམ་གླིང་མི་མང་གིས་མཐོང་སར་གུར་འོས་བོད་མི་མང་སྤྱི་འཐུས་ཤིག་གིས་སྐབས་མིན་འགྲེལ་མེད་དོན་གཞན་གྱི་བཀའ་གསུང་གནག་པོ་བུད་པ་དང་། སྤྱི་འཐུས་ཚོགས་གཙོ་མཆོག་གིས་ཀྱང་གོང་མས་མ་ཤེས་རྦབ་སྒྲིལ། རྗེས་མས་མ་ཤེས་བྲང་ཟེད་ཟེར་བ་ལྟར། ཚོགས་གཙོའི་ལས་གནས་ནས་དགོངས་པ་ཞུས་ཏེ་གྲོས་ཚོགས་དུས་མིན་དུ་གྲོལ་དགོས་ཐུག་པའི་བོད་གངས་ཅན་སྣོད་བཅུད་རིག་གཞུང་སྐད་ཡིག་དང་བཅས་པ་འཆི་གསོན་གྱི་འགག་མཚམས་འདིར་དགྲ་དགའ་གཉེན་སྡུག་གི་བརྙན་རིས་དེ། ངས་ཐོགས་མར་མཐོང་མ་ཐག་རང་གིས་རང་ལ་ཡིད་མ་ཆེས་བ་ལྟར་ཐེངས་ཁ་ཤས་ལ་ཡང་ལྟ་བྱས་མཐར་མིག་ནང་ནས་མིག་ཆུ་རང་དབང་མེད་པར་ཤོར་སོང་བ་དང་། དེ་ལུགས་འགྲུལ་བ་སེམས་ཤུགས་ཅན་ཞིག་ལ་ཁ་བདའ་བཤད་ནས་ངེད་གཉིས་ཀྱིས་བློ་ཕམ་གྱི་སྐད་ཆ་བརྗོད་སྐབས། ངའི་ཆུང་མའང་དེ་ན་སྐད་དམའ་མོས་ངུ་བཞིན་འདུག སྐབས་དེར་ཁོང་གཉིས་ཀྱི་སྟེང་ལ་བློ་ཕམ་དང་སྦྲགས་ཚིག་པའང་ཟོས་སོང་། མི་སྒེར་ངོས་ནས་བཤད་ན་བསྟན་པ་ཡར་འཕེལ་ལགས་གྱིས་ཀྱང་ང་རང་ལ་རོགས་པ་གང་ལེགས་བྱེད་མྱོང་ཡོད་པ་དང་ཕར་ལའང་གུས་བརྩི་ཡོད། ཚོགས་གཙོ་ལགས་ནི་དེ་ལས་ཀྱང་བོད་སྤྱིའི་དོན་དུ་ད་རེས་ཀྱི་གཞོན་སྐྱེས་ཤེས་འཇོན་ལྷག་བསམ་དང་ལྡན་ལ་༧ གོང་ས་མཆོག་ལ་ཤེས་ནས་ཡིད་ཆེས་ཐོབ་མཁན་བཀའ་སྤྱིའི་དབུ་ཁྲིད་རྣམ་པ་ལ་ཁོ་བོ་ཐེ་བའི་བོད་གཞི་བྱེས་གཉིས་ལ་རེ་བ་ཆེན་པོ་ཡོད་པ་དང་། ང་རང་ཉིད་སྒེར་བ་ལའང་བཀའ་དྲིན་ཆེན་པོ་ཡིན། ཡིན་ཡང་གནས་ལུགས་དང་མྱི་ངོ་མི་བརྗེ་བའི་གུས་པའི་རང་གཤིས་ལྟར་བཤད་ན། གནས་སྐབས་ཚོགས་འདུ་མཚམས་འཇོག་ཙམ་བྱས་ནས་རྒྱུན་ལས་ཟུར་ཚོགས་སམ་ཡང་ན་བཀའ་ཤག་དང་མཉམ་གྲོས་སོགས་བྱེད་དགོས་ཐུག་ཀྱང་། ཚོགས་གཙོའི་ལས་གནས་ནས་དགོངས་ཞུ་ཟེར་བ་དེ་ངོ་མ་བློ་ཡུལ་ལས་འདས་པ་ཞིག་མཐོང་བྱུང་། རབ་ཡིན་ན་གདུལ་བྱའི་ལོག་སྒྲུབ་བཟོད་པའི་བཟོད་པ་ཟེར་བ་ལྟར་ཁུངས་སྐྱེལ་ར་སྤྲོད་ཡོད་ན་དུས་ཚོད་སྤྲོད་རྒྱུ་དང་། ཁུངས་ལུང་མེད་ཀྱང་གུ་ཡངས་པོས་ལན་འདེབས་དང་སྦྲགས ། ལས་རིམ་མུ་མཐུད་ནས་སོང་ན་གཟི་བརྗིད་འཕར་མ་ཡོང་སྲིད། འཕྲལ་ཕུགས་རྒྱང་གསུམ་ལ་ཐུགས་བསམ་མི་བཞེས་པར་ཁ་ཐུག་ཚོར་བ་དབང་སོང་གིས་ཐག་གཅོད་མི་ཕལ་བ་ལྟར་བྱས་ན་རང་ཉིད་གཞན་གྱིས་ཆེད་དུ་བཙུག་པའི་རྙི་ནང་ལ་ལྷུང་ཉེན་ཡང་ཤིན་ཏུ་ཆེ།རང་ལ་མི་འདོད་པའི་མ་ཉེས་ཁ་ཡོག་གཏམ་ངན་གླེང་སློང་སོགས་སྤྱི་ཚོགས་སྣེ་ཁྲིད་པ་ཞིག་ཡིན་ཕྱིན་ཡོད་ཡོད་པ་རེད།དེ་དག་ལ་གདོང་ལེན་བྱེད་རྒྱུ་ནི་ཆ་རྐྱེན་གཙོ་བོ་ཞིག་རེད་བསམས་སོང་།དེ་མིན་མེ་བཙའ་ཤ་ལ་བབ་ཡོང་དུས་སྤྱི་དོན་གཡུག་རྐྱང་བྱས་ན། དོལ་ཚོགས་ཀྱིས་བྱེད་སྟངས་སོགས་དྲིན་ལན་ལོག་འཇལ་དེ་དག་གིས་། ༧ གོང་ས་མཆོག་གིས་ཀྱང་ང་ཚོ་ཐེངས་ག་ཚོད་ལ་གཡུག་དགོས་སམ། གང་ལྟར། ད་དེ་ལས་འཕྲོས་པའི་རྙོག་གླེང་གིས་ང་ཚོའི་སྤྱི་ཚོགས་སྤར་མོ་གང་བོ་མ་དཀྲུག་པར། མཐུན་སྒྲིལ་རྡོག་རྩ་གཅིག་སྒྲིལ་ནི་ཆོལ་ག་ཆོས་བརྒྱུད་གཞི་བྱེས་ཐམས་ཅད་ལ་མེད་ཐབས་མེད་པའི་ཐོག་ནས། མཁས་པའི་འཕྱུག་ཀྱང་སྲོང་ལ་མྱུར།། བླུན་པའི་ཨུ་ཚུགས་རུས་ལ་གཏུག། ཟེར་བ་ལྟར་དགོངས་པ་ཆེ་བཞེས་ཀྱིས་སླར་ཧ་ཅང་ཡག་པོ་བྱུང་བ་ནི་ས་གཞི་གསེར་གྱིས་བཀང་བ་ལས་དགའ་བོ་བྱུང་སོང་བཀྲ་ཤིས་བདེ་ལེགས་ཞུ་བོད་རྒྱལ་ལོ།
ཚོར་བའི་དབང་སོང་ཐག་གཅོད་དག །
ཕལ་ཆེར་འགྱོད་པའི་རྒྱུ་རུ་འགྱུར། །
བསམ་བློ་ཞིབ་ཏུ་བཏང་བའི་ལས། །
འཕྱུག་ཀྱང་རང་ལ་འཁང་ར་ཆུང་། །
མགོ་ལོག་ཟླ་བྷེས་གུས་པ་ཆེན་པོས་ཕུལ།
༄་། །དཔལ་ལྡན་མི་རྗེ་གྲོས་ཚོགས་ ཚོགས་གཙོ་མཆོག་སླར་འགན་འཁུར་དགྱེས་བཞེས་གནང་བར་བོད་རིགས་ཆོལ་གསུམ་ཡོངས་ནས་བཀྲིན་ཆེ་ཞེས་ཞུ། གནད་དོན་ནི་ད་རྒྱ་དམར་གྱི་ཀླ་ཀློའི་བལྟ་སྤྱོད་ལྐོག་ཟ་རུལ་སུངས་ཞེས་པའི་ཚིག་དེ་ང་ཚོའི་སྤྱི་ཚོགས་ནང་བེད་སྤྱོད་གནང་ན་ཧ་ཅང་ཐལ་ཆ་ཆེ་ལ་དེ་ནི་དམར་པོ་རིང་ལུགས་པས་དབང་ཆ་འཐབ་ཇུས་ཀྱི་ཡུ་བ་རྩེ་རྣོ་ལ་ངར་ཤུགས་ལྡན་པ་ཞིག་རེད། དེའི་ཐད་བོད་རིགས་སྤྱི་ཚོགས་ནང་མཐོ་དམན་བར་གསུམ་གྱི་བལྟ་བ་དེར་ཞེན་ཆགས་དོར་ན་ལེགས་པ་ཡོང་ས་རེད། ང་ཚོ་ནི་མི་རབས་ནས་མི་རབས་རྒྱལ་དགོས་པའི་བོད་རིགས་སྤྱི་ཚོགས་གཅིག་ཡིན་པས་རང་ཉིད་ལ་རྒྱལ་ཁབ་ཡོད་པ་ལྟར་གྱི་མ་འཇོན་འཇོན་མདོག་གནང་ན་འགྲིག་པ་ལས་ནོར་བ་མང་བ་ཡོང་གི་རེད། ད་ལྟའི་སྤྱི་འཐུས་དེའི་བསམ་བློ་ནང་རྡ་ས་བཙན་བྱོལ་ཡིན་པ་ཏིང་བརྗེད་སོང་བ་གསལ་པོ་འདུག། ལས་དོན་གང་དུའང་བརྒྱ་ཆ་༡༠༠( ༠/༠) སྒྲུབ་པ་འཛམ་གླིང་བྱུང་མེད་ལ་ཡོང་རྒྱུ་ཡང་ཁག་པོ་རེད། བཀྲིན་ཆེ།
༼ བོད་རིགས་སྤྱི་འཐུས་ལྷན་ཁང་ནམ་ཡང་རྒྱལ་གྱུར་ཅིག༽
བཀའ་རྒྱུད་སྤྱི་འཐུས་ནས་ཧ་ཅང་གནད་འགག་ཆེ་བའི་གྲོས་ཚོགས་སུ་ནང་ཁུལ་གྲོས་ཚོགས་སྤྱི་འཐུས་གསུམ་ལ་སྐྱོན་འཛུགས་གསུམ་བྱས་པ་དེ་དོན་དུ་སྒེར་ནད་ཅིག་ཁྲིམས་རྭར་འཁུར་མི་ཆོག་པ་ཤེས་བཞིན་དུ་རུམ་ནང་དུ་སླར་ཡང་ཁྱབ་བསྒྲགས་ཤིག་བྱས་ནས་ནང་དམེ་བྱས་པ་ལས། སྤྱི་དོན་ལ་འགན་འཁུར་བྱས་པ་ཞིག་རྩ་ནས་མ་མཐོང་།
སྒྲོལ་ལྷས་ལྐོག་ཟ་རུལ་སུངས་བྱས་པ་དང་། ཟླ་ཚེས་སྤྱི་རྒྱུ་སྒེར་བདག་བྱས་པ། ཚོགས་གཙོར་མི་གསོད་ལག་དམར་གྱི་བསྙོན་འཛུགས་ཚང་མ་སྐད་ཆ་རྙིང་པ་རྙིང་རུལ་གསུམ་རེད།
དེས་ན་ང་ཚོ་བསམ་བློ་རྣལ་དུ་ཕབ་ནས་འགན་འཁུར་རང་བཞིན་གྱི་སྐད་ཆ་བཤད་དགོས་པ་ལས། འདི་ལྟར་མི་ཡོང་བའི་རེ་བ་ཡོད།
སྐྱོན་འཛུགས་འདི་བྱས་པའི་གྲུབ་འབྲས་ནི་གྲོས་ཚོགས་སུ་འགྲོ་བཞིན་པའི་སྐར་རྟགས་ཅན་གྱི་དྲི་བ་དང་གནད་དོན་གཞན་ལ་མི་མང་ནས་དོ་སྣང་བྱེད་ཁོམ་མེད་པར་བར་ཆད་བཟོས་པ་ཙམ་ཞིག་རེད།
ལར་ནས་གསར་འགོད་པ་དེ་ཚོས་བཀའ་རྒྱུད་སྤྱི་འཐུས་ལ་བཅར་འདྲི་མི་བྱེད་དོན་གང་ཡིན་མ་ཤེས་སོང་། དེ་ཡང་བཟོད་གཡོལ་ནང་འགྲིགས་བཏང་བ་ཞིག་ཡིན་རྒྱུ་རེད།
ཚོགས་གཙོ་མཆོག་གིས་ཐུགས་འགན་ཆེ་བཞེས་ཀྱིས་གྲོས་ཚོགས་ལ་ཕེབས་པར་དགའ་བསུ་དང་ཐུགས་རྗེ་ཞུ།
དཔལ་ལྡན་བོད་མི་དམངས་སྤྱི་འཐུས་ཚོགས་གཙོ་སྐུ་ངོ་སྤེན་པ་ཚེ་ལགས་ནས་དགོངས་ཆེར་བཞེས་ཀྱི་ལས་འཁུར་མུ་མཐུད་དུ་གནང་བར་སྙིང་ཐག་པ་ནས་ཐུགས་རྗེ་བཀའ་དྲིན་ཆེ་ཞུ།
བཀའ་བརྒྱུད་སྤྱི་འཐུས་འདི་དང་འདི་ལྟ་བུ་རེ་ཟུང་གིས་བོད་པའི་སྤྱི་ཚོགས་ནང་སྔ་རྗེས་རྙོག་གླེང་གང་མང་བཟོས་ཡོད་པས་ཚང་མས་ཐུགས་གཟབ་གནང་རོགས།
སླར་ཡང་བྱོན་པར་བཀྲ་ཤིས་བདེ་ལེགས་དང་། གོང་དུ་སོང་བའི་གནད་དོན་རྣམས་རིམ་པའི་ཇེ་གསལ་ཡོང་རེ་བྱེད་བཞིན་སྒུག་ནས་ཡོད།
ད་ཚང་མ་ལོས་ཚོགས་གཙོ་ཕྱིར་ལོག་པ་དེ་ཡག་རབ་ལབ་ཀྱིན་འདུག ཡིན་ནའི། གླེང་གཞི་འདི་གཙང་སེལ་བྱེད་མ་ཐུབ་པར་ལྷག་པ་འདིས་ཚོགས་གཙོའི་མ་འོངས་མདུན་ལམ་སོགས་གང་ཅིའི་ཐད་གནོད་ཀྱི་ཡོད་པས། ཁྲིམས་ཐོག་ནས་བཙན་བྱོལ་ནང་དེང་ཕྱིན་གླེང་ཡ་མེད་པ་ཞིག་བཟོ་ཐུབ་བམ། དེ་ལྟར་མ་ནུས་ན་གླེང་གཞི་འདི་མུ་མཐུད་གནས་ཀྱི་རེད་འདོད། དེ་ལྟར་དོགས་གཞི་ཅན་གྱི་གྱོད་དོན་ཞིག་ཡིན་པ་ར་འཕྲོད་ཡོད་པ་རེད།
ཚོགས་གཙོ་ཕྱིར་ལོག་ཕེབས་པར་བཀའ་དྲིན་ཆེ། ད་ལན་གནས་ཚུལ་གསལ་པོ་བཟོས་ནས་ཕྱིས་སུ་དེ་ལྟར་མི་ཡོངས་བའི་རེ་བ་ཡོད། མཐོ་རིམ་མི་སྣ་ཚོས་བཀའ་མོལ་གནང་སྐབས་ཐུགས་བསམ་རྒྱ་ཆེ་བཞེས་ནས་ཤོད་རོགས། བོད་མིའི་ལས་དབང་ཁྱེད་ཚོའི་ལག་པར་ཡོད། ང་ཚོས་ཁྱེད་ཚོར་ཡིད་ཆེས་བློས་འཁེལ་བྱེད་སྐབས་ཁྱེད་ཚོས་གང་གཟབ་གནང་རོགས། དེ་ལྟར་བྱེད་མ་ཐུབ་ན་སོ་སོས་གང་བྱེད་མཁྱེན་གསལ་རེད།
སྤྱིར་དོན་ཆུང་མེད་པ་བཟོ་རྒྱུ་འགྲིག་ཏུ་ཆིག་མོད། དེ་རེ་འདི་དོན་ཆུང་ཡིན་པར་བསམ་ནས་མེད་པར་བཟོ་དཀའ་འདུག
ཁ་སང་གི་དོན་རྐྱེན་དེའི་དབང་གིས་ཐེངས་སྔོན་མར་ཚོགས་གཙོ་བཀའ་བློན་དུ་འགྲོ་མ་ཐུབ་པ་རེད་ལ། ཐེངས་རྗེས་མའང་དེ་བཞིན་རེད། ཚོགས་གཙོ་བཀའ་བློན་ལ་འགྲོ་འདོད་ཡོད་པ་མངོན་གསལ་རེད། དེས་ན་དོན་རྐྱེན་འདི་ཉེས་འཛུགས་ཡིན་པའི་དབང་དུ་བཏང་ནའང་ཚོགས་གཙོའི་ངོས་ནས་ཀྱང་རང་ཉིད་ལ་དཀར་འདོན་བྱ་དགོས་ངེས། གཞན་ད་དུང་། དོན་རྐྱེན་དེ་སྔོན་མ་ནས་མང་ཚོགས་ཁྲོད་ཁྱབ་བསྡད་ཡོད་པས་མང་ཚོགས་ངོས་ནས་ཀྱང་དོགས་སེལ་དང་གསལ་བཤད་དགོས་ངེས། གལ་སྲིད་ཉེས་པ་མེད་ན་ཉེས་འཛུགས་མཁན་དེའང་རང་དགར་བཞག་ན་སྐྱག་ལངས་ཤོར་འགྲོ།
རྒྱུ་མཚན་དེ་དག་ལ་བརྟེན་ནས་ཚོགས་གཙོས་ཁོག་རྒྱ་ཆེ་མདོག་གིས་ཉེས་པ་མེད་མདོག་གིས་ཁུ་སིམ་བསྡད་ན་ཉེས་པ་ཡོད་པ་དོན་གྱིས་ཁས་བླངས་པ་དང་ཁྱད་ཅི།
གྲོས་ཚོགས་ནང་གི་སྐད་ཆ་གཞུང་འབྲེལ་ལམ་ནས་ཁྲིམས་ལ་གཏུགས་མི་ཆོག་རུང་། སྒེར་ངོས་ནས་ཁྲིམས་གཏུགས་མི་ཆོག་པ་མ་རེད།
ཚོགས་གཙོ་སྤེན་པ་ཚེ་རིང་ལགས། ཁྱེད་རང་གིས་དེ་རིང་གི་ཐག་གཅོད་དེ་འགྲིགས་པ་རེད། སྐྱོན་བརྗོད་བྱེད་མཁན་སྤྱི་འཐུས་དེས་དམིགས་ཡུལ་དང་གྲ་སྒྲིག་ཆ་ཚང་ལྡན་པའི་ཐོག་ནས་གྲོས་ཚོགས་ནང་སྐད་ཆ་དེ་གླེང་པ་ཞིག་ལ་ངོས་འཛིན་བྱེད་ཀྱི་ཡོད། ངེས་པར་དུ་བློ་རྒྱ་ཆེན་པོས་ཕྱག་ལས་གནང་དགོས་པའི་འབོད་སྐུལ་ཞུ་གི་ཡོད།
༄༅། །སྨོན་ལམ་ལོག་པས་ྋརྒྱལ་བའི་བསྟན་པ་ལ། །འཁུ་བའི་ནག་ཕྱོགས་གཟུགས་ཅན་གཟུགས་མེད་སྡེ། །བསམ་སྦྱོར་ངན་པའི་འཇུག་པ་མ་ལུས་པ། །མཆོག་གསུམ་བདེན་པས་རྩད་ནས་གཅོད་གྱུར་ཅིག ༎ ༎
བོད་རྒྱལ་ལོ།
ཚོགས་གཙོས་དགོངས་པ་ཆེར་བཞེས་གནང་བར་བཀའ་དྲིན་སྙིང་ནས་ཞུ།
མི་འགའ་ཤས་ཀྱིས་རང་ཉིད་མཁས་མདོག་གིས། གྲོས་ཚོགས་ནང་དུ་དགེ་སྐྱོན་བཤད་པ་ནི་མང་གཙོའི་ཁྱད་ཆོས་ཤིག་རེད་ཟེར་བ་ནི་བདེན་པ་ཡིན་ནའང་། གྲྭ་བ་དེའི་བཤད་སྟངས་ནི་དགེ་སྐྱོན་འདོན་པ་ཞིག་རེད་མི་འདུག་ལ། དེ་འདྲ་ཞིག་མང་གཙོའི་ཁྱད་ཆོས་རེད་ཟེར་བ་ནི་ཧ་ཅང་ཐལ་ཆ་ཆེ་བའི་བཤད་ཚུལ་ཞིག་རེད། དཔེར་ན། མང་གཙོ་ཡིན་ན་མི་སྒེར་ལ་བདེན་དཔང་མེད་པར་ཉེས་འཛུགས་བྱེད་རུང་ངམ།
དཔལ་ལྡན་ཚོགས་གཙོ་མཆོག་གིས་བོད་སྤྱི་བའི་ལས་འགན་གཙོ་བོར་བཟུང་སྟེ་ཕྱིར་ཕེབས་པར་ཐུགས་རྗེ་ཆེ། ང་ཚོ་ཚང་མས་ཤེས་གསལ་རེད། ད་སྐབས་སྤྱི་འཐུས་ནང་དུ་ཚོགས་གཙོ་སྤེན་པ་ཚེ་རིང་ལས་ལྷག་ཅིག་མི་སུ་གཅིག་ཀྱང་མི་འདུག བཀུར་འོས་བའི་ཚོགས་གཙོ་འདི་ལྟ་བུ་ལ་གང་ཡང་མི་ཤེས་མཁན་དང་གང་ཡང་མི་འཇོན་མཁན་གྱིས་ཉེས་འཛུགས་བྱེད་པ་དེ་བཟོད་དཀའ་བ་ཞིག་རེད། གྲྭ་བ་དེས་མང་གཙོ་རེད། ག་རེ་བྱས་ནས་བཤད་མཆོག་གི་མ་རེད་ཟེར་ནས་སྐད་ཤུགས་ཆེན་པོས་ཉེས་འཛུགས་བྱེད་ཚུལ་ལ་བལྟས་ན་ཁོང་ལ་སྤྱི་ཚོགས་ནང་གི་སྤྱིར་བཏང་གི་ཤེས་ཡོན་ཞིག་ཀྱང་མི་འདུག
གྲོས་ཚོགས་ནང་ནས་དགེ་སྐྱོན་བཤད་རྒྱུ་ནི་དམངས་གཙོའི་ཁྱད་ཆོས་རེད། གྲོས་ཚོགས་ནང་ནས་རུལ་བསྡད་པ་བཤད་མི་ཆོག་ན་དེ་ནི་ངན་རྟགས་ཀྱི་ནོན་ཞིག་ཡིན་པ་བཤད་ཅི་དགོས། ་ད་རེས་སྤེན་ཚེ་བརྒྱབ་ལ་ཆོལ་ཁ་ཞིག་ཁ་འཁྱེར་ནས་ཚོར་བ་བཤད་མཁན་ཚོར་ངོ་རྒོལ་ཡོད།
བཙོན་བྱོལ་སྤྱི་ཚོགས་ཁྲོད་ཆབ་སྲིད་ཀྱི་གོ་རྟོགས་མེད་པའི་སྟེང་བོད་མིའི་མཐུན་སྒྲིལ་ལ་གཏོར་བཤིག་གཏོང་བའི་སྐད་ཆ་དེ་རིགས་བྱུང་བ་ནི་ཤིན་ཏུ་བློ་ཕམ་ཆེ། མ་ཟད་བོད་པ་ཐུན་མོང་གི་གནད་དོན་གླེང་སའི་སྡིང་ཆ་འདི་གང་ཟག་སོ་སོའི་བསམ་ཚད་དང་དྲན་ཚད་ཤོད་སའི་སྡིང་ཆ་ཞིག་ཏུ་གྱུར་སོང་། མི་དམངས་ཀྱི་འཐུས་མི་ཞིག་ཡིན་པའི་ངོས་ནས་དེ་ལྟ་བུའི་མི་དམངས་ཀྱི་མཐུན་སྒྲིལ་ལ་གནོད་པའི་བཀའ་མོལ་གསུང་བ་ནི་ཧ་ཅང་གི་ཐལ་ཆ་ཆེ་བ་ཞིག་རེད། དེ་ནི་དམངས་གཙོ་དང་རང་དབང་ཁ་ལ་འཁྱེར་ནས་་རང་ཚུགས་ཤོར་བའི་བྱ་སྤྱོད་ཅིག་རེད།
དགོངས་པ་ཆེ་བཞེས་གནང་པར་ཐུགས་རྗེ་ཆེ་་་་ང་ཚོའི་སྤྱི་ཚོགས་འདི་ཆུང་ཆུང་ཞིག་ཆེན་པོར་བཟོ་བར་ཧ་ཅང་མཁས་པོ་ཡོད་པ་རེད་་་་་དོན་ཐག་དེ་ཕྱི་ནས་ཁྲིམས་ཐོག་ལ་སོང་ནས་ཐག་བཅད་ན་ཡག་གི་རེད་་་
གྲོས་ཚོགས་བདེ་བླག་ངང་མཇུག་སྐྱོང་ཐུབ་པ་བྱེད་རྒྱུ་ཧ་ཅང་གལ་ཆེན་རེད་་་
འཆར་གཞི་ཡོད་པའི་ཟིང་སློང་འདི་ལ་ལྟོས་ཚེ། ང་ཚོ་བོད་ཀྱི་སྤྱི་དོན་ནི་ཕ་རིའི་སྤང་རྒྱན་རེད་འདུག་ཁར། ཆོལ་འཐོར་ནང་འཐོར་ཞིག་ཡོང་རྒྱུའི་རྟགས་མཚན་ནི་གསལ་བོ་ཐོན་འདུག
ད་སྐབས་རྒྱ་དཀར་ནག་གཉིས་ཀྱི་གཞུང་འཛིན་པ་རྣམས་ལྐོག་ཟ་རིགས་ལུགས་དང་ལག་དམར་རྣམས་དམ་དྲགས་བྱེད་ནས་སྐད་གྲགས་དང་དགའ་མོས་བྱེད་སྐབས་་་་མི་རེ་འགའ་་་་ད་རང་རེ་གཞུང་འཛིན་པ་རྣམས་དང་སྤྱི་མཐུན་རྣམས་ལ་ངས་དེ་འདྲ་ནག་ཉེས་རེ་བསྟོན་ན་ངར་སྐད་གྲགས་་དང་དགའ་མོས་བྱེད་མཁན་ཡོད་་ས་རེད་བསམ་ནས་འདྲ་མི་འདྲ་བྱེད་ཀྱིས་ཡོད་རེད་་་་་་་་ཚོགས་གཙོ་ལག་དམར་ཡིན་པ་ཁུངས་བཤད་ར་སྤྲོད་བྱེད་ཐུབ་ཚེ་ངས་ལུས་ངག་ཡིད་གསུམ་གྱིས་དམ་བཅའ་བྱེད་ཐུབ་ནི་་་་་་་ངས་ལུས་བོད་དོན་དུ་མེརུ་སྲེད་ཐུབ་ངེས་ཡིན་་་་་་་་་འདིར་བསྟོན་རོགས་་་་་
ཚོགས་གཙོ་མཆོག་སླར་ཡང་བོད་གངས་ཅན་ལྗོངས་ཀྱི་གནས་སྟངས་ལ་ཐུགས་བསམ་ཆེན་མོའི་ངང་ལྷག་བསམ་རྣམ་དག་གིས་ཚོགས་གཙོ་མགན་ཁུར་གནང་བ་ངས་བོད་ཕྱི་ནང་གཉིས་ཡོད་པའི་ནང་མི་སྤུན་མཆོད་ཡང་ནས་བཀའ་དྲིན་ཆེ་ཞུ་་་་་་་་་་་་་་་སོ་སོར་སྐུ་བསྟོད་ཁོ་ན་མོས་མཁན་དག་གིས་ཁུངས་མེད་ལུང་མེད་སྐད་འདྲ་ངར་སྐད་ཆེན་མོས་ངང་བཤད་པ་སྣང་མེད་གཏོང་རོགས་ཞུ་་་་་་་་་་་་་གལ་སྲིལ་མི་དག་གིས་ཁུངས་ལུང་ཡོད་མདོག་བྱེད་ན་ཁྱེད་ཀྱིས་གསུངས་པར་ལྟར་ཁྲིམས་ཁང་རྣམ་དག་གཅིག་ལ་འགྲོ་ནས་མི་དེ་དག་མ་འོངས་པ་སྤྱི་ཚོགས་འདིའི་ནང་ཁུངས་མེད་ལུང་མེད་བཤད་ན་མི་དེ་དག་ལ་ལྟར་དང་ཟེར་བ་གཅིག་བཟོ་རོགས་ཞུ་་་་་་་་་་་
དུས་བབ་གསར་ཁང་ལ་གོ་ཤེས་དང་གནས་ཚུལ་གལ་ཆེན་དུ་བརྩིས་ཏེ་ཁ་གསལ་བཀོད་པར་ཐུགས་རྗེ་ཆེ་ཞུ། མུ་མཐུད་ནས་ཤུགས་སྐྱོན་རོགས་གནང་། མི་མང་གིས་གདེང་འཇོག་དང་ཡིད་ཆེས་ལ་གཅེས་སྐྱོངས་གལ་ཆེན་རེད།
གྲོས་ཚོགས་ནང་གི་འཐབ་རྩོད་འདི་ཆོས་རྒྱུད་ཀྱི་སྲིད་དབང་འཐབ་རྩོད་ཅིག་རེད། ཚོགས་གཙོ་རྒྱང་ཕུད་ཀྱི་རྗེས་སུ་སྲིད་སྐྱོང་ལ་སྐྱོན་འཛུགས་བྱ་རྒྱུ་རེད། ཕུགས་དོན་ངོ་མ་དེ་ཤེས་རྒྱུར་འདས་པའི་ལོ་རྒྱུས་དང་སྐབས་སྔ་མའི་ལས་ཀྱི་སྣེ་མོ་ཁ་ཅིག་གི་བྱ་སྤྱོད་ཤེས་དགོས།
ཚོགས་གཙོས་དུས་ཐོག་དགོངས་པ་ཞུས་པ་ཡང་འགྲིགས་སོང་ལ། སླར་ཡང་གཞན་གྱིས་བསྐུལ་བ་ལྟར། གྲོས་ཚོགས་སུ་འཚོགས་བཅར་གནང་བ་ཡང་། འགྲིགས་སོང་སྙམ་ལགས།། །།
གསལ་བཤད་ག་རེ་གནང་ཡོད་ན་དྲ་ཐོག་ཏུ་འགོད་རོགས། ཚོགས་གཙོ་ལགས་དཀར་སར་བུད་ཐུབ་པའི་རེ་བ་ཡོད། དེ་མིན་དགྲ་དགའ་གཉེན་སྡུག་རང་རེད།
ཡང་གསལ་འགོད་པ་སུ་ཡིན་དང་གསལ་ཁ་མེད་པའི་སྐྱོན་ཞིག་བསླེབས་སོང་། དཔེར་ན་ཚོགས་གཙོས་༼ཁ་སང་གི་གནས་ཚུལ་དེར་གསལ་བཤད་ཅིག་གནང་བ་དང་འབྲེལ་༽ཞེས་པ་ལྟ་བུའི་གསལ་བཤད་གང་ཞིག་བྱས་ཡོད་པའི་གསལ་ཁ་མེད་པ་ལྟ་བུ་རེད།
ཁ་སང་སྤྱི་འཐུས་བསྟན་པ་ཡར་འཕེལ་གྱིས་འགན་ཁུར་བའི་བཀའ་གནང་གི་ཡོད་གསུངས་སོང་ལ། སྐབས་དེར་ཚོགས་གཙོ་སྤེན་པ་ཚེ་རིང་གིས་བཀའ་སྤྱི་གཉིས་ཀྱི་དབུས་སུ་གྲོས་ཚོགས་ཀྱི་ཚོགས་གཙོའི་ལྡིང་ཆ་བརྒྱུད་ནས་ཚོགས་གཙོ་ནས་དགོངས་པ་ཞུས་སོང་།
བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཀྱི་རྭ་བ་འདི་ང་འགྲོ་གི་ཡིན། ཡང་འགྲོ་གི་མིན་ཟེར། རྩེད་མོ་རྩེ་ས་མ་ཡིན་པ་ཐུགས་ལ་འཇོག་རོགས།
ལྷག་པར་ཁྱོད་རང་ཚོའི་རྩེད་མོ་འདིའི་ནང་གཞིས་ལུས་མི་མང་དྲུད་མ་ཡོང་རོགས།
དཱ་ཞི་མིས་སྐྱག་པ་སྦས་སྦས་བྱས་ནས་བྱབ་ཡོད་མ་རེད་ཅེས་ཞུ་རྒྱུ་ཡིན།
བཀུར་འོས་སྤྱི་མཐུས་བསྟན་པ་ཡར་འཕེལ་མཆོག་ལགས། ད་ཚོགས་གཙོ་ཡོད་ས་འདིར་ངེས་པར་དུ་མི་གསོད་ཁྲག་སྦྱོར་སྐོར་ར་སྤྲོད་ཁུངས་སྐྱེལ་གནང་རོགས་ཡོང་བར་མཁྱེན། བོད་མི་དམངས་ཀྱི་ཁྱེད་ཀྱིས་ཁུངས་སྐྱེལ་ལ་རེ་སྒུག་བྱས་ནས་བསྡད་ཡོད་དོ། །
གྲོས་ཚོགས་འཐུས་མི་སུ་རུང་གིས་གྲོས་ཚོགས་ལས་རིམ་སྐབས་སྐད་ཆ་བཤད་པར་གྲོས་སུ་གཏོགས་པ་ཕན་ཚུན་གྱིས་ཁྲིམས་གཏུགས་བྱེད་ཆོག་གི་མེད། དེ་ནི་བོད་མི་མང་སྤྱི་འཐུས་ལྷན་ཚོགས་ཀྱི་ལས་དོན་བྱེད་ཕྱོགས་དང་འགན་དབང་གི་སྒྲིག་གཞིའི་དགོངས་དོན་རེད། དེ་འདྲའི་གོ་སྐབས་ཤིག་བརྒྱུད་ནས་བསྟན་པ་ཡར་འཕེལ་གྱིས་”གྲོས་ཚོགས་ནང་སྤྱི་རྒྱུ་སྒེར་བདག་བྱེད་མཁན་དང་། ལྐོག་ཟ་རུལ་སུངས་བྱེད་མཁན། མི་གསོད་ཁྲག་སྤྱོར་བྱེད་མཁན་”ཡོད་རེད་ཅེས་བཤད་པ་རེད།
གལ་ཏེ་ང་ཚོས་གྲོས་ཚོགས་ནང་གི་སྤྱི་རྒྱུ་སྒེར་བདག་བྱེད་མཁན་དང་། ལྐོག་ཟ་རུལ་སུངས་བྱེད་མཁན། མི་གསོད་ཁྲག་སྤྱོར་བྱེད་མཁན་དེ་དག་སུ་ཡིན་ཤེས་འདོད་ན། དུས་བབ་ཚང་ངམ་གསར་འགྱུར་བརྒྱུད་ལམ་གང་རུང་གིས་བསྟན་པ་ཡར་འཕེལ་ལ་བཅར་འདྲི་ཞིག་བྱས་ནས། མི་དེ་དག་གི་མིང་ཕྱིར་འདོན་བྱ་རྒྱུའི་བློ་སྤོབས་ཡོད་མེད་བལྟ་ཐུབ་ན། གཞི་ནས་གནས་ཚུལ་ཁ་གསལ་བཟོ་ཐུབ།
ངས་རྒྱུས་ལོན་ཏོག་ཙམ་བྱས་མྱོང་། སྲིད་སྐྱོང་བློ་བཟང་སེངྒེ་ལ་བོད་ཀྱི་སྲིད་སྐྱོང་དང་བོད་ཀྱི་རྒྱལ་པོ་ཞེས་སྙན་ངག་དང་། གླུ་གཞས་སོགས་ཀྱི་ལམ་ནས་མངོན་གསལ་དང་མངོན་གསལ་མ་ཡིན་པའི་ཐོག་ཆེ་བསྟོད་དང་། སྐུ་དཔར་ཡང་མཆོད་གཤོམ་དུ་འཇོག་མཁན་བོད་མདོ་སྨད་ཕྱོགས་ན་ཤིན་ཏུ་མང་། དེ་བཞིན་བོད་ཁམས་ཕྱོགས་ཀྱི་གནས་སྐོར་ཚོའི་ཁྲོད་ན་སྤྱི་འཐུས་ཚོགས་གཙོ་ལ་དགའ་མོས་བྱེད་མཁན་མང་པོ་ཞིག་ལ་ཐུག་མྱོང་། མདོ་དོན་བོད་ན་བོད་མི་རིགས་གཅིག་གི་འདུ་ཤེས་ལས་ཆོལ་ཁ་དང་ཆོས་རྒྱུད་ཀྱི་ཞེན་ཁོག་དེ་རྩ་ནས་མི་འདུག འདི་ན་དྲ་འབུ་ཁ་ཅིག་གིས་ཞེན་ཁོག་རང་གི་སྐད་ཆ་ལས་དོན་དངོས་ལ་ལྟ་ཡི་མི་འདུག ད་ལྟའི་དུས་འདིར་སྲིད་སྐྱོང་དང་ཚོགས་གཙོ་གཉིས་བོད་མི་རིགས་ཀྱི་བླ་སྲོག་རེད་ཟེར་ན་ཆོག ༸གོང་ས་མཆོག་གིས་སྐུ་དབང་རྩིས་སྤྲད་རྗེས། མི་ཉུང་བ་ཞིག་གིས་བཙན་བྱོལ་སྒྲིག་འཛུགས་འདི་ལ་རེ་བ་མ་བརླག་པའི་རྒྱུ་རྐྱེན་གཙོ་བོ་ཡང་། སྲིད་སྐྱོང་ཤེས་འཇོན་ཞིག་དང་། ཚོགས་གཙོ་ཤེས་འཇོན་ཞིག་ཡོད་པ་དེ་ཡིན། ང་ཚོས་སྲིད་བརྗིད་འདི་རང་ཉིད་ཀྱི་གཟི་བརྗིད་དང་། བོད་མི་རིགས་ཀྱི་སྲིད་བརྗིད་ཅིག་ལ་བརྩི་དགོས།
ད་རེས་ཡང་བོད་མི་སྐྱ་སེར་མང་ཚོགས་རྩེད་མོ་རྩེད་སྤྱད་དང་། བོད་མིའི་གྲོས་ཚོགས་རྩེད་མོ་རྩེད་ས་བཟོས་སོང་ཏཱ། མང་ཚོགས་ལ་འགན་ཁྱེར་མ་སོང་ལ། གྲོས་ཚོགས་ལའང་འགན་ཁྱེར་མ་སོང་། མང་ཚོགས་ནང་འཁྲུག་ཐེབ་བཅུག་རྗེས་གནས་ཚུལ་ཁ་གསལ་བོ་གང་ཡང་བཟོས་མ་སོང་། ང་དངོས་གནས་སྤྱི་འཐུས་ཚོར་ཡ་མཚར་སོང་ལ། གྲོས་ཚོགས་འདིར་མགོ་ན་སོང་།
སྤེན་པ་ཚེ་རིང་དང་བསྟན་པ་ཡར་འཕེལ་གཉིས། གྲོས་ཚོགས་ནང་གི་སྐད་ཆ་ཁྲིམས་གཏུགས་མི་ཆོག་ཅེས་པའི་ནང་ཁུང་དེའི་གྲིབ་མའི་འོག་ཡིབ་ནས་བསྡད་སོང་ལོ།
དེ་ནི་གྲོས་ཚོགས་ར་བ་འདི་ནི་༼སྤྱི་རྒྱུ་སྒེར་བདག་བྱེད་མཁན། ལྐོག་ཟ་རུལ་སུངས་བྱེད་མཁན། མི་གསོད་ཁྲག་སྤྱོར་བྱེད་མཁན༽གྱི་སྤྱི་མི་གཡོ་སྲོལ་ཅན་འདུ་ས་དང་། བཙན་བྱོལ་སྤྱི་ཚོགས་ཀྱི་༼འཛེམ་ཟོན་ཅན་གྱི་མང་གཙོ། སྤྲེལ་ལད་ཅན་གྱི་མང་གཙོ།༽ཞིག་ལ་དོགས་སློང་མི་བྱེད་མཐུ་མེད་ཆགས་སོང་ལོ།
གང་ལྟར་ཡང་གནད་དོན་འདིའི་རིགས་མ་འོངས་བཀའ་སྤྱི་གཉིས་ཀྱི་འོས་བསྡུ་ཆེན་མོའི་སྔོན་དུ་བདེན་རྫུན་གཙང་སེལ་ཐུབ་པ་བྱེད་དགོས་འདུག གལ་ཏེ་བཀའ་སྤྱི་གཉིས་ཀྱི་སྔོན་འགྲོ་དང་དངོས་གཞིའི་འོས་བསྡུའི་བར་མཚམས་སུ་གནས་ཚུལ་འདི་རིགས་ཀྱི་ཐོག་ནས་ཟང་ཟིང་བྱུང་ན་གཞུང་དམངས་ཚང་མར་བརྡབ་གསིག་ཡོང་ངེས་རེད།
བཀའ་ཤག་དང་སྤྱི་འཐུས་བསམ་ཤེས་ཅན་ཚོར་ཐུགས་རྗེ་ཆེ། གནས་སྐབས་འདི་འདྲ་ཞིག་ལ་གནད་ལ་ཁེལ་བའི་ལས་དོན་ཞིག་ཐག་གཅོད་གནང་ཐུབ་འདུག སྤྱི་ཚོགས་ཤིག་གི་མགོ་ནས་འདུག་མཁན་ཞིག་ཡིན་ཚེ་ངེས་པར་ཁོག་པར་མདའ་ཤོངས་མདོང་ཤོངས་ཡིན་ཡིན་དགོས། ད་དུང་འདི་འདྲའི་གནད་དོན་ལ་ཐུག་གི་རེད། བཟོད་སྒོམ་མུ་མཐུད་གནང་དགོས།