དེ་རིང་སྐབས་བཅུ་དྲུག་པའི་བོད་མི་མང་སྤྱི་འཐུས་ཀྱི་གྲོས་ཚོགས་ཐོག་སྲིད་སྐྱོང་མཆོག་ནས་ཕྱག་རོགས་བཀའ་བློན་རྣམ་པ་མཚན་འདོན་གནང་བ་ལྟར་ཚང་མ་བཀའ་ཤག་སྐབས་བཅོ་ལྔ་པའི་བཀའ་བློན་དུ་མང་མོས་བདམས་ཐོན་བྱུང་སོང་།
དེ་རིང་སྔ་དྲོར། སྐབས་བཅུ་དྲུག་པའི་བོད་མི་མང་སྤྱི་འཐུས་ཀྱི་གྲོས་ཚོགས་ཚོགས་དུས་དང་པོའི་སྟེང་། སྲིད་སྐྱོང་བློ་བཟང་སེང་གེ་མཆོག་གིས་གྲོས་ཚོགས་ནང་བཀའ་བློན་འོས་མི་ ༧ མཚན་འདོན་གནང་སྐབས་སྤྱི་འཐུས་ཚོས་དགག་བྱ་བྱུང་སྟབས། བཅའ་ཁྲིམས་ཀྱི་དགོངས་དོན་ལྟར་སྤྱི་འཐུས་ངོ་ཡོད་ཚོས་གསང་བའི་འོས་ཤོག་འཕངས་ཏེ་བརྒྱ་ཆ་ ༥༠ ཡན་ཐོབ་ཚེ་བཀའ་བློན་དུ་བདམས་ཐོན་བྱུང་ཡོད་པ་ལྟར། དེ་རིང་གྲོས་ཚོགས་ནང་སྤྱི་འཐུས་ ༤༣ ཡོད་པ་དག་གིས་འོས་ཤོག་འཕངས་ཏེ་བཀའ་བློན་འོས་མི་ཚང་མར་མང་མོས་ཐོབ་སོང་།
གསང་བའི་འོས་ཤོག་འཕེན་སྐབས་ཤེས་རིག་བཀའ་ཟུར་དངོས་གྲུབ་ཚེ་རིང་མཆོག་ལ་འོས་གྲངས་ ༢༩ ཐོབ་ཡོད་པ་དང་། བཀའ་དྲུང་གཡུ་ཐོག་ཀརྨ་དགེ་ལེགས་མཆོག་ལ་འོས་གྲངས་ ༣༧ ། ནང་སྲིད་དྲུང་ཆེ་འཁོར་ལྷ་ཚང་བསོད་ནམས་སྟོབས་རྒྱལ་མཆོག་ལ་འོས་གྲངས་ ༣༨ ། བདེ་སྲུང་འཛིན་སྐྱོང་དྲུང་ཆེ་འཕགས་པ་ཚེ་རིང་མཆོག་ལ་འོས་གྲངས་ ༣༡ ། སྤྱི་ཟུར་ཀརྨ་ཡེ་ཤེས་མཆོག་ལ་འོས་གྲངས་ ༢༧ ། སྤྱི་ཟུར་ཆོས་སྐྱོང་དབང་ཕྱུག་མཆོག་ལ་འོས་གྲངས་ ༢༤ ། སྤྱི་འཐུས་ཤར་གླིང་བསྟན་འཛིན་ཟླ་སྒྲོན་མཆོག་ལ་འོས་གྲངས་ ༢༥ བཅས་ཐོབ་སྟེ་བཀའ་བློན་དུ་བདམས་ཐོན་བྱུང་།
བཀའ་ཤག་སྐབས་སྔ་མ་དག་གི་འགྲོ་སྟངས་ལྟར་ན། བཀའ་བློན་ཁྲི་པའམ་སྲིད་སྐྱོང་གིས་བཀའ་བློན་འོས་མི་དག་གི་ལོ་རྒྱུས་སྙིང་བསྡུས་ཡིག་ཐོག་ནས་གྲོས་ཚོགས་ནང་བཀྲམས་རྗེས། སྲིད་སྐྱོང་མཆོག་གིས་བཀའ་བློན་འོས་མི་རེ་རེ་བཞིན་མཚན་དང་ལོ་རྒྱུས་གྲོས་ཚོགས་ལ་སྙན་གསེང་ཞུས་ཏེ། སྤྱི་འཐུས་ཚོས་མང་མོས་སྤྱི་མོས་གང་ཐོབ་ལྟར་ཐག་གཅོད་གནང་སྲོལ་ཡོད་ཀྱང་། ཐེངས་འདིར་སྲིད་སྐྱོང་མཆོག་གིས་བཀའ་བློན་འོས་མི་དག་གི་ལོ་རྒྱུས་གྲོས་ཚོགས་ནང་མ་བཀྲམས་པར། གྲོས་ཚོགས་ཡར་ཚོགས་མ་ཐག་ཐད་ཀར་ཤེས་རིག་བཀའ་ཟུར་དངོས་གྲུབ་ཚེ་རིང་མཆོག་གི་ལོ་རྒྱུས་སྒྲོགས་སྦྱང་གནང་སྐབས། སྤྱི་འཐུས་ཁག་ཅིག་གིས་ལས་རིམ་རྣམ་བཞག་གནང་སྟེ། འོས་འདེམས་མ་གནང་སྔོན་ལ་བཀའ་བློན་འོས་མི་དག་གི་ལོ་རྒྱུས་ངེས་པར་དུ་གྲོས་ཚོགས་ནང་བཀྲམས་དགོས་སྐོར་གསུངས་པ་མ་ཟད། སྤྱི་འཐུས་ཐུབ་བསྟན་ལུང་རིག་ལགས་ཀྱིས་དངོས་གྲུབ་ཚེ་རིང་ལ་དཔྱ་ཁྲལ་ལག་དེབ་ཡོད་མེད་དོགས་འདྲི་ཞུས་པ་དང་། སྤྱི་འཐུས་ཟླ་བ་ཕུན་སྐྱིད་ལགས་ཀྱིས་ཐེངས་འདིར་གྲོས་ཚོགས་ནང་སྲིད་སྐྱོང་མཆོག་གིས་བཀའ་བློན་འོས་མི་མཚན་འདོན་གནང་སྟངས་དེའི་དབང་གིས་བཀའ་བློན་འོས་མི་ཚང་མར་དགག་པ་རྒྱག་རྒྱུ་ཡིན་ཚུལ་གསུངས་པ་བཅས་ལ་བརྟེན་ཏེ། བཀའ་བློན་འོས་མི་དག་གི་ལོ་རྒྱུས་སྙིང་བསྡུས་གྲོས་ཚོགས་ནང་བཀྲམས་རྗེས་འོས་མི་རེ་རེ་བཞིན་འོས་ཤོག་འཕངས་ཏེ་མང་མོས་ཐོབ་ཡོད།
ཐེངས་འདིར་སྲིད་སྐྱོང་མཆོག་གིས་བཀའ་བློན་འོས་མི་བདུན་གྱི་ལོ་རྒྱུས་སྙིང་བསྡུས་སྒྲོགས་སྦྱང་གནང་བའི་ནང་། བདམས་འཐོན་བཀའ་བློན་དངོས་གྲུབ་ཚེ་རིང་མཆོག་ནི། མཐོ་སློབ་ཐོན་རྗེས་ ༡༩༧༩ ལོར་སྐབས་ ༧ པའི་བོད་མི་མང་སྤྱི་འཐུས་ལྷན་ཚོགས་སུ་བདམས་ཐོན་དང་། ༡༩༨༣ ལོ་ནས་བཟུང་ཞབས་ཞུས་བསྒྲུབས་ཏེ་རིམ་བཞིན་ཟློས་གར་འགན་འཛིན་དང་ཤེས་རིག་དྲུང་ཆེ། ནང་སྲིད་དྲུང་ཆེ་བཅས་གནང་། ཨ་རིར་ནང་མི་ཟླ་བསྒྲིལ་ཆེད་ལོ་ཤས་བསྐྱོད་རྗེས་ ༢༠༡༢ ལོ་ནས་སླར་ཡང་ཤེས་རིག་དྲུང་ཆེ་གནང་མུས་ཐོག ༢༠༡༤ ལོར་སྐབས་ ༡༤ པའི་བཀའ་ཤག་ཏུ་འོས་ཐོན་གྱིས་ཤེས་རིག་བཀའ་བློན་གྱི་མཛད་འགན་བཞེས་ཡོད་འདུག
བདམས་ཐོན་བཀའ་བློན་གཡུ་ཐོག་ཀརྨ་དགེ་ལེགས་མཆོག་ནི། ནང་པའི་གཞུང་ཆེན་སློབ་གཉེར་དང་དབྱིན་ཇིའི་སྐད་ཡིག་ཐོག་ M.A ཐོན་རྗེས་ཕྱི་ལོ་ ༡༩༨༦ ལོ་ནས་གཞུང་ཞབས་ཞུས་ཏེ། རིམ་བཞིན་ཆོས་རིག་དྲུང་ཆེ་དང་། ཉི་ཧོང་སྐུ་ཚབ་དོན་གཅོད། ཤེས་རིག་དྲུང་ཆེ་བཅས་གནང་མཐར་ ༢༠༡༢ ལོར་བཀའ་དྲུང་དུ་བསྐོ་བཞག་གིས་ད་བར་ལས་འཁུར་གནང་མུས་ཡིན་འདུག
བདམས་ཐོན་བཀའ་བློན་འཁོར་ལྷ་ཚང་བསོད་ནམས་སྟོབས་རྒྱལ་མཆོག་ནི། སློབ་གཉེར་ཐོན་རྗེས་ཕྱི་ལོ་ ༡༩༧༩ ནས་གཞུང་ཞབས་ཞུས་ཏེ་རིམ་བཞིན་ཐེག་པ་རིམ་འཛེགས་ཀྱིས་ ༢༠༠༡ ལོ་ནས་དྲུང་ཆེར་བསྐོ་གཞག་གིས། སྣེ་ལེན་འབྲེལ་མཐུད་ཁང་གི་འགན་འཛིན་དང་། དཔལ་འབྱོར་ལས་ཁུངས་ཀྱི་དྲུང་ཆེ། མ་སུ་རི་བོད་ཕྲུག་ཁྱིམ་སྡེའི་དྲུང་ཆེ་བཅས་གནང་བ་དང་། ༢༠༡༢ ནས་བཟུང་ནང་སྲིད་ལས་ཁུངས་ཀྱི་དྲུང་ཆེའི་ལས་འཁུར་གནང་མུས་ཡིན་འདུག
བདམས་ཐོན་བཀའ་བློན་བླ་བྲང་འཕགས་པ་ཚེ་རིང་མཆོག་ནི། བོད་ནང་དུ་ནུབ་བྱང་མི་རིགས་སློབ་གྲྭ་ཆེན་མོ་ནས་སློབ་མཐར་སོན་རྗེས་ཕྱི་ལོ་ ༡༩༩༢ ལོར་བཙན་བྱོལ་དུ་འབྱོར་བ་དང་། ༡༩༩༣ ལོ་ནས་གཞུང་ཞབས་ཞུས་ཏེ་རིམ་བཞིན་ཐེག་པ་རིམ་འཛེགས་ཀྱིས་ཕྱི་ལོ་ ༢༠༡༤ ལོ་ནས་བདེ་སྲུང་འཛིན་སྐྱོང་དྲུང་ཆེའི་ཕྱག་ལས་གནང་མུས་ཡིན་འདུག
བདམས་ཐོན་བཀའ་བློན་ཀརྨ་ཡེ་ཤེས་མཆོག་ནི་ B.A དང་། B.Ed. ཐོན་རྗེས་ཕྱི་ལོ་ ༡༩༩༠ ནས་ལོ་བཞིའི་རིང་དགེ་རྒན་དང་། ༡༩༩༥ ལོ་ནས་སྐབས་གཉིས་རིང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་གཞོན་པ་དང་། ༢༠༠༣ ལོ་ནས་ ༢༠༡༡ ལོའི་བར་ནོར་ཝེ་བོད་ཀྱི་རླུང་འཕྲིན་ཁང་གི་སྤྱི་ཁྱབ་རྩོམ་སྒྲིག་འགན་འཛིན། བོད་མི་མང་སྤྱི་འཐུས་ལྷན་ཚོགས་སྐབས་ ༡༣ དང་ ༡༤། ༡༥ བཅས་ཀྱི་སྤྱི་འཐུས་བཅས་གནང་ཡོད་འདུག
བདམས་ཐོན་བཀའ་བློན་ཆོས་སྐྱོང་དབང་ཕྱུག་མཆོག་ནི། B.A ཐོན་རྗེས་ཕྱི་ལོ་ ༡༩༩༥ ནས་ ༢༠༠༡ བར་བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་རྒྱུན་ལས་དང་། ༢༠༠༨ ནས་ ༢༠༡༥ བར་བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གི་ངེས་སྟོན་པ་གནང་བ་དང་། བོད་མི་མང་སྤྱི་འཐུས་ལྷན་ཚོགས་ཀྱིས་སྐབས་ ༡༤ དང་ ༡༥ པའི་སྤྱི་འཐུས་ཀྱི་ལས་འཁུར་གནང་ཡོད་འདུག
བདམས་ཐོན་བཀའ་བློན་ཤར་གླིང་བསྟན་འཛིན་ཟླ་སྒྲོན་མཆོག་ནི། གསར་འགྱུར་རིག་པའི་ཐོག་ M.A ཐོན་རྗེས་སླར་ཡང་ཨིན་ཡུལ་ནས་ M.A ཐོན་པ་དང་། ད་ལྟ་འབུམ་རམས་པའི་སློབ་གཉེར་བྱེད་མུས་ཡིན་འདུག་ལ། ༢༠༠༩ ནས་ ༢༠༡༢ ལོའི་བར་བོད་ཀྱི་བུད་མེད་ལྷན་ཚོགས་ཀྱི་དབུས་སྤྱི་ཁྱབ་རྒྱུན་ལས་དང་། ༢༠༠༩ ལོ་ནས་རྒྱལ་སྤྱིའི་བོད་དོན་འབྲེལ་མཐུད་ལས་ཁང་གི་རྒྱུན་ལས་ཚོགས་གཙོ་སྦྲེལ་པོའི་ལས་འཁུར་ཞུ་མུས་ཡིན་ལ། བོད་མི་མང་སྤྱི་འཐུས་ལྷན་ཚོགས་སྐབས་ ༡༥ དང་ ༡༦ པ་གཉིས་ནང་སྤྱི་འཐུས་གནང་མུས་བཅས་ཡིན་འདུག
གསར་འགོད་པ། པདྨ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཤར་གླིང་ཟླ་སྒྲོན་མ་འོངས་པར་ལམ་ཚང་མ་འགག་ཚར་སོང་།
བཙན་བྱོལ་བོད་མིའི་བཅའ་ཁྲིམས་ལ་ཡིད་ཆེས་བློ་གཏད་ཀྱི་ཐོག་ནས་བཅའ་ཁྲིམས་ཀྱི་ལས་དོན་ཞུ་སྒོ་མཐའ་དག་འགལ་མེད་ཐོག་ཅེས་དམ་བཅའ་ཕུལ།
ཡང་བཅའ་ཁྲིམས་རྡོག་རོལ་བཏང་།
འདི་དཔོན་འདོད་ཁོ་ནའི་ཆེད་དུ་ལས། མི་ཤེས་པ་དང་འཐུས་ཤོར་ཞིག་ག་ལ་ཡིན་ཞེས་སྲང་ལམ་དུ་གླེང་མཁན་མང་།
བློ་སེང་གིས་ཨ་རི་ནས་ཁྲིམས་ལུགས་འབུམ་རམས་པ་ཐོན་མཁན་ཞིག་དང་སྲིད་སྐྱོང་ལོ་ལྔ་གནང་ཟིན་པ་ཞིག་གིས་བཙན་བྱོལ་བོད་མིའི་བཅའ་ཁྲིམས་དེབ་ཆུང་དེ་ལས་བཀའ་སྤྱིའི་ཆ་རྐྱེན་དེ་དག་ཐུགས་མངའ་མེད་པ་ཞིག་ཡོང་མི་སྲིད་པ་ཞིག་རེད། ཡ་མཚར་རེད་དམ་་་་ཞིབ་ཚག་མེད་པས་རེད་་་་་་དངོས་ནས་ཡིད་ཕམ་པོ་ཞིག་བྱས་སོང་ཐ།
ཧོར་རྒྱུགས་བྱེད་པོ་བློ་སེང་ལ། །
རྒྱབ་སྐྱོར་བྱེད་མཁན་སྤྱི་འཐུས་དང་། །
སྐོ་མཁན་འོས་བསྡུ་ལྷན་ཚོགས་བཅས། །
ཧོར་རྒྱུགས་བྱེད་མཁན་འདྲ་འདྲ་རེད། །
བློ་སེང་གཏམ་ལ་ཡིད་ཆེས་ན། །
འདི་འདྲ་རེ་ལས་ཅི་ཞིག་འབྱུང་། །
ཤོག་བུ་འདྲ་བའི་ཤར་གླིང་དེ། །
བློ་སེང་རླུང་གིས་ཁྱེར་ལ་ལྟོས། །
དེང་སང་དུས་རབས་ཉེར་གཅིག་རེད། །
བརྟག་ཅིང་དཔྱད་པ་མ་བྱས་པར། །
གཞན་ཟེར་རྗེས་སུ་རྒྱུགས་དྲགས་ན། །
ཟླ་སྒྲོན་ཤར་གླིང་ལྟ་བུར་འགྱུར། །
ཟླ་སྒྲོན་ཤར་གླིང་གིས་དང་ཐོག་མོ་རང་སྤྱི་འཐུས་སུ་བདམས་ཐོན་བྱུང་སྐབས་ལོ་ ༢༨ ཡིན་ཞེས་གསལ་པོར་བཤད་འདུག དེ་འདྲ་ཡིན་ན་ད་ལོ་ལོ་ ༣༥ ལ་སླེབས་ཐབས་མི་འདུག བཀའ་བློན་འོས་མི་ཚོའི་ལོ་རྒྱུས་དང་རང་བཙན་ལག་དེབ་གྲོས་ཚོགས་ནང་བཀྲམ་དགོས་གལ་གྱི་དགོངས་ཚུལ་གསུང་མཁན་སྤྱི་འཐུས་འགའ་ཤས་བྱུང་སོང་། དེ་ལ་རྒྱུ་མཚན་ཆེན་པོ་ཡོད་ས་རེད་། འོན་ཀྱང་། སྐུ་ངོ་སྲིད་སྐྱོང་ནས་འོས་མི་ཚང་མར་བཅའ་ཁྲིམས་ནང་གསལ་གྱི་འོས་ཆོས་རྣམས་ཚང་ཡོད་སྐོར་ཁས་ལེན་གནང་སོང་། ད་ལྟད་མོ་ཡོད།
ཁུངས་དགོས་ན་འདི་ལ་གཟིགས།
HCUMass: How did your parents initially react to when you told them you wanted to run for Parliament?
TDS: I think my parents had mixed feelings at first; their biggest concern was that I very was young. About 80% of the 44 member legislative body are about 45 years old, and I was only 28 when I was elected. And so my parents were concerned that the work was too mature in terms of how I would be able to deliver the promises and expectations that the people would have of me; they felt it would put too much pressure on me. I was also going through a phase where I was becoming an independent woman and where other people were finishing their studies could now enjoy life, so that was another concern of theirs. But now, three years later, I think their fears and worries are kind of gone. They are happy now.
སྦྲེལ་ཐག http://www.hercampus.com/school/u-mass-amherst/campus-celebrity-tenzin-dhardon-sharling
གོ་ཐོས་ལྟར་ན། དེ་རིང་རྡ་རམ་ས་ལའི་གསར་འགོད་པ་ཚོས་ཤར་གླིང་བསྟན་འཛིན་ཟླ་སྒྲོན་ལ་བཀའ་བློན་གྱི་འོས་ཆོས་ཚང་མེད་པའི་གནད་དོན་དེའི་ཐོག་སྲིད་སྐྱོང་བློ་བཟང་སེང་གེ་དང་ཤར་གླིང་བསྟན་འཛིན་ཟླ་སྒྲོན་གཉིས་རྒྱུ་མ་ཕུ་འདེད་ཇི་ལྟར་བྱས་ཀྱང་ལན་གསལ་བོ་ཞིག་རེག་མེད་སྟབས། སང་ཉིན་གྲོས་ཚོགས་ནང་དུ་སྲིད་སྐྱོང་ལ་དྲི་བ་བཏོན་ཏེ་རྒྱ་ཁྱབ་ཏུ་གསལ་བཤད་དགོས་པའི་གྲོས་ཆོད་འཇོག་རྒྱུ་ཡིན་འདུག
ཁོང་རྣམ་པའི་ཤེས་འཇོན་ནི་འབྲིང་ཙམ་ཡིན་པ་ཡོད། ལྷག་བསམ་ལ་ཞུ་དགོས་ཡ་མི་འདུག བཙན་བྱོལ་བའི་ཁོར་ཡུག་ཆུང་ཆུང་དེའི་ནང་དུ། མི་སྣ་དེ་ཙམ་ཡོད་པ་ཡང་རབ་རེད། བཀྲིས་བདེ་ལེགས་ཡོད།
ཁོང་རྣམ་པ་གློ་བུར་དུ་མཐོང་ཡོང་དུས་སེམས་དེ་ཙམ་བདེ་བོ་བྱུང་མ་སོང་རྒ྄ུ་མཚན་ང་ལ་ཅི་ཡང་ཞུ་རྒྱུ་མེད།
ཤར་གླིང་ལགས་ལོ་33ཡིན་ཞེས་བའི་རྩོམ་ཡིག་དེ་2015ལོའི་ཟླ་གསུམ་པའི་ཚེས་13ལ་བྲིས་འདུག། གཅིག་བྱས་ན་དེ་རིང་ལོ་35ཡིན་སྲིད།
སྤྲུལ་སྐུ་ངོས་འཛིན་བྱ་དུས་རྣམ་དཔྱོད་འདྲ་ཞིག་འདུག་སྟེ། གོང་མའི་ཞབས་འདྲེན་ཞུས་དུས་སེམས་པ་གཏིང་ནས་སྐྱོ་བྱུང་།
གང་ལྟར་བདམས་ཐོན་སོང་བའི་བཀའ་བློན་རྣམས་པའི་ལོ་རྒྱུས་རྒྱབ་ལྗོངས་སོགས་རིམ་པས་རྟོགས་དུས་དབུ་མའི་ལམ་གྱི་སྲིད་བྱུས་ཐོག་ཤར་བསྐྱོད་བྱེད་ཐུབ་པའི་ངེས་པ་ཡོད་པའི་བཀའ་བློན་གཅིག་ཀྱང་མིན་འདུག དེ་སྟེང་བཀའ་བློན་གྱི་འོས་ཆོས་ཀྱང་མི་ཚང་བའི་བཀའ་བློན་ཡང་ཡོད་པ་གོང་དུ་དྲ་གྲོགས་རྣམས་ཀྱིས་གླེང་བ་བདེན། དེ་ནི་བློ་སེང་གིས་ཤེས་བཞིན་བཅའ་ཁྲིམས་རིན་པོ་ཆེར་རྡོག་རོལ་བརྩི་མེད་བཏང་བ་རེད། ༸རྒྱལ་བས་བསྟན་པ་མགོ་ནས་མ་བཤིགས་ཨ། ཞེས་གསུངས་པ་དེ་བདེན་པར་མཐོང་། བློ་སེང་ལ་བཀའ་བློན་དེ་ལས་ལྷག་པ་སྟོན་རྒྱུ་མེད་པ་རེད་དམ་ཡང་མེད་ན་འོས་མི་གཞན་རྣམས་ཁོ་དང་མཉམ་ལས་བྱེད་འདོད་མེད་པ་ཡིན་འགྲོ གང་ལྟར་བཙན་འབྱོལ་བོད་མིའི་སྒྲིག་འཛུགས་འདི་མགོ་ལུག་པའི་མཚམས་ལ་བསླེབ་ཡོད་པ་འདྲ། བོད་རྒྱལ་ལོ།
སྡུག་སྐད་མ་རྒྱབ་འགྲིག་འདུག་ཆོལ་གསུམ་སྐྱ་སེར་ཕོ་མོ་ཚང་མ་སློབ་འདུག་དོ་བདག་བཀའ་བློན་རང་ཉིད་ནས་དྲང་པོ་དང་ལྷག་བསམ་གནང་རྒྱུར་རེ་བ་སྐུལ་ཞུ།
༅༅། བཀའ་བློན་གསར་པ་རྣམས་ལ་བཀྲིས་བདེ་ལེགས་ཞུ།
ལྷག་ཏུ་བེུད་བཀའ་བློན་ཟྱ་སྒྲོན་ལགས་སུ་བདེ་བཀྲིས་ལེགས་ཡོད།
ཁྱོད་ནི་བེུད་མེད་ཁྱོད་ནི་ལོ་གཞོན་ཁྱོད་ནི་གངས་ཅན་བོུ་ཡིན།།
ཁྱོད་ནི་རིག་གསར་ཁྱོད་ནི་གཞོན་གསར་ཁྱོད་ནི་དེང་རབས་བློ་རིག་བཀྲ།
ད་ནས་ནས་བཟུང་སྟེ་དམངས་ཀྱི་ཞབས་ཕྱི་མགོན་པོའི་བཀའ་བཞིན་འགྲུབ་མཛོད།
ཆོལ་ཁ་ཆོས་ལུགས་དབྱེ་མེད་ཀུན་ལ་རང་གི་བུ་བཞིན་གཅེས་པར་སྐྱོངས།།
ཁྱོད་ནི་འདོར་ཐབས་མེད་པའི་གངས་རིའི་ལྗོངས་ཀྱི་ཨ་མ་ཡིན།།
བོད་མི་རིགས་ཀྱི་གནས་འབབ་དེ་ལ་སྲིད་སྐྱོང་དང་བཀའ་བློན་འདི་མ་གཏོགས་མ་རག་རེད་དམ། བཙན་བྱོལ་བོད་མའི་བཅའ་ཁྲིམས་ལ་དགོང་དོན་ལྟར་མཐུན་པའི་དངོས་མི་གཅིག་ཀྱང་མཐོང་རྒྱུ་མིན་འདུག། གྲོས་ཚོགས་སྐབས་13 དང་14 གནང་ལྟར་མི་འདུག་པས་འདི་ནི་བློ་ཕམ་པའི་ཞིག་རེད། སྔོན་མ་བཀའ་བློན་ཁྲི་པ་དང་བཀའ་བློན་རྣམས་ཀྱི་འབད་བརྩོན་དང་ཆར་གྲུ་མཉམ་འདེགས་གནང་བའི་འབྲས་བུ་བཟང་པོ་ཡོད་རྣམས་ད་ལྟ་སྲིད་སྐྱོང་དང་བཀའ་བློན་རྣམས་ཀྱིས་དེ་ཆུ་བཟོས་མ་གཏོང་བའི་རེ་བ་ཞུ་རྒྱུ་ཡིན་ སྲིད་སྐྱོང་འདྲི་བ་གཅིག་ཡོད། གྲོས་ཚོགས་ནང་ལ་བཀའ་བློན་ཚང་མར་དགག་བྱ་མེད་པ་གཅིག་ཀྱང་མིན་འདུག་པས་དེའི་རྒྱུ་མཚན་གང་ཐུག་ཡོད་དམ། ད་དུང་ཡང་འདི་ནང་ལ་བཙན་བྱོལ་བོད་མི་བཅའ་ཁྲིམས་དང་འགལ་པ་དང་མི་མཐུན་པ་འདུག་ སྲིད་སྐྱོང་གིས་བོད་མའི་བཅའ་ཁྲིམས་ལ་ཐོང་ཆུང་བྱས་པའམ་ཡང་ན་མ་ཤེས་པའི་དབང་གི་ཡིན་ཀྱི་མ་རེད། ང་ཡི་རེ་བ་ལ་སྲིད་སྐྱོང་གི་བོད་མའི་བཅའ་ཁྲིམས་དེ་གནས་འགག་ཆེན་པོའི་མགོ་ནས་སློབ་སྦྱོང་བྱེད་དགོས་ངེས་ཞིག་
སྒང་གི་མཆན་དག་ལ་ལྟ་ཀློག་ཅིག་བྱས་ཏེ་དོགས་པ་རྣམ་དོགས་མང་པོ་ཞིག་ཤོར་སོང་། ཤར་གླིང་བསྟན་འཛིན་ཟླ་སྒྲོན་ལགས་སུ་བཀའ་བློན་གྱི་འོས་ཆོས་ཚང་མེད་པ་དངོས་ཡོད་གནས་ཚུལ་རེད་འདུག མོ་རང་ད་ལྟ་རང་ལོ་ 33 རེད་འདུག བཙན་བྱོལ་བོད་མིའི་བཅའ་ཁྲིམས་ནང་རང་ལོ་ཧྲིལ་བོ་ 35 ལོན་དགོས་ཞེས་འཁོད་འདུག
ཟླ་སྒྲོན་ཤར་གླིང་གི་ལོ་རྒྱུས་འདི་ན་འདུག http://www.hercampus.com/school/u-mass-amherst/campus-celebrity-tenzin-dhardon-sharling
དྲ་གྲོགས་ནག་པོ་ཆེན་པོ་ལགས་ཀྱིས་གསུངས་པ་བདེན་པ་ཡིན་ཚེ། སྲིད་སྐྱོང་དང་ཤར་གླིང་བསྟན་འཛིན་ཟླ་སྒྲོན་གཉིས་ཀ་ཁྲིམས་འགལ་ཆགས་འདུག
བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་ནང་འདི་ལྟར་འཁོད་འདུག
དོན་ཚན་ཉེར་གཅིག་པ། སྲིད་སྐྱོང་དང༌། བཀའ་བློན་གྱི་འོས་ཆོས།
སྲིད་སྐྱོང་དང༌། བཀའ་བློན་གྱི་འོས་གཞིར་རུང་བའི་སྐྱེ་བོ་ནི།
༡ བོད་ཀྱི་ཡུལ་མི་ཡིན་པ།
༢ རང་ལོ་སོ་ལྔ་ཧྲིལ་པོར་ལོན་པ།
༣ ཁྲིམས་ཁང་ངམ། སྨན་པ་ཚད་ལྡན་གྱིས་རིག་འཚོ་མ་ཟིན་པར་གསལ་བསྒྲགས་བྱས་པ་མ་ཡིན་པ།
༤ བུ་ལོན་སྒྲུབ་འཇལ་མ་ཐུབ་པ་མ་ཡིན་པ།
༥ ཁྲིམས་ཁང་ནས་ནག་ཉེས་ཕོག་ཟིན་པ་མ་ཡིན་པ།
༦ སྤྱི་འཐུས་ལྷན་ཚོགས་ཀྱི་སྤྱི་འཐུས་རྩ་འབོར་གསུམ་ཆ་གཉིས་ཡན་གྱིས་མོས་མཐུན་གྱིས་སྲིད་སྐྱོང་ངམ་བཀའ་བློན་གྱི་འོས་གཞིར་མ་འོས་པར་ཐག་བཅད་པ་མ་ཡིན་པ།
༧ ཡུན་ཚད་གཉིས་བསྟུད་མར་སྲིད་སྐྱོང་ངམ་བཀའ་བློན་གྱི་ལས་འཁུར་བྱེད་བཞིན་པ་མ་ཡིན་པ།
༨ བཅའ་ཁྲིམས་དོན་ཚན་ ༢༩ པའི་ནང་གསེས་ ༣ པའི་ ཀ དང་ ༤ པ་ལྟར་སྲིད་སྐྱོང་ངམ་བཀའ་བློན་འཕོ་འགྱུར་བྱེད་དགོས་བྱུང་བ་མ་ཡིན་པ།
༩ བོད་མིའི་ཁེ་ཕན་ལ་གནོད་གཞིའི་རྒྱལ་ཁབ་གཞན་གྱི་ལས་དོན་དང༌། གོ་གནས། དངུལ་དངོས་ཀྱི་ཁེ་ཕན་ཡོད་རིགས་མ་ཡིན་པ་བཅས།
གནད་དོན་འདི་འབྲེལ་མཆན་འགོད་པ་དང་གྲོས་ཚོགས་ནང་བཀའ་བློན་འོས་གཞིར་དགག་པ་གནང་མཁན་རྣམས་ཀྱིས་བྱེད་སྟངས་འདི་ནི་རང་མདོག་ཕྱིར་སྟོན་པ་ཙམ་ལས་ཕན་ཐོག་གང་ཡང་བྱུང་མི་འདུག དེང་སྐབས་ཀྱི་མཆན་འགོད་པ་དག་གི་གནང་སྟངས་འདི་ནི་འགན་འཁུར་མེད་པའི་སྐོར་ལམ་གྱི་ཡིག་འཆར་ཁག་དང་མཚུངས་ཤིང་། བཀའ་བློན་འོས་མིའི་ལོ་རྷྱུས་སོགས་ནི་གྲོས་ཚོགས་སུ་སྙན་སྒྲོན་ནམ་མདུན་ཅོག་ཐོག་འགྲེམས་གཉིས་ཀའི་ལམ་སྲོལ་ཡོད་པ་ཞིག་ལས་སྲིད་སྐྱོང་མཆོག་གི་བྱས་ཉེས་ཞི་ག་ལ་ཡིན། གནད་དོན་འདི་དུས་བབ་གསར་ཤོག་ནང་མཐོང་སྐབས་གྲོས་ཚོགས་འགོ་འཛུགས་ཇི་ལྟར་གནང་དང་ཚོགས་གཙོ་དབུ་ནཞུགས་ཡོད་མེད་ཀྱང་མ་ངེས་པ་དང་། དཔལ་ལྡམ་བོད་མི་མང་སྤྱི་འཐུས་ཚོགས་གཙོ་མེད་བཞིན་དུ་དཔལ་ལྡན་སྲིད་སྐྱོང་མཆོག་གིས་སྙན་སྒྲོན་ཞུས་པ་ལྟབུ་མཐོང་།།
གནད་འགག་ 5 གྲོལ་བ།
༡༽ བཀའ་བློན་འོས་མི་ཤར་གླིང་བསྟན་འཛིན་ཟླ་སྒྲོན་ལགས་རང་ལོ་ ༣༤ ལས་སོན་མེད་པས་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར་བཀའ་བློན་གྱི་འོས་ཆོས་ཚང་མེད།
༢༽ བཀའ་བློན་འོས་མི་དངོས་གྲུབ་ཚེ་རིང་ལགས་སུ་བོད་ཀྱི་ཡུལ་མི་ཡིན་པའི་དཔྱ་ཁྲལ་ལག་དེབ་མེད་པས་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་ལྟར་བཀའ་བློན་གྱི་འོས་ཆོས་ཚང་མེད་པ་མ་ཟད། སྲིད་སྐྱོང་མཆོག་ཀྱང་ཁྲིམས་འགལ་ཆགས་ཡོད།
༣༽ སྲིད་སྐྱོང་མཆོག་གིས་ཐོག་མ་བཀའ་བློན་འོས་མི་དངོས་གྲུབ་ཚེ་རིང་ལགས་མཚན་འདོན་གནང་སྟེ་དགག་པ་བྱུང་རྗེས་རིམ་པ་བཞིན་འོས་ཤོག་འཕེན་དགོས་ཐུག་སོང་མ་གཏོགས། ནང་སྲིད་དྲུང་ཆེ་འཁོར་ལྷ་ཚང་ལ་སྤྱི་མོས་འཐོབ་རྒྱུར་རེ་བ་ཆེན་པོ་མཐོང་སོང་ཡང་། སྲིད་སྐྱོང་མཆོག་གི་གནང་སྟངས་དེའི་བཀའ་བློན་ཚོའི་ཆེ་མཐོང་ལ་གནོད་པ་བྱུང་སོང་།
༤༽ བཀའ་བློན་འོས་མི་དག་ལས་ཀརྨ་ཡེ་ཤེས་དང་ཆོས་སྐྱོང་དབང་ཕྱུག་གཉིས་སྤྱི་འཐུས་ཀྱང་མ་ཐོབ་པའི་མི་སྣ་གཉིས་ཆགས་ཡོད་པ་མ་ཟད། རང་བཙན་གྱི་ལགས་ཕྱོགས་འཛིན་མཁན་གཉིས་ཆགས་ཡོད་སྟབས། བཀའ་ཤག་སྐབས་བཅོ་ལྔ་པའི་བཀའ་བློན་ལྷན་ཚོགས་འདིས་༧གོང་ས་མཆོག་གི་དགོངས་གཞི་དང་བཙན་བྱོལ་བོད་གཞུང་གི་ལངས་ཕྱོགས་བརྟན་པོ་སྲུང་མི་ཐུབ།
༥༽ བཀའ་ཤག་སྐབས་སྔ་མ་རྣམ་པས་བཀའ་བློན་འོས་མི་ཚོའི་ལོ་རྒྱུས་གྲོས་ཚོགས་ནང་བཀྲམས་པའི་རྗེས་ལ་མང་མོས་སྤྱི་མོས་ལྟར་ཐག་གཅོད་གནང་གི་ཡོད་པ་དང་། ད་རེས་སྲིད་སྐྱོང་མཆོག་གིས་བཀའ་བློན་འོས་མི་དག་གི་མཚན་དང་ལོ་རྒྱུས་གསང་བ་བྱས་ཏེ་ལྐོག་ལྐོག་སིལ་སིལ་གྱིས་མཚོན་འདོན་གནང་བ་དེ་གྲོས་ཚོགས་ནང་དགག་བྱ་ཡོང་རྒྱུ་ཡིན་པ་ཤེས་བཞིན་དུ་འོས་མི་དེ་དག་འཁྲིད་ཡོང་བ་མཚོན་ཐུབ་པས་གྲོས་ཚོགས་ལ་འགན་འཁུར་མ་ཞུས་པ་མཚོན་ཡོད།
བདམས་ཐོན་བྱུང་བའི་བཀའ་བློན་ཁྲོད་ནས་ཤར་གླིང་ཟླ་སྒྲོན་དང་། ཀརྨ་ཡེ་ཤེས། འཕགས་པ་ཚེ་རིང་། ཆོས་སྐྱོང་དབང་ཕྱུག་བཅས་རྩ་ཉིད་ནས་འཚམ་པོ་མི་འདུག དེ་ལྟར་གནང་ན་གཤམ་འོག་གི་ལས་བྱེད་ལྷག་བསམ་ཅན་མང་པོ་ཞིག་སེམས་ཤུགས་ཆག་ཉེན་ཡོད། འོན་ཀྱང་ཡག་པོ་གནང་རྒྱུའི་རེ་བ་ཡོད།
བཀའ་བློན་རྣམས་པ་མཚམས་འདྲི་ཡོད། ལོ་ལྔ་ཡིས་ནང་ཕྱགས་ལས་ཕྱི་གསལ་ནང་གསལ་བྱེད་དགོས། ད་དུང་རྒྱལ་བ་བསྟན་འཛིན་རྒྱ་མཚོ་དགོང་པ་ལྟར་གནང་དགོས་པ་རེད། གྲོས་ཚོགས་ནང་ལ་ལན་འདེབས་གནང་སྐབས་གཡས་སྐོར་གཡོན་སྐོར་མེད་པར་ལན་གང་ཡིན་པ་དེ་རྒྱབ་དགོས་། ལོ་སྔོན་མའི་ནང་གི་བཀའ་བློན་གནང་བཞིན་མ་ཡོང་བའི་རེ་བ་ཞུ།
བཀའ་བློན་བདུན་པོ་དེ་སྤྲེའུ་ལ་མཁའ་མཉམ་རྒྱལ་པོ་ཞེས་མིང་དུ་བཏགས་ནས། ལྷ་ཡུལ་གྱི་ཤིང་ཏོག་ལྡུམ་རྭ་སྲུང་མཁན་དུ་བཀོད་པ་དང་གཅིག་པ་རེད། འཛུབ་མོ་གང་སྟོན་ཤར་རེད།
མང་ཚོགས་ཀྱིས་འོས་ཤོག་མ་བླུགས་པར་བརྟེན། མར་ཟག་སོང་བའི་སྤྱི་ཟུར་མི་ངན་ཐེབས་ཆགས་ཀརྨ་ཡེ་ཤེས་དེ་རིང་ནས་ང་ཚོའི་དཔོན་པོར་གྱུར་སོང་བ་རེད། ད་ནི་ང་ཚོ་གངས་ཅན་པའི་གནས་སྟངས་འདི་འདྲ་ཞིག་ལ་གྱུར་ཟིན་པ་ཚང་མས་ཤེས་དགོས་ངེས་རེད།
འདས་པའི་ལོ་ལྔ་ཨེ་འདྲ་ཨེ་འདྲ་བྱས་ནས་བུད་སོང་། དཱ་འབྱུང་འགྱུར་ལོ་ལྔའང་དེ་འདྲ་དེ་འདྲ་བྱེད་ནས་འགྲོ་ལོ་རེ་ཨ་ཁོ་རེ།
བཀའ་བློན་གསར་བ་རྣམས་དཔལ་ལྡན་སྲིད་སྐྱོང་མཆོག་གིས་བཀའ་བཀོད་གནང་ཆོག་ཆོག་ཤ་སྟག་རེད། ཡག་པོ་འདུག
གདམས་ཐོན་བྱུང་བའི་བཀའ་བློན་ཚང་མར་འཚམས་འདྲི་དང་གུས་བསུ་ཞུ་གི་ཡིན་ལ་བོད་བསྟན་སྲིད་ཀྱི་དོན་དུ་ལས་དོན་ལམ་ལྷོང་དང་ཕྱོགས་ལྷུང་མེད་པའི་སྨོན་འདུན་ཞུ་གི་ཡིན།