མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

༄། སྲིད་སྐྱོང་གི་ཁང་རིན་ཨ་སྒོར་ཉིས་འབུམ་ཉིས་ཁྲི་བདུན་སྟོང་གི་རྙོག་དྲ།

བོད་ཀྱི་དུས་བབ།
༢༠༡༥/༡༠/༠༩
Share on FacebookShare on TwitterShare on EmailShare on Whatsapp

 

 

ཤར་ཕྱོགས་ཁུག་རྟ།

 

དེ་སྔ་བློ་བཟང་སེང་གེས་ཨ་རིར་ཁང་པ་ཉོ་སྐབས་སྤྱི་མཚུངས་ལྟར་དངུལ་ཁང་ལ་པེད་ཤག་གཡར་ནས་ཉོས་ཡོད་ལ།

དེ་ལྟར་རྩིས་རྒྱབ་ན་ཕལ་ཆེར་ལོ་སུམ་བཅུ་མ་ཟིན་ཙམ་ཞིག་འགོར་གྱི་ཡོད།

སྐབས་དེར་ཁོང་གི་དངུལ་བྱང་ཁག་གི་སྟེང་ཁང་གླ་མཉམ་སྤྲོད་བྱ་རྒྱུའི་དངུལ་འབོར་མེད་པའང་ར་འཕྲོད་ཡོད།

འོན་ཀྱང་། ཁོང་ལ་བཀའ་བློན་ཁྲི་པ་ཐོབ་ནས་བདུན་ཕྲག་གཅིག་ཙམ་འགོར་མ་ཐག ༢༠༡༡ ཟླ ༧

ཚེས ༢༩ ཉིན་ཁོང་གིས་ཁང་གླའི་བུ་ལོན་ཨ་སྒོར ༢༢༧༠༠༠ ཆ་ཚང་དུས་གཅིག་ཏུ་སྤྲད་འདུག

ད་ལྟ་རྒྱལ་སྤྱིའི་གསར་ལམ་ཁག་ཏུ་དེའི་ཐད་དྲི་བ་ག་རེ་གཏོང་གི་ཡོད་པ་རེད་དམ་ཞེ་ན།

ཁོང་ལ་དེ་སྔར་དངུལ་བྱང་སྟེང་ཁང་གླའི་དངུལ་འབོར་མེད་པ་གསལ་བོ་ཡིན་པ་གཞིར་བྱས།

གལ་སྲིད་དངུལ་ཁང་ནང་མེད་པའི་དངུལ་གྲངས་འབོར་ཆེན་ཞིག་གློ་བུར་ཐོབ་ཀྱང་།

ཡང་ན་གཞན་གྱིས་སྤྲད་ཀྱང་།

ཨ་རིའི་དངུལ་ཁང་ཁག་གིས་དངུལ་རྐྱང་རྩིས་བཞེས་མི་གནང་བ་མི་ཆོག་པ།

དེ་ལྟར་གནང་ན་པེད་ཤག་ནག་པོ་ཆགས་ཏེ་ཁྲིམས་སྒྲིག་དང་འགལ་ཡོད་པས་རེད།

དེའི་རྐྱེན་བློ་བཟང་སེང་གེ་ལགས་ཀྱིས་སུ་ཞིག་གི་ཅེ་ཁི་ Chueqe

རྒྱུད་ཁང་གླ་སྤྲད་མིན་དེ་གསལ་བོ་བཟོ་དགོས་ཞེས་མི་མང་པོས་དྲི་བ་གཏོང་གི་ཡོད་པ་རེད།

 

 

སྤྱིར་ཝ་ཞིན་གྲོན་པོ་སི་ཏྲི་ལྟ་བུའི་རྒྱལ་སྤྱིའི་སྟེང་ཆེ་མཐོང་དང་སྐད་གྲགས་ཡོད་པའི་ཚགས་ཤོག་སྟེང་།

བོད་ཀྱི་སྲིད་སྐྱོང་ལ་པེད་ཤག་དང་འབྲེལ་བའི་དྲི་བ་ཞིག་ཡོང་བ་ཙམ་གྱིས་བོད་མི་རིགས་ཀྱི་ཆེ་མཐོང་ལ་ཅི་ཙམ་ཕན་གནོད་འབྲེལ་ཡོད་པ་ཚང་མས་མཁྱེན་གསལ་རེད།

དྲི་བ་བཏང་བ་དེར་ཁོང་གི་གྲོགས་པོ་དབུ་དཀར་ཚང་ཀེ་རྡོར།

ད་ལྟའི་ཨ་རིའི་དོན་གཅོད་དུ་བྱས་རྗེས་དང་གཞུང་ཞབས་ཀྱི་རྒྱུད་རིམ་གང་ཡང་མེད་པར་བསྐོ་བཞག་བྱས་པ་དེས་ལན་འདེབས་ཤིག་བྱས་ཀྱང་།

ཨ་རིའི་བུད་མེད་མོ་ནེ་ཧན་ Maura Moynihan

གྱིས་དེ་བས་ཀྱང་ལན་འདེབས་དྲི་བ་ཚ་ནན་དུ་སྤེལ་བས།

ཁོང་གི་ཁང་པའི་དངུལ་དེ་ཡང་སྙིང་སུ་ཞིག་གིས་སྤྲད་མིན་ནི་ཧ་ཅང་དོགས་གཞི་ཅན་ཞིག་ཆགས་ཡོད་པ་རེད།

 

 

དེ་ཧ་ཅང་དོགས་གཞི་ཅན་ཞིག་ཆགས་དགོས་དོན་ནི།

བློ་བཟང་སེང་གེ་དེ་སྔར་བཀའ་བློན་ཁྲི་པར་ལངས་སྐབས་ཀྱི་འོས་བསྡུའི་ཁྱབ་བསྒྲགས་ཀྱི་འགྲོ་སོང་ཡོང་ཁུངས་ཐད།

དེ་རིང་སང་ཉིན་ཨ་རིའི་གཞུང་གིས་རྒྱ་ནག་གི་སོ་པའི་དོགས་གཞིའི་འོག་བཀག་ཉར་འདྲི་རྩད་བྱེད་བཞིན་པའི་རྒྱ་རིགས་ཚོང་པ་བྷན་དང་

Banja min wey འབྲེལ་བ་ཡོད་པའི་དོགས་སློང་བྱས་འདུག

རྒྱ་རིགས་བྷན་གྱི་འབོད་སྐུལ་འོག་བློ་བཟང་སེང་གེ་དེ་སྔར་རྒྱ་ནག་ཏུ་ཚོགས་འདུར་འགྲོ་སྐབས།

འགྲོ་རྒྱུར་མཐུན་འགྱུར་ཞུ་མཁན་གྱི་འབྲེལ་ཡོད་མི་སྣ་ཡོངས་རྫོགས་རྒྱ་རིགས་བུད་མེད་རྐྱང་རྐྱང་ཆགས་ཡོད་པ་དང་།

བློ་བཟང་སེང་གེ་གདན་འདྲེན་ཞུ་མཁན་ Ms.Huxiao jiang་

ནི་རྒྱ་ནག་གི་བདེ་སྲུང་དང་གསང་བའི་ལས་ཁུངས་ཀྱི་ལས་བྱེད་མི་སྣ་ཞིག་ཡིན་པའང་གསལ་བོ་བཟོས་པ་རེད།

དེའི་རྐྱེན་གྱིས་ཨ་རིའི་བུད་མེད་རྩོམ་པ་པོ་ Maura Moynihan

ལགས་ཀྱིས་སྲིད་སྐྱོང་གི་ཁང་རིན་ཡོང་ཁུངས་མི་སྣ་དེ་དག་དང་འབྲེལ་བ་ཡོད་པའི་དོགས་སློང་གནང་ཡོད་ལ།

དེ་རྣམས་གསལ་བོ་བཟོ་ཕྱིར་མུ་མཐུད་ལྕམ་སྐུ་མོ་ནེ་ཧན་གྱིས་དྲི་བ་བཏང་དང་གཏོང་བཞིན་པ་རེད།

 

 

ཨིན་ཡིག་གི་ལམ་ནས་ཕྱི་རྒྱལ་མི་སྣས་བོད་ཀྱི་དབུ་ཁྲིད་སྲིད་སྐྱོང་ལས་ཐོག་བློ་བཟང་སེང་གེས་ཁང་རིན་ཡོང་ཁུངས་རྩད་གཅོད་དོགས་འདྲི་བྱེད་བཞིན་པ་འདི་རིགས།

བོད་ཕྱི་ནང་གི་སྤྱི་ཚོགས་སུ་གནས་ཚུལ་གསལ་བོ་ཞིག་ཆགས་ཀྱི་མེད་ཁར།

སྲིད་སྐྱོང་ལས་ཐོག་པས་ཀྱང་གསལ་བཤད་གསལ་བོ་ཞིག་ད་དུང་མ་གནང་བས།

གནད་དོན་འདི་རྒྱལ་སྤྱིའི་སྒང་བོད་ཀྱི་ཆེ་མཐོང་དང་༧གོང་ས་མཆོག་གི་མཚན་ཤོས་འགྲོ་གཞིར་གྱུར་དང་འགྱུར་བཞིན་པ་མ་ཟད།

བོད་མི་ནང་ཁུལ་གྱི་ཆིག་སྒྲིལ་ལའང་གནོད་པ་ཚབས་ཆེན་ཐེབས་གཞིར་གྱུར་དང་འགྱུར་བཞིན་པ་རེད།

 

 

དེ་ཅི་ལྟར་ཞེ་ན།

རྒྱལ་སྤྱིའི་གསར་ལམ་གྲགས་ཅན་ཝ་ཞིན་གྲོན་དུས་བབ་རྒྱུད་སྲིད་སྐྱོང་མཆོག་གི་ཁང་རིན་ཡོང་ཁུངས་སྐོར་གྱི་དོགས་གཞི་རྣམས་མཐོང་སྐབས།

བོད་ལ་ཤ་ཚ་རྒྱབ་སྐྱོར་ཡོད་པའི་ཕྱི་རྒྱལ་བའི་ཚོགས་སྡེ་དང་མི་སྒེར་མང་པོ་ཞིག་གིས་ཐུགས་ཁྲལ་གནང་བཞིན་པ་གསལ་བོ་རེད།

ངེད་ལ་ཨ་རི་བ་གྲོགས་པོ་བོད་དོན་ལ་ཤ་ཚ་ཞིང་དབུ་མའི་ལམ་ལ་བསྟོད་བསྔགས་གནང་མཁན་ཞིག་ཡོད་པ་དེས་ང་ལ་གསུང་རྒྱུར།

”རྙོག་དྲ་འདི་པེད་ཤག་དང་འབྲེལ་སྟབས་མང་ཉུང་ལ་མ་ལྟོས་པར་གནད་དོན་བཙོག་པའི་རིགས་རེད།

དེ་ཡང་ཁྱོད་ཚོའི་ཆབ་སྲིད་དབུ་ཁྲིད་ལས་ཐོག་དང་འབྲེལ་བ་ཡིན་སྟབས།

ངེས་པར་དུ་གཙང་མ་བཟོ་དགོས་པ་རེད།

འདིས་རླབས་ཆེན་༧ཏཱ་ལའི་བླ་མ་མཆོག་གི་ཞབས་འདྲེན་ངེས་རེད་ལ།

རོགས་ཚོགས་ཁག་ལའང་བསམ་ཕྱོགས་ཡོང་མི་སྲིད་པ་མ་རེད།

ཁྱོད་ཚོ་མང་གཙོ་ཡིན་སྟབས་དྲི་བ་བཏང་ནས་གསལ་བོ་བཟོ་དགོས་པ་རེད་ཟེར།’’

གོང་གི་བཀའ་མོལ་འདི་ནི་དཔེ་མཚོན་གཅིག་རེད།

གཙོ་བོ་པེད་ཤག་གི་མང་ཉུང་མ་རེད།

པེད་ཤག་དང་འབྲེལ་བའི་རྙོག་གླེང་ཞིག་རྒྱལ་སྤྱིའི་གསར་ལམ་ཆེ་ཁག་ཏུ་ཐོན་ན་བོད་མི་རིགས་སྤྱིའི་ལར་རྒྱར་གནོད་ཀྱི་ཡོད་པ་ཚང་མས་གསུངས་བཞིན་པ་དེ་ག་རང་རེད།

 

 

དེ་བཞིན་ནང་ཁུལ་ཆིག་སྒྲིལ་ལ་ཅི་ལྟར་གནོད་དམ་ཞེ་ན།

ཁ་ཤས་ཀྱིས་རྙོག་དྲ་འདི་མི་ཅིག་གིས་བཟོས་པ་རེད། ཉིག་གིས་བཟོས་པ་རེད།

ཡང་གནས་ཚུལ་ཆ་ཚང་མགོ་མི་འཚོས་མཁན་ཚོས་འོས་བསྡུའི་སྐབས་གཞི་མེད་རྙོག་དྲ་སློང་གི་ཡོད་པ་རེད་ཅེས་བསྒྲགས་ཏེ།

རྒྱུ་མཚན་མེད་པར་གནད་དོན་འདི་ཆོལ་ཁའི་ཕྱོགས་སུ་འཐེན་འགྲོ་མཁན།

བཙན་གྱིས་སྦྱོར་མཁན། མ་ཤེས་པར་སྦྱོར་མཁན།

བསམ་བཞིན་ཁྱད་གསོད་ཀྱིས་སྦྱོར་མཁན་མང་པོ་ཞིག་ཡོང་གི་ཡོད་པ་མཐའ་དག

ང་ཚོས་མཐོང་གསལ་ཡིན་སྟབས།

གནས་ཚུལ་འདི་གཙང་མ་མ་ཆགས་པར་བསམ་ཕྱོགས་དེ་དག་གཙང་མ་མི་ཆགས་པ།

གཟུར་གནས་མཁས་པ་སུ་ལ་དྲིས་ཀྱང་ཧ་ཅང་གསལ་བོ་རེད།

ངས་བསམས་པར།་གནད་དོན་འདི་རྒྱལ་སྤྱིའི་སྒང་གི་བོད་དོན་གླེང་སྟེགས་ཁག་གི་གླེང་གཞི་ཞིག་ཀྱ་ཆགས་ཡོད་སྟབས།

གལ་སྲིད་༧གོང་ས་མཆོག་ལ་བཀའ་འདྲི་ཞུས་ཏེ་ག་རེ་གནང་དགོས་པ་རེད་དམ་ཞེས་ཞུས་ན།

ཏན་ཏན་དེ་སྲིད་སྐྱོང་མཆོག་གིས་གཙང་མ་བཟོ་དགོས་པ་རེད་ཅེས་བཀའ་ཕེབས་པ་ཐེ་ཚོམ་མི་དགོས་པ་ཞིག་ཏུ་སེམས་ན།

ཨ་རིའི་བུད་མེད་རྩོམ་པ་པོ་ལྕམ་སྐུ་མོ་ནེ་ཧན་གྱིས་ཡོངས་བསྒྲགས་དོགས་སློང་བྱས་པ་དང་།

དེར་ཨ་རིའི་སྐུ་ཚབ་དོན་གཅོད་དབུ་དཀར་ཚང་ཀེ་རྡོར་གྱིས་ལན་བཏབས་པ།

ཡང་དེར་ལྕམ་སྐུ་མོ་ནེ་ཧན་གྱིས་གསལ་བཤད་དོགས་འདྲི་ཚ་ནན་བྱས་པ་བཅས་ཀྱི་སྲིད་སྐྱོང་གི་ཁང་རིན་ཐད་ཀྱི་དོགས་འདྲིའི་ཐད།

 

 

ངེད་ཀྱི་རེ་བར།

༡ ཨ་སྒོར་ཉིས་འབུམ་ཉིས་ཁྲི་བདུན་སྟོང་གི་དོགས་འདྲི་འདི་དང་།

༢ ད་ལྟ་ཨ་རིའི་གཞུང་གི་རྒྱ་གཞུང་གི་སོ་པའི་དོགས་གཞིའི་འོག་བཀག་ཉར་འདྲི་རྩད་བྱེད་བཞིན་པའི་རྒྱ་རིགས་ཚོང་པ་བྷན་དང་སྲིད་སྐྱོང་བློ་བཟང་སེང་གེ་མཆོག་གི་འབྲེལ་བ་ཅི་ཡིན།

༣ དེ་བཞིན་རྒྱ་ནག་ཏུ་ཚོགས་འདུར་གདན་འདྲེན་ཞུ་མཁན་རྒྱ་རིགས་བུ་མོ་ཧུའུ་དང་སྲིད་སྐྱོང་བློ་བཟང་སེང་གེ་མཆོག་གི་འབྲེལ་བ་ཅི་ཡིན་བཅས་གནད་དོན་གསུམ་གྱི་ཐད་ངེས་པར་དུ་གསལ་བཤད་ས་རིས་ཐང་གསལ།

འཇིག་རྟེན་མིག་ཁ་འབྱེད་པ།

རང་གཞན་སུ་ལའང་བློ་དོགས་འབྱུང་མི་དགོས་པ་ཞིག་ཅི་ནས་ཀྱང་བཟང་སྤྱོད་དང་ལྡན་པའི་ངང་གནང་རོགས་ཞུ་རྒྱུ་དང་།

དེ་ནི་སྐུ་ཉིད་ད་ལྟ་སྲིད་སྐྱོང་ལས་ཐོག་ཡིན་པའི་ཆ་ནས།

ལྐོག་ཟ་རུལ་སུངས་དང་འབྲེལ་བའི་གནས་ཚུལ་ཆེ་ཕྲ་བདེན་རྫུན་གང་ཞིག་ཡིན་ཡང་།

མི་རིགས་དང་རྒྱལ་ཁབ་ཀྱི་ལ་རྒྱ།

མི་མང་གི་རེ་བ་ཡིད་ཆེས་བཅས་ལ་དགོངས་ནས་གསལ་བོ་གསལ་རྐྱང་བཟོ་དགོས་པ་སྨྲས་མེད་ཐོག

གསལ་བོ་མ་བཟོས་ན་བཅའ་ཁྲིམས་རིན་པོ་ཆེའི་དོན་ཚན་ཉེར་གཅིག་པ།

སྲིད་སྐྱོང་དང་བཀའ་བློན་གྱི་འོས་ཆོས་ཞེས་པའི་ནང་གསེས་དོན་ཚན་དགུ་བ་༼བོད་མིའི་ཁེ་ཕན་ལ་གནོད་གཞིའི་རྒྱལ་ཁབ་གཞན་གྱི་ལས་དོན་དང་།

གོ་གནས། དངུལ་དངོས་ཀྱི་ཁེ་ཕན་ཡོད་རིགས་མ་ཡིན་པ་བཅས།༽

ཞེས་གསལ་བར་འགལ་འདུག་པའི་གླེང་གཞི་སླེབས་ན་དམངས་སེམས་འཁྲུགས་འགྲོ་བ་སྨྲ་ག་ལ་དགོས།

 

 

མཐའ་དོན་ངས་གོང་དུ་གང་གླེང་ཡོད་པ་མཐའ་དག་ཚིག་དོན་གཉིས་ཆར་གསལ་བ་དེ་ལྟར།

བོད་མི་རིགས་ཀྱི་ཆེད་དུ་ཁུངས་ལྡན་ཚུལ་མཐུན་གླེང་སློང་བྱས་ཡོད་པ་བཞིན།

གལ་སྲིད་རྒོལ་གཏམ་གཏོང་མཁན་དང་ཀླན་ཀ་འཚོལ་མཁན་རིགས་བྱ་འདོད་ཡོད་མཁན་ཚོས་ཀྱང་།

དེ་ལྟར་ཡིན་ལུགས་ཚུལ་མཐུན་གནང་རོགས་ཞེས་ཞོར་དུ་ཞུ་འདོད་བྱུང་།

བདེན་པ་ཉིད་རྣམ་པར་རྒྱལ་གྱུར་ཅིག

 

༢༠༡༥། ༡༠། ༧། ཉིན།།

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 16

  1. བརྩོན་རྒྱམ། says:
    ལོ་ 10 སྔོན།

    འགའ་ཤས་ཀྱི་གནད་དོན་འདི་བདེན་པ་རེད་ཟེར་མཁན་དང་ཡང་འགའ་ཤས་ཀྱི་བདེན་གཏམ་མ་རེད་ཟེར་གང་ལྟར་སྲིད་སྐྱོང་ཁོང་གིས་ལན་གང་འདྲ་གནང་འདུག་ཟེར་ན་བཟའ་མི་གཉིས་ཕྱི་རྒྱལ་ལ་སོང་ནས་ལོ་བཅུ་གཉིས་ཙམ་འགོར་ཡོད་པ་རེད་དེས་བར་གྱི་ལས་དཀའི་གླ་ཆ་ཡི་སོན་རབ་ཞིག་བརྗོད་པ་དེ་ནང་བཞིན་རེད་ཟེར་བ་ཙམ་ལས་གསལ་བཤད་གནང་མ་ཐུབ་པ་འདི་ངོ་མ་བློ་འགྱོད་སྐྱེ་བ་ཞིག་རེད།   སྦྱིར་འདི་འདྲ་མི་སྲིད་པ་ཞིག་རེད་དྲན་ན་ཡང་འདི་གསལ་བཤད་ལས་སླའོ་ཞིག་ལ་མེད་ན་དོགས་པ་ཟ་རི་འགྲོ་བ་ཆོས་ཉིད་རེད་གནས་སྟངས་འདི་འདྲའི་རིགས་དེ་གཞེས་བཞུགས་བོད་མི་ཚོས་ཐོས་པ་དང་མཐོང་བ་བྱུང་ཚེ་བློ་འགྱོད་སྐྱེ་ངེས་རེད།

    Reply
  2. གླག་སྨྱོན། says:
    ལོ་ 10 སྔོན།

    ཤར་ཕྱོགས་ཁུག་རྟ་ནི་སྲིད་སྐྱོང་གིས་གནས་ནས་དབྱུངས་ཟིན་པའི་གད་སྙིགས་ཤིག་རེད། ཡིན་ན་ཡང་ཁོས་བོད་ཡིག་སྡེབ་སྦྱོར་ཡག་ཙམ་ཤེས་པས། ལག་ཆ་དེ་བེད་སྤྱད་ནས་སྲིད་སྐྱོང་ལ་སྙོན་འཛུགས་བྱེད་ཀྱིན་ཡོད་རེད། ཁོས་ཇི་ལྟར་ནག་འདེད་བྱས་ཀྱང་། མི་དམངས་ཀྱིས་ཤར་ཁུག་ཟེར་བ་ཅི་འདྲ་ཞིག་ཡིན་པ་ཤེས་ཟིན་པས་ཡིད་ཆས་བྱེད་མི་དཔེ། ཡང་གཅིག་བྱས་ན་ཁོས་ད་རེབ་གི་སྐབས་འདི་འཇུས་ནས་སྲིདསྐྱོང་ལ་ཁ་གཏད་དཀྱག་ན་འོས་ཐོབ་རྒྱུར་ཕན་གི་རེད་བསམ་ཡོད་སྲིད་ཀྱང་། དེ་ནི་དམངས་ཚོགས་ལ་གོ་རྟོག་ཡོད་ན་བླུག་མི་སྲིད་པ་ཞིག་རེད། ཁོ་གྲོས་ཚོགས་སུ་སླེབས་ན་བཀྲ་མི་ཤིས་པ་ཞིག་བཟོ་ཡིང་བ་གཏན་ཁེལ་རེད།

    Reply
  3. ཇོ་རིའི་སྲས་པོ། says:
    ལོ་ 10 སྔོན།

    ཤར་ཁུག་ཁྱོད་ཅིའི་ཕྱིར་སྲིད་སྐྱོང་ལ་ཉེས་མེད་ཉེས་བཙུགས་བྱེད།

    Reply
  4. དགེ་པ། says:
    ལོ་ 10 སྔོན།

    ཡག་པོ་བྲིས་འདུག དྲི་བ་འདིར་སྲིད་སྐྱོང་བློ་བཟང་སངྒེས་ངེས་པར་དུ་ལན་གསལ་བོ་ཞིག་སྤྲོད་དགོས་རེད།

    Reply
  5. དགའ་ཞོལ་བ། says:
    ལོ་ 10 སྔོན།

    སྲིད་སྐྱོང་གི་ཁང་ཉོ་རྙོག་ཁྲའི་སྐོར་ད་ལན་གྲོས་ཚོགས་ནང་གསལ་འགྲེལ་གནང་ཟིན་ཅིང་སྤྱི་འཐུས་རྣམ་པར་དོགས་པའི་གནས་མེད་སྟབས་ཞིབ་འཇུག་ཚོགས་ཆུང་སོགས་འཛུགས་དགོས་མི་བྱུང་བས་ཀྱང་ལྐོག་ཟ་མིན་པ་ཤེས་ཐུབ།

    Reply
  6. བདུད་ཀླུ་བཙན། says:
    ལོ་ 10 སྔོན།

    ཤར་ཕྱོགས་ཁུག་རྟས་སྲིད་སྐྱོང་ལ་སྐྱོན་བརྗོད་ལས་དགེ་མཚན་ལེགས་ཆ་ནམ་ཡང་གླེང་མི་སྲིད། དེ་ཁོ་རང་གི་ཁྱད་ཆོས་དང་དམིགས་ཡུལ་གཙོ་བོ་རེད།

    Reply
  7. ཟླ་འོད། says:
    ལོ་ 10 སྔོན།

    གཞན་གྱི་ཡོན་ཏན་དཀར་སེར་དམར་ལྗང་མཐོང་བར་དང་པོར། རང་ཉིད་ཀྱི་རྒྱུ་ལ་ཡོད་པའི་ཞེ་སྡང་གི་མིག་ཤེལ་ནག་པོ་མར་ཕུད་དགོས། ཕྱོགས་ལྷུང་དང་གཞན་ལ་མི་དགའ་བའི་མིག་ཤེལ་ནག་པོ་གོན་ཚར་རྗེས་ཚང་མ་ནག་པོ་མཐོང་ངེས་རེད། རྒྱུ་མཚན་དང་དངོས་ཡོད་ག་ཚོད་རྣ་བར་གཏད་ཀྱང་སྟོང་པ་རེད།

    Reply
  8. ཐུབ་བསྟན says:
    ལོ་ 10 སྔོན།

    སྔར་དེང་ཐོག་སྲིད་སྐྱོང་ལ་ལང་སྐབས་ཤེས་ཡོན་པ་ཁྲི་ཕྲག་སྐྱེད་སྲིང་དང་གསར་གཏོད་སོགས་ཁས་ལེན་བྱས་ཡོད་མོད། ཉེ་སྔོན་སྐད་ཆེར་ཉན་ཡོང་དུས་དེ་དག་གི་སྐོར་ནས་འབྲུས་བུ་མ་སྨིན་སྟབས། བཤད་རྒྱུ་གང་ཡང་མ་རེག་པར་གྲུབ་འབྲས་ལྷང་འཇགས་ཟེར་བ་ཞིག་བཤད་པ་མིན་ནམ།་འདི་ནི་དགྲ་ཤར་སྒོར་བཞག་ནས་མདའ་ནུབ་སྒོར་འཕངས་ཟེར་བ་དེ་མ་ཡིན་ནམ

    Reply
  9. བསྟན་འཛིན་དར་རྒྱས says:
    ལོ་ 10 སྔོན།

    མིག་ཚར་བ་ཡིན་ནམ། ལྷིང་འཇགས་ཀྱི་སྤྱི་ཚོགས་འདི་མགོ་རྟིང་སློག་པ་ཡིན་་་་་ཧ་ཧ་

    Reply
  10. གོང་མ། says:
    ལོ་ 10 སྔོན།

    ཤར་ཕྱོགས་ཁུག་རྟས་རྩོམ་ཡིག་ལེགས་པོ་ཞིག་འབྲི་ཁུལ་བྱས་མོད་ཀྱང་དོན་དམ་ཕྱོགས་ཡོངས་ཀྱི་གནས་ཚུལ་ཤེས་རྟོགས་ཐུབ་མེད་པར་སྙམ། སྲིད་སྐྱོང་མཆོག་དེ་སྔོན་Harvard གཙུག་ལག་སློབ་གྲྭའི་དགེ་རྒན་ཆེན་མོའི་གནང་ཡོད་པ་རེད། ཁོང་ལ་ཟླ་རེར་གླ་ཕོགས་ག་ཚོད་ཡོད་མེད་ཤར་ཕྱོགས་ཁུག་རྟའི་རྩོམ་ཡིག་ནང་དུ་འཁོད་ཡོད་ན་ང་ཚོས་སྲིད་སྐྱོང་མཆོག་ལ་དངུལ་ཇི་ཙམ་ཡོད་མེད་ཚོད་དཔག་བྱེད་ཐུབ། དགེ་རྒན་བྱས་ནས་ལོ་ཇི་ཙམ་སོང་ཡོད་པ་དང་བཟའ་ཟླར་ལས་ཀ་ཡོད་མེད་དང་ཉིན་རེའི་འཚོ་གྲོན་ཇི་ཙམ་འགྲོ་མིན་བརྩིས་ཅིག་བསྐྱོན་པ་ཡིན་ན། ལོང་བ་མིན་ན་གཞི་ནས་དམར་རྗེན་དུ་མཐོང་ངེས་པ་དང་། འོན་པ་མིན་ན་གོ་ངེས།

    Reply
  11. བུ་མོ་སྒྲོལ་མ། says:
    ལོ་ 10 སྔོན།

    ཤར་ཕྱོགས་ཁུག་རྟ་ཁོང་དེ་སང་ཕོ་རོགས་དཀར་པོ་ལྟར་ཆགས་འདུག སྙིང་རྗེ། རང་ཉིད་ཡར་འགྲོ་བར་འབད་བརྩོན་བྱས་རུང་མར་ཟགས་སོང་བ་རེད། མི་ཚང་མས་དེང་སང་ཁོང་མི་ཁེ་མཚར་དེ་འདྲ་བརྩི་བཞིན་འདུག རང་ཉིད་ཀྱིས་གང་བྱས་མིན་དེར་བསམ་བློ་མི་གཏོང་བར་མིར་སྐྱོན་ཁོ་ན་བརྗོད་ན་ག་ལ་འགྲིག བོད་པའི་ཡ་རབས་བཟང་སྤྱོད་དང་འགལ་འགྲོ། ཟམ་གདོང་རིན་པོ་ཆེ་ཕུད་ད་ལྟའི་ཆར་བློ་བཟང་སེང་གེ་ལས་ལྷག་ཅིག་མེད་པ་ང་ཚོ་ཚང་མས་ཤེས་གསལ་རེད།

    Reply
  12. ཐང་དཀར་རྒོད་པོ། says:
    ལོ་ 10 སྔོན།

    སྲིད་སྐྱོང་གི་ཁང་རིན་སྐོར་ཁ་ཉིན་ཨ་རིའི་ཀུན་གླེང་ནང་འགྲེལ་བཤད་ཞིབ་ཕྲ་བརྒྱབ་སོང་། ཤར་ཕྱོགས་ཁུག་རྟས་ཆོ་མེད་ཀྱི་སྐད་ཆ་རྐྱང་བཤད་ཀྱི་འདུག མི་ངོ་མ་ཁྱོ་མེད་ཅིག་རེད། དྲན་རྒྱུ་རྒོད་པོ། ཕྲ་དོག་ཚ་པོ། སྒེར་ནད་མ་ཐེབས་ནས་སྐྱོན་འདྲ་མི་འདྲ་འཚོལ་གྱི་འདུག དེ་འདྲ་བྱེད་ན་ཡག་པོ་མི་འདུག བོད་སྤྱི་པར་གནོད་ཀྱི་རེད།

    Reply
  13. འདམ་སྐྱེས། says:
    ལོ་ 10 སྔོན།

    ཆེས་ཡ་མཚན་པ་བ་ཞིག་ལ་རང་རིགས་ཤར་ཁུག་མིང་ཅན་འདིའི་སྔ་རྗེས་བར་གསུམ་དུ་དཔལ་ལྡན་སྲིད་སྐྱོང་བློ་སེང་ལ་གཞི་མེད་སྐྱོན་བརྗོད་བྱེད་དང་བྱེད་བཞིན་པ་ཁག་མཐོང་བས། མང་གཙོའི་སྤྱི་ཚོགས་ནང་རྒྱུ་མཚན་ཡོད་ན་གང་ལེགས་ཀྱང་མེད་བཞིན་དུ་སྤྱི་ཚོགས་ནང་འདི་བཞིན་རྒྱུན་དུ་བསྒྲགས་བཞིན་པ་འདི་ལ་རང་རིགས་ཚང་མས་ཐུགས་སྣང་གནང་རྒྱུ་གལ་ཆེན་དུ་མཐོང་བ་མ་ཟད་། འདི་ནི་མང་གཙོའི་ལམ་སྲོལ་དང་བཟང་སྤྱོད་དེང་གི་ང་ཚོའི་གནས་བབ་དང་ཡོངས་སུ་འགལ་བ་ཙམ་མ་ཡིན་པ་དགྲ་དགའ་གཉེན་སྡུག་གི་བྱ་བ་བསྒྲུབ་བཞིན་པ་ཞིག་ཏུ་མཐོང་། དཔལ་ལྡན་སྲིད་སྐྱོང་མཆོག་ལ་མཚན་སྨད་ཇི་ལྟར་ཞུས་ཀྱང་ཁུག་རྟ་རང་ཉིད་ངལ་བའི་རྒྱུ་ལས་ཉི་ཤར་སྦར་མོས་འགེབས་མི་ཐུབ་པ་དང་ཆེས་མཚུངས་སོ།།

    Reply
  14. བྱང་ཐང་ཕོ་ཉ། says:
    ལོ་ 10 སྔོན།

    གནས་ཚུལ་ཅི་ཞིག་ཡིན་མོད་ཞིབ་གསལ་བདེན་དཔང་དགོས་པ་ནི་གལ་གང་ཧ་ཅང་ཆེ།

    Reply
  15. Athup says:
    ལོ་ 10 སྔོན།

    འབྲོག་རྒན་ནས་ཡག་མོ་བཤད་འདུག། ཤར་ཕྱོགས་ཁུག་རྟས་སྨྱུག་ཐོགས་ཡིན་ཁུལ་གྱི་སྨྱོན་གཏམ་ཁུངས་མེད་མང་པོ་བརྗོད་འདུག་པའི་ཆིག་སྒྲིལ་ལ་གནོད་པ་ཆེ།

    Reply
  16. འབྲོག་རྒན་ནག་ལྡང་། says:
    ལོ་ 10 སྔོན།

    ཨ་རོགས། མྱི་ལྡང་། ད་ཟུག་ནས་མ་འདུག སྲིད་སྐྱོང་ལགས་ཀྱི་ཁང་རིན་གསོབ་པར་ལོ་སུམ་ཅུ་འགྲོ་ནི་ཁྱེད་ཀྱི་ཇི་ལྟར་ཤེས། དེ་ནས་ཁོང་ལ་དངུལ་མེད་པ་ཇི་ལྟར་ཤེས། ཁང་གླ་དེ་སྔོན་ཡིན་ན་སྲིད་སྐྱོང་མ་ཐོབ་སྔོན་གྱི་བདུན་ཕྲག་གཅིག་རེད་ཟེར། ད་ཁྱོབ་གིས་བདུན་ཕྲག་གཅིག་རྗེས་ལ་རེད་ཟེར་གི། ཡང་སྙིང་ཅི་རེད། ཁྱེད་ཀྱིས་སྔོན་དང་རྗེས་གཉིས་བརྗེ་པོ་བརྒྱབ་བཞག་ནི་མ་རཱ། དངུལ་རྐྱང་སྤྲད་ཆོག་མིན་གྱི་རྙོག་དྲ་ཞིག་ཡོད་ན་ཨ་རིའི་ཁྲིམས་ཁང་གི་ག་རེ་བྱེད་ནས་ཐག་མ་གཅོད་ནི་རེད། སྲིད་སྐྱོང་བཟའ་ཚང་གཉིས་ཀྱི་ལོ་༡༦རིང་དཀའ་ལས་བརྒྱབ་ན་དངུལ་དེ་འདྲ་ལོས་གསོག་ཐུབ། འདི་ནས་ཁྲིམས་འགལ་བྲོས་བྱོལ་དུ་འགྲོ་མཁན་ཚོས་ཀྱང་ལོ་གསུམ་བཞིའི་ནང་ཧིན་སྒོར་འབུམ་བཅུ་ཁ་ཞིག་བཟོ་བཞག་གི་འདུག་གཱ། དངུལ་ལ་བསམ་ན་སྲིད་སྐྱོང་བློ་བཟོང་སེང་གེ་རྡ་སར་མ་ཡོང་ན་འགྲིག་གཱ། ད་སྲིད་སྐྱོང་ལ་ཁ་གཏོང་ནི་མ་འདུག ཁོང་ལ་ཅི་གནོད་ནི་མ་རེད། ཁྱེད་རང་ཉིད་གད་སྙིགས་ནང་ཟག་འགྲོ་རྒྱུ་རེད། དྲང་མོ་དྲང་བཞག་ཡིན་གོ། གཞི་མེད་སྐྱོན་འཛུགས་བྱེད་ན་ཉེས་པ་གསག་ནི་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese