བློ་གྲོས་རབ་བརྟན།
མི་སྨྱོན་པ་ཆགས་ན། རང་གི་གནས་བབ་ལས་བརྒལ་ཏེ། འདྲ་མི་འདྲ་བཅོ་བརྒྱད་བྱེད། ཀླུ་མཁར་བྱམས་ཨ་རི་ལ་འབྱོར་བ་མ་ཟད། མཉམ་འབྲེལ་རྒྱལ་ཚོགས་སུ་བསྐྱོད་དེ། བོད་དོན་ཞུ་གཏུག་གི་ཡི་གེ་ཤོག་ལྷེ་ཞིག་འབྲེལ་ཡོད་ལས་སྣེ་ཞིག་ལ་སྤྲད་པའི་པར་ཞིག་མཐོང་། ཡི་གེ་དེར་ཅི་ཞིག་བྲིས་ཡོད་དམ། བོད་མི་མང་པོར་དོགས་པ་ཡོད་སྟབས། ཡོངས་ཁྱབ་གསལ་བསྒྲགས་བྱ་དགོས།
ཀླུ་བྱམས་མཉམ་འབྲེལ་རྒྱལ་ཚོགས་སུ་བསྐྱོད་དོན་ཅི་ཞིག་རེད། སྲིད་སྐྱོང་གི་འོས་བསྡུའི་ཆེད་དུ་ཨ་རི་ལ་ཡོང་བ་ཡིན་ངེས། དེ་ཡིན་ན། མཉམ་འབྲེལ་རྒྱལ་ཚོགས་སུ་སྲིད་སྐྱོང་གི་འོས་འཐོབ་ཆེད་བསྐྱོད་པ་རེད་དམ། མ་རེད། བོད་དོན་ཞུ་གཏུག་གི་ཆེད་རེད་ཟེར་ན། ཅི་ཞིག་གི་ཐད་ནས་བོད་དོན་ཞུ་གཏུག་བྱས་པ་རེད། བོད་མིའི་སྒྲིག་འཛུགས་དང་། ཚོགས་པ་ཁག ས་གནས་དོན་གཅོད་བཅས་ཡོད་བཞིན་དུ། ཀླུ་ལ་བོད་དོན་ཞུ་གཏུག་གི་ལས་འགན་ཞིག་གང་ནས་བབས་པ་རེད། ཚོད་ཚོད་ལ་ཡི་གེ་ཤོག་ལྷེ་ཞིག་ཁྱེར་ཏེ། བོད་མིའི་མིང་ཐོག་ནས་གང་བྲིས་བྲིས་དང་གང་བཤད་བཤད་རེད་དམ། ཡི་གེ་སྤྲོད་ས་དེ་ཡང་རྒྱལ་སྤྱིའི་ཚོགས་སྡེ་ཆེ་ཤོས་དེ་རེད་པ། རང་འགའི་ཚོགས་པ་ཆུང་ཆུང་དེ་འདྲ་མ་རེད།
ང་ཚོར་དོགས་པ་མང་པོ་ཡོང་གི་འདུག རྒྱལ་ཚོགས་སུ་སྤྲད་པའི་ཡི་གེ་དེའི་ནང་དོན་ཅི་ཞིག་རེད། སུ་ཞིག་གི་མིང་ཐོག་ནས་ཅི་ཞིག་ཡིན་ཞེས་སྤྲད་པ་རེད། ཀླུ་བྱམས་དེང་སང་ཐང་ཐང་མེད་པ་དང་གཅིག ཁོའི་མཐའ་འཁོར་ན། བོད་དང་བོད་མི་རིགས་ལ་སེམས་པ་གཏིང་ནས་མི་དགའ་པའི་མི་སྐོར་ཞིག་ཡོད་པ་གཉིས་ནས། བོད་མི་རིགས་འདིའི་འཐབ་རྩོད་ཀྱི་རྨང་གདན་རྩ་བ་ནས་མེད་པར་བཟོ་བའི་ཡི་གེ་དེ་འདྲ་སྤྲད་བཏང་ན། ང་ཚོའི་ཅི་ཞིག་བྱ་དགོས་པ་རེད། ངན་པ་ལག་སྦྲེལ་གྱིས་ཇུས་ངན་དེ་ལྟར་མི་ཡོང་བའི་ངེས་པ་གང་ནས་ཡོད།
འབྲེལ་ཡོད་བོད་མིའི་སྒྲིག་འཛུགས་ལ་མཚོན་ན། འདིའི་རིགས་ལ་དོ་སྣང་ངེས་པར་དུ་བྱེད་དགོས་ལ། ཀླུ་བྱམས་ཀྱིས་མཉམ་འབྲེལ་རྒྱལ་ཚོགས་སུ་ཡི་གེ་སྤྲོད་རྒྱུའི་གོ་བབ་ཡོད་མེད་དང་། སྟངས་འཛིན་ངེས་པར་དུ་བྱེད་དགོས་ངེས་རེད། ལྷག་པར་དུ་ཡི་གེའི་ནང་དོན་ཅི་ཡིན་ཤེས་དགོས་པ་གལ་ཆེན་རེད། མི་བསམ་མེད་ཅིག་རྒྱ་ཡན་ཏུ་བཏང་ན། ཕན་ལས་གནོད་ཆེ་བའི་གོད་ཆག་ལུང་པ་གང་འཁྱེར་ཡོང་གི་རེད།
དེ་བཞིན་དབུས་འོས་བསྡུ་ལས་ཁང་གིས་ཀྱང་གཏན་འབེབས་བྱས་པའི་འོས་བསྡུའི་སྒྲིག་གཞི་དང་འགལ་ཡོད་མེད། སྲིད་སྐྱོང་འོས་མི་ཞིག་གི་ས་ནས། བོད་མི་རིགས་ཀྱི་མིང་ཁུར་ཏེ་གང་དྲན་གང་བྱས་ཡིན་ནམ། འོས་བསྡུའི་ལས་འགུལ་ལས་བརྒལ་བའི་བོད་དོན་ཞུ་གཏུག་དེ་འདྲ་བྱེད་ཆོག་གམ།
མཉམ་འབྲེལ་རྒྱལ་ཚོགས་སུ་སྤྲད་པའི་ཡི་གེ་དེ་དབྱིན་ཡིག་ཡིན་ངེས་ལ། ཀླུ་བྱམས་ཀྱིས་དབྱིན་ཡིག་མི་ཤེས་པས། ཡི་གེ་མི་གཞན་ཞིག་གི་ལག་བརྒྱུད་ནས་འབྲི་དགོས་པ་བསྙོན་མེད་ཡིན་ན། ཡི་གེའི་ནང་དོན་ཐད་ནས་ཀླུ་བྱམས་ཁོ་རང་ཡང་ནག་ཁུང་ཆགས་ཡོད། ལས་ཀ་བྱེད་སྟངས་དེ་ལ་བལྟས་ན། ཀླུ་བྱམས་ནི་མི་ཆེ་གེ་མོ་ཞིག་གིས་མཉམ་འབྲེལ་རྒྱལ་ཚོགས་སུ་ཡིག་སྐྱེལ་ལ་མངགས་པ་རང་ཡིན་ན། ལས་དོན་དེའི་བརྒྱུད་རིམ་མི་མང་ལ་གསལ་ཁ་གཏོད་དགོས།
གལ་ཏེ་ཀླུ་བྱམས་ཀྱིས་རྒྱལ་ཚོགས་སུ་སྤྲང་པའི་ཡི་གེ་དེ་སྤྲོད་མཁན་དང་ནང་དོན་གྱི་ཆ་ནས། བོད་མི་རིགས་ཀྱི་མངོན་འདོད་དང་རྒྱབ་འགལ་ཡིན་ན། འབྱུང་འགྱུར་ཡི་གེ་དེས་བོད་མི་རིགས་ཀྱི་མདུན་ལམ་ལ་དོ་ཕོག་ཡོང་རྒྱུ་ངེས་པ་རེད།
བོད་པའི་སྤྱི་ཚོགས་ནང་ལ་འདྲ་མཉམས་ཀྱི་གཏམ་བཤད་རང་དབང་མི་འདུག་གསུང་ཡོད་པའི་རེ་བ་ཡོད།
བོད་ཀྱི་བདེ་དོན་འཁུར་གྱིས་བཞེས་པའི་འགན་ཁྲི་དེ་བླ་མ་ཞྀག་དང་དགེ་བཤེས་ཤིག་ཡང་ན། སྤྱི་འཐུབ་བྱེ་བྲག་པ་ཞིག་ཁོ་ནས་རྩོད་དགོས་པ་ཞིག་མ་རེད། བོད་མི་འགན་ཁྲི་ཕྲག་ཏུ་བཞེས་མཁན་ཚང་མའི་ལས་འགན་རེད།
དེར་ཁྱེད་རི་བོང་གནམ་འབིབ་ཀྱི་སྡུག་བསྔལ་བྱེད་དོན་མེད། བསམ་བློ་གུ་ཡངས་ཙམ་བཞེས་དང་ཚང་མར་ཁེ་ཕན་ཆེ། རྨོངས་ཐོམ་པ།
ཀླུ་བྱམས་ལ་འོས་ཐོབ་ན་བོད་མིའི་འདོད་དོན་དང་རྩ་དོན་རྩ་བརླགས་སུ་གཏོང་གི་རེད་བསམས་པའི་སེམས་ཕྲལ་འདུག།
རྒྱལ་ཚོགས་ལ་ཡི་གེ་སྤྲད་ན་སྤྲོད་སྟངས་ཡོད་རེད། སྤྲོད་མི་ཆོག་ལབ་ནི་ཞིག་ཡོད་མ་རེད། ཀླུ་བྱམས་ལ་ཡིད་ཆེས་མེད་རྐྱེན་དོགས་པ་ཡོང་གི་ཡོད་རེད། ཡིད་ཆེས་མེད་པ་དེ་ཡང་ཀླུ་བྱམས་ཀྱི་འཁྲབ་སྟངས་ལས་བྱུང་བ་རེད། ཡི་གེ་ཕན་མེད་གནོད་སྐྱེལ་དེ་འདྲ་སྤྲད་མི་སྲིད་པ་མ་རེད། སྐྱེས་ཕོ་རབས་ཤིག་ཡིན་ན་ཡི་གེ་ངོ་མ་གསལ་བསྒྲགས་བྱ་ཐུབ་ན་དེས་འཐུས་པ་རེད། དེ་མ་བྱུང་བར་དུ་བོད་མི་མང་པོར་དོགས་པ་ཡོད་ཡོད་རེད། དོགས་པ་སེལ་ཐུབ་མིན་ཀླུ་དང་ཀླུ་ཡི་རྒྱབ་སྐྱོར་བ་ཚོར་རེག་ལས་པ་རེད།
སྨྱོ་ལན་རྐྱང་རྐྱང་རྒྱབ་ཀྱི་ངོ་མ་ཁྱེད་ཚོ་སྨྱོ་འདུག ཀླད་པ་འབུ་སྲིན་གྱིས་བཟོས་ཟིན་པ་འདྲ།
འཛམ་གླིང་མཉམ་འབྲེལ་རྒྱལ་ཚོགས་དང་འགྲོ་བ་མིའི་ཐོབ་ཐང་སོགས་ཀྱི་ལས་ཁུངས་སུ་སྐྱེ་བོ་སྒེར་དང་ཚོགས་སྡེ། གཞུང་འབྲེལ་སུ་ཡིན་ཡང་དགོས་འདུན་དང་སྙན་ཞུའི་ཡིག་ཆ་ཕུལ་ན་འགྲིག་གི་རེད། ད་བར་དུ་བོད་དང་འབྲེལ་བའི་སྙན་ཞུ་གཞུང་དང་སྒེར་བ་སོགས་ཅི་རིགས་ཀྱིས་ཕུལ་བ་སྟོང་ཕྲག་ཁ་ཤས་ལས་ཀྱང་ལྷག་ཡོད་རྒྱུ་རེད། པ་ལི་སི་ཐན་པ་ཚོའི་གནད་དོན་ད་བར་དུ་རྒྱལ་ཚོགས་ཀྱི་གྲོས་རར་གནས་དོན་ནི་ཁོ་ཚོ་སྐྱེ་བོ་སྒེར་བ་རེ་རེར་མ་ཐར་ཡང་ལོ་རེར་འཛམ་གླིང་གི་འབྲེལ་ཡོད་སྡེ་ཚན་སོ་སོར་སྙན་ཞུ་བཅུ་གྲངས་རེ་སྤྲོད་ཀྱིན་པར་རེད་ཟེར། གནས་ཚུལ་ཡོངས་ཁུངས་འདི་ལ་གཟིགས། (http://www.jiis.org/.upload/palestinian%20state-eng.pdf) རྩྭ་མ་ཟོས་བར་ལྕི་བ་གཏོང་འདོད་བྱེད་པའི་ཡི་གེ་བ་ཁྱོད་ཚོ་ལྟ་བུ་ཚོས་རང་ཉིད་ཁྲོན་པའི་ནང་གི་སྦལ་བ་ཡིན་པ་མ་ཤེས་བར་གཞན་ལ་བསྙོན་འཛུགས་བཞིན་ཡོད་པ་རེད།
ཀླུ་མཁར་བྱམས་ཀྱིས་མཉམ་འབྲེལ་རྒྱལ་ཚོགས་ལ་ཞུ་གཏུགས་བྱེད་ཆོག་གི་མ་རེད་ཟེར་བ་དེ་གད་མོ་རྐུབ་ནས་ཤོར་དགོས་པའི་སྐད་ཆ་རེད། ད་དུང་སྙན་ཞུ་དེ་མི་མང་ཚང་མར་སྟོན་དགོས་ཟེར་བ་དེ་ནི་ལྐུག་རྟགས་དང་ཧམ་བཤད་གཉིས་ཆ་རེད། རྒྱལ་ཚོགས་དང་འགྲོ་མིའི་ཐོབ་ཐང་ཚོགས་པ་སོགས་རྒྱལ་ཁབ་སུ་ལ་ཡང་དེ་འདྲའི་ཁྲིམས་ཤིག་མེད་ས་ཞིག་ནས་ཇུས་གཏོགས་མེད་པའི་ཇུས་གཏོགས་རེད། གལ་སྲིད། ཁྱེད་རང་གི་འཇོན་ན་རྒྱལ་ཚོགས་དང་འགྲོ་མིའི་ཐོབ་ཐང་སོགས་འབྲེལ་ཡོད་ལས་ཁུངས་ཁག་ལ་སྙན་ཞུ་བརྒྱ་ཕྱག་འབུལ་ཐུབ་ན་ཡང་དེ་ང་ཚོས་བཀའ་དྲིན་ཞུ་ཡ་ཡིན། བློ་སེང་དང་སྤེན་ཚེ་སོགས་ཨ་རི་ཐེངས་ག་ཚོད་འགྲོ་ཚར་རེད། སོ་སོས་འགན་ཁུར་ནས་རྒྱལ་ཚོགས་ཞུ་གཏུགས་སྙན་ཞུ་འབུལ་བར་ཐེངས་གཅིག་ཀྱང་བསྐྱོད་སོང་ངམ།
འདིར་གང་གླེང་རྒྱུ་ཡིན་ཟེར་ན་གོང་ནས་དྲ་གྲོགས་ཚོས་བརྗོད་པ་བཞིན་དམོད་ཚིག་དང་སྨ་འབེབས་གཅིག་བུ་མ་ཡིན་པར་རྒྱུ་མཚན་དང་གནས་ལུགས་ཀྱི་ཐོག་ནས་གླེང་དགོས་པ་གཙོ་བོ་རེད། ཀླུ་མཁར་བྱམས་ཀྱིས་རྒྱལ་ཚོགས་ལ་སྤྲད་པའི་ཡིག་ཆའི་སྐོར་དེ་དངོས་ཡོད་གནས་ཚུལ་དང་མཐུན་པ་ཞིག་མ་ཡིན་པ་གསལ་བོ་རེད། རྒྱུ་མཚན་གང་ཡིན་ཞེ་ན་གོང་དུ་ཀླུ་བྱམས་ཀྱིས་སྐད་ཆ་དག་གིས་ཁོས་སྐད་ཆ་དག་འདོན་བྱེད་ངེས་རེད་གནས་ལུགས་དང་རྒྱུ་མཚན་མེད་པར་༸གོང་ས་མཆོག་གཙོས་བའི་དབུས་བོད་མའི་སྒྲིག་འཛུགས་ལ་ཟུར་ཟ་དང་སྨ་འབེབས་བྱས་པ་སོགས་གཅིག་གཅིག་གཉིས་གཉིས་བྱས་ནས་ཉན་གྱི་ཡོད་པ་ཞིག་རེད། དེ་འདྲ་ཡིན་དུས་ཀླུ་མཁར་བྱམས་ཀྱིས་རྒྱལ་ཚོགས་ལ་སྤྲད་པའི་ཡིག་ཆ་འདི་ཡང་དག་ཞིག་མ་ཡིན་པ་གསལ་བོ་རེད་ཞེས་བརྗོད་ན་མ་འོས་པ་ཞིག་རེད་འདོད་ཀྱིན་མེད། དེ་འདྲ་ཡིན་དུས་ད་དུང་མྱི་འདིའི་རིགས་ལ་བོད་མི་ཚང་མའི་གཟབ་དགོས་པ་གལ་ཆེན་རེད་འདོད་ཡོད།
དམོད་ཚིག་ནི་རང་ཉིད་ཤི་ཚར་བའི་བག་ཆགས་དེ་ཡིན། སྒྱུད་ལུག་ཅན་དག་ཡིན། བློ་གྲོས་རབ་བརྟན་ཟེར་བ་ཡང་དེའི་ཁྲོད་ཀྱི་གཅིག་རེད། ཁ་ཙམ་རེད་ཁྱེད་རང་ཡང་མཉམ་འབྲེལ་རྒྱལ་ཚོགས་ཀྱི་སྒོ་འགྲམ་ལ་འགྲོ་ཐུབ་པའམ་ཡང་ནས་སོང་ནས་རེ་ཞུ་གང་ཡང་གནང་ཆོག་པ་རེད། སྒོག་པ་རང་གི་ཟོས་ན་ཁ་ཚ། གཞན་གྱིས་ཟས་ན་སྙིང་ལངས་ཞེས་པའི་དཔེ་མ་མཛད་ལགས།
དེང་སང་ཆེད་རྩོམ་འབྲི་སྟངས་འདི་འདྲ་ཡོད་ས་རེད། རྩོམ་འགོ་བཙུག་མ་ཐག་ནས་མི་ལ་དམོད་ཚིག་དང་མཐོང་ཆུང་ཁྱད་བསོད་ནས་འགོ་བཙུག་ཡོང་གི་འདུག སྤྱི་སྲིད་སྐྱོང་འོས་མིེར་བཞེངས་མཁན་རྣམས་ལ་གུས་རྩི་ཡོད། སུ་ཐོབ་ནའང་ཆོག དེ་འོས་ཤོག་གིས་ཐག་གཅོད་ཀི་རེད། འོན་ཀྱང་དམངས་གཙོའི་ཁྲིམས་སགྲིག་དང་མཐུན་མི་མཐུན་ཐད་ནས་བཙན་བྱོལ་བོད་མི་ཚོས་གཟབ་གཟབ་དང་ཕྱོགས་རིས་མེད་པ་ཞིག་དང་དམངས་གཙོ་ཚད་ལྡན་ཞིག་ཡོང་བར་འབད་བརྩོན་གནང་ན་ལེགས།
གཞན་ཞིག་ལ་གོང་གི་དཔྱད་བྲཇོད་པས་ཟེར་ན། སྲིད་སྐྱོང་འོས་མི་ཀླུ་མཁར་བྱམས་ཀྱིས་རྒྱལ་ཚོགས་སུ་ཡི་གེ་ཞིག་ཕུལ་བ་དེར་དོགས་པ་དང་བོད་མི་རིསག་ཀྱི་བདེ་སྡུག་ཞུ་པའི་འགན་དབང་ངམ་ཐོབ་ཐང་ཡོད་མེད་ཅིག་གཙོ་བོར་བཟུང་སྟེ་བཤད་འདུག གོང་དུ་དྲ་གྲོགས་རེ་གཉིས་ཀྱིས་བྲིས་ཡོད་པ་ལྟར་རེད། བོད་དོན་ཞུ་གཏུགས་བྱེད་པར་བོད་མིའི་སྒྲིག་འཛུགས་དང་སྤྱི་སྒར་གང་ཞིག་ལ་ཆོག་མཆན་ཞུ་དགོས་པའི་བསམ་ཚུལ་དེ་ཁྱོད་ལ་གང་ནས་སླེབས་སོང་། ད་བར་དུ་ཚོགས་སྒར་མི་རེ་ངོ་རེ་ནས་རྒྱལ་ཚོགས་གཙོས་རྒྱལ་ཁབ་གཞུང་སྒར་མང་པོར་ཞུ་འབོད་ཞུ་ཡིག་སྟོང་ཕྲག་ཕུལ་མྱོང་ཡོད་པ་རེད། དེ་དག་ལ་བོད་མིའི་སྒྲིག་འཛུགས་ནས་ཆོག་མཆན་ཞུས་འདུག་གམ། མ་གཞི་ནས་འཁྱོག་ལ་ཕྱང་བའི་བསམ་ཚུལ་ཞིག་བཟུང་སྟེ་སྤྱི་དོན་ཡིན་མདོག་གིས་སྨྲ་བ་མང་པོ་ཡོད་མཁན་མི་དེའི་རིགས་ཀྱིད་མཚམས་དང་ཚད་ཅིག་བཟུང་ཐུབ་ན། དེ་ཡང་བོད་སྤྱི་དོན་ལ་སྨན་པའི་ལས་དོན་ཞིག་རེད་སྙམ། བསམ་ཚུལ་ཡིན།
བློ་གྲོ་རབ་བརྟན་ཟེར་མཁན་དེས་ཅི་ཞིག་བཤད་ཀྱིན་པ་རེད།
འགྲོ་སྟངས་དང་འདུག་སྟངས་མ་ཤེས་ན་སྔོན་ལ་དེ་ཚོ་ཏོག་ཙམ་ཤེས་པར་བྱས་་་དེ་ནས་ཡི་གེ་འདྲ་འབྲི་རྒྱུ་ཨ་ེའདུག་ལྟ་ན་མི་ལེགས་སམ་ཨ་རོ་་་་
རྒྱལ་ཚོགས་ལ་བོད་དོན་ཞུ་གཏུགས་བྱེད་དགོས་པར་ཚོགས་པ་ཞིག་དང་གཞུང་ཞིག་གི་སྐུ་ཚབ་ངེས་པར་དུ་དགོས་གལ་མེད། ཁྱེད་ཀྱིས་ཀྱང་བོད་དོན་ཞུ་གཏུགས་བྱས་ན་ཆོག་པ་རེད། མ་ཟད་ཀླུ་གར་བྱམས་བོད་ཀྱི་ཆབ་སྲིད་བཙོན་པའི་ཚོགས་པ་ཞིག་གི་ཚོགས་གཙོ་ཡིན་པ་བློ་གྲོས་མིང་ཅན་པས་ཤེས་མེད་ནེ་ཨེ་རེད།
ཁག་མེད་་་ཅི་ཡང་ཤེས་ཀྱི་མེད་པ་འདྲ།
སྐད་ཆ་རྐང་གཅིག་མ་བཤད་གོང་ནས་མི་གཞན་ལ་དམོད་མོ་གཏོང་ཡ་འགོ་བཙུགས།
ཁྱེད་ཀྱི་བྱེད་སྟངས་འདི་གཅིག་པོ་སྟེང་ནས་ཕྱོགས་རིས་ཁེངས་པའི་མི་ཞིག་ཡིན་པ་གསལ་ཐང་ངེར་འདུག་ལ།
མ་ཟད་གཞན་གྱི་ལག་རྡོ་ཆུང་ཆུང་ཞིག་ཡིན་པའང་ཧ་གོ་གི་འདུག
མཉམ་འབྲེལ་རྒྱལ་ཚོགས་སུ་བོད་དོན་ཞུ་གཏུགས་བྱེད་པར་སྒྲིག་འཛུགས་དང་ཚོགས་པ་གང་རུང་གི་ཆོག་མཆན་ཐོབ་མི་དགོས། བོད་པ་ཚང་མར་རང་འགུལ་གྱིས་ཞུ་གཏུགས་བྱེད་པའི་ཐོབ་ཐང་ཡོད། ཐ་ན་མི་རིགས་གཞན་པ་ཚོས་ཀྱང་སྒྲིག་འཛུགས་ལ་སོགས་པ་ནས་ཆོག་མཆན་རེག་མི་དགོས་པར་ཐད་ཀར་བོད་པའི་ཆེད་དུ་ཞུ་གཏུགས་བྱས་ཆོག་གི་རེད།
ད་དཀྲུགས་མ་ཡོང་རོགས། བོད་མི་རིགས་ཀྱི་རྩ་དོན་ཐབས་རྩོད་གནང་ཡར་ངེས་པར་ཚོགས་པ་ཞིག་དང་དབུ་ལམ་རྩོད་མཁན་ཁོ་ནར་མ་གཏོགས་ལ་མི་དབང་པ་དེ་འདྲ་གཏན་ནས་མིན། ཀླུ་མཁའ་འབྱམས་ཀྱིས་ཁ་གདུང་དང་མི་ཁ་གདོང་དུ་བཟེད་གནའ་གནོན་དང་གནོད་ཤུགས་རྒྱབ་ཏུ་ཁུར་ནས་ལང་ཡོང་བ་དེར་ང་ཚོ་ངོས་ནས་དགའ་བསུ་ཞུ་དགོས། ང་ཚོ་དབུ་ལམ་འོག་ནས་འདས་པའི་མི་ལོ་གསུམ་ཅུ་ལྷག་བསྐྱལ་ཚར་སོང་ད་དུང་བོད་མི་ཡོངས་སུ་རྫོགས་པ་དགྲ་དམར་འོག་འགྲོ་འདོད་ཡོད་མདོགས་ཀྱི་རྣམ་པ་ཞིག་སྟེན་ནས་བསྡོད་ན་མིས་སྐྱག་པ་གཏང་སར་ཁྱིས་སྐོར་ར་རྒྱབ་ཟེར་བ་ལྟར་ལས་གཞན་ཅི་ཡང་མེད། གོང་ས་སྐྱབས་མགོན་ཆེན་པོ་ཆབ་སྲིད་ཀྱིི་དབུ་ཁྲིད་ལས་དགོངས་ཞུ་བྱས་ནས་ཆོས་ཁོ་ནའི་མཛད་པ་བསྐྱང་རྒྱུའི་དགོངས་གཞི་དེ་ངེས་པར་དུ་ཤེས་པ་བྱོས། དབུ་ལམ་ལ་འགྱུར་བ་གཏན་ནས་མེད་པའི་རྟག་བརྟན་ཐེར་ཟུག་ཅིག་ཡིན་དགོས་ན་དབུ་ལམ་དེ་བོད་མི་རིགས་ཀྱི་རྩ་དོན་ཐབས་རྩོད་གནང་སའི་ཐབས་ལམ་ཞིག་ཡིན་མིན་ལ་སོམས།
ཀླུ་མཁར་བྱམས་ལ་དོགས་འདྲི་སུས་ཀྱང་བྱེད་ཆོག་གི་རེད། ཡིན་ནའང་། རྩོམ་ཡིག་བྲིས་ནས་དྲི་བ་འདོན་མཁན་གྱི་མིང་དང་ལས་གནས། འཚོ་རྟེན་སོགས་ངོ་སྤྲོད་བྱེད་དགོས། དེ་ལས་ལྡོག་ན། གཟུགས་མེད་ཀྱི་སྡེ་ལ་གཏོགས་པས། གཟུགས་མེད་ཅིག་ལ་ལན་འདེབས་པའི་འོས་འགན་མེད།
ཀླུ་མཁར་བྱམས་ཀྱིས་དབྱིན་ཡིག་མི་ཤེས་ཟེར་བ་དེའང་བརྟག་དཔྱད་མེད་པའི་སྐད་ཆ་རེད། ཀླུ་མཁར་བྱམས་ནས་སྔར་སྦེ་རི་སློབ་གྲྭ་ནས་ལོ་གཉིས་རིང་དབྱིན་ཡིག་སྦྱོང་མྱོང་ཡོད་པའི་ཁར། ལོ་བཅུའི་ཡར་སྔོན་ལྡི་ལི་ནས་མུ་མཐུད་དུ་ལོ་གཉིས་རིང་སྦྱོང་མྱོང་ཡོད་པས། ཉུང མཐར་སྲིད་སྐྱོང་འོས་ཞུགས་པ་གཞན་དག་གི་བོད་ཡིག་ཤེས་ཚད་དང་ཀླུ་མཁར་བྱམས་ཀྱི་དབྱིན་ཡིག་ཤེས་ཚད་གཅིག་མཚུངས་ཡིན་ཞེས་བཤད་ཆོག
བོད་དོན་ཞུ་གཏུགས་བྱེད་རྒྱུ་དེ་གཞུང་དང་ཚོགས་པ་ཁོ་ནའི་ལས་འགན་མ་ཡིན་པ་མ་ཟད་ཞུ་གཏུགས་བྱེད་པར་གཞུང་དང་ཚོགས་ནས་ཆོག་འཆན་ཡང་ཞུ་དགོས་དོན་མེད་ལ་བོད་མི་ཚང་མ་ལ་བོད་དོན་ཞུ་གཏུགས་བྱེད་པའི་ཐོབ་ཐང་ཡོད་། ཀླུ་བྱམས་ཀྱི་མཉམ་འབྲེལ་རྒྱལ་ཚོགས་ལ་ཞུ་ཡིག་འཕུལ་ཡོད་ན་དེ་ལ་ཐེ་ཚོམས་ཟ་དགོས་དོན་ཏེ་ཁོས་བོད་ནམ་ཡང་ཚོང་རྫས་བྱེད་མི་སྲིད།།