མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཀླུ་གར་བྱམས: དཔྱོད་ཤེས་ཀྱི་བཙོན་པ།

བོད་ཀྱི་དུས་བབ།
༢༠༡༥/༡༠/༢༡
Share on FacebookShare on TwitterShare on EmailShare on Whatsapp

མཁས་དབང་འཇམ་དབྱངས་ནོར་བུས། སྒྱུར་པ་པོ་བྱམས་བཟང་།

photo

Photo: Human Rights Watch. 1998

 

བཙན་བྱོལ་གྱི་བོད་པ་ཁག་ཅིག་སྲིད་སྐྱོང་འོས་མི་ཨ་ཚོགས་ཀླུ་གར་བྱམས་ལ་༸གོང་ས་མཆོག་གི་སྲིད་ཇུས་སུ་སྐྱོན་བརྗོད་བྱས་པའི་ཆ་ནས་ཁོང་ཁྲོ་ལངས་ཡོད། ཡིག་ངག་གཉིས་ཙམ་དུ་མ་ཟད། ཐ་ན་བརྙན་འཕྲིན་གྱི་ལམ་ནས་ཀྱང་ཁོང་ལ་ཕར་རྒོལ་བྱེད་ཅིང་། དེ་དག་གི་ཁྲོད། སྐྱོན་རྗོད་པ་གཅིག་ནི་མིག་ཆུ་གཏོང་བཞིན་འབར་ཞིང་། ཟློས་གར་ལྟར་བཤུམ་བཞིན་དུ་ཉེས་འཛུགས་བྱེད་ཀྱི་འདུག

 

ཀླུ་གར་བྱམས་ལ་དམིགས་སུ་བཀར་ནས་བཙུགས་པའི་ནག་ཉེས་གཅིག་ནི། ཁོང་གིས་ཐེངས་ཤིག་༸གོང་ས་མཆོག་ལ་ “བླ་རྒན་” ཞེས་བརྗོད་པ་དེ་རེད། དེ་རང་སྟེ། འདི་ནི་༸གོང་ས་མཆོག་ལ་རྒྱུན་ལྡན་གྱི་ཞུ་འབོད་ཞུ་ལམ་ཞིག་མ་ཡིན་ལ། དེ་བཞིན་གུས་ཞབས་ཤིག་མིན་པའང་གསལ་ཐང་རེད། འོན་ཏེ་ཕྱོགས་གཞན་ཞིག་ནས་གླེང་ན། དེ་ནི་རྒོལ་བའི་གཏམ་ཞིག་ལ་ནམ་ཞར་ཡང་མི་འགྲོ། གཞན་ཞིག་གིས་འདི་ལྟར། ཀླུ་གར་བྱམས་ཀྱིས་ ‘བླ་རྒན’ ནམ་ ‘བླ་མ་ལོ་རྒན’ ཞེས་བོས་པ་ནི་སྟབས་བདེ་འམ་ནང་ལུགས་སུ་བྱས་པའི་བརྩེ་གདུང་མངོན་སྟངས་ཤིག་ཡིན་ཞེས་བརྗོད་ཀྱང་ཆོག་སྟེ། དབྱིན་ཇི་པས་(སྔ་མོའི་) ཕན་ཚུན་ “བུ་རྒན” (old boy) ནམ་ “བྱིས་རྒན” (old chap)འབོད་རེས་བྱེད་པ་དང་གཅིག་མཚུངས་རེད། ཡིན་དང་ཡིན། བོད་མི་རྒན་རབས་ཚོས་ཀླུ་གར་བྱམས་སྤྱི་ཚོགས་ཀྱི་ལམ་སྲོལ་དང་མི་འཚམས་པར་མདུན་ཐོན་ཐལ་དྲགས་པ་(ནང་ཚགས་ཚ་དྲགས་པ་) རེད་ཅེས་བརྗོད་རུང་བ་ཡིན། གཅིག་བྱས་ན་ཁོ་བ་ཚོར་དམིགས་འབེན་གཅིག་ཡོད་སྲིད་འགྲོ།

 

ཡིན་ན་ཡང་། ང་ཚོས་བསམ་ཤེས་བྱ་དགོས་པ་ཞིག་ལ། ཀླུ་གར་བྱམས་ནི་ཞེས་ས་ཁེངས་པའི་གནའ་བོའི་ལྷ་སའི་འཇིག་རྟེན་ནམ། ཡང་ན་གང་དུ་ཕྲུ་གུ་རྣམས་ལ་བྱིས་དུས་ནས་བཟུང་༸གོང་ས་ཆེན་པོར་བསྟོད་དབྱངས་གྱེར་རྒྱུ་སློབ་ཅིང་རང་དམའི་བསམ་སྤྱོད་རིག་གཞུང་ཅན་གྱི་བཙན་བྱོལ་བོད་པའི་འཇིག་རྟེན་ནས་ཐོན་ཡོང་པ་ཞིག་མ་ཡིན་པ་དེ་རེད། ཁོང་ནི་ཆབ་ཆ་ཡི་འབྲོག་པའི་ཕྲུ་གུ་ཞིག་རེད། འབའ་འབའ་ལུག་དང་ལུ་གུ་ལ་རྩེད་མོ་རྩེ་བཞིན། ཕལ་ཆེར་ཁོ་རང་གི་སྔོན་འགྲོའི་སློབ་གྲྭ་ནས་མགོ་ཁྲིད་མོའོ་ལ་སྟོད་གླུ་གཏོང་བཞིན་ཡོང་ཡོད།

 

ང་ཚོའི་ལྟ་སྟངས་དམའ་མི་རུང་བ་ཞིག་ལ། ཀླུ་གར་བྱམས་ཕྱི་ལུགས་ ༡༩༩༡ ལོར་ཐེངས་དང་པོར་རྒྱ་གར་དུ་བཙན་བྱོལ་དུ་བསླེབས་ནས་ཕྱིར་ཕ་ཡུལ་ཨ་མདོ་ལ་ལོག་དུས། ཁོང་གིས་༸གོང་ས་མཆོག་གི་༼ངོས་ཀྱི་ཡུལ་དང་ངོས་ཀྱི་མི་མང་༽དེབ་གྲངས་མང་པོ་དང་། ༸གོང་ས་མཆོག་གིས་ ༡༩༨༩ ལོར་འཛམ་གླིང་ཞི་བདེ་གཟེངས་རྟགས་བཞེས་པའི་བརྙན་འཕྲིན་འཁོར་ཐག་གཅིག ༼རྒྱལ་སྤྱིའི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་༽དེབ་གྲངས་དྲུག་ཅུས་ཐེས་པའི་འགྲོ་བ་མིའི་ཐོབ་ཐང་་གི་ཡིག་ཆ་མང་པོ་བསྣམས་ནས་སོང་པ་དེ་རེད།

 

དེ་ནི་བྱ་བ་ཉེན་ཚབས་ཅན་ཞིག་རེད། ཀླུ་གར་གྱིས་འགྲེལ་དོན། “ངས་དེབ་དང་བརྙན་ཐག་དེ་ཚོ་ཁུར་པ་ཡིན། གང་ལ་ཟེར་ན། མི་མང་ཡོངས་དང་ལྷག་པར་དུ་བགྲེས་སོང་རྣམས་༸གོང་ས་མཆོག་མཇལ་འདོད་ཆེན་པོ་ཡོད་རེད། ཁོང་ཚོས་༸བོད་ནང་དུ་༸གོང་ས་མཆོག་དང་མཇལ་རྒྱུ་ཡོང་བར་ཤོག་ཅེས་སྨོན་ལམ་འདེབས་ཀྱི་ཡོད། བརྙན་ཐག་དང་དེབ་དེ་ཚོས་ཁོང་ཚོར་དགའ་སྤྲོ་སྦྱིན་རྒྱུ་ཡིན་པ་ངས་ཤེས་ཀྱི་ཡོད། བོད་མི་རྣམས་རྒྱལ་སྤྱིའི་ཁྱབ་བསྒྲགས་དེ་ཚོར་རྒྱུས་མངའ་མེད་པར་བརྟེན། ངའི་སེམས་ལ། གལ་སྲིད་ངས་དེབ་དེ་ཚོ་དགྲམ་ཐུབ་ན་ཤེས་རྟོགས་ཡོང་རྒྱུར་ཕན་ཐོགས་གི་རེད་སྙམ་སོང” ཞེས་བརྗོད། གཅིག་ཏུ་ན་ཀླུ་མཁར་ལ་སྐྱོན་རྗོད་པ་དག་གིས་རང་རང་སོ་སོར་དྲི་བ་འདི་འདོན་འོས་ཏེ། རང་ཉིད་ཀྱིས་༸གོང་ས་མཆོག་གི་ཆེད་དུ་དེ་ལྟ་བུའི་ཉེན་ཁ་དང་དུ་བླངས་མྱོང་ངམ།

 

ཀླུ་མཁར་བྱམས་ལོ་གཅིག་གི་རྗེས་སུ་འཛིན་བཟུང་ལ་ཐེབས་ཤིང་། དོན་རྐྱེན་འདི་དག་དང་སྲིད་གཞུང་ལ་ངོ་རྒོལ་བྱས་པའི་ནག་ཉེས་གཞན་དག་བགྲངས་ཏེ། ཧཱེ་ཞཱི་ (heixi) མི་མང་འབྲིང་རིམ་ཁྲིམས་ཁང་གིས་ཁོང་ལ་སོ་ཉུལ་བའི་ནག་ཉེས་འོག་ལོ་བརྒྱད་དང་། གསར་བརྗེ་ངོ་ལོག་ཚོ་ཁག་གི་རྩ་འཛུགས་དང་སྣེ་འཁྲིད་པའི་ནག་ཉེས་བཙུགས་ཏེ་ལོ་བཅུ་ལྷག་བཙོན་འཇུག་གི་ཁྲིམས་ཐག་བཅད་པ་རེད། ཀླུ་མཁར་བྱམས་དང་ཁོང་གི་གྲོགས་པོ་ཚེ་མགོན་རྒྱལ། གནམ་ལོ་ཡག་བཅས་ཀྱི་བཅད་ཁྲ་ཡོངས་རྫོགས་ནི་ཉེན་ཚབས་ཆེ་བའི་བོད་རང་བཙན་གྱི་རྒྱུ་རྐྱེན་བསྒྲུབས་པ་དེ་ཡིས་རེད། ཞིབ་ཕྲ་༼འགྲོ་བ་མིའི་ཐོབ་ཐང་ལྟ་རྟོག་ཚོགས་པ༽འི་སྙན་ཐོའི་ནང་གསལ་ཏེ། གཤམ་དུ་འབྲེལ་ཐག་ལ་སྦྲེལ་ཡོད། Human Right Watch report

 

བཙན་བྱོལ་བ་ཉུང་ཤས་ཤིག་སྟེ། ཀླུ་མཁར་བྱམས་ཀྱིས་གཡག་ཅིག་བརྐུས་པར་བརྟེན་བཙོན་དུ་བཙུད་པ་རེད་ཅེས་འཆལ་གཏམ་སྤེལ་མཁན་དེ་དག་ལ་སྟོན་རིགས་པའམ་དགོས་པ་ནི། གངས་ཅན་དཀྱིལ་གཤོང་བོད་མིའི་སྒྲིག་འཛུགས་ལ་བརྟེན་པའི་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་ (TCHRD)གིས་ ༡༩༩༧ ལོའི་ཟླ་བཅུ་གཅིག་པའི་ནང་དུ་དཔར་བསྐྲུན་ཡིག་སྣོད་ནང་༼སོ་ཉུལ་ལ་བསྙད་དེ་ལོ་བཅུ་བདུན་གྱི་ཁྲིམས་ཆད་བཅད།༽ཅེས་པའི་རྩོམ་ཡིག་དེ་རེད། དེའི་ནང་ཀླུ་མཁར་བྱམས་ “རྒྱལ་ཁབ་ཀྱི་སྲུང་སྐྱོབ” དང་ཕྱི་ཕྱོགས་ (ཕལ་ཆེར་བཙན་བྱོལ་བོད་གཞུང་ངེས་གཏན་རེད།) ཀྱི་གསང་ཉུལ་རྩ་འཛུགས་ཚོགས་པའི་གསང་ཉུལ་བ་བྱས་ནས་ཁྲིམས་ཆད་བཅད་ཅེས་གསལ་པོ་བཀོད་འདུག

 

ཁྲི་མུན་དུ་རྒྱུན་ཆད་དང་ཡ་ང་སྙིང་རྗེ་མེད་པའི་དྲི་བརྩད་དང་། གཉིད་བཅག་ཟས་བཅད། ན་ཟུག་སློང་བའི་ལག་ལྕགས་དང་རྐང་ལྕགས་བསྒྲོགས་ཤིང་། མཚམས་ཚུགས་མེད་པའི་གཅར་རྡུང་མྱངས་ཡོད། ཁོང་ན་རེ། “ལྕགས་དབྱུག་སྤྱད་པ་སོགས། ང་ལ་ཐབས་རྩལ་འདྲ་མིན་གྱི་ལམ་ནས་གཅར་རྡུང་དང་མནར་གཅོད་བཏང་པས་ངའི་གཟུགས་པོ་ཧ་ཅང་སྐྲངས་ཏེ། ངས་ལུས་ལ་དོར་མ་གྱོན་དུས་ནང་དུ་མ་ཤོང་ནས་རལ་བར་གྱུར་ཀྱང་ཁོང་ཚོས་གསར་པ་སྤྲད་མ་བྱུང་” ཟེར། རིང་པོ་མ་ཐོགས་པར་ཀླུ་མཁར་བྱམས་ཚབས་ཆེའི་ནད་གཞི་ཡིས་ཟིན་ཏེ། ལུས་ཀྱི་ལྗིད་ཚད་ཀྱང་མྱུར་བར་མར་ཆག གྲོད་པ་ཟུག་རྔུ་ལྡང་བའི་ངང་སྐྲངས་ཤིང་སྦོས་པ་དང་། གློ་བའི་ནད་གཞི་ཚབས་ཆེར་ལངས་ཏེ། ཁྲི་མུན་དུ་བགྲང་བྱ་བཞི་འཁོར་དུས་ཁོ་རང་འཆི་ངེས་སུ་གསལ་ཁ་ཆོད། དཔོན་གཞུང་སྨན་ཁང་གིས་མཐོ་རིམ་ཁྲིམས་ཁང་ལ་ཀླུ་མཁར་བྱམས་ཁོང་ཚོའི་ཕན་ནུས་དང་སྐྱོབ་ཐབས་ལས་འདས་ཏེ་དྲག་བསྐྱེད་ཡོང་རེ་མི་འདུག་ཅེས་བསྙད།

 

བཀག་ཉར་ལྟེ་གནས་ཁང་གི་མགོ་གཙོ་བས་གལ་སྲིད་ཀླུ་མཁར་བྱམས་བཙོན་ཁང་དུ་གྲོངས་ན་འགན་ལེན་མི་བྱེད་ཅིང་། གལ་སྲིད་ཁོང་གི་ཁྱིམ་ཚང་གིས་སྨན་བཅོས་ཀྱི་འགྲོ་སོང་ཡོངས་རྫོགས་གཏོང་ན་གློད་རྒྱུ་ཡིན་ཞེས། དབུགས་སུབ་གཏོང་པའི་སྲིད་གཞུང་གི་རྩོད་གླེང་མང་པོ་བརྒྱུད་རྗེས། སྨན་བཅོས་ཀྱི་ཁས་ལེན་འོག་ནས་ཀློད་གྲོལ་བཏང་། ཀླུ་གར་བྱམས་ཁྲི་མུན་དུ་ལོ་བཞིར་བཅུག་ཅིང་ཐ་མར་ཀློད་དུས་ཁོང་རང་གཞན་གྱི་རམ་འདེགས་ལ་མ་བརྟེན་པར་གོམ་པ་སྤོ་ནུས་ཧ་ཅང་བྲལ་ཤིང་། ལངས་ཀྱང་མི་ཐུབ། ཁོང་གི་ལྗིད་ཚད་ནི་ཀེ་ལོ་གྷི་རམ་ ༣༧ (81 lbs) རེད། འདི་ནི་གང་ལྟར་བྱས་ཀྱང་ཧའོ་ལའོ་ཁའོ་སུ་ཊི་ (Holocaust ནཱ་ཟི་འཇར་མན་གྱིས་ཇེའུ་མི་རིགས་ས་ཡ་དྲུག་དམར་བསད་ཀྱི་དོན་རྐྱེན་ལ་གོ) ཤུལ་གསོན་རྣམས་དང་བསྡུར་ན་དགའ་རབ་འདུག་སྟེ། ཁོང་བ་ཚོའི་ཆ་སྙོམས་ལྗིད་ཚད་60 lbs རེད། ཨ་རིའི་ “བྷཱ་ཊན” (Bataan) གྱི་ “འཆི་བའི་གོམ་བགྲོད” དང་། ཉི་ཧོང་གི་དམར་སྒར་གྱི་ “ཀེང་རུས་ཀྱི་གོམ་བགྲོད” ཟེར་བའི་བཙོན་པ་རྣམས་ཆ་སྙོམས་ལྕི་ཚད་ 90 lbs ཡིན་པར་བཤད།

Lukar-Prison

 

གོང་གི་པར་འདི་ནི་ཟླ་བ་ཁ་ཤས་ཀྱི་རྗེས་ཏེ། ཁོང་གི་ལྗིད་ཚད་ཅུང་ཟད་འཕར་བའི་སྐབས་སུ་བསྒྲོན་པ་རེད། ཆེ་གེ་མོ་གཅིག་གིས་དེ་ངོ་དེབ་སྟེང་བཞག་པ་ན་དབང་རྟུལ་ཞིག་གིས་མཆན་བུ་བཏབ་དོན། པར་འདི་རྫུན་མ་ཞིག་རེད། གང་ལ་ཟེར་ན། མགྲིན་པ་དང་ངོ་གདོང་གཉིས་ལུས་གཞུང་ལས་ནག་པ་འདུག་ཟེར། ངས་དེ་ལ་འདི་ལྟར། མགྲིན་པ་དང་གདོང་ཁོག་གཞུང་ལས་ནག་པའི་པར་དེའི་རིགས་གང་དུ་དོ་སྣང་ལ་ཆུད་པ་སྟེ་དེ་གཉིས་ཉིན་རྒྱུན་ཉི་མ་ལ་གཏོད་ཚད་མང་པས་དེ་ལྟར་གྱུར་ལ་ཁོག་གཞུང་ནི་རྒྱུན་ཏུ་སྟོད་གོས་སམ་ནང་འཇམ་གྱིས་གཡོགས་ནས་འཇོག་པས་རེད་ཅེས་ལན་བཏབ་པ་ཡིན། ཡང་གཞན་ཞིག་གིས་མཆན་དུ། ཀླུ་མཁར་བྱམས་བཙོན་བཅུག་གི་གནད་དོན་ནི་དུས་ཡུན་ཤིན་ཏུ་རིང་མོའི་སྔ་རོལ་ཏུ་བྱུང་པ་ཞིག་ན་ཁོང་དང་ཁོང་གི་རྒྱབ་སྐྱོར་བ་ཚོས་ད་ནི་དེ་མཇུག་རྫོགས་བྱ་འོས་ཟེར། ཀླུ་མཁར་བྱམས་རང་ངོས་ནས་བཙོན་ནང་གི་མྱོང་ཚོར་དག་མང་པོ་རྗོད་ཀྱི་མེད། གལ་ཏེ་ཁྱོད་ཀྱིས་ཁོང་གི་ལས་འགུལ་རྣམས་ཀྱི་གཏམ་བཤད་དག་ལ་ཉན་ན་ཁྱོད་རང་ཁོང་གིས་ལག་ལེན་དངོས་ཀྱི་ཐོག་ནས་དེ་ལ་ནམ་ཞར་ཡང་འབྲེལ་སྦྱོར་མི་བྱེད་པར་དོ་སྣང་སླེབས་ཡོང་གི་རེད། ངས་བལྟས་ན། དེའི་རྒྱུ་མཚན་ངས་ཤེས་ཀྱི་འདུག

 

ད་སྐབས་ནུབ་ཕྱོགས་སུ། དཀྱེལ་ཆེ་གུ་ཡངས་རྣམ་ཅན་གྱི་དཔེ་གསར་དར་སོ་ཤིག་ལ། དགའ་ཉེ་གང་ཞིག་ལྔ་ལམ་དུ་སོང་བའམ། རྒྱལ་ནང་དུ་བསམ་ཡུལ་ལས་འདས་བའི་གོད་ཆག་བྱུང་བ་འམ། ཡང་ན་རྟག་ཏུའམ་སྐབས་མཚམས་ཀྱི་བཟའ་ཐོར་ཡིན་ན་རུང་སྟེ། ཕམ་ཤོར་དང་འཇིགས་པ་ལས་རྣམ་པར་རྒྱལ་ཕྱིར། སྟབས་བདེའི་བརྡ་ཚིག་ “མཇུག་སྒྲིལ” (closure) ཞེས་པ་འདི་ཨུ་བཙུགས་ནས་སྤྱོད་པར་བྱེད། “མཇུག་སྒྲིལ” ནི་ང་ཚོའི་འཚོ་བར་གསོ་བཅོས་དང་བསྐྱར་ཐོབ་ལ་གང་དགོས་པ་དེ་རེད་སྙམ་དུ་བསམ་མོད། གལ་སྲིད་ཁྱོད་རང་འཇིགས་སྔངས་གང་ཞིག་དང་འགྲོགས་ནས་གསོན་ཡོད་པ་བདེན་པ་ཡིན་ཚེ། དོན་དངོས་པོའི་སྟེང་ནས་དེ་ལྟའི་བྱ་དངོས་དག་མཇུག་བསྒྲིལ་མེད་དེ། མཚན་མོའི་གྲིབ་གནོན་གྱི་འཇིགས་པ་ནི་དངོས་ཡོད་ཀྱི་འཇིག་རྟེན་འདིའི་སྟེང་ནམ་ཞར་ཡང་རྫོགས་མཐའ་མེད།།

 

ལོ་ཤས་སྔོན། (༢༠༡༠ ཡིན་སྙམ) ང་རང་ “གྲ་བཞིའི་གཞས་གྱེར་བཙུན་མ” ཞེས་རང་ཉིད་ཀྱི་བཙོན་འོག་གི་དཀའ་སྡུག་གསལ་བརྗོད་དང་། བོད་རང་བཙན་གྱི་དགོས་འདུན། ༸གོང་ས་མཆོག་ལ་ཆེ་བསྟོད་བཅས་ཀྱི་གླུ་གཞས་གསང་པའི་འོག་ནས་སྒྲ་ལ་འབེབ་མཁན་ (རབ་བྱུང་མ་བཅུ་བཞི་ལས) བཙུན་མ་གཉིས་ཀྱི་གཏམ་བཤད་སྟེང་ཡོད། ངག་དབང་གསང་གྲོལ་དང་ཆོས་དབྱིངས་ཀུན་བཟང་གཉིས་ཀྱིས་བོད་རང་བཙན་སློབ་ཕྲུག་ཚོགས་པའི་ཚོགས་མི་གཞོན་ནུ་འབོར་ཆེན་ཞིག་ལ་ཁོང་ཅག་གི་རྨ་རལ་གྱི་དངོས་སྒྲུང་བཤད། འཇམ་ཅག་གེར་རྒྱ་ཡི་དབང་འཛིན་ལ་གདོང་ཁ་གཏད་པར་ཆེད་དུ་སྤྲད་པའི་གསོལ་རས་ཆེས་སྡུག་ཅག་རྣམས་ལ་གསལ་བཤད་བྱས། གཏམ་བརྗོད་མཇུག་སྡོམ་གྱི་མཐའ་མར་ཆེ་གེ་མོ་ཞིག་གིས་འདི་ལྟར། “ ཁྱེད་ཀྱིས་དེ་ཚོ་དྲན་ཡུལ་ནས་གཏན་ཡལ་དུ་གཏང་ཐུབ་པར་འདུག་གམ། མཚམས་མཚམས་སུ་རང་ཉིད་ཀྱི་བཙོན་ནང་གི་འཇིགས་སྔངས་ཆེ་བའི་ཉམས་མྱོང་རྣམས་དྲན་འོང་གི་འདུག་གམ” ཞེས་དྲིས་པར། ངས་དྲན་ཚོད་ལ་ལན་འདེབས་མཁན་དེ་ནི་ཆོས་དབྱིངས་ལགས་རེད། རྣ་བས་ཐོས་ནུས་ཙམ་གྱི་སྐད་གདངས་ལ་བསྐྱོན་ནས་ལན་བཏབ་པ། “མཚན་མོ་ནམ་རྒྱུན་ང་གཉིད་དུ་ཡེར་དུས་ཕྱིར་ཡང་བཙོན་ཁང་དུ་ཡོད་པ་གཉིད་ལམ་ལ་རྨི་ཡི་འདུག” ངའི་ཁྲག་རྒྱུན་གྲང་ཤུར་ཤུར་དུ་གྱུར།     འདི་ནི་ང་ལ་ཅི་ཡི་ཕྱིར་ཀླུ་མཁར་བྱམས་མགོ་ཁྲིད་བཟང་པོ་ཞིག་ཡོང་རེའི་བསམ་ཚོར་ལངས་པའི་རྒྱུ་མཚན་རེད། ཁོང་ལ་མཚོན་ན་བླ་སྲོག་ལྟར་འགངས་ཆེ་བའི་གནད་དོན་འདི་དག་ “མཇུག་བསྒྲིལ” མེད། ཁོང་གིས་དུས་ནམ་ཡང་རྒྱ་དམར་གྱིས་ཁོང་ལ་ཅི་བྱས་དང་། རྒྱ་དམར་གྱིས་རྒྱ་བསྐྱེད་དེ་བོད་ལ་ཅི་དང་ཅི་བྱས་པ་དག་རྩ་བ་ནས་བརྗེད་གི་མ་རེད།     ཟམ་གདོང་རིན་པོ་ཆེས་རྒྱ་གར་བའི་སྡིངས་ཆ་ལ་བོད་ནས་གསར་དུ་འབྱོར་བ་ཚོས་དྲག་སྤྱོད་སྤེལ་གྱི་འདུག་ཅེས་སྐྱོན་བརྗོད་གནང་སྲིད་པ་རེད་མོད། ངས་བལྟས་ན། གསར་འབྱོར་བ་སྤྱི་དང་ཁྱད་པར་དུ་ཆབ་སྲིད་བཙོན་ཟུར་རྣམས་ཀྱིས། རྒྱ་འོག་ནས་ཁོང་བ་ཚོས་དཀའ་བས་ཁུར་པའི་སྡུག་བསྔལ་གྱི་ཉམས་མྱོང་གི་སྒང་ནས་བཙན་བྱོལ་གྱི་ཆབ་སྲིད་གནས་སྟངས་ལ་རིན་ཐང་བླ་ན་མེད་པའི་སྲི་ཞུ་སྒྲུབ་ཐུབ་སྙམ།

 

བོད་མིའི་སྒྲིག་འཛུགས་ཀྱི་ལས་སྣེ་ཚོས་དྷ་རམ་ས་ལར་འབྱོར་པའི་ཆབ་སྲིད་བཙོན་པ་རྣམས་ལ་གཞུང་གི་བོད་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་བྱ་རྒྱུའི་སྲིད་ཇུས་ལ་དང་ལེན་ཐོབ་ཕྱིར་བསྐྱར་དུ་སློབ་གསོ(མཚམས་རེར་ཐ་ན་གནོན་ཤུགས་ཀྱང་)སྤྲད་ནས། ཁོང་ཚོ་གང་གི་ཆེད་དུ་བཙོན་འཇུག་དང་མནར་གཅོད་ཕོག་པའི་ལས་དོན་མུ་མཐུད་ནས་བསྒྲུབ་པའི་དམ་བཅའ་རྣམས་མཚམས་འཇོག་བྱ་པར་སྐུལ་འདེད་གཏོང་གི་ཡོད། དེར་བརྟེན། འདི་ནི་ནག་ཉེས་རེད་ཅེས་བརྗོད་རྒྱུར་ང་ལ་ཚམ་ཚོམ་ཅི་ཡང་མེད།

 

གཞན་ཡང་ངའི་ཡིད་ཆེས་ལ། བོད་ཀྱི་ཆབ་སྲིད་བཙོན་པ་རྣམས་ནི་ཨ་རིའི་རྒྱལ་ཡོངས་ཚོགས་ཆེན་དང་ཡུ་རོབ་མཉམ་སྦྲེལ་ཀྱི་ཁང་ཁྱམས་སུ་རྒྱུགས་ཤིང་སྒོ་བརྡུངས་ཏེ་བོད་མིའི་སྒྲིག་འཛུགས་ཀྱི་ཚོགས་པ་ཁག་ལ་སྔར་བས་མང་པའི་རོགས་དངུལ་སློང་བྱེད་དུ་གནས་པ་ཙམ་མ་ཡིན་ལ། ང་ཚོའི་ལས་འགན་ཡང་ཁོང་ཚོ་བློ་ཁ་ཁེངས་ཕྱིར་ “དཔའ་བོ’’ ཞེས་བསྟོད་གླུ་གྱེར་རྒྱུ་དང་། ༸གོང་ས་མཆོག་ལ་མཇལ་ཁ་གོ་སྒྲིག་གནང་རྒྱུ་ཙམ་མ་ཡིན་པར། ང་ཚོའི་ངོས་ནས་སྒེར་པ་འདི་ཚོ་ནི་བཙན་བྱོལ་ནང་དུས་ཡུན་རིང་མོའི་སྔ་རོལ་ནས་བོར་བརླགས་སུ་སོང་པའི་ཆབ་སྲིད་མཐོང་ཚོར་ཅན་གྱི་སྒེར་པ་དམིགས་བསལ་བ་ལ་ངོས་འཛིན་གནང་རྒྱུ་ནི་འགག་རྩ་ཆེ་བ་ཞིག་རེད།

 

ཆབ་སྲིད་མཐོང་ཚོར་དང་ཉམས་མྱོང་། དེའི་ཆེད་དུ་ཡར་ལངས་དང་གཏམ་བཤད་ཀྱི་ཞེ་དམ་མམ་སེམས་ཤུགས་བཅས་ཀྱིས་ད་ལྟའི་དུས་ཀྱི་ཀླུ་མཁར་བྱམས་དང་ངག་དབང་གསང་གྲོལ། མགོ་ལོག་འཇིགས་མེད། ཕུན་ཚོགས་དབང་ཕྱུག ཆོས་དབྱིངས་ཀུན་བཟང་། དེ་མིན་གྱི་གཞན་པ་མང་པོ་སྟེ། ང་ཚོའི་ལོ་རྒྱུས་རིང་མོའི་ནང་གི་ཆེས་མུན་ནག་གི་དུས་སྐབས་འདིར་བོད་དོན་འཐབ་རྩོད་ལ་ཕུལ་བྱུང་གི་མགོ་ཁྲིད་དཔྱོད་ཤེས་ཀྱི་བཙོན་པ་ཁོང་ཚོ་བསྐྱེད་བསྲིངས་བྱས་པ་རེད།།

 

གསལ་བཤད། འགྱུར་རེ་འགར་དོན་འཁྱོལ་མེད་པའི་དོགས་གཞི་སྐྱེས་ཚེ་མ་རྩོམ་ (LUKAR JAM: PRISONER OF CONSCIENCE > Jamyang Norbu’s blog) ལ་ཆ་འཛིན་འཚལ།

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 18

  1. ལེགས་བཤད། says:
    ལོ་ 10 སྔོན།

    རང་བཙན་རྩོད་པ་ཡིན་ཀྱང་མཆོག་མོད།གོང་ས་མཆོག་ལ་སྐྱོན་བརྗོད་གནང་བ་ངོ་རྒོལ་ཡོད།ག་ལ་ཞུ་ན།རྒྱ་གར་ནང་བཙན་བྱོལ་སྒྲིག་འཛུགས་གནས་ཐུབ་པ་སུའི་བཀའ་དྲིན་རེད།ཀླུ་མཁར་བྱམས་ཀྱི་བཀའ་དྲིན་མ་རེད་ལ་ཆབ་སྲིད་པ་རྣམས་ཀྱི་ཆབ་སྲིད་པ་གར་སྟེགས་སྟེང་གར་འཁྲབ་ཐུབ་པ་དེ་བས་ཀྱང་ཀླུའི་བཀའ་དྲིན་མ་རེད།ལ་ན་རྒྱབ་ཁབ་གང་སར་ནས་བོད་མི་སྐྱོད་ཐུབ་པ་དང་ཕྲུ་གུ་རྣམས་ལ་སློབ་སྦྱོང་སྤྲོད་ཐུབ་པ་དེ་དག་ཚང་མ་ཀླུ་མཁར་བྱམས་ཀྱི་བཀའ་དྲིན་མ་རེད།
    གོང་ས་མཆོག་གི་དགུང་ལོ་བཅུ་དྲུག་ནས་ད་ལྟ་བར་དུ་སྐུ་ལས་རྒྱག་པ་དེར་མཐོང་ཀྱི་མི་འདུག་གམ།
    ངས་ཆོས་ལུགས་ཤིག་གི་བླ་མ་ཡིན་པ་ཙམ་གྱི་སྐད་ཆ་བཤད་ཀྱི་མེད་ལརྩ་བའི་བླ་མ་ལ་ཕྱོགས་ཞེན་བྱ་པའི་སྐད་ཆ་ཡང་བཤད་ཀྱི་མེད།ཆོས་ལུགས་དད་པ་རང་མོས་རེད།ཡིན་ན་དྲིན་ལན་ཆུ་འཇལ་བྱེད་བཞིན་ཡོད་པའི་མི་དེ་དག་ལ་གོ་བརྡ་སྤྲད་ཀྱི་ཡོད།

    Reply
  2. བརྩོན་རྒྱམ། says:
    ལོ་ 10 སྔོན།

    ངས་ལྟས་ན་ཐོས་པ་དགའ་ཟེར་བ་འདི་བཤད་པ་དོན་ལ་གནས་པ་ཞིག་ཡིན་པར་མ་ཟད་ད་བར་སྦྱི་ཚོགས་ནང་གསལ་འདུག་པ་རེད་དྲན་ནས་ཡོད་གང་ཡིན་ཟེར་ན་ཀླུ་བྱམས་ལག་ཆ་བྱས་ནས་རང་ཉིད་མདུན་དུ་ཐོན་མ་དགོས་པར་དམིགས་ཡུལ་གང་ཡོད་ཚང་མ་བཤད་འཇུག་གི་ཡོད་པ་གསལ་བོ་རེད། དེ་འདྲ་དུས་ངེས་པར་འདི་དག་ལ་གཟབ་གཟབ་གནང་དགོས་པ་རེད་མ་ཟད་དྲིན་ཅན་ལ་དྲིན་ལོག་མ་གནང་རོགས་ཞུ་རྒྱུ་བཅས།

    Reply
  3. བོད་ཕྲུག་རྒོད་པོ། says:
    ལོ་ 10 སྔོན།

    ཐོས་པ་དགའ་མིང་ཅན་གྱིས་བཤད་ཚུལ་ལྟར་ན། ཨ་མདོ་བ་ཚོས་ཀླུ་བྱམས་ལ་རྒྱབ་སྐྱོར་བྱས་ཏེ་༧གོང་ས་མཆོག་དང་བོད་མིའི་སྒྲིག་འཛུགས་ལ་ངོ་རྒོལ་བྱེད་འཇུག་གི་ཡོད་པ་འདྲ། དེ་འདྲ་ཡིན་ན་ཡག་པོ་མ་རེད། རྩ་བ་ཉིད་ནས་ཡག་པོ་མ་རེད། དམ་ཉམས་ཀྱི་ལས་ཀ་རེད། འོན་ཀྱང་ད་ཡོད་མཐོས་ཐོས་ལྟར་ན་ཁོང་ལ་འགྲོ་སོང་གཏོང་མཁན་དང་ལམ་སྟོན་རྒྱབ་སྐྱོར་བྱེད་མཁན་མང་པོ་ཞིག་ཁམས་ཀྱི་སྤྲུན་མིང་ཅན་ཨོ་རྒྱན་སྟོབས་རྒྱས་དང་། གསེར་རྟ་ཚུལ་ཁྲིམས། ཆོས་ཉིད་འོད་ཟེར། བསྟན་པ་ཡར་འཕེལ། བསྟན་འཛིན་བརྩོན་འགྲུས་སོགས་ཆོལ་ཁ་གཞན་དང་གཞན་ཡིན་པ་ལྟར་སྣང་མོད། དོགས་གཞི་རུ་གླེང་བ་ཙམ་ཡིན།

    Reply
  4. བོད་ཕྲུག་རྒོད་པོ། says:
    ལོ་ 10 སྔོན།

    ད་སྐབས་ཀླུ་བྱམས་ལ་ད་བར་འགྲོ་སོང་གཏོང་མཁན་དང་སྐུལ་སློང་བྱེད་མཁན་གྱི་མི་སྒེར་བ་འགའ་དང་ཆོལ་ཁ་བྱེ་བྲག་པ་དེས་ཁོང་ལ་འགྲོ་སོང་གཏོང་བ་དང་སྐུལ་སློང་བྱེད་པ་ལས་འོས་ཤོག་མི་འཕེལ་པ་གསལ་པོ་ཆགས་པ་རེད། ཁ་སྟོང་ནང་གི་ཚིག་སྟོང་ལ་མགོ་འཁོར་མཁན་མང་པོ་ཞིག་ཚོར་བའི་རྗེས་སུ་ཤོར་ཏེ་ཞར་ཞོར་ལ་འཛེར་སྐད་རེ་སྒྲོག་ཁུལ་བྱེད་ཀྱང་འོས་ཤོག་འཕེན་པར་ཆ་རྐྱེན་མི་ཚང་མཁན་ཤ་སྟག་རེད། བློ་ཕམ་དང་སྙིང་རྗེ་སྐྱེ་གཞི་ཞིག་ཡོད་པ་ནི། ཁོང་དང་ཁོང་གི་ཕྱོགས་གཏོགས་རང་བཙན་ཁ་ལ་འཁྱེར་མཁན་ཚོའི་མགོ་སྐོར་འོག་ཚུད་པའི་ཁ་ཞེ་གཉིས་མེད་ཀྱི་བོད་རང་བཙན་རྩོད་འདོད་ཡོད་མཁན་ཉུང་ཤས་དེ་རེད། ད་ཟློས་གར་རྫུན་མ་འདི་མཇུག་རྫོགས་ཚད་རེད།

    Reply
  5. བོད་ཕྲུག་རྒོད་པོ། says:
    ལོ་ 10 སྔོན།

    དོན་དམ་འཆར་གཞི་ལྡན་པ། ནུས་པ་ལྡན་པ། ལྷགས་བསམ་ལྡན་བཅས་ལྡན་པ་སུམ་འཛོམས་ཀྱིས་བོད་རང་བཙན་རྩོད་ན་དགག་པ་རྒྱག་མཁན་ཡོད་པ་མ་རེད། འོན་ཀྱང་བཙན་བྱོལ་ནང་དུ་ཆོལ་ཁ་དང་མི་སྒེར་སྣ་ཚོགས་ཤིག་གིས་དཔའ་བོ་ཡིན་མདོག་དང་། རྒྱལ་ཞེན་ཡོད་མདོག་གིས་ཡུན་མེད་པའི་སྲིད་དོན་ཟློས་གར་ཐབས་ཆག་འཁྲབ་པ་མང་དྲགས་ནས། བོད་གཞིས་བྱེས་གཉིས་ནས་བོད་མི་བསམ་ཡོད་མང་པོ་ཞིག་ལ་ཞེ་སུན་བཅུག་ཡོད་པ་རེད། ད་མང་པོ་ཞིག་གི་གོ་རྟོགས་སད་ཀྱི་ཡོད་པས། རིམ་བཞིན་ཟློས་གར་རྫུན་མ་འདིའི་རིགས་ཀྱིས་ཁུངས་འཁྱོལ་དཀའ། བོད་རང་བཙན་ཁ་ལ་འཁྱེར་མཁན་མང་པོ་ཞིག་གིས་བོད་ཞེན་དག་མ་མེད་ཀྱང་ཡོད་མདོག་སྟོན་པ་འདི་ད་སྐབས་བྱིས་པ་ཞིག་ལ་བཤད་ཀྱང་ཡིད་ཆེས་དཀའ་བའི་གནས་སུ་གྱར་ཡོད་པ་ངེས་དགོས། ད་བར་རང་བཙན་རྩོད་དགོས་ཚུལ་དང་། དཔའ་བོ་ཡིན་མདོག་སྟོན་མཁན་ཚོས་བོད་སྤྱི་ལ་སྨན་པའི་ལས་དོན་ཅི་ཞིག་བསྒྲུབས་མྱོང་འདུག་དང་། ཁོང་ཚོ་ལ་ནུས་པ་ཅི་ཙམ་འདུག་ཞིབ་ལྟ་བྱས་ཚེ་འགྲེལ་བརྗོད་མི་དགོས་པར་གནས་ཚུལ་ཚང་མ་ཤེས་ཐུབ་པ་ཞིག་རེད། ད་སེམས་གཏིང་ནས་མིན་ན་བོད་རང་བཙན་ཁ་ལ་འཁྱེར་རྒྱུ་མཚམས་འཇོག་ཚད་ལ་སླེབས་པ་རེད།

    Reply
  6. ལྡོང་སྲས། says:
    ལོ་ 10 སྔོན།

    ཐོས་པ་དགའ་ཟེར་མཁན་ཁྱོད་སུ་ཡིན། མི་དངོས་སུ་ཐོན་ཤོག སྒྲུབ་བྱེད་ཁུར་ཤོག གལ་སྲིད་དེ་ལྟར་བྱེད་མི་ཕོད་ན་ཁྱོད་ལ་དོགས་གཞི་ཆེན་པོ་ཡོད།
    རྒྱུ་མཚན་ནི་གཡག་བརྐུས་ཟེར་བ་འདི་རྒྱ་ནག་གསང་བའི་ལས་ཁུངས་ནས་སྐབས་དེར་ཆབ་སྲིད་བཙོན་མ་ཡིན་པ་གཞན་ལ་ཤེས་ཀྱི་མི་འཇུག་པའི་ཆེད་དུ་དེ་ལྟར་ཁ་གཡར་ས་ཞིག་བཙལ་བ་དེ་བཞིན་དེང་སྐབས་བཙན་བྱོལ་ནང་དུ་མི་རེ་ཟུང་གིས་དངོས་སུ་ཡིན་མདོག་བྱེད་ཀྱིན་པ་འདིས་ག་རེ་མཚོན་བཞིན་ཡོད་དམ། སྐད་ཆ་འདིའི་འབྱུང་ཁུངས་རྒྱ་ནག་གསང་བའི་ལས་ཁུངས་ཡིན་ངེས་པ་གོང་སྨྲས་ལྟར་ཡིན།

    Reply
  7. འབོར་བློ་བཟང་། says:
    ལོ་ 10 སྔོན།

    བཙན་བྱོལ་ནང་དུ་ཡང་ཀླུ་བྱམས་དང་འཇམ་ནོར་སོགས་རྙིང་བཞི་གཏོར་མཁན་མང་པོ་ཞིག་ད་བར་བྱུངདང་
    འབྱུང་བཞིན་པ་ནི་འཇིག་སྣང་ཆེན་པོ་ཞིག་ཡིན། ཁོ་ཚོའི་དྲན་ཕྱོགས་དང་བསམ་ཕྱོགས་ནི
    རིགས་གསར་གྱི་སྐྱག་དྲི་འཐུལ་བ་ལས་གང་ཡང་མེད།

    Reply
  8. འབོར་བློ་བཟང་། says:
    ལོ་ 10 སྔོན།

    རྐུན་རྒྱབ་ཇག་ལངས།

    Reply
  9. ཐོས་པ་དགའ། says:
    ལོ་ 10 སྔོན།

    ངས་ད་བར་དུ་ཀླུ་བྱམས་ལ་རྒྱབ་སྐྱོར་བྱེད་མཁན་རང་བཙན་ཁ་ལ་ཁྱེར་ནས་ནམ་རྒྱུན་༸གོང་ས་མཆོག་ལ་སྐྱོན་བརྗོད་བྱེད་མཁན་དང་། ནང་ཁུལ་གྱི་ཕྱོགས་རིས་འཐེན་ཁྱེར་གྱིས་ཚོས་ནས་ཡོད་པའི་མི་བུ་ཀླད་སྟོང་ཚོས་རྐུན་རྒྱབ་ཇག་ལངས་བྱེད་ཀྱིན་ཡོད་པ་དག་རེད་བསམ་སྡད་ཡོད། ད་དེ་ག་རང་རེ་རེ་བཞིན་དེ་ཉིད་སྟོན་ཡོང་གི་འདུག ཀླུ་མཁར་བྱམས་ཀྱི་སྐད་ཆར་ཅི་ཙམ་གྱིས་བཟོ་བཅོས་བྱས་པ་དང་། གང་ཡག་ཡག་བརྗོད་ཀྱང་ང་ཚོས་མིག་གིས་མཐོང་རྣ་བས་ཐོས་ཚར་པ་རེད། ད་སོལ་བ་ཁྲིས་ནས་དཀར་པོར་འགྱུར་རྒྱུ་མེད་པ་གསལ་པོ་རེད། ལྷག་པར་དུ་ཀླུ་བྱམས་ཀྱིས་གཡག་རྐུས་པ་ཡང་ཁོ་རང་གི་སྐད་ཚ་ལས་གསལ་ཡོང་གི་འདུག ད་གང་ལྟར་ཨ་མདོ་བ་ཚོ་མགོ་རུལ་ན་རྣ་བས་མ་ཚོར་བ་བྱས་ནས་ད་དུང་རྒྱབ་སྐྱོར་བྱེད་མཁན་ཁག་ཅིག་ཡོད་པ་རེད། ངོ་མ་ཀླད་མེད་རེད།

    Reply
  10. ཨ་མ་སྒྲོལ་མ་ says:
    ལོ་ 10 སྔོན།

    འཇམ་ནོར་ནས་ཀླུ་ཁ་བསྟོད་ཀྱང་རུང་།་་་ཀླུ་ཁས་བོད་རང་བཙན་རྩོད་ཀྱང་རུང་།་་་དམངས་གཙོའི་སྨྲ་བརྗོད་རང་དབང་ལོངས་སུ་སྤྱོད་པ་རེད།་་་ཡིན་དང་ཡིན།་་་་འོན་ཀྱང་བོད་མི་རྣམས་ལ་དམངས་གཙོ་སུས་གནང་བ་རེད།་་་སུ་ཞིག་གི་བཀའ་དྲིན་རེད།་་་དེ་གཏན་ནས་བརྗེད་མི་རུང་ལ་ལྷག་པར་དུ་༸གོང་ས་མཆོག་སྲིད་དོན་རིག་པའི་ཐོག་ནས་བཤད་ན་རྒྱལ་འཚོང་པའི་ལམ་ལ་འགྲོ་ཡི་ཡོད་པ་རེད་ཟེར་བ་དེ་བོད་མི་རྣལ་མ་ཞིག་ཡིན་ནབཟོད་ཐབས་བྲལ་བ་རེད།་་་འཇམ་ནོར་ལགས་ཀྱིས་རྩོམ་ཡིག་བྲིས་པ་དེའང་ཁོང་ཉིད་ཀྱི་འཚོལ་ཐབས་རེད།་་་དྲུང་ཡིག་ལྷ་ཚེ་འདས་པོ་བོད་ཆོལ་ཁ་གསུམ་གྱི་ནང་ནས་མཁྱེན་ཡོན་གཉིས་ལྡན་ཞི་དྲག་གསང་གསུམ་གང་ལ་མཆོག་ཏུ་གྱུར་པའི་བོད་མི་རིགས་ཀྱི་རླབས་ཆེན་མི་སྣ་ཞིག་རེད་ལ།་་་སྐུ་ཚེ་ཧྲིལ་པོ་བཟང་མཐའ་འཁྱོལ་བའི་རྒྱལ་གཅེས་པ་ངོ་གནོང་མི་དགོས་པ་ཞིག་རེད།་་་འོན་ཀྱང་ཁོང་སྐུ་ཚེའི་འཕེན་པ་རྫོགས་ལ་ཉེ་སྐབས་སུ་ཐུགས་ཕམ་ཆེ་ཤོས་ནི་དམ་པ་ཁོང་གི་སྲས་མོ་བསྟན་འཛིན་ལགས་འཇམ་ནོར་གྱི་ཆུང་མར་ཕེབས་པ་དེ་རེད།་་་དྲ་གྲོགས་ཚོས་ཞིབ་ཁྲའི་གནས་ཚུལ་མ་མཁྱེན་ན་ཐུགས་ཁག་མེད།་་་ཀླུ་ཥའི་དཀའ་སྡུག་མྱང་བ་དངོས་ཡོད་རེད།་་་རང་བཙན་རྩོད་ལེན་བྱས་ཀྱང་ཐོབ་ཐང་རེད།་་་་འཇམ་ནོར་གྱི་བཀོད་བྱུས་འོག་ཏུ་ཕྱིན་ན་སོ་སོས་རྐང་རྗེས་ལག་སུབ་བྱས་པ་ཞིག་རེད།་་་འཇམ་ནོར་ནི་སྔ་མོ་ཞིག་ནས་༸གོང་ས་མཆོག་ལ་མ་གུས་པས་མཚན་སྨད་ཞུ་མཁན་ཞིག་རེད་དོ།།

    Reply
  11. ཨ་མཆོད་འཇམ་དཔལ་ཚུལ་ཁྲིམས། says:
    ལོ་ 10 སྔོན།

    དུས་བབ་རྩོམ་སྒྲིག་པ་ལགས།
    ང་སྔར་ཡིན་ན་ཁྱེད་ཀྱི་མགྲོན་པོ་ཧུར་བརྩོན་ཅན་ཞིག་ཡིན། ད་སྐབས་ཁྱེད་ཚང་ལ་རུ་ཉུག་བྱེད་པར་འོང་ཁོམས་དེ་དམ་མི་འདུག་པ་དགོངས་དག་ཞུ།
    གནས་སྐབས་ཞུ་རྒྱུ་ཞིག་ནིཿ གོང་དུ་Human Right Watch report དང་། LUKAR JAM: PRISONER OF CONSCIENCE > Jamyang Norbu’s blog ཞེས་ལུང་དྲངས་བའི་ཁུངས་བསྟན་འདུག་མོད་དེ་ལ་རྒྱུད་འབྲེལ་ལམ། hyper link བཅུག་མི་འདུག གལ་སྲིད་ཀློག་པོ་ཞིག་གིས་ལམ་སང་དེ་ལ་ཀློག་འདོད་སྐྱེས་ན་ལམ་སང་དེར་འགྲོ་ཆོག་པ་དེ་རེད། དེ་འདྲ་ངེས་པར་དུ་བཟོ་དགོས་འདུག
    གཞན་ཡང་དཔར་རིས་རྣམས་ལ་བོད་ཡིག་གི་ཐོག་ནས་མིང་བྱང་ངེས་པར་དུ་འབྲི་དགོས་ཀྱི་འདུག རྒྱུ་མཚན་ནི་དེ་ལྟར་བྱས་ནས་གྷུ་གལ་དཔར་འཚོལ་ནང་ལས་སླ་བོ་དང་དགོས་མཁོ་ལྟར་དུ་འཚོལ་ཐུབ། དགོས་མཁོ་ལྟར་ཟེར་བ་ནི་དཔེར་ན་བོད་ཡིག་མ་གཏོགས་མི་ཤེས་མཁན་ནམ་བོད་ཡིག་གི་ལམ་ནས་འཚོལ་དགོས་སྐབས་དཔེར་ན་མགོ་ལོག་འཇིགས་མེད་འཚོལ་དགོས་ན་དེ་ལྟར་རྙེད་དགོས་པ་དེ་ལ་ཟེར་བ་ཡིན།
    ཨིན་ཡིག་གིས་Golok Jigmey ཅེས་བྲིས་ན་ཁོང་གི་དཔར་དེ་ལམ་སང་རག་པ་དང་བོད་ཡིག་གིས་བྲིས་ན་རག་མི་ཐུབ་པ་ནི་ཁྱེད་ལྟ་བུ་དྲ་ཚིགས་ཁག་གིས་དཔར་རིས་ཡར་འཇོག་བྱེད་སྐབས་དཔར་གྱི་མིང་བོད་ཡིག་ཏུ་བྲིས་མ་བྲིས་ལ་ཐུག་ཡོད།
    འདིར་མགོ་ལོག་འཇིགས་མེད་ནི་དཔེར་མཚོན་ཙམ་ཡིན་པ་ལོས་མཁྱེན།

    Reply
  12. བྱམས་བཟང་། says:
    ལོ་ 10 སྔོན།

    རང་རེ་བཙན་བྱོལ་བོད་པའི་ཁྲོད། མཁས་དབང་འདི་ལ་ཁ་བཤད་མ་གཏོགས་ལས་འགུལ་དང་ལག་ལེན་(action)མི་འདུག་ཅེས་སྐྱོན་བརྗོད་བྱེད་མཁན་མང་མོད། དངོས་གནས་བྱས་ན། དཔྱད་རྩོམ་འདི་དག་ནི་བོད་མི་སྤྱི་བྱིངས་ཀྱིས་སྒྲུབ་མི་ནུས་པའི་ལག་ལེན་གལ་ཆེན་གོ་ཆོད་ཅིག་རེད། མཁས་དབང་ཁོང་གི་རྩོམ་ཡིག་ཅིག་ཡིན་ན་ཕལ་མོ་ཆེ་བོད་དོན་དཔྱད་བརྗོད་ཡིན་པས་ཁྱབ་ཅིང་། དེ་ཡང་རྩོད་སྒྲུབ་ལུང་རིགས་ཀྱིས་ཕྱུག་པ་འབའ་ཞིག་རེད།

    བལ་ཡུལ་ལ་དཔེ་བླངས་ན། ཡུལ་དེར་གྲགས་ཆེ་བ་ Kathmandu post དང་ Times of Himalayan ཟེར་བའི་དབྱིན་ཡིག་ཚགས་ཤོག་གཉིས་ཡོད་ཅིང་། དེ་དག་གི་ངོས་སུ་བོད་དོན་སྐོར་ལ་བདེན་པ་མ་ཡིན་པའི་གནས་ཚུལ་ཤིན་ཏུ་སྡུག་ཅག་མང་པོ་བཀོད་ཡོང་གི་འདུག མཚམས་ལན་རེར་རྒྱའི་ཡཱོན་གྱི་ནུས་པ་ཡིན་ངེས་ཏེ་ཤོག་ངོས་གཉིས་ཡན་གང་པའི་བོད་དོན་འཁྱོགས་བཤད་ཀྱི་དཔྱད་རྩོམ་དེ་འདྲ་ཡང་སྤེལ་ཡོང་གི། ཡིན་ན་ཡང་། དེ་དག་ལ་ཡོ་བསྲང་དང་ལན་སྐྱོན་མཁན་ནི་རི་བོང་གི་རྭ་རེད། སྐབས་དེ་དུས་ཡིད་ངོས་སུ་འཁོར་ཡོང་བ་ནི་མཁས་དབང་ཁོང་ལྟ་བུ་དག་ཡིན།

    རྩ་དོན་ཐད་ནས་བཤད་ན། དབྱིན་ཡིག་དང་རྒྱ་ཡིག་སོགས་སྤྱོད་སྒོ་ཆེ་བའི་སྐད་ཡིག་དག་གི་སྟེང་ལུང་རིགས་ཀྱིས་ཕྱུག་པའི་བོད་དོན་དཔྱད་གཏམ་སྤེལ་རྒྱུ་ནི་ཤིན་ཏུ་གལ་ཆེ་བའི་ལས་འགུལ་ཞིག་རེད། འོན་ཀྱང་བཙན་བྱོལ་བའི་ཁྲོད་ན་མཁས་དབང་འཇམ་ནོར་ལྟར་རྒྱུན་ཆད་མེད་པར་ལས་འགུལ་གལ་ཆེན་འདི་འདྲ་སྤེལ་ཐུབ་མཁན་ནི་ཉིན་མོའི་སྐར་མ་ཙམ་རེད།

    བོད་པ་གང་ལ་གང་འཚམས་ཤིག་ད་དུང་རྗེས་ལུས་གུ་དོག་གི་གནས་ན་ལྷག་སྟེ། ཐ་ན་མཆན་ཐུང་ཞིག་བཏབ་ཀྱང་རུང་། རྒྱུ་མཚན་ལུང་རིགས་ཅི་ཡང་མེད་པར། ཁྱི་རྒན། སྐྱག་པ་ཟོ། ཁྱི་ཁ་ཚུམས། ས་འོག་ལ་འཇུག ཕག་ངོ་། སྨྱོན་པ་ཞེས་སོགས་བྲིས་ཡོང་། ངོ་མ། མཚམས་རེར་གད་མོ་བྲོ་ལ། མཚམས་རེར་ངོ་ཡང་ཚ། །

    Reply
  13. ལྡོང་སྲས། says:
    ལོ་ 10 སྔོན།

    རྩོམ་བློ་སྒོ་འབྱེད་བྱེད་ཅིག་སྤེལ་འདུག ཀློག་མཁན་མང་བོར་ཕན་ཐོགས་ཡོད་ངེས།

    མཁས་དབང་འཇམ་དབྱངས་ནོར་བུ་མཆོག་ནི་བཙན་བྱོལ་ནང་དུ་ཐུན་མོང་མ་ཡིན་པའི་མི་སྣ་ཞིག་ཡིན། གཅིག་ནས་ཁོང་རྩོམ་པ་པོ་སྐད་གྲགས་ཅན་ཞིག་ཡིན། གཉིས་ནས་ཁོང་ནི་སྟག་འཚེར་རིན་པོ་ཆེ་ཡི་རང་བཙན་ལྟ་བ་རྒྱུན་མཐུད་གནང་མཁན་གྱི་མི་སྣ་ཆགས་ཡོད། གསུམ་ནས་ཁོང་ནི་ཞིང་གཤེགས༼བཙན་རྒོལ་རྒྱལ་སྐྱོབ་པ༽ཡབ་གཞིས་དྲུང་ཡིག་ལྷ་མོ་ཚེ་རིང་མཆོག་གི་བུ་མོའི་མག་པ་ཡིན། བཞི་ནས་ཁོང་ནི་གློ་སྒྲིག་འཛུགས་ནང་དུའང་སྔར་ཞུགས་མྱོང་སྐད། དེབས། ཁོང་གིས་བོད་རང་བཙན་སླར་གསོ་རྩོད་ཀྱིན་པ་ནི་རང་ཉིད་ཀྱི་ཕུགས་བསམ་ཙམ་མ་ཡིན་པར་གཤིན་པོ་མང་བོ་ཞིག་གི་ཁ་ཆེམས་དང་རེ་བའང་ཕྲག་ཏུ་ཁུར་ཡོད། འདི་ཀློག་མཁན་ཡོངས་དང་སྒོས་སུ་ཨ་མདོའི་ཀློག་མཁན་ཚོས་ངེས་པར་ཤེས་དགོས།

    Reply
  14. sakrda says:
    ལོ་ 10 སྔོན།

    མཁས་དབང་འཇམ་ནོར་གྱིས་བྲིས་པའི་རྩོམ་ཡིག་འདི་ནི་དངོས་ཡོད་གནས་ཚུལ་དང་མཐུན་གྱིན་འདུག དགའ་བསུ་ཡོད།

    Reply
  15. དཔལ་དོན། says:
    ལོ་ 10 སྔོན།

    འཇམ་དབྱངས་ནོར་གྱིས་་་”རང་ཉིད་ཀྱིས་༸གོང་ས་མཆོག་གི་ཆེད་དུ་དེ་ལྟ་བུའི་ཉེན་ཁ་དང་དུ་བླངས་མྱོང་ངམ།”ཞེས་ཟེར། ཁྱོད་ཀྱི་ཁ་སྤུ་རིང་པོ་དེའང་༧གོང་ས་མཆོག་གི་ཆེད་དུ་སྐྱེས་སུ་བཅུག་པ་ཡིན་ནམ། ཁྱི་བཤད་རྒྱབ་ནས། རྒྱུ་འབྲས་གོ་ལྡོག་རང་བཤད་ཀྱི་འདུག

    Reply
  16. བཀྲ་ཡེ་ཚང་། says:
    ལོ་ 10 སྔོན།

    ཡག་པོ་བྲིས་འདུག རྗེས་སུ་ཡི་རང་ཡོད།

    Reply
  17. གཅན བཟོད་རྒྱམ། says:
    ལོ་ 10 སྔོན།

    སྐུ་ཞབས་འཇམ་ནོར་གྱི་རྩོམ་ཡིག་ཡག་བྱུང་། ཁྱེད་ཀྱི་རྩོམ་ཡིག་གི་རང་གི་གང་བཤད་དགོས་པ་དང་གང་བཤད་འདོད་པ་དེ་ཐད་ཀར་བཤད་ཀྱིན་འདུག་པས་ཁྱེད་ཀྱི་རྩོམ་ཡིག་ཀློག་པར་དགའ་སྣང་ཡོད།
    རང་གི་འཇོན་ཐང་ཕྱི་རུ་མངོན་མི་ནུས་པ་དག་གིས་ནམ་རྒྱུན་གཞཉ་གྱིས་བཀོད་ཇུས་ལ་སྒུག་དགོས། དེ་ནི་ཁོ་བོ་ཅག་གི་མི་ཚེ་འབྱིད་སྟངས་ཤིག་ཡིན་ཡང་སྲིད།

    Reply
  18. བོད། རབ་གསལ། says:
    ལོ་ 10 སྔོན།

    འདིས་ཀླུ་མཁར་སུས་སྐུལ་འདེད་བྱས་ཡོད་མེད་གསལ་ཁ་བཏོད་པ། རྒྱབ་ལྗོངས་ལྷིང་ལ་བུད་དང་ནི་རེད་ཡ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese