འཕྲོད་བསྟེན་ལས་ཁུངས་དང་སྨན་རྩིས་ཁང་ནས་འཐུས་ཤོར་ཕྱིན་འདུག(བརྙན།)

འཐུས་ཤོར་འདི་དག་ནི་གཞུང་ཞབས་ལས་བྱེད་ཕལ་ཆེར་བ་སྔ་མོ་ནས་ཪུལ་ཚར་ཡོད་པའི་རྟགས་རེད། ལས་བྱེད་དེ་ཚོས་འགན་གང་འདྲ་འཁུར་གྱི་ཡོད་མེད་དང་ལྷག་བསམ་ཇི་ལྟར་ཡོད་མེད་གཞན་ཕར་བཞག གངས་སྐྱིད་སྤྱི་ཐབ་ནང་བལྟ་ཙམ་ཞིག་གྱིས་དང་ཤེས་ངེས་རེད། སྤྱི་ཐབ་གཉའ་ཁྲི་ཚོགས་ཁང་གི་སྒྲ་སྒྲམ་འཕྲུལ་ཆས་བཞག་ས་ཐལ་རྡུལ་གྱིས་ཁེངས་འདུག་ལ། གཉའ་ཁྲི་ཚོགས་ཁང་ཕྱི་མ་དེ་ཉེ་ཆར་ཆར་ཆུའི་རྒྱ་མཚོ་འཁྱིལ་འདུག ད་དུང་། ཁ་ལག་བླུག་ས་སྣོད་དང་སྐྱོག་དེ་ཚོ་གང་བྱུང་གི་སྒྲོག་ཙེ་འོག་ཏུ་ཁྲ་ཐ་རེར་གཏོར་ནས་བཞག་འདུག

གཉིས་པ། གཞུང་ཞབས་ལས་བྱེད་དེ་ཚོར་ལྷག་བསམ་ཇི་ཙམ་ཡོད་མེད་གཞན་ཞིག་ཞུས་ན། དེ་སྔོན་བོད་ནས་གསར་དུ་འབྱོར་བའི་ཆབ་སྲིད་བཙོན་པ་ཞིག་གངས་སྐྱིད་ཀྱི་ལས་ཁུངས་ག་གེ་མོ་ཞིག་ཏུ་ཇ་བརྐོལ་མཁན་ཟླ་བ་ཁ་ཤས་ཀྱི་ལས་ཀ་རག་པ་དང་། དང་པོ་ཁོང་ལས་ཀ་རོག་སོང་སྙམ་པའི་དགའ་ཚོར་དང་རྗེས་སུ་ཁོང་བློ་ཕམ་ངང་ས་ད་དཔེ་བསགས་འདུག ཚར་འདུག་ཟེར། ག་རེ་བྱས་ནས་ཟེར་དུས། ལས་བྱེད་དེ་ཚོ་རུལ་ཚར་འདུག་ཟེར། ག་རེ་བྱས་ནས་ཞེས་དྲིས་དུས། ལས་བྱེད་མང་ཆེ་བ་ཞིག་གླ་ཆར་མ་གཏོགས་གཞུང་ལ་ཞབས་ཞུ་སྒྲུབ་དགོས་བསམས་པའི་བསམ་བློ་ཞིག་རྩ་ནས་ཡོད་ས་མ་རེད་ཟེར། ག་རེ་བྱས་ནས་དྲིས་དུས། དགོངས་མོ་ཆུ་ཚོད་ལྔ་པ་མ་ཟིན་གོང་ནས་ལས་བྱེད་དེ་ཚོས་ལས་ཁུངས་ནས་ཐོན་རྒྱུའི་གྲ་སྒྲིག་དངངས་འཚབ་བྱེད་ཀྱི་འདུག་ལ། ཡང་ལས་ཁུངས་ཀྱི་སྒོར་ཐོན་ས་དེ་དྲུང་ཆེའི་སྒོ་དང་ཁ་ཐུག་འཁེལ་ཡོད་སྟབས་ཆུ་ཚོད་ལྔ་པ་མ་ཟིན་གོང་ཐོན་མི་ཕོད་པར་བང་སྒྲིག་ནས་སྒུག་གི་འདུག་ཟེར། དེ་འདྲའི་གནས་སྟངས་དེ་མཐོང་དུས་རྣམ་ཏོག་ཟ་སོང་ཟེར།
འོ་དེ་འདྲ་རེད། གཞུང་གི་ལས་བྱེད་དེ་ཚོའི་ལྷག་བསམ་དང་སེམས་ཤུགས་ག་ཚོད་ཡོད་མེད་ངས་འགྲེལ་བརྗོད་བྱེད་མི་དགོས་པར་མང་ཆེ་བས་ཤེས་ཀྱི་རེད།

ས་གནས་ས་ཐོག་ལ་ནད་གཅོང་དང་དབུལ་ཕོངས་སྣང་མེད་དུ་བཞག་ནས། ངྷ་ས་ནས་གྲུབ་འབྲས་ཁོག་སྒོང་རྐྱང་གླེང་ནས་མི་མང་ལ་དབུ་སྐོར་བཏང་ཡོད་པ་ང་ཚོའི་ཕྱོགས་རིས་མིག་གིས་མ་མཐོང་བ་བྱས་ནའང་། དབུ་འཁྲིད་ཉི་མ་འདྲ་བོས་སྤྱན་གྱིས་ཡོངས་སུ་གཟིགས་པ་རེད། ད་དུང་བློ་སེང་གིས་ཟོག་རྫུ་བྱས་ནས་ཤར་ནུབ་ལ་སའཀོར་བ་བརྒྱབས་ནས་རྩ་དོནརླུང་ལ་སྐུར་རྒྱུ་ཡིན་པ་ས་རིས་ཐང་གསལ་རེད། མང་གཙོའི་ལམ་ལུགས་ནང་དབུ་འཁྲིད་ཡག་པོ་ཡར་བསྐོ་བ་དང་སྤྱི་དོན་རླུང་སྐུར་བྱེད་མཁན་མར་ཕབས་པ་སོགས་བྱེད་ཐབས་མང་བོ་ཡོད་ཀྱང་ ། བོད་མི་མང་བོ་ཞིག་ནི་རང་མགོ་གཞན་ལ་བཏེགས་ནས་རང་སྐེར་ཐག་པ་རྒྱག་མཁན་ཞེ་གཅིག་རེད།