ཡུ་རོབ་སྤྱི་མཐུན་ཚོགས་པའི་ངོས་ནས་རྒྱ་ནག་གཞུང་ལ་ཏཱ་ལའི་བླ་མ་དང་ལྷན་དུ་བོད་རྒྱའི་བར་གྱི་གྲོས་མོིལ་བསྐྱར་མཐུད་ཡོང་བའི་འབོད་སྐུལ་ཞུས་འདུག
རྒྱལ་སྤྱིའི་གསར་ལམ་ཁག་ཅིག་ཐོག་གནས་ཚུལ་ཐོན་པ་ལྟར་ན། ཕྱི་ཚེ་ ༢༩ ཉིན་གྲོང་ཁྱེར་བྷུར་སིལ་ནང་ཚོགས་པའི་ཡུ་རོབ་དང་རྒྱ་ནག་གི་ཆེས་མཐོའི་དཔོན་རིགས་ལྷན་ཚོགས་ཐེངས་ ༡༧ པའི་སྟེང་དུ། ཡུ་རོབ་མཐུན་ཚོགས་དང་ཡུ་རོབ་གྲོས་ཚོགས་ཀྱི་འཐུས་མི་མཉམ་ཞུགས་ཐོག ཡུ་རོབ་མཉམ་འབྲེལ་སྤྱི་མཐུན་ཚོགས་པའི་འགན་འཛིན་ཌོ་ནལ་ཌི་ཊུ་སི་ཁི་ལགས་ཀྱིས། རྒྱ་ནག་གི་སྲིད་བློན་ལེ་ཁི་ཆེང་ལ་ནང་བའི་དབུ་ཁྲིད་ཏཱ་ལའི་བླ་མ་དང་མཉམ་དུ་མིང་དོན་མཚུངས་པའི་བོད་རྒྱའི་གྲོས་མོས་བསྐྱར་གསོ་དགོས་པའི་འབོད་སྐུལ་ཞུས་ཡོད་ཚུལ་བཀོད་འདུག
གཟའ་ཟླ་བའི་དགོང་མོར་སྐོང་འཚོགས་བྱས་པའི་གསར་འགོད་ལྷན་ཚོགས་ཤིག་གི་སྟེང་། ཡུ་རོབ་མཉམ་འབྲེལ་སྤྱི་མཐུན་ཚོགས་པའི་འགན་འཛིན་ཊུ་སི་ཁི་དང་རྒྱ་ནག་གི་སྲིད་བློན་ལེ་ཁི་ཆེང་གཉིས་མཉམ་ཞུགས་ཐོག སྐུ་ཞབས་ཊུ་སི་ཁི་ལགས་ཀྱིས། རྒྱ་ནག་གིས་མུ་མཐུད་དུ་སྲིད་ཇུས་ལེགས་བཅོས་བྱེད་འདུན་ཡོད་ཀྱང་། ཁོང་ཚོས་ལས་དོན་དེ་བཅོས་བསྒྱུར་གཞན་ཞིག་གི་སྟེང་དུ་རྒྱ་བསྐྱེད་བྱ་སྲིད་སྐོར་བརྗོད་ཀྱི་ཡོད་པ་རེད། ཅེས་དང་། ཡང་ཁོང་གིས་དེ་རིང་ང་ཚོ་ཚང་མས་རྒྱལ་ཁབ་ཕན་ཚུན་བར་གྱི་བཟང་ཕྱོགས་ཀྱི་འབྲེལ་ལམ་མཚོན་པའི་ཕྱི་ལོ་ ༢༠༢༠ དམག་དོན་གྲོས་གཞིའི་ཐད་ལ་ཤུགས་སྣོན་བྱ་རྒྱུ་ཐག་བཅད་པ་མ་ཟད། ང་ཚོས་ད་དུང་རྒྱ་ནག་གི་སྲིད་བློན་ལེ་ཁི་ཆེང་ལ་འབྱུང་འགྱུར་གྱི་དོན་ལས་སྐོར་ལའང་མོས་མཐུན་བྱས་ཡོད་ཅིང་། ལས་རིམ་འདི་ཧ་ཅང་སེམས་འགུལ་ཐེབས་པ་ཞིག་རེད་ཅེས་བརྗོད་འདུག
གོང་སྨོས་གསར་འགོད་ལྷན་ཚོགས་སྟེང་། ཁོས་མུ་མཐུད་དུ། ལས་རིམ་འདི་རྒྱལ་ཁབ་ཕན་ཚུན་བར་གྱི་ཉོ་འཚོང་མ་འཛུགས་ནས་རྒྱལ་ནང་གི་འགྲོ་བ་མིའི་ཐོབ་ཐང་དང་ཡུལ་གྱར་གནས་བབ། དེ་བཞིན། རྒྱལ་ཁབ་ཀྱི་བདེ་འཇགས་འགན་སྲུང་ནས་སའི་གོ་ལའི་ཚ་དྲོད་ལ་འཕོ་འགྱུར་གཏང་ཕྱོགས་སྐོར་ཡིན་སྟབས། དེ་རིང་ང་ཚོ་ཚང་མ་གོམ་གང་མདུན་སྤོས་ཀྱིས། དཀའ་རྙོག་འདི་དག་སེལ་ཐབས་སུ་འབད་བརྩོན་བྱེད་དགོས་པ་རེད། རྒྱུ་མཚན་ང་ཚོ་ཚང་མ་རྡོག་རྩ་གཅིག་སྒྲིལ་གྱིས། དེང་གི་དམག་དོན་ཁེ་ཕན་ཐུན་མོང་དུ་སྤྱོད་ཀྱི་ཡོད་པ་མ་ཟད། ང་ཚོ་ཚང་མས་དཔུང་རྡིང་གཅིག་ཏུ་བསྒྲིལ་ཏེ་འཛམ་གླིང་གི་དཀའ་རྙོག་ལ་གདོང་ལེན་བྱེད་དགོས་སྐོར་གླེང་སློང་དང་དམ་བཅའ་བྱས་ཡོད་པ་རེད།
ང་ཚོས་རྒྱ་ནག་གི་སྲིད་ཇུས་བཅོས་བསྒྱུར་ལ་རྒྱབ་སྐྱོར་དང་དེའི་གྲུབ་འབྲས་ལ་ཡིད་ཆེས་བྱེད་ཀྱི་ཡོད་པ་མ་ཟད། ང་ཚོས་ད་དུང་རྒྱལ་སྤྱིའི་གནས་བབ་དང་བསྟུན་ཏེ། ཕྱོགས་གཉིས་ཐུན་མོང་གི་འགྲོ་བ་མིའི་ཐོབ་ཐང་ཡར་རྒྱས་སུ་གཏོང་ཐབས་སུ་མཉམ་ལས་བྱེད་ཕྱོགས་ཐད་ལའང་གྲོས་མོལ་བྱས་ཡོད་པ་དང་། ངས་འདིར་ང་རང་ཚོའི་ངོས་ནས། བོད་དང་ཡུ་གུར་གྲངས་ཉུང་མི་རིགས་ཀྱི་རྣམ་འགྱུར་དང་འདུ་འཛོམས་རང་དབང་གི་གནས་སྟངས་ཐད་ལ་སེམས་ཁུར་བྱེད་ཀྱི་ཡོད་ན། ངས་རྒྱ་ནག་གཞུང་གིས་ཏཱ་ལའི་བླ་མའི་སྐུ་ཚབ་དང་ལྷན་དུ་མིང་དོན་མཚུངས་པའི་གྲོས་མོལ་བྱ་བར་རེ་སྐུལ་ཞུ་རྒྱུ་ཡིན།
དགའ་འོས་པ་ཞིག་ལ། ད་ལོའི་ཕྱི་ཟླ་ ༡༡ ནང་ང་ཚོའི་ཐེངས་རྗེས་མའི་འགྲོ་བ་མིའི་ཐོབ་ཐང་གི་གྲོས་མོལ་ཚོགས་འདུ་དང་། དེ་བཞིན། འགྲོ་བ་མིའི་ཐོབ་ཐང་གི་ལས་དོན་དང་འབྲེལ་བའི་ཡུ་རོབ་མཉམ་འབྲེལ་ཚོགས་པའི་དམིགས་བསལ་སྐུ་ཚབ་རྒྱ་ནག་ནང་ཐེངས་གཉིས་པའི་གཟིགས་སྐོར་བྱེད་ཕྱོགས་ཐད་ལའང་མོས་མཐུན་བྱུང་ཡོད་པ་རེད། རེབ་དེའི་ང་ཚོའི་ལས་གཞིའི་ནང་དུ། དེང་གི་འཛམ་གླིང་གི་ཚ་དྲོད་དང་འཛམ་གླིང་འཕེལ་རྒྱས་སུ་གཏང་ཕྱོགས་སྐོར་ཚུད་ཡོད་སྟབས། ང་ཚོས་དེང་གི་གནམ་གཤིས་འགྱུར་ལྡོག་དང་གོ་ལ་ཡར་རྒྱས་སུ་གཏང་ཕྱོགས་སྐོར་ལ་གདོང་ལེན་བྱེད་དགོས་པ་མ་ཟད། ང་ཚོས་རྒྱལ་ཁབ་ཕན་ཚུན་ཐུན་མོང་དང་རྒྱལ་སྤྱི་རང་བཞིན་གྱི་ངོས་ནས། གནམ་གཤིས་འགྱུར་ལྡོག་གི་ཉེན་འཚབ་དང་འབྲེལ་བའི་ཉོ་འཚོང་མ་འཛུགས་དང་དུག་རླངས་ཀྱི་མཁའ་དབུགས་ཇེ་ཉུང་དུ་གཏང་ཕྱོགས་སྐོར་ལའང་གྲོས་མོལ་བྱེད་དགོས་ཡོད།
