གནས་ཚུལ་འབྱོར་གསལ་ལྟར་ན། ཁམས་དཀར་མཛེས་ནས་ཡིན་པའི་བོད་མི་ཚོང་པ་པ་སངས་དབང་ཕྱུག་ལགས་རྒྱ་གཞུང་ཉེན་རྟོག་པས་འདི་ལོའི་ཟླ་ ༧ ཚེས་ ༦ ཉིན་ཏེ། ༸གོང་ས་མཆོག་གི་སྐུའི་འཁྲུངས་སྐར་ཉིན་སླར་ཡང་དོ་དམ་བྱས་འདུག
པ་སངས་དབང་ཕྱུག་ལགས་རྣམ་ཀུན་ཚོང་ལས་གཉེར་མཁན་ཞིག་ཡིན་པ་དང་། བར་ལམ་རྒྱ་ནག་གཞུང་གིས་སྐུའི་གྱ་སྟོན་རིང་བོད་ཀྱི་ས་ཁུལ་གང་སར་དམ་དྲག་སུན་གཙེར་བྱས་ཡོད་པ་ལྟར། དཀར་མཛེས་ཁུལ་དུ་ཡང་དེ་ལྟར་སུན་གཙེར་བཟོས་པའི་སྐབས། པ་སངས་དབང་ཕྱུག་ལགས་ཀྱིས་སྐུའི་གྱ་སྟོན་གྱི་བསང་གསོལ་གནང་བའི་རྒྱུ་མཚན་གྱིས་ས་གནས་ཉེན་རྟོག་པས་དོ་དམ་བྱས་པ་ཞིག་ཡིན་འདུག
པ་སངས་དབང་ཕྱུག་ལགས་ཀྱིས་ ༢༠༡༤ ལོར་སྐད་འབོད་བྱས་སྟབས་ཟླ་བ་ཁ་ཤས་རིང་འཛིན་བཟུང་བཀག་ཉར་བྱས་ཡོད་པ་དང་། ད་རེས་སླར་ཡང་དོ་དམ་བྱས་སྟབས་ཕ་ཡུལ་གྱི་མི་ཚོས་ཁོང་ལ་རྒྱ་ནག་གཞུང་གིས་ཐག་གཅོད་གང་འདྲ་ཞིག་བྱས་ཡོང་སྙམ་སེམས་ཁྲལ་ཆེན་པོ་བྱེད་ཀྱི་ཡོད་འདུག ཁོང་དོ་དམ་བྱས་ནས་ཟླ་གཅིག་ཙམ་འགྲོ་བཞིན་ཡོད་ཀྱང་། ད་ལྟ་གང་དུ་བཀག་ཉར་བྱས་ཡོད་པ་དང་གནས་སྟངས་གང་འདྲ་ཡོད་མེད་སུས་ཀྱང་ཤེས་རྟོགས་ཐུབ་མི་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
