སྲིད་བློན་མོ་དྷེས་དཀྱེལ་ཡངས་གནང་བ་དེ་ལེགས་པར་མཐོང་མོད། འོན་ཀྱང་རྒྱ་ནག་གིས་མཐའ་མཚམས་རྩོད་གླེང་འདུམ་འགྲིག་གི་འདུན་པ་དེ་ཙམ་མེད་པ་འདྲ་ཟེར།
དྲི་བ། སྲིད་བློན་མོ་དྷེས་རྒྱ་ནང་སྐོར་བསྐྱོད་ཐད་ལ་རྒྱ་ནག་མི་དམངས་དང་རྒྱ་ནག་བརྒྱུད་ལམ་ཁག་གིས་ལྟ་སྟངས་ཅི་འདྲ་གནང་འདུག་གམ།
ལན། དོན་ངོ་མར་རྒྱ་མི་མང་པོ་ཞིག་གིས་ན་རེན་ཌ་ར་མོ་དྷེ་(NarendraModi) ཟེར་བ་དེ་སུ་ཞིག་ཡིན་མིན་ཡང་གསལ་བོར་མི་ཤེས་ཤིང་། རྒྱ་ནག་ནང་གཟིགས་སྐོར་སྐབས་སུ། རྒྱ་ནག་གི་སྤྱི་ཚོགས་བརྒྱུད་ལམ་ཁག་གི་མདུན་ཤོག་ཧྲིལ་བོ་གཏམ་བཟང་འབའ་ཞིག་གིས་ཁེངས་འདུག་ཀྱང་། དོན་དངོས་སུ་མཐའ་མཚམས་རྩོད་གླེང་སྔར་བཞིན་བཟོད་དཀའ་བའི་ཟ་འཕྲུག་ཅིག་གི་ཚུལ་དུ་ལྷག་ཡོད་པ་རེད། ཡིན་ན་ཡང་། དེ་རྒྱ་གར་གཞུང་ལ་མཚོན་ནའང་། རྒྱ་ནག་ཁོ་རང་ཚོ་ལྟར་གནད་དོན་ཆེར་ཡོད་པ་མ་རེད། དེ་ལྟར་རྒྱ་ནག་གཞུང་འབྲེལ་བརྒྱུད་ལམ་དུ་ཐོན་པའི་སྲིད་བློན་མོ་དྷེ་ཡི་གནས་ཚུལ་སྐོར་ལའང་ལྟ་སྣང་འདྲ་མིན་སྣ་ཚོགས་ཡོད་ཅིང་། ལ་ལ་ཞིག་གིས་ཁོང་གི་དཀྱེལ་ཡངས་དེ་འདྲ་ཁོ་རང་ཚོས་དགའ་མོས་གནང་བའི་རང་རྒྱལ་གྱི་སྲིད་འཛིན་དང་བསྡུར། ཡང་རེ་འགའ་ཞིག་གིས་ལྟ་སྟངས་དེ་བསྒྱུར་ནས་ཨ་རུ་ན་ཅལ་མངའ་སྡེ་ (Arunachal Pradesh) ཡི་རྩོད་རྙོག་གླེང་གི་འདུག དེ་བས་ཀྱང་ཡིད་སྐྱོ་བ་ཞིག་ལ། རྒྱ་མི་མང་པོ་ཞིག་གིས་ད་དུང་ཡང་རྒྱ་གར་གཞུང་ལ་ལྟ་སྟངས་ངན་པ་བཟུང་ཡོད་དེ། ཕྱོགས་གཅིག་ནས། གཞུང་འབྲེལ་བརྒྱུད་ལམ་ཁག་ཏུ་ནམ་རྒྱུན། རྒྱ་གར་གཞུང་ནི་དེང་གི་དམངས་གཙོའི་བཀག་རྒྱ་དང་དེའི་དབུལ་ཕོངས་ཀྱི་རྒྱ་རུ་ཚུད་པའི་དཔེ་མཚོན་ཞིག་ཏུ་དྲིལ་བསྒྲགས་བྱེད་ཀྱི་ཡོད་པ་རེད།
དྲི་བ། དེང་སྐབས་རྒྱ་གར་གཞུང་ཨ་རི་དང་ཝེ་ཋི་ནམ་གྱི་མཛའ་འབྲེལ་རྒྱལ་ཁབ་ཅིག་དང་། རྒྱ་ནག་གཞུང་ཨུ་རུ་སུ་དང་པ་ཀི་སི་ཐན་གྱི་མཛའ་འབྲེལ་རྒྱལ་ཁབ་བཅས་སུ་ཆགས་ཡོད་སྟབས། ཕྱི་འབྲེལ་གྱི་ཤུགས་རྐྱེན་ཐད་ནས་རྒྱལ་ཁབ་གཉིས་བར་ཕན་ཚུན་འདྲ་མཉམ་དང་གནོན་ཤུགས་ཀྱི་འདུ་ཤེས་གང་ཞིག་བཟུང་ཡོད་མེད་སྐོར་བརྗོད་ན་འགྲིག་གམ།
ལན། ངས་བལྟས་ན། རྒྱལ་ཁབ་གཞན་གྱི་མཛའ་འབྲེལ་ལ་མ་གཞིགས་པར། དེང་སྐབས་རྒྱ་དཀར་ནག་གཉིས་ཀྱི་ངོས་ནས་རྒྱལ་ཁབ་གཉིས་བར་གྱི་འབྲེལ་ལམ་སྔར་བས་ཡར་རྒྱས་སུ་གཏོང་འདོད་ཡོད་ས་མ་རེད་དེ། ཡིན་ན་ཡང་རྒྱ་ནག་དང་པ་ཀི་སི་ཐན་བར་གྱི་མཛའ་འབྲེལ་དང་། རྒྱ་གར་དང་ཨ་རི་གཉིས་བར་གྱི་མཛའ་འབྲེལ་གྱི་རྐྱེན་པས། པེ་ཅིན་གཞུང་དང་ལྡི་ལི་གཞུང་གཉིས་བར་གྱི་འབྲེལ་ལམ་ལ་བཀག་རྒྱ་ཐེབས་ཡོད་པ་བསྙོན་དུ་མེད་ན། པེ་ཅིན་གཞུང་གི་མིག་ནང་དུ་ནམ་ཡང་རྒྱལ་ཁབ་འདྲ་མཉམ་གྱི་འདུ་ཤེས་ལས་གནོན་ཤུགས་ཀྱི་འདུ་ཤེས་ཚབས་ཆེ་པར་ཁོ་མོས་འདོད་ཅིང་། དེ་ཡང་རྒྱལ་ཁབ་གཉིས་ཀྱི་སྟོབས་ཤུགས་མངའ་ཐང་གང་ཕྱོགས་ནས་བལྟས་ཀྱང་གསལ་བོར་རྟོགས་ཡོང་བ་ཞིག་རེད།
དྲི་བ། རྒྱ་དཀར་ནག་གཉིས་བར་གྱི་ཚོང་འབྲེལ་དོན་སྨིན་འབྱུང་ཐུབ་བམ།
ལན། དམག་སའི་དམིགས་འབེན་དང་མཐའ་མཚམས་རྩོད་གླེང་གི་རྐྱེན་པས། ཚོང་འབྲེལ་ནི་རྒྱལ་ཁབ་གཉིས་བར་གྱི་འབྲེལ་ལམ་མཐོར་འདེགས་གཏོང་བའི་གོ་སྐབས་ལེགས་ཤོས་ཤིག་ཡིན།
སྤྱིར་ཡུལ་ལུང་ཁ་ཁ་དང་ཆབ་སྲིད་ཀྱི་འགལ་འདུ་རྣོ་ངར་ཇེ་ཆེ་ཡིན་རུང་། རྒྱ་ནག་དང་ཉི་ཧོང་རྒྱལ་ཁབ་གཉིས་བར་ཚོང་དོན་གྱི་འབྲེལ་ལམ་ཟབ་མོ་ཡོད་པ་ལྟར་དུ། སྲིད་བློན་མོ་དྷེས་ཡང་དཔེ་མཚོན་དེའི་རྗེས་སུ་འབྲང་སྟེ། རྒྱ་ནག་གི་ཁེ་ལས་མ་འཇོག་དང་ལག་རྩལ་བརྗེ་རེས། སྡོད་ཁང་འཛུགས་བསྐྲུན་སོགས་འཐོབ་ཀྱི་ཡོད་མོད། ཡིན་ནའང་ཕྱོགས་གཉིས་ཀྱི་ངོས་ནས་ཉོ་འཚོང་མ་འཇོག་གི་དཀའ་རྙོག་ཅིག་ལ་དོ་སྣང་བྱེད་དགོས་པ་ཞིག་ཆགས་ཡོད།
དྲི་བ། རྒྱ་དཀར་ནག་གི་མཐའ་མཚམས་རྩོད་གླེང་དེས་རྒྱ་ནག་ལ་མི་འདོད་པའི་ཤན་ཤུགས་ཅི་འདྲ་ཐེབས་ཡོད་དམ།
དྲིས་ལན། གོང་དུ་བཤད་ཟིན་པ་ལྟར། རྒྱ་ནག་གིས་འདབས་འབྲེལ་རྒྱལ་ཁབ་གཞན་དག་ལྟར། རྒྱ་གར་ལ་སེམས་ཁྲལ་དེ་ཙམ་བྱེད་ཀྱི་མེད་པ་དང་། མཐའ་མཚམས་མངའ་ཁོངས་ཀྱི་ཐད་ནས། རྒྱ་ནག་གིས་ཧི་མ་ལ་ཡའི་རི་རྒྱུད་ཁག་ལས་རྒྱ་ནག་ཤར་རྒྱུད་རྒྱ་མཚོ་དང་ལྷོ་རྒྱུད་རྒྱ་མཚོ་གཉིས་དམིགས་འབེན་དུ་བཟུང་ཡོད། དེ་ལྟར་ཡང་། རྒྱ་ནག་གིས་མཐའ་མཚམས་རྩོད་གླེང་འདུམ་པའི་གྲ་སྒྲིག་ཅི་ཡང་བྱས་མེད་ཅིང་། དོན་དམ་དུ་འདས་པའི་ལོ་ངོ་བཅུ་ཕྲག་རིང་། རྒྱ་ནག་གིས་མཐའ་མཚམས་རྩོད་གླེང་འབའ་ཞིག་གི་ལངས་ཕྱོགས་བཟུང་ནས་བསྡད་ཡོད་པ་མ་གཏོགས། གཞན་སུ་གང་གི་ལྷན་དུའང་མཐའ་མཚམས་རྩོད་གླེང་འདུམ་འགྲིག་གི་འདུན་པ་ཡོད་པ་མ་རེད། མངའ་ཁོངས་རྩོད་གླེང་གི་རྐྱེན་པས། རྒྱ་དཀར་ནག་གི་འབྲེལ་ལམ་ཡར་རྒྱས་སུ་གཏོང་འདོད་མེད་པ་ཙམ་དུ་མ་ཟད། རྒྱ་ནག་གིས་རྒྱལ་ཁབ་གཉིས་བར་གྱི་རྩོད་གླེང་གང་ཞིག་དུས་ཐོག་ཏུ་འདུམ་པའི་རེ་འདུན་ཡང་མེད་ཚོད་རེད།
དྲི་བ། ད་རེབ་ཀྱི་རྒྱ་དཀར་ནག་གི་རྒྱལ་དོན་བཀའ་མོལ་ནང་བོད་དོན་སྐོར་ནས་གང་འདྲ་མཐོང་སོང་།
ལན། དེ་དོན་ལ་ང་དོགས་པ་ཡོད། ཡིན་རུང་། རྒྱ་ནག་གི་རང་གི་ལངས་ཕྱོགས་ལ་འགྱུར་བ་དོག་ཙམ་ཡང་མི་གཏོང་དོན་ཅི་ཡིན་ནམ། ཏཱ་ལའི་བླ་མའི་རྗེས་སུ། བོད་དོན་ནི་སླར་ཡང་རྩོད་རྙོག་གི་ངོ་བོ་ཞིག་ཆགས་སྲིད་ཅིང་། རྒྱ་ནག་གིས་གོ་སྐབས་དམ་འཛིན་གྱིས། རྒྱ་གར་ནང་གི་བཙན་བྱོལ་བོད་གཞུང་ལ་ཁ་གཡར་ཏེ། གོམ་གང་མདུན་སྤོས་ཀྱིས་རྒྱ་གར་གཞུང་ལ་ཡང་བསྐྱར་གནོན་ཤུགས་སྤྲོད་རྩིས་ཡིན་ན། སྐབས་དེར་རྒྱལ་ཁབ་གཉིས་བར་གྱི་འབྲེལ་ལམ་དེ་ཡང་གཡོ་སྒྱུ་འབའ་ཞིག་གི་དུས་སྐབས་སུ་བསྐྱོད་ཀྱང་སྲིད་པ་རེད།
བསྒྱུར་མཆན། ཝ་ཞིན་ཊོན་གསར་ཁང་གི་རྒྱ་ནག་ཉམས་ཞིབ་པ་སྐུ་ཞབས་སེ་མོན་ཌན་ཡར་(Simon Denyer) ལགས་ཀྱིས་རྒྱ་གར་དུས་བབ་གསར་ཁང་གི་རྩོམ་སྒྲིག་པ་ལྕམ་སེར་རྗ་ན་ (Sirjana Mitra Das) ལགས་སུ། སྲིད་བློན་མོ་དྷེ་རྒྱ་ནག་ནང་གཟིགས་སྐོར་དང་རྒྱ་དཀར་ནག་གི་མཐའ་མཚམས་རྩོད་གླེང་། དེ་བཞིན་བོད་དོན་བཅས་ཀྱི་སྐོར་ལ་གླེང་མོལ་བྱས་ཚེས་ ༡༨ ཉིན་སྤེལ་བ་འདིར་བོད་བསྒྱུར་ཞུས།
དྲང་པོར་ཞུས་ན། བོད་ནང་དུ་མེར་བསྲེག་ངོ་རྒོལ་གནང་པ་ནས་རྙོག་དྲ་ཆགས་ཚར་བ་རེད། མེར་བསྲེག་ངོ་རྒོལ་གྱི་ཤུགས་རྐྱེན་ཧ་ཅང་གི་གཏིང་ཟབ་པོ་དང་ཡུན་རིང་པོར་གནས་ངེས་ཡིན། བོད་ནང་གི་གོ་རྟོགས་ཇེ་མཐོ་དང་འཐབ་རྩལ་ཇེ་བྱང་ལ་འགྲོ་ངེས་རེད།